كونــداليزا رايـس....و..التحـرش الجنســي

كونــداليزا رايـس....و..التحـرش الجنســي


07-21-2005, 04:32 PM


  » http://sudaneseonline.com/cgi-bin/sdb/2bb.cgi?seq=msg&board=61&msg=1135879665&rn=19


Post: #1
Title: كونــداليزا رايـس....و..التحـرش الجنســي
Author: سجيمان
Date: 07-21-2005, 04:32 PM
Parent: #0

الخايف منو بقى...... خايق تقوم تجينا عند اهلنا ونتلوم فيها....كوندى..... جاتنا وبارك الله فيها من جات لمن رجعت لابسه بنطلونا ومغتيه كرعياتا السمحات ديك.....احترمتنا والله وما قصرت.......في سودانيزونلاين ناس تحرير السودان قالو....وهي داخله علي البشير ناس الامني اتحرشو بالمرافقين ليها جنسيًا.... شفتو الدايرة تبقى علينا؟......غايتو ان بقى النضم دا صُح....... وا قومنا البلا نعلات.... وا شقوتنا......و ..وا سجمنا وا رمادنا....والنصيبة يبقو اتحرشو بيها هي براها في رقبتا....يتحرشو كيفن بي مرا زي دي...... زي دي ان بقى عندها كديسة وجات معاها وواخد من ضكور كدايسنا اتحرش بيها......القيامة تقوم.........
كونداليزا رايس.... وزيرة خاجية امريكا يا ناس الامني تتحرشو بي رفاقتا جنسيًا؟........ انتو جنيتو؟....ولقيتو من وين الشداعة... التخليكم تتحرشو.......دي دحين الواحد لو بالع لو رطلين اللات فياقرا بيقدر يتحرش بها ولا بي زول ماشي بي جنبها؟.......غايتو ان بقيتو سويتو كدي .. تبقو دايرين تجيبوها لينا ضقلها يكركب......
انا دا غايتو خاسة نفسي......ان كونداليزا دي جات في التفلزيون..... البس جلابيتي.. واتلملم.. واتغتغت.... خايف نهارة باكر يقولو لي انت قاعد قدامها كدي..عندك فهمن اخر.. وداير تتحرش بها جنسيًا.....لكن انا بديهم فرصة زي دي؟..... قادر الله.... حتى العمة الفها فوق راسي......والبس سروالين وبنطلون تحت الجلابية.......الدنيا مو معروفة ان وقع قدرًا من الله......... ابقى في سين وجيم.....
.انا عارف ناسنا وعارف كيفن بيتحرشو جنسيًا....تحرش نوع العوير...ومدوعل...... شوف عيني في زحمة المواصلات الزول بس يتحرش بالجنبو لا بيفرز ضكر ولا بيفرز انتاية...........وحات الله ما يشوفو ليهم زحمة في حتة..... وفيها نسوان ... تلقى الراجل بلا خجلة اتلصق فيها.. وان نضمت معاهو قلت لو يا زول زح ورا شوية.. يسوي نفسو ما شايفك وقاعد يعاين من الشباك.....حتى لو كانت الزحمة في الصقيعة......ولو المرا سعلتو.. ينهرا ويقول لها امشي وين يعني؟..... انزل في الواطا دي.......وهو يكون في الصقيعة.......
غايتو يا كوندى انا شاحد الله يبقو ناس تحرير السودان ديل كضابين....... لكن ان بقى صُح ....... امسحيها لينا في وشينا.....ولومك علي الناس الاتحرشو ديل....قليلين الادب .....نسوي لهم.زي ما الزول القطع نصيبتو في الجامع داك.....ونرسل لكم النصايب ... بالدي اتش ال.... للبيت الابيض.... عشان تتوكدو.....لكن عليكم الله بعد ما تتوكدو رجعوهم لينا عشان ندفنا... هنا...في السودان..........

الله يكفينا شر الما نقدرا.........ويكضب الشينة

ويا ناس تحرير السودان ان بقيتو كضابين... تبقو اتلومتو فينا.....لوم ضكر

Post: #2
Title: Re: كونــداليزا رايـس....و..التحـرش الجنســي
Author: سجيمان
Date: 07-21-2005, 05:35 PM
Parent: #1



الحمد لله

ناس الحركة نفو النضم دا ونكروهو.. وبلعو السيف متني

لكن النضم البي يشتت في الاننترنت دا... تاني لامانو قاااااااسي وصعب......

بيان التحرش كاتبو محجوب جسين
وبيان النكر برضو كاتبو محجوب حسين

انتو النكر دا شنو القايمين فيهو الناس الايام دي؟....... والله عـِجبة

غايتو الله يقدرنا خشمنا

Post: #5
Title: Re: كونــداليزا رايـس....و..التحـرش الجنســي
Author: سجيمان
Date: 07-22-2005, 07:49 PM
Parent: #2



قالو زول واحد ودفروهو............

