Post: #1
Title: خمره في رمضان
Author: khider
Date: 10-24-2004, 11:17 AM
وكان ان لمح خيالا قادما .. ربما كان في ساعه حب او وجع
احمد حسين العمرابي الشاعر
المقادير
براميل من التصوف
رصيد المديح السوداني و تلاوه القران الكريم
حس عالي و لغه عاليه
شجن
و
مي
من يعلم من هي .. حقيقه ام سراب !!
مشهد اول
يضهر المغني علي صحرا متراميه متشحا بعبائه سوداء
و عصابه سوداء علي عينيه
يتيه .. و يغني و يبكي
كل ليل انوح سهران و الناس خليه
عيني سهاد و دموع امست مليا
لا مكان هنا لاي من ادوات التكنلوجيا الحديثه
و و برامج الملط ميديا.. فقط الصحراء و كاميرا و مغني
لو في النساء رسلا كنتي النبيه
الثالوث المدمر ... المغني و الحب و القريحه
يا تايه سيبي الجور حلمك علي
ليك مني ماشئتي و الوجد لي
اولاد شمبات يدخلون الثالوث المحرم و يضعون
فيه حزمه اخري من الحب
لتتقد النار و تشعل الصحراء
هلمي روحي اليك يا ام ريد هديه
كان النبي المعصوم قبل الهديا
ويبدو طبعاملمح التصوف عاليا في اشارات
ليل .. انوح
الناس خليه
سهران
ليك مني الف سلام و الفي تحيه
تصباك مع النسام بي روح سحيا
ماقال محب .. علي محبوبتو حيه
و تقر عيونك يا نايره المحيا
كيف الكلام ده !!
|
Post: #2
Title: Re: خمره في رمضان
Author: mohammed alfadla
Date: 10-24-2004, 11:21 AM
Parent: #1
خذلتنا ياخ
|
Post: #3
Title: Re: خمره في رمضان
Author: khider
Date: 10-24-2004, 11:23 AM
Parent: #2
حماده
تعال بكره
|
Post: #4
Title: Re: خمره في رمضان
Author: mohammed alfadla
Date: 10-24-2004, 11:23 AM
Parent: #1
لكن أهو القحة ولا صمة الخشم
شكرا يا راقي
|
Post: #5
Title: Re: خمره في رمضان
Author: فتحي البحيري
Date: 10-24-2004, 11:43 AM
Parent: #4
أخي طارق
(رمضانك خدر)
أخي خدر
إبداعك طارق باب انتباه لا يوارب دون هذه الدهشة
.... مطلقا
|
Post: #6
Title: Re: خمره في رمضان
Author: Nagat Mohamed Ali
Date: 10-24-2004, 11:58 AM
Parent: #1
طارق إزيك
الصلاح دة جاك من وين يا ود أخوي؟
كنت متوقعة يجيك زول يعبر عن إحباطه بكلمة زي "خذلتني".
تحياتي لأسمهان
نجاة
|
Post: #8
Title: Re: خمره في رمضان
Author: khider
Date: 10-25-2004, 00:25 AM
Parent: #6
عمتي نجاه
رمضان كريم
كلو من محمد الفضله ده
لو ماشلاقتو ماكان في زول انتبه ذاتو
تحياتي ليكم كلكم و نوار بالذااااااااااات
|
Post: #7
Title: Re: خمره في رمضان
Author: مراويد
Date: 10-24-2004, 12:18 PM
Parent: #1
ممكن ياشباب كاس معاكم
من خمرة خليل فرح؟؟؟
او
المساح
|
Post: #9
Title: Re: خمره في رمضان
Author: خضر حسين خليل
Date: 10-25-2004, 04:12 AM
Parent: #1
خدر رمضان كريم
ازيك ياخي
جينا نقول نفرق نجي نلقاك مافي
(محجوب شريف)
|
Post: #10
Title: Re: خمره في رمضان
Author: طلال عفيفي
Date: 10-25-2004, 04:24 AM
Parent: #9
طارق , والله العظيم استمتعت بشكل ما تتخيلو .
أيوه كده أرحمونا شويه من وعثاء السفر ده .
يا لطيف .
...
