Post: #1
Title: شايننق استارز .. و استدعني يا طيف فربما عادت
Author: khider
Date: 02-02-2005, 01:14 AM
الا تفتقدون قلمها !!
هل انا وحدي من افتقدها !!
شايننق
اجب علي جميع الاسئله
اين انت .. !!
|
Post: #2
Title: Re: شايننق استارز .. و استدعني يا طيف فربما عادت
Author: Hussein Mallasi
Date: 02-02-2005, 01:47 AM
Parent: #1
لا طبعاً؛ لست وحدك .....
|
Post: #3
Title: Re: شايننق استارز .. و استدعني يا طيف فربما عادت
Author: أبو أحمد
Date: 02-02-2005, 02:13 AM
Parent: #2
ومن الذي لا يشتاقها
وحتى سفنجاتها
التي ابدا تحبث
عنها
وين يا جميله؟؟
عليك سفنجاتك الاتنين
تطلى علينا
|
Post: #4
Title: Re: شايننق استارز .. و استدعني يا طيف فربما عادت
Author: ايهاب
Date: 02-02-2005, 02:19 AM
Parent: #3
اعتقد انها موجوده وشاركت في بوستات قريبه
ولكن اين هي كتابتاتها الزمان اذكر انها كانت من الاقلام المميزه جدا حين انضمامي للمنبر
اذكر ايضا يا خدر انو انا اول ما جيت البورد دا كنتا انت مشيت تجيب تلج
loOoOoOooooOoOOoOoolz
متذكر الكلام دا
|
Post: #5
Title: Re: شايننق استارز .. و استدعني يا طيف فربما عادت
Author: khider
Date: 02-02-2005, 03:18 AM
Parent: #4
يا حليلك يا ايهاب
انت لسه راجيني !!
|
Post: #14
Title: Re: شايننق استارز .. و استدعني يا طيف فربما عادت
Author: khider
Date: 02-03-2005, 02:49 AM
Parent: #3
Quote: عليك سفنجاتك الاتنين
تطلى علينا |
و وين ام احمد من مناشدتك دي !!
|
Post: #13
Title: Re: شايننق استارز .. و استدعني يا طيف فربما عادت
Author: khider
Date: 02-03-2005, 02:47 AM
Parent: #2
انا متاكد يا ملاسي
انت البتفقدنا ساعه غيابنا
شكرا يا عمو
|
Post: #6
Title: Re: شايننق استارز .. و استدعني يا طيف فربما عادت
Author: الجندرية
Date: 02-02-2005, 03:25 AM
Parent: #1
خدر ازيك
شايننق استار ياها البفقدوها والله
لكن قبل كم يوم دخلت لي في بوست
وتمينا الباقي وراء الخيمة
لكن البوست طش مني
|
Post: #7
Title: Re: شايننق استارز .. و استدعني يا طيف فربما عادت
Author: وليد محمد المبارك
Date: 02-02-2005, 03:58 AM
Parent: #6
دي اخت دكين ؟؟؟؟؟؟
الجهل ليس عيب
لكن العيب ادعا العلم
نريد من جناير البورد تعريفنا بالمبدعين في هذا البورد
اقصد المبدعين القداما اللذين لم نتشرف بقراءة كتاباتهم
مشكورين مقدم
|
Post: #8
Title: Re: شايننق استارز .. و استدعني يا طيف فربما عادت
Author: khider
Date: 02-02-2005, 04:39 AM
Parent: #7
والله يا وليد اريتا كان اختو
كان حالو انصلح شويه
بعدين يا وليد انت قايلني ماعندي شغله غير بيت ناس عمك ضحوي الحسن !!
بين قوسين
والد المقبور دكين
|
Post: #10
Title: Re: شايننق استارز .. و استدعني يا طيف فربما عادت
Author: وليد محمد المبارك
Date: 02-02-2005, 04:50 AM
Parent: #8
هاهاهاهاهاهاهاهاهاهاهاهاها
خلاص كلم المك نمر يرسل واحد من اعوانه يقوم بالمهمة
|
Post: #15
Title: Re: شايننق استارز .. و استدعني يا طيف فربما عادت
Author: khider
Date: 02-03-2005, 02:57 AM
Parent: #10
اعوان المك نمر بجيبوا خبرها .. اخير لينا
اعوان المك خدر
|
Post: #9
Title: Re: شايننق استارز .. و استدعني يا طيف فربما عادت
Author: khider
Date: 02-02-2005, 04:42 AM
Parent: #6
اماني
الله يطمنك انت يا جيابه الاخبار السمحه
اها
كده طالباني كم !!
|
Post: #11
Title: Re: شايننق استارز .. و استدعني يا طيف فربما عادت
Author: ShiningStar
Date: 02-02-2005, 03:04 PM
Parent: #1
آآجي ي ي ي.... هي يا خدر ما بالغته... وحات سيدي اب فيونكه اتخلعته لمن شفته اسمي .. قلته خلاس الليله في نضم انا ماني قدرو..
قلته كدي.. استعدلته و جريت اتشطفته و قدر ما كسته ما لقيت فردة سفنجتي... فاعذروني...
المهم جيت داخله...
ولقيتكم انتو الحلوين و حنان... خدر, ملاسي , ابو احمد, ايهاب, الجندريه وليد....
الليله اديتوني احساس اداني ليهو عزيزا لي .. انتشيت بيهو و كتبته ليهوبرضو بي سعاده مماثله لي دي ... هاكم كلامي
سلامات حوافل تتبعها تحيات نواضر ثم أستفهامات حواضر.. فالسلام لكم ولكل من آخانى في البورد ثم في الله أولا وآخرا ...والتحيات مزجاه لشخصكم الكريم حقيقة و سيبرة (من سايبر) ... الأستفهامات, فهن كثر و يصورن دهشة أقل ما يمكن ان اصفها به هو "مهولة" وبعض من تعجب وهو فقط من باب لزوم ما يلزم... فوالله الكتبتو عني أنا و كتاباتى لهو ضرب من ضروب البلاغة في الوصف لا قبل لي بها وما انا بمجارياها وان حاولت فتبا ليراعى وعتبا لكم.. اهااا .. قرأت ورأيت ما كتبتم لي ثم أعدت البصر كرتين فأرتد ألي البصر بحديث مدح بما لا قبل لي به و اصدقكم القول بأننى خلته حديث قدح ( قدح؟؟؟ حسي النبي القدح دخلو شنو هنا ...لكن المخ اتجازي)انا قصدي مدح و زم مغلف ببلاغة أبو الطيب في أيراد القريب وقصد البعيد ..و ما اظنكم قاصدين كدا و هنا مكمن التعجب... و اجابة لي سؤالك يا خدرانا قااااااعده متل العمل الرضي... و مقلة في كتاباتي ولا أرسلها-أن فعلت- ألا من بعض ترهات قلمي مغلفة في بعض من ردود مختصرة حينا و ساخرة أحايين أخر أو بعض خاطرات أكتبها والخجل يكتنفنى من سوء صنعتها أو سواد فكرتها وفيما بينهم أتنقل منتعلة تلك السفنجة الما شبه السفنجات لا خلقه لا اخلاق... فقد آل أخضرارها ألي لون لا هو بلون "زينب" ولا بلغت منى ذاك "العرش" وأستعضت عن "نخرتها" بمسمار يلزقها ويحفظها ولكنه يؤرقنى ويقض مضجع غربتى "عفارم عليهو" بألتهابات بين أصابعى لا تعالج الا بالقرض أو بضع مسحات من زيت سمسم دافئ في عرف جداتى والعمات لا بكبسولات "أنتىبيوتك" أو كما قالت طبيبتى.
و بعد دا تقلو كتابات متميزه؟؟
رحم الله نيرون "وبشبش الطوبة اللي تحت راسو" فقد قال زات مزاج "نمو ت بلا ا حتضار عند ما نمو ت من ا لا سى والحزن" أوما دري بابلو هذا بأنا نحتضر الف مرة و مرة حتى صرنا لآلامه صنوان؟
ياجماعه البتقرو دا. بعض أحزان ضلت طريقها اليكم متدثرة بسخرية وتعتمر سفنجة كانت يوما ما خضراء ..و ذي ما شايفين فأنا و تلك "الفكرة النكهة" كأقطاب مغنطيس زادتهم الأحزان تنافرا..فأنا ليس لي في الأبداع "يد ولا ساق" وقيل أيضا "و لا شامة" (بتصرف شديد من قائلها).. فلا "دكينا" ناطحت وكاتبت ولا "شتاتا" قرأت فأشعرت....
والله و ما طالبني حليفه فقدانكم لي دا كان بمثابة هواء بارد في جلد انفي ... انتشيت بيهو فرحانه فرح البدايات الاولي... لكم الشكرالفا فألف و كيلة أمتنان بظاهر يديا منها والكف عليكم و علي احساساتكم...
تسلم يا خدر... و شكرا شديد علي الفرقه دي.. الانا ما صدقته الا و جيت نافشه الكلوش و مليته كلام لا سما لا واطه...
ورووورووووك انا لي حسي ما مصدقه البوست دا لي... النبي احجزو لي بكاني دا انا ماشه اكلم ناس سعديه....
|
Post: #12
Title: Re: شايننق استارز .. و استدعني يا طيف فربما عادت
Author: اساسي
Date: 02-02-2005, 03:21 PM
Parent: #11
| Quote: لا بكبسولات "أنتىبيوتك" أو كما قالت طبيبتى. |
والله عشنا وشفنا عشة كشوشة عملت ليها طبيبة ..!!
طيب ما تشوفيها تكلم التمرجي يلحقنا ببنسلين للصنقور دا
|
Post: #19
Title: Re: شايننق استارز .. و استدعني يا طيف فربما عادت
Author: ShiningStar
Date: 02-03-2005, 10:13 AM
Parent: #12
اساسي ... طبيبتي دي عرفتها هنا في بلد الفرنجه الكفار اهلا... قالو كشف سنوي.. و انا عليم الله من فارقته بطن امي سماعه ما هبشتني...... زيت البركة دا مالوووو..
قال انتي ييوتك قال...
قادر الله..
اسمع كلامي دا سمح يا اساسي.. وجع راسك دا الا الاتي..
تجيب تلاته هبهانات ختين بي جنبه... و تجيب سبعه و تلتين دلقون... و لفيهن واحده واحده فوق بعض.. و ختين بي جنبه... الهبهان اغلي في مويه و سوي كباية شاي ساده.. اقعد بي مزاج و شوت شوت اشربه... كان ما راح راجع الطبيبه...
اما ربطة الدلاقين فنا بيها اول زول تفتكر انو سبب وجع الراس....
ااي ااي جايه...وووب علينا الليله برفدوني..الله لا كسبم
|
Post: #16
Title: Re: شايننق استارز .. و استدعني يا طيف فربما عادت
Author: khider
Date: 02-03-2005, 03:20 AM
Parent: #11
|
Post: #17
Title: Re: شايننق استارز .. و استدعني يا طيف فربما عادت
Author: وليد محمد المبارك
Date: 02-03-2005, 06:15 AM
Parent: #16
تيييييييييييييييت تيييييييييييييييييييييييت
دي صفارة من
عشان جمعتو يا مولانا خدر
|
Post: #20
Title: Re: شايننق استارز .. و استدعني يا طيف فربما عادت
Author: khider
Date: 02-04-2005, 08:05 AM
Parent: #11
سعديه ام حجل
ويين البت دي ماجات عليكم
منو .. نعمات !! ( شايننق استارز )
يعميني ..
نعمات و البقيه
اعذرو غيابي
فانا خارج منطقه ثوره الاتصالات هذه الايام
سأعود
|
Post: #18
Title: Re: شايننق استارز .. و استدعني يا طيف فربما عادت
Author: ShiningStar
Date: 02-03-2005, 09:50 AM
Parent: #1
الليله الزول مالو ما ورانا اسبابو.....
ااااح... تعرف يا خدر... زمن الجاهلية و الجهله سوا... و زمن التسلق و البرج عاجيه... وزمن الشي كن شي و الزمن بطشي.... و زمن حسن الجقر كان مجكس الرضيه انا كنت بفتكر غنه الدلوكه دا غنه هابط و استهزئته بي ابكر صاحب
الا-فكرة بطئ الكلام... عاشق مذيعات الراديو.. اب عيون نايمه مش نعسانه.. لمن قال لي... تأرفي انا بهب هنان...
يا ابكر حنان منو؟
هنان بلو بلو ... بتصرف من ابكر مصحوب بي آآآح
واصل قائلا... والله انا امباره جيت ماشي بي هفله... و وقفته بي الهيته و الله والله و انت ما تالبني حليفه انا هرقت صندوق السجاير كلو ...
استغربته و عاينته و قلته عليك النبي شوف الطرطشه و الغبه... ان رأيته و سمعته خلته كان في الصالة الحلم مستمعا لي احدي معزوفات ياني او مراكب الشوق...
قلته ليهو لييه دا كلو يعني؟
لحظتها اظنه حس بشئ من الاستهزاء و السخريه... انت أومرك ما هتفهم.. الا تسمع كلام هنان..آآآآح... كلم امك النهاردا ابكر ما راح يكوي... سمعت كلماته طشاش طشاش و هو ماشي مديني ضهرو جادع يدو اعلانا عن الزهج... و من اليوم داك لا ابكر جا لا الهدوم اتكون... غايتو ياابكر العفو و العافيه..
سبعه سنين عدو... و انا في البلد المرض دي... امارس دوري في المشهد الثابت من نفس المسرحيه... مافي شي بيونسني في مشاويري و انا في الوانيت غير حنان بلوبلو,سميره دنيا, هاجر كباشي, زهر مان, قسمه,نصرة و خلافه... لقيت فيهم شي من الاريحيه المفقوده القدر ما فتشته ما لقيته عند الجماعة..اصحاب الاغاني الانهزاميه...
حبيبنا بنريدو.. بنريدو... بنريدو... سمحه الوجنه في خديدو
ما ورانا اسبابو...
حبيبنا يوم سفرو.. حبيبنا يوم سفرو..ودعنا قام قطرو
آآآآآح شكرا يا خدر... تمشي و تجي بلسلامه..
|
Post: #21
Title: Re: شايننق استارز .. و استدعني يا طيف فربما عادت
Author: Hussein Mallasi
Date: 02-04-2005, 01:45 PM
Parent: #18
ان "كدر" ماشي؛ انا قاااائد .........
|
Post: #22
Title: Re: شايننق استارز .. و استدعني يا طيف فربما عادت
Author: معتصم دفع الله
Date: 02-04-2005, 02:14 PM
Parent: #21
والله يا خدر أخوي فيك الخير ..
