ممنوع التحدث مع العاشق

ممنوع التحدث مع العاشق


04-01-2009, 11:01 PM


  » http://sudaneseonline.com/cgi-bin/sdb/2bb.cgi?seq=msg&board=53&msg=1252534368&rn=0


Post: #1
Title: ممنوع التحدث مع العاشق
Author: خدر
Date: 04-01-2009, 11:01 PM








__
كمال ترباس
عوض جبريل
طارق ابوعبيدة

Post: #2
Title: Re: ممنوع التحدث مع العاشق
Author: طارق جبريل
Date: 04-01-2009, 11:38 PM
Parent: #1

آآآآآآآآآآآآي يا ابو الطروق ياخي
جنن الوتر عذبو
طلع جنونه ياخي

أملأ هذا المنبر بالفرح

Post: #3
Title: Re: ممنوع التحدث مع العاشق
Author: حبيب نورة
Date: 04-01-2009, 11:42 PM
Parent: #2

خدر
عارف أنا متفائل بالأرشفة دي
ياخي أقلاهو انها شالت الغسيل الوسخان
و جابت الكولوريكس للبورد
انا بموت في البكانات الفرايحي
واصل مسير

شكرن كتيرن!

Post: #4
Title: Re: ممنوع التحدث مع العاشق
Author: قيقراوي
Date: 04-02-2009, 00:26 AM
Parent: #3

Quote: ممنوع التحدث مع العاشق

مستمتعين بالرحلة وخلينا ليك قيادة احساسنا يا فنان

شكرن على الامتاع

Post: #5
Title: Re: ممنوع التحدث مع العاشق
Author: عزام حسن فرح
Date: 04-02-2009, 05:31 AM
Parent: #4

خِدِر ...

كُنت قايل دِموعي مُحتكراحها < فُلانة > بس ... هسِع تاني بكيت
أنت قاصِد كِده يعني ؟

كتر خيرك

Post: #6
Title: Re: ممنوع التحدث مع العاشق
Author: Hawari Nimir
Date: 04-02-2009, 08:32 AM
Parent: #5

يا خدر..
وهل للعشاق ابوابا..
انهم يسيحون في بلاد الله الوهيطه...
ويسوقون الغرام ترحالا..
وسفرا..
ولكنهم ينزلون عند اول
محطه عشق
.
.
.وهانحن نجابد كي ننزل هنا..معكم يا معشر العشاقين..فلنفرح
و لنستزيد من هذا
الجمــــــــــــــــــــال
شكرا لك
ايها الفنان

Post: #7
Title: Re: ممنوع التحدث مع العاشق
Author: GamarBoBa
Date: 04-02-2009, 08:51 AM
Parent: #6

خدر ...
انت الخمايس اخدتها مقاولة مننا ولا شنو...
بالله لنك العدة لو مافيها ثقالة..


الله يديك العافية

Post: #13
Title: Re: ممنوع التحدث مع العاشق
Author: خدر
Date: 04-02-2009, 05:15 PM
Parent: #7

Quote: وهل للعشاق ابوابا..
انهم يسيحون في بلاد الله الوهيطه...
ويسوقون الغرام ترحالا..
وسفرا..
ولكنهم ينزلون عند اول
محطه عشق

يا سلام يا سلام يا فنان
شكرا كتير يا هواري




يا قمر
خلي الخرخره و الزوغان
انا لقيتكم نايمين فقلت اصحيكم شوية
الخميس الجاي عليكـ

Post: #8
Title: Re: ممنوع التحدث مع العاشق
Author: mamkouna
Date: 04-02-2009, 09:27 AM
Parent: #5




الله يباركك يا أبو لقاء.


Post: #9
Title: Re: ممنوع التحدث مع العاشق
Author: حاتم الياس
Date: 04-02-2009, 09:51 AM
Parent: #8

طبعاً أنا من زمرة معجبينك ياأبولقاء..
ترباس ده جابتر براهو فى الغنا السودانى وصوته من ذهب مصفى .. لكن هذه الأغنية أخذتنى لفضاء حميم وقديم فى ذاكرة (الثورات) ماقبل عهد الساوند والنظام العام لمن الليل مازال طفلاً يحبو اسع الليل اصابه الخرف ..مخمود على الحاج فى حفله وترباس فى حفله وعبدالوهاب الصادق فى حفله ومحمد أحمد عوض وكلهم شايلين الليل قلبوه نهار..

