عندما تتهور بنات المغتربين فى الجامعات وتصل مرحلة الحمل الحرام

عندما تتهور بنات المغتربين فى الجامعات وتصل مرحلة الحمل الحرام


03-25-2007, 08:49 AM


  » http://sudaneseonline.com/cgi-bin/sdb/2bb.cgi?seq=msg&board=52&msg=1189110944&rn=89


Post: #1
Title: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 08:49 AM
Parent: #0

رجل مغترب حاله كحال أى مغترب آخر وصل أبناؤه سن الجامعات ، فأدخل إبنته إلى جامعة موسكو لدراسة الطب ، وقد أمضت ثلاثة سنوات بالتمام والكمال ، وكان كل شىء يسير على ما يرام ، يرسل لها أهلها المصاريف وتكمل العام وتأتى مرة أخرى لزيارة أبويها وأهلها ويقومون بتجديد إقامتها وتأشيرتها ، وتعود وهكذا كانوا فى إنتظار أن تتخرج البنت وتكتمل رسالة الابوين فى منحها أعلى درجات التعليم ،

ولمّا إنقضى العام الثالث ، إلتقت (الشافعة) بشاب سودانى من النوع (الهلفوت) ، فخدع البنت ، ومارس فعلته وأسقط فى يدها وقامت بالزواج منه (عرفيا) لدرء الفضيحة ، وأخبرت أهلها بأنها قد تزوجت ، وقطعت دراستها الجامعية ، وبقيت مع (الهلفوت) حتى اليوم ، أبوها وأمها وأهلها (فرشوا) عليها بإعتبار أن بنتهم (توفت) ، وقطع عنها أبوها المصاريف ، وهى الآن تعانى شلهتة ما بعدها شلهتة فى بلاد الغربة (الجد جد) ، ولا أحد يهتم بها سوى هذا الهلفوت الذى قطعا سيصيبه الضجر منها قريبا ، خصوصا وأنها أصبحت مقطوعة من شجرة

هذه حكاية واقعية تتكرر فى أيامنا هذه بمعدل (كل يوم) فاعتبروا يا أولى الأبصار

Post: #2
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: celecon
Date: 03-25-2007, 08:54 AM
Parent: #1

هشام ... الزول السمح ...


صباحك برائحة الهلافيت .... وكل حيوانات الصحراء ...


شنو يا عمو يااااخ .... والله بس هالة سرحان ظاااااااااااااااطا ....





____
تحياتى ليك والله يحفظ بناتنا .. !!!!

Post: #4
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 09:03 AM
Parent: #2

celecon

ربنا يستر يا سيليكون ، ونسأله تعالى أن يلطف بنا فى ما تأتى به المقادير

يا سيليكون ، البيت السودانى (حقيقة) تنقصه التربية ، يعنى بالعربى كده (آباء) هذا الزمن لا يعرفون تربية الوليدات ولا يحسنون صنعا ، فالتربية عند معظمهم تشبه تربية الدواجن (علف) و (غرف مكيفة) فقط

ربنا يستر

Post: #3
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عاصم ابوبكر حامد
Date: 03-25-2007, 08:57 AM
Parent: #1

العم هشام
لك التحية

نعم هناك كوارث

وبنات المغتربيين ديل الكارثة اكبر من بنات الخرطوم والولايات ...

يعنى معدل الحمل وهذه الاشياء عند بنات المغتربين اكبر ...

لكن انت العرفك شنو ؟؟؟؟؟


تسلم

Post: #6
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 09:07 AM
Parent: #3

عاصم أبوبكر حامد

ربنا يستر فالكوارث أصبحت كثيرة ومرعبة

أما حكاية عرفت كيف ، فهذه سببها (الصوالين)

يا عاصم ، بيتى مفتوح لكل سودانى وكل إبن بلد أصيل ، يجلس فى مجلسى السفير والوزير والخفير ، كما تجلس كل قطاعات المجتمع بإختلاف أعمارهم وأجناسهم ، فمنهم أصدقائى ومنهم أصدقاء زوجتى ومنهم أصدقاء أبنائى ، غير الضيوف والأقارب

فلذلك تأتينى كل هذه الحكاوى حتى قعر منزلى ، وأكتب لكم منها ما يمكن أن (نعتبر) منه جميعا

هادى كل القصة


Post: #7
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ناجى أحمد البشير
Date: 03-25-2007, 09:11 AM
Parent: #3

المسالة دى ممكن تحصل مع أى بنت سواء كان ابوها مغترب أو غير مغترب ..

بدأ سفر البنات للسفر فى الخارج فى مصر والمغرب ورومانيا وغيرها من الدول منذ مطلع

سبعينات القرن الماضى اى قبل الاغتراب فى الخليج والذى تعنونه ..

لا ادرى سببا للحملة الموجهة ضد ابناء المغتربين وبناتهم .. حملة لا ارى لها سببا ؟؟؟؟

اذا كانت هنالك احصائيات دقيقه من مصادر موثوقة فأتونا بها .. والا فيعتبر هذا الحديث

من باب النكاية والمكايده المستمرة بالمغتربين وبابنائهم ونسائهم واخيرا بناتهم ..

ابناء المغتربين وبناتهم فى الجامعات الاكثر انضباطا وخلقا وسلوكا وتفوقا , واذا كانت

هنالك نسبة صغيرة من الفالتين فيجب ان لا تكون مقياسا وصفة ملازمة لكل المغتربين ..

يكفى ابناء المغتربين ظلما من وزارة التعليم التى فرقت بينهم وبين نظرائهم فى الداخل

فى الجامعات بفرض الرسوم الدولارية بلا سبب ( نعم بلا سبب ) لان شهاداتهم ان لم تكن قوية

بما فيه الكفاية لما استطاعوا الاستمرار بل التفوق على اقرانهم فى الجامعات ..

لعبة الشهادة العربية معروف عنها والقصد من ورائها دعم الجامعات باموال المغتربين لا

أكثر ولا اكثر وهى واحدة من سبل الجبايه على المغترب المسكين ..

Post: #10
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 09:15 AM
Parent: #7

الأخ ناجى أحمد البشير

أنا أتفق معك فى كل ما أوردته

والحقيقة عندما كتبت هذا الموضوع ليعتبر منه الناس ، لم اكن أقصد التجريح أو إنقاص فئة المغتربين بقدر ما أردت التنبيه (للبنات) السودانيات أن لا يقعن فى المحظور ، كل السودانيات سوى فى الداخل أو الخارج

على كل ، قصدك مفهوم وكلامك واضح وطيب

جزاك الله خير الجزاء

وكان الله فى عون كل السودانيين

Post: #5
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عبد المنعم سليمان
Date: 03-25-2007, 09:07 AM
Parent: #1

الكــــوندوم هــــــو الحـــــــل






___

لساكني المملكة من الاعراب والبدو الكوندوم هو الواقي الذكري

Post: #8
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 09:11 AM
Parent: #5

الأخ عبد المنعم سليمان إحترم نفسك وكف عن العبث !


Post: #11
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: الواثق الصادق
Date: 03-25-2007, 09:16 AM
Parent: #8

الكريم هشام شيخ الدين..

إن شاء الله تكون متذكرني...

في البداية مفروض الناس قبلما تصدر قرار زي دا (دراسة البت في روسيا) يقيفوا وقفات و وقفات..

-السفر بدون محرم.

-الغربة في بلاد الكفار.

- تعريض البت للفتنة.

بعد داك ما حيندموا...

بالنسبة للفساد الحاصل في الخرطوم أنا شخصياً ما بعتبر إنو بنات المغتربين هم الرائدات ... التعميم هنا مخل للغاية..

لو عندك إحصاءات يا عاصم هاتها..

لكن برضو الخرطوم أرحم من موسكو..

كسرة : الجماعة ديل شيوعيين؟؟؟

Post: #16
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 09:22 AM
Parent: #11

الأخ الواثق الصادق

نعم متذكرك فقد قابلتك على ما أعتقد مع ناصر عزالدين



بعدين يا حبيب والله ما أردت التقليل من شأن (بنات المغتربين) فأنا شخصيا لدى بنتان تدرسان فى مصر ، ولكنى أردت لفت إنتباه الناس إلى ضرورة المحافظة على بناتهم وهذا لا يتأتى إلا من (البيت) ، يعنى بالعربية كده (التربية) على أن لا تكون مثل تربية الدواجن



تحياتى يا واثق

Post: #101
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عشة بت فاطنة
Date: 03-27-2007, 10:47 PM
Parent: #11

الاخ هشام سلام الله
موضوع الزواج العرفي وتعرض الفتيات للمشاكل لا يقتصر على المغتربين فقط ،
لقد ضجت الصحف وهذا المنبر بهذه المسألة وانتشارها في الخرطوم واسبابها معروفة تشرد الطالبة السودانية وتخريب التعليم والسكن الجامعي ، والوضع الاقتصادي والخ من الاسباب التي تعرفها العصابة التي تتحكم في رقابنا ، اذن هذه الحملة التي تشن على بنات المغتربين حملة ليس لها اساس فالفتاة الجاية من الخليح أو من الاقاليم او من قلب الخرطوم كلهن تتقاذفن رياح الاثرياء الجدد وضرب اساسيات التعليم في مقتل ، ولا توجد احصائيات بهذا الشأن وهذا موضوع حساس ارجو أن يقفل عند هذا الحد وكون طالبة واحدة ولا اتين عندهن مثل هذه القصة فهذا ليس معيارا يطبق على الكل ، ولماذا المسألة تتوجه نحو سلوك البنات دون الاولاد اليس المخدرات تهدد مستقبلهم ، وشقي الحال بقع في القيد وربنا استر الجميع . اما بخصوص الاخ الذي اثار مسألة المحرم لتقييد الفتاة فاسالة هل فكر في مسألة محرم ايضا بخصوص الذكور خاصة اننا نسمع زيجات مثلية بينهم في الخارج ؟؟ وختاما أرى المسألة تخص الفرد رجل او أمراة ولقد ينجرف الكل في حضور كل الاسرة وقد يصمد آخر في وجه كل الفتن وقديما قالوا اتغربوا خيارنا واستروا حالنا بنت ولا ولد .

Post: #102
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ragaa makkawi
Date: 03-27-2007, 11:26 PM
Parent: #101

3asha

its because of women like you

im proud to say i am one


thanks

spot on

Raga

Post: #104
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عشة بت فاطنة
Date: 03-28-2007, 07:21 AM
Parent: #102

تسلمي يا رجاء
وأرى أن مسألة المرأة
كل يوم ترجع الى الوراء
ونرى أن نصمد في وجه
الحملة الورائية التي
يقودها البعض ضد المراة
ربما بوعي او بدون وعي
على كل النساء والرجال ومعهم استاذ هشام
بحذف هذا البوست والذي فتحه( بهدف برئ
واصطاد البعض في مائه)

ان يتضافروا لتصحيح المسار
وكل مارس والمرأة بألف صباح
جديد وأمل ...

Post: #9
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: celecon
Date: 03-25-2007, 09:14 AM
Parent: #1

بنات المغتربيين ديل الكارثة
مغلوب على أمرهم ..... يا عاصم ....

Post: #12
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 09:17 AM
Parent: #9

لا يا سيليكون فبنات المغتربين هم الأكثر إنضباطا رغم وقوع بعض الأخطاء ، فأخطاء الداخل أكبر حسبما يصلنا من معلومات

تحياتى

Post: #13
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عبد المنعم سليمان
Date: 03-25-2007, 09:20 AM
Parent: #1

يا زول


ده ما انا يااااخ



الكوندوم هو الحــل

Post: #54
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: walid taha
Date: 03-25-2007, 03:35 PM
Parent: #13

Quote: الكوندوم هو الحــل

اى المنعمين كنت
غــبر الله وجهــك

Post: #55
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عاصم ابوبكر حامد
Date: 03-25-2007, 03:45 PM
Parent: #54

وليد طه


Quote: اى المنعمين كنت
غــبر الله وجهــك


انت شايت غلط يا زول ...

Post: #14
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عمر الفاروق
Date: 03-25-2007, 09:20 AM
Parent: #1

يعنى بالعربى كده (آباء) هذا الزمن لا يعرفون تربية الوليدات ولا يحسنون صنعا ، فالتربية عند معظمهم تشبه تربية الدواجن (علف) و (غرف مكيفة) فقط

طيب إنتو كيف يا اباء الزمن الفات !!!!!!!!!!
ده كلام غريب يا هشام الكتبتو ده ..
يعني ياخ اقلاهو قول وبعض الاباء لكن ياخ تقول اباء الزمن ده ؟؟؟؟؟؟
هل انت من اباء الزمن ده ولا من اباء الزمن الماضي ؟؟
وهل الأبوة صارت حقب وازمان فمنهم اباء الزمن ده ومنهم اباء الزمن الفات ومنهم اباء الزمن قبل الفات ؟؟؟
القصة التي ذكرتها ليست بجديدة ولا اتوقع ان من يقرأها سيصدم أو سيتفاجأ ..ليس لأنها أصبحت ظاهرة منتشرة ولكن لأنها ظاهرة قديمة وحدثت في الزمن الماضي ايضاً ..
ياما في طلاب علم من (اولاد وبنات) وفي الزمن الماضي على قولك وايام اباء زمان الكانو بيربوا اسود حسب قولك ومش دجاج وعلف ورغماً عن ذلك حدثت هذه المأسي ..
اقلاهو الزمن ده طلعوا حاجة إسمها الزواج العرفي والدواجن بقت تلقا العلف ولو من هلفوت لكن زمان زمن الأسود لا عرفي لا يحزنون يا يرموهوا في الشارع يا البت تنتحر..
ده ما تبرير وليس دفاع وما يحدث مصيبة كبرى ولكنك اخطأت خطأ فادح وانت تسيئ للأسر كلها دون تخصيص وخصوصاً وأنت تعمم الموضوع بل وتذهب لأبعد من ذلك وتتهم (اباء الزمن ده ) بقلة التربية ..
والمصيبة إنك قلت (معظمهم) يعني ولا (بعضهم)!!!!!!!!!

Post: #18
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 09:32 AM
Parent: #14

لووووووووووووووول يا عمر الفاروق

الحقيقة يا عمر ، (التاريخ) ملىء بقصص العشق والغرام والنتيجة الحمل سفاحا وبالحرام ، هذه حقيقة ، ولم يكن هذا مقصدى بأى حال من الأحوال

أما مسألة (آباء الزمن ده)

نعم هى مقصودة ، كثير وكثير وكثير جدا من (آباء الزمن ده) لا يجيدون فن تربية أبنائهم ، هذه حقيقة إن رضينا بها أو لم نرضى ، خذ أى شريحة من معارفك وأصدقائك وأقاربك ، وانظر (بعين الحياد والعقل) هل هم مربين جيدين؟؟؟؟ ستجد أن معظمهم يربى عياله مثل (تربية الدواجن) ، يا عمر لا داعى لدس روؤسنا فى الرمال ، فالزمن (خرب) بفتح الخاء وكسر الراء ، والملاهى كثيرة والمشاغل مضاعفة والفلوس قليلة ، كل ذلك كان نتاجه فوضوى وعدم رباية ، ومن نجا منهم ، كانت نجاته (محض صدفة) وعناية إلهية ليس إلا

عمر ، وإن إختلفنا ، فأنا أقدر وجهة نظرك وأحترمها ، وبالتالى أحترمك شخصيا لمعرفتى بجدية نقاشاتك عبر مسيرة المنبر

لك آلاف التحايا


Post: #26
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 10:24 AM
Parent: #14

الحبيب عمر ،

أنا قصدت الآباء موديل (2007)



هل هم مثل آباء 1987 مثلا أو آباء 1957

قطعا لا

الأبوة اليوم باهتة ولا أساس لها من مقومات التربية القويمة

هادى كل الحكاية ، رغم وجود آباء ديمقراطيون ومتفهمون ويستخدمون الأساليب الحديثة المتطورة والمتواكبة مع إيقاع العولمة (وهم قليلون)

فلماذا الزعل يا عمر؟


Post: #15
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: celecon
Date: 03-25-2007, 09:21 AM
Parent: #1

العزيز هشام ...
Quote: لا يا سيليكون فبنات المغتربين هم الأكثر إنضباطا
رغم وقوع بعض الأخطاء ، فأخطاء الداخل أكبر حسبما
يصلنا من معلومات

معاك يا معلم هشام فى كل ما سطرته يداك...
وده برضو كان رأيى لما قلت لعاصم انهم مغلوب على
امرهم فقصدى اننا كتيرا ما نلومهم وهم قليل بالمقارنة
مع الكم الهائل الآخر ...
(وربى ما تحرم بيت من البنات) .... تحياتى

Post: #17
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: قلقو
Date: 03-25-2007, 09:29 AM
Parent: #15

الأخ يازول
طالبة وصلت حتى السنة الثالثة طب ويستطيع ان يضحك عليها هلفوت ويتزوج منها عرفيا؟!!!!!
بالله عليك قل لى ايهما الهلفوت ؟
حقيقة القلم مابزيل بلم .

