Post: #1
Title: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-05-2011, 10:48 AM
دراسة تؤكد زواج الرجل بإمرأة ثانية يعود بالنفع على زوجته الأولى
__________________________________-
أظهرت دراسة علمية جديدة قام بها كل من فراين البرغ و براون سميث أن طبيعة تكوين الرجل تختلف عن المرأة فالرجل بطبعه يملّ من العلاقة الزوجية بعد فترة ويصيب العلاقة نوع من الفتور ولكن اذا ارتبط الرجل بإمرأة أخرى فإنه يشتاق الى زوجته الأولى ويعود النشاط الى العلاقة بينهما ،بينما المرأة بطبيعتها تكتفي برجل واحد وقد شبّه العالمان هذه الحالة بمن يأكل طعاما واحدا لفترة طويلة فإنه يملّ من هذ الطعام ولكن إذا قام بتغيير نوع الطعام فإنه يشتاق مرة أخرى للطعام الأول ، وقد أظهرت الدراسة على أكثر من سبعمائة حالة أن الرجل المتزوج من أكثر من امرأة واحدة تكون علاقتة الزوجية بزوجته الأولى أكثر نشاطا من الرجل المتزوج بإمرأة واحدة فقط وأفاد العالمان بأن زواج الرجل بإمرأة ثانية يعود بالنفع على زوجته الأولى
....
أقترح طبع البوست وعرضه على المدام فإذا كانت ديموقراطية فتوكل على الله وأبحث عن الزوجة الثانية ، أما إذا كانت قذافية فسوف تطاردك غرفة غرفة ودار دار وزنقة زنقة
|
Post: #2
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-05-2011, 10:51 AM
Parent: #1
امرأة حسناء شرطها للزواج أن يكون ذكرا مسلما فقط !!!!
فى خواتيم عقدالستينات حزم الرجل أمره لزيارة بعض محبيه فى قرية من نجوع السودان..
الرجل كان محظيا بالتقدير والمكانة بين هؤلاء..
احتشد الناس لاستقباله بالذبائح والوجوه الضاحكة وبالبشر والترحاب هو ومرافقيه,,
أمضى أياما فى ضيافتهم لكرمه وفضله وعزوته..
لكن والرجل جالس فى صحن الدار فى حال من الأنس والأشجان تعبر صبية مليحة وقدنهدت الى طور جديدفى مراحل الانوثة الخصيبة..
ألقت التحية ليعرفها مضيفه بأن هذه هى ابنته..
الضيف الكبير وهو يزمع الرحيل يطلب حيث لايرد له طلب..يطلب يد الحلوة الصبية ووالدها يوافق ويرجوه مشورتها..
البنت ترفض الزواج منه ووالدها فى أمر ضيق..ثم هو يعود الى ضيفه ويعتذر عن تزويجه هذه ولكنه يوافق على أن يبنى بشقيقتها التوأم..
وافق الكبير ولكنه بحليفة لاترد هذه المرة طلب أن يتزوج ابنه الشاب الذى يرافقه تلك التى رفضته ليتم الزواج فى نفس اليوم وتعود الشقيقتان معهما..
ذلك وقت كانت فرص الاختيار والتنقيح للبنت محدودة..
وكذا معظم الجدات فى زمن ماض تزوجن وهن لم يعرفن أزواجهن الابعد سنوات من الزواج وبعضهن لم يميزن الوجوه حتى,,
معايير الاختيار للمرأة تبدلت كثيرا بحسب تطور المجتمع سواء فى الريف أو الحضر وهى تخضع لمقاييس نسبية فى كل مرحلة وفقا لاعتبارات القبيلة والعنصر والعمر والحظوة الاجتماعية والاقتصادية وأثر البيئة المخصوصة فى ذلك..
تعليم المرأة وحركة الوعى والاستنارة قبل عقدين أو يزيد حدت بكثير من الفتيات اللائى تحتم عليهم أصول نشأتهن وأوابدهن التاريخية خطا محددا وقولا واحدا (ود أعمك بيشيل همك ) ومع ذلك مضين لتبنى وفق اختيارها الذى تأسس بالعلم والاحتكاك واستشراف المستقبل ,,
وكانت زيجات ناجحة وساطعه الحضور,,
قبل عشرين عاما لم يكن أحد من فتية امدرمان يقدر على تحيتهارغم أنها مكسرة أضلع نصفهم وكادت أن تصيب النصف الباقى بالخبال..
هى برغم الجمال الفتان كانت موهوبة وشاطرة (نمرق النصيحة يااخوانا ) وقدمضت فى التعليم شوطا مقدرا مما جعل أبواب العمل مفتوحة أمامها على مصراعيها ..
تنقلت فى عدد من المؤسسات والشركات وفى كل يوم خطيب وطالب زواج وهى ترفض لعدم استيفاء الشروط التى تتجاوز العشرين ولم يكن لى ولاصدقائى شرف المحاولة أو حتى الاقتراب أو التصوير غير أنا مسحورون فى انبهار..
تدخل الاسطورة عقدها الثلاثين ومايزال الخاطبين والخطباء يتدافعون..
ثم الأيام تمضى والزمن دوارلتدخل بقدرة قادرالعقد الرابع الذى أظلتنا به داهية (راجل المره ) وقد تركت الباب مواربا ولا أحد يطل من الشرفات...هولاء يرجون بنت العشرين والأيام مقبلة...
الحسناء الجميلة وخلق كثير يشهدون مصارع الرجال عند شروطها تعود من مهجرها على مشارف الخمسين لتحدثنى بطريقتها الساحرة ومخايل الجمال بائنة وهى تذوى وقد سألتها عن شروطها العشرين لتقول ..وحاتك عندى شرطين بس..أن يكون ذكرا مسلما,,
الحديث مناط النقاش هنا..آنساتى سيداتى سادتى هو معايير الاختيار بالنسبة للمرأة,,
المرأة السودانية بالطبع !!
|
Post: #3
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-05-2011, 10:55 AM
Parent: #2
خلى اليحصل يحصل
للجندريات فقط....راجل المره حلو حلاه !!!!!
هاقد عدت الى بلدى...بلد المصيبات العجيبة..
جدى حدثنى انه وقبل أربعين عاما من الان قد هب مع بعض اقاربه فى طلب احدى حسناوات حى ابوروف...
والد الفتاة رجل صالح ومن افاضل المدينة..جدى قدم العريس بانه ولد مستقيم لم ترتاد قدمه منتديات الخمر ولايعرف طريقا للنساء ولا يلعب الميسر وهو فى طريقين لا ثالث لهما... من بيته الى العمل ومنه الى المسجد..والد الفتاة نظر اليه طويلا واطرق الى الارض ثم قال...
( والله ياجماعة كتر خيركم وبارك الله فيكم...وانا داحين ماعندى راى فيكم..ناس افاضل ومعروفين..لكن ياحاج ولدكم ده لاجرب الخمر ولاساسق فى درب النسوان جايبنو لى لى بتى اسوى بى شنو..انا عايز لى زولا مقرم وشفت يحميها...)
والايام ماضية... والغناء حامل ثقافة المجتمع والناس... يسمو بسموهم ويهبط بهم عندما يهبطون..
بعد سنوات من طلب قريبنا المودب...كانت الفتيات يتطلعن باعجاب الى(الماشى لى باريس ..جيب لى معاك عريس...شرطا يكون لبيس من هيئة التدريس) حتى اصبح يوم على المدرسين (معلمين)فيه الله من كل شىء بعد زحف المغتربين المقدس وقضائهم على الاخضر واليابس وليتهم ينتقرون خطيباتهم فى لقاء مباشر فى اجازتهم,,, بل يختارونهن عبر اشرطة الفيديو فى الاعراس وهم قابعون فى اغترابهم يسمرون..
وفى عهد تالى كان عز الطلب (وليد دارفور بمشى معاك الليلة..محل ماتدور بمشى معاك الليلة) ولا انسى بينهما من(بتغنيلو بت عباس..ألفى القهوة مو جلاس) ...زمن..
ثم كان لبنات الخرطوم فى عهد زاهر مونق فى السبعينات معاير راقية فى الاختيار خصوصا بنات نمرة اتنين..كن يتطلعن فى شموخ الى (الزول القيافة ..الفايت الناس مسافة) وده مستوفى بالضرورة شرط التعليم والتنشئة المميزة والحضور الجميل..من اعلن النعى على زاك الزمان..
حتى وجدنا انفسنا مطلع التسعينات فى( جلجلة وشيتن يحير) والفتيات يتقافزن فى طلب عريس(جبهة) حيث يمضى بالدثور والاجور ليبقى الشباب الكادح فى ليل من الاسى ومر الزكريات...
عدت سادتى والدكتور حسن الترابى يفك فى فتاواه اسر المرأة وزعيم حركة حق الاستاذة هالة عبد الحليم تتصدى له وتحمله مسوليات جسيمة..
ومسولياته فى تراجع دور المرأة وتقهقر مكانتهاوضمور فعاليتها فى المجالات كافة ...
ثم,,,
والغناء حامل ثقافاتنا..
لاحضر مناسبة لاحد الاصدقاء والفنانة تقدم اجمل الاغنيات وتختتم بى (راجل المره حلو حلاه) والصالة تموج وتطرب برقصات محمومة...بنات فى عمر الزهور..سمحآآآت بالحيل,,,
مارأيكم... والجندريات؟؟؟!!!
|
Post: #6
Title: Re: زواج الرجل بإمرأة ثانية يعود بالنفع على زوجته الأولى!!!!