الحاجة التانية..قصة تنقية الغنا السمح دى زاته فيها عبقرية ماساهلة وأنا بفتكر أنو مخمود عبدالعزيز ده واحده من أسباب تميزه أنو طلع للناس بأغنيات جميلة علقت بالوجدان لكنها لم تستمر فى تشنيف السماع..


..أريتك كان ماكنته مثقف ماسك بس فى درب غناك

Post: #35
Title: Re: ممنوع التحدث مع العاشق
Author: خدر
Date: 04-07-2009, 08:21 PM
Parent: #9

ممكونة سلامات يا ستنا و مالكـ مختفيه
تحياتي للممكون و العيال



يا ود الياس
واحده من الحاجات الانت ما عارفها انو انا ذاتي من معجبين تصريجاتكـ ديكـ
رغم انها مرات بتقد مرارتي لكني والله بريدكـ في الله و ناوي الاقيكـ في اول جية
علي البلد
الثقافة يا صاحب كلامها كُتر لكن في العموم راح زمن المطربين المزنوقين في ركن الغنا بس

ثم
بتنا اخبارها شنو ؟
قالت بب ولا لسه ؟
تحياتي لي هالة

Post: #11
Title: Re: ممنوع التحدث مع العاشق
Author: خدر
Date: 04-02-2009, 10:53 AM
Parent: #5

قيقا يا ابو البنية
ياخي احساسكـ يتقطع اصلو
البنية و امها و حزبكـ
نحن كان فضل لينا شي ما بناباهو





يا عزام
يشهد الله انا مبسوط إني بقراء ليكـ
و سعيد اني اكتشفت مواطن جديد جيد معانا في المنبر
مبروكـ عليكـ فلانة لكن انا غايتو دموعكـ قالعا قالعا

Post: #10
Title: Re: ممنوع التحدث مع العاشق
Author: خدر
Date: 04-02-2009, 10:49 AM
Parent: #3

طروق و حبيب نورة
والله لو المشاكل ذاتها فوق رأي كان احترمناها
لكن اجاركم الله بفتح المنبر بلقي روحي في فصل مدرسي
طفشوا كل المُفيدين بي اسم الديمقراطية
شغالين بي فلسفة (من دقنو و افتللو)
تكير عيشتها الديموقراطية و تطير عيشتنا نحن ديل

Post: #12
Title: Re: ممنوع التحدث مع العاشق
Author: esam gabralla
Date: 04-02-2009, 12:12 PM
Parent: #10

مبروك اتحليتو بالسلامة و بكرى رجع ليك "عدة الشغل"

لما قريت العاشق قلتا طبزا ده حيبوظ اللعب و يكشف حال زولنا بلو بلو يا اوكامبو ... ايوة بتاع صاحبنا في السودان ... بسسس

طلعت سليمة .... المره دى و الله يستر

العطرون وين؟ بالمناسبة الجمهور عارفك بتسف ؟ و كيشة في التمطير كمان

Post: #14
Title: Re: ممنوع التحدث مع العاشق
Author: Rawia
Date: 04-02-2009, 06:05 PM
Parent: #12

الاهداء لرجاء أختي وهدى أختي وسارة أختي
بمناسبة قدوم الربيع










________________
لازلت أستمتع بنطق (ع)

Post: #37
Title: Re: ممنوع التحدث مع العاشق
Author: خدر
Date: 04-07-2009, 08:30 PM
Parent: #12

يا عصام والله (أخينا) داكـ في احسن حال ولا ينقصه رؤيانا الغاليه زاتها
و في آمان الله
المهم يا زميل الشعار الجديد
يا اوكامبو يا مجنون , سيب السياسه و بيع ليمون
و طبعا لا عزاء لنقابة بائعي الليمون ولا حتي رد إعتبار
خليكـ مواكب و طبعا الدائم الله
Quote: العطرون وين؟ بالمناسبة الجمهور عارفك بتسف ؟ و كيشة في التمطير كمان

يا (اخينا) الهِناكـ . تعال حِلني من الدُراب ده
صاحبنا ده كِبر و حلج و بقي بدون مؤاخذه يبزق سااااي





راوية
سلمي لي عليهن جُملة
و عليكـ انت
و علي كل الـ (ع) نات بطرفكم

Post: #15
Title: Re: ممنوع التحدث مع العاشق
Author: انعام عبد الحفيظ
Date: 04-03-2009, 09:59 AM
Parent: #10

مرات أقول إمكن نسونا وأرجع وأقول كيفن نسونا؟









ـــــــــــــ
خدر بتبالغ ياخ!!!

