Post: #1
Title: كــدايس دكتورة زينب..هيجــت شجــوني
Author: سجيمان
Date: 07-29-2005, 10:29 AM
مراسي الشوق...كانت حلقة فوق العادة زي ما قال مقدم البرنامج......ومقدمة البرنامج..... دكتورة زينب ابو سنينة..... شاعرة وكاتبة وقاصة ومترجمة وفنانة تشكيليه...... عجبتني قصيدتا بتاعت الكدايس....كديسة تايهة في دروب الدنيا تمشسًا...واخرى اخر ترطيبة....تاكل الجاتوة ..والشاورما........" انا لحدي قريب دي بعد عمري دا.. ما كنت بعرف الجاتوة....ولا المهلبية....ولا الكنافة.... ما عارف كنت قابلا حاجة حلوة ولا نصيبة مسوينها من لحم".....دكتور معز اجاد ثم ابدع..... ثم اجاد.... ثم تلألأ نجم سامق.... الشعر كان بينزل علي بردا وسلاما....وانا قاعد اتهبب من الحر بي كراس قديم لي محمد ولدي...جدعو بعد ما انتهي من الامتحانات..... صوت حاجة امنة ..ووفاء وسهام..... زاد البرد برد....وبقيت كايس ليّ لي بطانية ادخل تحتا..... وادسا في مسامها...وكنت اتمنى ان يتصل أي واحد من ناس منتدى عكس الريح...ولا.. سودانيزون لاين..كل ما المذيع يقول معانا تلفون.... قلبي يفر..وضرباتو تزيد.......واقول يا ربي دا منو؟....... ما تكون ام الحسن جنت ودايرة تتصل.؟....
بدون ما احس لقيت دموعي جرت....وانا اصلها دموعي في طرف عيوني.....علا وقت اكاتل زول كعب وفااااااارس وكاتااااااال..........اتظكر زمان وقت كنت بسافر بالقطر من والي اهلي في الشمالية...... القطر كل ما يقيف في محطة واشوف ناس بيودعو في زول وقاعدين يبكو..... اقعد ابكي معاهم....والغريبة لو في زول شايلنو في عنقريب وعيان ومودينو مستبشى كبير بكاء شديد.....الرحلة كلها بكا..واصل اهلي وعيوني ورامات...مرة عندنا بنت جيرانا عرسوها وهي ماشة لي شهر العسل قعدت تبكي وامها تبكي واخواتها يبكن... لا ايدي لا كراعي لقيت دموعي جرن وقعدت ابكي معاهم...... اها دا حسي يقولو عليهو شنو؟.....لكن بعدبن اكتشفت اني كنت ببكي علي البنيّة السمحة دي والعرسوها للراجل ابجضوم وتلاليش دا.......... ديمة ابكي ...غاشي ناس البيت قايل لهم عيوني فيها حساسية......ولما يلقوني ابكي اقول لهم الحساسية قامت....... و بكيت وانا بشوف في الفنان عبد الرحمن عبدالله وهو حاضن وليد صغير اظنو وليدو.... ويبكي ....ويودع فيهو وهو مسافر لعملية في الميجر......كانت لحظة في قمة الانسانية.....و دموعي ما جفت عديل تاني برضو بكيت... لما اختو حضنتو وودعدتو في المطار وهي تبوس راسو...... لله درك من اخت....رفعت راسا وقريت في عيونا:-
شق ايش قول لي يا مروّح
قبال صباحنا......... يبوّح
ولاّ ما بقدر.......... اسيبا
قليبي تشيلها ........تروّح
.......برضو بكيت لما عرفت انو ناس الرياض عملو ليهو لجنة وساعدوهو في السفر للعلاج......لله درك من شعب وفي....ناس الرياض ليهم القومة......