نحن زاتنا جينا نسعل من أختنا شايننق علا لقيناها بي خير ..
وبالمرة جات سيرة المغبور دكين ..
دا والله ورشة بي حالها ما تصلحو ..
|
Post: #23
Title: Re: شايننق استارز .. و استدعني يا طيف فربما عادت
Author: khider
Date: 02-05-2005, 02:14 AM
Parent: #22
| Quote: دا والله ورشة بي حالها ما تصلحو |
workshop 1
آآآآآآآح... يا نعمات
تعرفي ابكر ده راجل عظيم جدا لانو انتبه لفروقات الحراك الاجتماعي و النفاق
العام و ازمه المثقف .. انا ماعارف الانهزاميه في غنانا دي مباربانا لي متين
!! good point shining
اها الحراك ده هو اللعب كلو
وانت ذاتك كــ.. بت حريفه و بتكتب حلو جدا .. حقو ماتقيفي مننا و ابتعدي قدر الامكان
من مناطحه الوغد دكين .. فلدكين راس عظيمه و قطع شك حاينطحك و يلحق اضرارا
جسيمه برأسك الجميل
و نحن منتظريين زياده منك في موضوع الحراك الاجتماعي ده
workshop 2
قرأت لك في المستظرف ان لنخره السفنجه حكايه
فقد كانت قبل صقيع العام الذي سبق وفاه اليماني سارق قصعه السمن لا تملك لا نخره
و لا سيور جميله متعدده الالوان
كانت سفنجه فقط .. تافهه لا تصلح الا للحوامه بين بيوت الحي و احيانا قليله جدا
لحضور حنه العريس و لكن في الصف الوراني و بعد قدوم ذلكم الشتاء اعترتها نوبه
برد خلقت فيها تلك التشققات اثر البرد و انعدام الكركار الذي عاده مايغطي اسفل
قدم الحرائر فتيبست اثر انفلونزا لم ترحم و نما لها قدوم صغير عند التقاء
السيران ( السيدان )اها ومن ديك و عيك ... قعدت تتطور
فتطورت و تطورت و تطورت و تكورت و تكورت و تطورت ..حتي اعتلتها حسناوات اوربا الغربيه في موسم الصيف و تبعتهن
حرائر الوطن العربي خاصه الشوام ذوات الاقدام الجميله عاريه كانت ام متسفجنه ( متنعلته )
workshop 3
صنقور اساسي
ده لا يمكن الحديث عنه دون ان نزكر و بكل احترام الساده الاتيه اسمائهم ادناه
1/طوله اللسان
2/الفوضي المنظمه
3/الاحتجاج الدائم
واضعين في الاعتبار ان لاساسي نكهه و طعم و مذاق خااااااااااااااااص
|
Post: #24
Title: Re: شايننق استارز .. و استدعني يا طيف فربما عادت
Author: khider
Date: 02-05-2005, 10:09 AM
Parent: #23
شذرات من كتابات المحتفي بها
Quote: اها يا جماعه ما اطول عليكم .. انا ماشه اكووس لي طريقه كشافه و
فستان جورجيت مشغول بي ترتر ورا و قدام...
بسسس امووووت و اعرف البشيل سفنجتي منو ؟؟؟ تعرفو بعد دا حاعمل
ليها لستك عشان البسه زي الشبط ... |
Re: كيف تكون نجمآ فى البورد
Re: كيف شعورك لمه ترجع لوكيرك تلقه طيرك حاضنو غيرك؟؟؟
دي طبعا انا مت فيها من الضحك
كما و تتميز المحتفي بها بتوقيع ثابت اسفل مداخلاتها
حتي اني احيانا لا اقراء مداخلتها بل اذهب مباشره الي
التوقيع
امـــــثـله
| Quote: يخواني انا عندي رانديفو بجي بعدين ...... ودعتكم الله... |
| Quote: يخواني عوضيه مشت وووين ؟؟ حسي مش كانت واقفه هني ؟ |
Quote: هي دي ماعوضيه.. عوضيييييه اقيفي... اها يخواني انا ماشه.. يا
بت ما تقفي عامله راسك الذي الجيلون دا ... |
Quote: اها يخواني انا ماشه اكووس ماعوني ... يخواني وووب
الشال سفنجتي منو؟؟؟
|
|
Post: #25
Title: Re: شايننق استارز .. و استدعني يا طيف فربما عادت
Author: khider
Date: 02-05-2005, 10:11 AM
Parent: #24
عليكم الله زول بالجمال ده
موش مفروض يفقدوهو
|
Post: #26
Title: Re: شايننق استارز .. و استدعني يا طيف فربما عادت
Author: وليد محمد المبارك
Date: 02-05-2005, 10:56 AM
Parent: #24
تنوية
هو مقطع من قصيدة كتبها شاعر مغمور
يدعى لؤي قسم الله الجاك
درس بكلية شرق النيل
بعد شاكوش حار ادوهو ليه
حا احاول اجيب من النص كاملا لو موجود عندو
وهي في اولها بتقول
تصور انك انت طائر
ليك عشيشا كنت
حاضن فيه طيرك
......
.....
حتى
....
تصور انك انت راجع
في المغيرب
بالاماني اللون ضميك
تلقى طيرك
حاضنو غيرك
وبتذكر اني جاريتو
بي رد على القصيدة في اول بقول
تخيل انك مكان طويرك
حاضنك طيرا في عشيشك
طول صباحك ولي دغيشك
...
....
...
الى
....
كل طيرا في المغيرب
بجيب معاه في خشمو دوده
الدوده دي اجمل هدية
هي اجدى وانفع
من امانيك النديه
بالعمل بتصون حبك
ما بالاماني السندسية
ولو حبه تحلم
وحبه تعمل
نسبة نجاحك ميه ميه
دعم امانيك بالامل
وتاكد انك
لما ترجع في المغيرب
حا تلقى طيرتك ليك وفيه
بتذكر كان حرشناه عشان يتقدم للبت
قال كيف اتقدم ليها وانا في سنة اولى جامعة
قامو عرسوها
وعشان انا عشت القصة كلها
كتبت ليه الرد ده
انشاء الله القى نصو كامل
الكلام ده انا في الثانوي
زمممممممممممممممممممممممممممان
|
Post: #27
Title: Re: شايننق استارز .. و استدعني يا طيف فربما عادت
Author: PLAYER
Date: 02-05-2005, 12:41 PM
Parent: #26
[Quote: B]30-07-2002, 04:24 م
ShiningStar
تاريخ التسجيل: 26-04-2002
مجموع المشاركات: 198
Re: كيف تكون نجمآ في البورد......الجزءالثانى (Re: PLAYER)
يا جماعه كدا بي المهدوانيه...
يا بلير انا بشوف توقف زول في الباب عشان يفرز ليك ناس درجه اولي و تانيه و تالته و ناس نحنا... و بعد يدخلو كلو زول يقيف في صف و البناطلين قدام و الجلاليب ورا و فساتين قدام تياب ورا و كدا
.. و بعد داك تشوف الناس البلمعو تعمل ليهم صف براو تسميهو ابو لمعه و خلي بالك معاي لانو الحته دي حرجه شويه لانو في ناس ما لمعانين خلقة الله ,, ايي قصدي لي بتلومعو و دي طبعا بتم بي عدة طرق و منها انو الواحد/ واحده يلبسو رقوشي و يقعدو تحت الكشافه و لكن للاسف اللمعه بتزول بزوال المؤثر و طبعا في الحاله دي المؤثر الكشافه... آآهآآ ديل اعمل ليهم صف براو سمي تحرمني منك ... لكن نصحيتي لي ناس الصف دا انو التلمع ما مشكله لكن كل زول يجيب كشافتو براو يعني ما تملحو في كشافات الناس العندها كشافات ...
واخد بالك معاي النقطه الجايه دي مهمه... لانو لازم تفرز الناس الكانو لمعانين.. ركز معاي في كانو دي لانها من كان و اخواتا و كدا.. يعني ناس دق لي و اغني ليك.. وديل اخطر ناس لانو بجو تووووش يقعدو ليك في صف ال VIP
يسو في نحنا كنا .... و نحنا سوينا... و فعلنا و تركنا... لكن السؤال بكون هل لازلتم؟؟؟ هم بس بنسو ولا يا ربي ما بلاحظو انو لمبه 60 واط ما زي ال 100 واط ولا كيف؟
اها ديل سوي ليهم صف و سمي كان ليك يا المطير عينيك ...
اها يا جماعه ما اطول عليكم .. انا ماشه اكووس لي طريقه كشافه و فستان جورجيت مشغول بي ترتر ورا و قدام...
بسسس امووووت و اعرف البشيل سفنجتي منو ؟؟؟ تعرفو بعد دا حاعمل ليها لستك عشان البسه زي الشبط ...
|
|
Post: #43
Title: Re: شايننق استارز .. و استدعني يا طيف فربما عادت
Author: ShiningStar
Date: 02-10-2005, 12:29 PM
Parent: #27
بلي ير... كدا اتخيل لي اسمك مظبوط ...
كيفك ياخي ؟ نعلك طيب... شكرا لي حضورك الجميل ...
will get in touch real soon....
apologies for the delays...
|
Post: #28
Title: Re: شايننق استارز .. و استدعني يا طيف فربما عادت
Author: ShiningStar
Date: 02-06-2005, 07:48 AM
Parent: #1
رايك شنو يا خدر نعوج ليك رقبة البوست ده حبة كدي...
وانا عارفاك انتا العوجة دي بتريدا تب..
اها النقوم النحدثك عن زول امره لايهم احد...
كان مجكس علوية حواجب ..
ويقال انو فكاها لانو الاخيرة كتر ترددها على نقطة بوليس الكدرو..
وبقت مرة خملة اي زول بخش بيتها بلقى الملايات مكرفسات ...وظق الدجاج في كل مكان..
كما ان نسوان الحلة بدأن يتغامزن سرا في حالها ومجمل احوالها في مجالس المُشاط والاسواق..
حتى ان حسين الجزار سألهن قائلا (انتو ياخوانا علوية بوليس دي اللحم ده كلو بتودي وين؟؟)
قالها ومسح يديه في كم العراقي بينما نساء الحلة تضايرن خجِلات من السؤال ..
ولم ُيدر بخلدهن لفرط سوء النية المتأصل في نسوان اي حلة انو حسين المسكين لم يكن يعني اي لحمة بخلاف اللحم العجالي الفي جزارتو..
اها زولك ده يا خدر من بقى اسمها علوية بوليس ولحمتها بقت مدفقة .. قطع كراعو من عتبة بيت علوية..
كانت ُكرهتو في الدنيا دي البوليس ..
كان يرجع سبب الكوارث في عموم البلاد الى شيئين ..
البوليس ..
وتأخر رواتب المعلمين ومجاعة سنة ستة...
ومن ما البوليس خشى في حبيبتو وزولك داك حالو قلب وقام مرق من حبيبتو ..
صار يخاف الله كثيرا ويخشى ان ُيفتن في دنيته ويُمتحن فيها مرة تانية عبر من يُحب ..
ُ يحب السترة ويجاهد لفضائل الاعمال ساعيا للمعروف بين عباد الله في عموم بحري..
كما انه ظل ملازما ولفترات طويلة مسجد السيد علي وإدراك ما تبقى من مواقيت الصلاة وهو يعلم انه قد شغلته شواغل الدنيا عن إدراك صلاة 29 عاما خلت ..
زولك يا خدر غاية امانيه بقت إمراة صالحة لا ُتنجب له إلا صالحا..
يجعلها متاع الدنيا وربيع العمر الذي تبقى ..
مرة َمقدَر تبقى ليهو سترته في الضيف والاهل ...
تحسسة بان هذه الدنيا ليست مجابدات وكسر رقبة وحركات بوليس ..وانما هىَّ ِمنحة..
اها شفتا كيفن يا خدر
غير انه لايزال في بعض سفاهاتِه القديمة يا خوي ..ومرة مرة بتذكر حواجب علوية وريحة الدخان الكانت طاقة منها..
ايضا حدثني صراحة بانه ليس معصوما من المنكرِ بيد انه لايجاهرُ بالفسق على ظهر الارض ...
بسف مرات مرات التمباك ..
ويدخن عليها احيانا لتنجلي ..
يشربُ في الملمات وحين يحتاجه صديقه قريبا من مزاجه ..
وهكذا ترى انه يحب الاصدقاء ايضا يا خدر ..
انا بصراحة زولك المطوفش ده ما قدرتا افهم ليهو اول من اخر وربما يحتاج الى تنظيم وإعادة ترتيب عشان يعرف مكانو وين في نظام الاشياء..
لكن بالجملة كده الزول ده يحب الجلوس عند ابواب المنازل واشجار الجهنميات ونواحي جبل اولياء وكبري بحري القديم ...
********************************
في اطراف النهار وبالضبط في مواعيد موسيقى برنامج (صالة فنون )
يدعو لحال علوية حواجب بالصلاح وان يعتقها الله من حب البوليس..وشذاذ الافاق..
يتمتم عند ضريح السيد على بابيات من ُالبُردة
(يا ليل الصب متى غده ؟؟
إقيام الساعةموعده ؟؟
رقد السمار فارقه الم للبين يردده ..
...الخ)
بينما علوية في العصاري منهمكة في اعداد الشتائم والمغالطات ..
العسكري الذي يراودها ترك متاكاة الباب وصار لا يلقي بالاً للجالسين عند عتبةالباب من اولاد ِحلة الدِهن..
صار يردد بلا اهتمام ملحناً ..
كيف الغرام يا بت ما دايرلو مزة ..
نار الشوق بردت ادي المناقد هزة....
اها يا خدر البوست اتعوج ولا ازيدو ليك عوجة اكسر رقبتو ؟؟
سجمي السفنجة درعتها بت المديرة ...
الله يجازيك يا خدر خليتنا نسرح وننسى سفنجاتنا ..
كن اترفتّا بكلم ليك المطوفش ..
|
Post: #29
Title: Re: شايننق استارز .. و استدعني يا طيف فربما عادت
Author: ShiningStar
Date: 02-06-2005, 07:51 AM
Parent: #1
معتصم ود دفع الله
تسلم ياخي على السؤال ..ومشكور ..