Post: #16
Title: Re: ممنوع التحدث مع العاشق
Author: الملك
Date: 04-03-2009, 11:36 AM
Parent: #15

نحن...مش متفقين ؟!

Post: #17
Title: Re: ممنوع التحدث مع العاشق
Author: محمد على طه الملك
Date: 04-03-2009, 09:57 PM
Parent: #16

يافلانه بس ما تتعبينا..

سلمات يا خدر ..
قلت قبال يجو ناس عماد عبد الله يجوبكوها ..
وما نعرف نميز بين الكتابة الطاعمة والأداء الرائع ..
أحسن ندخل نجدع مشاعرنا ونزوغ ..
الغريبه لما دخلت البوست ..
الكمبيوتر عمل ليَ تحذير بأنه ما واثق من الشغله دي ..
قلت له ياخي ما واثق شنو .. وطظ ..
رحت تابظ ..
جاني صوتك يتهادى بطبقاته الدافئة ..
وتطريبه العالي ..
بعدين ..
إكتشفت إني أنا النقشت التحذير غلط ..
لما افتكرت الكمبيوتر شفقان على روحه ..

الله يسعدك ياخي .

Post: #18
Title: Re: ممنوع التحدث مع العاشق
Author: أحمد الشايقي
Date: 04-04-2009, 09:19 AM
Parent: #17



يا ســلام يا خـدر


في التايم يا رائع



أحمـد

Post: #19
Title: Re: ممنوع التحدث مع العاشق
Author: nazar hussien
Date: 04-04-2009, 10:34 AM
Parent: #18

(تخرب خرابا آآآ المسخوت)

يقولها جدي الحسن رحمة الله عليه
حينما تعجزه كلمات الاطراء..عن التعبير...في مثل هكذا مواقف...


(يا خدر ادينا اللينك) (والله لو قست كمية المسكنة القلت بيها العبارة دي
اصلك ما تقول لي (الله يدينا ويديك يا حاج) وطوالي تشوت لينكك...ودمعتك جارية

Post: #20
Title: Re: ممنوع التحدث مع العاشق
Author: خدر
Date: 04-07-2009, 11:06 AM
Parent: #19

ممكونة
ود الياس
عصام
راوية و اخواتها
انعام
الملكـ ناجي
طة الملكـ
مولانا الشايقي
نزار حسين

عذرا يا اصدقاء علي الغياب القسري , كنت في سفراَ يعيد الله يقطع طاري الطيارات
خلوني اشيل نفسي و ارجع ليكم
و
شكرا والله

Post: #21
Title: Re: ممنوع التحدث مع العاشق
Author: nazar hussien
Date: 04-07-2009, 11:14 AM
Parent: #20

Quote: يا خدر ادينا اللينك) (والله لو قست كمية المسكنة القلت بيها العبارة دي
اصلك ما تقول لي (الله يدينا ويديك يا حاج)


وكان اقلو..

تخلي سفرك

حتي لو...اسبوع

وتشوت لينا اللينك

Post: #22
Title: Re: ممنوع التحدث مع العاشق
Author: BitAlhana
Date: 04-07-2009, 11:26 AM
Parent: #21

اظنه المزاج الرايق الخلاك تطربنا كدي
والله الواحد ليه زمن من بوست نضيف زي ده
رجعتنا لي الايام الخوالي

Post: #25
Title: Re: ممنوع التحدث مع العاشق
Author: Hussein Mallasi
Date: 04-07-2009, 01:59 PM
Parent: #22

Quote: يا فلانة بس ما تتعبينا ..

البلاغة يا كدا يا بلاش



_____
شغل نضيف.

Post: #34
Title: Re: ممنوع التحدث مع العاشق
Author: انعام عبد الحفيظ
Date: 04-07-2009, 07:41 PM
Parent: #25

Quote: Quote: يا فلانة بس ما تتعبينا ..


البلاغة يا كدا يا بلاش



_____
شغل نضيف.




بالله ملاسي أداك 10 من 10 ههههههههههه


ملاسي ما تجي راجع تقول لي انا ما قاصد 10 من 10

Post: #23
Title: Re: ممنوع التحدث مع العاشق
Author: أميرة فاروق عبد العال
Date: 04-07-2009, 11:29 AM
Parent: #21

مـــــــــا شكيتكم لي زول..

نحن من (طارق جبيرل) لـ (خدر)!!
يعني الزول تاني يجي داخل المنبر بـ (الكلينكس) ولا شنو؟؟
التحية لكل من أطربنا حتى ولو أوجعنا..