يا ربي الدفر دا بيعتبر تحرش جنسي؟.........غايتو كان بقى تحرش.... السودان ما بيمرق منو زول

Post: #8
Title: Re: كونــداليزا رايـس....و..التحـرش الجنســي
Author: سجيمان
Date: 07-23-2005, 08:01 PM
Parent: #5

*

Post: #33
Title: Re: كونــداليزا رايـس....و..التحـرش الجنســي
Author: waleedi399
Date: 07-26-2005, 00:20 AM
Parent: #5

Quote: يا ربي الدفر دا بيعتبر تحرش جنسي؟.........غايتو كان بقى تحرش.... السودان ما بيمرق منو زول
يا حليل الدفارات يا دكتور

Post: #3
Title: Re: كونــداليزا رايـس....و..التحـرش الجنســي
Author: الزوول
Date: 07-21-2005, 08:31 PM
Parent: #1

السلام عليكم
غايتو يا سجيمان بعد سمعت موضوع التحرش الجنسي دا قلت لله يستر على سجيمان دا
مايلحقوهو امات طه فشان الغزل الصريح في كوندي الكان على رؤوس الأشهاد.

وحات الله كوندليزا رايس دي...... كاسرة فيني ضُلعة[/I]
..غايتو الحمد لله الكنت بعيد عن منطقة التحرش !!
لكن برضو الله يكضب الشينة
ويحرر أخونا سامي محي الدين

تحياتي

وما الناس إلا هالك وأبن هالك *** وذو نسب في الهالكين عريق

Post: #4
Title: Re: كونــداليزا رايـس....و..التحـرش الجنســي
Author: سجيمان
Date: 07-22-2005, 05:27 AM
Parent: #3


الزوول
Quote: ..غايتو الحمد لله الكنت بعيد عن منطقة التحرش !!
لكن برضو الله يكضب الشينة
ويحرر أخونا سامي محي الدين


آمين.....

انا زاتي البي يوديني هناك شنو؟؟؟؟؟... انا قلت لما تجي في التلفزيون اقعد اضاير واغتغت

Post: #6
Title: Re: كونــداليزا رايـس....و..التحـرش الجنســي
Author: mutwakil toum
Date: 07-22-2005, 09:40 PM
Parent: #4

تعرف يا سجيمان سمعت في اذاعة الام بي ار . المراسلة بتقول
انو بتاعين الامن السوداني منعوا اي زول من الدخول في اجتماع
كوندا والبشير . حتى المترجم .. وقالت المراسلة انو كوندا مرقت
غاضبة جداً وقالت ليهم فسروا لي معني اجتماع دون لغة مشتركة
وساءلت بتاعين الامن وين المترجم .. قالوا ليها موجود
قالت ليهم خلوا يدخل
قالوا ليها ممنوع ..
وبعد شيلك وختك .. وافقوا ..
--
سجيمان الكلام الحكيتوا ليك ده جد سمعتوا في الاذاعة ..

Post: #7
Title: Re: كونــداليزا رايـس....و..التحـرش الجنســي
Author: سجيمان
Date: 07-23-2005, 08:58 AM
Parent: #6


متوكل توم
ازيك
Quote: سجيمان الكلام الحكيتوا ليك ده جد سمعتوا في الاذاعة ..


والله دي مصيبة جد.......

Post: #9
Title: Re: كونــداليزا رايـس....و..التحـرش الجنســي
Author: ayooby
Date: 07-24-2005, 03:59 AM
Parent: #7

لكن عليك الله يا سجيمان ما شفت الفلجة الفوق سنينات كوندا اللذيذة عليك الله ما بتكسر الزول.. ! وحالتا كانت مغطية كريعاتا !!

Post: #10
Title: Re: كونــداليزا رايـس....و..التحـرش الجنســي
Author: سجيمان
Date: 07-24-2005, 09:30 AM
Parent: #9


ايوبي
Quote: لكن عليك الله يا سجيمان ما شفت الفلجة الفوق سنينات كوندا اللذيذة عليك الله ما بتكسر الزول.. ! وحالتا كانت مغطية كريعاتا !!


زمااااان...قلنا كدا...وقلنا كاسرة فينا ضلعة.......ضحكو فينا

Post: #11
Title: Re: كونــداليزا رايـس....و..التحـرش الجنســي
Author: سجيمان
Date: 07-25-2005, 01:12 AM
Parent: #10



انا لم اتحدث باسم سودانيزون لاين.....ولا من حقي.....ولم اذكر ذلك

ايها المشاء

وانت فايق من المشي عشان تعرف انا قلت شنو....؟؟؟......

وانت فايق من تمجيد ذاتك....؟....ايها الغارق في الترجسية....واكرررها انت متعالي .. في الفارغة.....


