Post: #1
Title: *** المرة جنت ***
Author: مهيرة
Date: 08-16-2009, 06:41 PM
Parent: #0
البورداب الأعزاء
وترحيب خاص بالبورداب الجدد
جارتى رجعت من الاجازة التى قضتها فى السودان، وبعد السلام والمطايبة، وانا قايمة منهم طبعا وكالعادة جابت لى معاها الحلو مر والكركدى والقنقليز والويكة
وغيرها من أطايب السودان لزوم سودنة رمضان فى الغربة. وفوق دة كله جابت لى ،مشكورة، هدية جلابية معاها طرحة طقم ،والطقم دة طالع موضة اليومين
ديل فى السودان وهو عبارة عن جلابية وطرحة ويمكن الاستغناء بلبسه عن لبس الثوب وعند لبسه يشبه الثوب ، المهم فى الموضوع كنا بنتكلم عن الظواهر
الجديدة فى السودان والتغييرات فى حياة الناس وعاداتهم سلبا وايجابا، والتغييرات المصاحبة فى سلوكيات السودانيين وأمزجتهم وتفاعلهم مع التغييرات
المتسارعة الحاصلة ، العاقلة منها وغير المعقولة، ومنها اطلاق المسميات المبتكرة على اللبسات وغيرها من المظاهر المستحدثة، ومنها الاسم الذى يطلق على
اللبسة الجديدة – طقم الجلابية والطرحة- وهو:
المرة جنت
غايتو انا مت بالضحك لمن جارتى قالت لى الاسم العجيب دة ، طبعا فى الأول النسوان كانوا بلبسوها
فى البيت، وبعداك بقوا عادى يطلعوا بيها ويمشوا بيها الشغل والزيارات، بينى وبينكم المرة مابراها الجنت، البلد زاته جنت ولا
ماكدة؟؟؟؟؟؟؟؟؟!!!!!!!!!!!!!!!!!!!! البورداب الراجعين من الاجازة بالله المزيد من التفاصيل حول أحوال البلد الجنت
تحياتى
|
Post: #2
Title: Re: *** المرة جنت ***
Author: james
Date: 08-16-2009, 06:47 PM
Parent: #1
هو يا بابتي جن الليلة ولا امبارح..
|
Post: #3
Title: Re: *** المرة جنت ***
Author: BAKTASH
Date: 08-16-2009, 06:54 PM
الناس دي في السودان كلما تنزنق اكتر يزيد ابداعها .. الله لي اهلناالغبش..
شكرا لاشراكنا مهيرة
|
Post: #5
Title: Re: *** المرة جنت ***
Author: مهيرة
Date: 08-16-2009, 07:33 PM
Parent: #3
| Quote: الناس دي في السودان كلما تنزنق اكتر يزيد ابداعها .. الله لي اهلناالغبش.. |
الله يهون على البلد يا BAKTASH اخوى
شكرا على المشاركة
تحياتى
|
Post: #4
Title: Re: *** المرة جنت ***
Author: مهيرة
Date: 08-16-2009, 07:28 PM
| Quote: هو يا بابتي جن الليلة ولا امبارح.. |
هى لكن الجن دة حده متين ي james اخوى؟!!
شكرا على المشاركة
تحياتى
|
Post: #6
Title: Re: *** المرة جنت ***
Author: Rashid Elhag
Date: 08-16-2009, 07:40 PM
Parent: #4
العزيزة د/مهيرة...رمضان كريم.
| Quote: وغيرها من أطايب السودان لزوم سودنة رمضان فى الغربة. وفوق دة كله جابت لى ،مشكورة، هدية جلابية معاها طرحة طقم ،والطقم دة طالع موضة اليومين |
...والله لكن جارتك جارة الهنا والسرور البتجيب ليك الحاجات دي كلها....
ههههههها....البجن الراجل البشتري الحاجات دي لي مرتو .......عشان كدي حقو يسموهو الراجل جن......تحية وود...