Post: #19
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 09:34 AM
Parent: #17

صدقت يا قلقو فكلاهما (هلفوت) ، رغم ضعف الأنثى


Post: #20
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عبد المنعم سليمان
Date: 03-25-2007, 09:38 AM
Parent: #1

عندما تتهور بنات المغتربين فى الجامعات



____

شيخ هشام بااالغت عددديل في دي

يا اخوي ليه مختذل القصة كلها في بنات المغتربين


الطريقة دي ثبت انها خاطئة وما بتعالج المشكلة الحقيقية



____

اذا كترت القصة وما لقيت ليها حل استعمل الكوندوم

Post: #21
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: celecon
Date: 03-25-2007, 09:38 AM
Parent: #1

Quote: كثير وكثير وكثير جدا من (آباء الزمن ده) لا يجيدون فن تربية أبنائهم
ينصر دينك دى اصح كلمة انا سمعتها ....

Post: #22
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 09:42 AM
Parent: #21

وكذلك (دينك) يا سيليكون


Post: #23
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عمر الفاروق
Date: 03-25-2007, 10:03 AM
Parent: #1

الأخ هشام :
كدي أول شي وقبل كل شي ورينا رجال الزمن ده هم بالضبط كده ناس ياتو زمن ؟
يعني من 90-2007؟
ولا من 80-2007؟
ولا من 70-2007؟

ووريني إنت من رجال ياتو زمن ؟؟؟

طالما قلت البت دي في طب وسنة تالتة كمان فمعناها البت دي ابوها بي الميييت كده عمرو 45-55 سنة
وعليه اتوقع ان يكون من جيلكم إن لم يكن أقل وا يزد بقليل
وعليه هو من رجال الزمن ده ..
وعليه أنت من رجال الزمن ده ...
فهل يا هشام لم تجيد تربية ابناءك ؟؟؟
أم ستختزل نفسك مع البعض ووتبرأ من (المعظم) .؟؟؟
لا اتعمد أن أضعك في خانة (اليك) ولا أحبذ هذا النوع من الإجابات عندما أقول لشخص (ضع نفسك مكان فلان أو هل انت مثل فلان أو أو)
ولكن ما أقوله إن التربية التي يقوم بها الاباء تربية ممتازة ..
لا أود الخوض في مقارنة اباء الأمس واباء اليوم فاباء الامس منهم والدي متعه الله بالصحة والعفية وهو رباني افضل تربية وعليه فاباء الامس متميزون في التربية
واباء اليوم سأكون انا منهم إذا شاء الله وكما رباني والدي فسأكون مربي ووالد متميز بحول الله ..
وهكذا تقاس الامور لباقي الناس ..
ولكن لو وضعنا معايير التربية الحالية وما يقوم به الاباء من وسائل تربية حديثة فهو أفضل بكثير من معايير التربية السابقة ..
ولو ما مصدقني تعال جيب لي معايير زمان ومعايير أسة وجيب ميزانك وتعال..

Post: #27
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 10:26 AM
Parent: #23

عمر ، رددت عليك ، فأبى الرد إلا أن يقفز للأعلى

راجع فوق


Post: #59
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: Salah Waspa
Date: 03-25-2007, 04:12 PM
Parent: #23

عمــر الفــاروق ازيـــك ياخ


شــايفك يـا عمـر عــايز تــدفر التهــمة باســتماتة واضــحة وصــارخة عن المغتربين

وأبنــاء وبنــات المغتربين وأنــا أختلـف معــك كثيرا كما ســيفعل الكثير من

الزملاء وقراء وزوار هذا البوست ومنهم المغتربين أنفسهم وياعــمر من زمــان معروف

أن المغربين بيربوا أولادهم على الخمـج والدلــع ( دون قصــد منهم ) ومن الواقع و

الجــو المحيـط بالمغترب وشـلهتة الغربة واللهث وراء المـــال وتــرك التربيــة

ومســئوليتها للأم التـي فـي الغالب الأعــم تكــون تزوجــت صــغيرة وكـانت هـي

نفســـها لــها نصــيب من تربيــة هــذا الأب المشــلهت والذي زادت شــلهتته بعـد

أن طــردت (ضم الضاد وكسر الراء) وبدأ تعليمها أبجديات الطبخ الذي أجاد فنه في ميز

العــزابة ثم فجــأة بــدأ ولــوج طــابور الأبنــاء والبنــات المنزل العــامر وتضرب

الأم لخمــة ولا تعــرف من أين تبــدأ وتكــون النتيجة تعلــيق كنــا دائمــا ما

نســمعة والله أولاد المغتربين ديــل طبعــهم زي وشــهم و خمجــانين .

هــذا التعليق يــا عمــر هــو يكــون في كثير من الأحيــان البيئـة الصالحة لحدوث

المشــكلة التـي أوردها هشــام وأنــا شــخصيا لــدي معــلومات أكــيدة لأكــثر من

مثـال لمثــل هذه الحالات لمن أرســلوا بنـاتهم للدراســة بشـهادات عربيـة فيـا صديقي

لا تحـزن ولا تنفعـل وبالمناســبة الجيــل الذي نتلكم عنه هو جيل منتصف الثمانينات

وما فــوق ويا عمــر لو عنــدك شــخص بتثـق في رأيــه كلفه يعمل مثل هذه

الاحصائية وخصوصا في الخــرطوم حيث ارتفعـت نســبة انحــراف الطلبة والطالبات في

الجــامعات ووصــل لحــد ادمــان المخــدرات مــع توفــر المــال الوفير الذي يرسله

المشـــلهت داك ذاتــه .


لم يقصــد هشــام ما ذهبتوا اليه انهــا ببســاطة الحقـيقة




ملحوظــة : كنـت مغـترب في الخليج لقرابة العشرون عاما والآن على رأي معاذ راستا




تحيــاتي عمــر وهشــام ونحــن بنقول كلام يزعل لكن نعمل شـنو too bad




صــلاح واسـبه

Post: #24
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: أيمن الطيب
Date: 03-25-2007, 10:07 AM
Parent: #1

أخى الفاضل هشام سلامات,

(إحترامى إليك من صميم قلبى غير ما أشعر )

من متابعاتى لكتاباتك أستطيع القول جازما

أنك ممن لا زالوا يملكون صفاء السريرة و نقاء

القصد والقلب ! وهى عملات يندر وجودها فى هذا

الزمان , فكثير مما تكتب يعكس كثير من البراءة

والطيبة كأنك لا تعيش فى زمانناهذا,ولكن لى ملاحظة

إذا تفضلتم أخى , عندما نكتب عن تجارب شخصية مهما

كان نوعها و تدور حول أنفسنا و نحكى ما نحكى طالما

أن ما نورد يدور حول تجربة شخصية حدثت للراوى نفسه

لا يقع أى نوع من الضرر وهذا طبيعى وعادة لا نذكر ما

يسوءنا أو يضرّنا !!!!! ما رويته هنا هذه المرة قد يتأذى

منه آخرين ولا أظنك ترمى لهذا !!! هذه القصة تتكرر كثيرا

منذ زمن بعيد و تحدث داخل السودان و داخل الأسرة الواحدة حتى

فهى خطيئة قديمة و معروفة رغم أثرها السئ على أطرافها !!

أنا متأكد أن الكثيرين هنا سمعوا أو شاهدو أو كانوا طرفا فى

قصص مشابهة تدور حول نفس الموضوع لكن يا صديقى عندما نفصل

القصة بمكانها و زمانها نكون قد دخلنا فى المحظور و دون أن

نقصد نكأنا الجراح و قلبنا الماضى و فوق كل ذلك رفعناأصابعنا

مشيرين إلى أطرافها و أنا أجزم أنه لا يمكن أن يكون هذا مقصدك,

فى أوقات كثيرة يكون تقليب المواجع أمرا غير مفيد و لا يغير من

الأمر فى شئ!!! أظنك لا تختلف معى فى أن ذكر الوقائع مقرونابمكان

حدوثها قد يسهل معرفة أطرافها مما يوقع الأذى و مرة أخرى فى إعتقادى

الشخصى و حسن ظنى بك و عشمى فيك هذا لا يشبهك ,, العبرة تكون دائما

بالإتعاظ بما حدث للغير و يمكننا فعل ذلك دون جرح الغير أيضا بجعلهم

العبرة والمثال و هذا ما يحدث دون قصد مّنا مّّما يدخلنا فى أبواب أخرى.

ارجو فهم وجهة نظرى و تقبل إحترامى مرة أخرى ليس لها حد.

سلامات يا زول.


Post: #25
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 10:21 AM
Parent: #24

الأخ أيمن الطيب

أشكرك غاية الشكر على إيراد هذا الرد المهذب والواضح المقاصد ، رغم أنك اسرفت كثيرا فى مدحى ، وهذا لا يشبهنى

الحقيقة يا أيمن ، أنا لا أقصد بحال من الأحوال التشهير بالأسر والعائلات ، فأنا ايضا لى اسرة وعائلة أحافظ ما استطعت أن تبقى حسنة السيرة والسلوك ،

يا أيمن أنا قصدت أن يعتبر الآخرين ، فقديما قالوا (الشقى من يتعظ بنفسه والسعيد من يتعظ بالناس) ، أما قولى موسكو ففى موسكو آلاف الطلاب والطالبات ، فلم أشر إلى شخص بعينه وقولى المغتربين فلم أشر إلى أى دولة بعينها حتى لا تذهب الناس بعيدا للبحث عن زيد من الناس أو علان ،

ورغم ذلك أعترف بالخطأ ، تماما مثل ما أوردت فى قصة الطبيبة التى يخدعها زوجها فيشترى الأرض باسمه وتكون الزيارة من نصيب أمه ، هذا لو كنت تابعت القصة المقصودة فانبرى لى أحد الزملاء المحترمين منبها لى بمثل ما فعلت أنت الآن ، فقمت بتعديل البوست وجعلته عاما ، وكذلك حاولت هنا التعميم ، رغم معرفتى باسم الأسرة وإسم البنت وحتى إسم (الهلفوت) ولكنى آثرت (التورية) حتى لا تتعرض الأسر كما ذكرت لأى نوع من الحرج

أكرر تحياتى وتقديرى وشكرى الجزيل لما أوردت فى ردك سائلا الله أن يجعل مقاصدنا نبيلة

بارك الله فيك

Post: #28
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ناجى أحمد البشير
Date: 03-25-2007, 10:46 AM
Parent: #25

يا زول الموضوع اتشعب وسخن

ولنا عودة .. بس نخلص التزامات الشغل ونرجع ليكم

( فاصل ونواصل )

Post: #29
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 10:48 AM
Parent: #28

نشوفك بعد الفاصل


Post: #30
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: أيمن الطيب
Date: 03-25-2007, 10:49 AM
Parent: #1

أخى هشام الزول الوريف ( المصطلح الكيكى البحت)

الحمد لله كنت مكان العشم , عذرا مرة أخرى و لكن صدقا لم أتابع كل

المداخلات فى بوست الزول السجمان داك!! يا أبو الشوش والله قصص

المجانين اجمل منها مافى ,

دمت و دامت قصصك المدهشة.

إحترامى لكم.

Post: #31
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: salma subhi
Date: 03-25-2007, 10:54 AM
Parent: #30

والله دي حاجات لا كانت في البال ولا في الحسبان في السودان وشباب السودان


الحال ماشي لوين الله عالم؟؟؟

والمغتربين يختوا بالهم شديد لحكاية يرسلوا البت تقرا براها

ما قلنا شي واثقين منها...لكن أولاد الحرام في

Post: #35
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 11:34 AM
Parent: #31

أختى سلمى

نسال الله السلامة ، وربك يستر


Post: #34
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 11:33 AM
Parent: #30

خلاص يا أيمن نرجع لى قصص المجانين

رغم أنها وضعتنى فى خانة (المخرفين)



تحياتى يا (زريف) على وزن (وريف)



ما عرفت أردها ليك كيف


Post: #32
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: الصادق صديق سلمان
Date: 03-25-2007, 11:00 AM
Parent: #1

العم هشام
لك التحية يا سيدي

في الهند ايام الدراسة واجهتني كثير من المشاكل المشابهة.
البنت عندنا في السودان تتربى منذ صغرها على أنها فقط في انتظار
العريس ولذلك عندما تخدمها الظروف (البنت السودانية) وتخرج خارج
الوطن الضغير كان أم الكبير (القرية, المدينة, الوطن) فلا تفكر في
شيء إلا أن كيف تجد العريس والزوج وتخرج به إلى أهلها.
السؤال المتداول بين اهل البنت التي تعود من الخارج دائماً (ما جبتيهوا معاك)
المشكلة يا عزيزي هشام قوية جداً جداً جداً وبناتناخلاص فكن اللعب؟

أبوفتحية

Post: #36
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 11:36 AM
Parent: #32

إبنى الصادق صديق

أحسنت بهذه الإضافة الجميلة

تحياتى

Post: #33
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: celecon
Date: 03-25-2007, 11:32 AM
Parent: #1

سلام ...

عمر الفاروق .... التحايا ليك ...

تعرف من المشاهدات الرأيتها بأم عينى ولم يحكى لى عنها شخص ....
هنا حيث اتواجد .... رأيت عوائل سودانية فى بعض المحال التجارية
يأتون وبلباس فاضح (للبنات) وبعض السلاسل والحلقات والختم للأولاد
وتجد فى بعض الاحايين الأب وقد وضع يده على خصر الأم وثوبها
الحرير نصفه فى الارض والنصف الاخر يغطى الجزء اليسير وهى بكامل
زينتها من طلح وحناء وعطور سودانية بحته ....

مما سبق اعلاه كيف لفتاة أو شاب نشأ فى مثل هذه البيئة ان يكون
ملتزما اخلاقيا ؟؟؟؟؟؟ كيف للبنت ان تحمى نفسها وهى لم تتعلم
كيفية المحافظة على طهرها منذ نعومة اظافرها نتيجة للتربية الخاطئة
والجرى نحو ثقافات بلاد أخرى شابها من التفكك ما شابها ...

صدقنى فى أغلب الاحيان لا ألوم الابناء أبداً على ما يفعلوا بقدر ما
أصب كل اللوم واشنع انواع السب والشتم لرأس البيت ...

الرجل راع فى بيته ومسئول عن رعيته ،،، فتشوا الخلل وين واحد يجى
يقول ليك الظروف الاقتصادية وآخر يقول ليك شنو ما عارف ... والله بنعرف
ناس ظروفهم الاقتصادية أسوأ ما يكون لكن بناتهم اشرف من الشرف
ولا تستطيع حتى أن تنظر اليها فى وجهها ... التربية فالتربية فالتربية
ثم التربيه الصحيحة هى المخرج من مثل هذه المآزق والخوازيق .....

Post: #37
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 11:43 AM
Parent: #33

celecon

لا أملك إلا أن أشكرك على هذه الإضافة الثمينة

يا عمر إقتنعت؟؟؟؟


Post: #38
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: اسعد الريفى
Date: 03-25-2007, 12:04 PM
Parent: #1

Quote: عندما تتهور بنات المغتربين فى الجامعات وتصل مرحلة الحمل الحرام

الاخ كاتب الموضوع
تناولت قضية ما .. و تداخل فيها الكثيرون
لكن
الا ترى أن العنوان ظلم مئات الالاف من الاسر ..
و أخاف الكثيرين
و زلرع الشك فى نفوس الكثيرين ايضا
الا تستحق مسألة العنوان المثير و المستفز وقفة منكم و من الاخ بكرى أبوبكر
الا يستحق راى القراء و الزوار و المتداخلين الاهتمام
نرجو تغيير العنوان و لنكتب داخل البوست ما شئت
و الا ترى أن ما تكتبه داخل البوست لا يغير شيئا من العنوان ..

أم أن المسألة بقت ( الما عاجبه يغير القناة) و هو كما نعرف شعار المرحلة!!

