Post: #1
Title: عرق الرجال يحسن مزاج السيدات
Author: Elkhawad
Date: 03-19-2003, 05:24 PM
عرق الرجال يحسن مزاج السيدات
الثلاثاء 18 مارس 2003 19:26 : ايلاف
واشنطن - إذا أردت أن تترك انطباعا جيدا لدى حبيبتك أو زوجتك فما عليك إلا أن تقابلها وأنت متعرّق، فقد أظهرت دراسة علمية جديدة أن رائحة عرق الرجال تحسِّن الحالة المزاجية للسيدات وتقلل من مستويات التوتر لديهن.
واكتشف أخصائيو العلوم البيولوجية في جامعة بنسلفانيا الأمريكية أن لعرق الرجال أثر مفيد على مزاج السيدات إذ يساعد في تقليل توترهن ويشجعهن على الاسترخاء من خلال تأثيراته على دورة الطمث الشهرية لديهن.
وقام الباحثون في دراستهم التي نشرتها مجلة "بيولوجيا التناسل والإنجاب" بجمع عينات من عرق تحت الإبط من عدد من الرجال الذين امتنعوا عن استخدام مزيل العرق لمدة أربع أسابيع ثم وضع الخلاصات على الشفة العلوية وتحت الأنف لـ 18 امرأة تراوحت أعمارهن بين 25 - 45 عاما وطلب منهن تسجيل درجات المزاج لديهن على فترة ست ساعات.
وأظهرت النتائج أن هذا العرق حسّن المزاج لدى النساء بشكل كبير وخفف من توترهن كما أظهرت تحاليل الدم وجود زيادة في مستويات هرمون الجسم الأصفر التناسلي الذي تفرزه الغدة النخامية عادة قبل الإباضة ويؤثر على موعد ومدة الدورة الشهرية.
ولاحظ الباحثون عدم وجود علامات لرغبة عاطفية عند أي من السيدات اللاتي لم يتوقعن أن تكون المادة التي وضعت تحت أنوفهن هي عرق الرجال وظنوها نوع من الكحول أو العطور أو نوع من الشمع المعطر.
وأوضح العلماء أن الفيرمونات الموجودة في هذا العرق هي المسؤولة عن التأثيرات البيولوجية والنفسية التي حدثت عند السيدات مثل انخفاض مستويات التوتر وتغير الاستجابات الهرمونية.
ولفت العلماء إلى أن الفيرمونات الأنثوية تؤثر على الدورات الشهرية لنساء أخريات ولكن هذه الدراسة هي الأولى التي تثبت الآثار العصبية والهرمونية والمزاجية للفيرمونات الذكرية على الإناث.
ويرى الباحثون أن هذه النتائج مهمة وقد تساعد في تطوير علاجات جديدة للخصوبة ومتلازم ما قبل الطمث أو علاجات طبيعية تشجع على الاسترخاء عند عزل العنصر النشط من عرق الرجال الذي يؤثر في هذه الناحية.
ويخطط العلماء لإجراء دراسات أخرى تكشف عن تأثيرات الفيرمونات الأنثوية على السلوكيات العصبية والوظائف الفسيولوجية عند الرجال.
قدس برس
|
Post: #2
Title: Re: عرق الرجال يحسن مزاج السيدات
Author: garjah
Date: 03-19-2003, 05:54 PM
Parent: #1
الحبيب الخــــــواض
انها دعوة لعدم الاستحمام
هههههههه
ريحتونا اصلو الدنيا صقط
لكن لو طردونا يا نا الجايين بايتين عندك
|
Post: #3
Title: Re: عرق الرجال يحسن مزاج السيدات
Author: Elkhawad
Date: 03-19-2003, 06:05 PM
Parent: #2
قرجه يا اخوي
المستحمي ليها شنو
هسه تقوم الحرب
وكنا ما نعرف محل نقبل وين
|
Post: #4
Title: Re: عرق الرجال يحسن مزاج السيدات
Author: Abdalla Gaafar
Date: 03-19-2003, 07:55 PM
Parent: #1
الخواض
ليك وحشة
وزي ماقالك قرجة
دعوة لعدم الحمام
وكدي زول من ناس البورد يجرب ودينا خبر
ما يبقي عرق خواجات بس
شكرا علي طرح الموضوع
سنو رايك في دعوة الاخ سجيمان يعلقعلي الموضوع دا في بوست تاني
لك الود ويديك العافية
عبدالله جعفر
|
Post: #5
Title: Re: عرق الرجال يحسن مزاج السيدات
Author: almohndis
Date: 03-20-2003, 06:19 PM
Parent: #4
اخونا
خواض
الشئ الدارج
عندنا فى السودان
انو النساء لاتطيق
عرق الرجال وكثير
من الصبيه يكمن تستفرق
ان شمت عرق الرجال
الا المراة يمكن يحسن مزاجه
عرق زوجها فقط لاغير
والله اعلم
|
Post: #6
Title: Re: عرق الرجال يحسن مزاج السيدات
Author: الجعلي
Date: 03-20-2003, 06:26 PM
Parent: #1
ابن العم الرائع الخواض
لك التحية والتقدير
ده كلااااااام شنو آآ زول
وطيب عرق النسوان بيسوي للرجال شنو ؟؟؟
لووووووووووول @ قرجة
الجعلي
|
Post: #7
Title: Re: عرق الرجال يحسن مزاج السيدات
Author: Teeta
Date: 03-20-2003, 06:44 PM
Parent: #1
قال عرق الرجال قال ؟؟؟؟؟؟؟؟
ياما عشنا وسمعنا
لكن الشى البعرفه صحى مرات الراه البتتوحم بتريد عرق راجلها ودى بى سببها لكن الباقيات مع منو؟
