Post: #1
Title: مـــذيعاتنــا.....ودق الشلوفــــة
Author: سجيمان
Date: 11-03-2004, 01:14 PM
Parent: #0
وسط الهيصة بتاعت الفضائيات الملت السما والبيوت.... ما عندنا حل غير انو نكون متميزين.. عشان ننافس ونخلي الناس قاعدين يتفرجو فينا............ في قناتينا الفضائيتين... السودان والحسناء النيل الازرق... نحن عندنا سغافة متميزة...وما بتشبه أي سغافة تانية علي ضهر الواطا.....مفروض نستفيد من سغافتنا دي في عصر العولمة ونوظفها ونستثمرها..... لابد من التأصيل يا عاملات ناس الجبهة ... أي مادة نقدمها في التلفزيون تكون مأصلة ونابعة من بيئتنا وسغافتنا... اولك بالتبادي المذيعين والمذيعات كلهم يكونو مشلخين وكلو مذيع ولاّ مذيعة يختار الشلوخ البتنفع مع اللوك بتاعو.. تاني شي أي مذيعة معرّسه ومتموم حلوها.... يدقو ليها شلوفتها...واي مذيعة مرها وشلوفتا ما مدقوقة ما تعتب باب التلفزيون..... عشان المشاهدين بصورة عامة والكبكابة بصورة خاصة يميزو...وما ينط واحد ويقعد يتكسر في مذيعة معرسا و من ثم ياكل نيم......
اهم حاجة سودنة نشرة الاخبار....نشرة الاخبار عندنا زيها وزي أي نشرة في فضائية عربية مافي فرق.... وتحس بها مسيخة وما عندها طعم......يعني نشرة الاخبار تكون بي نضمنا العادي...ومافي زول حيلومنا ولاّ ليهو الحق......يعني اتخيلو مذيعة مشلخة و شلوفتا مدقوقة وتقرا نشرة الاخبار...... كدي:-
الشمارات من سلوى بت امحد زين
*طيارات امريكية تصقف الفلوجة ....من دغش الرحمن.... يا اخواني امريكا دي مافي زول يقول لها النضم دا اعوج؟....حقرت بالناس ديل حقرة اليابا والتابا...... اريت ربي يقصف عميرك هادي انتي.... يا المطلوقة وماكي ساعلة.....ونشوف التقرير دا من مراسلنا في العراق شمش الخور خليل شمش الخور....
"وين يا سلوى؟ وين يا فردة؟..... مرطبين سااااكت هناك......والله هنا جنس درش؟ درش شديد...... الاتلحسو 45....والمجرحين 123 والبقو رقاق.... وفكو البيرق 547..... شمش الخور خليل شمش الخور.. الفلوجة يا فردة"
*فياضانات وامطار تغمر بنغلاديش....جيييييييي يا يمة.. حليلو هو.....ديل كمان المطر ما شافت لها شغلة غيرهم....دااااك الليلة تراها جاتهم وسوت بهم جنس السوا دي.......قبلهم وحدهم وبراهم......
*احتراق عمارة في نص نيورك...وقالو سبب الحريقة سلك كهرباء.....والله غايتو جنس راحات.... هنيتهم يا يمة.... نحن لينا الله وعيشة السوق...... كهرباء تحرقنا سااااااكت ما ني لاقنها...ديمة قاطعة.... لكن الله كريم
*نزل المسبار الامريكي فوق سطح المريخ...... شوفتو جنس الكضب دا يا حباني؟......علا البيقدر يقول كدي منو لي امريكا؟...... الله يقدرنا خشمنا بس.......
*مات صباح الليلة......الرئيس الزامبي.. كلول كونا كلول.... حييييييييي يا يمه كُر.. الحي الله وحدو... عمرو سبعة وتلاتين سنة... صغير وجاهل........وحات الله البااااااارح القريبة دي شفتو نصيح وما عندو أي عوجة......." وهنا تقعد المذيعة تتنخج وتبكي وتتمخت بي طرف توبا زيادة وتاكيد للتأصيل"..........................
|
Post: #2
Title: Re: مـــذيعاتنــا.....ودق الشلوفــــة
Author: Raja
Date: 11-03-2004, 01:36 PM
Parent: #1
Quote: وين يا سلوى؟ وين يا فردة؟..... مرطبين سااااكت هناك......والله هنا جنس درش؟ درش شديد...... الاتلحسو 45....والمجرحين 123 والبقو رقاق.... وفكو البيرق 547..... شمش الخور خليل شمش الخور.. الفلوجة يا فردة"
|
Dearest Cegiman
Wellcome Back
|
Post: #3
Title: Re: مـــذيعاتنــا.....ودق الشلوفــــة
Author: حبيب نورة
Date: 11-03-2004, 02:47 PM
Parent: #2
لا حولااااااااااا
هن يدقّن الشلوفة
وانت تدق الجرسة!!