المقبور ده يا مية نبره ونستبره منو؟؟
شنو ما لقيت ليك سيرة سمحة
|
Post: #30
Title: Re: شايننق استارز .. و استدعني يا طيف فربما عادت
Author: khider
Date: 02-06-2005, 12:18 PM
Parent: #29
شايينق استارز
اقسم ان هذه قطعه تضاهي العاج في قيمتها الفنيه
اعوجي قدر ما تقدري
انشاء الله رقبة البوست عمرها ماتتعدل
|
Post: #31
Title: Re: شايننق استارز .. و استدعني يا طيف فربما عادت
Author: المسافر
Date: 02-06-2005, 01:08 PM
Parent: #30
اها
جيناها يا دكين
جاني الوهم قال الفكر ممنوع
نومك عدم قايم دوام مفزوع
عقودك سلم بيعك يعود مرجوع
ورثك سقم ملكك تربة الجوع
|
Post: #37
Title: Re: شايننق استارز .. و استدعني يا طيف فربما عادت
Author: شتات
Date: 02-07-2005, 07:15 AM
Parent: #30
| Quote: ولا "شتاتا" قرأت فأشعرت.... |
Shadows of comfort cover the life space
Healing the thick days and pains
In the time of no hopes or dreams
Nice Phantom came over the night
Entitling the story of the bright
ShiningStar
قيل لشجرة العنب لم تتدلى العناقيد .. ليأخذها السعاة وتجار الطريق ..؟
قالت : إنه العطاء سر الجمال والاختيار .. فهل تملك الشمس إلا الضياء ؟
وهل يملك البحر إلا العطاء؟
وهل يستطيع القمر إلا أن يبدو جميلاً وضاء ؟
قلنا : وهل "شاينق " تملك إلا أن تكون "شاينق ستار" ؟
قالوا : بلى ..
وتوهــــج المكـــــان ،،،،،،،،،
وشكراً خدر وأنت على هذه الدوحة بعيداً عن عواصف الصحراء
صلاح / شتات
|
Post: #44
Title: Re: شايننق استارز .. و استدعني يا طيف فربما عادت
Author: ShiningStar
Date: 02-10-2005, 12:33 PM
Parent: #37
شتات...
والله لكن صحي..
اين لنا منكم..
قول قول.. ياخي... ما تسكت... فرح عقولنا...
|
Post: #32
Title: Re: شايننق استارز .. و استدعني يا طيف فربما عادت
Author: معتصم دفع الله
Date: 02-06-2005, 03:33 PM
Parent: #29
Quote: المقبور ده يا مية نبره ونستبره منو؟؟
شنو ما لقيت ليك سيرة سمحة |
تبري إنتي وتستبري ..
المقبور دا من قبر يقبر قبراً وهو مقبور ..
وعليها أكياس نايلون وبقايا سفنجات ..
وجرائد كمان ..
بسم الله الرحمن الرحيم ..
ما يجونا ناطين هسي ..
|
Post: #33
Title: Re: شايننق استارز .. و استدعني يا طيف فربما عادت
Author: khider
Date: 02-07-2005, 06:01 AM
Parent: #32
Quote: يا ليل الصب متى غده
إقيام الساعةموعده
رقد السمار فأرقه
الم للبين يردده |
وياله من مُوشح
|
Post: #34
Title: Re: شايننق استارز .. و استدعني يا طيف فربما عادت
Author: Hussein Mallasi
Date: 02-07-2005, 06:15 AM
Parent: #33
Quote: ويقال انو فكاها لانو الاخيرة كتر ترددها
على نقطة بوليس الكدرو.. |
انتقل نشاطها - اذاً - من شمبات للكدرو !!
|
Post: #35
Title: Re: شايننق استارز .. و استدعني يا طيف فربما عادت
Author: khider
Date: 02-07-2005, 06:34 AM
Parent: #34
حسين
ده توارد خواطر
ولا
شغل باكات 
|
Post: #36
Title: Re: شايننق استارز .. و استدعني يا طيف فربما عادت
Author: Hussein Mallasi
Date: 02-07-2005, 06:40 AM
Parent: #35
_______
و في رواية اخرى شغل برآجل ....
|
Post: #38
Title: Re: شايننق استارز .. و استدعني يا طيف فربما عادت
Author: خدر
Date: 02-08-2005, 07:22 AM
Parent: #36
|
Post: #39
Title: Re: شايننق استارز .. و استدعني يا طيف فربما عادت
Author: المسافر
Date: 02-08-2005, 07:45 AM
Parent: #38
Khedir
Just a click
how easy
Do not bother yourself for the feeling
|
Post: #40
Title: Re: شايننق استارز .. و استدعني يا طيف فربما عادت
Author: خدر
Date: 02-10-2005, 02:00 AM
Parent: #39
( passenger )
| Quote: Do not bother yourself for the feeling |
We have to be allways .. ourselfse
That is feeling and life
or
؟؟
|
Post: #41
Title: Re: شايننق استارز .. و استدعني يا طيف فربما عادت
Author: خدر
Date: 02-10-2005, 06:26 AM
Parent: #40
Quote: غير انه لايزال في بعض سفاهاتِه القديمة يا خوي ..ومرة مرة بتذكر
حواجب علوية وريحة الدخان الكانت طاقة منها..
ايضا حدثني صراحة بانه ليس معصوما من المنكرِ بيد انه لايجاهرُ
بالفسق على ظهر الارض ...
بسف مرات مرات التمباك ..
ويدخن عليها احيانا لتنجلي ..
يشربُ في الملمات وحين يحتاجه صديقه قريبا من مزاجه ..
وهكذا ترى انه يحب الاصدقاء ايضا يا خدر .. |
نعمات
الزول الامرو ما مهم ده انا عرفتو ليك منو
ده ماالشعب السوداني الكريم زاااااااااااتو
يا صديقه
نحن اُناس نعتمد علي ( تربيتنا) بشكل اساسي في تكوين ارواحنا
و امزاجتناو سلوكنا الحياتي .. لا نستطيع ان نخرج من برنامج التربيه ذو الوصفه
المضمونه لنغامر بأشكال حياتيه اخري جديده ..فنحن قوم نخاف ..
نأخذ الجديد لكن بحذر شديد و نخاف من الملاماتيه
عشان كده تلقي الواحد مننا عامل فيها ليبرالي لحدي ما يصل
منطقه الانثي و يقيف
تصدقي انو اشرس المعارك تاريخيا كانت معارك دفاع الانثي عن زكرها
او الزكر عن انثاه .. حتي الحيوان يلعب وفق نفس الشروط
و الضوابط
هذا عالم من ورق يا عزيزتي
اها
عملتي شنو مع بت المدير اللفحت النعلات
طمنينا
|
Post: #42
Title: Re: شايننق استارز .. و استدعني يا طيف فربما عادت
Author: OmDur
Date: 02-10-2005, 07:26 AM
Parent: #41
دخلت المنتدى لقيت الموضوعين ديل ورا بعض
شايننق استارز .. و استدعني يا طيف فربما عادت
NO WAAAAY الرجل الذي تشد اليه الرحال بناديها اون لاين
والريدة في قلوبكم الله علامها
شكرا خدر
وشايننق ( حاسة ) بالريدة !! تلقي مرادك يارب
|
Post: #46
Title: Re: شايننق استارز .. و استدعني يا طيف فربما عادت
Author: ShiningStar
Date: 02-10-2005, 01:28 PM
Parent: #42
ام در.... ازيك اختي... وووين الحي بيك
و الله و ما طالباني حليفه انا من شفته اسم بناديها لبي فحفحني ... والشوق بقه فووق الحد
بناديها بنريدو و سمحه الوجنه في خديدو...
الله يخليو و يديو الفي مرادو... و يجيبو لينا تاني... غالي و عزيز علينا.....
ومن هنا لي هناك تحياتي ودي و احترامي الكتييييير لي حبيب الكل...
اما بعد
:بلاي فهمي الشابين اللطيفين الخاشيين شمال ديل ..واحد قال شغل براجل والتاني قال شغل باكات ...وريهم انو المسالة لا تعدو عن كونها شغل سفلي ...عشان الدورالجاي ما يمرقوها لينا في الابيض
|
Post: #47
Title: Re: شايننق استارز .. و استدعني يا طيف فربما عادت
Author: ShiningStar
Date: 02-10-2005, 01:42 PM
Parent: #41
خدر.... كلام اللبراليه و توقفو عند الانثي دا خلو..
لمن انتهي من قش الحوش و مضايرة العده....
اما عن النعلات... النعلات ما ال لااتتي انا هن ال لات سوسن... و المشكله ما مشكلتن... النعلات بمشن و بجن ... المشكلة في السفنجة الخدرا و الجهنميه الفي بيت ناس علويه...
|
Post: #45
Title: Re: شايننق استارز .. و استدعني يا طيف فربما عادت
Author: ShiningStar
Date: 02-10-2005, 12:50 PM
Parent: #1
خدر.....
كان صباحا عاديا....تثاءبت بملل و هي تتهياء للخروج... القت نظرة ...متفحصه وشها العادي في مراية الدولاب مكسورة الخواطر...عدلت بعض شعيراته الذي صففته امبارح عند كوفير عديله بمناسبة انعدام المناسبه... اخرجت سفنجة المرقه من مكانها المعلوم تحت دولاب النملية... التقطت بقجته و استعدت للخروج...
تعرف كان جواها اكتئاب و احباط متوارث كفيل بأن يجعلها تدور في فلك الهم الذاتي في الرمق الاول من النهار... كانت كل ما تري وجه عابس صاري ميتينوفي الحي ازدادت قناعته بأنها علي حق في اكتأبها هذا.... فبدأ شعورها دا اكبر و استفحل مغطيا علي كل مساحات العشم المترامية... فصارت انسان جامد يتحرك اوتومتيكيا و في مرجع آخر توماتيكي ...عل مساحة ضيقه من الارض الفسيحه... الله اقطع فريق تحت و اليوم الجابنه ليهو.. حسي لو كنت في حي المسقفين مالو... قالتهاو تأفأفت.. المهم.. بدأت تخرج من الدواخل اصوات مبحوحة غير مقصوده...
الزول الزول مالو ما جا.......
الزول دكتور مالو ما جا.......
الساعه سته مالو ما جا........
الزول قالو حته مالو ما جا....
ربما كانت هي طريقة تعبير لا اراديه و نتاج ثورة شعور اذلي داخلي مكبوت ... فجأه احست بي هوا ساااقط في جلد اذنها... و سمعت صوت شجي...رن في دواخل مسامعها و خلخل اذنها مجتزا من اعماقها جذور الانعدام الحسي... فكان لابد ان تعرف سبب التغير الجزئي و المفاجئ دا شنو... رفعت راسهاووجهت نظرها لاعلي رمقت شيئا خرافيا, اعاصير من الكلونيا سكنت نخرته... جلابيه و ملفحه و اناقه ما بعدها اناقه ملأت محورعيونه... انتفاضه ذوقيه حركت ذرات الشعور الميته... شعرت معها انهااخرجت كتل الاكتأب الساكنه و شيعتها الي مثواها الاخير... صوت خليط من كل انواع السلالم و العتبات الموسيقيه المعروفه لأهل الفن... كأنو نزل من سماء الخيال الفسيح الي ارض الواقع الضيقه... رسول للانسانية المتعبه...
السلام عليكم... لو سمحتي يالاخت بيت ناس حسن اخو علويه حواجب قريب من هنا؟؟
في سرها سبت لتللك العلويه و لعروق محبته التي واظبت علي شراءها من الفكي الفلاتي و دفنها خشم باب بيتم... في غمر تلك الفكره شعرت بأن شكلها بدأ اقرب للعبط الطبيعي من الاندهاش المرحلي... قاومت كل الظروف المحيطه بشجاعه تحسد عليها و باشرت اعادة صياغة تراكيب كيانها و لملمت بقايا صوتها المهاجر و عصرت خلاصته كلاما...
و الله ياللخو.. تمشي طويل بع بعد دكان مكوجي ال لاسعاده لف يمين بيت ناس علوية البيت التاني علي يدك الشمال فوقو جهنميه و بابو لبني تلاته ضرف....
كانت خطواتو اسرع من تفكيرا.... اجتاحها شعور بلغباء المحكم و عدم القدره علي اقتناص الفرص المتاحه ... فيها شنو لو حاولت ان تمد فترةالحوار ؟؟؟
لكنها سرعان ما رجعت لحالة السمو الفرحي الذي اجتاحها حست انها تحلق فوق سماء الحي الضيقه علي بساط من السعاده الوهميه... بدأت دواخلهاتنبض فرحاو سكن الاطمئنان النسبي الفؤاد الخاوي...
قعدت تحلم و مدت خيالها الي ابعد ما يتصوره الخيال البشري المحدود و بدأت تدندن فرحا...
جلابية بيضه مكويه...
حبيبي بسحروك ليا....
و في غضون هذا السمو الوجداني و النعمه المحمديه...
شد انتباهها صوت هز كيانها رج خلايا الدم الساكنه في متن الهدوء اللحظي...
ياااا عواطف.... يا بت يا عوااطف... تعالي اغرفي البلاعه .. اغرفك بلا اخمك...
سري صوت سعدية من فوق الحيطه لداخل اضان عواطف كصاروخ ارض جو ضل طريقه محدثا فجوة كتلك للاوزون... احست ان سعديه اغتالتهاعنوة و اقتدارا سلبت افراحه النامية و ابتسامتها المصنوعه بعد عناء...و هي في نص الشعور البشع دا عاد صوت سعديه المتسلط...
انت ماشه ويييين؟؟ تمشي بطنك كن لا بتتطقعي لا بتجيبي الحجار
وكأنما ارادت اغتيال نفس الفرحه مع سبق الاصرار و القصد... ارادت دفنها في جوف الارض التي شهدت مولدها قبل لحظات...
الله لا غزا فيك بركه يا سعديه دا وكت بلاعه دا,,,
كان غرف البلاعه كافي لارجاع عواطف كما كانت... كئيبه...محبطه...و اشلاء انسان ....تمشي علي وجه البسيطه....تتحرك دون وعي مدرك...
شكيتم علي الله سعديه و اشباهه...اجيبو الزول واطه...