Post: #24
Title: Re: ممنوع التحدث مع العاشق
Author: طارق جبريل
Date: 04-07-2009, 01:14 PM
Parent: #23

Quote: نحن من (طارق جبيرل) لـ (خدر)!!



بت فاروق كيفنك
خدر دة ذاتو اسمه الحقيقي طارق
هههههههههههههه

Post: #26
Title: Re: ممنوع التحدث مع العاشق
Author: nazar hussien
Date: 04-07-2009, 02:11 PM
Parent: #24

بتدافر مالك ...آآآآ العواليق دا...انتو وكت ما بتقدروا عليه شاربنو
مالكم؟؟؟

ياااااخخخخوي ...آآآآسسسف...هو دا رررمي قصبو...ما يرممميني انا (هيق)


يا خدر والله حا اعمل ليك مشكلة في البوست دا بكري والبوليس ما يحجزوها
ياخي ادينا اللينك...خلينا نمشي نسمع في القوز دااااااك

Post: #27
Title: Re: ممنوع التحدث مع العاشق
Author: تبارك شيخ الدين جبريل
Date: 04-07-2009, 02:21 PM
Parent: #26

قالوا عوض جبريل مرة كتب قصيدة فى بت ... قام مشى كلم اخوانا عشان يدقوهوا وينتهى من الموضوع دا ..... حتى بعد داك ادى القصيدة للفنان ......



امدرمان يا مان .... قلتا لى "معشّق" بى نمرة خمسة ... وما بتمشى لى ناس زى ديل؟

ممكن التحدث مع العاشق سؤال واحد بس؟ ... ماشى وين بى قطر العود الفخيم وشجن الصوت الرخيم؟













... المهم .....

Post: #28
Title: Re: ممنوع التحدث مع العاشق
Author: ابراهيم على ابراهيم المحامى
Date: 04-07-2009, 05:50 PM
Parent: #27

يا عديـــــــــــل
ما قلت بتزورنا وتسعدنا يا امل الزمان







* لك اجر اخراجنا من جو الكمائن الحار.

Post: #29
Title: Re: ممنوع التحدث مع العاشق
Author: وليد محمد المبارك
Date: 04-07-2009, 05:55 PM
Parent: #28

.....

Post: #30
Title: Re: ممنوع التحدث مع العاشق
Author: خضر حسين خليل
Date: 04-07-2009, 06:18 PM
Parent: #29

حاول براك يا سيد هواي
وانا حافظ هواك جوة الحنايا




يفتحها في وشك يا طارق

Post: #50
Title: Re: ممنوع التحدث مع العاشق
Author: خدر
Date: 04-09-2009, 03:14 PM
Parent: #30

والله يا تباركـ انا ذاتي ما عارف ماشي ويين
اهو في مزاج بنعمل مافي مزاج بنتكسر نقعد
لكن اسمع , بدون مؤاخذه كده يعني
ليه خاتي لينا الصورة دي؟
وين الشعر الدريد و الوجاهة بتاعت زمان ديكـ , داسيها مالكـ !
شفت ليكـ صور في البنبر ده قرييب و لسه فيكـ رقشات و امجادات
ولا آآآآآآآآآآآآآآآآآآ خايف يسحروكـ




يا عديل مشتاقين يا فنان
اجي ويين انا مع داحس و الغبراء دي
وانت سيد العارفين




وليد
يا منقطا , جننت النقط جن ياخي




و يفتحا في وشكـ انت يا خضر يا ود امي
و يعرس ليكـ و نتفكا منكـ و من لهلهتكـ دي

Post: #31
Title: Re: ممنوع التحدث مع العاشق
Author: Emad Abdulla
Date: 04-07-2009, 06:22 PM
Parent: #29


السويتا .. رقدت و انكوعت .
هسه بالليل ده يشكوك لمنو .. رجيت الله عليك .


....
عرفتك في لندن .. و سمعتك ..
حسدتكم ( بواو الجماعة ) ..
و ان شا الله ما تنفعهم بركة إلاهي و سَيَدي .


Post: #32
Title: Re: ممنوع التحدث مع العاشق
Author: خضر حسين خليل
Date: 04-07-2009, 06:43 PM
Parent: #31

يا عماد

لو عندك سكة تعال لينا في لندن الصحي صحي !
منتظرك وفتك بعافية

Post: #33
Title: Re: ممنوع التحدث مع العاشق
Author: Adil Isaac
Date: 04-07-2009, 07:30 PM
Parent: #32

يااااااااااااسلام يا طارق يااااخ ..نك زاتو يااااخ, ما جننتة العود دة و نحن برضو!

