سارة الضارة

سارة الضارة ، ضابطة حركة فى السودان ، كوزة ، ليئمة لؤم لا يشبه أخلاقنا ولا موروثاتنا ولا عاداتنا ، هى بالطبع تنتمى للإنقاذ نهجاً وسلوكاً ، وتقوم بلؤم شديد بإجراء حملات المرور التفتيشية ، ولا ينجو منها أحد أبداً ، سارة الضارة إشتهرت بين الناس بهذا الإسم الذى أطلقته عليها الجماهير المظلومة ، لأنها تقوم بتفتيش الأوراق الرسمية عند مدخل أحد كبارى العاصمة القومية ، فتشيك على رخصة القيادة والبطاقة الشخصية وتصريح العربة وما إلى ذلك من ورقيات ، والويل والثبور لكل من وجد عنده خلل فى هذا الأوراق ، ويقال عنها إذا كانت كل الأوراق سليمة فإنها تنظر إلى العربة ، هل توجد إشارة مكسورة أو أثر (طفقة) فى العربية أو لمبة لا تعمل أو صدام مخلوع أو أى شىء غير مثبت فى مكانه ، وإذا سلمنا جدلاً بأن كل ذلك كان بقدرة قادر (مظبوط) فإنها تتجه إلى السائق مباشرة لمعرفة إذا كان يرتدى حذاء (جزمة) وشراب ، وتنظر إلى هندامه ، وإلا فالويل كل الويل لو وجدتك منتعلاً (سفنجة) أو (شبط) ، لأن القانون ينص على لبس (الجزمة) عند القيادة ، أو هكذا (تخترع) لك الأسباب ، وتستمر على هذا النحو تفحص وتبحبت بين الورق والعربة وصاحبها ، ولا بد لا بد من الضرورى بمكان أن تجد لك مخالفة ، وتقوم بالتالى بتحرير الغرامة التى تدفع عداً نقداً وفوراً حتى تتمكن من تجاوز هذه ال(سارة الضارة) ، ومن المؤسف حقاً أن الشخص الذى روى لى هذه الرواية أضاف أن دفتر الغرامات التى تقوم بموجبه سارة الضارة بجباية هذه الغرامات ، هو دفتر مصور وليس أصلاً ، وبالتالى يذهب ريع هذه الغرامات مباشرة إلى جيب سارة الضارة ، على مرأى ومسمع من أهل الإنقاذ الذين يتفنون فى إيجاد سبل كسب العيش لتابعيهم وتابعى التابعين فى بحبوحة إلى يوم الدين ولا يعترضون ولا يرحمون عباد الله المنهكين ، ومن أراد نصرة الإنقاذ وملء جيبه بالدنانير البراقة الجديدة فليتبع سارة الضارة وأساليبها الأشد فتكاً وضرراً من إنفلونزا الطيور

ولا حول ولا قوة إلا بالله العلى القدير

يا زول كيف الحال لعلك بخير

Quote: هو دفتر مصور وليس أصلاً ، وبالتالى يذهب ريع هذه الغرامات مباشرة إلى جيب سارة الضارة

والشعب السوداني المسكين رايح فيها
ويظن ان الامور على خير

ههاي تتكدس المستشفيات الحكومية بالفقراء الذين لا يجدون ما يتاعالجون به بينما الكبار يتعالجون فى افخم المستشفيات وعلى نفقت الدولة


والمواطن المسكين يدفع الضرائب


يتعلم ابناء كبار مسؤولي الحكومة فى افضل المدارس الخاصة بينما يطرد ابن فلان المسكين الفقير فى غرب الحارات لانه لم يسدد الرسوم الدراسية عجبا

اين العدالة اين العدالة



اين العدالة


أين العدالة

اين المساواة

دائرة الفقر اتسعت بسبب الاختلاسات المتلاحقة والحكومة لا تحرك سا كنا بل لا تقدم المجرم الى العدالة

لماذا ؟


حسبي الله ونعم الوكيل

الى متى ؟؟

المكاشفى الخضر الطاهر

تحياتى يا مكاشفى واشكرك على الإضافة الجيدة للبوست وكان الله فى عون الشعب السودانى

هاك دي يا زول من الأرشيف ..

