Post: #1
Title: عن شناتي بقولكم
Author: بدرالدين شنا
Date: 05-05-2006, 00:22 AM
واحد من جماعتنا الله يرحمه كان حايم بين قرى حلفا في زيارة صديق وفي رجعتو زرتو ليك مطرة في الشارع قام أنكمد ليهو في بيت طرف حلة من الحلال ولي سوء حظة كان بيت واحد فقير (فكي) والمكان الدخلو دا كان مربوط فيهو مجنون وتعال شوف الجري داخل الغرفة والمساكاكا زولنا قلبو إنقطع وقدر من يبعد في ركن يحصلو المجنون أها الفكي سمع صوت الدفسي والرفسي قال يشوف الحاصل شنو لقى زولنا يرجف قال ليهو إنت منو والدخلك هنا شنو؟؟؟
زولنا قال ليهو
خليني أنا منو والدخلني شنو إنت زولك المجنون دا طالقو في نجيلة ما تقصر ليهو الجنزير دا قطع قلبنا لا حولالالالالالالالالالالالالالالالالالالا
بمناسبة المجنون المطلوق في النجيلة ياخ في ناس بفتحو ليهم بوستات يطلقوها فينا ويفوتو إنتو قايلن دي دار البوستات والمسنين
ياخ أنا كان مالي ومال الشامبو بالله كل ما اسويهو يدخل لي في عيني
يا ربي بسوهو كيف؟؟؟
أها بعد اسويهو بحتاج تاني أغسل راسي بالصابون؟؟؟
هو مكتوب عليهو (هيد آند شولدرز) يعني غسل الراس إلى الكتفين؟؟؟
ياخ والله اسع أدفقو
أها شفت الشاي بالبسكويت دا صراع براهو
كان شلت جغمة مع ترمة البسكويت بتشتش لساني
وكان قلت أبل البسكويت في الشاي الترمة بتقع جوة الشاي
والله أسع أدفقو
الخواجة العجوز مسوي ليهو شريط ضاغط في ضهرو فوووق جنب الصدر والله تشوفو بي ورا تقول الراجل دا لابس ليهو ستيانة
أها نشوفكم
|
Post: #2
Title: Re: عن شناتي بقولكم
Author: bayan
Date: 05-05-2006, 01:25 AM
Parent: #1
ققرقرقرقررقرققرر
يا البدري ابنكنبة
ضحكتني..
تذكر قصة ...... في حصة الازياء
لما الاستاذة قالت اي زول يجيب خيط وابرة..
مشى ليها اخدها على طرف قاليها
هيع انارزيقاتي و عيب الراجل يشيل ابرة..ولا يخيط...
خياط دا بنسميه (حاجة ما مذكراها اسع)
قامت قالت ليه بكل السقالة الشايقية بصوت عالي.. امشي شوف ليك ابرة
وخيط بطل الكلام الفاضي..
قام جماعتوا* بكل فرح قالوا ليها اها دي ابرة وخيط...
ادتها ليه وقالت امشي شيل القماش خيط الحاجة البتقع ليك
جماعتو وقعوا ليه ستيانة..
يخيط ويبكي ويمخط لما المحاضرة انتهت...
*في اي فصل في المعهد في ناس جماعتوا ديل يدبروا في المقالب
والسقالات على خلق الله...البدري دا كان من جماعتوا بتاعين فصلنا
علا بعد حجة اسع راق..
|
Post: #10
Title: Re: عن شناتي بقولكم
Author: بدرالدين شنا
Date: 05-05-2006, 11:47 PM
Parent: #2
دكتورة بيان يا دفعة
سلامي لك وللأسرة الهنا والهناك
دائما مداخلاتك غنية وما شاء الله تتمتعين بذاكرة قوية وحقيقة باينة أن المعهد شكل جزء مهم في حياتك وكانت لك نظرة ثاقبة وواعية وفاحصة درستي من خلالها كل زملائك في المعهد وهذه النظرة والحاسة التي تتمتعين بها أكيد ساعدتك كتير في مجال تخصصك وأنا سعيد بذلك
Quote: في اي فصل في المعهد في ناس جماعتوا ديل يدبروا في المقالب
والسقالات على خلق الله...البدري دا كان من جماعتوا بتاعين فصلنا
علا بعد حجة اسع راق.. |
هوي أنا بقيت اصلي الصبح في الجامع
|
Post: #3
Title: Re: عن شناتي بقولكم
Author: Mannan
Date: 05-05-2006, 03:02 PM
Parent: #1
بيان
انتى حلفاوية واللا شنو؟
السقالة ام الثقالة؟
ذكرتينا الحلفاوى الرد على القاضى: ايوة انا متزوج مرة فسأله القاضى وهل فى حد متزوج راجل فرد عليه: ايوة.. مثلا خد عندك اختى فاطنة... قرقرقرقرقرقرقرقرقرقرقرقرقرقر الخ الخ الخ.....
|
Post: #4
Title: Re: عن شناتي بقولكم
Author: محمد سنى دفع الله
Date: 05-05-2006, 03:23 PM
Parent: #3
ياشنا اعمل حســـــــابك
زوجتي حلــفـــاوية والله تسمعك ياكا المداخل بيتنا وماتنسى انت جاي افتتاح العرض الاول
صلح الكلام ده بسرعة انا لحدي بكرة ما بخليها تشوف الكاتبو ده ياشين ياثقيل تقول كان في حلفاوي اثقل مني ..قالوكحافاوي عجوز راكب في الدفار في طرف السلم برجل واحده واليدماسك بيهاالباب جاء واحد جاري محصل الفار عايز اركب وهو بصيح : الدفار ده ماشي وين ؟؟؟؟؟؟؟
الحلفاوي قال ليه لنفرض رايح بيتكم حتركب وين ؟؟؟؟؟؟؟؟؟
|
Post: #12
Title: Re: عن شناتي بقولكم
Author: بدرالدين شنا
Date: 05-05-2006, 11:48 PM
Parent: #4
السني الظريف الحريف
كيفك وتحياتي للمدام
Quote: ياشنا اعمل حســـــــابك
زوجتي حلــفـــاوية والله تسمعك ياكا المداخل بيتنا وماتنسى انت جاي افتتاح العرض الاول
صلح الكلام ده بسرعة انا لحدي بكرة ما بخليها تشوف الكاتبو ده ياشين ياثقيل تقول كان في حلفاوي اثقل مني |
خلاس أنتهيت من شتات وقبلت علي أنا المسكين
يازول ما تسوي لي مشاكل أنا الحلفاوين ديل برتاح ليهم شديد وخلني أحكي ليك قصة صاحبي الحلفاوي في مدينة صلالة
كنا مجموعة مساهرين ونغني وكان هناك من يعاقر الخمر (حلوة يعاقر الخمر دي مش؟؟؟) المهم بعد الجماعة طشموا فقدنا العشاء لقينا مافي عشا فركب صاحبنا الحلفاوي مع واحد وحامو صلالة بي لستك كلب وجو راجعين بخفي حنين
أها الحلفاوي قال
ياخي لفينا ما خلينا صلالة الجنوبية ولا صلالة الشرقية ولا صلالة وسطى ولا (صلالة جاوزت) زاتو
عليك الله سلم لي على المدام
قلت بالنسبة للعرض المسرحي تذكرة الطيارة رسلتوها لي ولا لسع مش الحكام ومراقب المبارة وديل برسلو ليهم تذاكر
والله يا سني ناوي أبيت في الدوحة في طريقي إلى الخرطوم أو في عودتي من الخرطوم
مشتهيك يا لذيذ
|
Post: #11
Title: Re: عن شناتي بقولكم
Author: بدرالدين شنا
Date: 05-05-2006, 11:47 PM
Parent: #3
منان الجميل
سلام وشكر على الطلة
النكتة مباااااااااااالغة
لك حبي
|
Post: #5
Title: Re: عن شناتي بقولكم
Author: عاطف عمر
Date: 05-05-2006, 03:30 PM
Parent: #1
إزيك يا بدر
أسئلة أتتني على بريدي الخاص
- لماذا عندما تكون بطارية الريموت كنترول ضعيفة نقوم بالضغط بقوة على الأزرار؟؟ يعني كدا بنشحن البطارية؟؟
- لماذا نخفض صوت المسجلة أو الراديو بالسيارة عندما نشعر بأننا دخلنا بالطريق الخطأ؟؟؟ يعني كدا بنصير نعرف الطريق الصحيح؟؟
- لماذا نقول هدية مجانية؟؟ و هل يوجد هدية غير مجانية؟
- لماذا عندما توقف سيارتك في موقف خالي تماماً من السيارات يقوم السائق الذي يأتي بعدك بوضع سيارته بجانب سيارتك؟؟ يعني بيترك الموقف كله وبيوقف جنبك!
- لماذا عندما يتأخر المصعد نضغط عدة مرات على الزر؟؟؟ يعني كدا بيحس على دمه و بيستعجل؟؟
- لماذا عندما تكون منتظراً المصعد و يأتي شخص آخر تجده يضغط أيضاً لطلبه؟؟ يعني مو شايفك بالمرة!
