سمــح الرقيــص....فوق نـواب الرئيـس

سمــح الرقيــص....فوق نـواب الرئيـس


10-07-2005, 03:42 AM


  » http://sudaneseonline.com/cgi-bin/sdb/2bb.cgi?seq=msg&board=61&msg=1135879693&rn=0


Post: #1
Title: سمــح الرقيــص....فوق نـواب الرئيـس
Author: سجيمان
Date: 10-07-2005, 03:42 AM

غايتو يوم وقعتو على الدستور..ووقفتو حلفتو.....ورقصتو.... انا براي رقصت.. منعاميني فرحان لوقف الحرب.... قلت نرقص معاهم ونعرض وبعد داك الزارعا الله في الحجر تقوم..... رقيص البشير وعلى شايفو.... علا مناي في الدنيا دي اشوف رقيص قرنق.....والبارح احمد الله ربنا حقق لي منيتي....قرنق رقص شوية... وبعد شوية قبل على الفرقة القاعدة تغني.. واشتغل لهم مايسترو.... خذلني والله....لكن مافي عوجة الاايام جاية وحيتعلم يرقص......كوفي عنان والله اتاريهو ما عندو عوجة.. رقاااااااص....وزيناوي ياهم هم اسياد الرقيص .....علا موسيفيني اشتر.... الدلوكة في جهة ورقيصو في جهة تانية.....عمرو موسى التغا العليهو شنو؟.. مالو ما قام رقص..حسي دي كان مناسبة في الكويت كان رقص......والله نحن الما بيرقص لنا في دستورنا وحليفتنا دي... تاني البكا ما بدخلنا عليهو....ناس كتااااار ما رقصو.. وانا مسجلهم وكاتب اساميهم وكراع البقر جيابه هم قايلن نحن برانا البي ندستر؟ باكر دي يجيهم دستور واليشوفو زول مننا وقف في الدارة ورقص......وكدي نشوف رئيسنا ولاّ واحد من نوابو يمشي يرقص عندهم تبقى حليفتهم دي وقعت البحر...اصلها قونداليزا رايس اتلومت لوم الحجار والجبال.....قالو جاية وانا قلت والله تجي وتجاملنا وترقص معانا...ما تمرق مننا بلا راجل....اقرب راجل نخليهو يجدع لو فوقها حبل....وتبقى ماعون ونحن غتيناهو....وقت الامريكان متلومين اللوم دا و ما دايرين يغتو مواعينهم.....مرا زي دي زي الصيدة..ما اتلقى راجل منهم اخدا.. الله يخربكم يا المافيكم فايدة.....
سوعال محيرني..... الزول الاكان نائب الرئيس داك مشى وين؟...والله زول عديل عدلة شديدة خلاس...وطيبة طيبة شديدة.....خشمو وعندو... النهار كلو شايل مقصو ويقطع في الشرايط ويضحك...والناس يصفقو لو...الزول دا كان شغال ترزي؟........ يا ربي كانو بيدوهو ماهية قدر شنو؟؟؟؟....غايتو ان بقت اقل من مية الف... يبقو اتلومو فيهو....

Post: #2
Title: Re: سمــح الرقيــص....فوق نـواب الرئيـس
Author: مريم بنت الحسين
Date: 10-07-2005, 03:48 AM
Parent: #1

ايوه كده يا دكتور...

Post: #11
Title: Re: سمــح الرقيــص....فوق نـواب الرئيـس
Author: سجيمان
Date: 10-07-2005, 09:45 AM
Parent: #2


مريم بنت الحسين
ازيك
Quote: ايوه كده يا دكتور...


طيب ....انا كدة...انتو كيف؟

Post: #15
Title: Re: سمــح الرقيــص....فوق نـواب الرئيـس
Author: Munir
Date: 10-07-2005, 05:39 PM
Parent: #11

Quote: اصلها قونداليزا رايس اتلومت لوم الحجار والجبال.....

يعني كونداليزا دي اتلومت مرتين ـ المرة الاولي ما جاتنا في فراش دارفور ـ واسع ابت تجينا في عرس السلام ! ـ ايوااا ـ مستعرة مننا يعني واللا دي حقارة؟ !!

Post: #24
Title: Re: سمــح الرقيــص....فوق نـواب الرئيـس
Author: سجيمان
Date: 12-07-2005, 09:30 AM
Parent: #15


منير
Quote: ـ مستعرة مننا يعني واللا دي حقارة؟ !!