راشد
|
Post: #7
Title: Re: *** المرة جنت ***
Author: Hadeer Alzain
Date: 08-16-2009, 07:56 PM
Parent: #4
Quote: طبعا فى الأول النسوان كانوا بلبسوها
فى البيت، وبعداك بقوا عادى يطلعوا بيها ويمشوا بيها الشغل والزيارات،
بينى وبينكم المرة مابراها الجنت، البلد زاته جنت ولا
ماكدة؟؟؟؟؟؟؟؟؟!!!!!!!!!!!!!!!!!!!! |
كدا ونص وخمسة !
مهيرة إزيك يا حبيبة
ههههههه والله شر البلية ما يضحك ...
كانو يسمو اللبسة (على قولك) البلد جنت
في السودان الناس كاتلة الهم بالضحك وباللمة السمحة النقية
شكرآ ليك إشراكنا الضحكة الحلوة وعلى وضع البسمة (الوصلت من السودان توآ) على وجوهنا
|
Post: #8
Title: Re: *** المرة جنت ***
Author: د.نجاة محمود
Date: 08-16-2009, 08:04 PM
Parent: #7
سلامات يا دكورتنا
تعرفي بالجد المرة جنت
لانه لا هي جلابية بيت ولا هي عباية
ما بتعرفيها شنو لما مخك يطير..
تسمية في السلك..
|
Post: #9
Title: Re: *** المرة جنت ***
Author: سلمى الشيخ سلامة
Date: 08-16-2009, 08:09 PM
Parent: #7
مهيرة
ازيك
عارفة التسميات فى السودان للملابس او اللبسات
ما جديد
من زمان قاعد
لكين بتفاوت من جيل لجيل
ومن مرحلة لاخرى
كان فى توب حدثتنى امى عليها الرحمة ان اسمه "كوريا "
كناية عن الحرب الكورية فى الخمسينات
وظهرت فساتين "رموش شادية " وهو فستان لامع
للسهرة
وظهر
التوب "شجن" ، عن اغنية عثمان حسين ، وكذا توب "عشرة الايام "
وما تنسى القمر بوبا التى يختلف الناس حول تسميتها حتى الان هل هى "السفنجة الكان لونها احمر او توب "
ومرى على الدهب " رغم انى ما لبست اى واحد من المذهبات هذه "
من "كرسى جابر " ولا اعرف من هو جابر لغاية الان ولم المس هذا الكرسى قط الى
"دقة الترابى "
وهكذا فالنساء لهن ذاكرة ترتب الحياة على كيفها
دمتى صديقتى الاسفيرية
|
Post: #10
Title: Re: *** المرة جنت ***
Author: مهيرة
Date: 08-16-2009, 10:04 PM
Parent: #9
| Quote: وهكذا فالنساء لهن ذاكرة ترتب الحياة على كيفها |
ودى حقيقة ياسلمى،
بس تسميات زمان كانت فرايحية ،من الاغانى والافلام ، الا حسع بقت كاريكاتورية، عليك الله البلد زاتها مابقت ما أكبر كاريكاتير!
تسلمى ياسلمى وتلبسى ( كرسى جابر)!
| Quote: ههههههها....البجن الراجل البشتري الحاجات دي لي مرتو .......عشان كدي حقو يسموهو الراجل جن......تحية وود... |
الحاصل فى البلد دة يجنن الراجل ومرته!
كل عام وانت بخير ياراشد
| Quote: في السودان الناس كاتلة الهم بالضحك وباللمة السمحة النقية |
Hadeer Alzain
ربنا يحفظ البلد وناسها الطيبين يا هدير ( بتى ولا ولدى ؟)
شكرا لمشاركتك الحلوة
ومريحة جدا فى اللبس كمان، تسلمى يادكتورة
تحياتى
|
Post: #11
Title: Re: *** المرة جنت ***
Author: مريم بنت الحسين
Date: 08-17-2009, 08:42 AM
Parent: #10
د.مهيرة
والله بحسب وصفك للقصة... جلابية وطرحة في الشارع! والله ياهو الجن زاتو...