- لماذا نفتح فمنا عندما نقوم بإطعام الطفل الصغير ؟؟؟احنا اللي ناكل و لا هو؟؟
- لماذا نشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟
- ليش لما بتكون قاعد بمكان عام وبتمسع رنة موبايل فورا تنظر إلى موبايلك .. ليه حضرتك كثير مهم لحتى يرن موبايلك بين كل هالبشر.
|
Post: #6
Title: Re: عن شناتي بقولكم
Author: jini
Date: 05-05-2006, 03:39 PM
Parent: #5
Quote: خياط دا بنسميه (حاجة ما مذكراها اسع)
|
رزيقى مرسل لي اهلوا جواب :
ابتنطونى فلوس ولا بشتغلكو شكاك فى الخرطوم أحيبلكو فضيحة!!
جنى
|
Post: #7
Title: Re: عن شناتي بقولكم
Author: عاطف محمد أحمد زكريا
Date: 05-05-2006, 05:58 PM
Parent: #6
بس سؤال
ليه ارتبط الحلفاوين بعادة سب الدين ( والعياذ بالله)
ويا ربى العادة دى هسى انتهت ولا لسة شغالة باقى طولنا بالحيل من طريق حلفا
وصلتنى هسسى بالصدفة وانا بطالع هذا البوست نكتة عن الحلفاوين مرسلها صديق من داخل السودان بتقول
حلفاوى استاذ فى السعودية
الطلبة شابكنو يا عب يا سودانى
وهو ما قادر يسب ليهم لانه فيها اعدام
قام كتب فى السبورة الحصة دين
وقال ليهم ده دينا ولازم نحافظ عليه
لانو دينكم ودين ابوكم ودين الملك فهدودين السعودية
|
Post: #15
Title: Re: عن شناتي بقولكم
Author: بدرالدين شنا
Date: 05-05-2006, 11:48 PM
Parent: #7
الجميل عاطف محمد أحمد زكريا
سلام وإكرام
النكتة حلوة ههههههههههههه
رغم أن هذا البوست لم يستهدف الحلفاويين كل الحصل زولنا دا كان شغال في حلفا أما نحن فحلاوين صر
شكري وتقديري
|
Post: #14
Title: Re: عن شناتي بقولكم
Author: بدرالدين شنا
Date: 05-05-2006, 11:48 PM
Parent: #6
جني صاحبي إزيك يا لذيذ
Quote: رزيقى مرسل لي اهلوا جواب :
ابتنطونى فلوس ولا بشتغلكو شكاك فى الخرطوم أحيبلكو فضيحة!! |
هههههههههه
الأطفال الحلوين ديل ربنا يحفظهم ليك يا صديقي بس حاول خليهم تحت بعض في الصورة عشان ما تشبح البوستات
لك خالص معزتي
|
Post: #13
Title: Re: عن شناتي بقولكم
Author: بدرالدين شنا
Date: 05-05-2006, 11:48 PM
Parent: #5
إزيك إنت يا عاطف عمر
سلام متلتل
والله كل ما أوردته من أسئلة في محلو والزول الرسل ليك الأسئلة دا زول ما هين
| Quote: لماذا نخفض صوت المسجلة أو الراديو بالسيارة عندما نشعر بأننا دخلنا بالطريق الخطأ؟؟؟ |
دي أبدع فيها عديل كدا ووالله فعلاً شئ يحير
فرحتي بي زيارتك يا صديقي
|
Post: #8
Title: Re: عن شناتي بقولكم
Author: Mahmoud Mustafa Mahmoud
Date: 05-05-2006, 05:58 PM
Parent: #1
سلام آآآبدر الدين اللزيز... طبعا بعرف أكتب لذيذ... عيلا سغالة مني ساكت..
النبي فيك آآبدر أكان ما حكيت لينا قصة الكلب بتاع الفتيحاب.. والله ما بكلم زول..
ياخوي الزول أكان دايرلو معاك ونسة لمدة 48 ساعة يسوي شنو في الدنيا دي؟؟؟
تحياتي..
وأنا محمود صاحب عبد الحليم محمد الماحي وقريب حسن سكرية من حلة عباس وفي جدة ومتوجهين المدينة...
|
Post: #9
Title: Re: عن شناتي بقولكم
Author: Mutwali Malik
Date: 05-05-2006, 10:14 PM
Parent: #8
بدر الدين لك كل التحايا
واحد شين شين شين خالص عمل عملية تجميل لما رجع البيت قال لاهلو ما اتعرفت عليكم
|
Post: #17
Title: Re: عن شناتي بقولكم
Author: بدرالدين شنا
Date: 05-05-2006, 11:56 PM
Parent: #9
متولي الرباطابي الحلو
سلام وإستمتاع بي بوستك مالذ وطاب
| Quote: واحد شين شين شين خالص عمل عملية تجميل لما رجع البيت قال لاهلو ما اتعرفت عليكم |
ههههههههههه
|
Post: #16
Title: Re: عن شناتي بقولكم
Author: بدرالدين شنا
Date: 05-05-2006, 11:48 PM
Parent: #8
محمود الجذاب
سلامي وإحترامي وفرحتي بطلتك وتحياتي لأهلي في حلة عباس جت
Quote: النبي فيك آآبدر أكان ما حكيت لينا قصة الكلب بتاع الفتيحاب.. والله ما بكلم زول..
ياخوي الزول أكان دايرلو معاك ونسة لمدة 48 ساعة يسوي شنو في الدنيا دي؟؟؟ |
أنا ما خلصت من مجنون حلفا داير تجيب لي كلب الفتيحاب؟؟؟
أما لقاءنا في ونسة لمدة 48 ساعة حاول أنزل السودان في عيد الضحية بتلقاني
خالص معزتي
|
Post: #19
Title: Re: عن شناتي بقولكم
Author: bayan
Date: 05-06-2006, 00:55 AM
Parent: #16
Quote: بيان
انتى حلفاوية واللا شنو؟
السقالة ام الثقالة؟
ذكرتينا الحلفاوى الرد على القاضى: ايوة انا متزوج مرة فسأله القاضى وهل فى حد متزوج راجل فرد عليه: ايوة.. مثلا خد عندك اختى فاطنة... قرقرقرقرقرقرقرقرقرقرقرقرقرقر الخ الخ الخ..... |
منان the bored man
تعرف يا "هزاكسلنسي" عندي لعبة بتخيل الناس وشخصياتهم في البورد
اها انت دائما بيتخيل انك راجل عندك حالة مستعصية بتاعة ملل..
ما عارف تعمل شنو. الايام دي شايفة شغال بي وكدا..
تصلح لي في لغتي مافي مشكلة سبويه ذات نفسو كان فارسي
يعني عجمي,, تعرف يا "هزاكسلنسي" ممكن بشوية كدا
تكون زول مرح شوية تفك الكرفتة وتسترخى وتنسى كلام انك سفير وكدا
تجي تبقى زول عنقالي..تكتب عن "الاثارات" تفك الملل
وتشاكس بيان التي تشكرك على انه نبهتها انه سقالة بالثاء
زمني دا من اكلت الكسرة مو قريب قايلاها بالسين.
الله يغز فيك العافية..برضو نكتتك حلوة شديد والرسالة وصلت تب
مافي مشكلة اصحابي يتعاملو مع ذي خد عندك اختي فاطنة .....
ودا بيريحني جدا جدا..
عندما كنت طالبة نصحني زميلي ان اعمل منكير
عشان لو حصل حادث ما يلمو كرعيني مع كرعين الرجال..
فتك بعافية ايها الرجل الذي يقتله الملل...
تنشيبة
خلي بالك انا بهظر معاك يا هزاكسلنسي ما تقلبو جد
|
Post: #18
Title: Re: عن شناتي بقولكم
Author: almulaomar
Date: 05-06-2006, 00:50 AM
Parent: #1
أبو أواب
الله يديك العافيه ويمسحك بي زيت عافيه ويديك قروش ما تقدر تحسبها وركشات بعدد شعر رأسك ويسلط عليك ناس الزكاة عشان ياخدوا حق الله وحقوقهم لأنهم من العاملين عليها ، وإن شاء الله يا بدر الدين شنا الله يبتلي بلدنا بأن يجعل في كل إقليم من أقاليمها واحد شين زيك - طالما الشنا بتعمل كده - عشان ينصلح حال البلد ويبتلي منبرنا هذا بثلاث على شاكلة بدر الدين شنا حتي يحلو الكلام.