Post: #36
Title: Re: ممنوع التحدث مع العاشق
Author: Ishraga Mustafa
Date: 04-07-2009, 08:25 PM
Parent: #33

{مرات اقول امكن نسونا}؟


طيب وكت هم نسوا المذكرك ليهم شنو؟ *








------

وشوش بكرى كسحت مع اللى نسونا ولا شنو؟*

Post: #39
Title: Re: ممنوع التحدث مع العاشق
Author: خضر حسين خليل
Date: 04-07-2009, 08:37 PM
Parent: #36

Quote: وشوش بكرى كسحت مع اللى نسونا ولا شنو؟*


كيف انساك وانت الجرح

النازف منو خريف العتة

خريف المحل الما بتدارك

نجم الطالع شيل وختّة

رحل الديرة وهج وديرة

فرع الحنة النور حتة

جرحك نيلة وسيرة طويلة

وشافى البلسم ابى يتختة

***************

سبر العاشق كتر الليمة

ولم الشمل الروح شتة

سبر الروح الكلمة الزينة

ونفساً طيب مالى الجتة

غلب الراوى تملى حكاوى

غلباً زى ما اتعودت

آهة حزينة وأنة دفينة

تخفف عنى لماماً حتى

*************

كيف انساكِ وليل الشارع

رمى ستايرو وقفل الحتة

برج التالى إنشر بدالى

وحوش ليك ايامى الستة

يوم الليلة يمر بى صبرو

احلام باكر كيف تـتأتى

يامغلوبة وغالبة زمانك

كيف أنساك محال البتة

ـــــــــــــ


كيفن يا اشراقة

Post: #40
Title: Re: ممنوع التحدث مع العاشق
Author: ناهد بشير الطيب
Date: 04-07-2009, 08:39 PM
Parent: #36

Quote: ممنوع التحدث مع العاشق



لانها لحظة وطن
التحدث قد يعيق همسة او يبعثر الحروف الى حيث لاتشتهى النفس
حديث الشوق قد يرتطم بحديث العاشق
وعندها سيتبوا العشق مكانته السامية

ليست كما يكتب فى الحافلات العامة
ممنوع التحدث الى السائق وان تشابهت القيادة
العشق مكتوب عليه التحدث جهرا فى مقام السر




واصل عشقك ياخدر وانتبه لاشارات مرور الدم عبر شرايين الفرح







Post: #51
Title: Re: ممنوع التحدث مع العاشق
Author: خدر
Date: 04-09-2009, 03:21 PM
Parent: #36

ود التوم
عرفتني في لندن هينة الكلام علي
Quote: و سمعتك ..

ده معناتو في غواصات معانا
كارثة لو قاسم عِرف , موضوعنا حا يستحمي خالص
صاحبكـ التافه شراني بالمناسبة

عادل اسحق
انت في العود ولا في الغواصات الاخترقونا ديل
اسمع , تعال مع محمد حسن , حا يصل السبت هنا
كيف معاكـ ؟




شروق يا جميل وينكـ !!
الشكـ في الحب ده ما المنقة ذاتها (حسب تعبير صديقي الكمساري)
لانو تعرفي ممكن فعلا يكونو ما نسونا ولا اي شي
و دي وساوس و خيالات مريضة مننا ساي
بس بكونوا الحبايب ديل مزنوقين في الشغل ولا مفلسين .. الخ

Post: #46
Title: Re: ممنوع التحدث مع العاشق
Author: خدر
Date: 04-08-2009, 01:29 PM
Parent: #24

بت الهنا
موش المزاج بس والله لكن فرحة رجوع الكودات
اسمكـ حلو يا بتنا (بت الهنا)




يا سحس
الراجل جاب من الاخر موش كدة !!
كويس انو ما عضو هنا كان جهجهوهو الجندريات
الاشواق يا حسين



إنعام
لو سحبو مني عشرتي بضاربكـ

Post: #47
Title: Re: ممنوع التحدث مع العاشق
Author: خدر
Date: 04-08-2009, 01:35 PM
Parent: #24

اميرة
والله بكاكم عمكم عوض جبريل
انا ناولتكم المناديل بس



غايتو يا طروق خِفة خشيمكـ ده يوم بتودينا انا و انت الماسورة
ما تصدقيهو يا بتنا , اسمي الشين ده وين من اسم طروق ده

Post: #45
Title: Re: ممنوع التحدث مع العاشق
Author: خدر
Date: 04-08-2009, 01:13 PM
Parent: #19