كانت حلقة هيجت عواطفي.....وتباينت فيها مشاعري..... بين فرح وفخر ان اتعرّف على انسان في قامة مُعز السودان.... ولقيت راسي اترفع فوووووق لما قال اهلي في السودان بحبهم حتى في ساعات ظلمهم لي.....والله لم اسمع بشخص يكن الحب لمن ظلمه الا منك يا بروف في زمان اصبح فيه قطع الرؤوس تسلية المتسلي.........وسماع متصلين كنت ارسم ملامحمهم من خلال ما يكتبون....تكتمل الصورة جمال وبهاء.......
ما طلعني من مشاعري دي..... علا برنامج الفتاوي الجا بعد مراسي الشوق والكان فيهو..... الشيخ محمد احمد حسن.. البينضم بي لكنّة شايقية..... الزول دا قاعد اريدو لي الله سااااكت..... اتصل زول سعلو......قال لو يا شيخنا لو في زول في الحلة جا وسعلني من بيت العرقي وين؟..... اوصفو ليهو ..ولاّ.... لا؟.....محمد احمد حسن قال لو ..اوعك توصفو ليهو.......انا هنا تاني قمت ابكي... بكيت بكا شديد.....وفي سري قلت لو...... والله يا شيخ محمد احمد حسن... ماها المحرية فيك..... انا ما قايلك غتيت كدي..................
|
Post: #2
Title: Re: كــدايس دكتورة زينب..هيجــت شجــوني
Author: WAD ELGAALI#4
Date: 07-29-2005, 11:52 AM
Parent: #1
سلامات يا سجيمان لكن حقو لمن تكتب تملك الناس الحقائق
قال حساسيه قال الليله وقعت فى شر أعمالك وأنا من زمان ممغوس عليك وداير اخرب بيتك وكل ما أقول أكلم أم وفاء بى حكاية بت الجيران دى قلبى ما يطاوعنى وانعل ابليس لكن المره دى عندك خيار واحد يا إمتن تفت قصة بت الجيران يا يفرزونا بالسراويل لانو الراجل البتتحدث عنو دا عمى أخى أبوى
|
Post: #3
Title: Re: كــدايس دكتورة زينب..هيجــت شجــوني
Author: Saif aldin Hassan
Date: 07-29-2005, 12:15 PM
Parent: #2
الغالي المو رخيس سجماااان
بخصوص البكاء
سمعت في واحد اتدشدش في حادث حركة ورقد ساسوية ودهو الإسبتالية اها قالو كلاهو مفجخات الحكيم شقي الحال ختاليو بصيلات قاورما بدلن اها صاحبنا قدر مايبول يقعد يبكي
(لووووول)
***ود المسيكتاب***
|
Post: #4
Title: Re: كــدايس دكتورة زينب..هيجــت شجــوني
Author: Saif aldin Hassan
Date: 07-29-2005, 12:37 PM
Parent: #3
C.J.MAN
اما بخصوص غتاتة الشايقي
فيهم واحد حارس ابوهو وهو بموت اللحظة الفيها عمك داير إتلحس قال إتشهد اها ولدو الغتيت قام قفل ليهو خشمو عشان يموت قبل إتشهد.....
***ود المسيكتاب***
|
Post: #12
Title: Re: كــدايس دكتورة زينب..هيجــت شجــوني
Author: سجيمان
Date: 07-31-2005, 06:27 AM
Parent: #4
سيف الدين حسن
Quote: اما بخصوص غتاتة الشايقي
فيهم واحد حارس ابوهو وهو بموت اللحظة الفيها عمك داير إتلحس قال إتشهد اها ولدو الغتيت قام قفل ليهو خشمو عشان يموت قبل إتشهد..... |
دي غتاتة نفر الكعبة
زول يتغاتت علي ابوهو؟؟؟............ دا الله لا رامنا فيهو
|
Post: #11
Title: Re: كــدايس دكتورة زينب..هيجــت شجــوني
Author: سجيمان
Date: 07-31-2005, 01:30 AM
Parent: #3
سيف الدين حسن
| Quote: سمعت في واحد اتدشدش في حادث حركة ورقد ساسوية ودهو الإسبتالية اها قالو كلاهو مفجخات الحكيم شقي الحال ختاليو بصيلات قاورما بدلن اها صاحبنا قدر مايبول يقعد يبكي |
دا الكلي....اها الباقيات ما ختا ليهو بصيلات برضو؟؟؟؟
|
Post: #5
Title: Re: كــدايس دكتورة زينب..هيجــت شجــوني
Author: سجيمان
Date: 07-30-2005, 02:38 AM
Parent: #2
WAD ELGAALI#4
| Quote: سلامات يا سجيمان لكن حقو لمن تكتب تملك الناس الحقائق |
ما كل الحقليق تملك........