ام الاء
|
Post: #15
Title: Re: عرق الرجال يحسن مزاج السيدات
Author: سونيل
Date: 06-25-2003, 10:14 PM
Parent: #7
انا بقول عرق الراجل بيفرح مرتو عشان دليل على الجهد
والمال الحلال ودليل على ان رب الاسرة بيعرق ويتعب عشان يريح اولادو
ودا شي بيخلي المراة مزاجا رايق ومطمئنة للاخر
ولا شنو يا اخوانا؟
|
Post: #8
Title: Re: عرق الرجال يحسن مزاج السيدات
Author: نصار
Date: 03-20-2003, 07:03 PM
Parent: #1
و الله دى ورطة يا خواض
العرق يلقوهوا وين فى البلد الباردة دى؟
|
Post: #10
Title: Re: عرق الرجال يحسن مزاج السيدات
Author: Munir
Date: 03-21-2003, 08:00 PM
Parent: #8
لووول يا نصار ـ لكين والله قلبك حار ــ طوالي داير تشوف درب العرق بي وين  ؟؟ ـ
لكين دينق نججمك ـ قوم اخد ليك جكة ، يا عرق (بالعين) يا جيت حازمها ـ
|
Post: #12
Title: Re: عرق الرجال يحسن مزاج السيدات
Author: نصار
Date: 03-22-2003, 11:12 AM
Parent: #10
العزيز منير
الجكة ما بتنفع
امس كنت بتكلم مع واحد كان بعمل فى عمل مرهق جداً
قولت ليهو يمكن صاحب العمل ما يديك حقك لانك ماعرقت
يعنى هو فى حل من الحديث الشريف اعطوا الاجير اجره قبل ان يجف عرقه
يا دينق دا عرق مضروب زى الوجبات المعلبه
يا خواض خلى الاسبان و الاوبان الاوتوبان زاتو ما بحلنا
اللهم الا من الصيف للصيف
كدى خلونا نحنا
فى اخ معانا هنا من السكا اها دا كيف؟
|
Post: #9
Title: Re: عرق الرجال يحسن مزاج السيدات
Author: Deng
Date: 03-21-2003, 05:08 PM
Parent: #1
الاخ/ نصار
بطل الكسل و أمشي مارس ليك رياضة, وما أكثر الصالات الرياضية المغلقة في بلدكم دييك.
دينق
|
Post: #13
Title: Re: عرق الرجال يحسن مزاج السيدات
Author: wadazza
Date: 03-22-2003, 11:31 AM
Parent: #11
ممكن.....
فى الطيف أو فى الصحيان زورنى
ياحبيبى أنا عـــرقـــان
وعرق الرجال عطر النساء مجازا وحقيقة...
كلامك مظبوط ياخواض
تحياتى
ودعزة
|
Post: #14
Title: Re: عرق الرجال يحسن مزاج السيدات
Author: robenson
Date: 03-22-2003, 11:48 AM
Parent: #11
طيب لو الواحد ريحتو ترمي الصقر برضو حا يستمتعن بيها؟؟؟
انت عارف انا الحكاية دي اتاكدت انها صحيحة لانو عندنا زميلنا مصري ريحتو بتشمها وهو بوقف في عربيتو والظاهر انو مرتو مفهماهو انو دي احلي ريحة شمتها في حياتها عشان كدا مش عايز يشتري ليهم مم بي سبعة ريال
|
Post: #16
Title: Re: عرق الرجال يحسن مزاج السيدات
Author: EXORCIST7
Date: 06-26-2003, 06:20 PM
Parent: #1
أخى الخواض
لك تحياتى
والله ضحكتنى يازول
وكلامك دا ذكرنى واحده ألمانية عندها صاحب نيجيرى كلما تلقاه تجرى وتنحشر تحت إبطه وتسطل بالريحة ولو شميتها أنت لرقدت طريح الفراش ولإجريت لك عملية جراحية بدون أن تحس بالألم
غايتو عالم
لكن العرق الأفريقى قوى وبيرمى الصقر من الجو
سلام
|
Post: #17
Title: Re: عرق الرجال يحسن مزاج السيدات
Author: Elkhawad
Date: 06-27-2003, 07:08 PM
Parent: #16
ود عزه .. ربنسون .. اكسورست
تسلمو
|
Post: #18
Title: Re: عرق الرجال يحسن مزاج السيدات
Author: MaxaB
Date: 06-27-2003, 07:51 PM
Parent: #1
مقال طريف يا خواض .. لكن بجيب مشاكل .. و بعدين انتو حكايتو شنو العرق الحايم اليومين ديل!! .. حقنا دا داخل في المسكرات برضو
|
Post: #20
Title: Re: عرق الرجال يحسن مزاج السيدات
Author: JAD
Date: 06-28-2003, 05:34 AM
Parent: #1
الخواض .. والشباب الظريفين سلام ..
وين العزيز قرشوي علق على ها الاشياء الرهيبة ...
وين ابن العم أهل العوض ..
وين تعليق الطرف الأغر ...
وين وين وين العرق العربي وين وييييييييييييييين وين ..
لذلك يا عزيزي الخواض نجد الكادحين أكثر الرجال إنجاباً ..
ونجد الناس المرطبة بتلد اثنين وتلاتة بالكثير .. ويقلوا ليك دي ثقافة وتنظيم نسل .. أهي القضية تراها عدم عرق ..
بالمناسبة أيامنا كنا بندرس في جامعة الخرطوم هناك تيس .. قوي الرائحة .. يسمى تيس البركس .. يمكن أن تجد ريحة من مسيرة يوم .. وهذا التيس مجرد خروجه من مخدعة تجد المعزات دور حوله كأنه قمر وكأنه كواكب ..
عرقيات الخواض ..
تحياتي ..
جــاد
|
|