ضع نكتة هنا - واقراء نكتة هنا

يمكننا وضع نكته هنا كما يمكننا قراة اخرى ، ايه رايكم لو كل زول كتب النكتة اللى عجبتو هنا ، وسوف ابدا لكم بنكتتين ، وكل يوم مثلهما ،،،

واحد طلع من الاوائل ،، ابوه شفره - عمليهو تشفير

اثنين فى السجن محكوم عليهم بالاعدام .. واحد منهم حسود جدا .. فى يوم الاعدام يسالو الاول عن امنيته الاخيرة . قال : اشوف امى . سالو الحسود عن امنيته الاخيرة .. قال : صاحبى ما يشوف امه

صاحبو ما عادل
اكان يكون عبدا يخت الرحمن فى قلبه

بالمناسبه حقت الحساده دي
قالو في اتنين شايقي وجعلي راكبين مركب وبيصتادوا قامو لقوا ليهم قله فتحوها طلع منها جن قام الجن قال ليهم عايزين شنو كل واحد يتمني ليهو امنيه قام الشايقي عاين للرباطابي قال ليهو قول انت الاول قام الرباطابي قال ليهو قول انت قام الجعلي قال ليهو انا اي حاجه يقولها الرباطابي انا عايز منها اتنين كان طياره كان قطر كان اي شئ الرباطابي عاين ليهو كده قام قال للجن اها كان كده قد لي عيني دي

بت الجزيرة بديتيه جعلي وقلبتيه رباطابي مالك

خافت من الشوايقة يا حبيب بلدو

هههههههههه

لكن يا بت الجزيرة

بالغت هم كانوا اتنين متاكدة؟؟

لووووووووووووووول

مساء النور نهى
خافت من الجعل يا نهى وإنتي الصادقة
أكيد الجعلي كان تالتهم بس بت الجزيرة الظاهر خافت من الجعل

الليله انجيت البوست ده وضحكت لامن قلت بس

المسا ..... حمد لله على السلامة

HAMZA SULIMAN

نقول شنو ، بس حسادة منو ..

bint algazeira
ودى برضو نكتة حسادة
قالو فى واحد حسود الله سبحانه وتعالى رضى عنه ودخله الجنة ، قالو كلوا ما يعملوا تمام يلقوهو ليك مافى ، كل ما يعدوا الناس يلقوا ليك زايغ ،،، قاموا قالو الا يشوفوهو بمشى وين ؟
قالو لقوا ليك كل ما يلقى لي نفسو فاضى ، يمضى يرمى حطب فى النار ،

Habib_bldo
شكرا للتعقيب

noha_g
شكرا دائما

tally
الله يسلمك ، وشكرا للسؤال

al_msaa


و الله نكة الحسادة دي بالغت فيها
looooooooool@al_msaa

أهلا نهى مساك الله بالخير

نكتتى اليوم

فى مسطول مراته تشاكلت مع الخدامة ، كل واحدة سكنها فى بيت براها


فى قرية فيها حفرة .. كل يوم يقع فيها قروى ويموت ،، فاجتمع القرويين عشان يشوفو حل لموضوع الحفرة ، اخيرا اتفقوا انهم يتخذون حل عاجل من احد ثلاثة حلالول ،، يشترون سيارة اسعاف ويوقفوها جنب الحفرة ، او يبنوا مستشفى جنب الحفرة .. او يدفنوا الحفرة ويحفروا واحدة بدلا عنها جنب المستشفى



:

سوداني واصحابه يشاهدو في lbc

قام السوداني قاليهم عليكم الله ديل نسوان ونسوانا نسوان

مراته كانت قاعده تسمع في الكلام قالت ليه عاجبني انت يا وائل كافوري

هذه اول مشاركه لى معكم وحابداها باهلنا البجا
قالو ادروب وبعد الانتهاء من الورديه وهو طالع لقى اسبيرات مجدوعه فى ارض الميناء وقام شال ليهو طقم اسبيرات وختاهو فى المخلايه بتاعتو وكان معاهو واحد لقى الاسبيرات كتيره قعد يشيل ويخت فى المخلايه بتاعتو الاول لما وصل الى الباب قام العسكرى فتش المخلايه بتاعتو لقى طقم الاسبيرات قال ليهو ده شنو قال ليهو خليك منى انا فى واحد جاى وراى كان كبيت ليهو جالون بنزين يدور





انت المهم وانت الاهم 000 وانت الحقيقه والوهم 000حبك قضية دنيتى 000 وانت بعذابى متهم

سلام للناس المبتسمة

قال ليك في واحد شايل ليه أرنب عايز يبيعه قابله واحد مسطول قال ليه بكم القرد؟ رد عليه يا أخي ده أرنب ما قرد رد عليه المسطول يا أبو الشباب أنا بسأل القرد ما سألتك


بركات

هاهاهاهاهاهاها
هاهاهاهاهاها
هاهاهاهاها
هاهاهاها
هاهاهاه
هاها
ها

والله النكتة الاخيرة دي روعة
تسلم يا بركات

لكن يا بنت الجزيرة ما بسألك نكتتك فيها كل القبايل الشمالية يعني ما قدرنا نفرز الشوايقة من الحعلية والرباطاب!!! يعني ممكن تكون النكتة اسمها النكتة (الرباشاعلية)هاهاها
مع الاعتذار للكل
البياز
عوافي

قالوا كااان في حلفاوين مشو يصلوا صلاة الجمعة وبعدين قاالوا
ان المسجد من زنك والكربة قااطعة فقاام الخيب حق المسجد من الشرق وقعد يخطب ويقوول
ان اخوانكم يموتون في العرق ا وانتم تجلسون
وانهم يموتون في افغانستان وكذلك تجلسون
ان اخوانكم يموتون في الشيشان وانتم تجلسون
المهم الذول خلص الخطبة وعاايز يقيم الصلاة
فقاام واحد من اخوانا الحلفاوين قاال ليه : هي شنو ما لسع النشرة الجوية

قال ليك واحد تكاسى راكبة معاهو بنت كل ما بطنو تكركب يروح ضارب البورى شديد

الحكاية دى كررها ليك عدة مرات و فجاة كدة جات غنماية قاطعة الشارع البنت قالت ليهو : موش الغنماية دي