طلال
|
Post: #11
Title: Re: خمره في رمضان
Author: عصام عبد الحفيظ
Date: 10-25-2004, 05:24 AM
Parent: #10
كده يا مولانا خدر
كل ما نقول تبنا
ترجعنا تانى
اهو انا رجعت ليكم تانى
بعد خمسة ايام غياب
وبعد ما اعدنا صياغة تواجدنا
هنا
ويا لطيف
سلام
|
Post: #14
Title: Re: خمره في رمضان
Author: khider
Date: 10-25-2004, 10:37 AM
Parent: #9
فتحي الفنان
تسلم ايها الامتداد الطبيعي لاؤلائك
مراويد
بطل المقالب بتاعتك دي
خضر حسين
والبون شاسع بين التفريقتين
مودتي الكبيره و شكري للاستماع
طلال عفيفي
بركه الصاحبك رجع
انت تستاهل الغنا كلو
|
Post: #12
Title: Re: خمره في رمضان
Author: فجراوى
Date: 10-25-2004, 09:44 AM
Parent: #1
مولانا الخدر
دايم تغيب.....وتجيب
الله يخليك
ياحبيب
ال ألف وألام فى الاسم سيتم حزفهم بعد رمضان مباشره
الاغنيه شى مو شى
|
Post: #13
Title: Re: خمره في رمضان
Author: Khalid Eltayeb
Date: 10-25-2004, 10:01 AM
Parent: #1
مولانا خدر
أن البيرة الساقطة المندية في نهار رمضان " حرال" .
رمضان كريم و تصوموا و تفطروا علي خير
|
Post: #15
Title: Re: خمره في رمضان
Author: khider
Date: 10-25-2004, 11:18 AM
Parent: #13
و للانثي دور مشهود في جهجهه الغاؤون دع عنك الشعر و الشعراء
قال لها
هاك مني بالاخلاص الماسه دي
و الصحراء تمد امام المغني الكفيف
تتسع المعاني و يصير للمفرده دوي القنبله
لم ازل ولهان و انتي الابيه
سنيتي ان تحيي دائما خبيه
وقد كان .. ظلت مي خبيه العالمين و لازلنا
نجتر احزاننا و لا ندري شيئا عن العمرابي الهائم
في صحراء الله و حب الله
لم نسأل ماذا حل به !!
|
Post: #16
Title: Re: خمره في رمضان
Author: عصام عبد الحفيظ
Date: 10-25-2004, 03:31 PM
Parent: #15
مولانا خدر تعبنا خلاص ورينا الخلاص
و لا شنو
يا ابليس رمضان
دى صعبة شوية
فى البورد
غايتو انت حاول تجد ليها تبرير
الجماعة ديل اصاحبك من زمان
سلام
|
Post: #17
Title: Re: خمره في رمضان
Author: إيمان أحمد
Date: 10-26-2004, 11:52 AM
Parent: #1
شكرا علي ال"شربوت"!!
|
Post: #18
Title: Re: خمره في رمضان
Author: khider
Date: 10-27-2004, 00:28 AM
Parent: #17
الاصدقاء الحميميين
منعتني الانفلونزا الغاشمه عن البورد في الايام الماضيه .. عدت و وجدت العمرابي يتمتع بصحبه حميمه و صحه جيده بعد ان كان وحيدا
فشكرا لكم و لي عوده للردود
|
Post: #19
Title: Re: خمره في رمضان
Author: omer alrubatabi
Date: 10-27-2004, 03:48 AM
Parent: #18
بسم الله الرحمن الرحيم
و رمضان كريم
و للكل سلام و الاعتذار اكوام
عشان دخولنا البلا نظام
و السبب جنى العمراب
و هاكم هذين الكأسين
فخمر ولا كرم وآدم لي أب
و كرم ولا خمر و لي امها أم
و لطف الاواني في الحقيقة تابع
للطف المعاني و المعاني بها تنمو
عوذت حبيبي برب الطور
من افة ما يجري من المقدور
ماقلت حبيبي من التحقير
بل يحلو اسم الزول بالتصغير
و هنا نعوذ العمراب و الكل برب الطور
فاعذروها انها كلمات جرت وكانت تتهادى الى ان ابصرت خمرة رمضان
فرفعت اذنيها و مدت انفها و شلقت و لقت الباب مفتوح فدخلت تتلبد
عسى ان تجد من تعرف و اظنها قد وجدت روحا و ارواحا احرقها البعاد
فهي في الهوى شرق
و لكم مني السلام تحية عدد النجوم و قل من تسليمي
أخوكم عمر
|
Post: #20
Title: Re: خمره في رمضان
Author: khider
Date: 10-27-2004, 10:50 AM
Parent: #17
عصام اخوي
بركه الجيت بركه الجيت
فجراوي
| Quote: ال ألف وألام فى الاسم سيتم حزفهم بعد رمضان مباشره |
خلود