خدر بلله شوف لينا غنية يا فريع ياسمين النبي...
|
Post: #48
Title: Re: شايننق استارز .. و استدعني يا طيف فربما عادت
Author: المسافر
Date: 02-10-2005, 05:26 PM
Parent: #45
يا خدر
ماقلت ليك عيركما لما تفصل بتجيب ريح دكين
انا لقيت النعلت قدام بابكم
والسفنجة الخدرا ذاته حكمة سفنجة دكين
والجهنمة تهبهب بريح دكين
بس قول لي المناسبة اشنفرها
سماية ولا طهارة
باقي الصواني داخلة مارقة
والفتة ام توم احمتنا النوم
شايننج صن
مش عارف الختى في بالي سيرة النول والمغزل
وحفرة النساجة
والتوب البنغالي
بالمناسبة البنغالي دي من بنجلاديش ولا شنو
والمركوب جلد النمر
وكذلك أشرس النمور المعروفة بالنمور البنغالية
والبنغاليين مرة مرة يقولو سديق سوداني سوا سوا بنغالي
ما علينا
مواضيعك تسل الإندهاش من جوة التلافيف
حتى يتنتف مسرى المساوقة وتطول المتوقة
البنية السرتية الحكواتية جات ولا ما ماجات وشنو قالت
بس حالة الإكتئاب العند البنية دي طبيعية ولا قايمة بروس مش ممكن من حكاية غرف البلاعات وقش الكاويقا وصفق النيم في صيف الدمار والحمار
هوي انا ماشي وبلبس اية نعال من النعلت الشتتة جنب الباب كان سفنجة كان شقيانة كان تموت تخلي ، بس الشقيانة زوق حقة الناس الفوق..
|
Post: #49
Title: Re: شايننق استارز .. و استدعني يا طيف فربما عادت
Author: اساسي
Date: 02-10-2005, 05:50 PM
Parent: #48
ذات شمار قلت عن هذه الشاينق استار (بتصرف)
هاجس ماتملكني يومئذ حينما كانت سودانيز اون لاين تمارس ترفها ... قبل ان تقع تحت دائرة الظلام وينتابها ما ينتاب مزاجيتنا السودناوية التي تحكم علي الاشياء بالفناء لمجرد انها ومضت
في تقاطع تحسد عليه اخرجت من الاخ (بناديها ) ذلك الحكيم الذي اظنه ترقي ووصل الي الانشداه البوزي في صمته واصبح يمارس حكمته كما تدار (حصص القراءة الصامتة) يومها التفت علي وقع (طقطقة ) السفنجات متباينة الالوان علي وهي تخطو مقتربة من مجالنا البصري المقرؤ ومارست اذالة بعض غبار قد علق بتجاعيد ذاكرة نسجت فيها بضع سنين غربة خيوطها الوهنة ...مما بين ان بعض ملامح تلك الذاكرة هي اصلا منحوتة بتفاصيل اعادت بثها فيها ..
...
رغما عن انف ديكن الذي خان لحظة تجلي خضتها وانا اسبح في الفضاء اتعلق بخيط ذلك القبس الذي سطع وانا متدثرا بدهشتي وابداء ملاحظة اني اقف في احدي الصفوف الخلفية مشدوها بالاعجاب لما تخط وتقل فيه
من معجبي قلمها ( البشبهنا )
ولاحساسي الغامر انها تشبهنا وتكتبنا فقد جاءت المناسبة لاقول انا اتوق دوما للكتابة الفكرة وانت فكرة ولكن تقلين كثيرا فهلا تركت لهذا القلم القليل من العنان
وانا اراهن علي ابداعه ...
وعفوا للفلتة
|
Post: #50
Title: Re: شايننق استارز .. و استدعني يا طيف فربما عادت
Author: المسافر
Date: 02-12-2005, 01:53 AM
Parent: #49
اساسي
تشكر
بتكون قلت كلام كثير ونحن ما جايبين خبر
بيني بينك ذكرنا كل مرة عشان مرة مرة نتذكر
تعرف يا أساسي مرات نقرا الموضوع زي كأننا واقفين في موقف بصات السجانة سنة 85 ، تتشابه البصات وما تشعر بيها ماشة إلا لما تطلع كوبري الحرية وتشعر بألمكنة سخنت وناوية تطير
ولكن ما يهمك نحن نذر يسير مصاب بمتلازمة التشابة والتواتر ( تحت تحت بشيروا ليها بالزهايمر المبكر) لكن المخضرمين ما بضيعوا حقك بفهمو قولك وهو طاير، بفهموها طايرة, يعني قبل ما تضعها في السطر هو بكونوا فهمو المغزى..
تسلم
|
Post: #51
Title: Re: شايننق استارز .. و استدعني يا طيف فربما عادت
Author: خدر
Date: 02-16-2005, 12:18 PM
Parent: #50
شايننق استارز و بقيه الاوغاد
لا ادري ماذا يحدث لي
اعاني فقدان الشهيه للكتابه
احس بنفسي فارغ و مجوف
هذا بمثابه اعتذار عن الغياب
|
Post: #52
Title: Re: شايننق استارز .. و استدعني يا طيف فربما عادت
Author: Hussein Mallasi
Date: 02-17-2005, 04:24 AM
Parent: #51
Quote: اعاني فقدان الشهيه للكتابه
احس بنفسي فارغ و مجوف |
باسم جميع الاوغاد؛ فانني اود ان
اقول لك ؛ بان احساسنا عن نفسك؛ غير احساسك بها؛
فان كنت تكتب لنفسك؛ فعد بعد غدٍ؛
و ان كنت تكتب لنا - و لغير الاوغاد - فواصل و لا تتوقف.
|
Post: #53
Title: Re: شايننق استارز .. و استدعني يا طيف فربما عادت
Author: المسافر
Date: 02-17-2005, 04:16 PM
Parent: #52
خدوري
مشكلتك بسيطة
الفول
ما تكتر ليه البصل
قالو البصل بجيب الكوفير
يخليك مكوفر ذي حالاتك دي
ممكن تستعمل الفول المكشن بلا بصل
وإن كان لابد من البصل
عاد بصلك قطعو دقاقة وسوي ليه كاكاوية
فول حاجات بالعربي اللديح
وممكن تستعمل الشطة المصرية
أو الهريسة الليبية
أو السمبهار التشادي
أو مانغو بيكل الهندية
وأوعك من شطة العزبات
وبعدين ظفورك ما تقصهن بالمقص
استعمل الظفارة الصينية
أو المبرد الفرنسي
غير القصة من كاري كوري إلى كوكاب مجري أو مارينز
وأحذر الحلاق ما يكون من النازيين يقوم يصبغ ليك وانت ما داري
وأكتح الموية كتح
وجر وراها واحة طويلة واااااااااااااح
وكان جنبك ناس ظراف اديهم لفتة
شوفهم بفضلو الكتح ولا الجغيم
بعد كده العوارض بتخف شوية
لكن طالما شبكت فيك
إياها بتزورك مرة مرة في الظلام
|
Post: #54
Title: Re: شايننق استارز .. و استدعني يا طيف فربما عادت
Author: معتز تروتسكى
Date: 02-18-2005, 05:52 AM
Parent: #1
خدر ازيك ليه ماعملت لى بوست ناديتى فيهو ياوغد00
بعدين سبب شنو ليك البريوهو ليك
ماسعته (من غير ذنب واسباب جافونى الاحباب)
لكن بالجد ماقيايلك بتريدنى كده
تموتون كمدا ولحن الموسيقى يسمعه تروتسكى
وايضا..........
شايننق استارز .. و استدعني يا طيف فربما عادت
نفتقد قلمها........
وكمان
اين انت..
|
Post: #55
Title: Re: شايننق استارز .. و استدعني يا طيف فربما عادت
Author: خدر
Date: 02-20-2005, 01:16 AM
Parent: #54
تيروتوسكي
منعني عنك الشديد القوي
Quote: شايننق استارز و بقيه الاوغاد
لا ادري ماذا يحدث لي
اعاني فقدان الشهيه للكتابه
احس بنفسي فارغ و مجوف
|
كما ولا تستهويني قراءه كُتب مثل كتاب:
رودا عادل عبدالعاطي انور وثائق وبكري ابوبكر...يالها من قصه مُمله بايخه
فأنا اكره الكتب المنقوله و المتوقعه نهاياتها
عموما
عودا حميدا مجيدا مليئا بكتابات نتوقعها و نحبها
ادخل بي رجلك اليمين يا وغد
|
Post: #56
Title: Re: شايننق استارز .. و استدعني يا طيف فربما عادت
Author: خدر
Date: 02-20-2005, 01:30 AM
Parent: #55
ملاسي
مسافر
شايفيين الكارو الفي اللوحه ده ؟؟
اها ده انا
تتخيلوا !!
|
Post: #57
Title: Re: شايننق استارز .. و استدعني يا طيف فربما عادت
Author: خدر
Date: 02-20-2005, 01:33 AM
Parent: #56
الاسم : ملاسي المُسافر
جمله مفيده : المُسافر ملاسي عليه التوجه الي صاله رقم .. بلا بلا بلا
و قس علي ذلك
|
Post: #58
Title: Re: شايننق استارز .. و استدعني يا طيف فربما عادت
Author: المسافر
Date: 02-20-2005, 11:34 AM
Parent: #57
خدوري
لكن ما بختك كان كنت كارو زي ده
أكيد تكون جاري نفسك في مكناس
شفت الأريحية دي كيف
الأرض مبللة تحت حوافرك
وصوت فرقة جيل جيلانة يصدح حول ما أستطال من أذنيك
وخريرين من الأبيض المتوسط والمحيط
تروتسكي الحبيب
شملتنا البسمة
يا عائدا بين الإمتشاقات
مرحبتين
|
Post: #59
Title: Re: شايننق استارز .. و استدعني يا طيف فربما عادت
Author: خدر
Date: 02-21-2005, 00:19 AM
Parent: #58
نانسي عقرم
|
Post: #61
Title: Re: شايننق استارز .. و استدعني يا طيف فربما عادت
Author: ShiningStar
Date: 02-21-2005, 03:01 PM
Parent: #58
[B/]لمسافر ..
كيفك وكيف تلافيفك ؟؟
لقد بلغنا بعد اكلك لفته التوم الحمتك النوم ..خروجك من بيت حفلة طهورحسنين الصبي انك انتعلتا شقيانة (سيدي) الخاتينها خشم الباب لتمجيد ذكراه واثبات وجود اللاموجود..
نرجوانك ترجعها لينا في اقرب فرصة..وعلا فمصابكم جلل..
|
Post: #60
Title: Re: شايننق استارز .. و استدعني يا طيف فربما عادت
Author: ShiningStar
Date: 02-21-2005, 02:37 PM
Parent: #1
صباح الخير
- يسعد صباحك علي وين؟
- مشاوير قريبه...
- هي كدي تعالي شوفي الملوخية دي
- بجيك راجعه
- الرسول كن تجي
لا مفر منها كلو كلو غيرت اتجاهها اليها
- الملوخية دي سمحة وحاتك.. بتخاطفوهااخلي ليك منها ربطه ولا ربطتين
- كويس خلي لي تلاته ربط
- اها دحين انت ماشه وين؟
- مشاوير قريبه بجيك راجعه
- الرسول كن تقعدي, خشم خشمين
- بجي بعدين اتونس معاك, انا مستعجله يا حجه
- العجله من الشيطان ,هي الدنيا طايرة؟
- نهضت من جلستها و اقتربت منها متحمسة و ملأت نخرتها بعبق دخان الطلح الذي يعبق منها..
- كدي كدي دخان السرور,الدخان دا شيلتي الصباح ده ولا شنو
- أي يا حاجه بتول, اها خليتك بي عافيه
تحركت منهاالا انها لاحقتها بخطواتها و امسكت بيدها و جرجرتها نحوها
- هي تعالي , ما سمعتي بت نفرين قالت شنو؟
- بت نفرين منو؟
- بت نفرين اخت عبد المولي
- اها مالا؟
- وحاتك قالت انتي ما بتخلي عبد المولي الا امشو لي فكي
- فكي؟؟
- أي و هسة قالو الليله ماشين فريق القلاته الوراني عشان يطفشو عبد المولي منك,هو العرس متين يا دي؟
- بعد اسبوع
وهربت من الحاح الحجة و صوتها يلاحقها
- يا بتي كن في قسمة خلاس, الا عاد كن مافي قسمه دخانك ده يبقي بندق في بحر سسسسساااااهي....
كانت سعديه شباشب تحب ذلك الوهمان... ووجدت انو النفق الوحيد لطريق احلامه.... المهم لملمت بقايا نفسهاالملانهةحد الغيظ و اتجهت لي ود النصيح كان هو البلاعة التي تتخلص فيهامن احقادها القليله واحباطاتها الدنيويه المختلفه... ود النصيح راجل ارجرجه و اكثر خلق الله لؤما,طماع,بخيل حاسي بي اهمية عالية... قايل روحو متعلم و ضم نفسه للجماعه المثقفاتيه لانه درج علي مشاهدة اخبار الساعة تسعه و برامج حياتك في التلفزيون عندعوض الله جارو...
كان مواظب علي شراء الجرايد اليوميه و مجلات سمر ( كان عندو حب الخواجات المدبلج دا اسما شي في وجه الفانية)
كان ينتظر محمدية ولد سعاد كوارع يجي من المدرسة اقرا ليهو.. يجد متعه كبيره في قراية صفحة الوفيات مستهترا بموت الخلايق.. راجل كرووور...
زولتنا اتوجهت عليو متأبطه شرا كعادتها كلما همت بشرا شمامه... فهو دوما يجيد تفوير و تبويظ بقايا اعصاب الخلايق بتعامله الاستعلائي الذي لا يناسبه مطلقا... تعرفو سعديه اكن اشترت شمامه او ما اشترت لازم تطيره معاو شكلة للدين و تطاعنه بلكلام و تبذل قصاري
جهدها لتمسح بلؤمة كل شماماته..
ثم تحشو ما تبقى في فمه .....
نهاية الكلام انها كانت بتكرهو لوجه الشيطان كده ..فما ان تحس برغبتها في الافراغ حتى تنفتح نفسها للشمام ..
وما زال صوته في الصدى : يلا يا ......تلاتة بي مية والكيس هدية ..الشمام اللمام يا...يلا ...يلا ..يلا
|
Post: #62
Title: Re: شايننق استارز .. و استدعني يا طيف فربما عادت
Author: ShiningStar
Date: 02-21-2005, 03:09 PM
Parent: #60
محرم فؤاد (ملاسي)... لكن الفيديو كليب حقك الجديد بتاع (احبيني بلا عقد) ختتتتتر....
|
Post: #63
Title: Re: شايننق استارز .. و استدعني يا طيف فربما عادت
Author: ShiningStar
Date: 02-21-2005, 03:56 PM
Parent: #1
خدر ووين انت ياخي... شايفه نانسي عقرم جابتك متكشم...