اصدمها بس عليك الله بوريك العفن دا تانى ماتضربو

مع الإعتذار مقدماً

بركات

واحد جنوبي سالو اسمك منو قال كمسة وتلاتين
اها ابوك اسمو قال ومال تلاتيييين دي اسم ابوك هههههي

عمر محمد رجب
holland al3sl

يابركات انا شميت ريحة النكته بتاعتك هنا ههههههه يكه
قالو واحده عملت ليها دولاب عند نجار اها مشت البيت بعد يومين جات للنجار قالت ليهو الدولاب بتاعك ده كلو مايجي باص الثورة ماشي بالشارع باب الدولاب يتفتح اها النجار قال ليها خلاص ومشى معاها البيت قال ليها اقفليني جو الدولاب عشان باص الثورة لمن يجي اشوف البيفتح الضلفة شنو
اها راجلها من دون الايام جه راجع من الشغل بدري ومشى فتح ليك الدولاب لقى ليك النجار قاعد جوه اها النجار قام قال ليهو والله لو قلت ليك منتظر باص الثورة ما ح تصدقني ههههههههههه يكه
زاتووووو

حلاق مسطول بيحلق للزبون، لما جاء يعمل قطعيه فوق الأضان اليمين مسكها وقال للزبون عايز دي؟ الزبون قال ليهو: آآي، قام الحلاق قطعها وأداها ليهو في إيدو، وقام الحلاق مشى يعمل القطعية في الأضان الشمال، مسكها قال للزبون عايز دي؟ الزبون عمل حسابو المرة دي قال للحلاق: لا، الحلاق المسطول قطعها ورماها في سبت الزباله

هلا بيكم شباب ؟

في باكستاني جاته ترقية صار باكست أول.




شخص مضلل جواله؟...ليش لأنه جوال عائلى



فيه فريق أول جته ترقية صار منتخب !



في نملة متسندة على البحر تقرأ جريدة. ليش؟... عشان تبلل اصبعها بالبحر و تصفح الجريدة.

انت الحلاق دا ما شا فك Mandingoo

لووووووووووووووول

في واحد مسطول شاف ليهو حبة فوق عين واحد

قال ليه : عليك الله حسه دي عين ولا غين

التحية


هاكم واحدة

الحجاج و الحاجات السودانين قبل سنين طويلة كانو بجوا المدينة و المطوف

بكون ساكن معاهم نامو إنومو صحوا إصحى معاهم و ياكل و يشرب مــلـح

زمان السودان بي خيروا . المطوف بحاول بقدر الإمكان إكسب ود الحجاج علشان كدا

قبل الصلاة بي فترة إلف على الجماعة إصحيهم من بدري يا حجاج الصلاة يا حجاج الصلاة

الدنيا برد شديد واحدة حبوبتنا جاها الراجل صلاة الصبح يا حاجة قومي الصلاة

الدنيا برد شديد و حبوبتنا تعبانة قالت لي الراجل :-





هـوي إنت نحن جينا نحج و لا جينا نصلي ؟؟؟

قال ليك كان فى مدرسه ابتدائيه ناظرها حلفاوى اهل المنطقه جو للناظر يوم وقالو ليهو انحنا عايزين منك تطلع لينا اولاد المدرسه ديل كلهم عشان انحنا المطر ما جانا السنه دى وعايزين نصلى صلاة الاستسقاء عشان ربنا ينزل لينا المطر قام الناظر قال ليهم انا ما بقدر اطلع المدرسه كلها معاكم لكن فى ناس سنه سادسه ديل ما عندهم حصه ممكن يطلعوا معاكم المهم ساقو اولاد سادسه ومشو صلو قال ليك بعد الصلاه جات مطره شديده جدا لمن غرقت البلد تانى يوم فى مجموعه من ناس المنطقه قالو يمشو لمدير المدرسه عشان يشكروا على الموقف بتاعو قامو مشوا ليهو وشكروا وبعد ما انتهو قال ليهم خلاص المره الجايه لو دايرين شكشاكه تعالو لى بطلع ليكم ناس سنه اولى



بالله عليكم الله ماااااااااااااا قويه




انت المهم وانت الاهم 000 وانت الحقيقه والوهم 000 حبك قضية دنيتى وانت بعذابى متهم

يامادنقو والله بي شعرك الكتير والنكته بتاعتك دي زكرتني موقف عندي صاحبي في الثانوي شعرو كان اكتر من بتاعك ده اها المدير قال ليهو بكره لو ماحلقت شعرك ده ما اشوفك تاني في المدرسه دي اها الحلاق وراء بيتنا طوالي هههههههههه يكه
مشيت معاهو الحلاق قال لي بي اسمي داير تحلق انت قلت ليهو لا داير يحلق س م قال لي انت معليش لكن صاحبك ده الا مقاولة عديل كده هههههههههههههههههههههههههههه يكه

زاتووو
فهمتو حاجه

-1- خروف مرسوم عليهو خط احمر ... ليه

قليل الدسم

-2- طيارة هليكوبتر شايلة سوداني تنزل فيهو في البحر وتطلعو .. ليه

دعاية ليبتون

-3- صعيدي شايل عكاز وواقف جنب التلاجه .. ليه

عاوز يعرف البفتح اللمبه جو منو

حوت غبى .. ليه ؟ لانه عايش فى المحيط الهندى

.................................................

واحد غبى مات ... لانه نسى يتنفس

..................................................

واحد غبى ، قالو ليهو الشيطان شاطر ، مشى يقرى معاهو
...................................................

صعيدى راح يتعالج فى امريكا ... الطبيب بسأله عن الكى فى بطنة : واط إز زيس ، الصعيدى : زيس إس تش آح تش آح
...................................................

صعيدى قال لابوه : يابا رخصتى انتهت عاوز اجددها ،،، ابوه قالو : آآه يا شقى انتهيت منها من كثرة الحوامة فى الشوارع بالعربية
....................................................

احول سجل فى الجيش ... وزعوهو فى قسم القصف العشوائى
....................................................
صعيـدى اتهموه بالذكاء طلع براءة
....................................................

فى اثنين مشوا مع بعض .... جاء بعض راجع وخلاهم براهم
......................................................


