أمية الهدندوية وإعتذار للبورتسودانية

أمية الهدندوية وإعتذار للبورتسودانية


15-07-2006, 03:23 AM


  » http://sudaneseonline.com/cgi-bin/sdb/2bb.cgi?seq=msg&board=52&msg=1164839215&rn=0


Post: #1
Title: أمية الهدندوية وإعتذار للبورتسودانية
Author: يازولyazoalيازول
Date: 15-07-2006, 03:23 AM

جاءنى صوتها الرقيق منسابا عبر الموبايل كارق من نسمة الصباح ، وبلطف عاتبتى (أمية) على شدة قولى فى بورتسودان ونعتها بقبيح الصفات ، وهى المدينة التى تربت فيها (أمية) وعاش فيها أهلها وتعمقت جذورهم بها ، فأصبحوا يغارون عليها من مثل قولى الغليظ ، فأدخلتنى (أمية) فى (قد الإبرة) ، وخجلت من نفسى أن أغلظ على مدينة مثل مدينة بورتسودان الجميلة والتاريخية ، ثغر السودان وقرة شرقه العزيز ، ودعتنى لزيارتها شتاء ، وقد قبلت دعوتها

وعشان خاطر أمية ، وعشان خاطر أصحابى فى ترانزيت ، وفى الأحياء العريقة ببورتسودان ، وعشان خاطر المكالمة البورتسودانية التى أتت من ثغرنا الجميل ، وعشان حلاوة صوتها وجمال مفرداتها فى العتاب ، ولطيف كلامها أقول لها ولكل بورتسودانى:

(لو فى الكلمة أنا غلطان)

كما كان يرددها صلاح إبن البادية ، وأعتذر منهم جميعاً ، وأقبل أيادى أهل بورتسودان فرداً فرداً حتى يرضو عنى ، وأضع قبلاتى الحارة على راس (أمية) وعلى راس كل هدندوى وبنى عامر وبيجاوى وبورتسودانى أصيل ، ومعليش حبيبتى بورتسودان فقد حدث ما حدث فى الماضى السحيق ، ولعلك الآن يا بورتسودان أكثر جمالا وأنظف بقعة وأحب مكان

فهلا قبلتم عذرى؟

Post: #2
Title: Re: أمية الهدندوية وإعتذار للبورتسودانية
Author: Tabaldina
Date: 15-07-2006, 07:02 AM
Parent: #1

..
.
Quote: ولعلك الآن يا بورتسودان أكثر جمالا وأنظف بقعة وأحب مكان


انت بتنط من كلامكـ مالكـ!!؟
مش قلت وجهت نظر هناكـ
وجات الناس تناقشكـ فيها قد تكون على صواب
وقد تكون على خطاَ فى النهاية هى وجهة نظر مقبولة
او مرفوضة من البعض ..
دافع عن وجهة نظركـ ..
بورتسودان زى ما ما قلت ليك مدينة زى مدن السودان
تعانى من قلة الخدمات وقصور ادارى وتهميش
لكن مش عشان أمية انت تعتذر من غير ما يقنعوك او تقنعهم
يعنى لو جيت قلت الابيض ما فيها موية ولا كهرباء انا اقدر انكر
ابداً ..
وفعلاً بورتسودان لا زالت تعانى من بعض المشاكل
مثل كل مدينة لكن المدن الذكرتهم ليك ديلاك اكعب منها
عشان كدا
خليكـ ثابت .. البطل

بالمناسبة اسم ( امية ) دى من ووين!!
ولا قصدكـ اميمة ..

Post: #3
Title: Re: أمية الهدندوية وإعتذار للبورتسودانية
Author: يازولyazoalيازول
Date: 15-07-2006, 07:52 AM
Parent: #2

إسمها (أمية) يا تبلدينا كما أوردت وقد عاتبتنى عتاباً شديداً على كل حرف كتبته سلباً عن بورتسودان ، فلذلك وجب أن أعتذر منها لما سببته لها من مضايقات ، أما تجربتى الشخصية ، فهى (شخصية) ، ولا استطيع تغييرها إلا إذا رايت الوجه الحقيقى للمدينة ، ويبدو أن لها وجها مشرقا كمكالمة (أمية) التى جعلتنى أقوم بالإعتذار لها ووضعتنى فى موضع (التناقض) الذى قرأته الآن يا تبلدينا ولكن حُق لنا أن نعتذر للجميلات العذارى ، ونبلع تجربتنا الشخصية عساها تكون تجربة أفضل فيما بعد


Post: #4
Title: Re: أمية الهدندوية وإعتذار للبورتسودانية
Author: saif massad ali
Date: 15-07-2006, 08:07 AM
Parent: #3

هشام

انت ملك حتي في الاعتذار

ربي يزيدك

Post: #6
Title: Re: أمية الهدندوية وإعتذار للبورتسودانية
Author: يازولyazoalيازول
Date: 15-07-2006, 08:26 AM
Parent: #4

شكرا جزيلا يا سيف مساعد

Post: #5
Title: Re: أمية الهدندوية وإعتذار للبورتسودانية
Author: ALGARADABI
Date: 15-07-2006, 08:13 AM
Parent: #1


Post: #7
Title: Re: أمية الهدندوية وإعتذار للبورتسودانية
Author: يازولyazoalيازول
Date: 15-07-2006, 08:27 AM
Parent: #5


Post: #10
Title: Re: أمية الهدندوية وإعتذار للبورتسودانية
Author: كوليل
Date: 15-07-2006, 09:10 AM
Parent: #7

يازول

شكرا لى الاعتزار .....