كتر خيرك كتر خيرك
يا زهجان ومضحك غيرك
كتر خيرك
مع الإعتذار للشاعر الكبير الحلنقي
|
Post: #21
Title: Re: عن شناتي بقولكم
Author: بدرالدين شنا
Date: 05-06-2006, 01:44 AM
Parent: #18
أخي وحبيبي الظريف المتعة عمر
سلام بعدد المسافات التي تقطعها وأنت تؤدي عملك الحلال الذي يقتات منه ناس أحمد وأم أحمد وإخوة أحمد
Quote: كتر خيرك كتر خيرك
يا زهجان ومضحك غيرك |
إنت عارف أنا بعض الأحيان بكتب بوستاتي كيف؟؟؟
بقوم أعاين في المتواجودن بالمنبر الآن ... مثلا أمس لمن كتبت البوست أعلاه عاينت لقيت شخصكم الظريف ودكتور بيان وبعض الزملاء اللذين لا أعرفهم عن قرب المهم قلت أنا أفك زهجتي في الإتنين ديل وبعد داك نشوف البحصل شنو .. أها ربك رب الخير فكيت البوست وبقيت أنتظر ساعة ساعتين ما عبرتوني بعد داك القلابة قبضت بيان قلت أخليها لغاية بكرة أها اليوم من الصباح لقيت العدد زاد وكل ما يزيد العدد زهجتي بتتفرق بين القبايل حتى جاء مقدمكم الكريم تتقدمه حروف زاهية ممتعة لا تخفى على شخص سوي
لك خالص حبي وريدي الذي لا يزاحمك فيه غير أولادي وأهل العوض
|
Post: #64
Title: Re: عن شناتي بقولكم
Author: almulaomar
Date: 05-07-2006, 00:52 AM
Parent: #21
إنت قايلني سيدنا يعقوب ولا شنو أخوة دي إلا جماعة سيدنا يوسف عليه السلام ونحن أخوان وبالمصري إخوات وأنا أون لاين 24/24 ساعة يومياً زي الأجزحانه وفي رواية أخرى الصيدليات المناوبه المهم ن شاء الله كل ما تسترق النظر أو تتاوق لي الناس المتواجدون في المنبر الآن تلقي أبو جهينه وقرجه وأب حراز وتظهر ليك شيري وأبكر آدم إسماعيل وأهل العوض وقرشو والرحمابي وتوما وبت قضيم وطارق جبريل وكل الحلوين في المنبر عشان تزداد لقاً وإبداعاً.
===
ما قلت لي دعواتنا الأهدرت كل باندوثات المنبر الحر في شأن إبنتكم غادة هل جابت نتيجه ولا الإمتحانات أجلوها بسبب زكمة الجداد ولا ما عاوز تعمل لينا عزومه أون لاين.
|
Post: #20
Title: Re: عن شناتي بقولكم
Author: ودقاسم
Date: 05-06-2006, 01:38 AM
Parent: #1
بدر
أنا عارف البوست لا يستهدف الحلفاويين ، بس كيتاً في شناتك دي كان أحكي الحكاية دي :
واحد ما بيحب الحلفاويين ، قام أخوه اتزوج حلفاوية ، وبعد فترة ولده اتزوج حلفاوية ، قامت زارته مرة حلفاوية لها علاقة صداقة بأسرته ، فوجدته يجلس على كرسي في ضل العصرية ، سلمت عليهو ، وقالت ليهو :
أها يا ابراهيم طول عمرك ما بتحب الحلفاويين ، عشان كده قاموا الحلفاويين جوك جوّه بيتك ، أخوك عرّس حلفاوية ، وولدك عرّس حلفاوية ، بتفوت منّهم وين ؟
قال ليها :
عليك الله خليني من نسوان الحلفاويين ، والله ما منّهم فايدة غير إنّهم بيتجلعوا بالرطانة ...
|
Post: #22
Title: Re: عن شناتي بقولكم
Author: بدرالدين شنا
Date: 05-06-2006, 01:54 AM
Parent: #20
الخال ود قاسم
كيف حالك بالبنطلون؟؟؟ شكلك ظريف ايوا ودمك خفيف أيوا
ياخ مشتاقين
| Quote: عليك الله خليني من نسوان الحلفاويين ، والله ما منّهم فايدة غير إنّهم بيتجلعوا بالرطانة ... |
ههههههههه
بمناسبة يتجلعوا دي عندي نسيبي هلالابي شديد أها لمن الهلال يكون فايز تاني يوم يقول ليك آ جنا جيب الرادي النسمع عالم الرياضة والله الليلة تلقى عبدالرحمن عبدالرسول (جلَّع) ليك اللغة العربية دي جنس تجلِّع
طبعاً عبدالرحمن عبدالرسول افضل من يكتب تقرير وتحليل للمباريات ... بس على شرط يكتب بس ما يتكلم
لك مودتي وفرحتي بالطلة
|
Post: #23
Title: Re: عن شناتي بقولكم
Author: maia
Date: 05-06-2006, 02:09 AM
Parent: #1
Quote:
بمناسبة المجنون المطلوق في النجيلة ياخ في ناس بفتحو ليهم بوستات يطلقوها فينا ويفوتو إنتو قايلن دي دار البوستات والمسنين
|
بدرالدين الما شين
تحيات نواضر
حسه اشوف البوست ده متوجه بقدرة قادر ناحية الحلفاويين ... طبعامن منطلق الانتماء وكده نحنا الحلفاويين ديل بنطلع في سبيلهم مظاهرة .. ونقلب ليهم حكومة جبهة ووحدة وطنية ..شفت التعنصر ده كيف ؟؟؟ لووووووووووول
وجه حلفاوي متعنصر
لقيتني كيف .. استخدام جيد لمصطلحات البورد الثقافية .. عنصرية لاهلنا مباااالغة..
وفتك بعافية
|
Post: #26
Title: Re: عن شناتي بقولكم
Author: بدرالدين شنا
Date: 05-06-2006, 03:03 AM
Parent: #23
ميَّا الحلفاوية الغالية علينا
ليك سلامنا ونور عينينا
| Quote: لقيتني كيف .. استخدام جيد لمصطلحات البورد الثقافية .. عنصرية لاهلنا مباااالغة.. |
دا أنتي متعنصرة لامن جايبة الزيت
طيري يا عنصورة وركي في الماسورة
وأنا قبييييييييل قلت ليكم أنا بحب الحلفاويين
|
Post: #24
Title: Re: عن شناتي بقولكم
Author: Mannan
Date: 05-06-2006, 02:38 AM
Parent: #1
بيان قالت:
عندما كنت طالبة نصحني زميلي ان اعمل منكير
عشان لو حصل حادث ما يلمو كرعيني مع كرعين الرجال..
ليه اصلو كراعك ما بتتفرز من كراعين الرجال واللا شنو؟ ياخى صحبك بالغ..
قال الحلمنتيشى:
القيردون يا جماعة
كالقنفد الملتاعة
مجهبز نضارة وساعة
وراكن فى جيبه ولاعة
... الى ان يقول:
فى زحمة الطريق شافه الكدمبس
....
حتى الكدمبس عرف القيردون
بينما صاحبك ما قدر يفرز بين (الكوارع) النسائية والرجالية واختلطت عليه (الكوارع) او (الكراعات) كقول بعض اهلى الاعاجم..
وعلى ذكر الكوارع قال صاحبى جاغوم رحمه الله:
الجدول الهيمان والضفادع
والسير فى ميامن الشوارع
والحب مثل شربة الكوارع
لكنه فى بعضها مسيخ..
... والقصيدة طويلة ولكنى اتوقف عند شربة الكوارع.. والتى ليس لها علاقة بكوارع البنى أدمين..
مع ودى لك يا بيان(ات)..
منان
|
Post: #25
Title: Re: عن شناتي بقولكم
Author: انعام عبد الحفيظ
Date: 05-06-2006, 02:57 AM
Parent: #1
بدر الدين
صباحك خير
ياخي شكرا ليك على البوست الفرايحي ده
ده اول بوست فتحتو من الصباح
وجد ضحكت كمية الضحك تكفيني اسبوع
واتذكرت نكتة الحلفاوي(برضو) كان الامام في صلاة
والظاهر عليه احسن واحد فيهم حافظ قرأن
وفي اثناء الصلاة قام قرأ سورة الكافرون
اتلخبط فيها وبقى ما عارف يقول شنو
ولا يدخل من وين ولا يطلع من وين
واحد من المصليين زهج منو قام قال ليهو
محمد صالح ايه الدخلك في الهسكنيت ده (الحسكنيت)
شكرا يارائع
مودتي واحترامي
|
Post: #28
Title: Re: عن شناتي بقولكم
Author: اساسي
Date: 05-06-2006, 03:09 AM
Parent: #25
اضئت صباحي بحلاوتك يا زول يا سمح
انت الشنا دي تجيبها من وين
عليك الله سلام خاص للرحمابي
قول ليهو اساسي قال ليك مامنكن لكن
|
Post: #40
Title: Re: عن شناتي بقولكم
Author: بدرالدين شنا
Date: 05-06-2006, 06:14 AM
Parent: #28
اساسي العريس صاحبي
بوستاتك بقت كلها أعراس الله يهنيك
Quote: اضئت صباحي بحلاوتك يا زول يا سمح
انت الشنا دي تجيبها من وين
عليك الله سلام خاص للرحمابي
قول ليهو اساسي قال ليك مامنكن لكن |
سلامك يصل للجميل الغائب الرحمابي
وأنا مبسوط جداً لأنو في بوستي عريس اصلي بي ملائكته جواهو زي النحل البكون مع العسل
تحياتي للمدام
|
Post: #32
Title: Re: عن شناتي بقولكم
Author: بدرالدين شنا
Date: 05-06-2006, 04:41 AM
Parent: #25
العزيزة إنعام وإن خاص
دحين ما طولتي الغيبة آبنية ولا أنا آبشوف؟؟؟
Quote: ياخي شكرا ليك على البوست الفرايحي ده
ده اول بوست فتحتو من الصباح
وجد ضحكت كمية الضحك تكفيني اسبوع |
وشوفي الما إستمتع ما أنا برضو إستمتعت بي طلتك وبي نكتتك الله يديم الفرح يا رائعة
|
Post: #41
Title: Re: عن شناتي بقولكم
Author: انعام عبد الحفيظ
Date: 05-06-2006, 06:25 AM
Parent: #32
Quote: العزيزة إنعام وإن خاص
دحين ما طولتي الغيبة آبنية ولا أنا آبشوف؟؟؟ |
بدر الدين
تسلم يا سيدي وما تفقدك شينة
انا قاعده بس بعاين بعيوني
مودتي واحترامي
|
Post: #54
Title: Re: عن شناتي بقولكم
Author: بدرالدين شنا
Date: 05-06-2006, 11:39 PM
Parent: #41
إنعام بت عبدالحفيظ
سلام يحمل كلام طيب
Quote: تسلم يا سيدي وما تفقدك شينة
انا قاعده بس بعاين بعيوني |
ياخ معقول؟؟؟
أول مرة القى لي زول بعاين بي عيونو
تسلمي يا عزيزة
|
Post: #27
Title: Re: عن شناتي بقولكم
Author: Ehab Eltayeb
Date: 05-06-2006, 03:07 AM
Parent: #1
قريبي بدر الدين
سلامات عوافي وكيف حالك ..