الكلام ده بجيب ليك لفت النظر
ايمان
اللهم اني صااااااااااائم
|
Post: #21
Title: Re: خمره في رمضان
Author: Elnasri Amin
Date: 10-27-2004, 12:06 PM
Parent: #1
مبدع يا خدر
تذكرنى الغنيه دى بشباب ولى وفات
شكرا
النصرى
|
Post: #22
Title: Re: خمره في رمضان
Author: عصام عبد الحفيظ
Date: 10-27-2004, 03:27 PM
Parent: #21
بركه الجيت بركه الجيت
باخدر انت قاصد عسل انت وبسكويت
دى 000قديمة والاحدث موجود
اااااقول
ااااقوووول
دى جنة الاطفال
قول يا شاطر
اقووول
آى قوول
القصة اكبر من قول
خلاص بكرة الصباح نتم الباقى
سلام
|
Post: #23
Title: Re: خمره في رمضان
Author: عصام عبد الحفيظ
Date: 10-27-2004, 03:51 PM
Parent: #22
وآسف
سلامتك
وكل الحلوين
كرامتك
وبتعرف اخوك عريان ومجلى فى الفكرة
الاجتماعية دى
و بالطبف كما بحكى000طلال الفارز احلام البنات00
اخى الخرطوم بصراحة تعبانة الايام دى
رغما عن ان اشجارالنيم بدأت ترمىالاوراق الصفراْ
مبكرا هذا العام0000
اهو نسيج من احلام الذكريات000
احيى الصديق الودودالشاعر
النور عثمان ابكر
وهو بلا مدسة اب زوجتى الحميمة ايزبس
ام يس و سهيل
سلام ويس
|
Post: #24
Title: Re: خمره في رمضان
Author: khider
Date: 10-28-2004, 12:03 PM
Parent: #23
الرباطابي
يديك العافيه و يخدر ايامك
النصري
الا ليت الشباب يعود يوما 
|
Post: #25
Title: Re: خمره في رمضان
Author: khider
Date: 10-28-2004, 12:10 PM
Parent: #23
سيد الناس عصام
Quote: اااااقول
ااااقوووول |
انت لو قلت بتفرتق القصه دي كلها
فانت احد شهود العيان النادريين جدا
Quote: اخى الخرطوم بصراحة تعبانة الايام دى
رغما عن ان اشجارالنيم بدأت ترمىالاوراق الصفراْ
مبكرا هذا العام0000
اهو نسيج من احلام الذكريات000 |
و علما باني اعلم بان هذا الاحباط ينتابك كل مئه عام
فهاناذا اضع يدي علي قلبي من الخوف عليك
خليك غرقان في ايزيس و يس و ضحكته المتأمره و سهيل فوق العاده
فقط سنكون مطمئنين الا قليلا
اخر الحكي
عندي ليك مَفاكره
|
Post: #26
Title: Re: خمره في رمضان
Author: khider
Date: 10-29-2004, 10:24 AM
Parent: #25
Quote: براميل من التصوف
رصيد المديح السوداني و تلاوه القران الكريم
حس عالي و لغه عاليه
شجن
|
نعم
تلك كانت الفورمولا السحريه لاغنيه الحقيبه
فقط ... دراسه الخلاوي كانت الرصيد التعليمي الحقيقي لجل شعراء الحقيبه .. و تأمل معي كم تحوي فقط هذه
المام باللغه العربيه و خصائصها
المام بمدراس التلاوه و الترتيل
ايضا ساعدت المدينه في توقد و استعار قريحه هؤلا المغنين النازحين من مناطق تغطي الخضره افاقها الي مدينه من الجالوص تضج بالقهاوي و الثرثرات حول الاستعمار و اخبار الحسان و ارتفاع سعر القطن ببورصه لندن و فلهمه التلغراف و اخبار افندينا و الباب العالي
لابد ان نعمل الخيال يا صديقي حين الحديث عن تاريخنا الثقافي
وجد العمرابي نفسه كيفما اتفق في هذا الوسط الصاخب و روحه معذبه تحن الي ليلاه و دنياه
و
لا تقول ضعت من اهمالي انا عامل الحذر راس مالي
فكيف يستقيم
اذن المحبوبه و الروح الهائمه في عشق سرمدي تمطر شجنا عنيفا .. و المفتاح هؤلا المتصوفه
و الرؤي الغيبيه و اسناد كل ما يستجد و غير مفهوم لتلك القوي
و ارتباط الحبيبه بالسهر يتزامن مع اوان اللقاح و اكتمال دوره القمر في معرض تغير الفصول
و هنا يظهر عامل اساسي في عمليه الحب
القمر .. صديق العاشقين
اذن احكم الطوق علي المغني الشاعر
قمر و انثي
فكيف لا اعشق جمالك !!
مي الفؤاد بي جفاك فاقد شليه
لو طال جفاك يضيع باقي التليه
ساواصل
|
|