Post: #39
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: علي محمد علي
Date: 03-25-2007, 12:12 PM
Parent: #38

Quote: عندما تتهور بنات المغتربين فى الجامعات وتصل مرحلة الحمل الحرام

رجل مغترب حاله كحال أى مغترب آخر وصل أبناؤه سن الجامعات ، فأدخل إبنته إلى جامعة موسكو لدراسة الطب ، وقد أمضت ثلاثة سنوات بالتمام والكمال ، وكان كل شىء يسير على ما يرام ، يرسل لها أهلها المصاريف وتكمل العام وتأتى مرة أخرى لزيارة أبويها وأهلها ويقومون بتجديد إقامتها وتأشيرتها ، وتعود وهكذا كانوا فى إنتظار أن تتخرج البنت وتكتمل رسالة الابوين فى منحها أعلى درجات التعليم ،

ولمّا إنقضى العام الثالث ، إلتقت (الشافعة) بشاب سودانى من النوع (الهلفوت) ، فخدع البنت ، ومارس فعلته وأسقط فى يدها وقامت بالزواج منه (عرفيا) لدرء الفضيحة ، وأخبرت أهلها بأنها قد تزوجت ، وقطعت دراستها الجامعية ، وبقيت مع (الهلفوت) حتى اليوم ، أبوها وأمها وأهلها (فرشوا) عليها بإعتبار أن بنتهم (توفت) ، وقطع عنها أبوها المصاريف ، وهى الآن تعانى شلهتة ما بعدها شلهتة فى بلاد الغربة (الجد جد) ، ولا أحد يهتم بها سوى هذا الهلفوت الذى قطعا سيصيبه الضجر منها قريبا ، خصوصا وأنها أصبحت مقطوعة من شجرة

هذه حكاية واقعية تتكرر فى أيامنا هذه بمعدل (كل يوم) فاعتبروا يا أولى الأبصار



بيني وبينك يا زول الهلفوتة البنت الولد لقاها جاهزة ( واكل تورو) زي ما قال سيدى .

Post: #41
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 12:37 PM
Parent: #39

على محمد على

صدقت يا أخى

تحياتى

Post: #40
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 12:35 PM
Parent: #38

الأستاذ أسعد الريفى

يا سيدى العنوان يتحدث عن (بنات المغتربين)

فيها إيه؟؟؟؟

هذه هى مشكلتنا يا أسعد (السكوت والغتغتة) وهى أم المصائب

ولماذا أغير العنوان إذا كانت (بنات المغتربين) يأتون بمثل الذى أتى؟

تحياتى ، وبدون زعل بالله


Post: #42
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: محمد عادل
Date: 03-25-2007, 12:56 PM
Parent: #40

عمى الحبيب هشام
اتحسر لحال الطالبة السودانية عندما نسمع قصة من هذة القصص
نقول فى انفسنا هل هذة الطالبه لديها اب وام هل هى مسوؤلة عن نفسها
كيف بهذة السهولة تقوم هذة الطالبة بان تنجر وراء هذا العمل القبيح
سمعنا هنا فى القاهرة عن قصص ونوادر وحكاوى ليس لها مثيل
فكل يوم ممكن نسمع بفلانة تزوجت عرفى فلانة طلعت مع فلان
فكنا لاندرى هل نكذب ام نصدق
لماذا لايقدرل بعض الطالبات ظروف اهلهن الذين يسهرون الليالى لارسال مصاريف الجامعة والشهر
وارسال التذاكر لماذا
نسال الله ياعم هشام
ان يحفظ الله ابنائنا وبناتنا وجميع المسلمين والمسلمات
فى هذا الزمن اللعين

Post: #43
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 01:08 PM
Parent: #42

محمد عادل

شكرا للإضافة ونسأل الله اللطف والستر وأن يحفظ بناتنا وأولادنا

تحياتى

Post: #44
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ناجى أحمد البشير
Date: 03-25-2007, 01:42 PM
Parent: #43

زى ما قال أحد الاخوان مهما حاولت ان تكون رمزيا فى كتاباتك فلن تنجو منك تلك

الاسرة المقصودة ومن سهامك ..

الا ان اعتذارك الجميل خفف كثيرا من وقع هذه الصدمات على أهلها خصوصا وانت شهدت بانك

تتلقى هذه الاخبار من ضيوفك وضيوف اولادك ..


الموضوع رائع جدا وجميل للغاية ويستحق المتابعه والتحليل والحوار ,,


والمتداخلين يملكون معولات ذلك ..

نأمل ان نبدأ بطرح حلول مقنعه للجميع بعد طرح المشكلة فى قالب عام ..

فعل يكمن الحل فى :-

- أنهاء الاغتراب فى سن معين كما فعل البعض حرصا على ابنائهم وبناتهم -
- البحث عن جامعات فى دول المهجر لابنائهم وبناتهم وفى حالة العدم
- وقف الدراسة مثلا -
- القبول بما تجىء به الاقدار لان التعليم اولى

أما بالنسبة لمسألة التربيه

نحن بحاجة لحوار جاد فى اساليب التربيه الحديثه ومستجداتها , خصوصا وان المقارنه بين

التربية فى الخمسينات والستينات من القرن الماضى وحاضر الايام غير ذات جدوى ولا

مانع .. فكل العوالم المحيطه بنا سواء كان فى بلد الاغتراب او فى بلادنا مختلفه فى

وجود الانترنت والقنوات الفضائيه واساليب التعليم الحديثه والاختلاط فى المدارس وكل

مستجدات الحياة العصريه .. والجميع يعلم بان دور البيت هو 20 % فقط فى تكوين شخصية

الطفل .. والباقى يستجلبه من الشارع و المدرسة و الاصدقاء واجهزة الاعلام المختلفه .

خطوط عريضه امل ان نجد من يفيدنا فيها من اصحاب العلم والخبرة والمعرفة ..

لا زلت اعتقد بان التربيه الان افضل من ذى قبل مقارنه باى اجيال سبقت .. لانها تأتى فى

اطار مؤثرات خارجيه فاعله نشطة وقويه ومباشرة يصعب على الاباء مقاومتها الا بحسن

التصرف وبذل مجهود كبير .. اما فى الماضى فلم تكن معظم تلك المؤثرات موجودات

بل على العكس تماما كانت المؤثرات الخارجيه كلها موجبه لصالح الاب فالعم يربى والشارع

يربى والمدرسة كذلك , والاعلام مشارك فاعل من خلال البرامج الجيده ..

ولنا عودة

Post: #45
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 01:52 PM
Parent: #44

ناجى أحمد البشير

بالله إتغديت بى شنو؟؟؟؟

عارف لأنى حسيت من ردك بى رد زول (شبعان) ومتغدى كويس ، فى حين أنا جيعان ما قادر أجاريك



اشكرك على الإضافة المميزة ، والمرة الجاية بالله اعزمنا معاك غداء


Post: #48
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ناجى أحمد البشير
Date: 03-25-2007, 02:06 PM
Parent: #45

صراحة شيتن عرفتو والباقى لأ

اما وين دى فهو فندق الهوليداى ان مع اولاد المصارين البيض

Post: #49
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 02:10 PM
Parent: #48

شفت بالله نقشتك كيف؟؟؟؟

قلب الوالد


Post: #46
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: Deng
Date: 03-25-2007, 01:53 PM
Parent: #1

Quote: -الغربة في بلاد الكفار.


الواثق الصادق.

أنت وهابي جديد بالبورد ولا شنوا؟

طيب أطالبك بأن تدعوا جميع المسلمين بالخروج من بلاد"الكفار"
خصوصا المسلمين الذين يلقون عذابهم وقتلهم وتشريدهم على يد أخوانهم من المسلمين حول العالم وبلدك السودان أكبر دليل على ذلك.
بعدين شيوعية الاسرة دخلها شنو بي دراسة البت في روسيا؟
أنت تمثل بهذا البورد قمة التخلف والجهل وقد تكون عنصر إرهابي أو مشروع إنتحاري قادم.
مسخ مشوه للشخصية السودانية في عهد الانقاذ.

دينق.

Post: #47
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 02:03 PM
Parent: #46

Deng

شوية شوية على الراجل ياخ


Post: #50
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عاصم ابوبكر حامد
Date: 03-25-2007, 02:46 PM
Parent: #1

الحبيب سليكون
لك التحية

Quote: مغلوب على أمرهم ..... يا عاصم ....


والله فعلا مغضوب على امرهم بالجد ....

العم هشام
اتمنى ان تعرف ان بنات المغتربيين والله هم الكارثة الحقيقية

لانهم اتوا من مجتمعات مغلقة ووجدوا الافتاحية هنا

ان كان عبر الداخليات الخاصة او الداخليات الحكومية ...

واتمنى عندما تزور الخرطوم ان تصل محلى بالخرطوم2 وترى بعينك

واقرب مثال اوزون ..

تسلم

Post: #51
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 03:07 PM
Parent: #50

ربنا يستر يا عاصم

مع تحياتى

Post: #52
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: حيدر حسن ميرغني
Date: 03-25-2007, 03:13 PM
Parent: #50

هشومة

سنوات الدراسة بمصر درسن معنا اخوات فضليات سترن أنفسهن فسترهن الله بالزواج

معلوم ان رأسمال البنت التي تغادر دارها للدراسة بالخارج هو شرفها وشرف اهلها وبالتالي لن تجازف

بذلك إلا من كانت سبئة منذ البداية

في حالة الاخت موضوع البوست اتمنى ان يحتكم اهلها للعقل ويبحثوا عنها ويحتضنوها بدلا من ان

يتركوها تحتضن الضياع

من منا بلا خطيئة

مهما كان الحال فهي ابنتهم

يشهد الله حضرت حادثة مشابهة حاول اخوان البنت قتلها وما كانوا انفسهم بقدوة لها

وعندما علا صوت الاخوان سمع اهل البيت المجاور لهم بالمشكلة وهرعوا لانقاذ الفتاة وكان بينهم شاب

يقرب لهم حضر للتو من الاغتراب .... لا يعرف عن هذه الاسرة اي شيئ

حاول هذا الشاب التوسط في الموضوع لكنهم منعوه فما كان منه الا ان طلبها منهم للزواج بها وكان

له مااراد ويعيشون اليوم في امن وسلام

نسأل الله ان يحفظ بناتنا كلهن في حلهن وترحالهن

Post: #53
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 03:22 PM
Parent: #52

يا الله عليك يا حيدر

قصة مؤثرة جدا ، ويا ليت أهلها فعلوا الصواب

لك منى كثير جدا من التحيات الزاكيات المباركات

تسلم يا (حيدورة) على وزن (هشومة)

ما عرفت ادلعك كيف؟


Post: #58
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: شهاب الفاتح عثمان
Date: 03-25-2007, 04:06 PM
Parent: #52

Quote: [
ابناء المغتربين وبناتهم فى الجامعات الاكثر انضباطا وخلقا وسلوكا وتفوقا , واذا كانت

هنالك نسبة صغيرة من الفالتين فيجب ان لا تكون مقياسا وصفة ملازمة لكل المغتربين ..

يكفى ابناء المغتربين ظلما من وزارة التعليم التى فرقت بينهم وبين نظرائهم فى الداخل

فى الجامعات بفرض الرسوم الدولارية بلا سبب ( نعم بلا سبب ) لان شهاداتهم ان لم تكن قوية

بما فيه الكفاية لما استطاعوا الاستمرار بل التفوق على اقرانهم فى الجامعات ..
]

Post: #60
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: شهاب الفاتح عثمان
Date: 03-25-2007, 04:12 PM
Parent: #58

الطالبة في ثالثة طب يعني فوق 21 سنه الرشد العالمي فان كل ما تفعله عن ارادة تامة.

البعض يخطي و نحن نحب التعميم و المبالغة!.
هناك حاله من تكوين جديد لكل الفئات التفسخ الاخلاقي و الفساد المالي و الاجتناء
على المال العام اوضح معالمها .


Post: #62
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: شهاب الفاتح عثمان
Date: 03-25-2007, 04:19 PM
Parent: #60

لاتزيد في خيط الضوء!.
واصدق حسن نواياك ما دامت لك كريمتان بالخارج .
الضوء الكثيف حتى بحسن
سيحرم بلا شك الكثير من اخواتنا من فرص التعليم

سيحرم اخواتنا من فرص التعليم

د شهاب الفاتح - كوالالمبور

Post: #56
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: bent-elassied
Date: 03-25-2007, 03:45 PM
Parent: #50


يازولyazoalيازول Dear

I would like to thank you for this story, but I am disagree with you to mention only Sudanese women,
because the reality shows that the number of Sudanese men is the most high than to be compared to Sudanese women( who lives in foreigners countries)
Even the numbers of out-side-married relations are greater in Arabic countries than Western countries, due to gender isolation between the tow sexes(man and woman) and focusing on mostly at the sexual ideas and relations(which is banded in the life, is become the most desirable).

lastly, I think the numbers like this case is alot in Sudan( related to deterioration in the socioeconomic and several reasons) and I could not understand why you all times give story like this?????????????????????????? Could you please explain why? I am not
criticize you but I want just to understand

At the last this returning to where and how the human or a person grows up, specially at closed society, this could be happened( as Saudi Arabia), you could see what the Arabic people do, when they come to open society???????????????

Thanks you alot,
Mey

Post: #57
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 03:58 PM
Parent: #56

الأخت مى بت الإسيد

أشكرك على المشاركة معنا فى هذا الأمر ، وأوافقك الرأى أن الرجال السودانيين ايضا يتحملون تبعات أخطاء المجتمع ، بل اكاد أجزم أن الرجال فى كثير من الأحيان هم من يتسببون فى مثل هذه المشاكل ، كما أوافقك الرأى أن هذا الأمر يحدث فى الداخل أيضا ويحدث فى جميع البلدان العربية ولا نزكى على الله أحدا

أما بخصوص تساؤلك لماذا أكتب الكثير من الحكايات عن النساء فى السودان ، فهو يا أختاه (حبى) لهن و (حرصى) عليهن ، حتى لا يقعن ضحايا براثن الرجال ، وحتى تكون هنالك (عبرة) لمن لم تقع فى الخطأ بعد ، وليتفكر الناس فى إيجاد الحلول الناجعة ، ولأن الكتابة عموما تستهوينى وأعشقها

ارجو أن يكون فى ردى ما يكون مفيدا لكى ولغيرك

وتحياتى لكى ولك نساء السودان الشريفات الطاهرات المهذبات ، وليحافظن على هذا الشرف والطهر والتهذيب

شكرا

Post: #61
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: bayan
Date: 03-25-2007, 04:13 PM
Parent: #57

الاخ هشام
سلامات
الكتابات مثل هذه كتابات جائرة جدا في حق الاباء وحق الابناء
ومثل هذه المخاوف تعوق دراسة البنات...

الفرق زمان بندخل الجامعة عمرنا 19 سنة.. بنكون كملنا مراهقتنا بين اهلنا
وعيونم التى لا تطرف.. الان تتبوبر الام بارسال بتها الى المدرسة
عمرها 5 سنة وتدرس البنت وتذهب الى الجامعة عمرها 16 او 15
دابها تبدا مراهقتها ويتلمو فيها الهلافيت ربنا يحفظ البنات...

المستغربة ليها انك ادنت البت ونسيت الولد الهلفوت الزاني
يعني النظرة الشرقية سيطرة عليك ونسيت النظرة الدينية
البتساوي الاثنين ديل في جريمتهم..

على الاباء ان يفكرو في ارسال اطفالهم في سن السادسة او السابعة الى المردسة..
حتى يبتعدو عنهم وهم ناضجين..ولا يقعون لقمة ساهلة
في افواه الهلافيت..
وربنا يحفظ بناتنا وبنات جمبع المسلمين..

Post: #63
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 04:28 PM
Parent: #61

لا يا دكتورة أنا ما أدنت البنت (براها) ولكنى أدنت البت والولد والأهل وكتبت ما كتبت لينتبه الباقون

صدقينى الغرض نبيل يا دكتورة

ورغم ذلك ، أحييك على ردك الجميل كما تعودنا منك دائما يا أصيلة ، وإقتراحك جميل بتعليم الأبناء إبتداء من السابعة ، رغم عدم إمكانية هذا الأمر فالزمن صار متسارعا والأبناء صاروا يتعلمون بشكل أفضل وأسهل من زمان ، فحرام ينتظر الطفل حتى السابعة

ذكرتينى (طهور) الأولاد زمان



تحياتى يا أصيلة

Post: #64
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-25-2007, 04:29 PM
Parent: #63

شهاب الفاتح وصلاح واسبة

اشكركم على إضافاتكم الجميلة

هشام

Post: #65
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يوسف الولى
Date: 03-25-2007, 05:39 PM
Parent: #1

Quote: لكن برضو الخرطوم أرحم من موسكو..

ود حقيقه ... على الاقل الموضوع ما كان وصل لمرحله الحمل

الاخ هشام.....