اتمني ان تكون والاهل بخير
والله ضحكتنا شديد ..
وتشكر يا امير علي هذه القفشات الجميلة
تحياتي
|
Post: #39
Title: Re: عن شناتي بقولكم
Author: بدرالدين شنا
Date: 05-06-2006, 06:08 AM
Parent: #27
إيهاب الطيب الرجل الطيب
وينك يا زول؟؟؟
والله أنا أكتر سعادة بي زيارتك وكلماتك الطيبات
ما تغيب يا حبيب
|
Post: #29
Title: Re: عن شناتي بقولكم
Author: Tabaldina
Date: 05-06-2006, 03:41 AM
Parent: #1
..
.
حلااات شناتكـ ؛
من قبيل ما عارف اعبر اقول شنو!
تسلم يا ظريف..
|
Post: #30
Title: Re: عن شناتي بقولكم
Author: ابو جهينة
Date: 05-06-2006, 04:10 AM
Parent: #29
شقيقي أبوالبدور
Quote: أها شفت الشاي بالبسكويت دا صراع براهو
كان شلت جغمة مع ترمة البسكويت بتشتش لساني
وكان قلت أبل البسكويت في الشاي الترمة بتقع جوة الشاي
والله أسع أدفقو |
عشان كدة يا أبوالبدور طول عمري ما شربت شاى ساخن .. بيبردوهو لى مع الشفع .. و أكتح الكباية على دفعتين تلاتة و أفرتق ..
|
Post: #31
Title: Re: عن شناتي بقولكم
Author: Muna Khugali
Date: 05-06-2006, 04:23 AM
Parent: #30
| Quote: وكل ما يزيد العدد زهجتي بتتفرق بين القبايل حتى جاء مقدمكم الكريم تتقدمه حروف زاهية ممتعة لا تخفى على شخص |
ايه رأيـك يابـدرنـا تفـك زهـجـتك برضـو 'ووسط الزحـام' في الشـايقية?
مـني
|
Post: #36
Title: Re: عن شناتي بقولكم
Author: بدرالدين شنا
Date: 05-06-2006, 06:04 AM
Parent: #31
| Quote: ايه رأيـك يابـدرنـا تفـك زهـجـتك برضـو 'ووسط الزحـام' في الشـايقية? |
أها بقى ديل اصحابي شديد وأتذكر فترة المعهد كل جمعة بعزموني الشوايقة رحلات وبرقص معاهم بي إيقاعهم الجميل وكان عندي منهم شلة كبيرة في جامعة القاهرة فرع الخرطوم وأعتقد كلهم من منطقة تنقسي الجزيرة
ما مشكلة البوست الجاي يكون
عن شوايقتي بقولكم
|
Post: #33
Title: Re: عن شناتي بقولكم
Author: عشة بت فاطنة
Date: 05-06-2006, 04:57 AM
Parent: #30
حارجع اركب صورة غادة الحلوة
يا حاسدين قايلنها بتشبه ابوها
اقلبو القلة على فمها
|
Post: #34
Title: Re: عن شناتي بقولكم
Author: Dr. Moiz Bakhiet
Date: 05-06-2006, 05:36 AM
Parent: #33
سيد الجمال كلو يا بدر الدين انت والله
وسيد الفرح وكل الحلاة
|
Post: #42
Title: Re: عن شناتي بقولكم
Author: بدرالدين شنا
Date: 05-06-2006, 06:30 AM
Parent: #34
صديقي ومشكاتي د. معز
مشتاقييييين ولابد من لقاء سريع قبل إنلفونزا الفتور
Quote: سيد الجمال كلو يا بدر الدين انت والله
وسيد الفرح وكل الحلاة |
يا جماعة خليكم شاهدين البدا بالجمال منو؟؟؟ مش د. معز؟؟؟
ياخ سجيمان وين؟؟؟
|
Post: #35
Title: Re: عن شناتي بقولكم
Author: بدرالدين شنا
Date: 05-06-2006, 06:03 AM
Parent: #33
يحلن أيامك ويعلا مقامك يا عشة يا بت أمي
غادة في الصورة ما واضحة شديد وتبدو وكأن عينها اليمين مقدودة
هوووووووووي يا مخلوق غادة في السوق
وأنا أقول للناس الحمد لله بتي ما بتشبهني تقومي تجيبيها عينها مقدودة فت مرة
الله يديك العافية يا عشة يا مبدعة يا رائعة
|
Post: #49
Title: Re: عن شناتي بقولكم
Author: عشة بت فاطنة
Date: 05-06-2006, 02:24 PM
Parent: #35
Quote: وأنا أقول للناس الحمد لله بتي ما بتشبهني تقومي
تجيبيها عينها مقدودة فت مرة |
لا والله عندي عيونه سمحات الا كان دا بورد بكري
اها للصباح بنزل واحدة تانية وبصلح ليك العين
الاولية
الصباح رباح
|
Post: #55
Title: Re: عن شناتي بقولكم
Author: بدرالدين شنا
Date: 05-06-2006, 11:40 PM
Parent: #49
عشة بت فاطنة الفنانة
سلام إكس إكس لارج
Quote: لا والله عندي عيونه سمحات الا كان دا بورد بكري
اها للصباح بنزل واحدة تانية وبصلح ليك العين
الاولية
الصباح رباح |
آي عليك الله سمحيها لي وأكان عندك كورة مووص أديها التشرب
ماك شايفة هشام إبراهيم بقول في شنو؟؟؟
خالص معزتي
|
Post: #37
Title: Re: عن شناتي بقولكم
Author: بدرالدين شنا
Date: 05-06-2006, 06:06 AM
Parent: #30
شقيقي فراج ضيقي أبوجهينة
هسع شوقي الحار دا بتشربو كيفن؟؟؟
| Quote: عشان كدة يا أبوالبدور طول عمري ما شربت شاى ساخن .. بيبردوهو لى مع الشفع .. و أكتح الكباية على دفعتين تلاتة و أفرتق .. |
أنا الشئ المحيرني الإناء البنخت فيهو الشاي الحار دا نسميهو برَّاد
أها قووووول أنا بشربو بارد الببردو لي في الصحراء دي منو؟؟؟
|
Post: #38
Title: Re: عن شناتي بقولكم
Author: بدرالدين شنا
Date: 05-06-2006, 06:06 AM
Parent: #29
تبلدينا نحن برانا
تبلدينا وحالف ما يدلينا
والله الشوق مطر والمدة طالت يا حبيب
Quote: حلااات شناتكـ ؛
من قبيل ما عارف اعبر اقول شنو! |
خلاص أدفع في الكشف هههههههه
ياخي أنا يكفيني طلتك حتى لو تخت (نقطة)
|
Post: #43
Title: Re: عن شناتي بقولكم
Author: maia
Date: 05-06-2006, 07:05 AM
Parent: #1
بدرالدين الما شين
لا داعي لاكل البسكويت .. الما كلينها شنو .. الشاربينها شنو ..
اشرب الشاي اولا وبعد وضع الكباية جانبا .. اكل البسكويت .. عادي جدا
وبكدا لا ضرر ولا ضرار
قصرت معاك ؟؟
|
Post: #44
Title: Re: عن شناتي بقولكم
Author: Hisham Ibrahim
Date: 05-06-2006, 08:09 AM
Parent: #43
آخوي بدر الدين الحليو في عيون ناسو بس.