Author: د.نجاة محمود
Date: 04-05-2011, 11:23 AM
Parent: #3
سلامات يا عكاشة يبدو انني سامدد اقامتي في هذا البوست لاهميته
تعرف يا عكاشة موضوع راجل المرة حلو حلة دا اطبر مؤامرة مرت على المرأة السودانية من الكنداكة الى الان
وامكر واخبث التفاف قامت به الجبهة الاسلامية اسهم فيه الاعلام اسهاما كبيرا
في السودان من سايق العظمة الى دا منو وجاي مين وين؟
نجد السودانيات متحفظات جدا ولا يملن الى العلاقات المتعددة او اللهو
في بداية التسعينات بعد ان مددت الجبهة الاسلامية كريعنها من نمولي لحلفا
وكترت القروش في يد الرجال ديل وذي ما عارف الحكمة النسائية السودانية
الراجل لا تخل سروالو يفوت ركبتو ومن الشمارة للخمارة
لكن للاسف نسوان الرجال ديل ما عملن بهذه الحكمة وكانت الطامة الكبرى
لغاية اول التسعنيات البنات الصغار ماعندهم اي رغبة بعرسو رجال كبار
او يكونن زوجات تانيات..
الى ان بدات اشاعات العرس العرفي والمخدرات والبنات بقن كتار
خالي بالك دي كلها اشاعات طلعوها ناس القروش ديل
يلا الابو بقى يمشي يقعد محل محل يقو لو ليه البنات بقن يعرسن عرس عرفي
ويحكو في بت لقوها حامل وين وبت دكتور حملت لقوها معرسة عرفي
وجا القسم استلم بته و قصص تعمل في ادخال الرعب في قلب اكبر راجل
كلو ولا عمتك تقع ولا بتك تعيب في السودان و
تفضحك.. لما تأكدو انه المجتمع كلو عايش في رعب
بقو الواحد يقول لصاحبو ياخي اخطب لي بت فلان دي
هو بيكون عمرو 50 سنة والبت 20
اها الزول داك يمشي لايام يعمل غسيل مخ بقص القصص المحفوظة
لو الابو مهندس تعرف قبل كم يوم في مركز بوليس العمارات
جابو ليك بت مهندس في كشة
اها لما تستوي الضحية تماما يقترح عليه انت ما تعرس لبتك فلان دا
زول عنده قروش ومتدين
طوالي الابو يوافق اها مرت الايام وبقت البنات الصغار ديل
ما عايزات يغسلوا مخ ابوهم عشان يقنعهم شايفات صاحبتاهن آخر عربات وسفر وفسح
بقت براهن يسكن الواحد..
الحاجة المدهشة اصحابنا الكيزان المعرسين زوجات ثواني قدر بناتهم
مافي زول معرس بتو لواحد عجوز كلهم يجيبو شاب ما عنده حاجة
يدوه قروش وشغل وريما تعليم ويعرسو ليه بناتهم
رافعين شعار ام قيردون في مسرحية ام قيردون*
اميل يمين اميل شمال قالو الشباب بجيب المال
وهكذا دواليك
_---------
مسرحية غنائية فزت بها بجائزة احسن ممثلة في عيد العلم سنة 1972
|
Post: #38
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-06-2011, 10:35 AM
Parent: #6
| Quote: سلامات يا عكاشة يبدو انني سامدد اقامتي في هذا البوست لاهميته |
دكتورة نجاة محمود
سلامات
لك ماتريدين ..اقامتك هنا والكثيرات مهمة جدا..لان المسألة الاجتماعية أكثر أهمية وتماس مع السياسيى والاقتصادى خصوصا مااتصل بقضية الزواج فى السودان..
بوست شروط الزواج والاخر حول راجل المره أرفقتهما لمزيدمن النقاش حيث غدا التعدد فى الاونه الاخيره ظاهرة مرضية ومقلقه حيث تم افراغها من مضمونها القيمى والدينى وضروراتها الموجبه..
الرجل والمرأة على حدسواء يتشاركان الاسباب والمظالم..
لى عودة مع تأييدى لمعظم ماورد فى مداخلتك
مودتى وتقديرى
|
Post: #59
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-24-2011, 07:40 AM
Parent: #38
نعودمرة اخرى
|
Post: #47
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-07-2011, 09:56 AM
Parent: #6
صديقى دكتوراحمد ستطول اقامته هنا لمزيدمن الحواروالنقاش وهذه مداخلته الاولى..
_________________________________
صديقي العزيز عكش
حبه حبه ياشباب انا شايف الناس رجال ونسوان قايمين سداري في حكاية المراالتالته وخلونا براحا نخت الكورا واطا ونفتش الاسباب البتخلي الرجل يفكرفي المرا التالته ونبدا ب الاسباب العامة وذي ماقالت بت مجذوب( بت البلدتخلي الراجل الماعندو همه يبقى فحل )طيب نبدا بحكاية اللياقة الجنسيةكانت الصحابية عائشة بنت طلحة وشئونها الجنسية تحكى وتذاع على الملأ في نوادر وطرائف يسمر عليها المسلمون في سهرهم وسمرهم كان لديها يوم صحابيةتزورها فسمعت الضيفة اصوات المتعة الجنسية لعائشة بنت طلحة حتى خرجت ترفص عرقا فسألتها مضيفتها مستنكره : أو تفعل الحره ذلك فردت عليها ان الخيل العتاق تشرب بالصفيرومن حكاياتها المشهورة انها مرة كانت تحت زوجها فنخرت نخرة جفلت منهامائة من ابل الصدقة هلعا ولم تجتمع حتى اليوم.
ياسادتي كم مره شفتو ليكم سودنية جاكا اما فى بلد الهنك والرنك بنات الغلفاجاكات اليوم كلو وعشان كدا الراجل بدور كان بنص مكنه والباقي بتمو هي ..
اللياقة اللياقة يابنات حواء بتنفعكن هسي وقدام ..
انتهى الدرس الاول ياذكي.
|
Post: #50
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-07-2011, 10:46 AM
Parent: #47
تحياتى للجمبع..
سوف اعلق على كل المداخلات عقب ايراد جملة من مداخلات صديقى احمد وافكاره..للمزيدمن النقاش والحوار
وهذه مداخلته الثانية..لكن ياابوحمييد الحكاية دى حاتمرق من يدى
________________________________________________
نجي للاسباب الخاصة جدا جدا من وين بتبدا خميرة العكننه ، البعجنها أول المراه وبعدين الراجل بخبزا ليها...اها كبف دي :
لحكمة يعلمها هو المراة تفيكرها بياخد شكل الدرقه أو تفكيرها دائري يعني بلتف وتدور في نفس الموضوع بس بألوان مختلفة ، بالبلدي بتصقع الجره ، والرجل تفكيره في شكل حربه أو خط مستقيم برمي دايما وراء ضهرو وبعاين لقدام هناااك.
دى مقدمة اللياقة الذهنية :
الراجل والمراة بحتاجو لمزاج عالي ونفسيات رااايقه في السرير . لكن الرجل بحتاج للياقة الذهنية اكتر من المره ودي مادايرا شرح ذي الزول الشايل درقا وواقف والشايل حربه وبجدع.
وحكاية التعليم هنا معكوسة يعني كلما قل تعليم المراه كلما زاد عملها الفطري في السرير. لانها تراعي اللياقة الذهنية اكتر من اختها المتعلمة. لكن الراجل هنا ما يكون اناني وياريت لو يعرف متعة الاستمتاع بفحولته من اصوات عائشة بت طلحة. ويسنمع لي صفير الخيول العتاق.
نجي للخواجية الغلفا عمرها ما بتفتح موضوع عكننه في غرفة النوم. وما بتقبل منو لغادي وتدي ضهرها وتخلي راجلها يتوسد ضراعو سكات. وهنا تبدا شحن بطاطير اللياقة الذهنية وهناك بتعرف كيف تفرغ البطاريه...
نواصل ياعكش
|
Post: #4
Title: Re: زواج الرجل بإمرأة ثانية يعود بالنفع على زوجته الأولى!!!!
Author: Mohamed E. Seliaman
Date: 04-05-2011, 10:57 AM
Parent: #2
الأخ محمد عكاشة
السلام عليكم ورحمة الله
هل أنت انتحاري ؟
وللا جاهز للجلد ؟
|
Post: #5
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-05-2011, 11:02 AM
Parent: #4
الاخ محمدسليمان
اريتك طيب
الجلد كفاية البطان.. لكن أنامسردب ساااى
بايظه بايظه وزنقه زنقه
تسلم على حضورك الجميل
مودتى
|
Post: #7
Title: Re: زواج الرجل بإمرأة ثانية يعود بالنفع على زوجته الأولى!!!!
Author: صبري طه
Date: 04-05-2011, 11:53 AM
Parent: #5
من موقع القرضاوي:-
Quote: الحكمة في إباحة التعدد :
إن الإسلام هو كلمة الله الأخيرة التي ختم بها الرسالات , لهذا جاءت بشريعة عامة خالدة , تتسع للأقطار كلها , وللأعصار قاطبة , وللناس جميعا .
إنه لا يشرع للحضري ويغفل البدوي , ولا للأقاليم الباردة وينسى الحارة , ولا لعصر خاص مهملاً بقية العصور والأجيال . إنه يقدر ضرورة الأفراد , وضرورة الجماعات .