مشكور على الموضوع القيم جدا
ولكن اراه مبتورا وناقص من حيث الطرح
فالمغتربين بابناءهم وبناتهم لهم عدد مهول من المشاكل... خصوصا المغتربين فى الخليج
حقيقه انت ادرى منى بها ... وليتك تاتى يوما ما وتطرحها للنقاش
لذا فان الموضوع ( فى نظرى ) لا يخرج من الاطار العام للمشاكل
وبخصوص التربيه فان الاهل اصبح اسهامهم منها فقط 20 % اما الباقى فانه ياتى من المدرسه والمجتمع وتلك حقيقه للاسف لايمكن انكارها
لذا فان الاباء والامهات سحب من تحتهم البساط فى تنشئه ابناءهم واصبح الامر متروك للمحيط الخارجى
نحنه الكبار الاتربينا تربيه كويسه عندما خرجنا بره السودان او لنقل محيطنا المحافظ وشاهدنا الانفتاح والحريه المطلقه هنا .... فاحسن واحد فينا امعن النظر جيدا ثم قال استغفر الله العظيم...ومنا من قطف الزهور بينما بقى البعض يغنى انا ما بقطف زهورك بعاين بس باعين بعيونى ....
فما بالك بصغار ومراهقين....
وهنالك راى اخر....
وفيها شنو يعنى البت لو عرست الود دا وحملت منو.... دا ناتج علاقه طبيعيه لمشاعر انسانيه لاتنين فى بلاد غربه وعجم والبرد فيها السنه كلها... وانته هنا ظلمته الولد شديد زول حاول يستر نفسو ويستر البت ويمكن جادى جدا ويمكن كلم اهلو قامو نبزوه وقالو ليهو ها يا شافع عرس شنو العليك شوف قرايتك ... ويمكن طلبها رسمى من اهلا وقام ابوها ضحك وقال ليو يا ولدى امشى كمل البزه وتعال ....
من المؤكد انها فوق ال18 سنه وهى مسؤله قانونيا وراشده فى الاطار الشرعى
ولكن نحنه عاوزين البت تتخرج وتشتغل وتساعد اهلا وبعد شويه تصل لسن التلاتين وفبها تلقى ليها عريس وما تلقى ونحنه بعد داك عاوزنها تعرس عشان تجيب لينا اولاد ....ونسينا انها بى ادم وانسانه ليها غرائز طبيعيه مطلوب اشباعها ....
نظرتنا نظره انانيه ..نلد اولادنا ونكبرهم عشان فى النهايه يريحونا من المسؤليه ونخليهم هم يشيلوها مننا.........
تلقى الواحد عندو عشره اطفال وبعاين للودالكبير او البت الكبيره عشان تكبر سريع وتساعدو فى المسؤليه ....
ما فكر قبل ما يجبهم حيربيهم كيف ...نعم الله كريم لكتن الله برضو عرفوه بالعقل ما شافوه بالعن
هنا فى الغرب عيييب كبيره الواحدهتصل العشرين وتكون لسه عزراء ..... والاسره ما فيها اكثر من ولدين الا نادرا....
وبعد دا كلو احسن من بناتنا واولادنا............... ووصلو القمر وقدمو حضاره للعالم
فى النهايه اكرر يا اخى ييا ريت تضع المشكله فى اطارها الصحيح لانها فقط جزء من مشاكله كبيره
و
تحياتى

Post: #66
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: Tragie Mustafa
Date: 03-25-2007, 07:16 PM
Parent: #65

الاخ هشام

كيفك وشكرا للبوست.

اتفق معك في كثير هنا:


Quote: لا يا سيليكون فبنات المغتربين هم الأكثر إنضباطا رغم وقوع بعض الأخطاء

، فأخطاء الداخل أكبر حسبما يصلنا من معلومات


فقط دعني انبه كل المغتربين,بناتهم مستهدفين اكثر في الداخل لاسباب:

اولا نربي ابنائنا ونحن في الخارج باضطهاد الذين نقيم معهم,ونصور لهم السودان

جنه وشعبنا افضل شعب,ايام مقاومتنا للثقافات التي نكون بها,فيرج ابنائنا للداخل

بتصور وردي عن اخلاق شعبنا,يعني ابنة المغترب مثلا لو كان في سعودي مثلا قال ليها بحبك

بتكون حريصه جدا وما بتصدقه وبتقول عايز يغشني,لما تكون في السودان وشاب سوداني

يقول ليها بحبك بتصدقه وبتفتكره طيب وصادق وتثق به ,وهي لا تعرف انه يفكر بها كانسانه ساذجه

ويسهل غشها.

يبقى نقاء بنات المغتربين هو السبب.

في البلاد الاشتراكيه مؤخرا اغلب احوال الطلاب الماليه سيئه جدا ,والمنح لا تكفي شيئا

,لذا يلجأ البعض لمثل هذه الحيل و العيشه على اكتاف المحبوبه.

اتمنى ان يسافر لها اهلها,ويقفوا معها ويسامحوها,ويستعيدوها كابنة لهم,فالله نفسه

غفور رحيم,ثم انها تزوجت ,قلبي معها.

تراجي.

Post: #70
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-26-2007, 12:17 PM
Parent: #66

تراجى لا تأتى إلا بكل ما هو جميل

ردك أشفى غليلى ، لواقعيته ومصداقيته ، دليل علمك ونزاهتك ونضالك الجميل

أشد يدك مصافحا وشاكرا

هشام

Post: #72
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ناجى أحمد البشير
Date: 03-26-2007, 12:46 PM
Parent: #66

يسلم عقلك وأويد هذا الرأى بشدة ..

فنحن نسامح الابناء , فلماذا لا نغفر للبنات وهم أكثر حوجة لهذا الغفران والرعاية

والتسامح بل وهو أجدى يعيدها الى حظيرة العائلة مرفوعة الراس أمام زوجها وأهله ..

وهو غاية ما تتمناه البنت ..

ومن كان منكم بلا خطيئة فليرمها بحجر

Post: #69
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-26-2007, 12:08 PM
Parent: #65

الأخ يوسف الوالى

الحقيقة لقد توقفت عند ردك كثيرا ، وأعجبت به غاية الإعجاب لأن فيه الكثير من الحقائق وقد لمست فعلا مكان الجرح الذى ما زال ينزف بغزارة ، وأوافقك الرأى فى أن الموضوع يجب أن يأخذ قالبه الصحيح فهو موضوع كبير ومتشعب

وربنا يلطف

وأكرر شكرى الجزيل

Post: #67
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: Ashraf el-Halabi
Date: 03-25-2007, 08:11 PM
Parent: #1

حبيبنا هشام
من وجهة نظري المتواضعة المسألة ما ليها علاقة بأنهن بنات مغتربين إلا من ناحية البيئة الإتربن فيها
البيئة دي ممكن تتوفر حتى في السودان أو أوروبا، وتعتمد على حل كل مشاكل الأبناء وعدم تعريضهم لأي تجارب
البيئة المغلقة دي بتخلي البت (بالذات) عايشة داخل صدفة الوالد والأخوان الذكور
و تنتج إنسانة تجربتها في حل المشاكل التي تقابلها صفر
من ضمن المشاكل دي طبعاً المشاكل الناتجة عن اختلاط الجنسين
الحكاية دي تستمر لغاية عمر تسعتاشر سنة وفجأة البت تلقى نفسها خارج الصَدَفة ومطالبة تتخذ قرارات!!
وهي عمرها ما أخذت قرار حتى في نوع لبسها!!
عندها مفتاح شقة، تطلع وترجع في الوقت البريحها
مافي رقيب على من هن صديقاتها
لاحقا، لها الحق كذلت تختار اصدقئها من الذكور
وعمرها ما سمعت كلمة بحبك فيس تو فيس
وعايزنها تصمد!!
ياخي إنتو حقارين حقارة!!

على فكرة يا هشام
المسألة ما خاصة بالبنات بس
الأولاد الجايين من البيئة دي عندهم برضو مشاكل
لما كنا في الاسكندرية كان بيجوا أولاد المغتربين للدراسة بالأكاديمية البحرية
مقارنة بالقادمين من السودان، كان عدد مقدر منهم ينجرف في تيار الكحول والبنقو والعلاقات النسائية وأهمال الدراسة.

الحل:
يا تستمر حكاية الصدَفة دي من المهد إلى اللحد
يا العقليات دي تتغير وتسمح لأبناءها بمواجهة تجارب من الصغر.

Post: #73
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-26-2007, 12:55 PM
Parent: #67

Ashraf el-Halabi

إضافتك لا شك جيدة وفيها الكثير من المصداقية

أحييك وأشكرك

Post: #68
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ابو تميم
Date: 03-26-2007, 09:11 AM
Parent: #1

Quote: الأولاد الجايين من البيئة دي عندهم برضو مشاكل
لما كنا في الاسكندرية كان بيجوا أولاد المغتربين للدراسة بالأكاديمية البحرية
مقارنة بالقادمين من السودان، كان عدد مقدر منهم ينجرف في تيار الكحول والبنقو والعلاقات النسائية وأهمال الدراسة.




المعلومة دي خاطئة

والمقارنة اكثر خطأ ... فالبنقو والكحول والعلاقات النسائية واهمال الدراسة ما كانت النسبة تزيد لدى اولاد المغتربين كما تقول .... فأنا من دارسي الاكاديمية البحرية واتكلم من معايشة حقيقية لمن تتكلم عنهم

المسألة مالها علاقة بمغترب او قادم من السودان

Post: #74
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-26-2007, 12:59 PM
Parent: #68

أبو تميم

شكرا للمداخلة ونرجو أن نسمع رد الطرف الثانى

تحياتى

Post: #71
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: Mahir Ali Bob
Date: 03-26-2007, 12:28 PM
Parent: #1

ما في حتة في النص كدة؟؟
يعني يا كلهم كويسين يا كلهم كعبين؟
أو هم أكتر إنضباطا يا أكثر إنحلالاً؟
ممكن نصيحة
ما تعمموا الخاص ولا تخصصوا العام
وشكرا





طلال فاروق محجوب

Post: #75
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: nile1
Date: 03-26-2007, 01:03 PM
Parent: #71

الأخ هشام

تحياتي
و...لله درك يانراجي

Quote: فقط دعني انبه كل المغتربين,بناتهم مستهدفين اكثر في الداخل لاسباب:

اولا نربي ابنائنا ونحن في الخارج باضطهاد الذين نقيم معهم,ونصور لهم السودان

جنه وشعبنا افضل شعب,ايام مقاومتنا للثقافات التي نكون بها,فيرج ابنائنا للداخل

بتصور وردي عن اخلاق شعبنا,يعني ابنة المغترب مثلا لو كان في سعودي مثلا قال ليها بحبك

بتكون حريصه جدا وما بتصدقه وبتقول عايز يغشني,لما تكون في السودان وشاب سوداني

يقول ليها بحبك بتصدقه وبتفتكره طيب وصادق وتثق به ,وهي لا تعرف انه يفكر بها كانسانه ساذجه

ويسهل غشها.


فقد وضععت يدك على مكمن الداء..والدواء هنا أن تنتخلي عن نفختنا الكذابة ونواجه أبناءنا بأن مجتمعنا لا يختلف عن أي من المجتمعات الكادحة المحيطة بنا..يجب أن يعرفوا أننا ليس بذلك المجتمع الفاضل..حتي لا نكون أول من جنى عليهم ووضع في أذهانهم صورة وردية تكون نتيجتها إصطدامهم بالواقع عند معايشة المجتمع والأختلاط به...
وأؤمن بل أشدد في التامين على قول تراجي
Quote: فقط دعني انبه كل المغتربين,بناتهم مستهدفين اكثر في الداخل


تحياتي

Post: #77
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-26-2007, 01:09 PM
Parent: #75

nile1

أشكرك على المداخلة الجيدة وتأييدك لما أتت به تراجى

تحياتى

Post: #76
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-26-2007, 01:06 PM
Parent: #71

Mahir Ali Bob

تحياتى

سنعمل وفق النصيحة فنحن أمة وسطى


Post: #78
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ragaa makkawi
Date: 03-26-2007, 01:15 PM
Parent: #71

Dear talal/ mahir

Thanks, great point you make , Sudanese people dont believe in the Grey area
its either black or white
good or bad
arab or non arab
the issue is this though, every one keeps talking about the girl and what she did wrong , i see no reference to her male partner
im thinking all those problems of infidelity can be solved by locking up the men
then women can live in peace without the fear of impregnation everywhere

Raga
a Women studying abroad ALONE

Post: #79
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: Tumadir
Date: 03-26-2007, 01:23 PM
Parent: #78

Quote: ما في حتة في النص كدة؟؟
يعني يا كلهم كويسين يا كلهم كعبين؟
أو هم أكتر إنضباطا يا أكثر إنحلالاً؟
ممكن نصيحة
ما تعمموا الخاص ولا تخصصوا العام
وشكرا



لا واضح انه هشام لبس العمة أثر عليه..اى موضوع يعممو ..وأى قضية يعممها

زمان سمعت لى مرة صاحبة أمى حكيييمة كده قالت: انا عندى البنات ..ما بشنف البنات، البنات كلهن واحد


أها ياود أمى انت عندك البنات ...ما تشنف البنات

وأرخى شوية ...مليت البورد "عمم"......وتعميييييييم

مع محبتى الدائمة.


Post: #80
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-26-2007, 01:35 PM
Parent: #79

رجاء مكاوى

شكرا للمداخلة



تماضر أختى

فعلا لبس العمة بخلى الزول (يعمم) الحاجات

يا تماضر هى ما مسألة (شناف البنات) بقدر ما حبيت أقول للناس (خلو بالكم من بناتكم)

آدى القصة

وبركة الشفتك طيبة


Post: #83
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ناجى أحمد البشير
Date: 03-26-2007, 02:38 PM
Parent: #78

DEAR RAGA

SHOULD NOT FORGET WHEN GIRLS MAKE LOVE SHE LOSE SOMTHING WHILE BOYS LOSING NOTHING .. BY REPEATING SHE LSOES EVERING THING WHILE HE IS STILL LOSING NOTHING.

SORRY BUT IT S AFACT AND PART OF OUR CULTURE.WHICH IS NOT EASY TO SKIP OR CHANGE IT.
BUT STILL INSIST THAT IF WE ARE FORGIVING BOY, WE MUST ALSO FORGIVE THE GIRLS.

Post: #84
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ragaa makkawi
Date: 03-26-2007, 06:22 PM
Parent: #83

Dear NAGY

first i would like to make it clear that i understand the traditions we come from very clearly
however i dont agree with them when you say that women lose somethings while men dont
are u speaking of virginity ? it does apply to men in the same way it dose to women although cultural tradition dont emphasis on the male loosing his under the cover of "masculinity" , and whether we can or cant change such cultural inequality depends on humans , that means adultury should come in the same level with stealing, lying, 3goog alwaledin , not committed because of fear from god and since we all are judged the same yoom algiama the same kind of punishments should apply on earth


Raga

Post: #81
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: Mahir Ali Bob
Date: 03-26-2007, 02:02 PM
Parent: #1

Dear raga,
First of all good luck in your studies alone abroad, the point of keeping the woman a way from the male was not clear for me,
By the other hand we need to look in what the males doing abroad also to be judges fairly and to at least create within our selves an environment to the gender equality, in judgment!!!!

يا أخواننا ما في زوب لابس ليه خوصة عشان يخصص الخاص (ما يخصخص)
هشام حايعمم بالعمة

ودمتم
طلال

Post: #82
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-26-2007, 02:07 PM
Parent: #81

خوصة


Post: #85
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ragaa makkawi
Date: 03-26-2007, 06:32 PM
Parent: #81

Dear Talal:

Thanks, i was being sarcastic , i am referring to the old tradition of locking up one of species ( women of course) since the beginning of time,
what i mean is that most women go to school nowadays ( i used education here because of its importance although there are many other reasons good enough for a girl to be outside her home) that didnt happen several generations ago, girls werent allowed outside their homes im thinking the reason was to keep them and their virginity away from males until the right male came along

so its a theory , what kind of benifit would we have ?(women) if men were locked away for a couple of centuries ( i dont want to be harsh and say they should be locked up the equivalent amount of time) what would women accomplish outside while men are waiting at home , i doubt they will start wars

Raga

Post: #86
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عكسو
Date: 03-26-2007, 09:17 PM
Parent: #1

عمنا وحبييبنايازول يازول

كلامك صاااااااح بس نحن في الزمن دا بقينامابنقبل النصائح بعدين عمرالفاروق دا مع احترامي ليه بتاع مشكسات وبس بعدين تعالوا ياناس
البورت الغريب في الكلام دا شنو ماهو الزواج العرفي بالكوم في السودان والله بقي ذي وكالات السفر ليه مكان مخصص وبعدين البنات ديل زهجوا من البورا وعرس مافي يعني يعملوا شنوا ؟؟؟

مفروض نناقش الموضوع بجدية شديدة والرجل ذكر قصة سمعا وقصص كثيرا وكمان بقي في زواج المسيار وزواج المتعة ودا كلوا بيصب في مصلحة القنوات ومسلسلات
.

Post: #91
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-27-2007, 09:54 AM
Parent: #86

الإبن الحبيب عكسو

سررت للغاية من مداخلتك الصادقة

تحياتى

Post: #87
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عاصم ابوبكر حامد
Date: 03-26-2007, 10:05 PM
Parent: #1

عم هاشم
ليلتك باسطة ...

دعنا نبدا قليلا..
اولا هذا حال بنات المغتربيين فى السودان ...

هذا مثال لوحدة مزوجة ممكن تكون بالصورة دى



اما الطالبات بتاعت الجامعات
خليها ساى



من الاخ نمصدق طبعا الصور دى

المهم عندما تزور السودان اعرج على فى مكتبى بالخرطوم 2 وتشوف الويل براك
لان قدامى طوالى اوزون ..