فى محامى رفع قضية ... وقعت فوقه

غبى نشروا صورته على الجريدة وكتبو تحتها


( متى ستنتهى هذه الظاهرة )

ألذ واحدة يا المسا


بتاعت تش أح تش دي مبالغة

loooooooooool

تسلم

وهذه من باب ما يطلبة المستمعون يا نهى

اقصد المشاهدون

طيب هو نفسو الصعيدى بعد ما اتعالج وجاء قريتو

قاليك عندو مزرعة بتاعت خرفان ، الخرفان ديل عاملين ليهو ازعاج ، كل ما يجى ينوم يصيحوا ، فكر ايه يعملهم ، اخيرا طلع ختاهم فى البكسى بتاعوا ولفى بيهم ورجعهم سكتوا من الصياح ، وبقى كل يوم بالطريقة دى يصيحوا يطلع يفسحهم بالعربية ويرجعهم يسكتوا ...
فى ليله الخرفان ما صاحوا ، استغرب فى الحاصل ، طلع يشوفهم ، لقاهم ليك راكبين فى البكس بى وراء منتظراه ...

مساء الخير
المساء
قروى اشتركوا في مزرعة دواجن ، قاموا و دفنوا الكتاكيت في الرمل و غرقوهم بالماء فماتت الكتاكيت و استمروا على هالحال عدة مرات لكن تطلع نفس النتيجة ، فقاموا و أرسلوا لأخيهم اللي يحضر دكتوراه في أمريكا فرد عليهم : أرسلوا لي عينة من التربة أحللها

هههههههههههههههههههههههههههههههه
رائعة بحق يا ود الجزيرة

هاك دى

كان واحد سواق بوكس مسافر شاحن دجاج ، وفى الطريق عمل حادث
صاحب الشاحنة شاف ديك جارى قام جرى وراه ، الناس قالو ليهو ساكى الديك ده مالك
قال : الديك دا ماشى يبلغ علينا

شكرا لكم يا رائعين

نكت حلوة و الله

يا ريت لو بحفظ النكت

وهـــك كمان دى يا المساء ويا نهى
وللجميعفي
رجال كل يجي يشتري من هندي خبز وفي المره الاولى شاف في الخبز جناح صرصور وفي الثانيه شاف رجل صرصور والثالثه شاف راس صرصور فسأله الرجال:ليه كل مره اجي اشتري منك خبز اشوف عضو من اعضاء الصرصور ,قال الهندي:بابا انت في جمع كل لين يصير صرصور كامل بعدين يربح سياره

وهذه لود الجزيرة والغالية نهى

قاليك فى هندى محشش سايق سيارة ، وقف فى نقطة التفتيش ، قام العسكرى سأله : وين رخصتك ، الهندى قاليهو : حشيش شنو البتتكلم عنو ؟

ههههههههههههههههههههههههههههههههههههههههههههههههههههههه
الفى بنطنو حرقص

معليش يا المساء لاكن تصدق آخر واحدة دي الضحكتني وزيادة كمان
ما عارفة يمكن عشان باقي النكت سامعاها بكثرة في النت
حاجيب ليكم نكت معاي المرة الجاية

يعجبك زمانك يازولا

وكمان هاك دى عشانك

عجوز راحت المستشفى مع ولدها .. كشف عليها الدكتور وقال : امك تعانى من الوحدة .. عاوزة واحد يأنس وحدتها .. ولازم تزوجها واحد عمره خمسين ...... وهم طالعين كدة ، امه قالت ليهو : شفت كلام الدكتور ياولدى ، لاكن كان ما لقيت واحد عمره خمسين سنة ، ما فى مشكلة شوفلك اثنين من ابو 25 سنة.

لذيذه نكاتكم
اخي المسا
اخي ود الجزيره
وللجميع
هاكم النكته دي حقيقيه بس ان شاء الله ماالخبطها زي الفاتت
قالوا في سواق لوري مالي اللوري ناس وماش لجهة نيالا والظاهر الشارع كان فيهو شجر كتير اها واحد من الجماعه الظاهر وقف علي حيلو جات شجره شالت راسه بره لما وصلو مركز تفتيش لقوا الراجل ميت وراسو مقطوع اها الشرطي سأل السواق يازول الراجل دا راسو وين قام السواق
عاين ليهو كده وقال للشرطي والله دا ركب معاي كده

هههههههههههه الظاهر المره دي ماملخبطه يانهي وياحبيب بلدو


سلام اهلي الحنان

ههههههههههههههههههههههههههههه
دى 10\10 ،،، يابت الجزيرة نشكرك على النكتة الرائعة

نكتتك دى زكرتنى نكتة البص فيهو واحد شايلهو بطيخ ، مع الركاب ، قام البص انقلب : واحد من الركاب عقلو طار ، مسك ليهو بطيخة وقعد يكورك يا جماعة انا بفتش لى راسى لقيت الراس دا ،، الراس دا حق منو ...
قام واحد قاليهو ، كدى شوفو لو فيهو شنب دا راسى انا ...

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ولا المرة الكبيرة الركبت الدفار ، الدفار انقلب المرة قامت ماشة ، البوليس ياحاجة ماشة وين ، ماشة اهلى ، طيب ما تكشفى على نفسك ، ليه ، عشان الدفار انقلب ، قالت ليهو هو انقلب انا قايلاهم بى يكبوهم كدة
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى واحد دخل الملعب شايل ملعقة ،،، قال عشان يحرك اللعب

فى محشش سال سكران ايه اسماء اخوانك قال السكران كلهم محمد الا فيصل اسمه خالد


00000000000000000000000000000000


الاستاذ للطالب الصعيدى : قول ثاني اكسيد الكربون
قال : اثنين تكرفسوا بكرتون

00000000000000000000000000000000


صعيدية فتحت جواز زوجها لقت المهنة رجل اعمال مسحته وكتبت رجل منيرة.


00000000000000000000000000000000

غبى مات . ليه ؟ نسى يتنفس


00000000000000000000000000000000


غبى راح للدكتور لانه مريض .. الدكتور أعطاه دواء وقال له هذا الدواء اشربه كل 8 ساعات فقام الغبى شربه كل 6 ساعات ليه ؟ علشان يفاجئ الجراثيم .