نانسي بلخراب اكن خربت علينا الجكس و لخبتت موازين الجمال عندو...
حسي عليك النبي دي سماحته شن هي ؟؟ بسسسس
والله حبوبتي التنيه تشوفها تقول ليك دي شنو المتل نملة السكر دي... يخربة.. كملانه من لحم الدنيا...
ياخيي وووين غنية يا فريع ياسمين
|
Post: #64
Title: Re: شايننق استارز .. و استدعني يا طيف فربما عادت
Author: معتز تروتسكى
Date: 02-21-2005, 04:17 PM
Parent: #63
ShiningStar
انتى من الصباح حايمه هنا 00
والاسمو حدر مجننا بيك شنو الحكاية00
صحى وغد00
المسافر حبيبى شايف شملو فى نملف الاوغاد شيل شيلتك 00
وبى طلتك هلات الانورا00
ياسيادتو00
اما يا
ShiningStar
الشغله جاطتت شديد انا من يومين بفتش لى شعر فى راس حدر عشان ازعمطها ليهو ما لاقى من المغسه00
الولد انا وديناهو البلد ديك شعرو خنفس الحصل شنو لى شعر شنبك
بعدين ياسمين شنو وفريعو انا بمسع فى ضحكه
مدخل حزين ومخيف00
صوت اوبرالى
و
نازل من الهواجس والمغبه
دخول صوت المغنى
ايضا
نازل من الهواجس والمغبه
لا لباكر ولذكرى
ياوغد مابتقدر تعرف لى الوصف ده لمنو؟
اظنو نانسى عجرم
وليه نانسى عجرم ماتكون لينا احسن
هى ضحكه00
|
Post: #65
Title: Re: شايننق استارز .. و استدعني يا طيف فربما عادت
Author: waleed500
Date: 02-21-2005, 04:50 PM
Parent: #64
انا ما عارف لكن الزولة دى كلامها بكسرنى عديل كده وبالنسبة لى زى الفاكهة بعد الاكل بلوس فى البورد بجى اخد لى كضمه من هنا وبرجع وكل ما احصل لى كلام ما بيعجبنى بجى ادخل هنا اخد لى كوز واطلع اصلا الايام دى عندى طمام اجتماعى وكان ما كلام الشنق استار دى ما عارف كنت بسوى شنو وجميل جدا الاخ خضر قدر يصطاد لينا تلك الدرر يا حليل ايام زمان كانت بتلهمنا المسرة قولى يا اختى ونحن هنا مستمعين ومستمتعين
|
Post: #66
Title: Re: شايننق استارز .. و استدعني يا طيف فربما عادت
Author: خدر
Date: 02-22-2005, 06:16 AM
Parent: #65
| Quote: نانسي بلخراب اكن خربت علينا الجكس و لخبتت موازين الجمال عندو |
نعمات اسألي لي حبوبه التنيه عن
موازين الجمال الزمان
|
Post: #67
Title: Re: شايننق استارز .. و استدعني يا طيف فربما عادت
Author: المسافر
Date: 02-22-2005, 11:10 AM
Parent: #66
شايننق صن
تلافيفي مشتاقة
والفتة حراقة
انتي عارفة انا كعاباتي نبقن من البلاط البارد ده، المرة حالفة تخلي النعلات بره الشقة، كمان مسويالن دولاب، الواحد يقوم من الصباح قولة فتاح يا عليم الناس تقول يا دولار يا شيك أخدر يا كريدت كارد يامصارف يا حسابات وسحب بدون حدود نحن نقوم نفتش للشقيانة ، يا بنية النعلات دي الصباح ختيتة تحت السرير ده..المرة عاملة زي ناس البلدية ، تنظف الشقة باليل.. ومن الصباح تمنعك دخول المطبخ عشان ما تقلب ليها الأمور، لو ما بقدمو شاي حليب في المكتب كنا نسينا الشاهي باللبن الحليب زي ما نسينا النوم ، ونسينا ظلام المغارب ونبيح الكلاب..
بس سعدية دي دخان الصباح الماسكة فيه ده ما ارهاب للجزارين وبتاعين الشمام والبصل المكوم كيمان كيمان.. وناس سمعتو ولا جابو ليك.. قال ليه شفتو بعيني ديل!!!
خدر حالف يكسر كراسي البوست ده عشان كده قام جاب نانسي عجرم، بس فاتت عليه .. نحن قاعدين فوق براطيشنا.. وكان العركة دورت كترت براطيش بتجي متطايرة ..
معتز، انا شفت الكرولا بتاعتك مركونة في طرف الشارع قلت سيادتو ده رجع الشغل ولا جاي يشيل اوراقو من درجو القافلوا، بس كانو عايزين يشيلو التربيزة انا قلت ليهم سيادتو ده بيجي يشيل حاجاتو، خلوها في مكانها.. تراك جيت باسبليطاتك، انشاء الله يكونو دوك شريط .. أوعك ترجع لو ما رقوك.. الجماعة كلهم اترقو بي وراك.. شفت خدر بقى يوزباشي وملاسي نجمة داوود مع وسام الإسترقاق من الدرجة الأولى.. وعبد التام نقلوه لي سفارتنا في دولة البورقيق هو قال ودوهو سفير لكن قالو تحت تحت ودوه جاسوس عشان يتجسس على صناعة النبق في ديك البلد..
يا ناس الحفى كسر كريعاتي
|
Post: #68
Title: Re: شايننق استارز .. و استدعني يا طيف فربما عادت
Author: خدر
Date: 02-24-2005, 01:46 AM
Parent: #67
| Quote: ياخيي وووين غنية يا فريع ياسمين |
نعــــمات
ياسمين مشت تجيب تلج
؟؟
|
Post: #69
Title: Re: شايننق استارز .. و استدعني يا طيف فربما عادت
Author: Hussein Mallasi
Date: 02-24-2005, 02:15 AM
Parent: #68
| Quote: كان مواظب علي شراء الجرايد اليوميه و مجلات سمر |
| Quote: نانسي بلخراب اكن خربت علينا الجكس و لخبتت موازين الجمال عندو... |
سبقتها باتريشيا في المجلات المذكورة اعلاه.
|
Post: #70
Title: Re: شايننق استارز .. و استدعني يا طيف فربما عادت
Author: ShiningStar
Date: 02-25-2005, 09:38 AM
Parent: #1
معتز ... نشكرك لمرورك الكريم...
_________________
وليد سفر سفر خمسة.... شاكرين حضوركم و الامتنان حتي الابنص لزيارتكم و شرابكم من سبيلنا العامر... ولكن (نبشركم) ما تحتسونه ما مويه و انما مريسة من صنع (جفالةسبب موتي)....
__________________
المسافر ...
لكن و الله عرستا تب... مدامكم دي.. موقعه من مواقع مسميات حبوبتي زو زو.. (مره مقدر و مابتدور الجوباك) عافيه منها...
لكن صراحه اعتب عليها في قصة شاهي الصباح دا... يعني
اولم تدري مدامكم انو عدم تقديمها وتظبيطها للشاي باللبن المقنن في الصباح يؤدي الى زواغان عين البعل؟؟
آيوة نعم...
هذا اثبت علمياً وعملياً عندما تزوج نورالهدى الجيلاني راجل زينب بأخرى...
و لمن سألوهو عرستا ليه؟
قال: والله زينب دي ماقاعدة تفكُر (بضم الكاف) لي بالصباح مابتسوي الشاي...(بتصرف)
تخيلوا لم يسأله أحد مايقصد بعدم فّكرة (بفتح الفاء) زينب ولكن عززوا موقفه بقصة عدم الشاي..
بغض النظر عن ركاكة التشبيه وتهافت العلاقة
او كما قال التنين...
إلا انها كانت كافية انو نور الهدى الجيلاني يبرر عرسو لي سلوى ام كرعين بت عبدالحميد جارم....
ولي يوم الليلة دي لم يبح نورالهدى لأحد من المقربين ان السبب الأساسي للزواج كان كرعين سلوى وإنما كان لعدم تعاون زينب في تدعيم العلاقة الزوجية بعمل شاي الصباح...........
فيا سيدي ...
... عندك خيارين ياتخت سفنجاتك تحت راسك قبال تنوم... ولا تجي يوم تدوره شكله وتخبر مدامك انها لوشالت شقيانتك حتلحقه زينب مرة نورالهدي الجيلاني... ان سكتت كان بها وكان غير كدا....
اثبت للبجيبها الريح...اقيف انت ويشيلها الريح......
اما اذا كانت املاككم تحت إمضتها... امشي في البلاط الساقط واكله لباد....
....
ولا كمان في حل اخير... اشتري ليها قويشتين موديل
(لا عيرة لا سعد قشرة)... علي اساس ان يكون لنعلاتك حق الفيتو.....
وشكرا...
|
Post: #84
Title: بدون تعليق
Author: Mohamed A. Salih
Date: 03-09-2005, 09:25 AM
Parent: #70
| Quote: اولم تدري مدامكم انو عدم تقديمها وتظبيطها للشاي باللبن المقنن في الصباح يؤدي الى زواغان عين البعل؟؟ |
|
Post: #71
Title: Re: شايننق استارز .. و استدعني يا طيف فربما عادت
Author: ShiningStar
Date: 02-25-2005, 09:54 AM
Parent: #1
خدر.... معليش لتأخير الرد, لكن حبوبتي التنيه كانت مشغولة في اشياء لا يهمكم امرها..... لكن اول من جات سألتهانعمات...
- حبوبه...موازين الجمال شن هي؟؟؟
- يا بت عثمان دقيقه النشيل نفسي ..
و واصلت مطنطنة... سماحة جبل الطين طايرة...
جلست في عنقريبه المعتاد و عدلت من مسيرته و تأفأفت .. غايتو جنس دا ما شفته... قالت هذه الكلمات وواصلت... بالله العظيم تكاسي الطرحة يا الله يا الله حتين تلم فين...
سرحت نعمات بخيالها ...
اتخيلت التكاسي الصفراء مرصوصه ومعظمها من ماركة هيلمان وموسكوفيتش في طابور طويل أمام زنك الخضار ... السواقين قاعدين يشربو في قهوة (ست النفر)... يتناقشون في همومهم اليوميه و السياسه .. انتخبوا حامد شاكر الرمز الفيل، لا لا انتخبوا عبد الجليل المحامي الرمز القطية، انتخبوا…
يقطع عليهم النقاش حسن الكمسيون.. - نفر بحري ، نفر واحد.. نفر والسفر.. يللا يا مبارك عربيتك تمت...
وتقطع حبوبتي حبل خيال نعمات بصوتها المبحوح من الكواريك... يا بت عسمان... يا بت هوووي... غايتو يا بتي الرايحه الله المك فيها..
- ياخي اها ورينا السماحه شن هي خلينا النفرتق...
-السماحة سماحة اللفظ يا ممسوخة...
احتجاجا منها علي جملة خلينا نفرتق
-الاخلاق و الليهيج السكر... اهما شي...
- ياخي ما تشبكينا اخلاق و تهذيب و الحاجات البتقولها لمن البت تكون شينه و يغلبكم تشكروها كيف...
- شكيتك علي الله ...
اخذت تدندن بشعر سيد عبد العزيز...
-لا قصر لا طول ربعة قامته و حسنه وصفه شرحه يطول
من دلال مسطول كم يواعد يمطل و المطل ممطول
القوام معدول و الوريد كالدمي و الاسيس مسدول
الكتيف مهدول بعضه نام فوق بعضو تقول حرير مجدول
- لكن النكلمك ... البت ان مابقت هديه و رضيه و كلامه طيب ان بقت تاجوج بتبقه شينة شنات ام شاشمبه....
_________________
حسن نجيله قال...
تسرق عيونها بشيش
و النار تقوم في قشيش
خدر.. الغنيه سمحة ...
يا لطيف يا لطيف
__________________________________
|
Post: #72
Title: Re: شايننق استارز .. و استدعني يا طيف فربما عادت
Author: المسافر
Date: 02-27-2005, 02:47 AM
Parent: #71
شايننغ صن
أما بعد
وقد وصلنا مكتوبكم وعرفنا ما فيه ..أما أن سألتم عننا فنحن بخير وعافية لا ينقصنا شئ إلا رؤياكم الغالية علينا وعدم مشاهدتكم وعن أخبارنا نحن في أول الموسم وبعد الحصاد سوف نبدا في إجراءت الزوجة الثانية ..
ونفيدكم بأن هذه الإجراءات تبدأ بالفكرة وقديما قالوا السايقة واصلة
وفي ختام جوابنا هذا نغريكم السلام كما ارجو أن تحملي تحياتي لراجل زينب وعريس عواطف ام ركبين وسعدية حواجب وكل الجيران لحدي الكدرو
وافيدك بأننا سوف نغير عنواننا من خدر المحولجي ، فهو من يوم رقوه لملاحظ خط لم يذهب لصندوق البريد عشان يجيب لينا الخطابات إلا حسين ملاسي بتعرفيه بتاع كشك المحطة جزاه الله خير جاب لينا رسالتك..
الوصية بالمهلة .. إذا كان في اي واحد جاي من طرفكم ترسلي لينا شدة نوع نادر برباط ابازين من نحاس ومخرمة مع شرابات بيضاء طويلة .. عشان الشتاء جاء والشقوق قشرت كعاباتي ولو في فازلين نوع ابو أسد برضو ورسليهم بدكان عمك راجل مغيزيلة التنتونة بيديهن ليها وهي بتوصلهن ..
جدكم المسافر
ملحوظة:
تقبلي تحيات كاتب هذا الجواب حميد ود العبيد وانا السنة دي داخل صف تامن رسلي لي شنطة كتب.. وقلم تروبن ريشة دهب
|
Post: #73
Title: Re: شايننق استارز .. و استدعني يا طيف فربما عادت
Author: المسافر
Date: 02-28-2005, 11:58 PM
Parent: #72
ياربي كيف يكون رأس خضر إذا وضع البرنيطة في وظيفته ملاحظ خط
أكيد زي رأس لانوف أو راس الرجاء الصالح
|
Post: #74
Title: Re: شايننق استارز .. و استدعني يا طيف فربما عادت
Author: ShiningStar
Date: 03-01-2005, 10:56 AM
Parent: #1
اليلللله و اليلله.. باصات ابورجيله...
اما بعد...
تحيات من عبر البحار... الي محمدية ود عبيد و منه الي مغزوليه بت المحولجي منه الي سيد الكشك و منه ال مسافر...