فمن الناس من يكون قوي الرغبة في النسل , ولكنه رزق بزوجة لا تنجب لعقم أو مرض أو غيره , أفلا يكون أكرم لها , وأفضل له , أن يتزوج عليها من تحقق له رغبته , مع بقاء الأولى , وضمان حقوقها ؟
ومن الرجال من يكون قوى الغريزة , ثائر الشهوة , ولكنه رزق بزوجة قليلة الرغبة في الرجال , أو ذات مرض , أو تطول عندها فترة الحيض أو نحو ذلك , والرجل لا يستطيع الصبر كثيراً على النساء , أفلا يباح له أن يتزوج بأخرى حليلة , بدلا من أن يبحث عن خليلة ؟ أو بدلا من أن يطلق الأولى ؟
وقد يكون عدد النساء أكثر من عدد الرجال , وخاصة في أعقاب الحروب التي تلتهم صفوة الرجال والشباب , وهناك تكون مصلحة المجتمع , ومصلحة النساء أنفسهن في أن يكن ضرائر , بدلا من أن يعشن العمر كله عوانس محرومات من الحياة الزوجية , وما فيها من سكون ومودة وإحصان , ومن نعمة الأمومة , ونداء الفطرة في ثناياهن يدعو إليها .
إنها إحدى طرائق ثلاث , أمام هؤلاء الزائدات عن عدد الرجال القادرين على الزواج :
1. فإما أن يقضين العمر كله في مرارة الحرمان من حياة الزوجية والأمومة .
2. وإما أن يرخى لهن العنان , ليعشن أدوات لهو لعبث الرجال المفسدين . وما يترتب على ذلك من إتيانهن بأطفال غير شرعيين ( أولاد حرام ) , وكثرة عدد اللقطاء المحرومين من الحقوق المادية والمعنوية , ليكونوا عالة على المجتمع , وأداة هدم فيه وإفساد .
3. وإما أن يباح لهن الزواج برجل متزوج قادر على النفقة والإحصان . ولا ريب أن هذه الطريقة الأخيرة هي الحل العادل الأمثل , والبلسم الشافي . وذلك هو ما حكم به الإسلام : ( ومن أحسن من الله حكماً لقوم يوقنون ) . |
|
Post: #8
Title: Re: زواج الرجل بإمرأة ثانية يعود بالنفع على زوجته الأولى!!!!
Author: صبري طه
Date: 04-05-2011, 11:59 AM
Parent: #7
منطق جميل ...
Quote: إنها إحدى طرائق ثلاث , أمام هؤلاء الزائدات عن عدد الرجال القادرين على الزواج :
1. فإما أن يقضين العمر كله في مرارة الحرمان من حياة الزوجية والأمومة .
2. وإما أن يرخى لهن العنان , ليعشن أدوات لهو لعبث الرجال المفسدين . وما يترتب على ذلك من إتيانهن بأطفال غير شرعيين ( أولاد حرام ) , وكثرة عدد اللقطاء المحرومين من الحقوق المادية والمعنوية , ليكونوا عالة على المجتمع , وأداة هدم فيه وإفساد .
3. وإما أن يباح لهن الزواج برجل متزوج قادر على النفقة والإحصان . ولا ريب أن هذه الطريقة الأخيرة هي الحل العادل الأمثل , والبلسم الشافي . وذلك هو ما حكم به الإسلام : ( ومن أحسن من الله حكماً لقوم يوقنون ) . |
وأضف إليها واحدة من عندي:-
4- وإما أن يكنّ لديهن مال يمكّنهن من الزواج من أزواج GL جُداد لنج 
|
Post: #9
Title: Re: زواج الرجل بإمرأة ثانية يعود بالنفع على زوجته الأولى!!!!
Author: doma
Date: 04-05-2011, 12:38 PM
Parent: #8
| Quote: هذه الحالة بمن يأكل طعاما واحدا لفترة طويلة فإنه يملّ من هذ الطعام ولكن إذا قام بتغيير نوع الطعام فإنه يشتاق مرة أخرى للطعام الأول ، |
ياكل الحمت رميت
.يقوموا كلهم يلفوا كدا ولا كدا
|
Post: #10
Title: Re: زواج الرجل بإمرأة ثانية يعود بالنفع على زوجته الأولى!!!!
Author: طارق أحمد أبوبكر
Date: 04-05-2011, 01:19 PM
Parent: #9
ينصر دينك
... غايتو ناس دومه و نجاة عليهن جنس حساده ...
تأكيدا لكلامك أنا عندى صاحبى شديد و صغير فى السن
متزوج 3 ( ثلاثة عديل كده ) و كلهم فى عصمته و كل واحدة
شرط أكثر من اختها عايشين زى الورد و الغريبة انو كلهم
دكتورات ( طبيبات ) أصغرهم خريجة طب الخرطوم السنة الماضية
يعنى عمرها بالكتير بيكون فى منتصف العشرينات ...
برضو القاسم المشترك بينهم انو كلهم بنات عز ...
الحق لى الله صاحبى ده وسيم جدا و مؤدب لمن غلط و متدين لى
درجة قف تأمل ...
|
Post: #11
Title: Re: زواج الرجل بإمرأة ثانية يعود بالنفع على زوجته الأولى!!!!
Author: doma
Date: 04-05-2011, 01:28 PM
Parent: #10
Quote: تأكيدا لكلامك أنا عندى صاحبى شديد و صغير فى السن
متزوج 3 ( ثلاثة عديل كده ) و كلهم فى عصمته و كل واحدة
شرط أكثر من اختها عايشين زى الورد و الغريبة انو كلهم
دكتورات ( طبيبات ) أصغرهم خريجة طب الخرطوم السنة الماضية
يعنى عمرها بالكتير بيكون فى منتصف العشرينات ...
برضو القاسم المشترك بينهم انو كلهم بنات عز ...
الحق لى الله صاحبى ده وسيم جدا و مؤدب لمن غلط و متدين لى
درجة قف تأمل ... |
لوووووول يا ولدي غايتوا نحن الاتنين حكايه يعرسوا فوقنا دي ما فيش
تاح تراح
انا غايتو لو بقي جمال يوسف ونبي شايل كتابه من جبريل راسا
ما بديه بتي . وشنو حكايه انهن طبيبات دي ؟؟
انت قايل القلم برفع بلم ؟؟!!
|
Post: #12
Title: Re: زواج الرجل بإمرأة ثانية يعود بالنفع على زوجته الأولى!!!!
Author: حسن الجيلى سعيد
Date: 04-05-2011, 01:40 PM
Parent: #11
مافى شى بطمم بطنى غير زواج البت لراجل قدر أبوها
حب الجيوب مذاهب ......................وبس
|
Post: #13
Title: Re: زواج الرجل بإمرأة ثانية يعود بالنفع على زوجته الأولى!!!!
Author: doma
Date: 04-05-2011, 01:45 PM
Parent: #12
ينصر دينك يا حسن الجيلي
اي راجل يكون اواخر اربعينات او خمسينات يتزوج بفتاه الفرق بينها وبين 20 سنه دا راجل ظالم وهي بت ما عندها طايوق نهائي ولو تبقي عندها بي اتش دي في الفيزياء اوا لرياضيات
|
Post: #14
Title: Re: زواج الرجل بإمرأة ثانية يعود بالنفع على زوجته الأولى!!!!
Author: domdom
Date: 04-05-2011, 03:45 PM
Parent: #13
تعالوا النوريك التناقض
غايتو انا بنتي ما بعرسها لي زول عجوز
لكن لو الجماعة رضو
ممكنت اعرس ناس 30 سنة ديل
طيب سؤال يا اخواتنا الفوق الاربعين
مش اجسن البنات الفوق ال 30 يرضوا بينا نجن رجال النسوان يعني بدون خجل الواحدة تجيب لي جنا يخليها تضوق طعم الامومة و الحياة بدل ما تخدم اولاد اخوانا و اخواتها و نحن في خريف العمر نلقا لينا زول يخدمنا
خاصة انو بعد تحصل ال 50 و الستين انتا و حاجتك عايزين خدمة
انا بقول الكلام ده لي الناس الحالها مستورة و ممكن تكون عندها اسرتين
مش للناس الواحد عايز يعرس علشان مرة تصرف عليه
|
Post: #15
Title: Re: زواج الرجل بإمرأة ثانية يعود بالنفع على زوجته الأولى!!!!
Author: doma
Date: 04-05-2011, 03:53 PM
Parent: #14
Quote: خاصة انو بعد تحصل ال 50 و الستين انتا و حاجتك عايزين خدمة
انا بقول الكلام ده لي الناس الحالها مستورة و ممكن تكون عندها اسرتين |
يا خوي الحالو مستور ما يجيب ليه طباخه وزول للنظافه
انا غايتو راجلي فاهم كويس في حاله عينوتزوغ جاي ولا جاي يكتب وصيته بس .
|
Post: #17
Title: Re: زواج الرجل بإمرأة ثانية يعود بالنفع على زوجته الأولى!!!!
Author: اسماء الجنيد
Date: 04-05-2011, 04:12 PM
Parent: #15
| Quote: انا غايتو راجلي فاهم كويس في حاله عينوتزوغ جاي ولا جاي يكتب وصيته بس . |
لووووووووووووولز يا دوما
والله يا خية الحقارة مي سمحة تب
انا غايتو زيك
اي فرفرة خوة فرتق طوااااااااااااالي
عجبتني الحمت رمت الكتبتيها فوق لووووووووووووووولز
ولدي مؤيد عمره عشرة سنة جنووووووو نكات
قبل شهرين تقريبا شرفننا بي زيارة جميلة وحنينة الحبيبات
آسيا ربيع وسلمي الشيخ سلامة
في نص الونسة مؤيد مصاحب آسيا ربيع
قال لينا داير احكي ليكم نكتة
قال لينا في واحد معرس ليه 3 نسوان
صاحبو داير يعرس تاني قال احسن يسأل صاحبه المجرب في الأول
جاهو من الصباح يا فلان اها عامل كيف مع التلاتة نسوان ؟
قال لي والله يا فلان بقيت زي الزول البدق البنقز انطط بين الآتنين الصغار سااااي ومرة مرة ادي الكبيرة خبتة
لوووووووولز
سلمي سلامة يا حليلا عاينت لي وقالت لي سوما خلي بالك انتي الكبيرة لوووووووووووولز
محمد عكاشة كيفنك يابا واريتك طيب
عذرا التعديل لخطأ مطبعي
|
Post: #16
Title: Re: زواج الرجل بإمرأة ثانية يعود بالنفع على زوجته الأولى!!!!