لسانك الطويل دا!! قصروا شوية. وغير الصورة دي،، سريع جدا
اها واحد حلفاوي شاف صورة بتك دي، قالوا ليهو: دي بنت بدر الدين شنا وفي السوق
قال: والله دي الا يدوها دفرة بي رقشة والا كشك في سوق ليبيا حتى تتخارج!!!
زي ما ضحكتنا في الحلفاويين ضحكونا فيك.
أنا: هشام
|
Post: #45
Title: Re: عن شناتي بقولكم
Author: Mutwali Malik
Date: 05-06-2006, 09:51 AM
Parent: #44
سؤال لمن انت من الحلاوين مسمي نفسك شنا في شان شنو
واحد قريبنا شغال في المطار جاء واحد صيني ومد جواز السفر فقال ليهو اسمك منو فرد ليهو في شان شنو فرد ليهو بزهج في شان ادق ليك تدخل لا جوة
|
Post: #46
Title: Re: عن شناتي بقولكم
Author: ترهاقا
Date: 05-06-2006, 09:58 AM
Parent: #45
عـــن شناتى بقولكم يلا إتفرجوا كلكم
حليل أيامك يا ابو البدور والله ليك وحشة
ساطور
|
Post: #47
Title: Re: عن شناتي بقولكم
Author: bayan
Date: 05-06-2006, 11:06 AM
Parent: #46
Quote: الجدول الهيمان والضفادع
والسير فى ميامن الشوارع
والحب مثل شربة الكوارع
لكنه فى بعضها مسيخ.. |
اجمل مافي البوست بعد البدري ابنكنبة
انه "هزاكسلنسي" فك الكرفتة بقى عنقالي يا له من عنقالي
ختري عديل حافظ الشعر الحلمنتيشي,, نتمنى ونرجو بعد الارشفة
تفتح بوست شعر حلمنتيشي من سنيين مافي زول فتح واحد..
خلاص اتفقنا؟
وقصة كراعي انها تشبه" الاثارات"
مليانة ضريب وجريح من ركوب العجلات والوقيع من الحيط..
والنخل لاني كنت بقدر اطلع ودائما عندي مشكلة في النزول.
عشان كدا عندي كلوكشان حق "اثارات"
ودي لك ايوة فكها وخليك ظريف كدا نقدر نتفاهم..
|
Post: #59
Title: Re: عن شناتي بقولكم
Author: بدرالدين شنا
Date: 05-06-2006, 11:40 PM
Parent: #46
Quote: عـــن شناتى بقولكم يلا إتفرجوا كلكم
حليل أيامك يا ابو البدور والله ليك وحشة
ساطور |
أحمد يا حبيبي .. سلام عليك
حليل أياما الضقنا فيها غرامنا
ربنا يصلح الحال ويلمنا من جديد
|
Post: #58
Title: Re: عن شناتي بقولكم
Author: بدرالدين شنا
Date: 05-06-2006, 11:40 PM
Parent: #45
الحبيب الظريف متولي
سلام وفرحة بعودتك البهية
| Quote: واحد قريبنا شغال في المطار جاء واحد صيني ومد جواز السفر فقال ليهو اسمك منو فرد ليهو في شان شنو فرد ليهو بزهج في شان ادق ليك تدخل لا جوة |
هههههههههه
غايتو قرايبك ديل يوم بفطسوا ليهم بدرالدين شنا
حبي وتقديري
|
Post: #57
Title: Re: عن شناتي بقولكم
Author: بدرالدين شنا
Date: 05-06-2006, 11:40 PM
Parent: #44
هشام إبراهيم يا لذيذ
سلامي العريييييييض
Quote: اها واحد حلفاوي شاف صورة بتك دي، قالوا ليهو: دي بنت بدر الدين شنا وفي السوق
قال: والله دي الا يدوها دفرة بي رقشة والا كشك في سوق ليبيا حتى تتخارج!!! |
مش بتي دي أنا دايرة سِّعاية
أها شوف ليك زول يشرح (سعاية) دي
وتحياتي لجميع الحلفاويين فأنا أحبهم وارتاح لغفشاتهم الحلوة
|
Post: #56
Title: Re: عن شناتي بقولكم
Author: بدرالدين شنا
Date: 05-06-2006, 11:40 PM
Parent: #43
ميَّا الجميلة
تحياتي ليك ولي أهلك الطيبين
Quote: لا داعي لاكل البسكويت .. الما كلينها شنو .. الشاربينها شنو ..
اشرب الشاي اولا وبعد وضع الكباية جانبا .. اكل البسكويت .. عادي جدا
وبكدا لا ضرر ولا ضرار |
لكن كدي البسكويت بتخوخشني
بتعمل لي خشخشخخ
أجمل التحايا لك
|
Post: #48
Title: Re: عن شناتي بقولكم
Author: Mannan
Date: 05-06-2006, 02:07 PM
Parent: #1
معذرة ابوالبدور وزوار هذا البوست.. هذه رسالة موجهة الى اختى بيان(ات)
شكرا على إطرائك للحلمنتيش ودردشتك الحلوة عن (الكوارع) والطلوع فى النخل وعدم القدرة على النزول.. كان الحلمنتيشى يقف تحت السلالم وينظر الى الطالعين والنازلين والطالعات والنازلات من السلالم.. قال مرة:
يا طالع السلالم
قف واجمع البرالم
فالحيزبون قادم
وانظر الى البلوم
من اسفل السلالم
عوالم .. عوالم
اشياء لا تقاوم
يا طالع السلالم
وسأتيك ببقية القصيدة لاحقا.. المهم فى الامر ان ذلك الحلمنتيشى لم يراك طالعة فى النخل وإلا لكان عض سرواله وطلع ونزلك ولقال فى ذلك شعرا .. مشكلته انه كان متخصصافقط فى طالعى السلالم وليس طالعى النخل.. فى الاقاليم.. وسلامة الكراع من (أثارات) الخربشة .. عليك بالمنكير فانه يغطى (أثار) العدوان (سورى اقصد الخربشة)..
بيان أخير: Is it boring مثل بيانات انقلاب الجبهة؟؟؟
إن من ال (بيان) لسحرا.....
المرة الجاية ساحكى لك بالنوبى لآننى اجيدها اكثر من إجادتى للعربية.. وكنت اقول لصديقى الدبلوماسى من جنوب السودان انه سيجيء يوم نكتب فيه لغتنا النوبية فقد تعبنا من عنصرية العرب (السود) الذين يراقبون لحننا ولكنتنا ووصفهم لنا بالبرابرة.. هذا موضوع طويل وممكن نفتح ليهو باب بلغتك العربية عشان نستفيد من خبراتك يا (بيان) فانا اعجمى واقول مثل ذلك العربى الذى تهكم منه سيبويه حين قال: اكلونى البراغيث.. ومازالت بى لكنة تركت فى لغتى (أثارات).. ولكنها بعلاتهاافضل من لغة بيان الدارجية المكسرة والتى تحاولين تغطيتها مثل محاولة تغطية (كراع) مكشوفة ومزلوطة بفستان قصير.. حتى يطق الفستان!! مرحبااختى بيان.. إننى ادعوك الى ملف منفصل للمساجلة والحوار باللغة التى تريدينها وتحذقينها..وفى شتى المواضيع.. ومنكم نستفيد..
حاشية: انا صاحب فكرة هيئة حلمنتيش العليا فى جامعة الخرطوم فى مطلع السبعينات ومحرر صحيفة سلامات (أثارات) مع الدكتور محمد عبدالله الريح وانضم الينا كوكبة من الشعراء لاحقا.. وكنا عنقالة كما تقولين ثم التحقت بالسلك الدبلوماسى واحالنى نظام الانقاذ الظلامى للتقاعد فعدت الى العنقلة وهذا هو السبب واشكرك على هذه (ألاكتشافات الاثرية)..
مع ودى .. وشكرى على تعليقاتك... الظريفة..
منان
|
Post: #65
Title: Re: عن شناتي بقولكم
Author: bayan
Date: 05-07-2006, 01:21 AM
Parent: #48
البدري ازيك آود عمي..
كيفنك يا ابنكنبة؟
نجي "لهزاكسلنسي"
انا كل يوم بصلي بدعو وزارة الخارجية ترجع المفصولين تعسفيا
عشان صاحبي "شرمة" يا رجع..
من الليلة حادعوا لصاحبي منان وشرمة يرجعوا
ولدي صديق سفير معذباه بالسؤال هي انتو بترجعو "شرمة" متين؟
اسع تاني بجننو هي انتو حترجعو شرمة ومنان متين؟
سعيدة انك كنت في هيئة حلمنتيش العليا..
اتمنى لو فتحت بوست حكيت للجيال الجديدة
عن الجامعة والاشراقات الفيها..
وذلكم الزمن الالق الجميل...
باي لغة تختارها بس رسل لينا دكشنري نوبي.
ويستحسن تعمل فوت نوت في ناس بتكره الدكشنري..
تعرف انا زوجي اعجمي من قريب عندكم
اها انا طوالي مسطحة في لماتهم
التي تدار بلغتهم..
