الصحفية نادية عثمان هل مستعدة لدخول سجن كوبر

الصحفية نادية عثمان هل مستعدة لدخول سجن كوبر


14-05-2005, 03:40 PM


  » http://sudaneseonline.com/cgi-bin/sdb/2bb.cgi?seq=msg&board=6&msg=1116081634&rn=25


Post: #1
Title: الصحفية نادية عثمان هل مستعدة لدخول سجن كوبر
Author: هاشم نوريت
Date: 14-05-2005, 03:40 PM
Parent: #0

الصحافة تعرفنا بما يجرى فى كل بقاع العالم تسمى الصحافة مهنة المتاعب
ولكن غالبية الصحفيين يغلب عليهم الطابع الكلاسيكى لنقل الاخبار واجراء
اللقاءات مع المسئولين نعم هنالك من يغامر حتى بحياته كمراسلى الحروب
والبعض يقتحم كهوف المافيا فينقلوا لنا كنه هذه الجماعات كيف تفكر
وكيف تعيش .
هل الصحفى مستعد لدخول السجن مثلا لنقل الحياة داخله ومعايشة المساجين
بعيدا عن فلاشات الكاميرات لتكون الصورة اصلية او ان يدخل مثلا صحفى عالم
الدجل والمشعوذين ليقول لنا كيف تبداء الشعوذة وكيف يوقع هؤلاء الضحايا
فى حبالهم والنماذج كثيرة .
هلا تكرم اهل هذه المهنة بتعريفنا بطرق جديدة وجريئة بدل قال السيد
الرئيس.

Post: #2
Title: Re: الصحفية نادية عثمان هل مستعدة لدخول سجن كوبر
Author: معتصم الطاهر
Date: 14-05-2005, 04:11 PM
Parent: #1

شوف يا هاشم
لو ( نادية ) دى بتمشى السجن
يانى العامل لى عملة وداخل كوبر
ونتلاقى هناك ؟

تخريمة
انت هناك ولا شنو ؟

Post: #3
Title: Re: الصحفية نادية عثمان هل مستعدة لدخول سجن كوبر
Author: منوت
Date: 14-05-2005, 04:21 PM
Parent: #1

شكراً هاشم على طرح هذا التساؤل المحوري الهام .. و الذي يشمل الصحفيين / الصحفيات أجمعين ، و بالتالي الأخت ناديه ..


* معتصم الطاهر ،
يبدو عليك مناصرة ( الرشاشات ) ، بمعنى آخر ، يبدو إنك هلالابي ‍‍‍
و بتحب الأزرق ( البلو ) !!

Post: #4
Title: Re: الصحفية نادية عثمان هل مستعدة لدخول سجن كوبر
Author: هشام مدنى
Date: 14-05-2005, 04:34 PM
Parent: #1

Quote: الصحافة تعرفنا بما يجرى فى كل بقاع العالم تسمى الصحافة مهنة المتاعب

الكلام ده يا عزيزى الفاضل هاشم
فى بلاد تعرف ما هى اصلا الصحافة
ولكن فى بلادنا هى ليس صحافة وانما عناوين حكومة ما اكثر من استقبل و ودع افتتح
ووضع حجر اساس وربما وضع حجر هذا الاساس اكثر من مرة.
ياخى الى الان الصحافة عندنا تتابع الرئيس اذا افتتح مستشفى او عيادة دكتور.
ولو كانت تقول وقال له الرئيس و 99% كلام جرائد.
اى صحافة واى صحفى واى صحفية تتحدث عنهم.
بلادنا فى حالة طوارى مستمرة .
مصالح البلاد العليا هى شنو ذى الديمقراطية عندنا كالشيطان نسمع عنها ولا نراها

مع تحياتى لك ولكم

Post: #5
Title: Re: الصحفية نادية عثمان هل مستعدة لدخول سجن كوبر
Author: Abureesh
Date: 14-05-2005, 05:44 PM
Parent: #4