00000000000000000000000000000000


فيه واحد مهبول اسمه بلاي ستيشن ...
مات ابوه كتب على قبره
Game Over

00000000000000000000000000000000

اثنين صيادين دخلوا البحر واحد صاد قرش والثانى صاد ريال


00000000000000000000000000000000


واحد طويل شرب حليب مات ليش ؟ انتهت صلاحية الحليب قبل ما يوصل البطن


00000000000000000000000000000000


مرة فى امريكى وفرنسى وصينى عاوزين يجربو صدى اصواتهم عند شلالات نياجرا
الامريكى قال هلوووووو الصدى قال هلووووو وووووو وووووو
الفرنسي قال بونجور الصدى قال بونجووووور ووووور ووووور
الصيني قال شنجا شونج كلمبو .. الصدى قال هاه قلت شنو ؟


00000000000000000000000000000000


أيه وجه الشبة بين الصعيدى الذكى وسوبر مان ؟؟؟
كلهم شخصيات خيالية


00000000000000000000000000000000


مدرس يشرح لطلاب صيعادة وكل مامسح السبورة شرطوا الورقة


00000000000000000000000000000000

ها ها ها ها ها ها ها ها ها ها ها ها

فى صعيدى ينوم جنب السلم
سالوه ليه
قال عشان لو طلعت روحوا يطلع يجيبها

بسم الله يا المساءء بقت تضحك براك مالك


يا ولدي سلانة عقلك
ما تكون اصبت بمس


بسم الله الرحمن الرحيم
ههههههههههههه

نهى مساء الخير
سلامات كيفك اليوم

والله بقيت كل ما افتح البوست دا اضحك ،،،
بقيت اتذكر النكت دى
هههههههههههههههههههههههههههه

تسلمى للسؤال

نهى...شفتى تانى لوما جيبتى معاك نكته اوعا تدخلى هنا وتضحكى بلاش ساى...وهاك النكته دى..وهى حصلت حقيقه...مع زول من بلدنا ..
قال ليك يازول صاحبنا البيحكو عنو النكته...كان شغال فى "الحواشه"،،المزرعه بتاعتو..ومزنوق جدا..ومشاغلو كتيره...وكت المغرب دخل ..مشى يتوضا فى ضفة نهر النيل قرب حواشتو..واثناء ما هو بيتوضى كده طفحت جنازة زول غرقان من النيل....يازول صاحبنا خلى الوضوء وجاب عصايتو ..ووقف جنب الجنازه ودفرها الى وسط النيل وهو بيتكلم مع الجثه" والله ياخوى الايام دى نحنا مشغولين خلااااس ومافاضيين لى مساعلات المحاكم ...دحين امشى كوس ابو مروءه لى قدام"...000
اها يا نهى...لو ماجبتى نكته تانى ما تجى ...انشاءالله تألفيها...ولا اقول ليك...انشاءالله شعر حلمنتيشى

True Bloue

قاليك فى 3 اغبياء ، راكبين غواصة غرقو ،، تعرف ليه

لانو فى سمكه خبطت على باب الغواصة قامو فتحوا الباب

True Blue


بضحك و بضحك و بضحك

مالك إنت كمان عاوز تبقي الضحك بقروش

و الله لكن نكتتك حلوة شديد

ههههههههههههههههههههههههههههههههههههههههههههههههههههههه لحد الاخر كمان

و الله انا إلا أعيد ليك حقت مرقنبو قرنبو

أصلي كنت حافظة الشريط لكن للأسف كلو طار لي في راسي
هسا نضحك بس ما نبكي بس

ولا يهمك يا نهى ،،، هذا الموقع الوحيد الفيهو الضحك ببلاش

بدون اى تذكرة بس تكلفة دقائق الانترنيت وايجار الخط

هذه هدية لك والاخت true bloue
ولد سال ابوه ، هل الحب اعمى
ابوه قاليهو شوف امك وانت تعرف

اخي المساءء
مساك اله بالخير
البوست دا انا بقيت بفتحوا كل يوم عشان اقراء النكته الجديده لكن الليله مالقيت جديد ليه؟خير ان شاء الله
تعرف العجوز ديك قالوا ولدها مشي عرس ليها لكن بعد سنه واحده الراجل مات قامت تاني مرضت ولدها قال ليها نوديك الدكتور ياامي قامت قالت ليه لا ياولدي روشتة عمنول ماقاااعده هههههههههههه

سلام لكل الناس القيافه
سلام خاص لحبيبتى بت الجزيره
والنكته دى بهديها ليكى يا غاليه

شكراً أخى المساء على هذا البوست الرائع
وهاك النكته دى
قاليك واحد مسطول متكول ليهو على حيطه
جاهو واحد مضروب فى راسو
قال ليهو أسمع يا أخينا عليك الله شوف الجرحه الفى راسئ دى كبيره ولا صغيره
رد المسطل لالا
منااااااسبه

هيييي يبا

شكرا الاخت بنت الجزيرة ، وانا فخور لذلك ،، وليك على يا بنت الجزيرة ، ووعد على انشاء الله كل يوم نكتتين
جديدتين لنج


طيب قالوا فى جماعة من الرباطاب بتونسوا فى ايام الفيضانات عن الناس اللى غرقوا فى البحر
فلان داك غرق فى البحر عامن اول
وفلان داك غرق
وداك ولدو غرق
وداك ماعارف غرق متين
فى واحد قاليهم ود ناس فلان داك برضو غرق قبل سنتين
فى واحد قاليهو : دا ما غرق دا اكلو التمساح ،
الرباطابى المسيخ قاليهو : لاكن التمساح دا اكلو فى المطعم ، ما اكلو فى البحر

( البحر يعنى النيل )

*****************************************************************

فى واحد اسمه اسامة الشين ، اولاد الحلة والجيران بى يسموهو اسامه الشين
اسامة الشين ما راضى بالاسم دا ،،،
يازول قال يشتكى
اشتكى للمجلس الحى : ناس مجلس الحى قالوا ليهو ، ياخى الموضوع دا كبير ، نحيلو ليك للمحافظة
اشتكى للمحافظة : ناس المحافظة قالو ليهو تمشى الولاية ،
اشتكى للولاية : ناس الولاية قالو ليهو الا مجلس الوزراء يحل ليك الموضوع دا ،
اشتكى لى مجلس الوزراء
ناس مجلس الوزراء قالو ليهو الموضوع دا حلو عند الرئيس
اشتكى للرئيس : الرئيس قاليهو موضوعك دا حلو فى مجلس الامن
اشتكى لى مجلس الامن : قالو ليهو ياخى موضوعك دا الا يشوفو الرئيس بوش
خش يقابل الرئيس بوش قالو ليهو مشكلتك شنو :
حكى ليهم مشكلتو : دخلو موضوعوا للرئيس ، الرئيس ناداهو :
تعال يا ابنى نحن نفتش ليك زمن انت اسامة بن لادن ، قاليهو لا لا لا انا اسامة الشين