وبى دورنا نحن نعتزر ليك لانك جيت فى وقت غير مناسب ...

عشان كدا مارحبت بيك مدينتنا ترحيب يليق بى مقامك

لاكن طالبنك زيارة ... وبعد داك أحكم

Post: #13
Title: Re: أمية الهدندوية وإعتذار للبورتسودانية
Author: يازولyazoalيازول
Date: 16-07-2006, 01:31 AM
Parent: #10

شكراً يا كوليل على قبول الإعتذار ، وأوعدك بأن اقوم بزيارتها شتاء

تحياتى يا كوليل

Post: #8
Title: Re: أمية الهدندوية وإعتذار للبورتسودانية
Author: kamalabas
Date: 15-07-2006, 08:46 AM
Parent: #1

نزل ناقصا

Post: #9
Title: Re: أمية الهدندوية وإعتذار للبورتسودانية
Author: يازولyazoalيازول
Date: 15-07-2006, 09:06 AM
Parent: #8

نعم يا كمال لعلها كذلك فأنا لم أرها منذ ستة سنوات


Post: #11
Title: Re: أمية الهدندوية وإعتذار للبورتسودانية
Author: Tragie Mustafa
Date: 15-07-2006, 09:24 AM
Parent: #9

العزيز هشام (يازولyazoalيازول)

تشكر يا راجل يا طيب

اولا كنت اتمنى ان اطلع على نقدك لبورتسودان

وبعيدن ارد...

ياريت توضح اللينك

وبجيك صاده..

تقديري.

تراجي.

Post: #14
Title: Re: أمية الهدندوية وإعتذار للبورتسودانية
Author: يازولyazoalيازول
Date: 16-07-2006, 01:33 AM
Parent: #11

الملكة تراجى مصطفى

كتبت هذا البوست:
بورتسودان ، الذباب والقاذورات والرطوبة والحر والعقارب والملح

فقامت شابة لطيفة من بورتسودان لا تعرفنى ولا اعرفها ، قامت بالإتصال علىّ عبر هاتفى الموجود بالبروفايل ، وبأدب شديد عاتبتنى عتاباً حاراً ، ولذلك وجب الإعتذار

تحياتى يا ملكة

Post: #12
Title: Re: أمية الهدندوية وإعتذار للبورتسودانية
Author: kamalabas
Date: 15-07-2006, 10:36 AM
Parent: #8

معليش هشام المداخلةالسابقة نزلت مبتورة
كتب هشام شيخ الدين
Quote: ولعلك الآن يا بورتسودان أكثر جمالا وأنظف بقعة وأحب مكان
بورتسودان .... جميلة بأنسانها وسكانها.....عانت تهميشا وقساوة الطبيعة حيث لم تتدخل
يد الحكومات لمعالجة قساوة الطبيعة...
......التطرق لهذه الاشياء ليست تابوهات طالما كان أنسان بورتسودان
مكان التقدير......
....أعرف أن بعضا من أبناء الشمالية... مناطق الشائقية تحديدا .....يتحدثون
الهدام والتصحر وقساوة الطبيعة...والفقر والاهمال والتهميش الذي طال ويطال
تلك المناطق....وضيق الرقعة المزروعة بالمقارنة بسكان المنطقة مما
أدي للنزوح والهجرة الداخلية والاغتراب الخارجي
ولم يعتبر الناس هذا الحديث تقليلا من شأن تلك المناطق أو أنسانها
...الفقر والافقار هو الداء والتهميش والتجاهل هو أس المصيبة .....ومتي ما وظفت الموارد لصالح الانسان
وتم الاهتمام بالتنمية بشريا وأقتصاديا يمكن السيطرة علي قساوة
الطبيعة......