Quote: خالص التحايا ناذر.. اولا التحايا للعزيز هشام مدنى.. تعرف بعد هرشتك ديك منو وهنا برضو .. اتحيلت العزيز هشام ده بتاع نظام عام بتاع حفلات . . قايتو لو بى حالتو ديك الفى البوست حيكون اشهر من(الضابط ساره الضاره) بتاعت الحركه.. اسال منها ناس امدرمان او شوارع الخرطوم ياعمك دى واقفه ليك لى ناس الحفلات والعرابت وهاك ياجزر.. المهم تحياتنا ليك استاذ هشام وزيك ده اصلو ماتجيهو ضهب فى حفلتو لا يلم فيك بتتضهب . .

ودي كمان ..

Quote: بالمناسبة سارة الضارة دي أنا بعرفا كويس وهي كمان بتعرفني زي جوع بطنا وهسي الأيامات دي شغالة في خط الصحافة وأركويت .. ياخي دي كرهت ناس الركشات حياتم عديل كدة دي توقفك في الشارع وتفتش عربيتك حتة حتة وما تلقى أي حاجة غلط ومرات بتكون شايلة معاها ميزان هواء بتقيس بيهو هواء العربات ولمن ما تلقى حاجة تقوم تقول ليك إنتا ماشي وين ؟ تقوليها وإنتي مالك ؟ تقوم طوالي تقطعك إيصال عشرين ألف !!! لييييهه !! إعتراض رجل قانون أثناء تأدية مهامه

وكمان أخد ليك لفة بي هنا

ذكريات الحفلات في المناسبات : جلد بالسياط وزوغة بالعداد...مبيت في الحراسات ...

ناذر محمد الخليفة

شكرا جزيلاً أخى ناذر على جلبك لهذه الكودات هنا ، والتى لم الحظها فى الحقيقة من قبل ، وهو مما يؤكد على وجود هذه الآفة الضارة بحق وحقيقة ، مما يعنى أن ما خفى أعظم

والسؤال كما ذكر الأخ المكاشفى:

إلى متى؟؟؟

ونظل نبحث عن الإجابة

اجدها سارة النافعة
طالما انها بتقوم بعملها كامل من دون مجاملات
السودان محتاج لى مثل سارة النافعة دى
بعدين يا استاذ زول لو كان الايصال مزور ممكن
يتم التبيلغ عنها...طالما استلمت منها ايصال مزور
بقيمة مبلغ معين.....قصة مزور دى شكلها اطلقها واحد
اتلزع من سوط الضابطة سارة.....اى زول يودى عمله بامانة
بيكون مكروه من المخالفين.....كان عندنا استاذ بيضربنا ضرب مبرح
كنا بنكرهو شديد لكن فى النهايه اهدانا نجاح واهدينا كراهية
سارة بتهدى الشعب انضباط...وقد يصيبها مثلما اصابها سهمك اليوم.......
لسارة مليون تحية ولك اخى ود شيخ الدين خالص الموده

وليد 500

أنت بالنسبة لى مصنف (صديق) ، هذا على المستوى الشخصى ، ولا غبار ولا إختلاف على ذلك (الله يحييك)

على المستوى العام فى المنبر أنت أحد المدافعين الشرسين على الإنقاذ والمؤتمر الوطنى ،