ما علينا بعد الارشفة نعمل بوست حلو ان شاء الله
ومودتي لك..
|
Post: #50
Title: Re: عن شناتي بقولكم
Author: معتصم دفع الله
Date: 05-06-2006, 02:32 PM
Parent: #1
Quote: أها بعد اسويهو بحتاج تاني أغسل راسي بالصابون؟؟؟
هو مكتوب عليهو (هيد آند شولدرز) يعني غسل الراس إلى الكتفين؟؟؟ |
يا بدرالدين أحسن تسويهو تلاتة مرات في اليوم ..
بعد كل وجبة ..
|
Post: #60
Title: Re: عن شناتي بقولكم
Author: بدرالدين شنا
Date: 05-06-2006, 11:40 PM
Parent: #50
معتصم دفع الله صاحبي إزيك
ناس الرياض في غصونو ماح
Quote: يا بدرالدين أحسن تسويهو تلاتة مرات في اليوم ..
بعد كل وجبة .. |
داير تفلِّس بي مش؟؟؟
إنتو السفنجة سهكتوها سهك وإتبرأتوا منها
لك حبي ولمجموعة الرياض المحببة إلى قلبي
|
Post: #51
Title: Re: عن شناتي بقولكم
Author: محمد الامين احمد
Date: 05-06-2006, 03:41 PM
Parent: #1
تحية طيبة للجميع
طيب يا عزيزنا بدر الدين شنا ، انا فى مقولة بسمعها من زمان
و ما فاهم معنها بالضبط ، لو تشرحوها لى يكون جزاكم الله خير
المقولة : (( هى الشنا بتريح ؟ )) اشرحوها تكسبوا فينا ثواب
اسه برضو داير ارد على اسئلة الاسئلة الجابها الاخ عاطف عمر
| Quote: - لماذا عندما تكون بطارية الريموت كنترول ضعيفة نقوم بالضغط بقوة على الأزرار؟؟ يعني كدا بنشحن البطارية؟؟ |
لا ، بس لمن تضغط بقوة بتدى التيار فرصة اكبر فى المرور لوقت كافى.
| Quote: - لماذا نخفض صوت المسجلة أو الراديو بالسيارة عندما نشعر بأننا دخلنا بالطريق الخطأ؟؟؟ يعني كدا بنصير نعرف الطريق الصحيح؟؟ |
لا ، بس احتمال الزول القاعد جنبى او فى الكرسي الورا يكون عارف الطريق
و لمن الصوت يكون عالى قطع شك ما حاسمعو
| Quote: - لماذا نقول هدية مجانية؟؟ و هل يوجد هدية غير مجانية؟ |
فى هديا ما مجانية طبعا، و هى تلك التى تكسبها فى العاب النيشان و الحرفنة
لانك بتدفع و حسب حرفنتك بتكون جائزتك
| Quote: - لماذا عندما توقف سيارتك في موقف خالي تماماً من السيارات يقوم السائق الذي يأتي بعدك بوضع سيارته بجانب سيارتك؟؟ يعني بيترك الموقف كله وبيوقف جنبك! |
عشان لازم العربية تكون واقفة بين الخطين الابيضين، و لمن يوقف جنبك
بيكون الموضوع اسهل لانو القياس بيكون اسهل بالطريقة دى
| Quote: - لماذا عندما يتأخر المصعد نضغط عدة مرات على الزر؟؟؟ يعني كدا بيحس على دمه و بيستعجل؟؟ |
لا بس فى احتمال مع تكرار الضغط، المصعد يطنش الوقوف فى المحطات الاخرى 
| Quote: - لماذا عندما تكون منتظراً المصعد و يأتي شخص آخر تجده يضغط أيضاً لطلبه؟؟ يعني مو شايفك بالمرة! |
الحقيقة دى بتحصل لى كتير، اجى و القى زول واقف و ما دايس الزر، ما عارف منتظر شنو
او مرات بيكون بتكلم فى التلفون ، فاقوم ادوسو انا 
| Quote: - لماذا نفتح فمنا عندما نقوم بإطعام الطفل الصغير ؟؟؟احنا اللي ناكل و لا هو؟؟ |
الاطفال بيتعلمو عن طريق المحاكاة، لمن تفتح خشمك هو برضو بفتح خشمو
| Quote: - لماذا نشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟ |
النوم سلطان 
| Quote: - ليش لما بتكون قاعد بمكان عام وبتمسع رنة موبايل فورا تنظر إلى موبايلك .. ليه حضرتك كثير مهم لحتى يرن موبايلك بين كل هالبشر. |
حسب المكان العام، احتمال مستشفى ، عشان كده بتعاين عشان تخلى الموابيل على
خاصية الصامت، و بعدين اسه كل زول رنة بتختلف عن التانى ، و نسبة تشابة الرنات
اقل من 20% ، عشان كده اعتقد الناس بطلت الحركة دة
|
Post: #52
Title: Re: عن شناتي بقولكم
Author: sadiq elbusairy
Date: 05-06-2006, 04:59 PM
Parent: #51
و الله يا بدر لمن قريت العنوان قلت بدر سيكشف لنا عن سر التسمية
رغم اني و بدون مجاملة بقول الزول السمح ده سموه شنا ليه
لقيت عزاء في انه عادة السودانيي بيقلبنوا الكلام ( و الله سمح لمن غلط ...و على هذا النحو قلت يكون سموك)
و لا راي الاخوان المتداخلين شنو ما بتتفقوا معاي
اخوك
الصادق البوصيري
|
Post: #53
Title: Re: عن شناتي بقولكم
Author: Muna Khugali
Date: 05-06-2006, 05:07 PM
Parent: #52
علشـان صـباحـك يكـون مبتسـم أكـثر يـابـدرنـا...
مـني
|
Post: #63
Title: Re: عن شناتي بقولكم
Author: بدرالدين شنا
Date: 05-06-2006, 11:41 PM
Parent: #53
الغالية منى خوجلي
سلام مهوووووووووول
| Quote: علشـان صـباحـك يكـون مبتسـم أكـثر يـابـدرنـا... |
الله يصبحك بالخير يا منانا...
ويجعل ايامك كلها ورود يا أعزَّ عزيزة
|
Post: #62
Title: Re: عن شناتي بقولكم
Author: بدرالدين شنا
Date: 05-06-2006, 11:41 PM
Parent: #52
صديقي صادق البصيري
سلام صادق تعلوهو إبتسامة من الأعماق
| Quote: و الله يا بدر لمن قريت العنوان قلت بدر سيكشف لنا عن سر التسمية |
كنت بحكي ليك سبب التسمية لكن هسع متوضئ
كتلتك بالشمار مش؟؟؟
أشكرك يا صديقي على الكلمات المشعَّة
|
Post: #61
Title: Re: عن شناتي بقولكم
Author: بدرالدين شنا
Date: 05-06-2006, 11:41 PM
Parent: #51
العزيز محمد الأمين أحمد
سلامي وإحترامي
Quote: طيب يا عزيزنا بدر الدين شنا ، انا فى مقولة بسمعها من زمان
و ما فاهم معنها بالضبط ، لو تشرحوها لى يكون جزاكم الله خير
المقولة : (( هى الشنا بتريح ؟ )) اشرحوها تكسبوا فينا ثواب |
غايتو العارفو أنا إنه (الشنا بت بوَّر)
قال تريح قال
| Quote: اسه برضو داير ارد على اسئلة الاسئلة الجابها الاخ عاطف عمر |
خليتك لي عاطف عمر
|
Post: #66
Title: Re: عن شناتي بقولكم
Author: sumah
Date: 05-07-2006, 03:22 AM
Parent: #1
* ****
| Quote: أما نحن فحلاوين صر.. |
شنا .....
حلاوين ولا هلاوين ....
صر ....
*****
|
Post: #69
Title: Re: عن شناتي بقولكم
Author: بدرالدين شنا
Date: 05-07-2006, 05:28 AM
Parent: #66
الجميل إسماعيل محمد الحسن
سلام وشوق كتير
Quote: حلاوين ولا هلاوين ....
صر .... |
حلاوين يا سمعة يا رايق
|
Post: #67
Title: Re: عن شناتي بقولكم
Author: سامى عبد الوهاب مكى
Date: 05-07-2006, 05:06 AM
Parent: #1
مبروك يا شنا
|
Post: #71
Title: Re: عن شناتي بقولكم
Author: بدرالدين شنا
Date: 05-07-2006, 05:41 AM
Parent: #67
حبيب عمري سامي السامي
سلامي وإحترامي ومباركتي
مش أنا إسمي بدرالدين كان جبت لي ولد بسميهو صلاح الأمير
مبروووووووووووووووووووووووك وعقبال الأهلة اليوم
لك حبي وقول لي راكوبة يلحقني بالمعلوم إن شاء الله في المسنجر
|
Post: #68
Title: Re: عن شناتي بقولكم
Author: بدرالدين شنا
Date: 05-07-2006, 05:28 AM
Parent: #1
المتعة عمر حبيبي
العتب على النظر المداخلة دي ما شفتها قبل الحين
| Quote: ما قلت لي دعواتنا الأهدرت كل باندوثات المنبر الحر في شأن إبنتكم غادة هل جابت نتيجه ولا الإمتحانات أجلوها بسبب زكمة الجداد ولا ما عاوز تعمل لينا عزومه أون لاين. |
البنية أمتحنت تب وراجيين النتيجة قالوا شهر ستة
شكري وتقديري على إهتمامك وسؤالك
|
Post: #70
Title: Re: عن شناتي بقولكم
Author: Tumadir
Date: 05-07-2006, 05:38 AM
Parent: #68
للأسف ...عندنا بكا
الزول لو عمل نكتة ايام البكا او ضحك...