هذا البوست كتب بناءا علي تصريحات من الناطق الرسمي باسم حركة تحرير السودان....... وذكرت ذلك

Post: #12
Title: خرقت التقاليد المعروفة في الرد- ضيقك بالنقد
Author: osama elkhawad
Date: 07-25-2005, 01:47 AM
Parent: #11


عزيزي سجيمان

التقاليد المعروفة في الصحف ,
وفي كل وسائل الاعلام ,
كما نعرف ذلك ككتاب تقليديين تقتضي ان ترد في المصدر الذي قيلت فيه المعلومة المحددة

ولذا كان عليك ان ترد علي في البوست الاخر
وكان لي ان اتجاهلك لانك ببساطة خرقت التقاليد المعروفة في الرد

ولنأت لكلامك

قلت,عزيزي,
Quote: انا لم اتحدث باسم سودانيزون لاين.....ولا من حقي.....ولم اذكر ذلك ولم أقل بذلك مطلقا وعليك العودة الى البوست الذي قلت فيه كلامي


وهذا دليل اخر على تسرعك
فقد قلت الاتي:
Quote: و ما يكشف عن تسرعه ما قال به عن
Quote: انني مندوب موقع السودان للجميع


وهذا هو اللنك لمزيد من التوثيق:
قال كاتبنا التقليدي الاستاذ محسن خالد

أما كلامك الاتي:

Quote: هذا البوست كتب بناءا علي تصريحات من الناطق الرسمي باسم حركة تحرير السودان.......
وذكرت ذلك

فهو أيضا يكشف عن تسرعك,فعليك ان ترجع الى مصادر اخرى,
لكنها العجلة والرغبة في تلبية رغبات "السوق" الاسفيري

أما كلامك الاتي:
Quote: وانت فايق من المشي عشان تعرف انا قلت شنو....؟؟؟......

وانت فايق من تمجيد ذاتك....؟....ايها الغارق في الترجسية....واكرررها انت متعالي .. في الفارغة.....

فهو يكشف عن ضيقك بالنقد
وما تقول به هو بضاعة مزجاة
شوف غيرا

وهو يشبه ما قلت به للاستاذة نجاة محمد علي:
Quote: الي مديرة مدرسة السودان للجميع الابتدائية المزدوجة" بنين- وبنات"

وكذلك:
Quote: حاجة نجاة......" اكان ما حجيتي ان شاء الله تمشي الحج وتزوري ابو ابراهيم


عموما سيظل هنالك فرق كبير بين الكاتب الاسفيري والكاتب التقليدي

و كان لك ان توظف موهبتك التي لا شك فيها في الاضحاك,لو انك استندت على خلفية فكرية ,
تتيح لك توظيفها بشكل أعمق,كما حقق ذلك تشارلي تشابلن وغيره من الذين وظفوا مواهبهم في الاضحاك

المشاء


Post: #13
Title: Re: تحرس عديل كدا
Author: Ali Alhalawi
Date: 07-25-2005, 02:10 AM
Parent: #12



الكاميرا شاهدت التحرش

Post: #19
Title: Re: تحرس عديل كدا
Author: سجيمان
Date: 07-25-2005, 03:16 AM
Parent: #13


الحلاوي
يا غالي

غيابك طال
انت لسه في البلد ام خناجر؟
Quote: الكاميرا شاهدت التحرش


شكرا للصور.........اول مرة اشوفا

Post: #14
Title: Re: خرقت التقاليد المعروفة في الرد- ضيقك بالنقد
Author: هشام مدنى
Date: 07-25-2005, 02:32 AM
Parent: #12

عزيزي اسامة
تحيه واحترام
ارك تطارد د.سجيمان ولا ادرى ماهو قصدك ؟؟؟؟؟النصح!!!!!
Quote: لو انك استندت على خلفية فكرية

ام التقيل من اعماله الابداعية بشهادة المعجبين بطريقته المتميزه
فى تناول لغة يصعب على كثيرين الكتاب بها
لذلك لا اعتقد انه يحتاج لما اشرت له وحتى اللذين قبله اى خلفيه فكرة تقصد الاستناد لها.
Quote: ان كانت لاتعجبك كتاباته فهذا حقك اما التقليل منه غير مقبول ومرفوض.
لانه مبدع بحق فله معجبيين ولم يحتاج للدعاية ولم يحاول هدم انجازات الغير
وهذا فى حد ذاته ابداع يضاف الــيه.
مع تحياتى

احترم نقدك ولكن اراك عرجت هذه المره الى اتجاة اخر.
مع تحياتى لك

Post: #20
Title: Re: خرقت التقاليد المعروفة في الرد- ضيقك بالنقد
Author: سجيمان
Date: 07-25-2005, 03:25 AM
Parent: #14



شكرا يا هشام

معليش يا هشام انا ما شفت مداخلتك

المشاء

يطاردني من الليلة ولا من البارح؟

الزول دا زعلان مني من زمااااان.....ولانو ناس بولا عندهم رأي في كتاباتي هو برضو لازم يكون عندو رأي.......يعني هم احسن منو؟

Post: #15
Title: Re: خرقت التقاليد المعروفة في الرد- ضيقك بالنقد
Author: سجيمان
Date: 07-25-2005, 02:49 AM
Parent: #12



صاحبي المشاء

الصحف تختلف عن النت!!!!!!!!

وانت بي عضم لسانك قلت كدي........
بالرغم عن ذلك.... كم مرة انا شفت واحد بيكتب في صحيفة ويجي واحد تاني يرد في صحيفة تانية......يعني نضمك دا بمشيهو لك مجاملة.......