يا طه الملكـ
ياخي مشكور علي الثقة والله
لكن انصحكـ اي فايلات تجيكـ من تمبس ارفضها طوالي
بعدين بكري ده حقو يرجعو لينا تامبتنا ده ياخي
يدكـ معاي يا طه ياخي بحق الغنا و المزيكة البيناتنا


تسلم يا مولانا الشايقي
يا شاعر في شكل قانوني
كشفناكـ كشفناكـ




يا نزار , ضحكتني والله في دي
Quote: وطوالي تشوت لينكك...ودمعتك جارية

جاييكـ في الحكي لكن
واللنكـ تحت بس وطي صوتكـ ما تفضحنا

Post: #38
Title: Re: ممنوع التحدث مع العاشق
Author: خدر
Date: 04-07-2009, 08:34 PM
Parent: #16

يا نعومة
انا ما بالغت , بالغت الحكومة النقلت قسيم ريدي
انتو هناكـ كيف !! إنشاء الله تكونوا لسه علي دين
(ارجع و اقول كيفن نسونا!! )



الملكـ
قطع شكــ

Post: #41
Title: Re: ممنوع التحدث مع العاشق
Author: حسين محي الدين
Date: 04-07-2009, 08:59 PM
Parent: #38

يا (سايق).. صوتك جميل زي بسمتك

ربنا يديك العافية ياخ.. تحاياي النواضر

Post: #42
Title: Re: ممنوع التحدث مع العاشق
Author: محمد الجزولي
Date: 04-08-2009, 04:34 AM
Parent: #41

Quote: يا (سايق).. صوتك جميل زي بسمتك

ربنا يديك العافية ياخ.. تحاياي النواضر




ختينا الكوتيشن ده عشان نتحاوى في (تحدث) الشعراء وماتقول لينا تحدثتو
مع العاشق او اي حاجة تانية ..


الطرب جميل ناقصو (كوراك) من( لقاء واخوها) ومناداه من (روعة) بتجهيز العشاء
.. ولا شنو ؟ ..



ـــــــــــــ
سلام للجميع هنا وعلى راسهم (العود) والعود احمد .. وبعد ده يحلكم مني الحله بله ..
يااااااا شله .. وياأجمل لمه ..


وانا طربااااااان .. بس ناقصة الحاجة البيضاء ديك البتكون في الكباية تِحت وتنجغم مع
كرفيسة للوش .. وبصقة سريعة .. ووليعة لبرنجية .. وتتم الناقصة ..

ومحبة إضافية ..

Post: #43
Title: Re: ممنوع التحدث مع العاشق
Author: محمد الجزولي
Date: 04-08-2009, 11:11 AM
Parent: #42

ياعالم ده بوست بغِتس ؟ حرام والله ..








ــــ
انت الباب ده عشان ترباس ولا شنو ؟! ..

Post: #44
Title: Re: ممنوع التحدث مع العاشق
Author: خدر
Date: 04-08-2009, 12:13 PM
Parent: #43

لنكـ الحفظ






__
والشكر لفيصل نوبي
و يا ود الصائم بختها ليكـ في اقرب ملف

Post: #48
Title: Re: ممنوع التحدث مع العاشق
Author: حسين محي الدين
Date: 04-08-2009, 06:04 PM
Parent: #44

خدر...
كتر من اللينكات يا فنان


كسرة...
ود الجزولي يا صاحب
ليك وحشة

نص...
ما بنمشى لي ناس ما بيجونا

Post: #52
Title: Re: ممنوع التحدث مع العاشق
Author: خدر
Date: 04-09-2009, 03:26 PM
Parent: #42

Quote: لانها لحظة وطن
التحدث قد يعيق همسة او يبعثر الحروف الى حيث لاتشتهى النفس
حديث الشوق قد يرتطم بحديث العاشق
وعندها سيتبوا العشق مكانته السامية

ليست كما يكتب فى الحافلات العامة
ممنوع التحدث الى السائق وان تشابهت القيادة
العشق مكتوب عليه التحدث جهرا فى مقام السر




واصل عشقك ياخدر وانتبه لاشارات مرور الدم عبر شرايين الفرح

طول عمري بقراء ليكـ و انا علي خجل
واليوم برضو ما قدرت اقول شي
شكرا بتكفي تفتكري ؟
شكرا ناهد