ياخي انعل ابو دي رساله زاتو...
اما بعدين...
سيدي المسافر.. نصيحة منا.. الغو الاجرأت المذكوره اعلاه... جنن تعرفو خير من جنن ماك خابرو.. قالهاموسي العجلاتي و هوعلي عجل.. و من دييك و عيييك
لقد بلغنا مؤخرا انو بعد زواج نور الهدي الجيلاني من سلوي كرعين.. لم يجد منها لا شاي لا ما بعد الشاي..
يعني كانت كأسمها تماما لا شئ فيها سوي كرعين (تحت تحت قالو كمان عندها رومتزم) الا بغدن لا بعشن.. حسي زولك قالو برمم في الكباري المحروقه مع ست الريد..في مقولة اخري مصدر الضوء..
لذلك نرجو الابتعاد عن مناطق الظل...
و كن اصريت شديدبرسل ليك التلكس حق حاج عسمان...
ملحوظه... انا ان عندي البجيب ليك بيهو شدة كان جبته لي روحي سفنجة اعوض بيها الانسحقت بقت بروه دي...يادوب مكفيه اصبعي الكبير...
قال ابازين قال
|
Post: #75
Title: Re: شايننق استارز .. و استدعني يا طيف فربما عادت
Author: ShiningStar
Date: 03-01-2005, 10:59 AM
Parent: #1
السيد ابو لمعه... ملاسي
شكيتن لي اللانام لا اكل الطعام... ناس بتريشا و نانسي و اليسا الخلونا منضره ما نعاين فوقا...
قال موية الوضو بتنور قال.... عليم الله كان بقينه شبه ذينتامان الهندية...
________________________________
خدر ... سعاد قالت ليك ما تنسه تجي و تجيب قروش الجكوكه و جرديلين ام سي سي الشلتهن يومتا...
|
Post: #76
Title: Re: شايننق استارز .. و استدعني يا طيف فربما عادت
Author: معتز تروتسكى
Date: 03-01-2005, 11:13 AM
Parent: #75
اضبط..
المتواجدون الان بالمنبر الحر 138 شخص » (2 )عضو و (136) زائرا
»ShiningStar
»معتز تروتسكى
هذه الصفحة يعاد تحديثها كل 120 ثانية.
وكمان فضايح00
خدر ... سعاد قالت ليك ما تنسه تجي و تجيب قروش الجكوكه و جرديلين ام سي سي الشلتهن يومتا...
بالاضافه الى كمية اصحاب اوغاد لووووول
المسافر ..
ازيك يادفعه
الله على جيش
ميرى بس
ميرى اشوه
ده نومك بس
وملاسى بتاع الرجال كبار ولابسين فنايل كت
تعرف ياكوبى بيست حسين00
بنتلاقى قالوا فى الهدؤء
لقيتنى كيف ؟؟؟
يلا اخليكم مع مسلسل خدر شايننق استارز الحلقه (..)
ونعود بعد المسلسل
كل عام وانتم الحب00
|
Post: #77
Title: Re: شايننق استارز .. و استدعني يا طيف فربما عادت
Author: ShiningStar
Date: 03-01-2005, 11:33 AM
Parent: #1
معتز ..اسعد ايامك اخوي... علا الليله بقينا فرجة لي ميه سته و تلاتين نفر.... انشاالله تكون لابس قميصك الكرمبلين...
بعدين وحات سندوتش البييرقر القدامي دا... انا كلامك دا ما بفهمو ... يتنضم بي ياتو كووود...
|
Post: #78
Title: Re: شايننق استارز .. و استدعني يا طيف فربما عادت
Author: معتز تروتسكى
Date: 03-01-2005, 12:20 PM
Parent: #77
تانى جيت فى غياب الاوغاد00
ده الموجز
البين المسلسل
اولا
اسمو قميص الكرملين
تانى شى
قمة فى البرجوازيه والراسماليه الطفيليه00
طيب انا محتاج ابره ماتقولى لى كيف اجدعها
انا بقول ليك
اجدعيها لى الابره فى طرف الساندوتش
ونواصل المسلسل
فتك بعافية
الى ان اعود
|
Post: #79
Title: Re: شايننق استارز .. و استدعني يا طيف فربما عادت
Author: المسافر
Date: 03-01-2005, 11:48 PM
Parent: #78
تلغراف عنوانه حاج عسمان
خبره
"كور داشكوقاً كبير"
بابور البحر القايم دور الأربحاء عقاب الشهر استقبلوني في الرصيف الكندي
متولي بيه
|
Post: #80
Title: Re: شايننق استارز .. و استدعني يا طيف فربما عادت
Author: خدر
Date: 03-06-2005, 04:27 AM
Parent: #79
|
Post: #81
Title: Re: شايننق استارز .. و استدعني يا طيف فربما عادت
Author: المسافر
Date: 03-06-2005, 06:10 AM
Parent: #80
خدوري
في حسابك يكون من طرفنا بعد أن تربعنا على ظهر أسرة الدرجة الثالثة من التايتانيك
My hart gone with them
|
Post: #82
Title: Re: شايننق استارز .. و استدعني يا طيف فربما عادت
Author: المسافر
Date: 03-09-2005, 08:38 AM
Parent: #81
معتز
كيفك انت
تعرف في سنة 1978 كنت جاي من الحاج يوسف ركبت مع عمنا من البلد في بوكسيه، قلت ليه لو ماشي بحري نزلني قصاد بيت ناس شبيكة، قال لي تسوي شنو هناك؟ قلت ليه ماشي لعمنا ابو دقن، بيتو جنب الكوبري، وبدينا الونسة قال لي بعرفو، كان عميد الكلية الحربية، وكان قائد المشاة في شندي، وكان ..وكان..وقالوا النميري ما بخاف من راجل إلا من أبودقن، وفي يوم 24 مايو واحد من الضباط مشى ليه في شندي قال ليه الخرطوم فيها شفع عايزين يعملوا انقلاب أديني المدفعية عطبرة والمشاة شندي وخليني اوقفها لهم في بحري.. وأناديهم ليك واحد واحد، ابودقن قال ليه أصبر للصباح، لكن في الصباح النميري خرب الحكاية كلها وعزلهم... وهسي ابودقن عينوه مدير المخازن والمهمات ، أول ما وصلنا قريب من موقف باصات شندي ، قال لي داير منو شنو ابودقن؟ قلت ليه دايرو يتوسط لي وأدخل الكلية الحربية ، قراية الجامعة دي ما منها فايدة..! والقى اليك الزول لف على باصات شندي وقال لي أنزل!! نزلت!! تعال بي جاي!! جيتو بالناحية التانية ؟ قال لي شفت الناس الشغالة في التذاكر دي ؟ أحسن ليك من حسي تمشي تشتغل معاهم وتبقى كومسنجي تذاكر وشحن لواري من تبقى ضابط في الجيش!! أسألني أنا.. مافي مظلة اتبنت في معسكر من معسكرات الجيش وإلا كنت أنا المقاول البناها.. وبعرفهم واحد واحد وعارف حياتهم كيف.. ما تغرك الأسبليطات والنجوم دي المركبنها.. وأولادي كان بسوهم كلهم ضباط ما بسمح لي واحد فيهم يدخل الجيش.. انسى موضوع أبودقن..ودور بوكسيه وفات.. ومن دربي داك قطعت كوبري النيل الأزرق كداري وعلى البركس..
|
Post: #83
Title: Re: شايننق استارز .. و استدعني يا طيف فربما عادت
Author: معتز تروتسكى
Date: 03-09-2005, 09:16 AM
Parent: #82
اللخو
حبيينا المسافر..
تعرف قصتك دى قريبه من حكاية زول بعد بدا المعيانات بعدين رجع البركس..
خليك من ده كلو...
قول من تسكن جوه الكليه الحربيه زاتها .. مافضل لى الا بس تمام الصباح مع الطلبه ..
ياخى الخدمه مرات فى العيد بنسدها ليهم ...
وجنس حكاوى ...
ومن اشلاق لى اشلاق ..
ومن حامية الى حاميه ومن معسكر لى معسكر...
كدى لمن نجيك يى مهله....
*قالوا قالو على شقى ومجنون
صحيح مجنون وانتو جنونى يا الحلوين..
الوالد زاتو بعد خلاص فضل ليهو سنه من الجامعه..
قلبها درش..
ود الفار حفار...
|
Post: #85
Title: Re: شايننق استارز .. و استدعني يا طيف فربما عادت
Author: المسافر
Date: 03-10-2005, 02:07 AM
Parent: #83
معتز
ايوه ... تعال بي مهلة
وصديق الكحلاوي.. يتجنن في شقي ومجنون
إلا ما عرفتو بقصد شنو لما يقول ترى ترى ترى ترى دقر يا عين
محمد عبد الرحمن
وينك يابروف
أكيد عجبتك تلميحات البنية الذكية شايننغ صن
بقيت تختار وتضع في الكوت
لكن انت عارف جنس محن
مدامنا عندها أشياء مش تثير اندهاش شايننغ صن
دي تثير الغبار زاتو
مش إهمال الشاي المقنن
دي عندها رأي في العشاء
وانو الناس تبيت على القوى وبطنها فاضية
تخيل ديمة في حجة العشاء في شكلة
بس صاحبك عارفو بتاع تصليحات فول
بقوم على المطبخ يقلبو لي ورشة عمل
البصل والدكوة والتونة البيضاء العائمة في زيت الزيتون
الجرجير المفروم
الليمون
وبعد ده لو الصحن قال خلو لي شوية بنكسرو
يلا نملاها البطن انشاء الله نوم الفيل
|
Post: #86
Title: Re: شايننق استارز .. و استدعني يا طيف فربما عادت
Author: mulhim
Date: 03-10-2005, 05:42 AM
Parent: #85
الكـــلام علي الاخـــلاق
عاجبنى البوست دا يا مولانا خدر
|
Post: #87
Title: Re: شايننق استارز .. و استدعني يا طيف فربما عادت
Author: خدر
Date: 03-10-2005, 07:10 AM
Parent: #86
الجميله شاييننق بين قوسين نعمات
اقدم اعتذاري العميق للغياب القسري .. شويه مشاغل
و مراسيل و اشاعات حول قفل منظمه التجاره العاليمه
و ارتفاع اسعار الايجارات و قانون المصنفات الفنيه
الاخير الذي يُبيح لاي عواليق انو يغني غناء الفنانيين
الجد جد بعد مايلقاهو جاهز و بعد انتهاء شهور عده
الاغنيه المنكوبه ومغلوبه علي امرها.
الاحباب زوار البوست بقياده الارباب اب عمه المسافر
نشكر لكم جزيل اهتمامكم بأمر المغفور لها
بأذن الله .. البت الجميله ام عيون كُبار و حواجب قُلاد
نعمات شُرابات و ليجعله الله في ميزان حسناتكم انشاء
الله
اعدكم بالمرور حال انتهاء المشاكل اعلاه
الصوره دي عاجباني
|
Post: #88
Title: Re: شايننق استارز .. و استدعني يا طيف فربما عادت
Author: المسافر
Date: 03-10-2005, 02:00 PM
Parent: #87
خدوري
عارف أخرك الشديد القوي
بالله ما دام في حزمتك الشغلانيات دول ما تكسر تزيدها
أضيف ليها الإرهاصات
أصله شاغلانا حكاية الإرهاصات
وكل يوم بنعاين للسماء وندنقر في واطات الله دي نقول ممكن الإرهاصات تظهر
وخافين بتاعين الحركة يعملوا جام ويعطلوها علينا
البنت نعمات شرابات جابت الصورة العاجباك دي
كل ما اعاين في عيونها اقول عيونها دي حية ولا شنو
كل ما أدور اتلفت منها القاها تفرفر
وجاتني شعور الموناليزا ولا الجوكندا
كل ما يشوفها واحد يقول بتبتسم
صابحني دايما مبتسم تجد الأزاهر حفتك مالت طرب حين شافتك
أيواتلك
في الشوف ده
كما قال الشاعر
عينيك ديل يعاينن لي يعانن لي
العيون النوم فارقها
والقلوب الشوق حارقها
سمحة.. فوقها الله الخالقة..
العيون التي في طرفها حور
قتلنا ثم لم يحيين قتلانا
يقتلن ذا للب حتى لا حراك به
وهن أضعف خلق الله إنسانا
عيون المها بين الرصافة والجسر
حملن الهوى من حيث تدري ولا أدري
في عيونك قسمة الشوق والملاقاة
أزاك يا عيوني
جبتي السهر لي روحك براك ياعيون
سمعتك تقول عيون كبار وحواجب غلاد
يلا أحكي لينا باقي القصة
|
Post: #89
Title: Re: شايننق استارز .. و استدعني يا طيف فربما عادت
Author: mulhim
Date: 03-11-2005, 02:16 AM
Parent: #88
لغاية مولانا خدر يفضى ... امشى فوق يا بوست
|
Post: #92
Title: Re: شايننق استارز .. و استدعني يا طيف فربما عادت
Author: خدر
Date: 03-11-2005, 11:47 AM
Parent: #89
mulhim
احبك جدا .. وعليك الله ورينا اللوحه دي الرسمها منو
وكيف و متين و نوع المتيريال ..
ياخي دي لوحه خطيييييييره
فيها توزيع خطير للضو و اللون
مريح انت ياخي
اعتقد انها زيت علي قماش
اعترافا بفضلك
/سأعطيك الباسوورد خاصتي
/و عدد 2 صندوق سجاير مارلبورو
/و يسمح لك بالتدخين علنا بالمحكمه
/و يمكنك استخدام مكنه الحلاقه خاصتي
|
Post: #90
Title: Re: شايننق استارز .. و استدعني يا طيف فربما عادت
Author: خدر
Date: 03-11-2005, 02:41 AM
Parent: #88
يا المسافر
اوع لا تنسي
الحبيب ويين الليله كيف امسي
و قالو لي سافر
طيب ابدا من ويين انا هسه
ايوااااااااااااااااااه
الإرهاصات دي يا سيد اللمنتي ليك اصبحت لازمه .. من غيرها مابنقدر
نعيش .. و لاننا نحن ناس طيبين .. قبلناها و تعايشنا معاها
نجي لي غناينك المستهبلين ديل
Quote: كما قال الشاعر
عينيك ديل يعاينن لي يعانن لي |
ده شاعر مستهبل
او
شاعر بالصدفه .. المسأله دي لا فيها بحر لا شكل بلاغي ولا حرجل
عليك الله ده منو .. لانو اخر رصاصه في طبنجتي الخاتيها لليوم
الاسود وكتا جا .. هو في اسود من كده !!