حرام.
بختكم ..خالكم حى.
|
Post: #72
Title: Re: عن شناتي بقولكم
Author: بدرالدين شنا
Date: 05-07-2006, 05:52 AM
Parent: #70
حبيبتي تماضر
البركة فيكم يا بت أمي وأنا المرحوم دا بكون شفتو قبل كدا لأني مشيت معاكم بيتهم في القضارف لكن الرقيص في الوكت داك ما خلاني أشوفو كويس عشان هو نام بدري وما حضر الحفلة بس أتأكد إنو الجزارين والطباخ جو وأداهم العدة والشوالات وبعد داك نام
الله يرحمو ويغفر ليهو وأنا وجعني شديد لأنو أنا لغاية اللحظة دي قايل روحي ولدكم
|
Post: #73
Title: Re: عن شناتي بقولكم
Author: نادية عثمان
Date: 05-07-2006, 11:22 AM
Parent: #72
ممكن اشارك فى المسابقة ؟!!!!!!!!
|
Post: #74
Title: Re: عن شناتي بقولكم
Author: sadiq elbusairy
Date: 05-07-2006, 03:55 PM
Parent: #73
حبيبنا شنا
الشمار قتلنا و قلقنا
كده ادينا الفيها الفايده
باقي الجكس ده لمن يجي .....
البوستات بنهرب منها... و لا البوستات هي البتهرب مننا
عشان ما تفتحوا لينا............
اصل بشناتنا ده ما في زول بعبرنا
الزول السمح
الفات الكبار و القدرو
بدرالدين شنا في انتظار تحكي لينا عن شناتك و لا من شناتك الاثنين ما فارقه بس احكي
اخوك
الصادق البوصيري
|
Post: #81
Title: Re: عن شناتي بقولكم
Author: بدرالدين شنا
Date: 05-08-2006, 00:26 AM
Parent: #74
صادق يا بوصيري
سلام تاني
| Quote: بدرالدين شنا في انتظار تحكي لينا عن شناتك و لا من شناتك الاثنين ما فارقه بس احكي |
اصلو الحكاية إنو أنا كنت سمح وبعدين جاني إمساك ودخلت الحمام وعانيت شديد وصريت وشي صرة لممممن تجاعيد وشي بقت جنب شلوفتي أها بقت الصرَّة الياها
ههههههههههههه
|
Post: #75
Title: Re: عن شناتي بقولكم
Author: manubia
Date: 05-07-2006, 04:12 PM
Parent: #73
| Quote: تعرف انا زوجي اعجمي من قريب عندكم |
يا دكتورة بالله الدكتور من عندنا
الاخ بدر الدين دائما ما تجلب الابتسامة للبورد >God bless you
|
Post: #77
Title: Re: عن شناتي بقولكم
Author: نادية عثمان
Date: 05-07-2006, 04:57 PM
Parent: #76
انت رحت فين ياجدع ؟!!
|
Post: #84
Title: Re: عن شناتي بقولكم
Author: بدرالدين شنا
Date: 05-08-2006, 00:26 AM
Parent: #77
نادية بت عصمان
رايقة الرسول؟؟؟
| Quote: انت رحت فين ياجدع ؟!! |
فسينا يا بيه
|
Post: #82
Title: Re: عن شناتي بقولكم
Author: بدرالدين شنا
Date: 05-08-2006, 00:26 AM
Parent: #75
منوبيا
سلام وإكرام وفرحة
| Quote: الاخ بدر الدين دائما ما تجلب الابتسامة للبورد >God bless you |
شكراً وربنا يديم الإبتسامة والعمل الطيب
ونتواصل
|
Post: #89
Title: Re: عن شناتي بقولكم
Author: bayan
Date: 05-08-2006, 02:07 AM
Parent: #75
| Quote: يا دكتورة بالله الدكتور من عندنا |
بالله انت ابو نسب.. عشان كدا
بحس بالفة شديدة تجاهك..
يديك العافية..
|
Post: #80
Title: Re: عن شناتي بقولكم
Author: بدرالدين شنا
Date: 05-08-2006, 00:26 AM
Parent: #73
نادية بت عصمان
سلام مشرئب الأعناق
| Quote: ممكن اشارك فى المسابقة ؟!!!!!!!! |
تشاركي بس؟؟؟ وتفوزي كمان
|
Post: #78
Title: Re: عن شناتي بقولكم
Author: تيسير عووضة
Date: 05-07-2006, 04:58 PM
Parent: #1
بدر الدين (لذاذة)
شامبو شنو البتستعملو
لو ناس بلدكم سمعوا الكلام دا بيهدروا دمك
بيقولوا بدر الدين ولد (شنا) بقى شهادة عربية ..
|
Post: #85
Title: Re: عن شناتي بقولكم
Author: بدرالدين شنا
Date: 05-08-2006, 00:26 AM
Parent: #78
تيسير عووضة الظريييييييييييييييييييييفة
يمين مشتاقييييييين
Quote: شامبو شنو البتستعملو
لو ناس بلدكم سمعوا الكلام دا بيهدروا دمك
بيقولوا بدر الدين ولد (شنا) بقى شهادة عربية .. |
يعرفوا كيف؟؟؟ إلاَّ كان تكلميهم إنتي عاملة شعيراتك المنكوشات ديل
والله أنا سعيد بطلتك وبالكوميديا الإنكشحت منك هنا دي
|
Post: #79
Title: Re: عن شناتي بقولكم
Author: ابو مهند
Date: 05-07-2006, 06:03 PM
Parent: #1
الله يجازي محنك يا بداره
طولت والله من الضحك
الوقت متأخر عندنا لكن بجيك
|
Post: #86
Title: Re: عن شناتي بقولكم
Author: بدرالدين شنا
Date: 05-08-2006, 00:27 AM
Parent: #79
أبومهند حبيبي
كيف أخبارك وأخبار أسرتك الصغيرة والكبيرة
| Quote: الوقت متأخر عندنا لكن بجيك |
خلاص كويس
|
Post: #87
Title: Re: عن شناتي بقولكم
Author: sumah
Date: 05-08-2006, 00:55 AM
Parent: #1
*******
بدر ..
الشوق علينا اذداد ..
والسكتة شينه..
لية سوحت ابراهيم..
لمتين مشينا..
..............
............
(من المديح).
انة لمن محاسن الصدف ان اكون هناك ..
في ذلك اليوم ..واكون لهم بالمرصاد ..
الخواجات اصحاب العيون الخضر..
ديل يسرقوا الكحل من العين..
لقد كشفت السرقة وقيدت بانها سرقة ادبية..
والسرقات الادبية في القانون السودانى مافي ..
وما ظنيت ليها مكان ..
اصل الحكايه صديقى ..
هو موضوع الشنا ..
وذى ماانت قلت ..
عن شناتى انا بقول لكم..
ويلا صفقوا كلكم..
.... يتبع ....
****
|
Post: #88
Title: Re: عن شناتي بقولكم
Author: bayan
Date: 05-08-2006, 01:39 AM
Parent: #87
البدري
مافي اي مشكلة الله يحت اهلي حت البرم يعدمهم نفاخ النار
ما بنفضحك*
كان قصيت قصة عن شناتك مخالفة للحقيقة
انا والسني دا حنسكت رغم انه السني دا
هو السبب في الاسم ..
نحكي حاجة عن بدر الدين..
زمان لما كنا في سنة تانية كنا بنمتحن في مسرحيات عصر النهضة..
المهم قامت في شلة من اولاد فصلنا "غررو" ما يدخلو في مشهدهم اي انتاية
اها البروفات حقتهم كانت في الداخلية..
قامو اختارو مشهد على ما اعتقد من مسرحية هنري الخامس(هى ما متأكدة المدة طالت ما يجي زول يغالطني)
مشهد منظف المداخن الادعى عنده دم ازرق وعايز يثبت حقو في العرش
ولامي شلة صعاليق. اها كان دور منظف المداخن دا
ادوه لمحمد محي الدين اكبر صعلوق في الفصل..
بس عمر السنوسي اقل منو بشوية
قدر النملة( الاثنين من مدني بتكون عرفتو سر الصعلقة )
المهم يوم البروفة الاخيرة جو لابسين هدومهم العادية
قالو دورهم دون اشراقات ذات بال...
يوم العرض كبسو الازياء. لبسو وركبو
البواريك طبعا كانت بنطلونات عصر النهضة
التحت الركبة المنفوشة ديك المهم عشان يطلعو
صعاليق بالجد لبسو لبس عجيب وعملو عمايل..