تعرف انا علقت هنا عشان تجيني... هنا...وتقرا البوست دا مرة تانية......وتعلق..... اما بوست الحاجة نجاة..... انا قلت تاني ما بجيهو...وما عندي زيادة اكتر من القلتها ليها.....واكرر مرة تانية... انا ونجاة ناس كبااااااااار مافي داعي نقعد نتغالط..... عليك الله حسي دا ما كلام عقل؟........ وهي كانت غلطانة تنزل بوست........ جد والله غلطت....لكن منو البيقول ام الملك عزبا........ ام الملك عزبا دي لو ما بتعرفا اسعل منها بولا...... باقي لي بيعرفا....... "باقي لي دي برضو يا اسامة يعني انا ما متاكد".....

بالنسبة للبوست دا..مصدر اكتر من الناطق الرسمي باسم الحركة القاهو وين تاني؟.... وانا قلت النضم دا قالو الناطق الرسمي ..... يعني مافي جهة تانية قالتو ولا اكدتو....واستغليت المناسبة.... عشان انضم في ممارسات في مجتمعنا خاطئة..... وهي التحرش الجنسي....ونحن مجتمع زي بقيت المجتمعات عندنا محاسن وعندنا مساوئ..... ولا شنو يا ربي؟......ولاّ انت في وادي....ومجتمعنا في وادي.....
Quote: : و ما يكشف عن تسرعه ما قال به عن
Quote: انني مندوب موقع السودان للجميع


معليش هنا فعلا قرات الجملة خطأ......ولكن يا استاذي كانت الجملة تكون اكثر وضوحا لو كتبتها انت كلاتي......
"وذكر سجيمان ان اسامة الخواض مندوب لموقع سودان للجميع"عشان الزي دا والفهمو قدرو يفهم...وغيري يفهم.....

ايوا انا قلت كدا..... والنضم دا في بوست يا النبي نوح من حسن اللوح.......ودا بناءا على بوست انت نزلتو وقلت موقع سودان للجميع سوف يكون موقع للصفوة....وانت اول من قام بالاعلان له.....وقعدت تشكر فيهو...وتكاوي فينا نحن الرجرجة بيهو......

اما نرجسيتك وتعاليك يا استاذي اسامة....... لا يختلف فيها اثنان... انا قلتها وغيري كتير قالوها.....وانت نفسك ما نكرتها......قولا وفعلا......
اما غضبك علي... والذي اخمن ان مرده هو.. تهنئيتي للاستاذ عجب الفيا في بوست ملاسي.....هذا رائي ولا زلت ... اصر ان عجب الفايا قد انتصر عليك...... وتشهد صفحات هذا المنبر......واري الفاضل بشرى في طريقه للنصر ايضا.......ان لم يكن انتصر فعلا.....

لا شئ شخشي

Post: #16
Title: ان هنالك فرقا بين الكاتب الاسفيري والكاتب التقليدي
Author: osama elkhawad
Date: 07-25-2005, 02:56 AM
Parent: #15

عزيزي هشام

لم اطارد سجيمان ,
واحيانا تعجبني طرافته

لكنني في ردي عليه ,كنت ارمي الى تصحيح ما حذفه في انني مندوب موقع السودان للجميع,
والى انه لم يتبع تقاليد الرد المعروفة

اما كلامي عن امكانيات أخرى لتوظيف موهبته في الاضحاك,
فهي تنطلق من مواقعنا ككاتب تقليديين ,
وليس في هذا ادانة لمن يعجبون به

وقد قال الاستاذ محسن خالد رأيه في سجيمان حين قال:
Quote: والزميل سجيمان كاتب بتاع ضحك له أحباؤه ومريدوه،


كما ان الاستاذ بشرى الفاضل قال رايه في سجيمان حين قال:
Quote: سجيمان يكتب فكاهة تعجب العديدين لكنها لا تعجبني ومن حقي ان اصرح بذلك ولا تضحكني وفيهابعض آراء عنصرية وأخرى ضد المرأة


وكانت للاستاذة نجاة وبولا مواقف معروفة حول كتابات سجيمان

ما أقول به هو ان هنالك فرقا بين الكاتب الاسفيري والكاتب التقليدي
وهذا ليس من باب التعالي او الانتقاص من مقدرات الاخرين
لكن هذا يعبر عن طريقتين في النظر الى الكتابة
مع محبتي الكاملة
ودمت
المشاء

Post: #17
Title: Re: ان هنالك فرقا بين الكاتب الاسفيري والكاتب التقليدي
Author: سجيمان
Date: 07-25-2005, 03:05 AM
Parent: #16

حذف

Post: #18
Title: لسنا في حلبة للملاكمة او المصارعة
Author: osama elkhawad
Date: 07-25-2005, 03:06 AM
Parent: #16

عزيزي سجيمان
احمد لك اعترافك بالخطأ
ولو كنت متعاليا لما قمت بالرد عليك

فقط هنالك تأويلات لك غير صحيحة
فقد قلت ان منبر السودان للجميع هو منبر للصفوة
لم اقل بذلك ,ولك ان تثبت لي ذلك بعد ان ترجع الى الارشيف

أما كلامك عن "الانتصارات" في السجالات الفكرية,
فهو كلام غير دقيق

لا أنا ولا الفيا ولا بشرى الفاضل نملك الحقيقة المطلقة
هي مساهمات نقوم بها ,والتاريخ هو الحكم
لسنا في حلبة للملاكمة او المصارعة