مش كدي؟؟
|
Post: #4
Title: Re: مـــذيعاتنــا.....ودق الشلوفــــة
Author: لقمان حسن همام
Date: 11-03-2004, 05:32 PM
Parent: #3
| Quote: وكلو مذيع ولاّ مذيعة يختار الشلوخ البتنفع مع اللوك بتاعو |
ياربي (مطارق) بتنفع معاي .. بس تكون ستايل باريسي !!
|
Post: #11
Title: Re: مـــذيعاتنــا.....ودق الشلوفــــة
Author: سجيمان
Date: 11-04-2004, 11:57 AM
Parent: #4
لقمان حسن همام
| Quote: ياربي (مطارق) بتنفع معاي .. بس تكون ستايل باريسي !! |
اذا كان انت لقمان البتجي في قناة العربية من واشنطون.....انت يشلخوك تي.....جاية فيك مجنونة جن
|
Post: #10
Title: Re: مـــذيعاتنــا.....ودق الشلوفــــة
Author: سجيمان
Date: 11-04-2004, 09:39 AM
Parent: #3
حبيب نورة
Quote: لا حولااااااااااا
هن يدقّن الشلوفة
وانت تدق الجرسة!!
مش كدي؟؟ |
يا اخوي انا ان دقو لهن وان ما دقو لهن....الجرسة داقاني
|
Post: #5
Title: Re: مـــذيعاتنــا.....ودق الشلوفــــة
Author: سجيمان
Date: 11-04-2004, 04:44 AM
Parent: #2
رجاء
الله يسلمك يا رجوية
|
Post: #6
Title: Re: مـــذيعاتنــا.....ودق الشلوفــــة
Author: Esameldin Abdelrahman
Date: 11-04-2004, 04:53 AM
Parent: #5
الاخ سجيمان
| Quote: يدقو ليها شلوفتها...واي مذيعة مرها وشلوفتا ما مدقوقة ما تعتب باب التلفزيون |
ياخي نحنا شعب متأصلة فينا ثقافة الدق ، كدي عليك الله شوف : دق المعارضين ، دق العيش ، دق القمح ، دق الشلوفة ، دق الريحة ، ...... دق الشنو ما عارف ،
في اصالة اكتر من كده
|
Post: #13
Title: Re: مـــذيعاتنــا.....ودق الشلوفــــة
Author: سجيمان
Date: 11-05-2004, 02:39 AM
Parent: #6
عصام الدين عبد الرحمن
Quote: دق الشنو ما عارف ،
|
اه..دي اكتر حاجة
|
Post: #7
Title: Re: مـــذيعاتنــا.....ودق الشلوفــــة
Author: saif massad ali
Date: 11-04-2004, 05:01 AM
Parent: #5
| Quote: اهم حاجة سودنة نشرة الاخبار....نشرة الاخبار عندنا زيها وزي أي نشرة في فضائية عربية مافي فرق.... وتحس بها مسيخة وما عندها طعم......يعني نشرة الاخبار تكون بي نضمنا العادي...ومافي زول حيلومنا ولاّ ليهو الحق......يعني اتخيلو مذيعة مشلخة و شلوفتا مدقوقة وتقرا |
|
Post: #8
Title: Re: مـــذيعاتنــا.....ودق الشلوفــــة
Author: ناجى الزبير الملك
Date: 11-04-2004, 06:41 AM
Parent: #7
Quote: واي مذيعة مرها وشلوفتا ما مدقوقة ما تعتب باب التلفزيون..... عشان المشاهدين بصورة عامة والكبكابة بصورة خاصة يميزو...وما ينط واحد ويقعد يتكسر في مذيعة معرسا و من ثم ياكل نيم......
|
انا عندى شروط
اول تبادى ......يبدوا بنسرين سوركتى ....
تانى ...حاجة ...يشلوخها ....كاروهات .... 
....
تالت حاجة يمسكوك قسم التطوير فى التلفزيون ....رايك شنو
|
Post: #17
Title: Re: مـــذيعاتنــا.....ودق الشلوفــــة
Author: سجيمان
Date: 11-05-2004, 09:36 AM
Parent: #8
ناجي الزبير الملك
Quote: انا عندى شروط
اول تبادى ......يبدوا بنسرين سوركتى |
لو شلخوها..ولاّ ....خلوها...برضو سمحة
|
Post: #16
Title: Re: مـــذيعاتنــا.....ودق الشلوفــــة
Author: سجيمان
Date: 11-05-2004, 06:14 AM
Parent: #7
سيف مساعد
اوعي يكون المراسل دا انت؟
|
Post: #9
Title: Re: مـــذيعاتنــا.....ودق الشلوفــــة
Author: محمد الامين احمد
Date: 11-04-2004, 07:06 AM
Parent: #1
Quote:
عشان المشاهدين بصورة عامة والكبكابة بصورة خاصة يميزو...وما ينط واحد ويقعد يتكسر في مذيعة معرسا و من ثم ياكل نيم
|
د.سجيمان انت ما كنت عارف انو (فلانه) متزوجة و لا شنو!!