Author: Abdlaziz Eisa
Date: 04-05-2011, 04:06 PM
Parent: #14
الأخ/ عكاشة
سلامات
موضوع الرسالة الاميلية دي تفكير ذكوري بحت..
وبعدين نحن عايشين في المجتمع ده وشايفين حالات الزيجات دي..
لا المرة الاولى ولا التانية بيكونن مبسوطات مهما كان الرجل..
في مرة في الدنيا تكون متزوجة وزوجها بيغيب عن البيت مع واحدة أخرى تكون مرتاحة؟
بعدين شوف.. فال دراسة قال!!
الزوج يرجع يشتاق للمرة الاولى بعد يتزوج الثانية!!
يعني شئ استهبال وغش عشان يقنعوا المرة وراجلها يمشي يتزوج بي واحدة تانية..
المسألة كلها هي تفكير نفس العينة والذين يسوقون المبررات للزواج بالتانية..
لا دراسة علمية ولا حاجة..
تصور هذا الاميل وصلني الاسبوع الماضي وارسلته لبعض اصدقائي كطرفة
تحياتي
|
Post: #18
Title: Re: زواج الرجل بإمرأة ثانية يعود بالنفع على زوجته الأولى!!!!
Author: domdom
Date: 04-05-2011, 04:19 PM
Parent: #16
: انا غايتو راجلي فاهم كويس في حاله عينوتزوغ جاي ولا جاي يكتب وصيته بس
ماهو ده المخوفنا زاتو.
باي باي
|
Post: #19
Title: Re: زواج الرجل بإمرأة ثانية يعود بالنفع على زوجته الأولى!!!!
Author: د.نجاة محمود
Date: 04-05-2011, 04:49 PM
Parent: #18
Quote:
تأكيدا لكلامك أنا عندى صاحبى شديد و صغير فى السن
متزوج 3 ( ثلاثة عديل كده ) و كلهم فى عصمته و كل واحدة
شرط أكثر من اختها عايشين زى الورد و الغريبة انو كلهم
دكتورات ( طبيبات ) أصغرهم خريجة طب الخرطوم السنة الماضية
يعنى عمرها بالكتير بيكون فى منتصف العشرينات ...
برضو القاسم المشترك بينهم انو كلهم بنات عز ...
الحق لى الله صاحبى ده وسيم جدا و مؤدب لمن غلط و متدين لى
درجة قف تأمل . |
لووووووووووووول والله صاحبك غشيم
معرس ليه شلة ..
تعرف الطبيبات بيكونن قصدن يعرسن بارتايم هسبند
لزوم طييعة العمل..
بعدين بكدا يقدرن يساعدن بعص في رعاية الاطفال..
|
Post: #20
Title: Re: زواج الرجل بإمرأة ثانية يعود بالنفع على زوجته الأولى!!!!
Author: اسماء الجنيد
Date: 04-05-2011, 04:50 PM
Parent: #18
Quote: الأخ/ عكاشة
سلامات
موضوع الرسالة الاميلية دي تفكير ذكوري بحت..
وبعدين نحن عايشين في المجتمع ده وشايفين حالات الزيجات دي..
لا المرة الاولى ولا التانية بيكونن مبسوطات مهما كان الرجل..
في مرة في الدنيا تكون متزوجة وزوجها بيغيب عن البيت مع واحدة أخرى تكون مرتاحة؟
بعدين شوف.. فال دراسة قال!!
الزوج يرجع يشتاق للمرة الاولى بعد يتزوج الثانية!!
يعني شئ استهبال وغش عشان يقنعوا المرة وراجلها يمشي يتزوج بي واحدة تانية..
المسألة كلها هي تفكير نفس العينة والذين يسوقون المبررات للزواج بالتانية..
لا دراسة علمية ولا حاجة..
تصور هذا الاميل وصلني الاسبوع الماضي وارسلته لبعض اصدقائي كطرفة
تحياتي |
عزيز العزيز حبابك يا الحنين
انت يا يابا تتعلا ما تدلا
والله صدقت في كل كلامك ده بدون اي حيادية ولا مجاملة
ولا حنبكة على حبيب نورا لووولز
تجيك هسه حبيبتنا دوما تزغرتلك
الرجال زيك يا بلاش
قال دراسة قال على قولك ..
Quote: ماهو ده المخوفنا زاتو.
باي باي |
لووووووووووووووووووولز
الخواف ربى عيالو يا خوي
|
Post: #21
Title: Re: زواج الرجل بإمرأة ثانية يعود بالنفع على زوجته الأولى!!!!
Author: أحمد ابن عوف
Date: 04-05-2011, 04:56 PM
Parent: #20
Quote: ياكل الحمت رميت
.يقوموا كلهم يلفوا كدا ولا كدا |
ماع انو انا ما عرفت الحمت رميت الباكلوهو دا، لكن شكله بجيب الجلا ههههههههه
غايتو يا دوما هرشتينا هرشه، نسكت بس
|
Post: #34
Title: Re: زواج الرجل بإمرأة ثانية يعود بالنفع على زوجته الأولى!!!!
Author: doma
Date: 04-06-2011, 08:59 AM
Parent: #21
Quote: ماع انو انا ما عرفت الحمت رميت الباكلوهو دا، لكن شكله بجيب الجلا ههههههههه
غايتو يا دوما هرشتينا هرشه، نسكت بس |
لول يا احمد بن عوف لو ما هرشناكم ما بتقعدوا في الواطه
جلا عدوك والله الكمده بالرمده
ولا في طب يعرف سبب الموت.
اخير ليكم تروقوا المنقه وتقعدوا في علبكم
|
Post: #71
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 06-30-2011, 07:47 AM
Parent: #34
>>>>
|
Post: #64
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-26-2011, 09:24 AM
Parent: #21
الاخ احمدبن عوف
سلامات
البهيرشو كتااار وخشمهم عندهم
تسلم على المرور
|
Post: #22
Title: Re: زواج الرجل بإمرأة ثانية يعود بالنفع على زوجته الأولى!!!!
Author: نادر النور آدم
Date: 04-05-2011, 04:59 PM
Parent: #20
طيب يا محمد عكاشة .. إذا الواحد اتعرض لأذى جسيم بسبب المقال دا ... أو بيت القوى .. انت بتتحمل المسئولية في الحالة دي ؟؟
|
Post: #24
Title: Re: زواج الرجل بإمرأة ثانية يعود بالنفع على زوجته الأولى!!!!
Author: ياسر احمد محمود
Date: 04-05-2011, 06:43 PM
Parent: #23
| Quote: وقد شبّه العالمان هذه الحالة بمن يأكل طعاما واحدا لفترة طويلة فإنه يملّ من هذ الطعام ولكن إذا قام بتغيير نوع الطعام فإنه يشتاق مرة أخرى للطعام الأول |
وماذا لو قالت المرأة أيضاً: لن نصبر على طعام واحد.
|
Post: #66
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-27-2011, 03:46 PM
Parent: #24
| Quote: وماذا لو قالت المرأة أيضاً: لن نصبر على طعام واحد. |
فى الحتة دى اناجديدفى البلد
ياسرمحمود
سلامات
كل الود
|
Post: #70
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 05-31-2011, 11:54 AM
Parent: #24
***
|
Post: #65
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-27-2011, 09:37 AM
Parent: #22
| Quote: طيب يا محمد عكاشة .. إذا الواحد اتعرض لأذى جسيم بسبب المقال دا ... أو بيت القوى .. انت بتتحمل المسئولية في الحالة دي |
نادر النور
سلامات
كل زول يتحمل مسؤلياته مادام جابت ليها أذى جسيم
مودتى
|
Post: #25
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-05-2011, 10:40 PM
Parent: #16
لكل المتداخلين
التحيات النواضر
سوف أرد تفصيلا اثراء للنقاش لكل مداخلة
خاله دوما ود.نجاة ..بت الجنيد والازواج الراقدين رز ديل ودايرين فرصه ..طولوابالكم وشيلو الصبر
الاخ عبدالعزيزعيسى
هى رسالة ايميلية وردتنى قبلك بى كم يوم..معك ضدالتفكير الذكورى والمظالم وفق ذلك..
هو صديقى دكتور احمد الخبير المالى فى عددمن المنظمات الدولية وخبير بالحب والزواج كذاك..هو من بعث برسالته هذه موضوعا للبوست .. ورده حاااضر يعضد ذلك بتجربته فى زيجات تعددت وتنوعت فى السودان وفى بلادالغلفان ولحديثه حديث سيرد..وهو لايخشى الفقر وزنقة الزانقين
مهما يكن من أمر الباب مفتوح للنقاش غض النظر عن العلمية والنظرية وظاهرة التعدد المرضية والشرعية والضرورية..
محبتى وتقديرى
|
Post: #26
Title: Re: زواج الرجل بإمرأة ثانية يعود بالنفع على زوجته الأولى!!!!
Author: doma
Date: 04-06-2011, 04:00 AM
Parent: #25
| Quote: وماذا لو قالت المرأة أيضاً: لن نصبر على طعام واحد. |
اسياد الفهم لا يفوتوا لا يموتوا
يسلم عقلك يا ياسر احمد محمود يا ابني
|
Post: #27
Title: Re: زواج الرجل بإمرأة ثانية يعود بالنفع على زوجته الأولى!!!!