أما كلامك عن نرجسيتي فهو كلام مكرر ,
وشوف غيرو

لست من الذين يراهنون على "الراهن",
بل على الحقيقة التي تبدو ولا تكون
وأرقد عافية
المشاء

Post: #21
Title: Re: لسنا في حلبة للملاكمة او المصارعة
Author: سجيمان
Date: 07-25-2005, 03:57 AM
Parent: #18



قال بشرى الفاضل:-

Quote: لكن ليس من حقه شتم حسن موسى أو بولا بالشكل الذي ورد في بوستيه عنهما


كويس انك اديتني حق الشتيمة... شكرا

لو حسن وبولا.. نضمو في سجيمان... دا نقد

ولو سجيمان نضم..... دي شتيمة

الله يديك العافية يا بشرى.... لكن برضو من حقي ارد علي الزول البيحاول يستهزأ.... بي.... وكل زول بيستهزأ حسب تقافتو....وانا برد بي تقافتي... ثقافة الشارع.....

Quote: شتمني الاستاذ اسامة الخواض ولازال يتحين الفرص للزج بغسمي في الذي يسوى ولا يسوى وكما أعلنت هنا في المنبر فإنني لن اتداخل معه بالرد مصححاً أو نافيا ما قال ومايقول من هرائه ضدي


الخواض = سجيمان= شتيمة..... يعني كلنا رداحين .... ايها المشاء ورداح........

Quote: لم اشتم الأخ سليمان هناإنما عبرت عن رايي في كتاباته فان ظن انني شتمته او اسأت اليه فاساء الى فلن ارد عليه


سليمان دا اظنك قاصد بيها سجيمان
وانا ما قلت شتمتني...... علا يكون لحمك ماكلك براك

Post: #22
Title: Re: لسنا في حلبة للملاكمة او المصارعة
Author: سجيمان
Date: 07-25-2005, 04:45 AM
Parent: #21



بشرى

غايتو انا ما ناوي انضم فيك

لكن لو نضمت
اعرف انو حرشني اسامة الخواض

وانا زول عوير اي زول يحرشني طوالي اتنفخ واقعد اتعاور

Post: #23
Title: Re: لسنا في حلبة للملاكمة او المصارعة
Author: abuguta
Date: 07-25-2005, 04:55 AM
Parent: #21

سجيمان
تحياتى
جابو لينا جهاز فى الشركة اسمه شاسترا.ب كم مليون ريال..والشغيل صغير وعفين والله لو ادونى حقو كان عرست لبناتنا واولادنا كلهم...وصلحت البيارة..وردمت الشارع
الحكمة البعرف يدورو اسف يشتغل عليه هندى...درس معاى زمان لكن هو شيطان شوية..عمل دراسات فى السيسكو والنت وورك..والسرفرات..اها الزول دا ياسيجى الكل فى الكل..الله يبقينى قدره..
اها الزول دا بطلع ياكل معاى ويشرب معاى..وساكن فى الحارة..وكان بركب الحافلة...وكم مرة نتتناقش
فى الشغل..واقنعو ليك افحمه ليك...وهوعارف مقدراتى...لكن ما بروينى سر المهنة..انا ممكن ابقى قدره لكن خواف...بمعنى عشان ادرس حاجة اسمها sun information sys دايره ليها 14 الف دولار يعنى 50 الف ريال..دى مش كتيرة على العلم..لو بضمن لما اخلصها القى لى شركة تقبلنى ..ممكن لكن خايف ادرسها واجى اقعد فى شغلى دا اكون ضيعت قروش العروس وما غيرت شىء...
اها يادكتور سجيمان..انا لو عاوز ابقى كبير فى الكتابة والادب..اها امشى فرنسا واوربا عشان ازور شيوخ الادب واتبرك فى ضريحهم...وبعدها اقراء واقراء واقراء...الى درجة القريان..ودرجة القريان دى بحددها تروموتر معين تحت اشراف ناس معينين..اسى انا قلت الناس الماسكين الجهاز ديل بموتو..وبمسكو بعدهم..لكن شايفهم الايام دى بلمعو فى واحد..كاتب كلام ..والله ناس الانادى خلوه لانهم قالو كونو ليهم منظمة اسمها تحسين الالفاظ امام ستات العرقى...واى زول يزيد من كلمك شنو كدا امك يرحم من الانداية 10 ايام..ومن يومها تحسن اسلوب ناس الانداى..عليك الله مش اخوان بنات..اها ياسجى..زولى الهندى الايام دى جابو ليه سعودى جديد لنج قالو ليه تعلمه..لكن هو خايف من الاحلال ..قول ياود بلال...دا شيخ كارب بعلمك حتى لو ما بتعرف مسكة القلم..اها قبل يومين السعودى قال لى احمد easy دى معناها شنو..قلت ليه سمعتها من وين ياطويل العمر..قال من الهندى دا كل حاجة يقول easy وانا ايزى ذاتها ما فاهما..سجيمان وصلتك الايزى نت..دى خدمة مجانها تلقاك عرفتها ياعريف..اها ياخوى..مش بنجح كاتب اسفيرى
متل سجيمان
وشيرى
خليك عنفيرى
فى اليوم المطيرى
ياود الشكيرى
الاخضر الاكسيرى
من زمن ابن كثيرى..