طيب نفترض أن (سارة) بدون (ضارة ولا نافعة) لأن النافع والضار هو الله عز وجل

إذا إفترضنا وسلمنا جدلا أنها تعمل بأمانه ومسئولية وأخلاق ، ألا ترى أن (حكحكة) المسائل (لمن تجيب الدم) من أجل أن تفوز بقسيمة مخالفة ، ألا يؤدى ذلك إلى الضرر لذلك المواطن الغلبان؟؟؟؟ ياخى نحن فى السعودية هنا يا وليد نشاهد أنظمة مرورية عالية وإنضباط وتفاتيش ما أنزل الله بها من سلطان ، ولكن رغم ذلك تكون هنالك رحمة وإنسانية وذوق ، وتجاوزات مقبولة ومعقولة وبفهم عالى من أجل (تمشية الحال) يعنى ممكن العسكرى يتجاوز عن مسألة أن الرخصة العندك منتهية ، خصوصا لو طلبت منه بأدب أنك بصدد تجديدها ولكن ضغط العمل الكثيف لم يمكنك من الذهاب لإدارة المرور ، فسيجيئك الرد بأنه سيسامحك هذه المرة لظروف عملك ويطلب منك بأدب أن تذهب للمرور المرة القادمة لتجديد رخصتك ، وهذا يا أخى ينضوى تحت باب (الدين المعاملة) فلماذا لا تعامل سارة أهل بلدها بالمعاملة الحسنى المعروفة بين السودانيين بغض النظر عن تطبيق القانون ، يا سيدى الدين المعاملة ، ولا توجد معاملة مع سارة واخواتها ، سمعنا يا وليد (تحت تحت) أن الحكومة مبسوطة جداً من سارة؟؟؟ والإنطباع العام لدى المغتربين أن الحكومة دائماً ضدهم فيما يخص الضرائب ومعاملات التاشيرات والتواثيق وخلافه ، ويتلذذ موظفى هذه الجهات بتعذيب شريحة المغتربين ، ويتأكد الأمر لمواطنى الداخل بوجود أمثال سارة لإشباع المواطن مزيداً من الذل والهوان وإلا فما معنى أنك تكون مخالف ويتوجب عليك دفع (الجباية) لحكومة بحجة لبس شيط أثناء القيادة ، أو عندما تسألك ماشى وين؟؟؟ (شوف الذلة) وعندما لا تجيب تكون وقعت فى (فخ) المخالفة والدولة مسرورة غاية السرور لأن سارة كانت فى آخر الدوام قد أتت بالغالى والنفيس من المواطن الغلبان ، طبعاً إذا سلمنا بأنها أمينة ومخلصة للدولة

يا وليد الناس تعبانة وغلبانة والمفروض أن تخفف الدولة عليهم وليس مفروضاً أن تزيدهم ناراً على نار بمثل تصرفات (جنابو سارة)

ألا توافقنى؟؟؟؟

تحياتى ، وسلم لى على (جنابو سارة)

الاخ زول زول
لك التحية والتقدير

والله انا شخصيا عندما كنت طالبا وبالتحديد قبل عام وشهرين

كانت تلك المراة تقف عند كبرى بحرى بالقرب من محطة البنزين وبداية شارع الانقاذ

ولا تترك شابا ولا اى شخص تراه بعينها ...

اجمالى ما دفعت للمرور وبالاخص لدورية هذه المراة حوالى 200 الف جنيه سودانى بالتمام والكمال

والتى اتذكرها ذات يوم لم يكن معى 20 الف جنيه فرجعت الى الجامعة واحضرت لها المبلغ ..

سبب الغرمات دائما( انت منظرك ما مهئيئة للسواقة _والشبط _و الاتكاء على وساطة الوسط فى السيارة _ المسافة بينك وبين السيارة الاخرى اقل من 40 شئ مش عارف )

عندما عدت الى السودان هذا العام لقضاء الاجازة قابلت احد الاصدقاء وهو قادم من امدرمان وقال لى الضابطة الكلبة ديك (صحبيتك) بتاعت الشير العاملناها ليك فى الجامعة دفعتنى ايصال بـــ 20 الف بالقرب من كبرى شمبات غند الشهداء

ضحكت وقلت ليه استحمل وكمل العام الدراسئ وغادر السودان ....

يلعن ابوكى يا بلد

بلد تسمى ارض الجباية .....

عاصم أبوبكر حامد

شكراً للإضافة الجميلة

ويا وليد عليك الله أقرا كلام عاصم ده وقول لى ده (حلال ولاّ حرام)؟

تحياتى

والله يا زول كنت ناوي أخش وأدافع عن هذه الساره وأقول ليك كيف يعني بتكون ضاره طالما هي بتؤدي في واجبها.. إلا أن وصلت لحتة الإيصال الصوره .. عندها تيقنت بأنها ضاره ولصه على عينك يا تاجر تعمل لمصلحتها الشخصية وبالقانون كمان .. والما عاجبو يشرب من البحر ...