حقارة.. خقارة راسا عديل كدا

Post: #3
Title: Re: سمــح الرقيــص....فوق نـواب الرئيـس
Author: هشام مدنى
Date: 10-07-2005, 03:51 AM
Parent: #1

د.سجيمان
جميل الاحتفال والرقص والطرب والدستور الجديد وعودة الجميع للوطن
لكن ماذا بعد الانتهاء من كل هذه الاحتفالات؟؟؟؟؟؟؟؟؟؟؟؟؟؟

Post: #6
Title: Re: سمــح الرقيــص....فوق نـواب الرئيـس
Author: ابو جهينة
Date: 10-07-2005, 03:57 AM
Parent: #3

سي جي

Quote: سوعال محيرني..... الزول الاكان نائب الرئيس داك مشى وين؟...والله زول عديل عدلة شديدة خلاس...وطيبة طيبة شديدة.....خشمو وعندو... النهار كلو شايل مقصو ويقطع في الشرايط ويضحك...والناس يصفقو لو...الزول دا كان شغال ترزي؟........ يا ربي كانو بيدوهو ماهية قدر شنو؟؟؟؟....غايتو ان بقت اقل من مية الف... يبقو اتلومو فيهو....


و الحق يقال يا د. عادل
موسس مشار .. رجل ذو خلق و أدب و محترم و من الرجال الذين يعتمد عليهم.
أتمنى أن يجد منصبا يليق بعلمه و مقدرته و صبره ..

Post: #20
Title: Re: سمــح الرقيــص....فوق نـواب الرئيـس
Author: سجيمان
Date: 11-07-2005, 04:20 AM
Parent: #6


الحبيب

ابو جهينة
Quote: موسس مشار .. رجل ذو خلق و أدب و محترم و من الرجال الذين يعتمد عليهم.


ايوا..انا قلت راجل طيب وعديل.. وحبوب.. بالرغم من انني لا اعرفه معرفة شخصية معرفة شوف تفلزيون

Post: #17
Title: Re: سمــح الرقيــص....فوق نـواب الرئيـس
Author: سجيمان
Date: 10-07-2005, 11:40 PM
Parent: #3


العزيز

هشام مدني
Quote: جميل الاحتفال والرقص والطرب والدستور الجديد وعودة الجميع للوطن
لكن ماذا بعد الانتهاء من كل هذه الاحتفالات؟؟؟؟؟؟؟؟؟؟؟؟؟؟


قلنا الزارعا الله في الحجر تقوم........وبعدين يا اخي الحرب وقت وقفت دي برضو خطوة عديلة

Post: #39
Title: Re: سمــح الرقيــص....فوق نـواب الرئيـس
Author: هشام مدنى
Date: 25-10-2005, 01:44 PM
Parent: #17

Quote: وبعدين يا اخي الحرب وقت وقفت دي برضو خطوة عديلة

والله يادكتور شكلها ما عديلة وقفت واحد والتانية مولعة البوقفا شنو دى؟
ربنا يستر
مع تحياتى

Post: #40
Title: Re: سمــح الرقيــص....فوق نـواب الرئيـس
Author: سجيمان
Date: 26-10-2005, 02:44 AM
Parent: #39


هشام مدني
Quote: شكلها ما عديلة وقفت واحد والتانية مولعة البوقفا شنو دى؟


ان صفت النية................ بتقيف

Post: #4
Title: Re: سمــح الرقيــص....فوق نـواب الرئيـس
Author: بت العرب
Date: 10-07-2005, 03:53 AM
Parent: #1

سي جي ......... راااااااااااااااااااااجل

أولاً بالتبادي كيفنك - ويطيب عملك

أكان لي الفرح كلنا فرحانين
وكان للرقيص ... الما بعرف تب .... يتلولح ساي -- وهو الرقيص شنو غير لوليح جسوم (صاح ؟)

وقرنق أمانة ما قدل وعرض قدلة تمام

وقال بخشمو (الجبتو بالمفاوضات ما بجيبو بي 50 سنة حرب)

وإنشاء الله يغتي البلد

ويفرحنا

والنائِب موسيس مشار بروفيسور حافظ أدبو وعلمو
وبكانو في الجامعات محجوووووووووووووووووووووووز
وكان سادي فرقة كبيرة