Post: #24
Title: Re: لسنا في حلبة للملاكمة او المصارعة
Author: سجيمان
Date: 07-25-2005, 06:09 AM
Parent: #23



الكاتب الاسفيري... المرسوم في ضميري

ابو قوتة


انت عارف قصيدة منك...او بوست لي شيري يساوي ما يكتبه هؤلا المواهيم مجتمعين.... لقيط كلمات غريبة ويرصوها مع بعض....ويقعدو يلفو و يدورو حولها......ونحن فاتحين خشومنا مستغربين في النضم الكبار......
الغريبة في ناس .... معجبين بيهم...ويقعدو يشكرو فيهم.....وهم يخربهم ما فهمين شي من البي يقولوهو الناس ديل

Post: #25
Title: Re: لسنا في حلبة للملاكمة او المصارعة
Author: سجيمان
Date: 07-25-2005, 12:55 PM
Parent: #24



فوووووق


فلهمة ليس الا

Post: #27
Title: Re: لسنا في حلبة للملاكمة او المصارعة
Author: تولوس
Date: 07-25-2005, 05:42 PM
Parent: #25

سجيمان صديقي ... اري ان فطاحلة النقد في بلادي قد تكالبوا عليك ... وانه النقد ولا شيئ غير النقد... وياربي فضل ليك شوية شعيرات بتتحمل النقد ده ولا الشغل ده كيفنو...

واما ماقلته لاخي ابوقوتة والله صدقت ياخوي قصيده منو في امجاد كيس الصعود ولا هترشة شيري بعد طرد تيري هنري... ولا حكاية نفس كارب من فيل جامح لحبيب نورة تساوي ضحكة صافية لزيزة وصادقة تنبع من اعماق الامعاق ومن قلب المأساة ... وما احوجنا اليها ..
سجيمان والله وعليك الرسول ما تكسفني عاوز اسمع حكاية ود اب زهانه والله مشاق لي ...لي اربعين جلدة فوق ضهري ده

تحياتي اليك والي الجميع

Post: #30
Title: Re: لسنا في حلبة للملاكمة او المصارعة
Author: سجيمان
Date: 07-25-2005, 10:42 PM
Parent: #27



صديقي
تولوس

اشواق ليك ما ليها حد


Quote: اري ان فطاحلة النقد في بلادي قد تكالبوا عليك


ديل فطاحلة النقد في بلاد الفرنجة...وارض الكاوبوي.. وليسو في بلادي

Quote: وانه النقد ولا شيئ غير النقد


تولوس يا صاحبي في فرق بين النقد وبين الاستهزاء

النقدالبي نعرفو.. بيقول السمح وبيقول الشين...وديل نقدهم ماسك ليّ في الشين..... يا ربي اكون ما عندي شي سمح؟.....وانا المتفلهم...وحسيت بشوية تغا...وا آسفاي

Post: #26
Title: Re: ان هنالك فرقا بين الكاتب الاسفيري والكاتب التقليدي
Author: هشام مدنى
Date: 07-25-2005, 05:24 PM
Parent: #16

عزيزي اسامة
كتبت
Quote: فهو موهوب في اضحاك الناس
لكنه اصبح ميالا الى ان يجاري "السوق"

واصدق مثال على ذلك ما كتبه عن التحرش الجنسي بوزيرة الخارجية الامريكية
مما يكشف انه لا يوثق ,
وانه معني باصطياد مواضيع ,معظمها يركز على الجنس
الكلام الفوق ده كتبته فى البوست ده
قال كاتبنا التقليدي الاستاذ محسن خالد
مافاهم واحتمال تكون انت معترض على بوست محسن خالد وكمان على رواية الاديب الطيب صالح
واللغة السجمانية الذى يكتب بها الاديب الرائع د.سجيمان
ياعزيزي خلينا نكون واضحين الاكرام نجاة وبولا احترمهم واقدرهم جدا جدا لكن هذا لا يعني نقدهم لى الرائع والمبدع والاديب دكتور سجيمان بالطريقه دي اللهم الا اذا عندك رأي اخر
ياعزيزي النقد يتطور ويحدث ولا يهدم لكن ارى فى طريقتهما هدم وهدم واضح.
المعذرة لكن هذا الواضح والواضح جدا من خلال كتاباتهما عن المبدع دكتور سجيمان.
اما عن الأستاذ بشري الفاضل فى نقده لى الرائع دكتور سجيمان سوف اعود بالتفصيل.
مع تحياتى

Post: #28
Title: لم تعلق على شتمه واهانته لكتاب السودان التقليديين في هذا المنبر
Author: osama elkhawad
Date: 07-25-2005, 08:57 PM
Parent: #26

عزيزي هشام مدني
لم تعلق على ما قاله سجيمان عن انني متعال ونرجسي

كما انك لم تعلق على شتمه واهانته لكتاب السودان التقليديين في هذا المنبر,
وهو قد جمعهم في سلة واحدة والقى بها الى البحرحينما قال

Quote: انت عارف قصيدة منك...او بوست لي شيري يساوي ما يكتبه هؤلا المواهيم مجتمعين.... لقيط كلمات غريبة ويرصوها مع بعض....ويقعدو يلفو و يدورو حولها......ونحن فاتحين خشومنا مستغربين في النضم الكبار......