لانو تعرف
احتمالات المُلهمه كتيره جدا
يمكن بتعاين لي الزول الوراهو
يمكن بتفكر بي تركيز
بمكن بتتصنط علي قطيعه البنات الجنبها
و
يمكن بتعاين في تلاليشو و ريالتو السايله
اذن احتمال انها بتعاين ليهو احتمال واحد يتيم
و احقاقا للحق يجب ان اعترف له بالذكاء
لانه صنع من كلمتين اسم و لقب شاعر
|
Post: #91
Title: Re: شايننق استارز .. و استدعني يا طيف فربما عادت
Author: Hussein Mallasi
Date: 03-11-2005, 02:53 AM
Parent: #90
عشان كدا يا خدر؛
لبس النضارات - النظارات في رواية عدد اخر - الشمسية
لابد منها؛ و في الامسيات يحلها الحلال.
|
Post: #93
Title: Re: شايننق استارز .. و استدعني يا طيف فربما عادت
Author: خدر
Date: 03-12-2005, 03:12 AM
Parent: #91
| Quote: و في الامسيات يحلها الحلال. |
تبعا لفكره النظارات اعلاه
هل من المؤمل توقع ظهور الشاعر ملاسي ؟؟
|
Post: #94
Title: Re: شايننق استارز .. و استدعني يا طيف فربما عادت
Author: المسافر
Date: 03-12-2005, 09:00 AM
Parent: #93
Quote: و احقاقا للحق يجب ان اعترف له بالذكاء
لانه صنع من كلمتين اسم و لقب شاعر
|
خدوري
معك حق
شايف كيف موضوع شعره اللامنتمي للبحور والدهور جاب موضوع النظارات الأوفر شوت
وقصة النظارات الأوفر شوت دي حيرتي
مرة في مالطا لقيت جماعة جالسين وكلهم لابسين نظارات أوفر شوت
واحد قال لي أعمل حسابك في المنطقة دي مسموح لبس النظارات الأوفر شوت
والبجي هنا على مسئوليته
على نفسها جنت براقع
مع انه الناس أغلبها لابسة براقع ومن غير هدوم
قال لي النظارات دي عابرة الهدوم
يعني تطفشها وتقشرك كما تلد اليرقة النحلة
وان طارت تبقى نحلة
وان ركت تبقى هدومك يرقة
وأعاين في الناس مستمخة تعاين لي للناس البتعاين لولاد الناس وبنات الناس
والنوع ده من النظارات ما عندو مشكلة مع موضوع ملاسي
يعني مشاكلها محلولة بالليل والنهار
فهي تشتغل بالجس المباشر
خدوري
تخريمة
اغنياتك ديل بقن ما بشتغلن ويأخرن البوست ما بيفتح معانا
غيرهن ياخي
جيب أغنية
الزي فريع البان في الرقصة تتنى
الزي سواد الليل في إيديها دي الحنة
والنهود تهتز هو ده المجننا
والموضوع مطروح على مشروع النظارات الأوفر شوت
|
Post: #95
Title: Re: شايننق استارز .. و استدعني يا طيف فربما عادت
Author: خدر
Date: 03-14-2005, 01:50 AM
Parent: #94
المسافر
سحبت ليك واحده
و التانيه الا بكري يرجعني تاني لي مرحله khider
عشان اسحبها
واعتقد انو بكري مشغول بفصل الربيع هذه الايام
|
Post: #96
Title: Re: شايننق استارز .. و استدعني يا طيف فربما عادت
Author: خدر
Date: 03-14-2005, 02:10 AM
Parent: #95
mulhim
احبك جدا .. وعليك الله ورينا اللوحه دي الرسمها منو
وكيف و متين و نوع المتيريال ..
ياخي دي لوحه خطيييييييره
فيها توزيع خطير للضو و اللون
مريح انت ياخي
اعتقد انها زيت علي قماش
اعترافا بفضلك
/سأعطيك الباسوورد خاصتي
/و عدد 2 صندوق سجاير مارلبورو
/و يسمح لك بالتدخين علنا بالمحكمه
/و يمكنك استخدام مكنه الحلاقه خاصتي
يا مُلهم
|
Post: #97
Title: Re: شايننق استارز .. و استدعني يا طيف فربما عادت
Author: mulhim
Date: 03-14-2005, 02:52 AM
Parent: #96
مولانا خدر .. سلام ..اسف على الرد المتاخر نسبة لظروف نهاية الاسبوع .. وسعيد كل السعاده ان اتيارى نال اعجاب مولانا خدر .. وتم تعليق اللوحة اختيارى على جدار المحكمة الموقره.. وسعيد اكتر بانى احمل والبس شارة حب مولانا خدر لى.. وانو عندى كل الخصوصيات القتها دى..بس عندى طلب انى اتعين حاجب ومنادى وعضو هيئة محكمه ..ولكم الشكر..
اللوحه هى رسم Leslie Clark وهى كم زكرتم زيت على قماش وهى من نتاج رحلات لسلى فى افريقيا وصحراء النيجر بالتحديد..ولسلى تستخدم ماتريالس متنوعه oil,watercolor,graphite,pastel and goldleaf ..انا طبعا ما رسام ولا خبير لكن اللوحه دى وكتير من اعمال الرسامه عاجبانى جدا..ولك منى كل الود.. ملهم
|
Post: #98
Title: Re: شايننق استارز .. و استدعني يا طيف فربما عادت
Author: mulhim
Date: 03-15-2005, 02:32 AM
Parent: #97
***
|
Post: #99
Title: Re: شايننق استارز .. و استدعني يا طيف فربما عادت
Author: خدر
Date: 03-16-2005, 01:33 AM
Parent: #97
مُلهم يا سيدنا و تاج راسنا
Quote: اللوحه هى رسم Leslie Clark وهى كم زكرتم زيت على قماش
وهى من نتاج رحلات لسلى فى افريقيا وصحراء النيجر بالتحديد..ولسلى
تستخدم ماتريالس متنوعه oil,watercolor,graphite,pastel and goldleaf ..
|
المعلومات اعلاه كافيه لمنحك المذيد من الصلاحيات داخل و خارج المحكمه
لك ما اردت و سنُنعم عليك بـ مرافقه الاميره نعمات ( شايينق ) في
جولاتها المكوكيه داخل الحي
سعيد انا يا ملهم بمعرفه من لهم علاقه بالفنون مثلك
شكرا جزيلا علي صداقتك
|
Post: #100
Title: Re: شايننق استارز .. و استدعني يا طيف فربما عادت
Author: المسافر
Date: 03-16-2005, 03:27 AM
Parent: #99
يا فنانين
لكم سلة من المجد
أكيد هذه اللوحة رسمت سنة 1963
في ذلك الوقت
كانت تجارة الآلوان رائجة
والزينة فيها رواج
قلنا رواج مش روج
هذا الف الجماعة
ان راح حكايتكم تكون باح
|
Post: #101
Title: Re: شايننق استارز .. و استدعني يا طيف فربما عادت
Author: mulhim
Date: 03-16-2005, 04:01 AM
Parent: #100
الاعزاء اصدقاءى اصحاب البوست الزاهى مولانا خدر و المسافر لكم تحياتى الكتيره جدا.. وكلى امتنان للصلاحيات الجديده الصادره من هيئتكم.. وسعيد جدا بصداقة مولانا خدر واتمنى التقيكم يوما..
|
Post: #102
Title: Re: شايننق استارز .. و استدعني يا طيف فربما عادت
Author: أبو ساندرا
Date: 03-16-2005, 10:02 AM
Parent: #1
المبجل خدر:
مشيت تهبش براك وتفتش عنها ، مش كان أخير لو ظلت مع الغياب { بضم الغين } بدل ما تخط هذا :
{ ولم يدر بخلدهن لفرط سوء النية المتأصل في نسوان أي حلة ....}
كنت قايل
نسوان حلتنا ونسوان حلة البورد إستثناء
|
Post: #103
Title: Re: شايننق استارز .. و استدعني يا طيف فربما عادت
Author: mulhim
Date: 03-17-2005, 02:31 AM
Parent: #102
*
***
*
|
Post: #104
Title: Re: شايننق استارز .. و استدعني يا طيف فربما عادت
Author: خدر
Date: 03-17-2005, 07:22 AM
Parent: #103
شايينق
وينك اخيتي
ملهم اخوك ده جاتو فلايت من رفع البوست وانت ماجيتي
فيها ايه لو يوم مره طليتي
يا النسيتينا و قلت مانسيتي
تتزكري الاغنيه دي .. زهره السوسن
هذا اذا كنت في نفس المنطقه العُمريه خاصتي
ويبدو ان صديقنا المسافر قد ذهب يبحث عن
( مساج ) في مستوظف ما في هذه الارض .. فقد كلت
يداه و حكاياته من الرفع ايضا
عودي
والا
سأحزن كثيرا
Jean-Honoré Fragonard
French, 1732 - 1806
A Young Girl Reading, c. 1776
oil on canvas, 81.1 x 64.8 cm (32 x 25 1/2 in.)
Gift of Mrs. Mellon Bruce in memory of her father, Andrew W. Mellon
1961.16.1
|
Post: #105
Title: Re: شايننق استارز .. و استدعني يا طيف فربما عادت
Author: عصام عبد الحفيظ
Date: 03-17-2005, 04:47 PM
Parent: #104
احتاج تلفونك يا خدر
وازيك انت
اما الارض هنا
فقد كساها الم جديد
واقلق مضجعها ريح الضجر
هى
الخرطوم ولكن تعب منها السفر
قد يكون الامر مجرد
من حدث
او لنقل انه انه فراق وقد
حصل
سلام
|
Post: #106
Title: Re: شايننق استارز .. و استدعني يا طيف فربما عادت
Author: mulhim
Date: 03-18-2005, 03:02 AM
Parent: #104
فيها ايه لو يوم مره طليتي
يا النسيتينا و قلت مانسيتي
سلام صديقى حدر .. ماحا اتعب من المحافظه على بوستى المحبب فوق.. وحتى تظهر شاينينق ستار.. نستمع انا وانت لزهرة السوسن..
|
Post: #107
Title: Re: شايننق استارز .. و استدعني يا طيف فربما عادت
Author: المسافر
Date: 03-18-2005, 03:25 PM
Parent: #106
خدوري إلا الدمعة الحزينة
وتقول لي
ليلي طويل
طولا يجنن
وتقول لي
صبري قليل
لا بالا سرح بي وراك
لا عقلا يخمن
اريتك تبقى طيب
وشايك مقنن
|
Post: #108
Title: Re: شايننق استارز .. و استدعني يا طيف فربما عادت
Author: Mohamed A. Salih
Date: 03-18-2005, 03:35 PM
Parent: #106
إن منتي قولد تود?? اكيـ بي توران اندتون..
|
Post: #109
Title: Re: شايننق استارز .. و استدعني يا طيف فربما عادت
Author: المسافر
Date: 03-19-2005, 04:43 AM
Parent: #108
ولو يا بروف
برضو الشعور الطيبة تسعدنا
وسمحة الطلة في خلق الله
ويخلق من الشبه أربعين
نصهم كدا ونصهم كدا
والنص الثالث كدا
|
Post: #110
Title: Re: شايننق استارز .. و استدعني يا طيف فربما عادت
Author: mulhim
Date: 03-21-2005, 04:19 AM
Parent: #108
اها انكي سريرى?
وفــــوووووق
|
Post: #111
Title: Re: شايننق استارز .. و استدعني يا طيف فربما عادت
Author: ShiningStar
Date: 03-23-2005, 02:52 PM
Parent: #1
سلامات و اشواق بالكوم و الردوم... لكن اللهم احفظنا و احفظكم كان قايمه علي خمة النفس و التهابات الاصابعين و فوق دا و دا قام علي حق اهلي... اجاركم الله... مشيت لي- لي فقير قالو سرو باتع و بعالج ابو الخناق... اداني محايتين و قال لي لوكي الصبر...
اما بعد ...
Quote: العيون النوم فارقها
والقلوب الشوق حارقها
سمحة.. فوقها الله الخالقة.. |
Quote: في عيونك قسمة الشوق والملاقاة
أزاك يا عيوني
جبتي السهر لي روحك براك ياعيون |
تعرفوا احسن ما سمعته عن عيون الأنثى ما جاء في تراثنا البهيل على لسان حبوبتي وكتين كانت تقول..
يا عين يا عينية ..
يا كافرة يا نصرانية..
عين الحسود فيها عود..
وعين الفتاة تقد الوضة ..
اها ياخدر والمسافر .. شفتو تقد الوضة دي ابلغ وصف قلوبال لي عيون انثى ..عيون ذي الدربكين..
وعودا على موضوعنا اها جنس العيون دي هي البتخدم اقتصاد الدول النامية ..
اتخيل تلقى ليك اربعة بنوت من النوع ده ..
توديهم ابو جابرة وتخليهم يعاينو في الوضة ويقدو ابوها ...
ويمرقو بترول .. ويجو الصيينين يبنو هناقرم ويكررو ما يصلح للتكرير ويرجعو لي ابوك حقو ويرمو نصو لي البحر والباقي لاندكروزرات وبيوت بي اسقف قرميد في اطراف شمبات وشتول وورد انقليزي ومنح لي اولادهم في ايرلندا وجديع في ماربيا ..
وما تبقى من زفت يفرشوهو شارع زلط في الفيحاء حلة ناس نور الهدى بت المبروك ..
ويجو شعراء الحقيبة وبدل ما كانو بقولو في الزمن السمح ....
ابكي زولا محزون وراحل ..
الحواجبو هلال وكواحل ..
جوز عيونو مدافع السواحل ..
بدل ده يجي واحد بتاع حقيبة قلوبال ويقول
ابكي زولا بالجد قرضنا..
الحواجبو صلاتنا وفرضنا ..
جوز عيونو تقد في ارضنا ..
|
Post: #112
Title: Re: شايننق استارز .. و استدعني يا طيف فربما عادت
Author: ShiningStar
Date: 03-23-2005, 02:55 PM
Parent: #1
Quote: كما قال الشاعر
عينيك ديل يعاينن لي يعانن لي |
خدر ياخي البيت ما كده ..
البيت: يا عيني تعاينن ..جننتنو قلبي ...
على وزن : ترم تم ترمّــــّتم.. ترمن تنو ترمي..