تذكرت نكنة تروى في هذا السياق .. قالوا واحد جه يخطب ليهو بنيه .. أبوها سألوا بتشتغل شنو .. قاليهو عسكري حركه إلا مستفيد ...

وصراحه أخوانا أهل الأمجاد في السودان يروون قصصاً يندى لها الجبين في مسألة رشاوي ناس الحركه .. أنا نفسي في أول يوم من أحد الإجازات راكب مع أخوي لتوصيل زوجة أخي لأهلها في أركويت .. ومع لفة كوبر لمه ليك فينا واحد ..وخد يا مخالفات .. العربيه ما مرخصه .. وما عارف إيه .. تقوم زوجة أخوي المسكينه تتدخل وتقول للعسكري معليش يعني الزول ده مغترب ويا دوب وصل أمبارح وما لحق يرخص العربيه .. تعرف الراجل قاليها شنو؟ .. المغتربين ديل ياهم الكايسينهم ذاتهم .. أخيراً نزل كمال أخي .. وهو راجل تفتيحه .. قال ليه ونحن نسمع شوف يا خوي أنا في جيبي عشره ألف بس نتقاسمه وتتكل على الله .. وقد كان ... شفتوا الواحد لمه يكون مرتشي بيبقى رخيص كيف ؟ ... وزغردي يا بلد ..

أخى إدريس محمد إبراهيم

شكراً للإضافة الثرية

وتسلم يا سيدى

يا وليد اخوى

لو سارة ما ضارة

نسميها سارة السوس او عرق مدسوس لشفط دم الشعب
ولا انت رايك شنو ؟؟

انت سميها كدة نشوفك


تسلم

Quote: يلعن ابوكى يا بلد

الاخ عاصم سميها متل ما تحب...
ضارة سوسة مرتشية مجنونة اى اسم يخطر
ببالك.......بس البلد ......الوطن .......الارض
اعطو بعض الاحترام بل كل الاحترام.....صدق اخى
العزيز حينما اسمع هكذا حديث بيقشعر كل جسدى
ويصاب بالتشويك......هو طلب ليس امر ....احترام هذا
الوطن....هذا البلد......هذا السودان....سودانى الجوه وجدانى بريدو
اكيد شكرى

الاخ وليد
لك التحية

اذا انت متقف معى فى تسميتها اى كان
فهذا امر جيد من ناحية ...

ومن ناحية اخرى احترام الوطن يقدم ولكن هل تعتقد ان الانقاذ
تركت لنا باب لكى نخترم فيه الوطن

الوطن فى حدقات عيوننا ولكن ليس الوطن الفيه اهل الانقاذ

ليس البلد الفيه اهل تاكل عيش ...

اخى وليد حبنا للسودان لا يتغبر نحبه كفلزات اكبادنا وكابائنا
ولكن الان لا مجال لحبه بعد هذه المامرات ...

ما ذنب المواطن من كل تلك الاشكاليات التى تتعرض لها الانقاذ ..

على الانقاذ ان تسلم السلطة للشعب وبعدها نرى ما هو راى الشعب ..

تسلم اخى

تحياتى اخى عاصم
كثير منا ما يخلط الامر بين الانقاذ والوطن
الانقاذ سوف تذهب فى يوما ما وسوف يبقى هذا الوطن

Quote: اخى وليد حبنا للسودان لا يتغبر نحبه كفلزات اكبادنا وكابائنا ولكن الان لا مجال لحبه بعد هذه المامرات ...

لا ياخى عاصم فليكن الوطن دائما فى الوجدان
وشبع فلزات الاكباد بحبه...ابغض الانقاذ كيفما تشاء ومن هم
قبل الانقاذ وبعد الانقاذ لكن زنب الوطن شنو....فليكن هنالك
مجال اخى لحبه لانه يستحق كل الحب............


وجاى راجع ليك يا زول وسارة النافعة

اخى الجليل
وليد
لك التحية
الوطن له احترامه وله تقديره
وهذا فوق راسنا وراس راسنا كمان ..

Quote: لا ياخى عاصم فليكن الوطن دائما فى الوجدان وشبع فلزات الاكباد بحبه...ابغض الانقاذ كيفما تشاء ومن هم قبل الانقاذ وبعد الانقاذ لكن زنب الوطن شنو....فليكن هنالك مجال اخى لحبه لانه يستحق كل الحب............