الغريبة في ناس .... معجبين بيهم...ويقعدو يشكرو فيهم.....وهم يخربهم ما فهمين شي من البي يقولوهو الناس ديل


وسجيمان كما هو واضح يضيق بالنقد

ولا يقدر ان يحتمل كلام
Quote: محسن خالد
أو
Quote: بشرى الفاضل
عنه
وهما لا يحبان ما يقول به ككتاب تقليديين
واين المشكلة؟


هنالك فارق بين الكاتب التقليدي والاسفيري
ويجب ان نعي هذه الحقيقة

محسن خالد له قراء,ولبشرى قراء ولي ايضا قراء,ولسجيمان قراء
لكننا غير متساويين في هذا الجانب
وارجو ان نكون واضحين

هذا ليس كلاما صفويا وليس تعاليا على من يحبون سجيمان,
لكننا بصدد تجربة جديدة يختلط فيها الكاتب الاسفيري بالكاتب التقليدي

واظن ان ذلك هو حكر على التجربة السودانية الاسفيرية
جاء سعدي يوسف هنا ,وهرب

هل يمكن ان تأتي لي بكاتب معروف في ثقافة اخرى مساهم في منابر عامة للنقاش الاسفيري؟
هؤلاء يقومون بتأسيس مواقعهم الخاصة

علينا ان نحتفي بهذا المزيج وهذا الهجين الجميل
أما كلامك الاتي فلم افهمه:

Quote: مافاهم واحتمال تكون انت معترض على بوست محسن خالد وكمان على رواية الاديب الطيب صالح


عزيزي هشام :

من أين أتيت باننني اعترض على بوست محسن خالد?
فقد قلت انه من جماعتنا التقليدية في هذا المنبر
ومن اين لك انني اعترضت على رواية الطيب صالح؟؟
انا اتحدث عن قراءة خاطئة لاحدى روايته من قبل ناقدة لبنانية
وفي هذا الجانب اعتقد اننا لن نلتقي وانك تقرأني بطريقة لا اعرف كيف اسميها
المشاء

Post: #29
Title: Re: لم تعلق على شتمه واهانته لكتاب السودان التقليديين في هذا المنبر
Author: Marouf Sanad
Date: 07-25-2005, 10:38 PM
Parent: #28

الدكتور سجيمان
لك التحايا
وتحايا للاخ اسامة الخواض

اود التعليق حول رؤية الاستاذ اسامة حول الكاتب الاسفيري ونظيره التقليدي , وهي مسألة لا أظن انها جديدة علينا كمجتمع سوداني , وهي لا تقتصر على الكتاب وحدهم وانما هي مسألة تتعلق بطبيعة المجتمع السوداني وتكوينه , فمثلا انا لم التقي اسامة من خلال الفضاء الاليكتروني وانما عن طريق علاقات اجتماعية متشابكة ادت الى هذه العلاقة أو فلنقل الصداقة بيني وبين الاخ اسامة ,, اذا فهنالك عدة مداخل يمكن ان تؤدي الى اسامة بخلاف كتاباته وليس بالضروره ان تعرفه من خلال المنابر , وانما يمكن ان تكون معرفتك به من خلال بيوت البكيات او الافراح او غيرها ,,, وما ينطبق على الكتاب ينطبق على غيرهم من رؤساء وزارات وفنانين وبتاعين كوره ,, ولا اظن ان ثورة الاتصالات هي التي جعلتهم متاحين لنا نحن العوام ,, بل يمكن ان تكون قد ساهمت في ابعادهم عنا قليلا وذلك في اتجاه تحولنا من مجتمع بدائي ( رعوي ) كما يقول استاذنا اسامه الى مجتمع يتعامل مع التكنلوجيا التي توفر عليه عناء التواصل المباشر مع الجماهير .



ولي عودة




Post: #31
Title: Re: لم تعلق على شتمه واهانته لكتاب السودان التقليديين في هذا المنبر
Author: سجيمان
Date: 07-25-2005, 10:59 PM
Parent: #28



Quote: كما انك لم تعلق على شتمه واهانته لكتاب السودان التقليديين في هذا المنبر,
وهو قد جمعهم في سلة واحدة والقى بها الى البحر


استاذ اسامة
انا لم ااقصد الكتاب التلقيدين في هذا المنبر على اطلاقهم...... ولكي اكون اكثر تحديدا اقصد المتعجرفين منهم......المتعالين الذين لا يحترمون القراء ووصفهم بالرعاة......وقليلي المعرفة...... القادمون من مجتمع متخلف.......

رأئي ان بوست من شيري او من حبيب نورة يساوي كل ما كتبه محسن خالد

وقصيدة من ابوقوتة تساوي كل ما كتبته انت من قصائد

دا ما معناه ان كتاباتكم كعبة.. لا.....