جبرالله خاطركـ يا حسين يا فنان
وينكـ مختفي ؟
نحن مشتاقين , والله مشتاقين






اوووووووو ود الجزولي شخصياَ !!
إذن توقع عزيزي القاري الكثير من الفوضي الجميله هنا
قلت لي بديت بي القزازة البيضا ؟
الله يسترنا مع القاراء الليلة
يا محمد (دي بي صوت جاادي كده )
مشتاقين ياخي وينكـ مختفي ؟

Post: #49
Title: Re: ممنوع التحدث مع العاشق
Author: انعام عبد الحفيظ
Date: 04-08-2009, 11:14 PM
Parent: #38

Quote: انتو هناكـ كيف !! إنشاء الله تكونوا لسه علي دين


على شنو؟؟؟ هههههههه غايتو الله يسترنا بس!!!

Quote: (ارجع و اقول كيفن نسونا!! )


نسونا النسيان الواااااحد دا !!











ــــــــ
بس لو تبطّل عمايلك في خلق الله دي يا خدر !!

Post: #53
Title: Re: ممنوع التحدث مع العاشق
Author: خدر
Date: 04-09-2009, 03:28 PM
Parent: #49

Quote: نسونا النسيان الواااااحد دا !!

إنعام
لله ما اعطي , لله ما اخذ
و الدوام لله

هم الخسرانيين







___
(وبشر الصابرين)

Post: #54
Title: Re: ممنوع التحدث مع العاشق
Author: Tumadir
Date: 04-09-2009, 03:56 PM
Parent: #53

بقيتها حلوة ..والله انا غنا كمال ترباس ده ما كنت بريدو فى السودان "طبعا الوضع هنا اختلف..بريدهم كلهم"

زمان غنا كمال ترباس ده بذكرنى عيد الضحية والضبيحة وماعارفة ليه..المهم الغنية دى بالذات كان بضحكنى لمن يقول "حاضن هواك جوة الحنايا"

والحنايا دى بتشبه كلمة "الهناية" السودانية دى ما بعرف قاطهنها من روسكم المقودس ده معناها شنو ..لكن فى زول صغير ما متذكراه كان عوير كده فى كلامو سعنى لمن يدور يقول الهناية بيقول الحنايا

وصلتك القصة دى ..فالمقاربة دى قاعد تخلى الغنية كلها بالنسبة لى مضحكة وزيد عليها الضبيحة القبيل ديك المهم انت الليلة جيت صلحتها لى ...هههههه


شكرا على العشق السحيق ده يا طروووووووقى

Post: #55
Title: Re: ممنوع التحدث مع العاشق
Author: خدر
Date: 04-09-2009, 05:02 PM
Parent: #54

من باب في زرزرة الغنا و المغنيين
الاسبوع الفات يا تمادر خلصنا حفلتنا و قاعدين في بيت صديق مع القهوة و الونسه و الشمس طااااااااااااااالعة
جابو العود و غنيت
صرت احجي و دمعي ليه ملا المهاد
صبري ولي و نومي دايما في إجتهاد
الغرام بي جيوشو لي حصون المهاد
كرفي خاصم و نومي التحف السهاد
ما شكيت الحب شكيت من لي هدا

( صاحبتنا) الدقيقة جدا في تعريف ما التبس فهمو و ما لم, قبضت في (المهاد) دي بس و هاكـ يا زرزرة الغنا والمغنيين ,


صاحبتنا تانية غير ديكـ (اوعي تقولي لي ليه كلهم بنات الاصحاب ديل ) كانت بتحضر في ندوة لاحد قيادات الحركة الشعبية في اوائل التسعينات في باريس ,
المتحدث قام قال الجزائر بلد المليون شهيد , اختنا كوركت مع اشارة من اصابعينها و قالت (مليونين) , المتحدث رد ضاحكا , طيب مليونين .
بعد نهاية الندوة جينا سألنها قلنا ليها انت قلتي كده ليه ؟
قالت ضاحكة (ساي بس عاوزة اغلطو )

Post: #56
Title: Re: ممنوع التحدث مع العاشق
Author: انعام عبد الحفيظ
Date: 05-12-2009, 06:58 PM
Parent: #53

Quote: إنعام
لله ما اعطي , لله ما اخذ
و الدوام لله

هم الخسرانيين







___
(وبشر الصابرين)


يا خدر بشيّر الصابرين وعرفناهو لكن انت بس الفيك إنعرفت

Post: #57
Title: Re: ممنوع التحدث مع العاشق
Author: الوليد محمد الامين
Date: 05-12-2009, 09:28 PM
Parent: #56

يا انعام عبد الحفيظ يا خي شكرا لرفع البوست دا ،

معقولة طارق ينزل الغنية الجميلة دي وما اسمعا ؟

ياخي انا الزول دا منزل كل غناه االقيتو من زمن الخواض كان بيجمل سودانيزاونلاين بجلب الغنا الجميل ...