هناك عالمـة إجتماع مثلت عاهـرة ولم تخبـر حتى رجال الشـرطـة الذين إعتقلوهـا وهى فى الشـارع تبحث عن زبائن.. ويبدو أنهـا كانت تنتظـر الإعتقال لأنهـا رفضت الركوب مع من توقف لهـا حتى جاء البوليس.. وأودعت الحراسـة مع (زميلاتهـا فى العمل) رهن التحقيق.. وشمل تحقيقهـا منذ لحظـة الإعتقال وكيفيـة معاملـة الشـرطـة لهـذا الفصيل من البشــر، حتى السجن ودراسـة سايكولوجيـة المعتقلات وأسباب إمتهانهن هـذه المهنـة، وطريقـة تفكيرهن.. الخ.. وجاء التحقيق العلمى شــاملا ودقيقـا استحقت عليه ترفيع فى مؤسستهـا.. هـذا يحدث فى أمريكـا.
هل من علمـاء الســودان الرجال والنســــاء، من هـو مستعـد لهـذه المرمطــة من أجل البحث العلمى؟

Post: #6
Title: Re: الصحفية نادية عثمان هل مستعدة لدخول سجن كوبر
Author: Al Sunda
Date: 14-05-2005, 10:33 PM
Parent: #1

الاستاذه نادية عثمان- كما هو واضح - هي مراسلة جريدة اخبار اليوم
وأخبار اليوم على حد علمي يسمونها في السودان بإسم اخبار الامن !
عليه لا نتوقع ان تدخل الاستاذه نادية لا كوبر السجن ولا كوبر الحلة
بالطبع قد تظهر مهنيتها في موقع آخر لكن في موقعها الحالي ..... أشك

وعلى ذكر صحافة السودان
تخيل ان الاستاذ سيد احمد خليفة صاحب جريدة الوطن والتي اوقفت بقرار من جهاز الامن( سلطة قضائية في السودان ) عقد مؤتمر صحفيا بعد فك الحظر عن جريدته .... وين ؟
في مباني ال SMC
ويا عزيزي هاشم
صح الكلب بريد خناقو
وعجبي على رأي صلاح جاهين الله يرحمه

Post: #7
Title: Re: الصحفية نادية عثمان هل مستعدة لدخول سجن كوبر
Author: هاشم نوريت
Date: 15-05-2005, 07:30 PM
Parent: #6

شكرا ياشباب جاييكم

Post: #8
Title: Re: الصحفية نادية عثمان هل مستعدة لدخول سجن كوبر
Author: نادية عثمان
Date: 15-05-2005, 08:23 PM
Parent: #7

Quote: الصحفية نادية عثمان هل مستعدة لدخول سجن كوبر


هاشم العزيز

دبايوا

سجن كوبر البسيط ده بس ؟!!


ياسيدى انا مستعدة ادخل سجن ابو غريب زاتو !!

ولكن اليس حراما ان تختذل كل مجهودى الصحفى فى (قال الرئيس) ؟!!

وياتو رئيس القال ده ؟!!

هشام بما انك اخترتنى انا وحدى لتجعلنى نجمة بوستك هذا وتضع اسمى فى الصفحة الاولى مانشيتا عريضا فهل انت متابع لكل نشاطى الصحفى هنا وهناك؟!!

هاشم الاكرم

اتمنى ان يجمعنا الوطن فى رحاب حريته لنشرب معا فنجالا من القهوة بعيدا عن السجون ..والهموم ..والامنيات الكلاسيكية والرومانسية تكون فى الواقع بلسما من مرارة الواقع الذى نتجرع كأسه حنظلا فى صباح كل يوم جديد!!

هاشم نوريت اشكرك على ان جعلتنى مادة للحوار الذى اتمنى ان يكون منصفا وموضوعيا ونقاشا ثرا حول مهنة المتاعب !!