يعنى البلاوى تجى لحدى عندك ...

تسلم

Post: #88
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: yasir Abdelgadir
Date: 03-26-2007, 11:54 PM
Parent: #87

الاخ هشام والاخوة المتداخلون..لكم التحية

عايز استدل بحادثة حدثت لي ولها علاقة بالموضوع...خاصة حديث الاخت رجاء..

ذات صباح في العام الفين واتنين وانا اركب المترو متوجها للجامعة ببروكسل...جلست وامامي ثلاث فتيات..حقيقة في الاول لم اهتم لاني كنت متأخر وعايز اصل بسرعة...ولم انتبه الي ان من بينهن سمراء لان ذلك كان عاديا....لفتت انتباهي احداهن وكانت بلجيكية بيضاء..وسألتني من اي الدول انت...اجبتها في اقتضاب...من افريقيا ..لا السودان غير معروف كتير في بلجيكا وحأادخل في س وج تانية انا في غني عنها....سألتني بألحاح وغيرت اللغة من هولندية لانجليزية ظنا منها انني لا اجيد الهولندية...اجبتها بأنني من السودان..وعندئذ صاحت في صديقتها : الم اقل لك...فقط لاحظت لصديقتها ووجدتها تشبهنا تماما...قالت لي البلجيكية صديقتي والدها من السودان وهي تشيكية....سألتها من وين في السودان فأجابت بأنها لاتعلم..كل ماتعلمه ان والدها حضر الي براغ قبل عشرين عاما ليدرس الطب...وصادق امها اثناء الدراسة..وعندما اخبرته بأنها حامل منه اختفي عن انظارها الي ان تخرج وسافر...وهي البنت لم تره ولاتعلم عنه شيئا وسألت كثيرا ولكن لم تستدل...

علمت ان معظم الطلبة السودانيين الذين درسوا في اوربا الشرقية لديهم نفس السيناريو...هل هم ايضا ابناء مغتربين ياهشام..ام لأنهم رجال وماحيفقدوا حاجة زي ماقال الاخ العزيز ناجي....العلة ليست في الاغتراب بالرغم من مشاكله الكتيرة...

اؤيد اخي وصديقي اسعد الريفي

تحياتي

Post: #89
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ragaa makkawi
Date: 03-27-2007, 00:44 AM
Parent: #88

Yassir

thanks, thoughtful insight

im starting to get the notion of the unconsciousness pre -hatred

the " youre a women" phrase, or " a womens place is always in the wrong"

its like the whole world cant forgive us for being born females

in the past they solved it by burying the girls alive , now they do the same in a different manner

Raga

Post: #90
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: محمد عادل
Date: 03-27-2007, 01:48 AM

عمى الحبيب
كثرت القصص عن بنات المغتربين فى الخرطوم
اتذكر خلال اجازتى الاخيرة فى السودان نشر تقرير فى صحيفة الوطن
بان هناك داخلية للبنات عدد الحوامل بها 205 طالبة
وعاد نشر التقرير فى صحيفة الصحافة بنفس الارقام حتى دكتور محى الدين الجميعابى رئيس منظمة انا السودان
قالها بان الملاجى تستقبل شهريا حوالى 70طفل معدومى الهوية

Post: #94
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-27-2007, 10:14 AM
Parent: #90

محمد عادل

معقولة؟؟؟؟

يا محمد هذه إحصائيات مزعجة للغاية (لو كانت كما ذكرت)

يا الله .....

Post: #97
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: yasir Abdelgadir
Date: 03-27-2007, 01:39 PM

Ragaa
thanks for ur words, luckly thoughts are changing now, I have seen good sambles of sudanese girls studying in eurobe some of them finished already and left good impressions, and now they have good positions in Sudan, so it depends on the family and other factors, not mainly emigration or migration as Hisham said,

good luck

Post: #93
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-27-2007, 10:09 AM
Parent: #88

yasir Abdelgadir

يا الله ....

يا أخى ما ذكرته هنا ، هو فعلا قصة مؤثرة ، فهذه البنت التى إلتقتك هى فعلا بت سودانية ولكنها لا تعرف عن أهلها ولا عن أبوها ولا السودان شىء ،

كيف يعيش بالله أبو هذه البنت؟؟؟؟ هل يوجد لديه ضمير وإحساس ووازع مثل بقية البشر؟؟؟

هيمنة الرجل فى المجتمع الشرقى بهذا الشكل المريع فعلا مدعاة للقلق ، وكما ذكرت بنتنا التى تداخلت معك كيف التحرر من هذه العقلية الذكورية التى تدفن المرأة حية ، حتى فى هذا الزمن ، ولكن بأشكال جديدة

ربنا يلطف بالنساء فى كل الدنيا فهم ضعيفات ومغلوب على أمرهم

تحياتى يا ياسر

Post: #98
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: yasir Abdelgadir
Date: 03-27-2007, 01:41 PM
Parent: #93

شكرا ياهشام
اراك تتفق معي ان المسألة ليست مرتبطة بأغتراب من عدمه انما مجموعة عوامل و للاسرة دور كبيرفي التنشئة سواء للبنت او للولد

تحياتي وربنا يحفظ

Post: #99
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-27-2007, 01:54 PM
Parent: #98

تمام يا ياسر أتفق معك 100%

تحياتى ليك وللأخت رجاء مكاوى

Post: #92
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-27-2007, 09:59 AM
Parent: #87

الأخ عاصم أبوبكر حامد

شكرا على إضافة الكاريكاتيرات المعبرة ، وضرورى من زيارتك على الطبيعة فى الخرطوم ، فقط أرسل رقم هاتفك عبر الماسنجر الداخلى وعشان أريحك هاك اليوزر نيم:

يازولyazoalيازول

cut and paste


Post: #95
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: نوسة
Date: 03-27-2007, 10:15 AM
Parent: #92

أخى يا زول !!

Quote: عندما تتهور بنات المغتربين فى الجامعات وتصل مرحلة الحمل الحرام


ياخى العنوان دة يخلع ؟؟ لييه كدة ؟؟ و إنت بعنوانك دة بس قاصد المغتربين؟؟ ما هىالقصة دى ممكن تحصل مع أى بت جاية من السودان،، و تلقى ليها زول على غربتها دي يديها حنك حنكين و "تفك" !!!

ربنا يغطى بناتنا من "أولاد الحرام" ....

Post: #96
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-27-2007, 10:29 AM
Parent: #95

نوسة

نأسف (للخلعة) ... ماكانش القصد

ونقول معاك الله يغطى عليهن



تحياتى

Post: #100
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: محمد عادل
Date: 03-27-2007, 09:57 PM
Parent: #96

up

Post: #103
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: SAMIR IBRAHIM
Date: 03-28-2007, 01:02 AM
Parent: #100

الاخ الفاضل الشفيف يا زول يا زول ...

ان الله لا يحب الذين يشيعون الفاحشه بين الناس .............

مثل هذه الامور حتي اذا تمت يجب تناولها بصوره لا تصدم المجتمع والناس ...... ولكل مقام مقال ... مع احترامي الشديد واعجابي بالاخ الفاضل صاحب البوست ... اري ان الطريقه التي تناول بها الموضوع القصد منها الصدمه اكثر من الاصلاح ...... وليس كل بنات المغتربين سيئات .... بل يوجد فيهن الصحابيات الجليلات ...

والحمد لله ... ان هذه الامور لم تصل الي الظاهر ... والقومه ليكم والتحيه والتقدير ..

Post: #106
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: Asma Abdel Halim
Date: 03-28-2007, 08:04 AM
Parent: #103

يا زول
تحياتى!

المسألة العايزة علاج هى المجتمعات الماعيزة تغير خزانة شرفها دى. الشرف الراقد بين أرجل النسوان ده أقترح تحويله لما بين أرجل الرجال، ليه؟ لأنه الرجال ديل هم رواد وقواد المجتمع بعدين النسوان ديل نقصات عقل ودين أحسن نخسر وقتنافى تربية الأولادلأنهم تامين عقل ودين وتربيتهم ساهلة. أول ما تجى الهلفوتة كايسة ليهاحمل حرام يقوم الولد المتربى يستعيذ بالله من شرور نفسه ويرجعها محل جات. وكان الله هداها واتنازلت من البوبار والمهر يعرسها.
ثم إذ ربينا الولد كويس كل شى حسيتعدل وكل البنات الهلافيت ديل كيكونوا تحت السيطرةالكاملة للرجال. بس عندنا مشكلة واحدة الرجال ديل نفوسهم ضعيفة لدرجة أنه الواحد إذا ما غطوا منه المرأة من راسها لى كرعيها ما بقدر يعمل أى حاجة يعنى لو عايزنو يقرا مواد التربية دى ساكت لازم نفصل منه النسوان ونمنعهن المرقة والدخلة ونصك عليهن الأبواب. لكن كله يهون فى سبيل الولد الأصله مابجيب عار مهما عمل، سمعتوا ليكم بى راجل حامل؟ وكان سجنوه فى مخدرات واللا غيره السجن ياهو حق الرجال ولما يتوب ويستغفر الفرحة والكرامات والحب الشديد من نصيبه لكن البنت البتدخل السجن مهما كان السبب حتى ولو كانت بريئة دى ممكن تتوب أو تدخل المجتمع ثانى؟؟
خلونانركز على الأولاد فهم أقيم واللا كيف يا أخوانا

Post: #128
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-31-2007, 09:36 AM
Parent: #106

Asma Abdel Halim

الأخت أسماء (كلامك حيرنى)

كده إنتى بتنادى بتغيير التركيبة الإجتماعية كلها وإلغاء (القوامة)

نعم يا أسماء البنت فى المجتمع الشرقى عموما (مظلومة) دون الحاجة (لدرس عصر) لمعرفة هذا الأمر ، ويزداد الطين بلة عند حدوث الخطأ الذى يتسبب فيه الرجل وتأتى كل التبعات وتقع على كاهل البنت الصغيرة المظلومة

المعادلة صعبة شديد ، وأوافقك على رايك تماما (عدا حكاية أنو الولد أقيم من البنت) فكلاهما فى ميزان البنوة (واحد) ، والحل سيكون مستعصى جدا فى هذه الحالة ،

ولاّ شنو؟؟؟؟


Post: #107
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عشة بت فاطنة
Date: 03-28-2007, 08:14 AM
Parent: #103

هذا البوست فعلا وكما زكرت الاخت رجاء ينضح بعقلية ذكورية بصورة مزعجة ،على الرغم من ان الواحد طول من البورد وقرف من من تلك العقليات المسطحة( كمان جابت ليها كركتيرات ) ولكن هذا البوست حرقني جدا ، اولا لاني من أمهات هؤلاء الطالبات الشايلين حالن بهذه الهجمة الشنيعة وثانيا لاني أهتم وارصد كل الافكار الذكورية التي تنهش في جسد المرأة وتربي الذكور على اساس أنهم مهما فعلوا وكذبو ا فذنبهم مغفور ، لماذا لا يكون الخطاب موجها للبت والولد بنفس المستوى ، رغم أن الفتاة تتعرض لضغوط ونصب شراك وحديث معسول حتى تصير ضحية مرتين وتجرم وهذا البوست اصدق مثل لتجريم الضحية ، لماذا لا تحاسبون الشاب حين يهرب من نطفته ويتركها مهبا للرياح سودانية الاب الذي لا تعرفه لعمرى انها اكبر فضيحة وعدم رجولة لهذا الاب الذي حمل(بكسر الميم ) بالحرام ثم هرب ، ولا الرجل ما عندو شرف وفقط شرفه هو ان يخترق بنات الناس بمسدساته وفي النهاية غلطاته مغفورة كذب ونفاق وتملص من المسؤليه اهذا هو الشر ف والرجولة ؟؟؟ واذا كانت المسألة مقارنة بين البنت والولد اعملوا احصائية عن الالتزام والنجاح بين الطلبة والطالبات في المهجر ستجدون ان الفتاة اكثر التزاما وتفوقا ؟؟
واسأل الجميع اليس لديكم أخوات وزوجات وبنات في سن هؤلاء البنات الاتي تعممون الرزيلة باسمهمن ؟؟
ومسألة الانفلات الاخلاقي بتحصل في كل المجتمعات ، ابتداءا من القرية والحي والمدينة والعاصمة ومنذ القدم ؟؟ والضحية دائما والتي تقتل وتسمم وتنهش بالالسن هي الفتاة والبطل هو السائب الغير محاسب لانه رجل وهذه هي الرجولة ان يخون ويكذب ويحمل ويحمل باسم اجمل العواطف باسم الحب وينجو بجلده لانه ذكر بئس الرجولة الكاذبة !!!!

Post: #129
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-31-2007, 09:44 AM
Parent: #107

الأخت العزيزة / عشة بت فاطنة

تحياتى

نأسف لو تسبب البوست فى كل هذه (الحرقة) بضم الخاء

أنا أيضا يا عشة أب لبنات مغتربات ويدرسون فى الجامعات

يا عشة القصد من البوست أن يحذر الآباء وتحذر الأمهات من وقوع بناتهم فى الخطأ قبل حدوثه ولا ينفع بعدها ندم ولا يحزنون

يا عشة قد أكون غير موفق فى وضع العنوان بهذه الطريقة المستفزة ، ولكن هذا لا يعنى إلغاء المشكلة أو عدم وجودها

يا عشة (راجعى) القصة الأساسية ، وستجدين ما رميت له تماما والهدف الأساسى هو التنبيه قبل أن يقع المحذور

دى كل القصة

تحياتى لمشاركاتك النارية

Post: #127
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-31-2007, 09:28 AM
Parent: #103

الأستاذ سمير إبراهيم

وينك يا راجل؟؟؟ ليك وحشة

يا سمير والله لم أقصد الصدمة بل قصدت الإصلاح ، ولكن ربما لم أكن موفقا فى العنوان الذى (عمم) الشغلانة كلها ، علما أنى مغترب ولى بنتان يدرسان فى الجامعات فى الخارج تماما مثل أبطال القصة ،

يا جماعة أنا قصدت أن يهتم الآباء بأبنائهم وبناتهم بشكل مكثف وبالتربية الصحيحة قبل الخروج من الديار

تحياتى يا سمير

Post: #109
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عشة بت فاطنة
Date: 03-28-2007, 09:18 AM
Parent: #87

Quote: من الاخ نمصدق طبعا الصور دى

المهم عندما تزور السودان اعرج على فى مكتبى بالخرطوم 2 وتشوف الويل براك
لان قدامى طوالى اوزون ..

يعنى البلاوى تجى لحدى عندك ...

تسلم


بالله في عنف اكتر من كدا !!
خلاس الولد قشرة وبنات المغتربين ميتات وراه ، انا افتكر دا وهم !!!
اكيد لو ما فتحت مكتبك للاوزان التقيلة بالخفة ومعسول الكلام ، ما كانت جاتك
هذه الاوزان وصلتك ، وانا صراحة ما قادرة اقول دا غرور و لا خفة عقل !!
وأوجه حديثي الى بناتي الطالبات ان ياخدن حذرن من مثل هذا النوع من البشر افتح ليك بابو او اي شي وبعد أن تنصرفي يرميك بسهامه ، حزينة حزينة والله لدرحة الغثيان !!
وكمان يدعو من يريد ليتفرج أو يحمل معه هذه الاثقال ؟ يا سبحان الله يا سبحان الله لكن الله يا بناتي من متل هذه رجالة !!

Post: #105
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: mamkouna
Date: 03-28-2007, 07:37 AM
Parent: #1

Quote: ولا أحد يهتم بها سوى هذا الهلفوت


سؤال يا حاج هشام..
ليه وصفت الولد دا بإنو هلفوت ؟؟؟
ما هي مواصفات *الهلفتة* عندك ؟؟؟

Post: #130
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-31-2007, 09:52 AM
Parent: #105

mamkouna

من سياق القصة التى سمعتها ونقلتها بحذافيرها ، إتضح لى جليا أن هذا الولد مجرد (هلفوت)

وربما أكون مخطئا فى هذا التصنيف ، يمكن أن تعطينى وصفا أبلغ إذا سمحتى

تحياتى

Post: #108
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ابو تميم
Date: 03-28-2007, 08:50 AM
Parent: #1

Quote: سؤال يا حاج هشام..
ليه وصفت الولد دا بإنو هلفوت ؟؟؟
ما هي مواصفات *الهلفتة* عندك ؟؟؟




سؤال وجيــــــــــــــه

Post: #112
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: بابكر عثمان مكي
Date: 03-28-2007, 10:23 AM
Parent: #108

الاخ هشام تحياتى


ربما السبب يكمن فى السطحية التى تتمتع بها كل بنات المغتربين وبالمقابل اهمال البنين للقيم النبيلة ومفاهيم الرجولة وحفظ الاعراض وستر العورات .. الى آخره من قيمنا التى أكلها الدودو فى
انقلاب يونيو .