يلا اتنافسو في العوارة و"العضارة"*
اها ان انسى لا انس اللبس الاختارو البدري.
الصديرية لونها بمبي وسكر سكر( كان اهلو اقامو الحد عليه لو شافو)
والبنطلون برتقالي وكرعينو قوسين الساق تصيح لساق..
بعدين زيادة في العضارة ربط راسو بشريط سيتان مدلدل بشراشير بمبية..
دورو في المشهد هو اثارة همهمات الاستحسان والرضا والاعجاب بين الجماهير
في خطبة منظف المداخن المفوهةز وعشان تكون همهمات كثيرة
كان عليه الجري من هنا لهنا. بعدين هو اضافة منه للعضارة
عامل فيها اعرج. بكراع مقصرة. متخيلين ردا وكرعين قوس واحدة مقصرة؟
كل الحاجات دي استدعت نقلي الى المستشفى بالازمة واعطائي حقنة
"امنويمفيلينق" ومن الضحك ما قتل والله يجازي الكان السبب..
البدري نفتو؟
لو قال نفتو حنسالو من اول حب ليه في المعهد...
قرقرقرقرقرقر
الحليفة المفضلة للبدري قبل الحج اي عندما كان من ناس جماعتو
* كلمة عضارة هي كلمة معهدية تقبل كل اللتصريفات اللغوية..
وتعني العضارة
|
Post: #90
Title: Re: عن شناتي بقولكم
Author: فيصل محمد خليل
Date: 05-08-2006, 02:17 AM
Parent: #88
بدر الدين شنا
مسكاقنا
بعد اذنك عاوز اشيل البوست بتاعك دى لبوستتي
تعالوا شوفوا حلفا القديمة قبل الهجرة.
دى حاجة حصلت بالجد عندي جد ي -حلفاوي- كان بيصلح في سقف البيت
و الدنيا حر وهو زهجان ففي واحد سلم علية و قالة ربنا يساعد قام
جدي قالة مايقدرش
فيصل محمد خليل
|
Post: #94
Title: Re: عن شناتي بقولكم
Author: بدرالدين شنا
Date: 05-08-2006, 02:38 AM
Parent: #90
فيصل محمد خليل
سلامي وإحترامي
Quote: بعد اذنك عاوز اشيل البوست بتاعك دى لبوستتي
تعالوا شوفوا حلفا القديمة قبل الهجرة. |
شيلو عديييييييييييل كدا
لا حولاااااااا جِدك دا يخوف
ما حكَّ (جدك) مثل ظفرك
لك خالص معزتي
|
Post: #91
Title: Re: عن شناتي بقولكم
Author: بدرالدين شنا
Date: 05-08-2006, 02:21 AM
Parent: #88
صديقتي ودفعتي التي بها افتخر د. بيان
سلام وشوق بحر
Quote: اها ان انسى لا انس اللبس الاختارو البدري.
الصديرية لونها بمبي وسكر سكر( كان اهلو اقامو الحد عليه لو شافو)
والبنطلون برتقالي وكرعينو قوسين الساق تصيح لساق.. |
شديتك فوق الله آ بيان
غايتو ما شاء الله بي ذاكرتك دي يوم بتكتلي ليك زول
أها وقصتي بتاعة الشنا الحكيتها للصادق البصيري دي ما أقنعتك تكوسي لي في قصص غيرها؟؟؟
|
Post: #92
Title: Re: عن شناتي بقولكم
Author: بدرالدين شنا
Date: 05-08-2006, 02:22 AM
Parent: #87
سمعة أستاذي
سلام يكفي ويوفي
عليك الله (أتبع) سريع عشان أنا أفهم وسن السكين شديد عشان أنا ما أتعذب اثناء عملية التبِع
|
Post: #93
Title: Re: عن شناتي بقولكم
Author: Muna Khugali
Date: 05-08-2006, 02:34 AM
Parent: #92
Quote: للأسف ...عندنا بكا
الزول لو عمل نكتة ايام البكا او ضحك...
حرام.
بختكم ..خالكم حى. |
ايه ياطـمطم حـبيبتي ...انتي هاتؤري?
صـباحكـم ورد ياحـلوين..
مـني
|
Post: #95
Title: Re: عن شناتي بقولكم
Author: بدرالدين شنا
Date: 05-08-2006, 05:36 AM
Parent: #93
منانا الغالية
سلام وإشتياق
| Quote: ايه ياطـمطم حـبيبتي ...انتي هاتؤري? |
هي في (ارارة) نفسها حزينة لكن حبت تشاركنا
|
Post: #96
Title: Re: عن شناتي بقولكم
Author: Mohammed Ahmed Saeed
Date: 05-08-2006, 07:30 AM
Parent: #95
بدرالدين الحلاوى الاحلى من الحلو
زميلنا بالمكتب حلفاويا لسانو طويل قال لى قريبك دا وكت شين لزوم كشف الحال شنو ملصقها فى اسمو وحلفنى ابلغك ليها
قريبك من ناس ابوفروع
|
Post: #98
Title: Re: عن شناتي بقولكم
Author: بدرالدين شنا
Date: 05-08-2006, 11:28 PM
Parent: #96
قريبي المن ناس ابوفروع محمد أحمد سعيد
سلامي وإحترامي وتحياتي لأهل أبوفروع وأخص منهم بيت عبدالقادر النويري وزوجته صلحة وولده فضل الله أتمنى كل من ذكرت يكونوا بخير لأن عهدي بهم قبل أكثر من عشرين عاما
| Quote: زميلنا بالمكتب حلفاويا لسانو طويل قال لى قريبك دا وكت شين لزوم كشف الحال شنو ملصقها فى اسمو وحلفنى ابلغك ليها |
بالله بي حليفتها كمان؟؟؟
خلاص ببلغا براي بس أديني موية أبلغا بيها
تحياتي لكل الحلفاويين
|
Post: #97
Title: Re: عن شناتي بقولكم
Author: sumah
Date: 05-08-2006, 12:49 PM
Parent: #1
*****
بدر ..
الشوق علينا اذداد ..
والسكتة شينه..
لية سوحت ابراهيم..
لمتين مشينا..
..............
............
(من المديح).
انة لمن محاسن الصدف ان اكون هناك ..
في ذلك اليوم ..واكون لهم بالمرصاد ..
الخواجات اصحاب العيون الخضر..
ديل يسرقوا الكحل من العين..
لقد كشفت السرقة وقيدت بانها سرقة ادبية..
والسرقات الادبية في القانون السودانى مافي ..
وما ظنيت ليها مكان ..
اصل الحكايه صديقى ..
هو موضوع الشنا ..
وذى ماانت قلت ..
عن شناتى انا بقول لكم..
ويلا صفقوا كلكم..
يقول الراوى ... شاهد عيان...
اتمدد القرع..
في كل المزارع والشوارع ..
المدارس بدأت الرحلات لمزارع القرع ..
ويااللا ياولاد المدارس ارسموا القرع ولونو..
والناس تروح مزارع القرع تاخد حبة وتطلع ..
وقرقروا..
وخرموا ..
وزينوا ..
دى شنو العملوا فيهو كدة دى ..
دة القرع ...
ومن يومها..
والصين تصدر ملايين القرع البلاستيكى الى امريكا...
................... يتبع..........
****
|
Post: #99
Title: Re: عن شناتي بقولكم
Author: بدرالدين شنا
Date: 05-08-2006, 11:28 PM
Parent: #97
الغالي سمعة
سلامي وإحترامي
Quote: دى شنو العملوا فيهو كدة دى ..
دة القرع ... |
إسماعيل ياخ عليك الله قولي في شنو؟؟؟
|
Post: #100
Title: Re: عن شناتي بقولكم
Author: المعتمد
Date: 05-09-2006, 01:17 AM
Parent: #1
ما تسمعوا الكلام دا.
البدر اسم على مسمى.
يوم خطوبتو اتنين من بنات الحلة جابوهن من الكنار دايرات ينتحرن لانه املهن فيه ضاع. واحدة لى هسع بايرة وخلت العرس بعد ما راح منها البدر. دا غير الكانن بموتن فيه لكن دافنات الريد فى جواهن وما معروفات كم.
وبعد دا يقولو شنا؟ اريتها شناتى وشنات عرسان بناتى
|
Post: #101
Title: Re: عن شناتي بقولكم
Author: بدرالدين شنا
Date: 05-09-2006, 05:20 AM
Parent: #100
قريبي شديييييييد المعتمد
كومين سلام واحد حقك إنت والتاني دا أديهو المدام
Quote: ما تسمعوا الكلام دا.
البدر اسم على مسمى.
يوم خطوبتو اتنين من بنات الحلة جابوهن من الكنار دايرات ينتحرن لانه املهن فيه ضاع. واحدة لى هسع بايرة وخلت العرس بعد ما راح منها البدر. دا غير الكانن بموتن فيه لكن دافنات الريد فى جواهن وما معروفات كم. |
أنا؟؟؟ متين؟؟؟ هههههههههههه
|
|