Post: #15
Title: Re: الصحفية نادية عثمان هل مستعدة لدخول سجن كوبر
Author: نادية عثمان
Date: 16-05-2005, 04:24 PM
Parent: #6

Quote: عليه لا نتوقع ان تدخل الاستاذه نادية لا كوبر السجن ولا كوبر الحلة
بالطبع قد تظهر مهنيتها في موقع آخر لكن في موقعها الحالي ..... أشك


الاكرم Al Sunda

كتر الله خيرك وجزاك كلو خير !!

لكن نادية الصحفية مهنيتها مامحتاجة سجن كوبر عشان تتيقن !!

تسلم من كل شر

واقدر رايك مهما كان ولك تقديرى واحترامى

Post: #9
Title: Re: الصحفية نادية عثمان هل مستعدة لدخول سجن كوبر
Author: معتصم الطاهر
Date: 16-05-2005, 05:01 AM
Parent: #1

منوت كتب
Quote: * معتصم الطاهر ،
يبدو عليك مناصرة ( الرشاشات ) ، بمعنى آخر ، يبدو إنك هلالابي ‍‍‍
و بتحب الأزرق ( البلو
) !!


فى الكورة .. نعم ..
البلو و القرين بتاع ( زهرة ربك) ..

لكن لو كان سؤالك فى غير ذلك ..
فأنا ذلك ذاتو ..

بعدين أنا اسعد زول فيكم
شفت نادية شوف بصر وبصيرة ..

Post: #10
Title: Re: الصحفية نادية عثمان هل مستعدة لدخول سجن كوبر
Author: نادية عثمان
Date: 16-05-2005, 07:00 AM
Parent: #9

Quote: بعدين أنا اسعد زول فيكم
شفت نادية شوف بصر وبصيرة ..


الزول الراقى النبيل

وانا اسعد زول لانى شفت معتصم الطاهر شوف بصر وبصيرة ..

ربنا يديم بينا المعروف يااااااااارب

Post: #11
Title: Re: الصحفية نادية عثمان هل مستعدة لدخول سجن كوبر
Author: هاشم نوريت
Date: 16-05-2005, 07:58 AM
Parent: #10

الاخت نادية عثمان
دبايتو
Quote: ولكن اليس حراما ان تختذل كل مجهودى الصحفى فى (قال الرئيس) ؟!!

وياتو رئيس القال ده ؟!!



انا لم اتناول جهدك ولم اقل بانك قلت قال الرئيس فقط كتبت اسمك كصحفية
وزميلة فى البورد ولكننى قلت الصحافة متى تخرج من مقولة قال الرئيس
وتسلمى

Post: #12
Title: Re: الصحفية نادية عثمان هل مستعدة لدخول سجن كوبر
Author: بلدى يا حبوب
Date: 16-05-2005, 08:08 AM
Parent: #1

هاشم نوريت
انت يا زول بقيت دقه قديمة سجن كوبر ما باعوه
وبعدين نادية ان دخلت السجن فهذا نجاحا لها بلغة السلطة الرابعة ولا تنسى اننا ما زلنا حتى الان فى عهد الانقاذ؟؟؟؟؟؟؟؟؟؟؟؟؟؟؟؟؟؟
تحياتى

Post: #13
Title: Re: الصحفية نادية عثمان هل مستعدة لدخول سجن كوبر
Author: نادية عثمان
Date: 16-05-2005, 09:30 AM
Parent: #12

Quote: وبعدين نادية ان دخلت السجن فهذا نجاحا لها بلغة السلطة الرابعة ولا تنسى اننا ما زلنا حتى الان فى عهد الانقاذ؟؟؟؟؟؟؟؟؟؟؟؟؟؟؟؟؟؟



الاكرم بلدى ياحبوب

ازيك اخوى وكيفك كده

اها لكن انا مافهمت كلامك ده مدح ولاذم ولاسؤال ولاشنو!!!