درست معهن فى الجامعة ، مهذبات وبريئات ولايعلمن مايدور حولهن من خبث لذلك يسهل استغلالهن لابعد درجة ، فيهن من لايعرف ابعد من حدود الخرطوم ، متدينات خصوصا" القادمات من السعودية حافظات للقرآن أكثر ويحرصن على الصلوات ، بنات أسر وفيهن خصال كريمة ولاتجذبهن السياسة ونشاطها بالجامعة .

ثم يتبدل الحال حسب عمق القاعدة الأخلاقية فى التربية وحسب اصرار الذئاب على الافتراس

هناك ذئاب فى المجتمع السودانى كثيرة تمرح وتلعب ولايهمها لا عرض ناس ولا شرف ، الغريب ان ذلك اصبح صفة ملتصقة بالمراهقة الطلابية للبنين بالتحديد التى صارت تمتد الى مابعد التخرج من الجامعة لا اعرف لماذا فى السودان تمتد مراهقة الولد الى ابعد من زمنها الطبيعى هذا لعمرى مرهون على خلل واضح فى التربية الاسرية فى السودان ، لا يزال قنص الطالب لزميلته فى اروقة الجامعة واوكارها والاستمتاع بتقبيلها جزء لايتجزء من ثقافة الافتخار ومبعث للنشوى الذكورية والانتصار المزيف .

صدقنى اخ هشام ذلك الهلفوت نهل من نفس البركة الآسنة لتربية الاسرية المشوهة وارتحل بها الى عوالم اباحية اكثر وهناك وجد ضالته خارج قطيعها فعادت اليه طبيعة ابن آوى الذكورية السودانية المستبدة .



بابكر زيكو

Post: #119
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ragaa makkawi
Date: 03-28-2007, 03:06 PM
Parent: #112

ربما السبب يكمن فى السطحية التى تتمتع بها كل بنات المغتربين وبالمقابل اهمال البنين للقيم النبيلة ومفاهيم الرجولة


!!!!!!!!!!!!!!!!!!!!!!!!!!!!!!



Raga

Post: #144
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: بابكر عثمان مكي
Date: 03-31-2007, 03:19 PM
Parent: #119

Quote: ربما السبب يكمن فى السطحية التى تتمتع بها كل بنات المغتربين وبالمقابل اهمال البنين للقيم النبيلة ومفاهيم الرجولة


!!!!!!!!!!!!!!!!!!!!!!!!!!!!!!



الاخت رجاء تحية طيبة
ان ازحت نظاراتك الليلية قليلا الى اعلى مدارج حسن الظن فسيوضح لك التحليل
فشمس كلامى وضح النهار والظل ظليل ، فقط انت تقفين فى الركن الذى لايشمل الرؤيا

لذا تتعجبين !!!!


لك ودى واحترامى

بابكر زيكو

Post: #133
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-31-2007, 10:07 AM
Parent: #112

بابكر عثمان مكى

أشكرك على إضافتك الشاملة والحقيقية والواضحة

يا بابكر لعله كان من الأنسب لى أن أكتب العنوان كما كتبت أنت ، ليكون:

Quote: طبيعة ابن آوى الذكورية السودانية المستبدة




تحياتى

Post: #132
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-31-2007, 09:57 AM
Parent: #108

ابو تميم

راجع ردى أعلاه

Post: #110
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: celecon
Date: 03-28-2007, 09:47 AM
Parent: #1

هشام ... تجيب الهواء وتزوغ ....
بت فاطنة .. ربنا قال (ان كيدهن عظيم) ...
يعنى لو الطالبة او الطالب المشو يقروا بعيد من اهلهم كانوا
ملتزمين ما اظن فى شئ ممكن يؤثر عليهم وبرضوا بنرجع
للكلام القلنا من أول .. التربية الصحيحة هى المخرج من
الخوازييييييييق والبكاء المتأخر على ما ضاع ..!!!

Post: #111
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: على عجب
Date: 03-28-2007, 10:08 AM
Parent: #110

الغريبة انه الولد في الرواية دي مجرد هلفوت
مافي مشكلة.
لكن البت هي المصيبة!.
...
يعني المسالة ما مسالة مخالفة للشريعة الاسلامية
او المسيحية او اي فكرة دينية , الفكرة انو البت
حملت , والبت حملت دي مشكلة البت بس ما مشكلة الولد!.

حكاية العيب والعار كلها تتحملها البت ويستمر التاكيد
علي انه الولد ماعمل حاجة غلط ومافي خوف عليه انه في
الغربة ممكن يحمل ليه بت ناس يعني شنو كان عملها.

شفت فكرة المراة عندكم معيار للعيب والمصيبة , انتو فرقكم
من الناس الكان بدفنو البنات البتقولوا عنهم ناس الجاهلية شنو .
ما انتو عايزين تدفنوها اسي في السودان والبيت عشان ماتجيب العار
والولد ما بجيب العار لانه ولد , يعني مسالة ولد يزني بنات الناس
ما سبب يخلي انه يسافر بي محرم لكن البت تسافر بي محرم بمعني خفير
اخلاقي .

يا عم هشام المواضيع البتفتكرو انها عفوية وبتاعة اولاد بلد دي
تحتاج لتعمق وتفكير وممكن تشوف انك فتحت شهية كتير من المتسرعين
لاصدار الاحكام بالجملة.
وطوالي اول فكرة المغتربين
ونسوان المغتربين
وبنات المغتربين
دي حسادة والله شنمو وفيها الكتير من عدم الموضوعية. والمغتربين
بعرفوا احسن منكم واي زول يمرق من السودان
ده دقيقة بعرف اكتر وبشوف اكتر.

Post: #113
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: Asma Abdel Halim
Date: 03-28-2007, 01:17 PM
Parent: #111

Celecon salam
أولا تحر الدقة فى نقل الأيات لم يقل " ربنا (ان كيدهن عظيم" الآية هى " فَلَمَّا رَءَا قَمِيصَهُ قُدَّ مِن دُبُر قَالَ إِنَّهُ مِن كيدكن إن كيدكن عظيم"
الكلمات جرت على لسان الشاهد.
والكيد ليست صفة موقوفة على النساء ولا الكيد القائل به ذلك الرجل الحكيم صفة أنثوية فقد نسبها القرآن للكل كما انه جل جلاله قادر على الكيد كما جاء فى قوله تعالى فى سورة الطارق "إِنَّهم يَكِيدُونَ كَيدا وَأَكِيدُ كَيدا"

Post: #114
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عاصم ابوبكر حامد
Date: 03-28-2007, 01:25 PM
Parent: #113

الاخت سلمى
كيفك

قلتى
Quote: Celecon salam


سليكون خفف رجلك وبل راسك ...


كلام يحير

Post: #115
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: محمد عادل
Date: 03-28-2007, 01:50 PM
Parent: #114

Quote: وليس كل بنات المغتربين سيئات .... بل يوجد فيهن الصحابيات الجليلات ...

الحبيب سمير
لم يقصد العم هشام الاساءة الى فتاة او الى الى اسرة معينة بل هذة الااشياءموجودة فى مجتمعنا
والعم هشام لديها بنتين فى الغربة بدرسون

Post: #116
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عشة بت فاطنة
Date: 03-28-2007, 01:54 PM
Parent: #114

Quote: بت فاطنة .. ربنا قال (ان كيدهن عظيم) ...
يعنى لو الطالبة او الطالب المشو يقروا بعيد من اهلهم كانوا
ملتزمين ما اظن فى شئ ممكن يؤثر عليهم وبرضوا بنرجع
للكلام القلنا من أول .. التربية الصحيحة هى المخرج من
الخوازييييييييق والبكاء المتأخر على ما ضاع ..!!!


منو الكيدهن عظيم نحنا ولا بناتنا ؟؟
والحمد لله الواحدة من بناتنا عقلها اكبر من بلد
وما حاقدر اقيسن باي هلفوت من الشارع متربيات وعينهن ملانة
وبلة الراس ما لينا نحن شوفوا الببل راسو والفي راسو ريشة ؟؟

Post: #117
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: bayan
Date: 03-28-2007, 02:14 PM
Parent: #116

Quote: بان هناك داخلية للبنات عدد الحوامل بها 205 طالبة


بتاع جردية الوطن كضاب
اتحداه يجب اي داخلية في السودام فيها العدد دا من البنات,,
لانه لو 205 ديل حيكونن من كم بت
وريني داخلية واحدة ممكن تشيل الكم البحلمو منهن 205
يا ناس خافو ربكم
ذي ما قاليك على عجب المواضيع الذي تتناقش بالاحصاءات
موش شمارات..

بنات السودان بخير..

Post: #118
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: محمد عادل
Date: 03-28-2007, 02:19 PM
Parent: #117

الدكتورة الفاضلة بيان
باحترامى لكى
لتكذبى الاستاذ سيداحمد الخليفة
فانا لاشك فى مصداقيتة
وقد اعيد نشر التقرير فى صحيفة الصحافة
ممكن نسال الاستاذ الطاهر ساتى
ياستاذة السودان رحمة الله
اصبح بورة للفساد خلال اجازتى الاخيرة فى السودان
سمعنا قصص يغفل الاضان منها
ورينا بعيوننا كيف حال السودان
لقد اصبح المرء يخاف على من هم اقرب الية من هذا الحال
فيادكتورة نحن لانبالغ

Post: #120
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عشة بت فاطنة
Date: 03-28-2007, 08:43 PM
Parent: #117

Quote: بتاع جردية الوطن كضاب
اتحداه يجب اي داخلية في السودام فيها العدد دا من البنات,,
لانه لو 205 ديل حيكونن من كم بت


الكلام يا نجاة ضحك على العقول ما أكثر !!!
وبعدين ديل حكومتهم على اعلامهم بياكلوا
كضب وبشربوا كدب واتو عن طريق اللصوصية والكذب
، بس لكن الكدب حبلو قصير !!

Post: #121
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: محمد عادل
Date: 03-28-2007, 08:56 PM
Parent: #120

الاستاذة عشة
ليس كذب ولابهتان
اذهبى الى ارض الوطن واسمعى القصص وارى بعينك واحكمى فقط ليس الا
خرج تقرير من ادارة امن المجتمع يقول بان
عدد الشقق المفروشه فى الخرطوم التى تمارس بها الدعارة حو الى الف شقة
500فى الخرطوم و300 فى بحرى و200فى امدرمان
وجميع رواد هذة الشقق المفروشة طلبة وطالبات الشهادة العربية
والاجانب وبعض من المواطنين

Post: #134
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-31-2007, 10:35 AM
Parent: #111

على عجب

أشكرك على الرد الضافى الجميل

والظاهر أن الشغلانة حسادة وكده



نعم الموضوع شائك ومعقد ، وما كان يجب تعميمه

تحياتى

Post: #122
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: celecon
Date: 03-28-2007, 08:56 PM
Parent: #1

Quote: منو الكيدهن عظيم نحنا ولا بناتنا ؟؟
والحمد لله الواحدة من بناتنا عقلها اكبر من بلد
وما حاقدر اقيسن باي هلفوت من الشارع متربيات وعينهن ملانة
وبلة الراس ما لينا نحن شوفوا الببل راسو والفي راسو ريشة ؟؟


الاخت عشة ,
ليك تحية ...
الكيدهن عظيم ديل النساء بصورة عامه وده فى القرآن ...
ياريت لو كل البنات عقلهن يوزن بلد ... ما كان سمعنا القصص
الموجوده فى المنتدى :
انقلبت الآية.....البنــــات يغازلن ويطاردن الرجــــال !!!!!!!!!!!!!
خرافة ( البت النضيفة ) فى ( المجازفة برة برة ) !
يبقى ياستى العملية مشتركة .. ولكن مادام التربية كانت ما صحيحة
كيف ح تكون اخلاقيات الابناء ....
يا أخوانا عليكم الله خليكم واقعيين وماتعيشوا فى دنيا الخيال .. انا برضو
درست بره وشفت كيف الطالح والصالح من فتيات السودان بالخارج ...
والله فى نوع ما بتقدر تقول ليها ازيك من شدة ماهى محترمة فى كلامها
ولبسها وتعاملها .. وفى نوع لا ترغب حتى بأن يجمعكم بلد واحد...

Post: #123
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: ensana
Date: 03-28-2007, 09:59 PM
Parent: #122

في راي من طبع الانسان انه يحب ان يرى من حوله سىء لكي يكتشف او يحس او يتخيل انه انسان جيد...و طبعا دا طبع سىء...و السبب انه طريقة التفكير بتكون غير موضوعية...و فقط بتكون حكم على النتائج و غير ابداء رغبة حقيقية في معرفة الاسباب...و دا بسبب السلبية و الانانية في رؤية الامور

في راي كل انسان لو غلط...و كلنا بشر و بنغلط...فهو بغلط في نفسه ..دا طبعا بختلف من شخص لاخر حسب مفهوم الغلط هو شنو بالنسبة ليه...و ما من حق الاخرين الحكم عليه...نعم ممكن مناقشة قضيته للتوعية و الاستفادة...و لكن اطلاق الاحكام و التعميم اعتقد انه بيؤدي لمهاترات بتكون ضياع للزمن ساي

يمكن تتخيلوا انا برى الموضوع...لكن العايزة اقولوا ...انوبعضنا "انطباعين"...و ما عندنه مناقشة موضوعية للامور...و دا طبعا راجع لطريقة التعليم و التربية وو

Post: #136
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 03-31-2007, 10:52 AM
Parent: #123

ensana

أشكرك على الرد الذى يدل فعلا على إنك (إنسانة)

تحياتى

Post: #145
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: welyab
Date: 04-01-2007, 01:21 AM
Parent: #122

دعوة لحوار هاديء

اولا وقفة عابرة عند العنوان
فهو يصور وجود علاقة ملازمة بين الخطيئة وابناء المغتربين دون سواهم
الرواية حددت جهة البنت كابنة مغترب .. وغفلت عن تحدبد حهة الولد..
اذا كان في الامر( سوء تربية ) او نقصير فليتحمل الوالدين النتائج ولا ينطبق ذلك المسلك المشين على عامة ابناء المغتربين.

هنالك خشية ومحاذير في تناول الامور بهذه الكيفية لان المغترب ليس له بدائل مبسرة لتعليم ابنائه في ظروف ما تفرضه السلطات السودانية من شروط للقبول للجامعات السودانية حتى لو تم قبول الابناء في السودان فهاجس البعد عن الاسرة سيلازم المغتربين.

واذا عدنا للرواية وتناولنا مسلك الاسرة وما اتخذتها من قرار واعتبار انها ماتت !! فهو دليل على تراخي الاسر فيما تتخذها من قرارات . اما الجانب الاخر او النصف الاخر فالعقلية الذكورية لا تجعل الرواة يتطرقون الى ابعاد خطورة موقف الابن وتصرفاته الطائشة . فالامر هنا سيان ولا فرق بين سوء تربية البنت ..او الابن .. فكليهما طلاب وتوافدوا الى تلك الدولة اوذاك وبالرغم من ان هنالك اختلاف في طبيعة المكان والتواجد ولكن غياب الوازع وسوء التربية دائما هو السبب. وكما اسلفنا ليس بذلك مرهون على المغترب .

اما عن ارقام الحوامل في داخليات البنات او نسبة الزواج العرفي في الجامعات .. وبغض النظر عن صحة الارقام من عدمه.
فهي كادت ان تكون ظاهرة اجتماعية خطيرة وهذا لايعني السكوت عنه أوالقبول به والرضوخ لما هو مستهجن . حتما الامر يحتاج الى بحث في الحلول . ولكن الخشية مازالت باقية في نفشي السمعة السيئة وان يتحول الخشية الى هاجس ملازم و توجس .. وعدم اطمئنان يلازم اولياء امور الطالبات, وتكون بذلك النتائج عكسية ..