Post: #21
Title: Re: سمــح الرقيــص....فوق نـواب الرئيـس
Author: سجيمان
Date: 11-07-2005, 06:19 AM
Parent: #4


بت العرب
Quote: والنائِب موسيس مشار بروفيسور حافظ أدبو وعلمو
وبكانو في الجامعات محجوووووووووووووووووووووووز
وكان سادي فرقة كبيرة


قرنق دا دحين ماكان استاذ في الجامعة؟...... غايتو انا سمعت الطقة دي

مشار والله راجل ممتاز باين عليهو

Post: #34
Title: Re: سمــح الرقيــص....فوق نـواب الرئيـس
Author: سجيمان
Date: 14-07-2005, 12:19 PM
Parent: #21

*

Post: #5
Title: Re: سمــح الرقيــص....فوق نـواب الرئيـس
Author: فضيلي جماع
Date: 10-07-2005, 03:55 AM
Parent: #1

الدكتور سجيمان

ضحكت والله حتى سالت دموعي..وبعدين واضح إنو البنية الإسمها كونداليزا رايس دي كاسرة فيك ضلع. آخر البوست بتاعك سبت رقيص نواب الرئيس وكوفي عنان وموسفيني الأشتر وبقيت تتحسر على عدم جية البنية من أمريكا. خت الرحمن في قلبك يا دكتور ‘ والإحتفالات كتير جاية..وياما حديقة القصر تتملي بنات سمحات ورقاصات!

إلا بس النسعلك:هيلدا جونسون بنية النرويج دي امبارح مالها ما رقصت مع الجماعة؟

Post: #7
Title: Re: سمــح الرقيــص....فوق نـواب الرئيـس
Author: نادية عثمان
Date: 10-07-2005, 04:07 AM
Parent: #5

سى جى اللذييييييييييييييييييييييييذ


والله لو ماامتحانات السجم ووجود ابوى معاى فى القاهرة كان مشيت غنيت ورقصت وابتهجت بالسلام البقى حقيقة جد جد ..

ايه رايك نعمل حفلة كبورداب ونرقص للصباح ؟؟

السلام مو هين ياولدنا وانشاء الله ربنا يحفظ بلدنا ويغتى عليها يارب ..

Post: #25
Title: Re: سمــح الرقيــص....فوق نـواب الرئيـس
Author: سجيمان
Date: 12-07-2005, 11:40 AM
Parent: #7



ندوية الشرط

Quote: ايه رايك نعمل حفلة كبورداب ونرقص للصباح ؟؟


انا غايتو عندي وجع ضهر...ما بقدر ارقص....علا قاعد

Post: #22
Title: Re: سمــح الرقيــص....فوق نـواب الرئيـس
Author: سجيمان
Date: 11-07-2005, 01:22 PM
Parent: #5



استاذي فضيلي جماع


Quote: إلا بس النسعلك:هيلدا جونسون بنية النرويج دي امبارح مالها ما رقصت مع الجماعة؟


والله يا اخي ..دي برضو متلومة... لكن برضو بارك الله فيها الحضرت كبيرتنا

Post: #8
Title: Re: سمــح الرقيــص....فوق نـواب الرئيـس
Author: حمزاوي
Date: 10-07-2005, 04:13 AM
Parent: #1

ارقص زيد الساحة سماحة
يا سجيمان يا ود عم بله

بله لي بت الذين . . قونداليزا رايس


الذين جابوا الصخر بالواد

Post: #26
Title: Re: سمــح الرقيــص....فوق نـواب الرئيـس
Author: سجيمان
Date: 12-07-2005, 12:48 PM
Parent: #8


حمزاوي
Quote: بله لي بت الذين . . قونداليزا رايس


قولها اصبري....... كراع البقر جيابا

Post: #9
Title: Re: سمــح الرقيــص....فوق نـواب الرئيـس
Author: سامى عبد الوهاب مكى
Date: 10-07-2005, 04:25 AM
Parent: #1

و الحق يقال يا د. عادل
موسس مشار .. رجل ذو خلق و أدب و محترم و من الرجال الذين يعتمد عليهم.
أتمنى أن يجد منصبا يليق بعلمه و مقدرته و صبره ..


دائماً تكتب من قلبك وعقلك.

Post: #27
Title: Re: سمــح الرقيــص....فوق نـواب الرئيـس
Author: سجيمان
Date: 12-07-2005, 04:53 PM
Parent: #9



سامي عبد الوهاب
Quote: أتمنى أن يجد منصبا يليق بعلمه و مقدرته و صبره ..