سلمت من كل شر يارب

Post: #14
Title: Re: الصحفية نادية عثمان هل مستعدة لدخول سجن كوبر
Author: سجيمان
Date: 16-05-2005, 11:10 AM
Parent: #13



اللخو هاشم

اولك بالتبادي نادية دي سمحة.....وان شاء الله تبقى الترابي ظاااااتو.... مش علي كيفا؟

بعدين الصحافة دي قاعدين يكتبو فيها ناس زي البعاعيت.... ما يدخلو كوبر هم يا اخي؟

Post: #16
Title: Re: الصحفية نادية عثمان هل مستعدة لدخول سجن كوبر
Author: نادية عثمان
Date: 16-05-2005, 06:09 PM
Parent: #14

Quote: انا لم اتناول جهدك ولم اقل بانك قلت قال الرئيس فقط كتبت اسمك كصحفية
وزميلة فى البورد ولكننى قلت الصحافة متى تخرج من مقولة قال الرئيس


وماعلاقة اسمى بأزمة الصحافة فى الوطن العربى ؟!!

وماعلاقة ذلك بدخولى سجن كوبر ؟!!



Quote: وتسلمى


وتسلم انت كمان اخوى الاكرم

Post: #17
Title: Re: الصحفية نادية عثمان هل مستعدة لدخول سجن كوبر
Author: نادية عثمان
Date: 17-05-2005, 07:10 AM
Parent: #16

Quote: اولك بالتبادي نادية دي سمحة.....وان شاء الله تبقى الترابي ظاااااتو.... مش علي كيفا؟

بعدين الصحافة دي قاعدين يكتبو فيها ناس زي البعاعيت.... ما يدخلو كوبر هم يا اخي؟


سجيمان العزيز

كتر خيرك ياسى جى والله

وانا لو دخلت سجن قوانتنامو مامشكلة بس يكون بخبطة صحفية كويسة !!

ووالله لو فى طريقة امشى السجون دى كنت مشيت عشان اعمل من هناك تحقيقات حية لكن ..الله غالب!!

السجون دى بعييييييدة من القاهرة !! وظروفى حاليا لاتسمح!!

Post: #18
Title: Re: الصحفية نادية عثمان هل مستعدة لدخول سجن كوبر
Author: نادية عثمان
Date: 17-05-2005, 10:15 AM
Parent: #17

هاشم

دبايوا

شنو يعنى خليت البوست بلا صاحب !!!

Post: #19
Title: Re: الصحفية نادية عثمان هل مستعدة لدخول سجن كوبر
Author: هاشم نوريت
Date: 17-05-2005, 10:18 AM
Parent: #18

بصراحة كنت متوقع انو البوست سيناقش مهنة الصحافة ولكن الحصل شفت
داير يجيب لى الهواء لاننى تحولت للدفاع عن اهداف البوست او تفسير
لماذا اخترت اسمك فقلت فى نفسى احسن الواحد يقفل الباب البجى منو
الريح ولتكن بيننا المودة يا استاذة نادية عثمان

Post: #20
Title: Re: الصحفية نادية عثمان هل مستعدة لدخول سجن كوبر
Author: غادة عبدالعزيز خالد
Date: 17-05-2005, 03:18 PM
Parent: #19

الاخ الكريم هاشم

هذا الامر علي قدر كبير من الاهمية و اعتقد ان مجالات التحقيق الصحفية في بلادنا محدودة ليس بيبب الصحفيين انفسهم بل بسبب احتكار الصحافة. و حرية طرق المواضيع جزء لا يتجزأ من حرية الصحافة نفسها.

فمثلا حادثة ووترجيت المشهورة ان حاول اي صحفي ان يحذو حذوها فالموت و القبر اقرب. هل لك ان تتخيل عدد قصص الفساد و المحسوبية والي آخرة??