|
Post: #18
Title: Re: مـــذيعاتنــا.....ودق الشلوفــــة
Author: سجيمان
Date: 11-05-2004, 01:34 PM
Parent: #9
محمد الامين احمد
| Quote: د.سجيمان انت ما كنت عارف انو (فلانه) متزوجة و لا شنو!! |
عرفت...داك الليلة
|
Post: #12
Title: Re: مـــذيعاتنــا.....ودق الشلوفــــة
Author: على بطه
Date: 11-04-2004, 12:04 PM
Parent: #1
سجيمان
دي زي بالغت فيها شوية وكدة
|
Post: #19
Title: Re: مـــذيعاتنــا.....ودق الشلوفــــة
Author: سجيمان
Date: 11-05-2004, 07:02 PM
Parent: #12
علي بطة
| Quote: دي زي بالغت فيها شوية وكدة |
شنو الضنم النص نص دا؟.... يا اما بالغت....او....ما بالغت
|
Post: #14
Title: Re: مـــذيعاتنــا.....ودق الشلوفــــة
Author: alfatih
Date: 11-05-2004, 02:54 AM
Parent: #1
سجيمان
ازيك وكتر خيرك
يعنى ممكن تقول
فاز المطرب العالمى مايكل جاكسون رزق الله بجائزة الدلوكة الذهبية
كتر خيرك يا فردة من واشنطن لمثل هذه الشمارات
بعدين انا حكاية الدق دى بتعمل لى كاروشة
|
Post: #15
Title: Re: مـــذيعاتنــا.....ودق الشلوفــــة
Author: bayan
Date: 11-05-2004, 04:05 AM
Parent: #14
من فاطنة بت اللمين سلايق
طقش اضانا صباح الدغش انو وزير الخارجية الضكران هيع وهيع قال لامريكا عديل كدا لمى جدادك الفى سفارتك فى الخرتوم لو ما فتحتى حساب لسفارتنا
وبديك شهر بس ما غيرو..يا تفتحو يا تشتتو..
سجيمان و يا (حبذدا) لو لبسن رحط كمان يعنى تاصيل اصيل
والمعرسات يلبسن فركة...عشان يتفرزن والكسير يتوجه فى مكانه الصحيح
والاكسسورات يكونن تيلة و زمام و عكش و وشف .. كمان لازم يلبسن (حوجاب) عشان العين وكدا
|
Post: #21
Title: Re: مـــذيعاتنــا.....ودق الشلوفــــة
Author: سجيمان
Date: 11-06-2004, 09:55 AM
Parent: #15
بيان
| Quote: كمان لازم يلبسن (حوجاب) عشان العين وكدا |
لا لا في دي انا ما معاكي
يقومو يفتكروها احزمة ناسفة ....وامريكا ما بتصدق وتجينا طايرة
ما شفتي احزمة المتمردين الزغاوة.... مائة تلاتة واربعين حجاب....عد يدي
|
Post: #20
Title: Re: مـــذيعاتنــا.....ودق الشلوفــــة
Author: سجيمان
Date: 11-06-2004, 05:53 AM
Parent: #14
alfatih
| Quote: بعدين انا حكاية الدق دى بتعمل لى كاروشة |
دي حساسية قطع شك..........يا ربي من شنو؟؟؟
|
Post: #22
Title: Re: مـــذيعاتنــا.....ودق الشلوفــــة
Author: almulaomar
Date: 11-07-2004, 06:22 AM
Parent: #1
سجيمان
أيها الرجل المسكون إبداعاً وإمتاعاً وجرسة
يأ اخي هذا البوست لا يصلح قبل صلاة المغرب في شهر رمضان المصادف لشهر تشرين الثاني ولكن إتورطنا كما تورط الذين من قبلنا الأمر الذي أستوجب علي هدى ودم من فصيلة AB+ أو فك رقبه وأنا رقبتي ما قادر أفكها من الكرفته.
بخصوص مشروع السودانة المقترح للتلفزيون السوداني أعترض وأمتعض بشدة من هذا الرأي فإن جميع القنوات الفضائية في المنطقة تتنافس وبشدة على جذب المشاهد من أمثالكم وأمثالي بالطله ونحن يا سجيمان يا أخوي طلتنا يا دوب فايته الـ pass بي شويه تقوم تزيدها شلوخ ودق شلوفه كمان وهي ما ناقصه
|
Post: #23
Title: Re: مـــذيعاتنــا.....ودق الشلوفــــة
Author: سجيمان
Date: 11-07-2004, 09:19 AM
Parent: #22
الملا عمر
| Quote: القنوات الفضائية في المنطقة تتنافس وبشدة على جذب المشاهد من أمثالكم وأمثالي بالطله |
نحن لازم نعمل كدا...عشان يعرفو يا عاملات الطيب عبد الله
لنا ماضي
وحاضر
وغدُ
|
|