| Quote: أقول أكلم أم وفاء بى حكاية بت الجيران دى |
ام فاء منو؟؟؟؟؟؟
| Quote: لانو الراجل البتتحدث عنو دا عمى أخى أبوى |
زمنو كان في شهر عسل؟
|
Post: #6
Title: Re: كــدايس دكتورة زينب..هيجــت شجــوني
Author: سجيمان
Date: 07-30-2005, 06:35 AM
Parent: #1
فوق...........
من اجل الغتاتة
|
Post: #7
Title: Re: كــدايس دكتورة زينب..هيجــت شجــوني
Author: Saif aldin Hassan
Date: 07-30-2005, 06:55 AM
Parent: #6
حرامي غتييييت
نط في بيت ما لقى حاجة يسرقا حتي زول مافي غير عجووووز نايمه
اها الغتيت إتوكل شال منها البطانية وفتح المكيف لي آآخر درجة
*** *** ***
في واحدة تانية لكن بعد الإفادة
***ود المسيكتاب***
|
Post: #8
Title: Re: كــدايس دكتورة زينب..هيجــت شجــوني
Author: سجيمان
Date: 07-30-2005, 06:59 AM
Parent: #7
Quote: نط في بيت ما لقى حاجة يسرقا حتي زول مافي غير عجووووز نايمه
اها الغتيت إتوكل شال منها البطانية وفتح المكيف لي آآخر درجة |
الله يجازيك.....
بجيك صاد.................
|
Post: #9
Title: Re: كــدايس دكتورة زينب..هيجــت شجــوني
Author: WadAker
Date: 07-30-2005, 10:47 AM
Parent: #1
تبكى بس..عين قطره والتانيه مس "بس ماتزعلنى ياتو مس"
انت ابكى وانا بضحك...
|
Post: #10
Title: Re: كــدايس دكتورة زينب..هيجــت شجــوني
Author: Saif aldin Hassan
Date: 07-30-2005, 12:16 PM
Parent: #9
C.G.MAN
غتيت اكتر من الفوقاني لاقاهو جان,قال ليهو اتمنى اي حاجة بديك ليها, علا لاكين بدي جارك قدرها مرتين
الغتيت صنقع دنقر قال ليهو خلاص قد لي عيني دي
*** اها كيف? .... إنبسطا?!...
عشان البعدا اشد منا
***ود المسيكتاب***
|
Post: #18
Title: Re: كــدايس دكتورة زينب..هيجــت شجــوني
Author: سجيمان
Date: 08-04-2005, 06:38 AM
Parent: #10
ود المسيكتاب
| Quote: عشان البعدا اشد منا |
وانا راجيها...........