انا برضو............

Post: #10
Title: Re: سمــح الرقيــص....فوق نـواب الرئيـس
Author: almohndis
Date: 10-07-2005, 04:26 AM
Parent: #1

دايرين صـــــــــــــــــــوره

Post: #28
Title: Re: سمــح الرقيــص....فوق نـواب الرئيـس
Author: سجيمان
Date: 13-07-2005, 02:50 AM
Parent: #10


المهندس
Quote: دايرين صـــــــــــــــــــوره


الصورة دايرنها منك انت يا دفعة

Post: #12
Title: Re: سمــح الرقيــص....فوق نـواب الرئيـس
Author: بلدى يا حبوب
Date: 10-07-2005, 01:01 PM
Parent: #1

سيجمان

بس يا زول انا محيرنى رقيص على عثمان طه الزول حتاه حت


مبروك للجميع مولد الدستور وانشاء الله يربى فى عزنا


نادية
انا اسمى مكتوب
Quote: ايه رايك نعمل حفلة كبورداب ونرقص للصباح ؟؟




تحياتى

Post: #13
Title: Re: سمــح الرقيــص....فوق نـواب الرئيـس
Author: نادية عثمان
Date: 10-07-2005, 01:54 PM
Parent: #12

بلدى ياحبوب

Quote: نادية
انا اسمى مكتوب


ده كلامك ؟

اول الاسماء طبعا

يلا عليك الله انزل لينا باغنية حلوة كده خلينا نتجدع فرحانيين بالسلاااااااااام..

Post: #29
Title: Re: سمــح الرقيــص....فوق نـواب الرئيـس
Author: سجيمان
Date: 13-07-2005, 04:12 AM
Parent: #12


بلدي يا حبوب
Quote: مبروك للجميع مولد الدستور وانشاء الله يربى فى عزنا


آمين... لكن البارح دي سمعنا عندو حصبة

Post: #35
Title: Re: سمــح الرقيــص....فوق نـواب الرئيـس
Author: سجيمان
Date: 14-07-2005, 09:24 PM
Parent: #12

*

Post: #14
Title: Re: سمــح الرقيــص....فوق نـواب الرئيـس
Author: مصدق مصطفى حسين
Date: 10-07-2005, 02:03 PM
Parent: #1

Quote: وزيناوي ياهم هم اسياد الرقيص




Post: #16
Title: Re: سمــح الرقيــص....فوق نـواب الرئيـس
Author: salah elamin
Date: 10-07-2005, 10:04 PM
Parent: #14

جون قرنق وكوفي انان وموسفيني
كانوا رقاصين عديل كده

لكن على عثمان كان اشتر .

وشايف البشير ما رقص في اليوم
داك .
احتمال تكون اغنية ياي بلدنا وكلنا اخوان
ما عجبتوا
واظنه كان نفسوا يرقص على انغام اغنية (لن نذل ولن نهان ولن نطيع الامريكان ).

Post: #32
Title: Re: سمــح الرقيــص....فوق نـواب الرئيـس
Author: سجيمان
Date: 13-07-2005, 11:53 AM
Parent: #16


صلاح الامين
Quote: لكن على عثمان كان اشتر .


والله دي كجنة راسا عدسل كدي......

Post: #31
Title: Re: سمــح الرقيــص....فوق نـواب الرئيـس
Author: سجيمان
Date: 13-07-2005, 06:32 AM
Parent: #14



مصدق ........

ابتساماتك عزيزة......

Post: #18
Title: Re: سمــح الرقيــص....فوق نـواب الرئيـس
Author: nashaat elemam
Date: 11-07-2005, 00:18 AM
Parent: #1

في حضرة من أهوى
عبثت بي الأشواق
حدقت بلا وجه.. ورقصت بلا ساق

وهل يرقصون لنا؟؟ أم يرقصون وهم يتجرعون نخب جلوسهم علينا ؟؟
ام تراهم يرقصون (علينا) ؟؟
سجيمان.. وهل نجيد نحن غير الرقص من الألم؟؟ من آلامنا وأوجاعنا.. وجوعنا الأبدي لأن نكون كما نود؟؟!