Author: Manar Mahsoub
Date: 04-06-2011, 05:37 AM
Parent: #26
| Quote: وماذا لو قالت المرأة أيضاً: لن نصبر على طعام واحد. |
ستحصل الجقلبة و تبدأ التصنيفات الاخلاقية العجيبة .....بس تقول الشهية خاصة بالرجال فقط
و بعدين قالو ليكم عديل كده و لن تعدلو .....
عايز تزوج تانى تطلق الاولى فورا و ما تقعد تطبق نظرية البنقز كما قال ابننا مؤيد
|
Post: #28
Title: Re: زواج الرجل بإمرأة ثانية يعود بالنفع على زوجته الأولى!!!!
Author: doma
Date: 04-06-2011, 06:08 AM
Parent: #27
| Quote: عايز تزوج تانى تطلق الاولى فورا و ما تقعد تطبق نظرية البنقز كما قال ابننا مؤيد |
شكرا يا منار اخير لقيت زول يؤيدني
البنقز دا له مخاطر صحيه قد تكون قاتله
قبل كم يوم طالعاتنا مشكله اسره يتهددها الايدز
رجل زوجته مصابه وهو مصاب وله زوجتين اخريتتن اعترف بانه يعاشرهن ايضا لانهن في عصمته.
|
Post: #29
Title: Re: زواج الرجل بإمرأة ثانية يعود بالنفع على زوجته الأولى!!!!
Author: عمار يس النور
Date: 04-06-2011, 06:45 AM
Parent: #28
| Quote: عايز تزوج تانى تطلق الاولى فورا و ما تقعد تطبق نظرية البنقز كما قال ابننا مؤيد |
ده لو كانت عاوزة تتطلق !!!
تعدد الزوجات مشكلة يمكن حلها بسهولة جدا.
يمكن للزوجة الاولى ان تشترط على زوجها أن لا يتزوج عليها و يتم كتابة هذا الأمر في عقد الزواج و ليس هنالك ما يمنع شرعا مثل هذا الشرط.
أما إذا تزوجت المراة و قبلت الزواج على سنة الله و رسوله فهي تعرف جيدا ان الشرع يبيح هذا الامر.
كما يمكن أيضا للمرأة أن تطالب بالعصمة قبل الزواج. و لكن العرف درج أن تعطى العصمة للرجل.
إن كان تعدد الزواج جريمة فإن جنس المرأة مشارك فيه اكثر من الرجل.
إذا تزوج الرجل مرتين فإن هنالك رجل و إمرأتان شاركوا في هذه الجريمة
إذا تزوح الرجل 3 مرات فإن هنالك رجل و 3 نساء شاركن في الجريمة
إذا تزوج الرجل 4 مرات فإن هنالك رجل و 4 نساء شاركن.
إذن المرأة هي من تطلب التعدد لا الرجل.
عني أنا شخصيا كنت سوف اوافق على كتابة مثل هذا الشرط (عدم الزواج مرة أخرى) إذا طلبت زوجتي هذا و لكنها قطعا سوف لن تكون المرأة التي أحببت.
|
Post: #30
Title: Re: زواج الرجل بإمرأة ثانية يعود بالنفع على زوجته الأولى!!!!
Author: Manar Mahsoub
Date: 04-06-2011, 07:29 AM
Parent: #29
| Quote: إذن المرأة هي من تطلب التعدد لا الرجل. |
اى امرأة طبيعية 100% لا يمكن ان تقبل التعدد
مجرد تفكير الرجل فى امرأة اخرى باى فهم او اى معنى معناه لغى الاولى من حياته و اصبحت ما زولتو و فى الحالة دى بيكون طلاق المشاعر حصل مسبقا و ده المفترض نقيف عندو اما حكاية الورقة فدى شكليات لا تعنى شىء .... لكن قصة فتح شهية بالتانية و لانى عندى ظروف بتحتم على اتزوج تانى كل ده عشان يبرر حالة الطفاسه الهو فيها ....بس للاسف سياسة ياخدها لحم و يرميها عضم بقت منتشرة .....فى حين انو لو حصل العكس مثلا امراة زوجها كبر و اصبح مرضان اليوم كلو يعنى كركب خلاص و هى حاسه انها شباب و قامت فكرت تطلقو عشان تعرس واحد تانى ....طوالى الكلام بيكون ما عندها عشرة و لا اصل دى فارغة ساكت و هايفة ده لو ما دخلو فى وصف اخلاقى آخر ....اما الرجل بالعكس مسكين بيستحق يعرس لانو مرتو كبرت و محتاج لواحده ترعاه و تشوف طلباته ....هو مسكين و نحن ما عندنا عشرة ....
|
Post: #31
Title: Re: زواج الرجل بإمرأة ثانية يعود بالنفع على زوجته الأولى!!!!
Author: doma
Date: 04-06-2011, 07:36 AM
Parent: #29
| Quote: عني أنا شخصيا كنت سوف اوافق على كتابة مثل هذا الشرط (عدم الزواج مرة أخرى) إذا طلبت زوجتي هذا و لكنها قطعا سوف لن تكون المرأة التي أحببت. |
عني شخصيا ما بكتب زول شرط لكين انا قاطعاه عهد علي نفسي ما فيش راجل بتزوج علي وانا في عصمته
اولا ورقتي و يغور في ستين الف داهيه من ندرتكم يعني؟؟؟؟!!!
يطلقني اولا قبل يتزوج باخري وليهو علي اسيره وارقص في عرسه .
اولادي ما بديهم لي امراه غيري ولو انطبقت السماء علي الارض .
|
Post: #32
Title: Re: زواج الرجل بإمرأة ثانية يعود بالنفع على زوجته الأولى!!!!
Author: منال
Date: 04-06-2011, 08:30 AM
Parent: #31
Quote: : انا غايتو راجلي فاهم كويس في حاله عينوتزوغ جاي ولا جاي يكتب وصيت
|
لاحولااااا قدر ده يادوما ؟؟ اريته دى ماكانت عرسه البتوديهو احمد شرفى دى
| Quote: وليهو علي اسيره وارقص في عرسه . |
كضبا كاضب !!! ما بتعمليها مهما كنتى قويه ,,, لوووووووووووووووووول
|
Post: #33
Title: Re: زواج الرجل بإمرأة ثانية يعود بالنفع على زوجته الأولى!!!!
Author: ابو جهينة
Date: 04-06-2011, 08:56 AM
Parent: #31
تحياتي أخي محمد عكاشة
و لكل المتداخلين و المتداخلات التحية
أولا : دراسة تؤكد زواج الرجل بإمرأة ثانية يعود بالنفع على زوجته الأولى
تعرف يا أبوحميد ، هناك قاعدة راسخة لدى كل الإناث بأن دخول زوجة ثانية في حياة الزوج تعني : إنفصام كل ما يربطها بالزوج ، و لو أبقت الزوجة على رابط الزوجية فهذا في حالات وجود أطفال أو في حالة أنها مهيضة الجناح لا ركن تلجأ إليه لأسباب أسرية و مادية و إجتماعية.
تشبيه النفع الذي يعود على المرأة بزواج زوجها من أخرى ، تشبيه هذا بالملل من الطعام و الرجوع إلى مائدته القديمة فيه إجحاف ماحق و ساحق لأن العلاقات الزوجية لا يمكنها بأي حال من الأحوال أن تخضع لمعايير البطون و أمزجة التذوق و الشم و المضغ و البلع و تقييم البطون.
سؤال للجميع : ماذا لو أتت زوجة إلى زوجها قائلة : أنا ملّيت منك و من العيشة معاك ، ممكن تطلقني عشان عاوزة أتزوج من فلان لأنو صراحة عاجبني و مالي عيني.
لاحظوا هنا الصراحة المتناهية من الزوجة و قارنوها مع الذي يفاجيء زوجته بأخرى ، هذه الأخرى التي بلا شك كان يقابلها و يحادثها و يغازلها من وراء ظهر زوجته.
مهما كان الزوج عادلا مع الزوجتين ، فإن تيرمومترا مزروعا في دواخل الأنثى يستطيع أن يلتقط نبض الإنحياز تماما كمقياس ريختر.
الزوجة يمكنها أن تتغاضى عن خيانة زوجها لها مع أخرى ، و لكن خنجر زوجة أخرى ينغرس فيها يوميا رويدا رويدا و يعيث في نفسها هرجلة عاطفية و فوضى نفسية إلى أن يموت فيها أي إحساس نحو زوجها.
مهما كان حب الزوجة لزوجها ، فإن زواجه من أخرى يغمر روحها بطبقة كثيفة من طمي الإحباط حتى لو دلق عليها كل يوم أطنانا من الإهتمام و عزف سيمفونيات الحب القديم.
حتى لو طلق الزوج الزوجة الثانية ، فإن جدارا شفافا و لكنه متين و سميك يقف بينها و بين زوجها ، جدار يجعلها تراه و تتعامل معه كزوجة مجروحة ، بينما نفس الجدار يقف حائلا بين روحها و روحه و يمنعها من الإنطلاق معه في رحلة الحب القديمة التي كانت وجهتهما فيها واحدة.
الدراسة هذه يا محمد فيه إنقاص من قدر المرأة.
لا أريد أن أتطرق لمسببات الزواج من أخرى التي لوى البعض رقبة حقيقتها و جوهرها و خرجوا لنا بهذه الأنواع من الزيجات التي فاقت مينيو طعام المطاعم الفاخرة ، فتارة مسيار و تارة مصياف و هلم زيجة.
واصلوا و لي عودة بحول الله
|
Post: #35
Title: Re: زواج الرجل بإمرأة ثانية يعود بالنفع على زوجته الأولى!!!!
Author: doma
Date: 04-06-2011, 09:17 AM
Parent: #33
يا سلام يا سلام علي ابو جهينه
بالله يا محمد عكاشه يا ابني تطبع كلام ابو جهينه ترسله للخبير الكتب الكلام دا كي يفهم ولو قليلا عن العلاقه الزوجيه .
|
Post: #36
Title: Re: زواج الرجل بإمرأة ثانية يعود بالنفع على زوجته الأولى!!!!