حاجة تانية : في سودانيزاونلاين دي في بوستات تخشها وانت عارف نفسك ح تلاقي كمية من الناس الجميلين : دا واحد منها ،


التحايا لكم جميعا يا أصدقاء .....

Post: #58
Title: Re: ممنوع التحدث مع العاشق
Author: Omayma Alfargony
Date: 05-12-2009, 10:45 PM
Parent: #57

Quote: بقيتها حلوة ..والله


الحبيبة تماضر

صدقت والله.


خدر يالحسن توقيتك...طرب اسعافي مطبب ناجع.

نفسي اسمع

روح واعرض حالي لحبيب الروح جيبلي طيبو الحالي يانسيم الليل

بصوتك وبعودك وتوزيعك...

وانا متاكدة حتكون قمة في الطرب والفجيج[/B


:)

يا خدر الفنانين لازم يلبوا طلبات المعجبات.

Post: #59
Title: Re: ممنوع التحدث مع العاشق
Author: nadus2000
Date: 05-13-2009, 11:48 AM
Parent: #58

يااااااااه طارق
ياااااااا خدر
ياااااااا أبولقاء
كلها نداءات مملوة بالشجن والمحبة صادرة من عشاااق إلى عاااشق رغم التحزير أعلاه (عفوا للزاي دي)....
سلمت يا ود ابوعبيدة ويسلم كل العشاااق والعاشقات الما سمعوا تحزيرك....

Post: #61
Title: Re: ممنوع التحدث مع العاشق
Author: خدر
Date: 05-13-2009, 06:50 PM
Parent: #59

يا اميمه طلباتكـ اوامر يا ستنا
خليني افتشها و اجيبها ليكـ
انت تستاهلي كل جميل





يا نادوس يعلم الله مشتهيكـ
و بإعتباركـ كفيل الوغد دكين فترقبونا قريبا
جاييكـ بالغنا السمح يا فنان

Post: #60
Title: Re: ممنوع التحدث مع العاشق
Author: خدر
Date: 05-13-2009, 02:16 PM
Parent: #57

إنعام
كلامـ ده كلام زول داير معاي مشاكل ساي
حيطتكـ القصيرة انا


وليد
كلو من إنعام دي مرقتها بعد ما هزمتها الصفحة الاولي
يا وليد ياخي رسل لي غناي العندكـ لانو انا ماعندي

Post: #62
Title: Re: ممنوع التحدث مع العاشق
Author: DKEEN
Date: 05-13-2009, 08:15 PM
Parent: #60

طروق
بلاي لو قعدوك وخلوك تعيد تغني جميع الاغنيات السودانية دي وتختار منها ماتشاء منو البخرخر؟؟

لله درك يا ابني ..
هسي بلاي التطريب ده كلو عود وحنجرة بس؟؟
تبارك الله واهب النغم..



بعدين ياب صلعة انا موش قبل كده رسلتا ليك شريط لحدي هولندا؟؟
طيب ياخي رسل لي المدحة القناها زمان ديك..


انا مابنسى الشي السمح وبطني فيها غريقة..
وراجيك..



احبك يافنان

Post: #63
Title: Re: ممنوع التحدث مع العاشق
Author: عصام عبد الحفيظ
Date: 05-13-2009, 08:28 PM
Parent: #60

وممنوع الوقوف
اصلا قدام ابواب طارق
وعلى بابك اتحداك
بالشوق والما قدرو




هاء السكت جاءت يا بشرى
اهرب ويين انا
من جنس عمايل طارق




والمهم
الحصل حصل
واعلن انسحابى الكامل
من هذا البوست
وبسرعة
رغم دخولى اليه الآن
لانوالموضوع اكبر
من حكاية احتمال وصبر


سموها جرسه
بى خشم الباب
الاول
وشكرا

Post: #64
Title: Re: ممنوع التحدث مع العاشق
Author: الوليد محمد الامين
Date: 05-14-2009, 09:13 PM
Parent: #63

عاليا لمزيد من الجمال ....

Post: #65
Title: Re: ممنوع التحدث مع العاشق
Author: انعام عبد الحفيظ
Date: 06-02-2009, 12:52 PM
Parent: #64

Quote: عاليا لمزيد من الجمال