تخريمة

التحية للصحفية الهمامة المستعدة تدخل حتي سجن ابوغريب


غادة

Post: #21
Title: Re: الصحفية نادية عثمان هل مستعدة لدخول سجن كوبر
Author: نادية عثمان
Date: 17-05-2005, 05:44 PM
Parent: #20

Quote: التحية للصحفية الهمامة المستعدة تدخل حتي سجن ابوغريب


التحية ليك انتى ياغادة وعبرك للمناضل ابو خالد متعه الله بتمام الصحة والعافية يارب

Post: #22
Title: Re: الصحفية نادية عثمان هل مستعدة لدخول سجن كوبر
Author: قاسم المهداوى
Date: 17-05-2005, 10:40 PM
Parent: #21

ناديه عثمان مختار

كونى الكلمه فى صمت الليل وكونى النجمه .... وانت النجمه

وأمشة معنا درب طويل ... وطولى النجمه .... وايضا انت النجمه


وادى الفرح امتداء مساحه صحح فينا احلام يوم باكر

الخ ..................................

كيفك انت هلا انت زى ما بيقولو ناس mbc

really i miss you please be in tuch by phone

gasim almhdawey

Post: #23
Title: Re: الصحفية نادية عثمان هل مستعدة لدخول سجن كوبر
Author: نادية عثمان
Date: 18-05-2005, 07:08 AM
Parent: #22

قاسم

قاسم المهداوى

ياوعدا اخضر ..ياابن الوطن السامى

ياشرفة شمس فى ظلمات الليل المدلهم

وانت ايضا نجم فى كبد الروعة مقيما ابدا ..


وانا برضووووووو مشتاقة ليك جدا يافردة ..ابوى جاء من السودان الليلة ومشغولة شدييييد لكن برجا منك الو

سمح

Quote: كيفك انت هلا انت زى ما بيقولو ناس mbc



وايش بيقولوا هالناس يارجال ؟!!

قاسم لاقينى فى البستان لابس عقال سمح!!

ههههههههههههههههههههاى

صدق يبقى منظرك فنان جدا يفردة!!

Post: #24
Title: Re: الصحفية نادية عثمان هل مستعدة لدخول سجن كوبر
Author: بلدى يا حبوب
Date: 18-05-2005, 07:20 AM
Parent: #1

الاخت /نادية
Quote: اها لكن انا مافهمت كلامك ده مدح ولاذم ولاسؤال ولاشنو


اسف على اختصار الكلام
والقاصدوا طبعا مدح ان كان دخولك السجن سببه متاعب السلطة الرابعة وتحديها لنظام الانقاذ وكشف فضائحه
والله بصراحة من خلال متابعة كتباتك وبوستاتك وجدتك نعم الزميلة والاخت فلك العتبى حتى ترضى قد خاننى التعبير فى توصيل ما اقصده فى المداخلة الاولى
تحياتى

Post: #25
Title: Re: الصحفية نادية عثمان هل مستعدة لدخول سجن كوبر
Author: نادية عثمان
Date: 18-05-2005, 07:41 AM
Parent: #24

العزيز ..بلدى ياحبوب



Quote: والقاصدوا طبعا مدح ان كان دخولك السجن سببه متاعب السلطة الرابعة وتحديها لنظام الانقاذ وكشف فضائحه
والله بصراحة من خلال متابعة كتباتك وبوستاتك وجدتك نعم الزميلة والاخت فلك العتبى حتى ترضى قد خاننى التعبير فى توصيل ما اقصده فى المداخلة الاولى



والله شهادتك دى وسام على جيدى وتاج فوق رأسى

ربنا يديم بينا المعروف ياراجل ياحبوب

وسعيدة بأن تتابع كتاباتى وبوستاتى

بلدى ياحبوب

مرورك من هنا وهناك ومن كل بوستاتى يبعث السعادة فى نفسى فكن حاضرا دوما ولك كل التقدير ووافر الاحترام..