ليس الاعتراض هنا في نقل الخبر في حد ذاته . ولكن في اسلوب النقل . وكما اشار صاحب البوست الى ان مصادر الاخبار كثيرة.. فان مايتقل من اخبار شفاهة عبر الصوالين والجلسات .. الخ.. يحتاج الى تنقيح وتهذيب اذا ما نقل عبر وسيلة مشاعة. على الاقل ناقل الخبر في الصوالين والجلسات الاسرية وبين الاصدقاء والمعارف يعرف لمن ينقل الخبر و له ان يتخير اسلوب التقل ... (يعني مثلا في حضور الاطفال او احد الغرباء يختلف اسلوب النقل ).. اهم ما في الامر لنا ان نشكر صاحب البوست لتطرقه للموضوع من باب الحذر

Post: #147
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 04-01-2007, 12:04 PM
Parent: #145

welyab

شكرا جزيلا على هذه الإضاءات

تحياتى

Post: #124
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يوسف الولى
Date: 03-30-2007, 04:57 AM
Parent: #1

Quote: الغريبة انه الولد في الرواية دي مجرد هلفوت


هلفوت دى من وجهه نظر الراوى
وما ممكن نقول انو هلفوت من غير ما نسمع كلامو او على الاقل تجينا شويه تفاصيل من الروايه عنه مثل هل اتصل باهل البت...او هل تقدم رسمى وقالو ليهو يا شافع العب بعيد
انا شخصيا لو كان ( الهلفوت ) دا اتقدم رسمى ورفضوه عشان اسباب مثل شافع ولا عاوزين البت تقرا ولا البت لسه شافعه
اذا كان السبب من هذا القبيل
انا بقيف وقفه تحيه ليهو ....واقول ليهو مبروك العرس.........
ماااااااااااااااااااامعقوله
البت تبلغ من ال 12سننه ...... وتستنى ليها عريس فى التلاتينات ................ليه
عشان اهلا محتاجين ليها .....ولازم تعمل ليها شهاده
دا كلام فااارغ
استرو بناتكم .واستروا اولادكم
وخلينا نحارب ( بنيه الوعى التناسلى ) المسيطره على عقونا دى

Post: #125
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يوسف الولى
Date: 03-30-2007, 05:05 AM
Parent: #1

لدى صديق اخبرنى بوصول والده من الاغتراب بعد غياب 5 سنوات بالرغم من وجوده فى دوله لا تفصلها عن السودان الا بحر ضيق
اتى والده فى اجازه لمده شهر فقط ... بعد غياب 5 سنوات
ولانى زول واجب وكدا زهبت اليهم زياره فى منزلهم لاقاء التحيه للوالد العزبز
فاستقبلتى ام صاحبى فى الباب وظننتها احدى اخواته الكبار
لكن طلعت امو
فرجعت راجعا من حيث اتيت دون لقاء والده
فلا استطيع القاء التحيه على من لا احترمه
وظللت اردد ( حتى الان )
والله ليكى حق لو ( انتحرتى )

Post: #126
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عشة بت فاطنة
Date: 03-30-2007, 10:01 AM
Parent: #125

يا جماعة تفشي الدعارة في السودان والشقق المفروشة البتتحدثوا عنها يا استاذ محمد عادل و سليكون دي اصبحت مهنة أو اعادة مهنة في زمن الانقاذ وعندها قواديين يا (سليكون ) بترزقوا منها ويصطادون وسط بنات المغتربيين وغيرهن من الخرطوميات والاقليميات كنوع من تجارة الاجسادوتسويق الجنس ، . ، ومعظم الائي يقعن في فخ هؤلاء المرتزقة من الطبقات التي ضربها الفقر ، وبنات المغتربيين طالعات من هذه اللعبة ، وهذا لا يعني أنهن ليس عرضة للوقوع في هذه البؤر الاسنة ولكن بنسبة اقلّ مقارنة بالكم الهائل من ضحاية التعليم وضرب السكن الطلابي ، وقد يفلح تجار الجنس في تسويق هذه الاجساد بوجود ثغرات مثل استغلال بنات المغتربيين لعدم معرفتهن بالمجتمع السوداني معرفة جيدة ولانهن اتن من بيئات مغلقة تكون فيها الطالبة من البيت والى المدرسة وطلعات بصحبة الاهل ، ولابد ان تواجه ببعض المشاكل في هجرتها العكسية الى الوطن ، ولكن اصر على أن المغتربيين جاديين على تعليم بناتهن واولادهن وتربيتهم احسن تربية لانهم هم راس مالهم والسبب الاساسي الذي دفعهم الى الهجرة ، وقديما عرف السودان بيوت الدعارة بالتجارة في المسترقات ونظرة في تاريخ السودان ومشوار لدار الوثائق سيفضح لنا عقلية الاجداد التي اشترت وباعت في الخلق وتاجرت اجساد النساء ، وكانت الفرخة تجبر خاصة الوسيمة وقد تكون حبشية أو سودانية ، لممارسة الدعارة للتكسب منها كالة أو مشروع يمكن التكسب منه . أذن طرح الموضوع بهذه اللهجة ودرجة القذف للحمل الحرام ما صحيحة وهذا يزكرني بالهحمة التي قادتها الحكومة وسدنة الانقاذ ضد الدارفوريات فلا يصح أطلاق التهم جزافا ووصم مدينة كاملةأو قرية أو فئة محددة بفسق بناتها والسخرية باجسادهن ورسمها بصورة مزعجة ، وكل هذا يصب في عرقلة مسيرة المرأة وحبسها في البيت في انتظار ود الحلال ، مستور الحال والغريبة لم تتم محاسبة لاولاد المغتربين كنا تمت اغتيال شخصيات المغتربين بنات المغتربين والتشهير بهن كفئة مارقة ، ما هكذا تورد الابل يا سادة راجعو انفسكم وربنا استر الجميع .

Post: #131
Title: مقرف
Author: sudania2000
Date: 03-31-2007, 09:53 AM
Parent: #126




عندما تتهور بنات المغتربين فى الجامعات وتصل مرحلة الحمل الحرام

تتهور : ؟؟

بنات المغتربين : ؟؟؟

الجامعات : ؟؟؟

الحمل الحرام : ؟؟؟؟


كالعادة كتابة غير مسئولة وموضوع يصب ضد تعليم وحرية المرأة : بئس الرجال أنتم

الراعي في بيته كان مغتربا ام راعيا باغنام مسئولية تربية البنت و تعليمها في رقبته

القصة هايفة ومضحكة و لا تصل الي مسئولية التعليم يا أهل التعليم

اتقوا الله في عباده ان كنتم تتقون

Post: #135
Title: Re: مقرف
Author: يازولyazoalيازول
Date: 03-31-2007, 10:45 AM
Parent: #131

sudania2000

هذه قصة واقعية حدثت فى الخارج لأولاد وبنات سودانيين ، وتتكرر مرات عديدة فى بلاد عديدة وبصور مختلفة

فأين عدم المسئولية هنا بالنسبة لى لناقل حدث هام؟؟؟؟

وكيف تصفين القصة بالهايفة ، ونتيجتها بنت زيك (نفضها) أهلها وتركوها عرضة للذئاب

هل الحل يا استاذة هو إساءة الآباء وإساءة كاتب المقال ووصفنا بعدم التعليم ، وتطلبين منا تقوى الله ، لماذا لا تتقى الله أنتى وتأتى برد قد يساهم فى إيجاد حل للإشكال بدلا من الرد المستهتر والمستعجل ، وكمان بالأحمر ياهذه؟؟؟؟

عيب عليك يا استاذة ، فقد كنت أظنك أكثر فهما ورقيا من هذا المستوى الضحل فى إيجاد حل لبنات جنسك بدلا من السخرية والمسخرة التى اتيتى بها

ده واحد من الأسباب التى تؤدى إلى القرف من المنبر عامة

حسبى الله ونعم الوكيل فى أمثالك

Post: #137
Title: Re: مقرف
Author: ragaa makkawi
Date: 03-31-2007, 11:07 AM
Parent: #135

Dear Hisham

What sudania was getting at is the delicacy of this matter and how it is connected to the education of girls
such problems have been happening since the beginning of time but still the topic is generalized as if to include all girls living abroad with their families and in other sense girls in higher education which is a bit stereotyping for a man ( of your knowledge) again i emphasis on the role males have in such a dilemma even if society refuses to hold them accountable
believe me ya hisham i know lots of males father figures who would be waiting for a situation like this ( this kind of news) to practice some kind f a larger domination on girls and their education in the name of protection of girl purity as if all women are by nature immoral
i see in you a father figure to be more precise my father and his understanding of the capabilities of women beyond adultery

Many thanks

Raga

Post: #140
Title: Re: مقرف
Author: يازولyazoalيازول
Date: 03-31-2007, 11:25 AM
Parent: #137

Raja

Thank you for your clear statement here which I do understand

The problem of (sudania2000) here is different, she replies as if I have written nonsense

See for example what (asha bint fatna) stated, she does not agree that all the reponsibility go to girls while the boys are always right, and she put it in a respectfull manner but I am very upset of what sudania wrote

Thanks again for your wise dialouge

Post: #138
Title: Re: مقرف
Author: Asma Abdel Halim
Date: 03-31-2007, 11:09 AM
Parent: #135

Quote: وأوافقك على رايك تماما (عدا حكاية أنو الولد أقيم من البنت) فكلاهما فى ميزان البنوة (واحد) ،


هى لكن يا هشام ما بالغت!!!!!
ال sarcasm حقى ده كله راح ساكت؟

Post: #139
Title: Re: مقرف
Author: يازولyazoalيازول
Date: 03-31-2007, 11:18 AM
Parent: #138

لا يا اسماء بل سخريتك نالت إعجابى


Post: #141
Title: Re: مقرف
Author: يازولyazoalيازول
Date: 03-31-2007, 11:28 AM
Parent: #139

يا أسماء رددت على سخريتك فى مكانها وتجدين الرد على الصفحة الأولى

تحياتى مجددا


Post: #142
Title: Re: مقرف
Author: عشة بت فاطنة
Date: 03-31-2007, 11:31 AM
Parent: #139

هناك أب شرعي واحد لابناء الحرام والدعارة في السوان هو سلطة الانقاذ وكل من يريد شماعة يبرر بها لعصبة الانقاذ يصفي و يصب معهم في نفس الاناء الاسن .

Post: #143
Title: Re: مقرف
Author: يازولyazoalيازول
Date: 03-31-2007, 11:35 AM
Parent: #142

هونى عليك يا عائشة


Post: #146
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: Mohamed Adam
Date: 04-01-2007, 01:32 AM
Parent: #1

الأخ هشام
وضيوفه الكرام بهذا البوست.
لكم التحيّه.

في الحقيّقه، دا موضوع جيد جداّ..
ليسلط علي الأقل بعض الأشعه لإضاءة معضله
إجتماعيّه مظلمه تنتاب مُجتمعنا السوداني البريئ (حديث التكوين بالنسبه لِحُقبْ الإنسانيّه)
الأمر يستوجب منا وقفه جاده كمجتمع سوداني ...
لكي نتعاطاه وبمجمل زوايّاه..
كما قالها أحد المُتداخلين الأعزاء:
Quote: الموضوع رائع جدا
وجميل للغاية ويستحق المتابعه والتحليل والحوار ,,
والمتداخلين يملكون معولات ذلك ..
نأمل ان نبدأ بطرح حلول مقنعه للجميع
بعد طرح المشكلة فى قالب عام
..
في الحقيقه العيب ليس في المُغتربين أو في بناتهم
العيب يا إخوه ، يكمن في مناهجنا بالمدرسه ، الشارع ، التلفزيّون ، الراديّو
وفي عاداتنا وتقاليّدنا الأسريّه!
البنت مُنذ أن تتفتح عينيها علي الدُنيا ، وحتي تبلغ سن الرشد كمرأه
هي بتكون مُحاطه بمثل وتقاليّد لا يمكنها الإفلات منها ولو كسرت رقبتها!

المُثل والعادات تتمثل في بيئة المنشأ لهذه الفتاه وهي:
أسره ، قبيله ، وإعلام من قبل الدولـه.
بموجب هذه المُثل لا يمكن للفتاه أن تختار شريك حيّاتها
بنفسها، مالم تتدخل تلك المُثل والعادات كفيصل
في هذا الأمر وهو في الحقيّقه لا يعنيهم في شيئ
بقدرما يُعني الفتاه وما تختاره كشريك
لحيّاتها..

لاحظوا يا إخوه:
الكلام دا لأي شخص ترعرع بالقريّه أو المديّنه..
دائماَ تجد المرأه تمارس هذا الشذوذ عندما تكون بعيّده
عن فعاليّات تلك المُثل (بتقنين أو غير تقنين).

في الأحيّاء الطرفيّه أو الأزقه بقلب المديّنه
حيث (غيّاب تلك المُثل) بالخوف ، شح الإمكانيّه أو بالإهمال!


كم واحده حملت من شخص هي بتحبو
لكن تلك المُثل ترفض ذلك المحبوب
بصرف النظر لهلفتو؟

إذن ، هذه المعضله موجوده في حالة الدوله ذات
العقيّده أوفي حالة الدوله العلمانيّه بل في الأخيره
الأمر عادي جداَ لأنها تعطي هذا الحق للفتاه.

لاحظ المرأه بدول العالم الآخرَ!
الكل منهن يحمل بدون زواج
بل عظماء هذا العالم معظمهم أبناء
غير شرعيون بمفهومنا السوداني!
جيفارا ، مانديلا ، هتلر ، ماركس ، لينين ....إلخ


يا أخ هشام فك طلاسم هذا الأمر ، شئنا أم أبينا
مسئولية المدنيّه وتقدم الإنسانيّه لا سواه.

..

Post: #148
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 04-01-2007, 12:06 PM
Parent: #146

Mohamed Adam

لك حبى وتقديرى على هذه الإضافة المميزة

تحياتى

Post: #149
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عبد اللطيف بكري أحمد
Date: 04-01-2007, 03:47 PM
Parent: #1

Quote:
كالعادة كتابة غير مسئولة وموضوع يصب ضد تعليم وحرية المرأة : بئس الرجال أنتم
الراعي في بيته كان مغتربا ام راعيا باغنام مسئولية تربية البنت و تعليمها في رقبته
القصة هايفة ومضحكة و لا تصل الي مسئولية التعليم يا أهل التعليم
اتقوا الله في عباده ان كنتم تتقون


أشكرك ياسودانية على شتمنا فنحن حقاً نستحق الشتم
لأن من بيننا من يكتب عننا (المغتربين) بهذا الشكل
وله بنتان نجيبتنا تدرسان في مصر:
يازول لك التحية،،
-هل يشمل هذا القول إبنتيك حفظهما الله؟
-هل تريد أن تمنعنا من إرسال بناتنا للدراسة؟
- هل لك أن تدلنا على الوصفة الخارقة التي
جعلتك ترسل بناتك إلى الخارج وجعلتك في مأمن
من ذات التهم لدرجة التهكم على بناتنا؟
==
يازول :
كلامك أساء لي شخصياً كمغترب وأب وأورثني هماً
ثقيلاً بهذا التعميم الجائر وغير المنصف
ولا أعتبرك بما تكتب مؤهلاً لإسداء النصح لي
شخصيا كمغترب وأب،،
يازول :
رفقاً بنا أيها الأب ، ورفقاً بسيرة الناس
وبأعراضهم وأسأل الله أن يحفظ بناتنا وبناتك
وأن يبعد عنهن سوء الظن وفاحش الفعل والقول،،
يازول : دير بالك،، this is not a joke
=
أخوك/ عبد اللطيف بكري - الرياض - السعودية

Post: #150
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 04-01-2007, 04:11 PM
Parent: #149

الأخ عبداللطيف بكرى

يا أخى رد سودانية 2000 آذانى شخصيا كما آذاك

يا عبداللطيف ، دعنى أشرح لك مرة أخرى ، ولو كنت تابعت الردود من أول البوست لكنت كفيتنى عناء الرد عليك ، ولكن لا بأس فلنعيد من جديد

ياخ أنا مغترب زيك ، وكذلك أب زيك ، وأيضا عندى الأولاد والبنات الذين يدرسون فى الخارج مثلك تماما

هذا أولا ،

ثانيا ، وكما أسلفت فى ردودى السابقة بعد أن أجمع (الكل) على أن مسألة التعميم غير مضبوطة ، إلا أنى وبصفاتى المذكورة تلكم ولأنى حادب على سمعة بناتى وبناتك وبنات كل سودانى ، فقد رأيت نقل القصة بحذافيرها كى ينتبه الناس لبناتهم (بما فيهم شخصى الضعيف) ، لم أكن بأى شكل من الأشكال قصدت أن اسىء لفئة المغتربين أو بناتهم ، كما أنى أعلم علم اليقين أن ما يدور فى الداخل أنكأ وأضر ، بل أبشع وأمر ، لا بل أفظع وأجل

ورغم وجود وحدوث مثل القصة التى أوردتهاضمن قصص بنات المغتربين ، لكن هذا لا يعنى بحال من الأحوال القنوط واليأس وترك الحبل على القارب حتى تحدث المصائب ، فلماذا لا نتعظ من مثل هذه الحكاية ونناقشها ونتداركها ونحاول وضع الهلاج الناجع لها

يا عبداللطيف ، أنا بشر أخطىء وأصيب ، وقد أخطأت فى تعميم العنوان بهذا الشكل ، رغم أنى أمتلك موهبة وضع العناوين الجذابة للفت إنتباه القارىء والدخول للقراءة ، وعندما يأتينى القارىء فى (دارى) أو فى (بوستى) إن شاء الله يجد ما يسره وليس ما يسوءه ، لأن القصد والله العظيم شريف فقد قصدت (جذب) القارىء كما اسلفت ، وليس التهكم من فئة أنا أنتمى اصلا إليها

يا عبداللطيف ، أعد قراءة الحكاية من جديد ، وضع نفسك مكان أبو البنت أو مكان الولد ، وآتينا بالحلول بدلا من مهاجمتى