Quote: احتمالات المُلهمه كتيره جدا
يمكن بتعاين لي الزول الوراهو
يمكن بتفكر بي تركيز
بمكن بتتصنط علي قطيعه البنات الجنبها
و
يمكن بتعاين في تلاليشو و ريالتو السايله
اذن احتمال انها بتعاين ليهو احتمال واحد يتيم.... |
كانت عوضية جضوم ضحية الاحتمال اليتيم اعلاه... لمن سبلت العيون و عاينت من تحت الرموش.... ظنن منها ان عباس كمنجه يبادلها النظرات...
الغبيانه قايله عباس اتدش دش... في حين انو عباس(ذلك الوجيه) كان يمارس حقو الطبيعي كرجل في تغطية و عمل مسح شامل لي صيوان الحفله.. مرسلا ذلك الاحتمال لكل طرف فستان يلامس بؤرتو...
كلو واحده قايلاهو حالن حالن حباها...
و انت تدري انو معشر البنات حلومات .. عوضيه لي حسي تترنم بي
يمه عباس متين بجي...
بلالي متين يجي ...
نركب البيسابق الريح
نمشي لي الخرتوم نستريح
الخدامة تسوي التبيخ
وكل جمعة نزور الضريح
يمه عباس متين بجي...
بلالي متين يجي ...
بكرة يا حشاي
ان بقيت جاي
جيب لي راس سكر
وتمنة شاي
نصو للبنوت المعاي
ونصو لأمي حبيبة قساي
يمه عباس متين بجي...
بلالي متين يجي ...
تخيل عباس رحل و عرس واحده من ذوات المقام الرفيع مخلفا وراءه عوضيه و كل من شاركنها الاحتمال...
________________
|
Post: #113
Title: Re: شايننق استارز .. و استدعني يا طيف فربما عادت
Author: ShiningStar
Date: 03-23-2005, 02:56 PM
Parent: #1
ملهم...
Quote: الكـــلام علي الاخـــلاق
عاجبنى البوست دا يا مولانا خدر |
لك من التحايا جلها و أرقها..يحملها اليك نسيم الاحترام
ولك من الشكر أخفه وزنا على القلب..و أثقله وزنا في ميزان الامتنان ... نورته البوست والله.... معليش علي التأخير لكن والله انا بقيت ذي ضبانه فى الشجن الاليم... هيمانه غرقت فى البحر..
|
Post: #121
Title: Re: شايننق استارز .. و استدعني يا طيف فربما عادت
Author: mulhim
Date: 03-31-2005, 10:53 AM
Parent: #113
شاينى اشتقت لوجودك هنا...
لك معزتى واحترامى
|
Post: #114
Title: Re: شايننق استارز .. و استدعني يا طيف فربما عادت
Author: ShiningStar
Date: 03-23-2005, 03:02 PM
Parent: #1
___________________
جيت انط الحوش دردرب
والعكاكيز فوقى رب رب
الله هوى
العريبى الجالب الملح
والمسافر الجايب السمح
ما بجيب مهرك يا امشلخ
علا زولا سايق القمح
وتورو تحت الارقوق ينح
الله هوى
شافتني و شفتها...و بكيت
قالت اتفضل علي البيت
نفسى سغرت ودرت المبيت
الله هوى
حقوق الطبع محفوظه لي حاج ركز
هوووووووي خلاس جايه جايه... منسعجلين كدي ليييه؟؟
|
Post: #115
Title: Re: شايننق استارز .. و استدعني يا طيف فربما عادت
Author: المسافر
Date: 03-24-2005, 01:24 AM
Parent: #114
Quote: جيب لي راس سكر
وتمنة شاي |
ود النجومي جايينا بي جاي
معاه العسكر
حرابن تسوي الكر
تضرب العنتيل
|
Post: #116
Title: Re: شايننق استارز .. و استدعني يا طيف فربما عادت
Author: Tabaldina
Date: 03-24-2005, 06:16 AM
Parent: #1
..
.
Salam ya Khider
تاني سلام يا ناس بلوحة مفاتيح عربية مرهقة..
حقيقة إستفزاني البوست التوثيقى دا وجيت جاري يمكن الحق شحنة المنقة
الإستوائية دى.فى حد ياناس مابحب المنقة الهندية بتاعت أبوجبيهة.
والله ما خليتو محطة ما وقفتوا فيها شايلين أم فيونكة وتخبطوا فى دلاليكم
وحايمين لا خليتو معرض تشكيلي,لاونسة حبوبات لأثراثيات إندثرت او اوشكت نهيك هن التغطية الحية لمستعمرة شنغهاى فى الخرطوم وهجليج ولسه>...
منقة ya m6ar6asha
بالجد عايز أعرف أنت بتجيبي الكلام من وين وانت عايشة فى البلد النائية
دك يا ربي حبوبه بترسلوا بالإيميل ولا شنو? بالجد متعتنى عديل كدا.
والله يا عشوشة الواحد كن ما عارفك كان قال دا سكينة المجنونة بتاعت الجامع الكبير.. لمن تجى بوريك ليها
سلامات و اشواق بالكوم و الردوم... لكن اللهم احفظنا و احفظكم كان قايمه علي خمة النفس و التهابات الاصابعين و فوق دا و دا قام علي حق اهلي... اجاركم الله... مشيت لي- لي فقير قالو سرو باتع و بعالج ابو الخناق... اداني محايتين و قال لي لوكي الصبر...
ابكي زولا محزون وراحل ..
الحواجبو هلال وكواحل ..
جوز عيونو مدافع السواحل ..
ويمرقو بترول .. ويجو الصيينين يبنو هناقرم ويكررو ما يصلح للتكرير ويرجعو لي ابوك حقو ويرمو نصو لي البحر والباقي لاندكروزرات وبيوت بي اسقف قرميد في اطراف شمبات وشتول وورد انقليزي ومنح لي اولادهم في ايرلندا وجديع في ماربيا ..
نركب البيسابق الريح
نمشي لي الخرتوم نستريح
الخدامة تسوي التبيخ
وكل جمعة نزور الضريح
يا بلير
ليك وحشة ولاايامك
عليك الله بتذكر البوست دا سنة 2002 تنشيط بس يابت الشبخ أم سفنجة
Quote: تعرف انا جني و جن الفته و اللغاويس لكن كان الناس ملمومه بقعد بتونس و اشوف الشمار.. اما فتتة الكلام دي ايييييك اقعد افت و افت لمن خشمي يوجعني... و انا زوله لايييييوووقه اكعب من ملاح الويكه .. لكن ربك كريم...
تعرف بمناسبة الجكس الدقوك بي سببه دي ... كان عندي واحده صحبتي هي ما ننجا لكن متكوزنه و قالت لا اصافح .. لكن عاد خفيفه خفة الجن يعني الكيس في الهبوب بعيد عنك.... اااها كنا مشتركين لينا في معهد لتعليم اللغه الفرنسيه(شلاقه بس).. و الكورس كان مختلط و النصيحه لي الله كان في جكس سمح اها انت يا البت اول ايام تسوي في سوات لا اصافح لا اصافح... و انا قلتا خلاص القبه تحته فكي... يوم جيت كوشك كوشك لقيته ليك قاعده وسط شله من الجكس و دااك يا الضحك و كل ضحكه معاها ضربه في الكتف ولاالرجل... قعدته نططه عيوني و قلته حكمتو شريفه.. يعني السلام حرام و الضحك و الضريب اوكي.. آجي يا البامبي... قمته طوالي شلته كرعيني و للخلف در و قلته يا بت مالك و مال القرع ... |
الله ما تطولوا الغيبة كفاية الفينا
وياملههم ارفع البوست لمن خدر ومسافر وأم سفنجة يرجعوا
والله جلس مع تمبس وناقصة شيخنا 0بتاع أم فيونكة0
لكم الود والحب
|
Post: #117
Title: Re: شايننق استارز .. و استدعني يا طيف فربما عادت
Author: المسافر
Date: 03-27-2005, 02:33 PM
Parent: #116
جيت مريت فوق الكلام من أوله
وحكاية طويرك ضاميه غيرك حركت جبل التلافيف المقوقس ( المقوقس ليس من شملته تواريخ المعارك والكر والفر)
ورجعت للبوس القديم
حلوة القديم دي
وخاصة لو ارتبطت بالحب القديم
والنس قديمو تاه
أها وقلت أجيب ليكم مشاركتي في قصة الوكير والطير الطار ما ركه
Quote: عشان نكون واقعيين أكثر
لابد أن نفهم كيف أصبح طويرك وماهو طوير غيرك
وإذا تلاشت الحجب بين المعاني لابد أن تبين الرؤية
وإن الوكر الذي تعنيه هو ليس ذلك الذي تغنى به عثمان حسين من كلمات الرائع حسين بازرعة
لكن تباعدنا دهرا وما عدنا
للوكر يا سلمى أو عادت الأيام
إذا كنت قد ربطت طويرك بالرباط المقدس
ووضعته في وكيرك الذي بنيته بالجهد والصبر المؤسس
فكيف لذلك الرباط أن ينفض
وكيف لذلك الوكر أن ينهد
إن قدر لذلك الرباط الوهن
وإن قدر لذلك الوكر أن يمتهن
أي حضن ضم الطوير وأي غدر حل بالوكير
لابد أن يكون قد فتح معه باب من عذاب
وطوق عنقك بأغلال السعير
وإن صح لطويرك أن يطير
فلن يحلق بعيدا
وأن صح لوكيرك أن يظل قائما
فلن تكن فيه سعيدا
فقد نزلت في منتدى الظلم الكبير
محتفى بك ممنوحا حقوق الحزن
دوما والدوام المستمر
فإن جلست مستريحا في هذا الكرسي الوثير
دثر راحتيك في دفء الحشا المحروق
وعلم مقلتيك أن تسبغ الدمع المطير
ولك في هذا المكان
أن تختار ما تشاء من مائدة البكاء
فالدار عامرة بالكثير
ولتعرف كرم البقاء
فلن تغادر أنملة
ولن تطير |
وفكرت في موائد البكاء
التي تطلي بالدمع جدرات الوكيرات
وعشان كده
خلي القماري والقشة قشة تراعي فرقة لتسرب الدمع
في الزمن المفارق
زمن الخريف
لما تهب رياح العتمة والأقدار
وعلى جناح الريح تطير أفكار
وأنا يا طير بشوفك
محل ما تطير بشوفك
وتكون لي القديم
|
Post: #118
Title: Re: شايننق استارز .. و استدعني يا طيف فربما عادت
Author: المسافر
Date: 03-27-2005, 02:43 PM
Parent: #117
تبلدينا الحبيب
لك همسات الرفقة والشوقار
نبتة الحنة وانفراد صبار
يا تبلدية
في نص الأرض
نبت الجبل وزهرة غريبية
متوسدة حزمة نال
وسعدة مخضوضرة معروشة
يغطيها السيسبان
يا شايل المنقة
في لون المنقة
من جناين الباوقة طرحة
ومن رهيد البردي نفحة
ومريدي السمحة لمحة
بالمناسبة دي يا شايننغ صن
ناس حسن الجقر
وحبوبتك التنية ديل
وين في الباوقة؟؟
|
Post: #119
Title: Re: شايننق استارز .. و استدعني يا طيف فربما عادت
Author: mulhim
Date: 03-29-2005, 07:50 AM
Parent: #118
معليش مستعجل حسى .. بس عشان البوست يكون فووووق حتى مرور خدر, شاينى و المسافر.. وكل من مر هنا لكم ودى و احترامى
|
Post: #120
Title: Re: شايننق استارز .. و استدعني يا طيف فربما عادت
Author: mulhim
Date: 03-30-2005, 05:42 AM
Parent: #119
up
+
++
+++
|
Post: #122
Title: Re: شايننق استارز .. و استدعني يا طيف فربما عادت
Author: Mohamed A. Salih
Date: 03-31-2005, 11:38 AM
Parent: #116
Quote: بالجد عايز أعرف أنت بتجيبي الكلام من وين وانت عايشة فى البلد النائية
دك يا ربي حبوبه بترسلوا بالإيميل ولا شنو? بالجد متعتنى عديل كدا.
والله يا عشوشة الواحد كن ما عارفك كان قال دا سكينة المجنونة بتاعت الجامع الكبير |
ما هو ده المحيرني ذاتو والمجنن بوبي ..
|
Post: #123
Title: Re: شايننق استارز .. و استدعني يا طيف فربما عادت
Author: ShiningStar
Date: 03-31-2005, 12:03 PM
Parent: #1
مللهم... شكرا شديييد لمواظبتك علي رفع البوست... و معليش لي عدم مواظبتنا في الجغمسه... لكن اول من اللقه لي فرقه بجي فلا لي لي...
_______________________________
تبلدينا و محمد صالح بس انتهي من قش الحوش و مضيارة العدة و ادخل الجدادتين الكرو بجي بوريكم... لكن حاجه سريعه كدا.. البلد النائيه هي السبب في كلو شي بداية بي حرب افغنستان و العراق مرورا بي ازمة المثقف و اللوتري نهاية بي ...ولا اقول ليك خليه.....المهم.... مما ادي الي ما انا و سكينة المذكوره اعلاه عليه... مع مراعاة اختلاف المصبات سكينة اختارت الجامع الكبير و انا جيتكم بي هنا....
يا بت انا مش قلته ليك جيبي صابون ابو فيل .. تجيبي لي فنيك.... اجيبوك بي خبيزك قولي ياميين
|
Post: #124
Title: Re: شايننق استارز .. و استدعني يا طيف فربما عادت
Author: mulhim
Date: 03-31-2005, 12:53 PM
Parent: #123
| Quote: يا بت انا مش قلته ليك جيبي صابون ابو فيل .. تجيبي لي فنيك.... اجيبوك بي خبيزك قولي ياميين |
شكرا على مرورك الجميل...
|
Post: #125
Title: Re: شايننق استارز .. و استدعني يا طيف فربما عادت
Author: mulhim
Date: 04-21-2005, 03:48 PM
Parent: #124
شاينينق ستار.. لسه منتظر
|
Post: #126
Title: Re: شايننق استارز .. و استدعني يا طيف فربما عادت
Author: خدر
Date: 05-05-2005, 07:13 AM
Parent: #125
سينما الحلفايه
الفلم الهندي الكبير
شــــاينق استارز
قــــــــــــريبا
|
Post: #127
Title: Re: شايننق استارز .. و استدعني يا طيف فربما عادت
Author: mulhim
Date: 05-05-2005, 08:35 AM
Parent: #126
لسه منتظر
|
|