|
Post: #21
Title: Re: كــدايس دكتورة زينب..هيجــت شجــوني
Author: سجيمان
Date: 08-05-2005, 05:02 AM
Parent: #18
*
|
Post: #15
Title: Re: كــدايس دكتورة زينب..هيجــت شجــوني
Author: سجيمان
Date: 08-04-2005, 03:49 AM
Parent: #9
ودعكر
Quote: تبكى بس..عين قطره والتانيه مس "بس ماتزعلنى ياتو مس"
انت ابكى وانا بضحك... |
البركة في ضحكك...في زمن زي دا
|
Post: #16
Title: Re: كــدايس دكتورة زينب..هيجــت شجــوني
Author: سجيمان
Date: 08-04-2005, 03:49 AM
Parent: #9
ودعكر
Quote: تبكى بس..عين قطره والتانيه مس "بس ماتزعلنى ياتو مس"
انت ابكى وانا بضحك... |
البركة في ضحكك...في زمن زي دا
|
Post: #20
Title: Re: كــدايس دكتورة زينب..هيجــت شجــوني
Author: سجيمان
Date: 08-04-2005, 11:42 AM
Parent: #16
ادعو معي بالشفاء
للشيخ محمد احمد حسن
|
Post: #13
Title: Re: كــدايس دكتورة زينب..هيجــت شجــوني
Author: بدرالدين شنا
Date: 07-31-2005, 06:29 AM
Parent: #1
لك ولنا الحق في أن نتشرف ونفتخر بهذا الشفيف دكتور معز
أنا شفت الحلقة وكانت مباااااااااالغة
| Quote: وكنت اتمنى ان يتصل أي واحد من ناس منتدى عكس الريح. |
إتصلت واحدة اعتقد إسمها حاجة آمنة
| Quote: و بكيت وانا بشوف في الفنان عبد الرحمن عبدالله وهو حاضن وليد صغير اظنو وليدو.... ويبكي ....ويودع فيهو وهو مسافر لعملية في الميجر...... |
كانت لحظة عصيبة لم أتمالك نفسي حينها وبكيت بكاءاً حاراً ... أسال المولى أن يعافيه ويرده لنا سالماً
لك الود أخي وصديقي سجيمان
|
Post: #19
Title: Re: كــدايس دكتورة زينب..هيجــت شجــوني
Author: سجيمان
Date: 08-04-2005, 08:38 AM
Parent: #13
صديقي بدر الدين
والله مشتاقين عديل يا فردة
Quote: أسال المولى أن يعافيه ويرده لنا سالماً
لك الود أخي وصديقي سجيمان |
آمين..آمين
|
Post: #14
Title: Re: كــدايس دكتورة زينب..هيجــت شجــوني
Author: الصادق خليفة
Date: 07-31-2005, 09:19 AM
Parent: #1
الحبيب عادل
مررت لمعانقتك
اتاريك حنين كده (كثرة الدموع تدل على طيبة القلب )
عوافي
|
Post: #22
Title: Re: كــدايس دكتورة زينب..هيجــت شجــوني
Author: سجيمان
Date: 08-05-2005, 10:30 AM
Parent: #14
الصادق خليفة
ان شاء الله يا يابا.. يعانقوك كدي وانت جايي من الحجاز
|
Post: #17
Title: Re: كــدايس دكتورة زينب..هيجــت شجــوني
Author: Abdulla Ageed
Date: 08-04-2005, 04:13 AM
Parent: #1
د. سجيمان
أقول لك حاجة
الموضوع اتلخبط معاي
لك التحية
|
Post: #23
Title: Re: كــدايس دكتورة زينب..هيجــت شجــوني
Author: Abdulla Ageed
Date: 08-05-2005, 10:44 AM
Parent: #17
up
|
Post: #24
Title: Re: كــدايس دكتورة زينب..هيجــت شجــوني
Author: Abdulla Ageed
Date: 08-05-2005, 10:49 AM
Parent: #23
UP
|
Post: #26
Title: Re: كــدايس دكتورة زينب..هيجــت شجــوني
Author: سجيمان
Date: 08-06-2005, 07:41 AM
Parent: #24
|
Post: #25
Title: Re: كــدايس دكتورة زينب..هيجــت شجــوني
Author: سجيمان
Date: 08-05-2005, 09:54 PM
Parent: #17
ابو العقيد
Quote: أقول لك حاجة
الموضوع اتلخبط معاي |
يا اخي كان تكتب اي حاجة.... في زول جايب خبر؟
الناس مشغولة الايام دي
|
|