بختكم .. جاكم آبري.. غايته رمضان من غير آبري ما بعرفه يبقى كيف....
|
Post: #12
Title: Re: *** المرة جنت ***
Author: أيمن دياب
Date: 08-17-2009, 08:51 AM
Parent: #11
شفت اللبسة دي من السنة الفاتت..
وحاجة جميلة جدا ومريحة وفيها ألوان راقية وتشكيلات حلوة..
|
Post: #13
Title: Re: *** المرة جنت ***
Author: ALZOLZATOO
Date: 08-17-2009, 09:18 AM
Parent: #12
اختنا مهيرة
قالوا الجن بتداوى كعبة الاندراوة
اكيد دعوة الرجال استجيبت جزء منها لانو زمان كنت بسمع اي واحد يقول
يارب طاحونة ومراة مجنونة اها اسع الجن وصل عقبال الطاحونة ان شاء الله
برضو الجن مابحلك من الصيام كاااااااااااك
زاتوووو
|
Post: #15
Title: Re: *** المرة جنت ***
Author: مهيرة
Date: 08-17-2009, 10:07 AM
Parent: #13
| Quote: يارب طاحونة ومراة مجنونة اها اسع الجن وصل عقبال الطاحونة ان شاء الله |
امانة فى زمتك يالزول زاته الحاصل على الرجال فى السودان دة ماطاحونة؟!! زمان الرجال يرجعوا البيت الساعة2ونص بالكتير 3 يتغدوا بغدا مجيه وياخدوا نومة العصر ويقوموا ياخدوا دش ، طبعا الموية ما كانت بتقطع، وشاى المغرب بكيك ولا بسكويت ويدوروا دركسون على الزيارات، اسع برجعوا قريب المغرب وبعد غدا مجهجه يرجعوا الدوام التانى ، دى ماياها الطاحونة زاتها الجننت المرة!!!!
تحياتى
العزيزة مريم بت الحسين
| Quote: والله بحسب وصفك للقصة... جلابية وطرحة في الشارع! والله ياهو الجن زاتو... |
صحى اللبسة حلوة ومريحة لكن زى ما قالت مريم: مرة لابسة ليها جلابية وطرحة فى الشارع دة الجن زاته ولا ماكدى يا ايمن ولدى!
تحياتى
جلابية وطرحة فى الشارع ووسط السوق كمان !
ولا يهمك الآبرى جاييك يامريومة تسلمى
الاخ العزيز ايمن دياب
مرحب بيك فى حوش بكرى ومشكور على المشاركة
| Quote: وحاجة جميلة جدا ومريحة وفيها ألوان راقية وتشكيلات حلوة.. |
|
Post: #14
Title: Re: *** المرة جنت ***
Author: معتصم مكاوي
Date: 08-17-2009, 09:51 AM
Parent: #1
أهه أنا في وإنتي في يا مهيره
أكان ما سوو لبسه جديدة وسموها
فرقت .. فرقت .. والمره مرقت !!! ..
|
Post: #16
Title: Re: *** المرة جنت ***
Author: SHIBKA
Date: 08-17-2009, 10:51 AM
Parent: #14
هسة يامهيرة
اللبسة دي بتوصلني باب الشارع ؟؟؟
النسوان جنوا مش مرة واحدة بس
|
Post: #17
Title: Re: *** المرة جنت ***
Author: د.محمد حسن
Date: 08-17-2009, 11:06 AM
Parent: #16
يا مهيرة
ما المرة الجنت
نحن ديل الجنينا
|
Post: #18
Title: Re: *** المرة جنت ***
Author: جمال السنوسي
Date: 08-17-2009, 11:22 AM
Parent: #17
مهيرة
قالوا قالوا علي شقي ومجنون
وحبيبي جنني
انا الجنيت
وبين جناين الشاطيء
وجنان البان جديد
ما تكون المرة جنت براها
كل السودان بيكون جنا
....