اخى الوطن الان فيه حكومة وهذه الحكومة تدعى الانقاذ يعنى من يمثلنا خارج البلد
كوطن هو الانقاذ ولذلك اقول يلعن ابوكى يا بلد فيها الانقاذ ...

السودان بلد رائع يحتاح الى يد تعمرها ويد اخرى ترفع رايته الى الاعلى ..

يكفينا كقتال وخراب ويكفينا اقتتال
يجب ان نعطى كل ذى حق حقه

ويجب ان نعود الى الواقع والى سودانيتنا ...

اما سارة هى صنع الانقاذ اذا الانقاذ لم تكن موجودة فاذا سارة غير موجودة ...

وسارة مسنودة بالانقاذ لذلك تفعل فعلتها هذه ...

اخى وليد حتى انت الان متضرر من الانقاذ ولكنك تدافع عنها ؟؟
اخى اسمح لى ان اسالك سوال لماذا دفاعك عن الانقاذ واهله بهذه الصورة ؟؟

اخى انا تضررت من الانقاذ شر ضرر ولذلك اقول الانقاذ لا تنفع اطلاقا...

اتمنى ان تجد سارة وهى تقطع لحم الشعب السودانى فى الشارع شر قطيعة ووقتها
فكر فى الرجل الذى يعود الى بيته خالى الوفاض ..

ومن لم يدفع فالحجز سبيلة الوحيد ووقتها الدفع يكون ضعفا لانك اجبرت الادارة العامة للمرور لجر السيارة الى حوشهم وحراسة السيارة

وبعدها ويلك يا ويلك من الدفع ...

تسلم

الأخوان وليد وعاصم

أعجبنى أدب الحوار بينكما ولذلك لم أرد التدخل

واشيد بكما

شكرا

اخي يازول
السلام عليكم ورحمة الله

لا اشك مطلقا في ما رويته هو ما سمعه شخصكم المحترم جدا عندي من الراوي الاول
صاحب الموقف.

لكني اجد صعوبة بالغة في تصديق من روى لك
سارة ضابطة برتبة صغيرة جدا لذا من الصعب ان تغرم الناس بايصالات مصورة وتضع النقود في جيبها مالم يكن معها اخرون كبار.

لكن مارأيك بالظلم الذي يصيب اهل الامجاد والهايس....؟؟
الدولة لا تعطيهم الترخيص التجاري حتى تستطيع اجبارهم على دفع 30 الف جنيه يوميا
قبل ان يتوجه سائق الهايس في الصباح الي العمل يضع 30 الفا منفصلا في احد جيوبه ليدفعها لاهل الحركة قبل ان يبدأ العمل.
ان كنا حقا رعايا دولة وليست اقطاعيةكيف تسمح الدولة لنفسها ان تاخد تلك المبالغ وبشكل يومي تحت بند الغرامات وهي تعلم علم اليقين بان تلك الحافلات تعمل في النقل العام فلماذا لا ترخص لهم بدلا من تغريمهم يوميا لسنا في دولة...... لسنا في دولة....
هل تلك الاموال و لو وصلت الخزينة حلال..............؟؟

hamid brgo

الحبيب حامد ، لآ أدرى كيف لم أرى ردك هذا إلا صباح اليوم ، فأعذرنى إن تأخر ردى على مداخلتك

نعم يا حامد وصلتنى الحكاية بالطريقة التى رويتها وارانى أوافقك الرأى أن الضباط والعساكر لا يرتشون وذلك فى الأحوال العادية ، ولكن نظراً لحكاوى الناس المتواترة حول مثل هذه الأمور ولتجارب شخصية مررنا بها عند ذهابنا للسودان بإفراج مؤقت رأينا العجب ولذلك اصبحنا نصدق تماماً ولا نستغرب مما يدور فى السودان من رشاوى وفساد كبيرين ، وأنظر لرواية الأمجاد التى أوردتها فهى خير دليل على أنه يوجد إنفلات ما فى وطن ما عاد يهم أحد سوى مصالح الناس الشخصية وبمباركة الدولة الفاشية