هاك دي يا بنت الجزيزة
في واحد سكران وقع من العمارة اتلموا فيهو الناس وقف على حيلوا سالوهو الحاصل شنو قال والله انا جائ هسي
***********************************
واحد سأل صاحبو قال ليهو ماهي قمة النرفزة:
قال ليهو واحد تكون يده معلقة على شجرة ويده الثانية مقطوعة وبطنه تحكه
وساله ثانيا : ةماهي قمة العجب : قال ليهو ان يفتح ليك واحد الثلاجة من جوة
وماقمة الادب؟ قال ليهو ان تدق باب الثلاجة قبل تفتحها
وماقمة الحيرة ؟ قال ليهو ان يضعوك فى غرفه مدورة ويقولوا ليك دور ليك على ركن
****************************************
معلم معلمة تزوجوا كتبوا الكتاب فى السبورة
***************************************
شباب بحششوا فى غرفه وقاموا اخر الليل حششوا بستة سجارات وكانت فى ذبابة فى الغرفه بعد ما خلصوا قامت جاتهم نازله قالت ليهم افسحوا معاكم للصقر
تحيات واحشني

قالوا في اثنين اصحاب خمر مدمنييييين لاخر درجة حياتهم كلها خمر في خمر والعياذ بالله واحد قال للثاني شفت انا لو مت اي كاس بتشربوا اشرب لي معاك واحد ومر الزمن ومات فعلا الاول والثاني بقى كل ما يشرب كاس يقوم يلحقه بثاني هذا حق المرحوم واستمر الحال هكذا صاحبنا الثاني قام تاب توبة نصوحا بعد زمن راح الحانة وطلب خمر صاحب الحانة استغرب يازول انت ماتبت قام قال ليه انا والله تبت والحمدلله لكن دا حق المرحوم

ياكيجا 2002 زولك دا داير ليهو سبب ولقاهو ،،،
توبة بى جاى ، وخمرة بى جاى
وبعدين يوم القيامة يقول انا ما عملت شئ دى بتاع المرحوم

قاليها : هوى هوى يا بالبلابل
قالت ليهو
خلاص اتلميتوا يا اولاد الحلة

طبعا دى اى زول عارفها

بريطانيا تفوز بلقب أحسن نكتة



اُطلق في العاصمة البريطانية الخميس أكثر النكات فكاهة بعد رحلة تقصي وبحث استغرقت زهاء العام.
وفي تجربة أجريت في بريطانيا، دعي كل سكان الأرض على الحكم على مجموعة من النكات الموجودة على موقع مخصص في شبكة الإنترنت والمشاركة بإسهاماتهم أيضاً.
وجذب البحث الذي قام به عالم النفس د. ريتشارد وايزمان من جامعة هيرتفوردشير وأطلق عليه اسم "مختبر الضحك" أكثر من 40 آلف قاري شاركوا بنكاتهم الفكاهية وحوالي مليوني تقييم للنكات الموجودة.
وإليكم النكتة الفائزة:
" خرج صيادان للقنص في الغابة وفجأة أنهار أحدهما ووقع مغشياً عليه ولم يبد أي حركة فتنفسه قد توقف وجحظت عيناه، فما كان من رفيقه إلا أن أخرج هاتفه المتحرك للإتصال بخدمات الطواريء.
وسأل جزعاً: لقد مات رفيقي... ماذا يمكنني أن أفعل؟ فردت عاملة الطواريء بالقول: دعنا نتأكد أولاً من أنه توفي.... وساد الصمت لوهلة سُمع عقبها صوت لإطلاق النار... وجاء صوت الصياد لاهثاً.. لقد تأكدت الآن.. وماذا بعد؟"
وقال وايزمان إن النكتة قد لاقت تجاوباً كبيراً بين العديد من الدول وعلى مختلف الأعمار والأجناس وقال في هذا السياق "لقد نالت بعض النكات الموجودة على الموقع تقييما عاليا إلا أن تلك المختارة لقيت إقبالاً عالمياً.
وكشف البحث أيضاً عن مدى الإختلاف الكبير في تقبل وتذوق النكات والطرفات الفكاهية بين مختلف شعوب العالم، ومنها أن الألمان ? الذين عُرف عنهم الجدية الشديدة وإفتقاد روح الفكاهة? وجدوا أن كل النكات الموجودة على الموقع مضحكة ودون إستثناء.
وألقى البحث الضوء أيضاً على أن الأيرلنديين (جمهورية أيرلندا) والبريطانيين والأستراليين والنيوزلنديين يحبذون النكات التي تتلاعب بالألفاظ، أما أهل فرنسا والدنمارك وبلجيكا فيفضلون المزحة السيريالية.

مساء الضحك
طالب سعودى استاذ التاريخ سالو مين موسس المملكة السعودية
قال لية الملك عبد العزيز بتوجيهات من خادم الحرمين حفظة اللة

:يا المساء نكتك دي
فى محشش سال سكران ايه اسماء اخوانك قال السكران كلهم محمد الا فيصل اسمه خالد
ودي
الاستاذ للطالب الصعيدى : قول ثاني اكسيد الكربون
قال : اثنين تكرفسوا بكرتون

خلوني ما قادر أحكيها من الضحك، غلبني كلو كلو اكملها للبحكيها ليهم، لما دموعي ملن وشي ما قدرت احكيهن، الله يجازيك يا المسا، قاعد تجيب النكات دي من وين؟ غايتو نكات زي دي ما بيألفها الا المساطيل، لكن هاك دي شوفها بتاعة مساطيل واللا لا:

واحد جنو ربيت (طبعاً الحناكيش ما بيعرفو معنى ربيت، بالله يا المساء اشرح ليهم عشان يدخلوا معانا في الصورة) المهم الراجل ده يوم مشى ليهو محل لقى ربيت قعد يضرب في الربيت ده لمن بطنو اتملت ووصل لحلقو، وبعد ده ما عايز يخلي الربيت، قام شال الباقي في كيس ورق ورجع بيتهم، دق الباب لمرتو، لما فتحت ليهو مد ليها الكيس وهو مقبل وشو لغادي، وقال ليها اوعى تقولي لي الفي الكيس ده شنو،
حب الاستطلاع خلى المره تفتح الكيس طوالي، وعاينت جواهو، وقالت ليهو : هي ، ربيت!! قام الراجل على طول عووووووووووووع، قلب الربيت الفي بطنو
شفت المره دي خسرتو كيف بالله

سلام يا حلويين


فواحد اسمو الجمري تعب من الشهرة في السودان , فطرح عليه صاحبو ان يعيش في مصر
مشي مصر , اول ما نزل الصباح من العمارة , البواب قال ليهو صباح الخير استاذ الجمري..صاحبك طلع مشهور برضو في مصر , قام مشي الكويت, قابلو البدوي ايش لونك يا استاذ الجمري ..طال عمرك يالجمري اها صاحبو اقترح عليهو انو يمشي لندن , الجمري مشي لندن , دخل اول مطعم لقا جرسون في الباب ..غوود مورنينغ مستر الجمري !! الجمري زهل , حتي في لندن انا مشهور !!! قال انا امشي العالم الجديد امريكا ..اصلهم مشغوليين بمشاهير هولي وود و ما اظن واحد يعرفني...اها اول ما وصل امريكا كلينتون سمع بيهو و عزمو في البيت الابيض ..و هم خارجيين من البيت الابيض ..في اتنين خواجات بيتمشوا قدام البيت الابيض , قام واحد سأل التاني : اسمع انتا الواقف مع استاذ الجمري دا منو ؟؟

al_msaa

وين نكاتك يا زول و الله افتقدناها


لك التحية

Salam shabab
قالوا ليلة القدر جات للملك فهد وسالته قالت ليه داير
شنو وطلباتك شنو قال ليها انتي اللي دايرة شنو
وطلباتك شنو

al massa this is another one for noha

اتنين دناقلة بتغالطو فى الشطة.. واحد منهم دكتور وقعد يشرح فى مشاكل الشطة و القرحة ووو الخ.. المهم الراجل التانى ما عجبو الكلام دة قام رد عليهو بزعلة "و انت اندك كلام فى كلام ربنا؟؟" الدكتور قال ليهو "لأ" التانى قال ليهو "تيب مش ربنا بردو بيقول ان سأيوكم لشتى؟؟

واحد سكران لواحد مسطول يا اخى وين بالله حدائق ابريل؟ المسطول رد عليه وقال ليه ما قالوا ليك شهر كم؟
عندى مليون نكتة عن اهلنا الحلفاويين وقد عايشت بعضها لكنني احبتى لا اجيد الطباعة مثلكم0 فقط نتعلم منكم فاعذرونا

كان في واحدة اشترت بلوزة واسكيرت وطالعة من
الدكان لقت ليها شاب قيافة وشيك عامل روحه مثقف
قالت ليه كدا شوف لي البلوزة دي ماشة مع الاسكيرت
قال ليها هو الاسكيرت ماشي وين

الف مساء على الصحبة المفرفشة


سلامات يا المساء

كيفك؟

والله البوسطة دي رائعة ونكاتك فعلا ضحكتني واعادت الى الوجه كثير من الفرح


وعشان الدخول الى هذا المكان محتاج ليه نكته اقول ليكم دي



في واحدة سودا جدا لبسة احمر وجاءت لزوجها قالت ليه
اليوم اشتريت الفستان دا خصوصا ليك
قول لي حاجة حلوة
قال ليها : ياسلام عليك يا فحمة يا مولعة


ههههي

مع تحياتي


سماح

tasneem

شكرا و هاكي دي واحدة اتذكرتها مع إنها قديمة


قالوا في واحدة جنوبية و ماشي وراها واحدة بشاغل فيها

شنو يا العيون الناعسة
يا الله من العيون الناعسة


لما زهجت من مباراته لها

قبلت عليه قالت ليه
إنت مالك و ماله إن شاء الله ينوم زاته

al_msaa


لك التحية غيابيا بما أنك مختفي


قالوا في جعليين جايين رجال و نسوان يزوروا زول لهم راقد في المستشفى
المهم لما وصلوا كان موعد الزيارة أنتهى و في عمك على الباب دا صعب كله كله
المهم الجماعة يحنسوا فيه ما نفع كلو كلو

قام أخوك الجعلي أتحنفش كدا و دق صدره و مشى عليه
قال له يا زول احنا جايين من البلد و لازم نشوف قريبنا دا
قال ليه الغفير
يا زول أبعد بعيد
قال ليه يا زول قلت ليك إحنا واصلين من البلد و عاوزين نقابل الزول دا

قام الغفير دفرو لك دفرة قوية
الجماعة هناك يعاينو في الزول
مشى لك على الغفير



قال له
و الله بطريقتك دي يوم بتكتلك روح

الاخوة الاعزاء نشكر كل من سائل وابرق واستفسر عن بورد النكات ، ويسرنا ان نعاود النكات من جديد ، وسنبدأ بنكات رمضانية ع الخفيف

سلام شباب

واحد- نقول اسمو ص مثلا- بلعب كوتشينة مع اصحابو ومرات كدا بلعبوا بالفلوس
يوم جاهم ضيف لعب معاهم شال فلوسهم كلها الجماعة زعلوا شديد ومن ضمنهم صاحينا ص دا
بعد فترة كدا جا رمضان قام ص مشى صلاة الجمعة المام خطب خطبة عصماء بكى الناس كلهم
لكن ص شاف انو الامام بشبه الزول الخرتم في الكوتشينة
قال اصلو ما بخليهو
بعد الصلاة انتهت مشى ليهو
ص: سلام شيخنا
الامام : اهلا خير ان شاء الله عندك شيء عايز تسأل عنو؟
ص: والله يا شيخنا ان بعض الظن اثم لكن قبل مدة كان معانا واحد لعب معانا كوتشينة وشال فلوسنا كلها
الامام: دا انا ذاتي والله هنا ابكبكم وهناك ابكبكم