يا عبداللطيف ، إحترامى لرأيك كبير ، فلذلك ايضا أنا أتوقع أن تحترم (وجهة نظرى) فى إثارة قضية لا لدواعى الشماته بل لدواعى أخذ الحذر والحيطة

تحياتى

Post: #151
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عبد اللطيف بكري أحمد
Date: 04-02-2007, 11:16 AM
Parent: #1


الأخ العزيز عشام،،
لك التحية والتقدير على ردك الهاديء ، والقضية
موضوع النقاش ياعزيزي قضية القضايا في السودان
والتفلت الأسري أصبح أمراُ مطروقاً في كل المجالس
والأسباب تتعدد والهاجس دائماً واحد: أعراضنا،،

عزيزي هشام : بالأمس أحد الاخوة اليمنيين بالرياض
فرجني على بلوتوث تشيب له الولدان : بنات سودانيات
دون أدنى شك في ذلك : اللهجة الحركات ، العناقريب
الأزيار : داخلية لإحدى الجامعات (بالإسم): هكذا كان
عنوان الكليب : وبه كشف للصدور والوشم على مؤخراتهن
وإشارات بالأصابع وقبضات اليد والترنح إدعاءاً للسكر
والتنابذ بألفاظ يندى لها الجبين والمجاهرة بالفواحش
وبالمهام القذرة لكل الموجدات ،،
==
نعم تبدت في مجتماعتنا أشياء غريبة ، ولكنها بأية حال
لا تخص فئة بعينها أو تستثني طبقات دون أخرى،، فقد عمت
مفاهيم العولمة بخيرها وشرها ، فما نراه أنا وأنت منافٍ
للأخلاق قد يراه البعض أمراً حتمي وواقع،،
فلن ينفع أن نقول الفقر حدى بالكثير من بناتنا لإرتكاب
الفاحشة ، أو نقول أن بنات الأغنياء يطبقن عملياً مشاهدتهن
من خلال السديهات والقنوات المشفرة أو حفلات المجون والعربدة،،
=
أخي هشام : كلها مسئوليات جسام يتحملها ولي أمر الدولة
ثم ولات أمور الأسر ، ولعلمك وأنت أدرى أخي هشام (جدة) أن
الكثير من الأسر المغتربة لم تساوم لحظة في ذهاب الأم وجميع
أفراد الأسرة حين تلتحق بنت أو ولد بالجامعات إيماناً بأن
الفساد الأخلاقي متساوٍ إذا فسدت البنت أو ضل الولد الطريق،،
==
أخي ،،
أتفهم دفوعاتك وإعتذارك عن التعميم وأضم صوتي لك في أن
يرعوي الناس ، ولي مثال في ذلك حي : أحد أقاربي بالرياض
لم يستطع السفر مع بناته المتفوقات ، ولم تذهب والدتهن
معهن إلى السودان فلم يتردد في منعهن من مواصلة الدراسة
وبقين في البيت : الآن حفظن القراءن الكريم وأصبحن يدرسن
السعوديات وغيرهن التجويد وأصول الدين،،
عارضناه بشدة في ذلك إبتداءاً ولكنا نجد له العذر الآن فيما
ذهب إليه ،،
=
أخي يازول
بناتنا في الغربة أكثر إلتصاقاً بنا، حبات عيوننا وزهرات الفؤاد:
مجرد الإحساس بأن مكروهاً يحدق بهن يجعل من حياتنا جحيماً لا يطاق،،
ولا أخفيك أن الأثر النفسي السيء الذي إنتابني عند إختطاف البنت
السودانية قبل عامين وإختفائها لمدة أسبوعين لما تزل تبعاته باقية
ومجرد أن يضع المرء نفسه في موقع والد تلك البنت يتمنى ألا تشرق
عليه شمس يوم جديد،،
==
أخي وعزيزي هشام،،
رعاك الله وبناتك وبناتنا وجميع بنات المسلين ، وأسأل الله أن ينحسر
مد التفسخ في مجتمعنا ونبقى فيه جميعنا (بنت وولد) في حفظ المولى
وصونه،،
لك العتبى من حر قولي فهو حر لهيب نفسي وحممها خوفاً على بنتي وبنتك
ولدي وولدك أن يصيبهم مكروه لا سمح الله

وأشهد أن الله من وراء القصد وأنه لا إله غيره ونصلى ونسلم على نبينا
محمد عليه وعلى آله أفضل الصلاة وأتم التسليم،،
===
أخوك / عبد اللطيف بكري

Post: #152
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 04-02-2007, 11:28 AM
Parent: #151

بارك الله فيك أخى عبداللطيف فقد توقفت عند ردك كثيرا وتأملته وأعدت قراءته وأحسست بحسسك وتأثرت بتأثرك وهكذا حال معظم السودانيين الجميلين أمثالك

وصلى ربى على حبيبه الذى إصطفاه

سائلا المولى أن يجيب دعواتك إنه ولى ذلك وهو الذى يجيب المضطر إذا دعاه

والسلام ختام

Post: #153
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: Tabaldina
Date: 04-02-2007, 02:02 PM
Parent: #1

..
.
Quote: عزيزي هشام : بالأمس أحد الاخوة اليمنيين بالرياض
فرجني على بلوتوث تشيب له الولدان : بنات سودانيات
دون أدنى شك في ذلك : اللهجة الحركات ، العناقريب
الأزيار : داخلية لإحدى الجامعات (بالإسم): هكذا كان
عنوان الكليب : وبه كشف للصدور والوشم على مؤخراتهن
وإشارات بالأصابع وقبضات اليد والترنح إدعاءاً للسكر
والتنابذ بألفاظ يندى لها الجبين والمجاهرة بالفواحش
وبالمهام القذرة لكل الموجدات ،،


هو بالله يا تيفا - الفلم دا - وصل لليمنيين وكمان الرياض ..
والله التكنلوجيا دى بقت ما بتتلحق .. بالسرعة دى معقولة ..
واعتقد دا بالضبط مضمون موضوع هشام وهو الانحراف الاخلاقي
فى المجتمع السودانى للجنسين رغم تأثيرة الاكبر على البنات
سبق ان تحدثت عرضا عن اخلاقيات السودانيان بالسودان وعلاقاتهن المشبوهه
مع موظفى الامم المتحدة والقوات الافريقية والممارسات فى المزارع والشقق
والعربات والاوكار فهوجمت من ود العمدة والاميرة لنا ود. الوالى
الانحراف والتدنى الاخلاقي ليس صار فقط فى بنات المغتربيين وهم الشريحة الاقل
ولا فى بنات الاقاليم بل صار فى كل البيوتات السودانية الملتزمة والمنحرفة الفقيرة والغنية
لم يصبح الفقر سببا بل ايضا المتعة والاكتشاف والفراغ الدينى والروحى واالإستلاب لثقافي والاجتماعى
اصبح البنات يمارسن العجب العجاب فى شوارع ودهاليز وزوايا وفنادق وصالات وشقق وفيلل وبواطن الخرطوم
وما ذلك الفلم الذى شاهدته الا قليل من كثير ممارسات على مستوى الدولة والطلاب والعموم
ممارسات فى جميع انواع الانحراف من تدخين وشرب خمر وشيشه وزنى ..
ممارسات على المستوى الجامعى والمستوى العملى فى المنظمات او الشركات او دوائر الوظائف
ممارسات من المراهقات وحتى الناضجات والموظفات
واقع لا يستطيع احد ان ينكره .. ونجد انفسنا لا زلنا مدعى التمسك بشعارات "بناتنا اشرف بنات ونحن الاخلاقيات ناسا
وعادتنا ودتقاليدنا واولادنا اولاد ناس محترمين ومهذبين دا بقي وهم وحكاوى ..
التدنى الاخلاقي فى السودان وأخص الخرطوم وصل مستوى لا يتصوره شخص ما لم يشاهده اشياء
يشيب لها الرأس وينفطر لها الفؤاد ..
وهذا الفلم فالائي فيهن هن سودانيات بنات اسر كما يدعون عرايا يرسمن التاتوم على افخادهن وصدورهن
ومؤخراتهن ويمارسن السحاق والزنى
ويتلفظن بالفاظ ما انزل الله بها من سلطان يشتمن شتائم اكرم الله اذناكم عنها وحركات
وهذه الحادثة التى يتحدث عنها هشام ليست الاولى ولن تكون الاخيرة فقد سبقتها حوادث
وقصص عاشها الشارع السودانى من تصرفات شباب وشابات سودانيين شملت كل انواع الفساد ومن بيوتات
واسر ذات مناصب ومكانة ..
اما التسجيلات والافلام لهذه الاعمال والفواحش فالسوق العربي ممتلئ بالادلة والاثباتات

_ اعود لاحقاً بالتفصيل -

___________________

يازول اختيارك للعناوين دا البجيب المشاكل
ويكثر عليك وعلينا النعيق

Post: #154
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: على عجب
Date: 04-02-2007, 02:23 PM
Parent: #153

يازول
التحية والاحترام
الموضوع فتح شهية العديد من الناس
للحديث المعمم وغير الموثق والذي
لايقود الي اي نتيجة.
هذه الرغبة المريضة في وصم النساء
الخلاعة والدعارة لهي في نظري تعبير
عن مدي رغبتهم في ممارسة عادات سرية
تمثل رغباتهم المكبوتة..املك انا مسؤلية
هذا النوع من الدعارة اللفظية, لانك فتحت
هذا البوست للشهوة تالمريضة.

وهاك الدليل
Quote: Quote: عزيزي هشام : بالأمس أحد الاخوة اليمنيين بالرياض
فرجني على بلوتوث تشيب له الولدان : بنات سودانيات
دون أدنى شك في ذلك : اللهجة الحركات ، العناقريب
الأزيار : داخلية لإحدى الجامعات (بالإسم): هكذا كان
عنوان الكليب : وبه كشف للصدور والوشم على مؤخراتهن
وإشارات بالأصابع وقبضات اليد والترنح إدعاءاً للسكر
والتنابذ بألفاظ يندى لها الجبين والمجاهرة بالفواحش
وبالمهام القذرة لكل الموجدات ،،


يعني صاحبك دا بعد ماشاف واستمتع
فكر في انو يعيب علي البنات الخلاعة
باعتبار البنات هن المسؤلات حصريا عن
الاخلاق.
لكن مافي زول ممكن يقول ليه انت اصلا
تمارس هذا النوع من العادات فلماذا
تنكر عليهن انتاجها؟.

هذا علي الاقل اذا كانت الرواية صحيحة
لانه الجماعة من شاكلة ناس سيليكون ومحمد
عادل وتبلدينا, ريايحة ليهم حاجة .

Post: #157
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: Tabaldina
Date: 04-02-2007, 10:10 PM
Parent: #154

..
.
Quote: هذا علي الاقل اذا كانت الرواية صحيحة
لانه الجماعة من شاكلة ناس سيليكون ومحمد
عادل وتبلدينا, ريايحة ليهم حاجة .

دا عاينة النعيق البنتكلم عنو!!
يا عجب اظنك لا زلت تحلم بعالم سعيد وتنكر واقع معاش
فلا تكثر التعابير اللاواقعية وارفع راسك من الرمال وتأكد ان هناك
مشكلة حقيقية فى الاخلاقيات والفساد والانحراف والتقصير التربوى والاسري
وتحتاج لتربية وتضافر جهات ومؤسسات ومتابعة
بل دور اسري ملموس من البيت من قبل اللاسرة والوالدين قبل الجامعة
او المدرسة ..
وكل هذا الانحراف الاخلاقي بسبب التربية وتصرفات الاباء والامهات
وعدم الربط والتوجيه ودفن الرأس فى الرمال والتجاهل والشعارات الوهمية
والله رواية هشام دى بسيطة وعادية ..
انزل السوق العربي واسال عن افلام جنسية سودانيةاو مشاهد بلوتوث - ان كانت رايحة ليك حاجة -
عشان تعلم ما لم تكن تتخيله ..
وهن ليس بالضرورة بنات مغتربين اواسر متفككة بل من ارقي البيوتات وافضل الجامعات
والمجتمعات والإنتماءات ..وارفع راسك من الرمال وتأكد ان هناك
مشكلة حقيقية فى الاخلاقيات والفساد والانحراف والتقصير التربوى والاسري
وهى ليست مشكلة البنت فقط بل للاولاد دور كبير ..
وعشان كدا اعرف انو انحنا رايحه لينا مشكلة اخلاقيات .. فى اولادكم وبناتكم
الفاكنهم بدون تربية ولا توجيه ..!!

______________

الرد نيابه عن المجموعة المعايشه الواقع؛

Post: #160
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 04-03-2007, 08:57 AM
Parent: #154

على عجب

ياخ صاحبى لم يشوف ويستمتع كما ذكرت ، بل شاف وذهل من هول ما شاف



تحياتى

Post: #159
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 04-03-2007, 08:32 AM
Parent: #153

تبلدينا

اشكرك جزيل الشكر

تحياتى

Post: #155
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: celecon
Date: 04-02-2007, 04:19 PM
Parent: #1

Quote: هذا علي الاقل اذا كانت الرواية صحيحة
لانه الجماعة من شاكلة ناس سيليكون ومحمد
عادل وتبلدينا, ريايحة ليهم حاجة .


تصدق ماعرفت أرد عليك بشنو ؟؟؟

رايحه لى ...... ؟؟؟؟

Post: #156
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: محمد عادل
Date: 04-02-2007, 04:32 PM
Parent: #155

Quote: عزيزي هشام : بالأمس أحد الاخوة اليمنيين بالرياض
فرجني على بلوتوث تشيب له الولدان : بنات سودانيات
دون أدنى شك في ذلك : اللهجة الحركات ، العناقريب
الأزيار : داخلية لإحدى الجامعات (بالإسم): هكذا كان
عنوان الكليب : وبه كشف للصدور والوشم على مؤخراتهن
وإشارات بالأصابع وقبضات اليد والترنح إدعاءاً للسكر
والتنابذ بألفاظ يندى لها الجبين والمجاهرة بالفواحش
وبالمهام القذرة لكل الموجدات ،،

هل وصل هذا الفلم الى السعودية
هذا الفلم لمجموعة من الطالبات لاحدى الجامعات الخاصة فى السودان

Post: #158
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: mamkouna
Date: 04-02-2007, 10:34 PM
Parent: #1

Quote: mamkouna

من سياق القصة التى سمعتها ونقلتها بحذافيرها ، إتضح لى جليا أن هذا الولد مجرد (هلفوت)

وربما أكون مخطئا فى هذا التصنيف ، يمكن أن تعطينى وصفا أبلغ إذا سمحتى

تحياتى


أخي هشام..
أسمع عن رجال ناضجين و مُحصنين...يخونوا زوجاتهم و عقيدتهم...و لمن تبين الكارثة و تحمل العشيقة ثمرة النزوة...يهرب الفاعل ب حجة
أن العشيقة فاجرة..
أو الضمٌني شنو إنو حقي؟؟
أو في أحسن الأحوال..يديها قرشين عشان تتخلص منه.
و أسمع عن شباب في عمر الورد...و من مختلف البيئات و الإتجاهات و المشارب...بيعملوا نفس الحكاية...و بيهربوا نفس الهروب و ب أعذار مختلفة.

(( الهلفوت )) الإنت بتقول عليهو دا تحمٌل نتيجة خطأه..تزوج عرفياً و بقى معها...و لا أحد يهتم بها غيره على حد تعبيرك...

يبقى هو الهلفوت..و لا..الآنف ذكرهم؟؟!!!

Post: #161
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 04-03-2007, 08:58 AM
Parent: #158

mamkouna

الآنف ذكرهم



تحياتى

ما تزعلى شديد


Post: #162
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: عبد اللطيف بكري أحمد
Date: 04-03-2007, 09:58 AM
Parent: #1

Quote: على عجب

ياخ صاحبى لم يشوف ويستمتع كما ذكرت ، بل شاف وذهل من هول ما شاف
تحياتى
يازول


شكرا ياهشام على تفهمك مقاصدنا ،،

وعجبي عليك يا على عجب:

1- تصدق الاخ اليمني لم يفرجني على البلوتوث إلا نكاية في
وكسراً لمواصلة إنتقادي لما يدور في الأوساط غير السودانية
من تهور الشباب وتلاعبهم بقيم الدين ،،
2- لست واعظاً ، ورب الكون يا علي مقصر في أمور ديني
لكن ليس لتلك الدرجة التي أسكت فيها عن رؤية عزيز لي
يقع في الذنب،،
3- هل شاهد الأخ (يازول) تهور بنات المغتربين وتابع مراحل
حملهن حتى كتب عن هذا الموضوع؟؟

تحياتي،

Post: #163
Title: Re: عندما تتهور بنات المغتربين فى الجامعات وتصل مرحلة الحمل الحرام
Author: يازولyazoalيازول
Date: 04-04-2007, 08:34 AM
Parent: #162

الأخ عبداللطيف

أشكرك على مستوى (الفهم) العالى

تحياتى

هشام