لنا الله يا حامد ، والصبر الجميل

الحبيب ابو الهش

لك التحية والتقدير


ياخي بوستاتك دائما لذيذة ودمها خفيف , وبالمناسبة انا اتصلت عليك اول امس في

الموبايل من تلفون البيت 012680 والباقي تلقاهو في الموبايل


في اجازة من الاجازات لاقتني المدعوة سارة في مدخل كبري النيل الابيض من جهة امدرمان

وقفتني فتشت شمال يمين اوراق العربية من دفتر التريبتيك لحدي اوراق المرور من

بورتسودان لحدي الخرطوم فايل كامل طبعا مالقت اي حاجة وكنت بتعامل معاها ببرود اعصاب

لحدي ماتعقدت , لما مالقت حاجة قالت لي كنت بتكلم منو في الجوال ..؟ بالله شوف

السؤال .. !!!! قلتا ليهو كنت بكلم حبوبتي .. وضحكت قالت لي

بتتريق ..؟ قلتا ليها انا

بعرفك عشان اتريق معاك , قامت سكتت وعاينت لي ومسكت الدفتر كتبت لي مخالفة استعمال

الجوال اثناء القيادة قلبت الورقة من الجهة الثانية قلتا ليها انا ماشايف هنا في

الورقة دي حاجة اسمها استعمال الجوال دي , قالت لي شفتها ماشفتها تدفع وبس ..بالله

اتخيل , انا لوما كان زمني ضيق وعندي اجراءات مع مصاصين الدماء بتاعين شئون

المغتربين كنت شختا ليها وذي ماتجي تجي ...




كت اووت :



بس اللوم ماعليها على العينوها وادوها صلاحيات ذي دي وكمان بدوها نسبة , دا طبعا اذا كانت القروش بتتورد لخزينة البلد , في كل الحالات لازم تكون جباية ..حلوة جباية دي

يا خضر ، من المكتب ضربت ليك فى تلفون البيت الآخرو 7 ولم أحظ برد

تحياتى يا جميل وتشكر على المكالمة وأرجو محاولة الإتصال لاحقاً

وشكراً لمساهمتك فى البوست

أخي هشام (يازول)
والله في بوست نزل قبل فترة قصيرة ما لقيتو ياهشام لكن في هذا البوست ذكر الكاتب نسب وحصص الجهات المستفيدة من هذه الجبايات ، ولفت نظري أن المرور له نسبه وحصة محترمة من هذه الجباية - لكن بأي حال ما مجدية ومغرية مثل حكاية (الصلح)الفردي الفوري (ونقسمها) (ومشي نفسك ) وغيرها من المصلحات (الكتامية) التي تدور بعجلة وسرعة بين السائق والشرطي
وغايتو زولتك دي بطريقتها دي بتكون أغنى أغنياء الخرطوم (الكوميشن) بطلع ليها كبير - وغايتو لو عندك واسطة اشتغل زي (السارة) لا تبخل علينا- الريال نازل - والعيال كبرت
مودتي
الشفيع

الأخ الشفيع أبراهيم

شكرا على ردك الجميل

غايتو الواحد حاسس أن الشغلة وراها (مأكلة) رغم إعتراض وليد

بعدين يا الشفيع لو الزول إشتغل معاهم بالطريقة دى ، ببقى غنى فعلاً ، لكن غنى الحرام ما منو فائدة بجيب (الجلا)

تحياتى

Quote: يا وليد الناس تعبانة وغلبانة والمفروض أن تخفف الدولة عليهم وليس مفروضاً أن تزيدهم ناراً على نار بمثل تصرفات (جنابو سارة) ألا توافقنى؟؟؟؟

باعتبارو سؤال عام , انا اوافقك تماما

وبالرغم من انو ما عندي عربية ومافي حاجة تلمني مع هذه الشخصية, لكن البسمعو عنها من اصحابي العندهم عربات , يوضح انو البت دي غيااااظة درجة اولى