لكن في نظري ان شيري وابوقوتة كتاباتهم اجود.....واجد نفسي فيها.... كقارئ متخلف

هذا رايئ وما احس به...... ما العيب في ان اكوّن رايا في كتابات فلان او علان... سالبا او ايجابا؟.... الا ان اكون لم اصل الي مرحلة تكوين الرأئ والقول به......

Post: #32
Title: طيب الكتاب ديل منو؟
Author: osama elkhawad
Date: 07-25-2005, 11:40 PM
Parent: #31

قلت عزيزي سجيمان
Quote: استاذ اسامة
انا لم ااقصد الكتاب التلقيدين في هذا المنبر على اطلاقهم...... ولكي اكون اكثر تحديدا اقصد المتعجرفين منهم......المتعالين الذين لا يحترمون القراء ووصفهم بالرعاة......وقليلي المعرفة...... القادمون من مجتمع متخلف.......

وهذا يكشف انك لا تحدد ما تقول به ,
وانك متعجل دائما ,
وهذا واضح من كمية الحذف في بوستاتك ,
وقد حصل لي ذلك في ردي عليك
روق ,روق ,روق
فانت دوما تحاول ان "تلحق" السوق
وكان عليك ان تقول بذلك ,
لكنك في لهفتك للهجوم علي ,لم تنتبه الى انك في نفس الوقت تدين اخرين
طيب الكتاب ديل منو؟
وحاتكلم معاك بنفس لغتك
اسامة الخواض فقط؟
هل في معيته اخرون؟
و من هم؟
ارجو الا تزوغ في الاجابة

لكن عليك أن تعرف ان هنالك كثيرا من الكتاب التقليديين لا يحبون كتاباتك,
من أمثال :
محسن خالد وبشرى الفاضل
وكثير منهم لا يحبونها

وايضا هنالك كثيرمن القراء لا يحبون ما نكتبه
لكن ارجو ان تعرف ان مكانك هو مكان الكاتب الاسفيري
ويلزمك وقت طويل كي تصير كاتبا تقليديا
والسلام امان
المشاء

Post: #35
Title: Re: طيب الكتاب ديل منو؟
Author: سجيمان
Date: 07-26-2005, 03:33 AM
Parent: #32


Quote: ويلزمك وقت طويل كي تصير كاتبا تقليديا


كم سنة كدا يعني؟...انا ما مستعجل........ بصبر


اسامة لو عندك رغبة في متابعة السجال.... ارجو نقله الي البوست بتاعي الجديد النزلتو السوق ...... عشان يحرك البوست شوية.......دا اللنك:-
حـِنـة العـروس...... تصميــم... سـتونة مجــروس

ملاحظة

عدل البوست لاضافة اللنك.. عشان ما تضهب وتطش

Post: #34
Title: Re: كونــداليزا رايـس....و..التحـرش الجنســي
Author: waleedi399
Date: 07-26-2005, 00:45 AM
Parent: #1

يا دكتور سجـيمان ..

صباحاتك هـنـية ورضـية ..
Quote: لابسه بنطلونا ومغتيه كرعياتا السمحات ديك.....احترمتنا والله وما قصرت
أحسن ليها..
مش عشان الحشمة وبس عشان برضو بتقلها شويه ..
وبعدين رجلينها مكعوجه زي رجلين (حمودة)
الما بتشبه البنات وما معروفه ماشه وين (شمال ولا يمين)
Quote: يتحرشو كيفن بي مرا زي دي
دا السؤال يا دكتور؟؟؟؟؟؟؟
فوقو مليون علامة استفهام وتعجب!!
Quote: ولقيتو من وين الشداعة... التخليكم تتحرشو

أحياناً الشـداعة قالـوا بتغلـب الكثرة يا سجيـمان ..
وفي اللحظة ديك اشتقت ليك شوق السحابة الراحلة
Quote: الدنيا مو معروفة ان وقع قدرًا من الله......... ابقى في سين وجيم.....
المشكلة يا دكتور انت ما بتلحق تجهز..
وناس امريكا ما عندهم سين وجيم..
عندهم حرفين تانيين (أ.هـ) يعني انتهى وبس..
Quote: ويا ناس تحرير السودان ان بقيتو كضابين... تبقو اتلومتو فينا.....لوم ضكر
بدون تعليق؟؟؟؟؟؟؟؟

الله يجـازي شـيطانك يا دكتـور ..
والله الليلة كوندليزا دايره تبقالي سبب..
في تقطيع مصاريني .. ودا جزأ من مهامها الموكله اليها..

لووووول

Post: #36
Title: Re: كونــداليزا رايـس....و..التحـرش الجنســي
Author: سجيمان
Date: 07-26-2005, 06:08 AM
Parent: #34



وليد399
Quote: وبعدين رجلينها مكعوجه زي رجلين (حمودة)


حرام عليك..... انت تكون قاصد نادية الجندي....مش؟


Quote: وناس امريكا ما عندهم سين وجيم..
عندهم حرفين تانيين (أ.هـ) يعني انتهى وبس..


زمان والله كان عنهم..ايام الحرب الباردة.. علا كان حسي يبقو غيروها مع العولمة