Author: منال
Date: 04-06-2011, 09:25 AM
Parent: #35
| Quote: لا أريد أن أتطرق لمسببات الزواج من أخرى التي لوى البعض رقبة حقيقته |
هنا مربط الفرس
واظن مافى راجل بتزوج على زوجته بدون اسباب
والزوجه هى المسؤلة عن وجود امرأة اخرى فى حياة زوجها سوا ان كانت زوجة او عشيقة
تخريمه
واحد من اصحاب زوجى اتزوج وجاب زوجته ابوظبي معانا
من اول يوم قالت ليهو شوف انا ممكن اطبخ لكن بصل اصلى مابقطعو انت قطع البصل وانا بطبخ
اها الباقى اعرفو براكم
|
Post: #37
Title: Re: زواج الرجل بإمرأة ثانية يعود بالنفع على زوجته الأولى!!!!
Author: doma
Date: 04-06-2011, 09:38 AM
Parent: #36
Quote: لووووووووووووولز يا دوما
والله يا خية الحقارة مي سمحة تب
انا غايتو زيك
اي فرفرة خوة فرتق طوااااااااااااالي
عجبتني الحمت رمت الكتبتيها فوق لووووووووووووووولز
ولدي مؤيد عمره عشرة سنة جنووووووو نكات
قبل شهرين تقريبا شرفننا بي زيارة جميلة وحنينة الحبيبات
آسيا ربيع وسلمي الشيخ سلامة
في نص الونسة مؤيد مصاحب آسيا ربيع
قال لينا داير احكي ليكم نكتة
قال لينا في واحد معرس ليه 3 نسوان
صاحبو داير يعرس تاني قال احسن يسأل صاحبه المجرب في الأول
جاهو من الصباح يا فلان اها عامل كيف مع التلاتة نسوان ؟
قال لي والله يا فلان بقيت زي الزول البدق البنقز انطط بين الآتنين الصغار سااااي ومرة مرة ادي الكبيرة خبتة
لوووووووولز
سلمي سلامة يا حليلا عاينت لي وقالت لي سوما خلي بالك انتي الكبيرة لوووووووووووولز
|
لوووووووووووووووووولز يا سومه
مؤيد عسل لكين
ينقز يا يمه مجنون
هو انا تاني بخليه يدخل بيتي
قال الكبيره يديها خبته !!
خبتوا بلاء يخمو ويعجل باجله .
بعدين سيد الدراسه دا نحن شكينا ليهو؟؟؟!!
مالوا ومالنا لا بندور لينا فائده لا غيرها
|
Post: #39
Title: Re: زواج الرجل بإمرأة ثانية يعود بالنفع على زوجته الأولى!!!!
Author: Asaad Alabbasi
Date: 04-06-2011, 04:40 PM
Parent: #37
أخي محمد عكاشة التحية لك ولضيوفك الأعزاء خاصة الأخوات دوما وأسماء الجنيد والدكتورة نجاة محمود وأقول لك حسبما أعتقده من واقع ثقافتي الخاصة ومعرفتي بالحياة دون أدلجة فكرية سواء دينية او غيرها بأن الزواج مؤسسة يجب أن تعمر بالحب والمودة بين الشريكين وإلا أصابها التصدع والحب الذي يعتبر الأساس الذي تبنى عليه هذه المؤسسة هو في رأيى مشاعر لا تتجزأ إذ لا يمكن منحها في معنى الزواج إلا لواحد فقط، وما يحدث في حال وجود الأساس لا يعدو كونه نزوة أو مصلحة، عليه فإني لا أعتد بما جاء في الدراسة المذكورة وأعتبرها من السذاجة بمكان. مع تحياتي لك مرة أخرى أخي محمد عكاشة.
|
Post: #40
Title: Re: زواج الرجل بإمرأة ثانية يعود بالنفع على زوجته الأولى!!!!
Author: Abdlaziz Eisa
Date: 04-06-2011, 07:18 PM
Parent: #39
السلام عليكم
وردني هذا الإميل قبل قليل.............
Quote:
هذه القصة حقيقية و حدثت باحدي قري شمال السودان
خرج من بيت زوجته الجديدة و التي لم تتركه يخرج الا بعد الافطار, افطر عندها و خرج
يقصد منزل زوجته الاولي التي له معها ابنان وصلا المرحلة الثانوية توقفت بعدها عن الانجاب
و هذا ما دعاه الي الزواج من اخري لمزيد من الاطفال " او انه اتخذ هذا الامر سببا ليقنع نفسه
...و الناس بالزواج من اخري". وصل الي منزل الاولي فوجدها قد اعدت له الافطار " قراصة كاااربه"
و لانه كان قد افطر عند الزوجه الثانية , لم يشأ ان يخبرها بافطاره حتي لا يؤذي مشاعرها .
وضعت له الاكل امامه و اعتذرت بانها ليست جائعة و ذهبت الي الداخل لقضاء بعض المهام.
جلس الزوج وحيدا في " الحوش" و امامه صينية " الفطور" و لم يأكل منها لانه لم يكن جائعا
و في هذه اللحظة جاء الولدان من المدرسة للافطار " فسحة الفطور" و بعد السلام علي والدهم
جلسا للاكل مباشرة " و الله يا ابوي جعانين لينا جنس جوعة" هكذا قال احدهما , حمد والدهم الله في سره
لان زوجته كانت ستغضب اذا رجع الاكل كما هو. في لحظات اتي الولدان علي نصف " القراصة" ثم بدءا في
" الونسة " مع والدهم , سمعت امهم في الداخل من يتحدث مع زوجها في الخارج , خرجت مسرعة و عندما
رأت ابنيها قد اتيا علي نصف " القراصة" اطلقت صرخة مدوية سمعها اغلب اهل الحي و طفقت تحثو علي
راسها التراب وتصرخ , الجمت الدهشه ثلاثتهم ثم خرجت الكلمات من فمها كالصاعقة
" وووووووب علي كتلت اولادي "
بدأ الولدان يشعران بآلام رهيبة في المعدة ثم ما لبث ان سقطا ارضا و كل منهم في ناحية يتلوي من الالم
, نعم لقد كانت " صبغة الشعر" التي وضعته امهما لقتل والدهما يكفي لقتل فيل دعك من انسان. فاضت روحهما
الي بارئها تشكو ظلم الانسان لاخيه الانسان فقدت عقلها وهي تراهم يموتون امام عينيها و عاشت ما بقي من عمرها
عند احد اقاربها لا تفقه شيئا , و ذهب هو ليقضي ما بقي من عمره مع الزوجة الثانية و في القلب حسرة
علي شباب كانوا علي اعتاب الرجولة
|
ذهبت الزوجة في حالة جنون بقية حياتها .. والزوج ذهب ليعيش مع زوجته التانية .....
لو كان صادقا فيما ذهب اليه من أسباب للزواج تانيا لكان عادلا وصادقا مع الزوجة الأولى..
ولو كان عادلا لما وصلت الزوجة الأولى لمرحلة التفكير في قتله..
وبعد كل ما حدث فهو لم يعتني بها وبعلاجها .. وتركها والمجتمع كله نصبها الشريرة القاتلة.. وقد كان الزوج من الأساس سببا مباشرا في كلما حدث..
|
Post: #41
Title: Re: زواج الرجل بإمرأة ثانية يعود بالنفع على زوجته الأولى!!!!
Author: Abdlaziz Eisa
Date: 04-06-2011, 07:35 PM
Parent: #40
Quote: عزيز العزيز حبابك يا الحنين
انت يا يابا تتعلا ما تدلا
والله صدقت في كل كلامك ده بدون اي حيادية ولا مجاملة
ولا حنبكة على حبيب نورا لووولز
تجيك هسه حبيبتنا دوما تزغرتلك
الرجال زيك يا بلاش
قال دراسة قال على قولك ..
|
العزيزة الأستاذة/ سوما
سلام
قال تعالى : [ ولن تستطيعوا أن تعدلوا بين النساء ولو حرصتم فلا تميلوا كل الميل فتذروها كالمعلقة .. ] النساء 129 .
....................................((ولن تعدلوا بين النساء ولو حرصتم )).....................................................................
(( اللهم لا تلمني فيما تملك ولا أملك))
اذا كان المصطفي صلى الله عليه وسلم لا يتحكم في الميل القلبي.. فما بالنا نحن البشر العاديين!!!!
العدل.. العدل.. العدل..
أن النص القرآني أعلاه واضحا بعدم امكانية العدل..
وعدم تحقق العدل معناه الدخول في الظلم..
والظلم ذنب وفاعله مذنب..
فلماذا أكون مذنبا؟ من أجل ماذا؟
أم هنالك الكذب البواح مع الزوجة الأولي ثم البحث عن أخرى!!!!!
الله يعزك ويخليك وممتن جدا للدعاء الجميل الراقي ولك بألف مثله يا سوما..
تحياتي
|
Post: #57
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-15-2011, 10:18 PM
Parent: #14
Quote: تعالوا النوريك التناقض
غايتو انا بنتي ما بعرسها لي زول عجوز
لكن لو الجماعة رضو
ممكنت اعرس ناس 30 سنة ديل
طيب سؤال يا اخواتنا الفوق الاربعين
مش اجسن البنات الفوق ال 30 يرضوا بينا نجن رجال النسوان يعني بدون خجل الواحدة تجيب لي جنا يخليها تضوق طعم الامومة و الحياة بدل ما تخدم اولاد اخوانا و اخواتها و نحن في خريف العمر نلقا لينا زول يخدمنا
خاصة انو بعد تحصل ال 50 و الستين انتا و حاجتك عايزين خدمة
انا بقول الكلام ده لي الناس الحالها مستورة و ممكن تكون عندها اسرتين
مش للناس الواحد عايز يعرس علشان مرة تصرف عليه |
ده كلام مهم ياناس
كل الود
|
Post: #67
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 05-08-2011, 08:48 AM
Parent: #13
**
|
Post: #56
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-13-2011, 04:15 PM
Parent: #12
| Quote: مافى شى بطمم بطنى غير زواج البت لراجل قدر أبوها |
الاخ حسن الجيلى
سلامات
دى بقت ظاهرة كبيرة..المجتمع فى حالة تحول مستمر فى ظل الضغوط وعزوف الشباب عن الزواج..