فى الحالتين هم باكين ،، ههههههههه sympatico

ودي بمناسبة الامام

قاليك فى واحد برضو مدمن قمار وبتاع شراب وكلوا كلوا ،، لاكن اسمو "س" المهم س دا تاب ، قال يمشى المسجد مشى المسجد
وكان يوم الجمعة ، الامام طلع المنبر وقعد يخطب شارب الخمر يدخل النار لاعب القمار فى النار ( بينه وبين نفسو قال الامام دا قاصدنى ولا شنو ) يازول قاليك الامام فتح فيهو نيران تقيلة ،،، صاحبك س وقف على حيلو فى نص المسجد وقاليهو يا مولانا بالله الزول لما يتكلم كلام فى البداية يفكر فيهو كويس ويقولوا ، مش يدخل الناس النار كلهم ساكت ،،،

وحده تدور ولدها الضايع قالولها اذا ولدحلال بيرجع قالت ياويلي راح الولد
ــــــــــــــــــــــــــــــــــ
عازمي إشترى جوتي مالبسه ?أيام ليش؟ البياع قايل له راح يعورك أول ?أيام!
ــــــــــــــــــــــــــــــــــ
جذاب راح الحج ليتوب،لمارجع قال شفت أبوجهل راكب شبح عليه رقم حكومي قريش1
ــــــــــــــــــــــــــــــــــ
واحد يلاحق واحده ويقول لها ليش مستعجله وش وراك قالت ( وراي حمار ).
ــــــــــــــــــــــــــــــــــ
الشمس غايبه عن الكويت شهر،ليش؟علشان نبيل شعيل معلق سرواله !!!!!
ــــــــــــــــــــــــــــــــــ
يقولك : زهيوي ميت من الضحك ليش؟ البني آدم إللي قاعد يطقه حول..!
ــــــــــــــــــــــــــــــــــ
امام مطيري وهو بالركعه الثانيه سمع واحديركض بيلحق الصلاه سلم وهو واقف
ــــــــــــــــــــــــــــــــــ
في عازمي فاصخ هدومه و واقف جدام هارديز ليش؟ مكتوب انزع و اربح .
ــــــــــــــــــــــــــــــــــ
بدوي مسك قميص مصري،قال له المصري: سبني... قال البدوي:ألعن أبوك
ــــــــــــــــــــــــــــــــــ
سأظل احبك وأن طال انتظاري فأن لم تكن قدري فقد كنت اختياري
ــــــــــــــــــــــــــــــــــ
مصريه تسب بدويه قالت لها غوري قالت البدويه انا غوري يا دلت القهوه)))
ــــــــــــــــــــــــــــــــــ
بالفرنسيةje taim بالإسبانيةte quiro بالإيطاليهte amo بالعربية أحبك موت
ــــــــــــــــــــــــــــــــــ
ول
ول
ول
ول
ول
ول
ولهانه عليك يااغلا الناس في الدنيا
ــــــــــــــــــــــــــــــــــ
صباح الخير.صباح الحلوين ومن بدري مداومين يحرسهم ربي من الحاسدين والعين
ــــــــــــــــــــــــــــــــــ
سكرانه جابت بنت،سألوه وش بتسمينه،قالت:بسميه نوره على عمته هيا
ــــــــــــــــــــــــــــــــــ
إن نمت أحلم فيك وإن سرحت أفكرفيك وإن زعلت حنيت ابيك بصراحة اموت فيك
ــــــــــــــــــــــــــــــــــ
لافشفشه لا فرفشه لا من مسج تطرشه اشياك قل لي ياالحبيب كيف الحبيب تطنشه
ــــــــــــــــــــــــــــــــــ
IF U WANT TO BE HAPPY !أفتكرني وصلي على النبي
ــــــــــــــــــــــــــــــــــ
ودي ارفعك
فوق
فوق
فوق
فوق
حرام قمرمثلك يمشي على الأرض
ــــــــــــــــــــــــــــــــــ
مطوع يتسبح بهوز ليش ؟ لانه سمع ان الدش حرام
ــــــــــــــــــــــــــــــــــ
واحد نسى فياجرا في جيب البنطلون بالغساله، الصبح شاف هوز الغساله واقف.!
ــــــــــــــــــــــــــــــــــ
غلطان اللي يرسل لك رساله
المفروض انه يجي لك عاني ويضمك حيل علي صدره
ــــــــــــــــــــــــــــــــــ
حبك بطحني عل الحشيش وبدونك مقدرش أعيش إحنا جوز جزم وفردة وحدة ماتمشيش
ــــــــــــــــــــــــــــــــــ
في حضري سيرعلي بدوي قاله البدوي اقدع قال ها ها ها بدليه يعني اقعد .
ــــــــــــــــــــــــــــــــــ
سؤال مطروح .. من إنسان طموح .. هل لي مكان بقلبك؟ أم هناك طفوح !!؟
ــــــــــــــــــــــــــــــــــ
لاصار خدك اليمين عسل والخد الثاني قشطه،، لاتلومني اذا شريت بدينار خبز
ــــــــــــــــــــــــــــــــــ
في غبي حلق لحيته وشاربه دش على ربعه في الديوانيةقال تصدقون ما عرفتكم
ــــــــــــــــــــــــــــــــــ
عتيبي قال:الدنياما فيهاأمان تصورأمس رحت أسرق بوك أبوي لقيت بوكي بجيبه
ــــــــــــــــــــــــــــــــــ
مطوع طاف الأشاره قام سجد سجود السهو
ــــــــــــــــــــــــــــــــــ
س:ماهواسرع رجل في العالم؟ ج:بدوي معزوم للعشا،
ــــــــــــــــــــــــــــــــــ

واحد مسطول شاف ليهو واحد فى عينو فى شامة قاليهو: بالله دى عين والا غين ؟

******************************************************************

واحد قروي .. ركب مع تكسي، ركب زوجته قدام علشان السواق ما يعاين ليها بالمراية

******************************************************************

عجوز في محو الأمية.... سألتها المدرسة: أعطينا جملة فيها إدغام بغنة ؟ قالت: عمن يعميك