..
التحية ليك يازول ولي بوستك الفاهم ذيك ده

زول
سلامات
اخونا كان في طريقو للبيت وفجاءه ظهر عباس "رجل المرور"
واخونا طوالي فتح الباب وقال ليهو اها العربيه دي 100% ما بتقدر تطلع منها مخالفه واحده عباس كانت روحه رياضيه قاليهو بقدر اها بدا يمارس مهنتو فتش الراجل (سفنجه ، منديل، جلابيه ، موبايل ،حتي كمان سالو قاليهو عندك تلفون في البيت واسئله كتير وتاني قبل علي العربيه اوراق ومعلومات ، اخونا جاهو تاني وسالو اها لقيت حاجه الهم حتي مقاس اللساتك عرفه كم رطل ،،،،،
قاليهو ايوا لقيتها انت العربيه دي ما فيها طفايه
اخونا سالو قاليهو انت اخر مره شربت بيبسي متين
قاليهو زمان وفي مناسبه عرس ،،،

ود شندى

أهو ده أحسن مثال أوردتو عن الحكاية وما فيها

وبعدين الشغلة إنتهت بى (حق البيبسى) ، فهل يذهب هذا البيبسى إلى خزينة الدولة أم (يطفحه) صاحبه؟

إن شاء الله ما ينفعوا

تحياتى

وأنا كمان أحييك أخى يحى الشريف على مشاركتك الضافية، وفعلا ما نسمعه من قصص وحكاوى حول هذا الموضوع يشيب له الولدان ، نعم قد تكون سارة تعمل بأمانة وشرف وبوطنية عالية ، ولكن هل الوطنية أن ننسى راحة المواطن وأمنه ونفكر فقط فى كيفية جبايته ، يا يحى دى قالوا (بتحصحص) الزول بشكل مبالغة ، يعنى لا يهمها سوى الجباية والغرامة ، ذهبت هذه الجباية إلى خزينة الدولة أو إلى جيبها أصبحت لا تعنى شئياً طالما (الضرر) قد وقع

تحياتى يا يحى

Quote: يلعن ابوكى يا بلد

لا اجد لك اخى عاصم
اى مبرر لمثل هذه الجمله

على محمد على بشير

(ملعون أبوكى بلد) ، كأنى قرأته فى نص مسرحى أو ما شابهه ، ولا يقصد قائلها (البلد) فى حد ذاتها بقدر ما يقصد (سلطان) البلد وولى أمره وحكومته وسياسته ، ويقولها دائماً من يرى الظلم ويرى الغطرسة ولا يقدر على فعل شىء فيسب ويسخط ليفش غله

هذا ليس دفاعا عن عاصم بقدر ما هو هجوما على سياساتنا المتعثرة وحكومتنا البايظة التى اوصلتنا إلى هذا الحد

تحياتى

يازول

سلام

اها مره جيت ماري بصنيه التاكسي التعاوني وانا ماخد اللفه رب العربيه وقعت في حفره المجاري اخوك كان قاشر ومافي طريقه ادفر وانا داخل العربيه جاني عباس سالف الزكر "رجل المرور" جيب الاوراق جيب الرخصه جيب سعودي المهم ما خلا حاجه بس الا شهاده البحث بتاعه البيت الماطلب مني قال لي كمان مغترب قلت ليهو اي مافي مشكله بس كدي ادفر العربيه وبعدين نتفاهم عشان صالح الشارع والزحمه اخوك ما كضب عضه قميصو وهاك يا دفر وبعد ما طاعت العربيه كنت عند حسن الظن جنبت طرف الشرع وجيتو قال لي اها دخلت يدي في جيبي وطلعت الوصل بتاع المخالفه الفي نفس اليوم وقلت ليهو معيش بس اخوك القبلك اخد المخالفه صاحبك ولا كلمه لف يمن وشتت
بالله انا غلطان

لا ما غلطان

تسلم وربنا يخلصنا من ظلم الجبايات التى غالبا ما تكون السبب الرئيسى لسقوط الامبراطوريات

فوق

مرة سارة الضارة دا
وقفتنى عشان ماعندى رخصة وبتكلم بالموبايل
غرمتنى 40الف
صحبى واقف جمبى قال ليها فعلا سارة الضارة
حجزت مننا العربية قالت لحدى مايجى زول كبير
ويتعهد بانى ماسوق