انت بذا تفتح للكثيرين هناطاقة اخرى للنقاش
مودتى وتقديرى
|
Post: #68
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 05-13-2011, 10:38 PM
Parent: #12
نشوف
|
Post: #53
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-08-2011, 09:08 PM
Parent: #10
الاخ طارق بابكر
سلامات
وللطبيبات مكان هنا
الطــبيبات مســحـورات...عنوســــة وجــــمال !!!
الرجل السودانى مفتون بالجمال..
شاعرنا ..
يستفيق وهويفتح عينيه بصعوبة ليبهره وهو خارج من (خدره) صورة بهية (زاهى فى خدره) قوام ممشوق وهالة من ضوء وهى= الطبيبة= فى ثوبها الابيض ..الناصع ..
نظرت اليه من وراء نظارة سوداء..طلب اليها ان يرى ماوراء العدسات ليتعافى بعض الشىء..وهى اذ تفعل..يغيب ثانية فى هذيانه ووجيب الحمى فى جسده ويتمتم...
السيف فى غمده لاتخشى عواقبه .....ولحاظ عينيك فى الحالين بتار...
شاعرناهذا..
يسبقه اخر تكاد نفسه تذوب حسرات لتستنقذه طبيبة (القصر العينى )ليخلد ذكراها وذكراه وذكرى المرحوم سيدخليفة فى اجمل الاغنيات...
جدتى بت على على أثارهم عاكفة.. تعجبها السماحة و(الحكيمات) بلاريب...
هؤلاء..
يستمدون فتنة العشق بالجمال من بعيد..
الزاهد العابد عبدالله بن حزام بجوار الكعبة يتحنث اذ طلعت عليه مثل فلق القمر امرأة بديعة..
يسألها ويديه تضرعان بالدعاء..من أنت ؟ فتجيبه..
_انا من اللائى قال فيهن عمربن ابى ربيعه:
من اللائى لم يحججن بغية حسبة...ولكن ليقتلن قلب البرىء المغفلا..
ابن حزام..رفع يديه بالدعاء عندالمشعر الحرام..ربنالاتعذب هذا الوجه بالنار...
ثم..
والخبر هذا يبلغ الحسن البصرى..يبتسم ثم يقول ..رحم الله ابن حزام..فهو رجل من الحجاز قوم رقيقو الحاشية..ولو كان من اهل مكة لقال لها اغربى عن وجهى يالعينة..
والرجل السودانى من اهل الحجاز..بلاشك..
الطب فى السودان هو غاية الآمال..
وبنات بلادى يفدن الى كلياته بتفوق وهمة ونشاط..أعداد كبيرة منهن خرجن الى المستشفيات والمستوصفات مثل ملائكة الرحمة..
ألايام الماضية غدوت الى عدد منها لعيادة بعض المرضى حيث بلغ الصحة عمنا محجوب ودابراهيم ..
الطبيبات حوله مثل هبة النسيم جمالا وحبور..عينى بارده.. ملمس شافى وأسلوب مترفق واهتمام يبعث على التعافى والاستشفاء..
صديقنا عصام اللخو يكاد لسانه ينعقد من فرط جمالهن وحضورهن..والاسئلة تتقافز..الطبيبة..والجمال والعنوسة..سؤال اجابته عنده..
قطع شك مسحورات..
تحية ندية الى كل طبيبات بلادى!!!
|
Post: #52
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-08-2011, 08:20 PM
Parent: #9
Quote: ياكل الحمت رميت
.يقوموا كلهم يلفوا كدا ولا كدا |
اللهم أحفظنا
سيده دوما
سلامات
شكرا على حضورك الكريم
كل الود
|
Post: #51
Title: Re: زواج الرجل بإمرأة ثانية يعود بالنفع على زوجته الأولى!!!!
Author: محمد عكاشة
Date: 04-08-2011, 04:20 PM
Parent: #7
الاخ صبرى طه
شكرا جزيلا على حضورك وفتحك النوافذ لحوار بناء فى موضوع الزواج والتعدد
تسلم كثير
ونواصل
كل الود
|
Post: #42
Title: Re: زواج الرجل بإمرأة ثانية يعود بالنفع على زوجته الأولى!!!!
Author: عاطف عمر
Date: 04-06-2011, 09:03 PM
Parent: #1
Quote: قال لينا في واحد معرس ليه 3 نسوان
صاحبو داير يعرس تاني قال احسن يسأل صاحبه المجرب في الأول
جاهو من الصباح يا فلان اها عامل كيف مع التلاتة نسوان ؟
قال لي والله يا فلان بقيت زي الزول البدق البنقز انطط بين الآتنين الصغار سااااي ومرة مرة ادي الكبيرة خبتة |
قوية ...قوية
سوما الأخت الحبيبة
د. نجاة الغالية
كنت أمازح كريماتي ذات مرة بأن
" والله أنا شدة ما مبسوط من الزواج ، فكرت أتزوج مرة أخرى "
وبهدوء وسرعة بديهة فاجأتني صغراهن
" عليييييك الله يا بابا أعملها ،...
ولما رأت علامات الدهشة ( المتوجسة ) تعلو وجهي واصلت ( قنبلتها )
" أصلي كنت بسمع قصص كتيرة عن المقالب البعملوها البنات في زوجات أبواتم ، ونفسي أجرب أعمل لى كم مقلب كدا ..... "
|
Post: #43
Title: Re: زواج الرجل بإمرأة ثانية يعود بالنفع على زوجته الأولى!!!!
Author: Nagat Sid Ahmed Elshiekh
Date: 04-06-2011, 10:52 PM
Parent: #42
Quote: أقترح طبع البوست وعرضه على المدام فإذا كانت ديموقراطية فتوكل على الله وأبحث عن الزوجة الثانية ، أما إذا كانت قذافية فسوف تطاردك غرفة غرفة ودار دار وزنقة زنقة
|
سلام يا صاحب البوست،
انت بديت الجغلبة من اقتراح طبع البوست لمنو بتقترح؟؟؟
ضحكتنى باغرفة،زنقة ،دار انا بقترح ليك تكون بعيد من الزنقات والدور القريبين من الزوجة القديمة،عشان كدا أرحل
لو عملتها بعيد حفظآ على سلامتك، تسلم
|
Post: #44
Title: Re: زواج الرجل بإمرأة ثانية يعود بالنفع على زوجته الأولى!!!!
Author: قاسم المهداوى
Date: 04-07-2011, 01:36 AM
Parent: #43
| Quote: أما إذا كانت قذافية فسوف تطاردك غرفة غرفة ودار دار وزنقة زنقة |
الى الامام
الى الامام
الى الامام
الى الامام
ضد فكرة الزواج من ثانية ,,, ادو الناس فرصة للزواج من الاولى
قاسم المهداوى
|
Post: #45
Title: Re: زواج الرجل بإمرأة ثانية يعود بالنفع على زوجته الأولى!!!!
Author: doma
Date: 04-07-2011, 01:45 AM
Parent: #43
شكرا كثيرا اسعد العباسي ولك من التحايا اطيبها
شكرا عبد العزيز عيسي فقد انصفت تلك المسكينه
افخر برجال يقدرون قدسيه العلاقه الزوجيه ويعطون المراه حقها في حياه كريمه غير مهيضه الجناح .
لله دركما .
|
Post: #46
Title: Re: زواج الرجل بإمرأة ثانية يعود بالنفع على زوجته الأولى!!!!
Author: Abdlaziz Eisa
Date: 04-07-2011, 02:47 AM
Parent: #45
Quote: شكرا كثيرا اسعد العباسي ولك من التحايا اطيبها
شكرا عبد العزيز عيسي فقد انصفت تلك المسكينه
افخر برجال يقدرون قدسيه العلاقه الزوجيه ويعطون المراه حقها في حياه كريمه غير مهيضه الجناح .
لله دركما . |
العزيزة/ دوما
سلام
لو كان معظم الناس صادقة في مشاعرها وأحاسيسها.. طبعا أقصد من الرجال الذين يفكرون لعلة الشهوة في الزواج بالتانية..............
لو كان هؤلاء يعرفون عظم المسؤولية العدلية والضمير..
لو كان هؤلاء يفكرون في الطرف الآخر.. حقوق.. انسانية.. مشاعر.. أحاسيس..
لما كنا سمعنا بكل هذه المصائب والترهات..
الشكر لك
تحياتي
|
Post: #48
Title: Re: زواج الرجل بإمرأة ثانية يعود بالنفع على زوجته الأولى!!!!