******************************************************************

لاعب عنده نحس سجل هدف ، لما عادوه بالحركة البطيئه ، طلعت الكوره كورنر

******************************************************************

واحد كسلان جدا جداً راح للحلاق وجلس على الكرسي مدنقر قال له الحلاق ...شعر ولا دقن ...قال الكسول دقن .قال له الحلاق طيب ارفع راسك.. قال الكسول لا شعر

******************************************************************

فى شباب فى الالزامية ، واحد منهم جابو ليهو خبر ابوه ، ما عارفين يبلغوه كيف ، فى واحد
قاليهم خلو علىانا
راح ليه قاليهو اخر مرة شفت ابوك متين ، قاليهو قبل 3 شهور ، قاليهو تانى ما ح تشوفوا كلو كلو

******************************************************************

قروي مع زوجته فى شهر العسل وجالسين على النيل وهو جالس معها لقاها سرحانة ، قال لها : مالك سرحانة؟ قالت : اتخيل لو ان البحر مرق يكفية قدر ايه مُلاح !! ؟؟ قاليها : ما مشكلة الملاح، قولي من وين يجيبو ليهو عيش ؟

up

رمضان كريم ،،،
فى البدء اشكر كل المشاركين والذين اضافوا الكثير الكثير جدا لهذا البورد ،،،

abo ahmed
دى رهيبة ، آه بتوجيهات هههههههه

Mandingoo
ربيت دي شنو ؟ قال ربيت قال
انت سمعت بالنكتة بتاعت الحنكوش و العتوت

eyes of liberty
بالله الجمرى مشى امريكا ، والله الجمرى راجل تمام جنتل مان

noha-g
شكرا للمشاركة وسنواصل معكم انشاء الله ، وشكرا للسؤال ونرجو المساهمة التى تعطى البورد نكهة القمردين

tasneem
شطة ،، شطة ، شطة ،،، فى نكته شطة بنقولها بمناسبة رمضان ، ارجو ان تترقبوها

AbuAla
ونحن فى انتظار نكت الحلفاويين اصلى اموت فى نكت القبائل وخاصة الحلفاويين ، قاليهو اطفئ السجارة فى المسجد ، قاليهو هو طرمبة هو ... قالوا الزبير زار حلفا قاليهم الدين دخل بى هنا ، واحد حلفاوى زهجان قاليهو وكمان هيطلع بى هنا ، ونلتقى ايضا فى نكات حلفاوية

sama7-au
تشكراتى سيدتى ، مافى مشكلة لو ماكان عندك نكتة ممكن نسلفك ، بس وجودكم يثرى الساحة

صعيدي قتل ولده ولما سألوه ؟ قال عصفور في الجنة ولا حمار في الارض


قروي راح الحج وسكن في مخيم النساء ......عشان؟؟؟ يحج عن امه


واحد احول اكتشف بعد عشر سنوات انه يصرف على الجيران


· فيه قرية حصل فيها شغب أدى إلى المنع من التجول في الليل ... فخرج أهلها ليتفرجوا على منع التجول



المدرس ماهي الكلمة التي يستخدمها الثلاميذعادة ؟؟التلميذ : لاأعرف
ياأستاذ . الاستاذ : أحسنت


واحد فقير مر من امام الجزار ونظر للحمة بتمعن ... وقال لها حتروحى النار


ذهب رجل إلى البحر فوجد فتاة تغرق وتطلب النجدة ... فقال لها : اعطيني يديك فقالت اطلبها من أبي



مدرس كيمياء رزق بولد .... فسماه سامي أكسيد الكربون



واحد ضاق خلقه ........ عطاه لأخوه الصغير



فيه واحد بخيل تزوج .... راح شهر العسل لوحده

فى زول سمع بى نكته الاسانسير ؟

سلام يا حلوين
رمضان كريم
و كل عام سعيدين


الأخ المسا
البوست جميل جدآ و مجهودك بالجد مقدر
اول حاجة فى نكت فى البوست مبالغة
شكرآ ليكم كلكم


اها من الواجب إنو نشاركم هنا
دى البداية و إنشاء الله نواصل
تحياتي ورورورك

المصاطيل
.
.
.
واحد مصطول عمل باب زجاج ... خط فيه عين سحرية




مصطول راح على البحرين .... أخد معاه مايوهين




مصطول موت أبوه علشان يحلف برحمته




اتنين مصاطيل ركبوا موتر ... قعدوا يتشاكلوا منو يقعد جنب الشباك




مصطول حب يعمل ارهابي ... راح خطف ابنه .. ولما سمع في واحد سأل
عليه ... راح قتله




مرة مصطول لقى مصباح علاء الدين ففركه ... فطلع الجني وقال: له شبيك لبيك عبدك بين ايديك

فقال له : ابني لي جسر من بيتنا لأمريكا

فقال له الجني : دي صعبه كتير شوف شي تاني

قال المصطول : ابقى واعي

فقال الجني : الجسر ماشي والا جاي




مرة قطة مصطلة وهي خارجة من الخمارة ضربت على راسها وقالت ميو ولا هو




مرة واحد مصطول بيمسك الحجار وبيرميها على الباب وبيقول ... مين




في واحد محشش قاعد قدام المكيف يقوله ما تنفخ لا اكسر راسك




في سكران قالت امه قوم ياولدي طلعت الشمس؟ قال دخليها واقفلي الباب




أحول قاعد يعمل طعمية في الشارع بدل ما يرميها في الزيت بيرميها في الأرض قام شافه واحد مصطول قال يساعدو بقا واقف جمبو و كل ما الاحول رما الطعمية المصطول يقول تش



اثنين مصطلين واحد بيقول للتاني ليه القطار مهم ؟؟؟

التاني : لأنه تحته خطين




في شي بطير بيقول ميو ميو........شنو هو؟

الجواب: عصفور مصطول




ميكانيكي بعد الصطله اشترى سرير ... نام تحته




محامي صطل قالوا ليه ارفع قضية ... خاف تقع عليه




واحد دخل على جماعه بتسطلو قال ليهم
حرام عليكم ياجماعه
قالو ليه
وعليكم الحرام والرحمه





و هنا تكمن الصطلة و معانيها

ما سمعتوا نكته الأسانسير ؟؟؟