كمال

Post: #15
Title: Re: أمية الهدندوية وإعتذار للبورتسودانية
Author: يازولyazoalيازول
Date: 16-07-2006, 01:34 AM
Parent: #12

الحبيب كمال عباس

أوافقك فى كل حرف كتبته

تسلم يا حبيب

ويسلم أهلى فى بورتسودان

Post: #16
Title: Re: أمية الهدندوية وإعتذار للبورتسودانية
Author: sharnobi
Date: 16-07-2006, 01:37 AM
Parent: #1

الوداك
حى زقلونا شنو

بكلم ليك تماضر

Post: #17
Title: Re: أمية الهدندوية وإعتذار للبورتسودانية
Author: يازولyazoalيازول
Date: 16-07-2006, 01:58 AM
Parent: #16

لوووووووووووووووووووووووووووووووووووووول

يا شرنوبى


Post: #18
Title: Re: أمية الهدندوية وإعتذار للبورتسودانية
Author: ali elhassan
Date: 16-07-2006, 02:14 AM
Parent: #17

نزل ناقصا

Post: #19
Title: Re: أمية الهدندوية وإعتذار للبورتسودانية
Author: يازولyazoalيازول
Date: 16-07-2006, 02:39 AM
Parent: #18

لقد رايت ذلك يا على الحسن فقد كتب كمال سطراً واحداً ، ووضح أن الرد (نزل ناقصا) وقام بإكماله فى رد بليغ آخر ، وقد رديت عليه ولكن لا بأس أن نضحك معك


Post: #20
Title: Re: أمية الهدندوية وإعتذار للبورتسودانية
Author: Unabomber
Date: 16-07-2006, 03:01 AM
Parent: #19

سلامات يا خال

يعنى داير تجيب لينا الكفوة يا خال - هسى ناس بورسودان ديل حا يلبدوا لينا و يطلعوا لينا بوست إسمو: كوشة السودان المسماة بأمدرمان و الحرب تقوم حيث إن معظم البورداب أمدرمانيين بحتين

أنا شخصيآ زرت بورسودان قبل حوالى عشرين سنة مع الكشافة البحرية و عسكرنا بقرية عروس لمدة إسبوع و قضينا وقتآ لا ينسى - المدينة كانت فى قمة الجمال و فعلآ كانت زيارتنا لها شتاء و طبعآ أكلنا المخبازة

تحياتى - يونى

Post: #21
Title: Re: أمية الهدندوية وإعتذار للبورتسودانية
Author: يازولyazoalيازول
Date: 16-07-2006, 03:18 AM
Parent: #20

الحبيب اليونى

ياخ والله مشتاقين عديل كده ، إنت وين ياخ؟؟؟؟


طبعا أتصور أن تكون بورتسودان قبل عشرين عاماً آية فى الروعة والجمال ،

ولكن ما بالك فى أم درمان (بلد الأمان) قبل عشرين عاماً كذلك

يا يونى ، أم درمان هى أم درمان ، بمنزلة (أبو الهول) للفراعنة ، وكفى

تحياتى يا راجل يا سُكّر


Post: #25
Title: Re: أمية الهدندوية وإعتذار للبورتسودانية
Author: kamalabas
Date: 16-07-2006, 08:37 AM
Parent: #18

نعم ياعلي الحسن فقد نزل ناقصا في تلك المساحة
حيث أنزلت أقتباسا من كلام الاخ هشام كنت أنوي التعليق عليه
ولسبب لا أعلمه فأن الذي ظهر هو الاقتباس فقط......
وواضح أني لم أكن أعني أنزال الاقتباس منفردا....
مما أضطرني لأعادة كتابة الخيط بالصورة التي ترا ها في المداخلة الاخري
كمال

Post: #22
Title: Re: أمية الهدندوية وإعتذار للبورتسودانية
Author: Tabaldina
Date: 16-07-2006, 04:20 AM
Parent: #1

..
.
Quote: يا تبلدينا ولكن حُق لنا أن نعتذر للجميلات العذارى ، ونبلع تجربتنا الشخصية عساها تكون تجربة أفضل فيما بعد


دا الظاهر اعتذار من باب
يا صوتها لما سري
وبسمو تكسير تلج ..
ما علينا
بورتسودان سمحه رضينا ام ابينا
عشان عيون امية ( بكاااى )

يونى ..
اسمعنى يا زول يا ما عندك عشرة
ياخ الدقيقة ب 30 سنت ما بتسال
المهم عايزكـ تتصل على ضرورى .. او تدينى موبايلك
فى الماسنجر انا بتصل ..
او رسل لي ايميل عاجل وسلامى لمحمد بكرى
وبقية الشباب ..

Post: #23
Title: Re: أمية الهدندوية وإعتذار للبورتسودانية
Author: Unabomber
Date: 16-07-2006, 04:37 AM
Parent: #22

عوافى يا أبو صليح و مشتاقين

رسل لى موبايلك على المسنجر، بتصل بيك بعدين إنشاء الله، محمد كويس و مبسوط و فى أمن و أمان، ممكن أعمل ليك ثرى وى كول بعدين

Post: #24
Title: Re: أمية الهدندوية وإعتذار للبورتسودانية
Author: يازولyazoalيازول
Date: 16-07-2006, 04:44 AM
Parent: #23

يا تبلدى

هنالك إختراع إسمه (الماسنجر)

تحياتى


Post: #26
Title: Re: أمية الهدندوية وإعتذار للبورتسودانية
Author: يازولyazoalيازول
Date: 16-07-2006, 08:45 AM
Parent: #24

شكراً يا كمال على التوضيح

تحياتى للجميع