لعن الله الفقر

والله يا هشام فعلا عايش في غربة وغربة كبيرة خلااااص

ياااخ انا هسع انزل ليك صورة من دارفور تبكي سنة

بالله ما لقيت الا كمبوديا وللا اندونيسيا .. اصلا

ما فكرت تجي السودان وتشووووف


قبل شوية يا هشام في العمارات ش 15 شايف يا عصام

وانا واقف في اشارة المرور جات بت صغيرة واختها

بتطلب مساعدة والله تبكي يا هشام والاسيويات ديل

بالنسبة ليها قمة الغني !!


يا جماعة الوطن محتاااج ليكم وللا شنو !!!


تقديري

منعم

آآآآآآآه يا منعم من زى ديل:

سلامات يا هشام !

لو ما الفقر ما كان حتكون افراح وامثالها يعتصرون الالم ده علي مستوي البلد





بكرة عملية "افراح"

يازولyazoalيازول
قاتل الله الفقر واللعنة على من كان سبباً في الفقر والقهر
ناسك ديل إلى حد ما قاشرين بالنسبة لي ناس شفتهم بي عيوني الفقر صعب ، بس في كل الأحوال الفقير أحسن من المسكين لأنك لمن تكون مفتقر لشئ لا تكون كذلك إلا إذا كنت في حاجة شديدة لهذا الشئ لكين المسكين هو أقل درجة في السلم ويمكن يكون حاله أصعب من الذي يصنف في خانة الفقر المدقع أو الشديد ومسكين أنا.
لكين أكيد لكل شئ سبب والفقر هنا وهناك له أسبابه السياسية والإقتصادية والإجتماعية ، طيب هل تم تجريم أى سبب من هذه الأسباب ، يعني لمن تكون هناك كوارث طبيعية بيكون في شئ من التضامن والتعاطف لكين لمن نظام حاكم أو طريقة حكم أو سياسة خرقاء أو تصرف مسئول غير مسئول يقود إلى دمار إقتصاد بلد وخراب أمه يشتت كده ساكت بدون ما واحد يقول ليهو إنت أجرمت وأخطأت في حق شعب وأمة وأفقرت البلد بعد أن قدت الرسن وجبت المحن ، ليه ما يكون في قانون يوازي قانون جرائم الحرب يسمي قانون جرائم إفقار الشعب والثراء الحرام على حساب الشعب

سوسن أحمد
الملا عمر

شكرا للمشاركة وللإضافة الجميلة يا ملا

تحياتى

العم هشام الفقر مذلة
والشكية لغير الله مذلة

طفولة .....سوف يلعن هولاء ذكراها ويقولون الله لا اعادها.

أدروب

هى فعلا صور مؤثرة

تحياتى