...
.
تسلل
عجبتني في احدى الاجازات تسمية ناس السودان للسيارة الكورولا من موديل 2005 وانت طالع بيسموها ( رضا الوالدين)
|
Post: #19
Title: Re: *** المرة جنت ***
Author: Hisham Ibrahim
Date: 08-17-2009, 11:42 AM
Parent: #18
مهيرة
زمان النسوان كانن بتغتن من الرجال البيجوا الساعه إتنين ديل
هسه يتغتن من منو ؟
ّ
( الليلبسوا ساااااااكت ) !
هشام
|
Post: #20
Title: Re: *** المرة جنت ***
Author: Muna Khugali
Date: 08-17-2009, 12:19 PM
Parent: #17
ازيك يا مهيره..
وبركة الوصلتك حاجات رمضان البدونها رمصان شكله ناقص..
عارفة الجلاليب القولتيها دي جاتني هدايا من السودان وشوفت كتير فعلا نساء لابساها هناك..
شكلها زي التوب..لكن بس بحس كده الزوله اللابساها ما سودانيه..بحس بيها صوماليه..
علي كل حال الكويس فيها انها اقمشتها قطنية وعمليه جدا في الصلاة وفي قعاد البيت وممكن لصلاة التراويح
لو بتمشي الجامع....
عارفه في النصف التاني من التسعينات..بنات جامعة القاهره طلعوا بتقليع ليس الكابات او الطواقي ذات الاشكال المختلف
لتغطي الشعر بدلا من لبس العباي والطرحة..
المغزي كان اعتراض علي جبرهم علي لبس الحجاب الايراني وفي نفس الوقت الالتزام بتغطية الشعر حسب احساسهن بالجمال..
الفعل السياسي والثقافي المعترض علي صيغة الاجبار قوي جدا عند النساء السودانيات..
ولا ننسي دقن الترابي في الذهب..ولا "دقة كندا" التي ترقصها العروس..
موضوع دمه خفيف..
كل سنة وانت وزوارك بألف خير..
|
Post: #21
Title: Re: *** المرة جنت ***
Author: مهيرة
Date: 08-19-2009, 11:47 AM
Parent: #20
العزيزة منى خوجلى..
Quote:
الفعل السياسي والثقافي المعترض علي صيغة الاجبار قوي جدا عند النساء السودانيات..
ولا ننسي دقن الترابي في الذهب..ولا "دقة كندا" التي ترقصها العروس..
موضوع دمه خفيف..
|
زى ما قلتى صيغة الاجبار مرفوضة والنساء السودانيات مبدعات بالفطرة، بالمناسبة الفنانة التشكيلية سعدية الصلحى كان عملت تغيير فى الثوب بلبسة قريبة من السارى الهندى وجزء منه يتلف على الراس زى التوب، لكن ما مشت ماعارفة لييه؟
تسلمى ياستى ورمضان كريم
الأخ الفاضل Hisham Ibrahim
| Quote: هسه يتغتن من منو ؟ |
ياهشام اخوى اللبسة دى بقوا يمشوا بيها السوق عديل... تقول لى يتغتوا من منو؟!
شكرا لمشاركتك ورمضان كريم
الاخ الفاضل جمال السنوسى..
| Quote: كل السودان بيكون جنا |
ودة الحاصل ، ماعدا ناس الحكومة ، ولا ما كدة ياجمال اخوى!
شكرا لمشاركتك ورمضان كريم
الأخ الفاضل د. محمد الحسن..
تبروا من الجن يا اخوى، لكن صراحة حالة البلد تجنن!
مشكور ورمضان كريم
العزيزة SHIBKA
| Quote: النسوان جنوا مش مرة واحدة بس |
الله يجازى الكان السبب ياشبكة بتى .
مشكورة على المشاركة ورمضان كريم وكل عام وانتم بخير
تحياتى
|
|