Author: اسماء الجنيد
Date: 04-07-2011, 10:15 AM
Parent: #46
اخي العزيز عاطف سلام وتحايا
لوووووووووووولز بتك طلعت زي مؤيد ولدي
داير تمقلب ليك العروس لووووووووووووولز
عفيت منها البتريد امها دي
اريتها يا يابا بتي ومرت ولدي
ربي يحفظها ويحفظكم ويعمر بيتكم محبة ومودة
التحية والتقدير للأخوان الأعزاء
الأخ الكريم اسعد العباسي
اخي عزيز العزيز عيسى
العزيز قاسم المهداوي
العزيز ياسر محمود
كلكم حقانين والله
ربي يكتر من امثالكم
يا عكاشة بقينا عليك كتاااااااار لووولز
كمان جات منار جارية
لووووووووووولز منار لكن ما لقيتك خواااااااااااااافة
زمن لا بنتي لا ظهرتي
لو عارفة كدة كان جبت ليك مؤيد في البيت حكى ليك النكتة دي
بالله سلام واشوق لكل الأحباب الهنا والهناك
شوق غريق والله
|
Post: #49
Title: Re: زواج الرجل بإمرأة ثانية يعود بالنفع على زوجته الأولى!!!!
Author: صبري طه
Date: 04-07-2011, 10:33 AM
Parent: #48
| Quote: منار محسوب كتبت: اى امرأة طبيعية 100% لا يمكن ان تقبل التعدد |
لم أسمع أو أقرأ أن الصحابيات رضوان الله عليهن لم يقبلن التعدد لرسول الله صلى الله عليه وسلم ...
إذا كنتِ تعنين الغيرة فهذا موضوع آخر والغيرة لدى النساء ليست مرتبطة بالزوجات فحسب ... والله أعلم
وشرع الله دة واضح وما فيهو أيّ لولوة ولو كان الأمر بأيدينا لاخترت أن أُصلّي صلاة الفجر مع الظهر
|
Post: #54
Title: Re: زواج الرجل بإمرأة ثانية يعود بالنفع على زوجته الأولى!!!!
Author: Haitham Elsiddiq
Date: 04-09-2011, 06:45 AM
Parent: #49
أنا ضد تعدد الزوجات وأفتكر إنة مخالف لطبيعة وأصل الزواج المبني علي زكر وأنثي....
الدين البتشدقو بية اصحاب الغرض ممن يريدون الجمع بين النساء كلامة واضح.... تدبل أو تتلت لرعاية اليتامي والأرامل...ما من أجل المتعة....دة الشرط الواضح في الآية الكريمة ال تعالى:[ وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعدولوا] النساء3....فالشرط واضح والشغلانة ما فاكة ساي بل حالة إستثنائية....
عجبتك مرة تانية....يازوجتك توافق يا تتخارج....
فاتقوا اللة في النساء وفي أبنائكم.....
|
Post: #55
Title: Re: زواج الرجل بإمرأة ثانية يعود بالنفع على زوجته الأولى!!!!
Author: Manar Mahsoub
Date: 04-09-2011, 08:29 AM
Parent: #54
Quote: لم أسمع أو أقرأ أن الصحابيات رضوان الله عليهن لم يقبلن التعدد لرسول الله صلى الله عليه وسلم ...
إذا كنتِ تعنين الغيرة فهذا موضوع آخر والغيرة لدى النساء ليست مرتبطة بالزوجات فحسب ... والله أعلم
وشرع الله دة واضح وما فيهو أيّ لولوة ولو كان الأمر بأيدينا لاخترت أن أُصلّي صلاة الفجر مع الظهر |
يا اخوى زوجات الرسول ديل حالة خاصة ...
غايتو انتو يا الرجال شرع الله ده بيبقى واضح بشكل فى قصة التعدد...و يجب ان يطبق بحذافيره
|
Post: #58
Title: Re: زواج الرجل بإمرأة ثانية يعود بالنفع على زوجته الأولى!!!!
Author: مريم بنت الحسين
Date: 04-16-2011, 09:31 AM
Parent: #55
غايته انا كان متّه قبل راجلي عندي راي في عرسه! خليه وانا حية كده!
ماما دوما ومنار، فشيتو فشفاشي والله... عادة لما اقرا لي بوست زي ده بقعد اغلي لحدي ما يجي نادر واتناقش معاه فيه عشان نتأكد انه النقاط على الحروف وكده انتو كده حلّيتوه من النقة بتاعت الليلة
|
Post: #60
Title: Re: زواج الرجل بإمرأة ثانية يعود بالنفع على زوجته الأولى!!!!
Author: yasir Abdelgadir
Date: 04-25-2011, 11:58 AM
Parent: #58
سلام للجميع وتحية خاصة للاستاذات دوما وسوما
Quote: قال لينا في واحد معرس ليه 3 نسوان
صاحبو داير يعرس تاني قال احسن يسأل صاحبه المجرب في الأول
جاهو من الصباح يا فلان اها عامل كيف مع التلاتة نسوان ؟
قال لي والله يا فلان بقيت زي الزول البدق البنقز انطط بين الآتنين الصغار سااااي ومرة مرة ادي الكبيرة خبتة |
حكيت الان لبعض الطبيبات الزميلات هنا في المستشفي هذه النكتة
فإنفجرن ضاحكات إلي أن حضر من بالخارج ليستكشف الخبر.
سأعود لأدلو بدلوي في هذه البئر العميقة التي إفتتحتها لنا يا عكاشة
|
Post: #61
Title: Re: زواج الرجل بإمرأة ثانية يعود بالنفع على زوجته الأولى!!!!
Author: smart_ana2001
Date: 04-25-2011, 05:31 PM
Parent: #60
Quote: اولا ورقتي و يغور في ستين الف داهيه من ندرتكم يعني؟؟؟؟!!!
يطلقني اولا قبل يتزوج باخري وليهو علي اسيره وارقص في عرسه .
اولادي ما بديهم لي امراه غيري ولو انطبقت السماء علي الارض . |
ينصر دينك يا خالتى دومة
انا و الله ما شغلتى الموضوع ده حلال حرام افيد او اضر. انا غايتو ما بينفع معاى.
عشان كده علموا بناتكم كويس و خليهم يعتمدوا على روحهم عشان لو الراجل ما عجبها ما تقعد معاه بس عشان خايفة من الزمن
|
Post: #62
Title: Re: زواج الرجل بإمرأة ثانية يعود بالنفع على زوجته الأولى!!!!
Author: مريم بنت الحسين
Date: 04-25-2011, 08:47 PM
Parent: #61
| Quote: عشان كده علموا بناتكم كويس و خليهم يعتمدوا على روحهم عشان لو الراجل ما عجبها ما تقعد معاه بس عشان خايفة من الزمن |
ده الكلام المفيد!
|
Post: #63
Title: Re: زواج الرجل بإمرأة ثانية يعود بالنفع على زوجته الأولى!!!!
Author: صبري طه
Date: 04-25-2011, 09:28 PM
Parent: #62
| Quote: منار محسوب كتبت: اى امرأة طبيعية 100% لا يمكن ان تقبل التعدد |
قال تعالى: { ... وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ ....}
يعني أفهم من الآية دي إننا ننكح ما طالب لنا من النساء الغير طبيعيات ... ولاّ الفهم شنو ؟
| Quote: منار محسوب كتبت: يا اخوى زوجات الرسول ديل حالة خاصة ... |
يا أختي آية التعدّد لم تخص نساء الرسول صلى الله عليه وسلم فقط
| Quote: منار محسوب كتبت: غايتو انتو يا الرجال شرع الله ده بيبقى واضح بشكل فى قصة التعدد...و يجب ان يطبق بحذافيره |
شرع الله يجب أن يطبّق في أيّ شيء والموضوع المفتوح هنا بخصوص التعدد ...
يعني عايزاني أتكلّم هنا عن الربا
ثمّ ثانياً نفرض إنو الزوجة الأولى ما راضية بالتعدّد ليه الزوجات التانية والتالتة والرابعة يرضن يشاركن الزوجة الأولى في زوجها
يعني مين الغلطان الراجل الذي بحث عن الزواج بأخرى أم التي مشت تقابض في رجال النسوان ؟
وإنتِ قلتِ فوق إنو البتقبل بالتعدّد ما طبيعية يعني الكلام دة بينطبق برضو على الزوجة التانية والتالتة والرابعة ولاّ محصور على الزوجة الأولى ؟
إذا كانت إجابتك محصور على الزوجة الأولى طيب بقية الزوجات ديل مكانن وين من الإعراب ؟
وإنتن بدل تستنكرن الرجل الذي يتزوج بأكثر من امرأة حقو تتناصحن إنو مافي واحدة تتزوج راجل المرة وبي كدة بتكونن ساهمتن في استقرار بيت أخت ليكن دة طبعاً على حسب منطقك إنتِ ...
أها يا أختي بعد آخر فقرة لي عابز أعرف الفهم شنو في قصة التسوّي بإيدك يغلب أجاويدك في مساككة راجل المرة وكدة ؟
|
Post: #69
Title: Re: زواج الرجل بإمرأة ثانية يعود بالنفع على زوجته الأولى!!!!
Author: حسن حماد محمد
Date: 05-13-2011, 11:55 PM
Parent: #1
| Quote: الزوجة يمكنها أن تتغاضى عن خيانة زوجها لها مع أخرى |
وهنا تبدو قضية وهنا رأى الدين صريح
تحياتى محمد عكاشة وأنت تبدو محاصر من دول عظمى من أمثال الأخوات دومة والأستاذة اسماء والدكتورة نجاة
وتبدو انك فى حوجة لفجر الأوديسا
سوف يأتيك المدد قريباً لفك الحصار
Quote: ياسادتي كم مره شفتو ليكم سودنية جاكا اما فى بلد الهنك والرنك بنات الغلفاجاكات اليوم كلو وعشان كدا الراجل بدور كان بنص مكنه والباقي بتمو هي ..
اللياقة اللياقة يابنات حواء بتنفعكن هسي وقدام .. |
لو عرف السبب بطل العجب
اراك قد أتيت بالمفيد ولكنك لم تذهب ويبدو انك تراجعت أمام الرجم بكل الأسلحة المشروعة والمحرمة
لنا عودة بإذن الله
|
|