Post: #33
Title: Re: سمــح الرقيــص....فوق نـواب الرئيـس
Author: سجيمان
Date: 14-07-2005, 07:56 AM
Parent: #18


تشأت الامين
Quote: وهل يرقصون لنا؟؟ أم يرقصون وهم يتجرعون نخب جلوسهم علينا ؟؟
ام تراهم يرقصون (علينا) ؟؟
سجيمان.. وهل نجيد نحن غير الرقص من الألم؟؟ من آلامنا وأوجاعنا.. وجوعنا الأبدي لأن نكون كما نود؟؟!


ربك يهون كل شي.....وقريب املنا يتحقق..وليداتنا يعشو في سلام....نحن اصلو قنعنا منها

Post: #19
Title: Re: سمــح الرقيــص....فوق نـواب الرئيـس
Author: أحمد الشايقي
Date: 11-07-2005, 00:27 AM
Parent: #1

د سي جي

Quote: ناس كتااااار ما رقصو.. وانا مسجلهم وكاتب اساميهم وكراع البقر جيابه هم قايلن نحن برانا البي ندستر؟ باكر دي يجيهم دستور واليشوفو زول مننا وقف في الدارة ورقص


كلامك دا حق وحقيقة وكان السودانيين بقوا زيك كدي , يا دابنا بناخد حقوقنا وزي ما بقولوا النجديين , تاخد حق وتدي حــق.


Quote: وكدي نشوف رئيسنا ولاّ واحد من نوابو يمشي يرقص عندهم تبقى حليفتهم دي وقعت البحر


والله يازول , أنا مقتنع قرنق ما بسويها لكن باقي الجماعة ديل ما تعتمد عليهم

Quote: اصلها قونداليزا رايس اتلومت لوم الحجار والجبال.....قالو جاية وانا قلت والله تجي وتجاملنا وترقص معانا...


والله اتلومــت


Quote: ...ما تمرق مننا بلا راجل....اقرب راجل نخليهو يجدع لو فوقها حبل....وتبقى ماعون ونحن غتيناهو....وقت الامريكان متلومين اللوم دا و ما دايرين يغتو


الامريكان فالحين في شنو غير ركوب الفورد واكل البيرقر, أكان جات كان تلقالا راجل (أب فهـقــة) , بس ما ديرين نجيب اسمــه , تقوم (مرتــو) تزعل علينا.

Post: #23
Title: Re: سمــح الرقيــص....فوق نـواب الرئيـس
Author: Elsamani A.Malik
Date: 11-07-2005, 01:52 PM
Parent: #19

سجيمان:
أبشر يازول والله مابتقصر ومعزوم عندنا يوم تشكيل الحكومة الإنتقالية حفلة للصباح أها أوعك تغيب...

Post: #37
Title: Re: سمــح الرقيــص....فوق نـواب الرئيـس
Author: سجيمان
Date: 16-07-2005, 10:42 AM
Parent: #23


السماني.ا.مالك
Quote: أبشر يازول والله مابتقصر ومعزوم عندنا يوم تشكيل الحكومة الإنتقالية حفلة للصباح أها أوعك تغيب


والله يا ريت... يا ريت....... ما تتحيل انا فرحان كيف بالسلام دا

Post: #36
Title: Re: سمــح الرقيــص....فوق نـواب الرئيـس
Author: سجيمان
Date: 15-07-2005, 10:31 AM
Parent: #19


احمد الشايقي
Quote: الامريكان فالحين في شنو غير ركوب الفورد واكل البيرقر, أكان جات كان تلقالا راجل (أب فهـقــة) , بس ما ديرين نجيب اسمــه , تقوم (مرتــو) تزعل علينا.

بركة الما جبت اسمو.......لكن والله كانت طورية ولقت عودا

Post: #30
Title: Re: سمــح الرقيــص....فوق نـواب الرئيـس
Author: Manal Mohamed Ali
Date: 13-07-2005, 05:06 AM
Parent: #1

ياسجيمان الله يديك العافية كل ما اقرا موضوعاتك اضحك والخواجة المعاي في المكتب يعاين لي وبسره يقول الجن بداوى .
منال. المانيا

Post: #38
Title: Re: سمــح الرقيــص....فوق نـواب الرئيـس
Author: سجيمان
Date: 16-07-2005, 10:33 PM
Parent: #30


منال محمد علي
Quote: ياسجيمان الله يديك العافية كل ما اقرا موضوعاتك اضحك والخواجة المعاي في المكتب يعاين لي وبسره يقول الجن بداوى


ويديك العافية يا منال

وانشاء الله دائمًا ضاحكة