Post: #1
Title: ***** التعديل الوزاري و إدمان الكذب *****
Author: ABUHUSSEIN
Date: 09-10-2018, 08:19 PM
08:19 PM September, 10 2018 سودانيز اون لاين
ABUHUSSEIN-السعودية الرياض
مكتبتى
رابط مختصر لعبة من الاعيب من لا يعرفون العيب و لا يخافون الله ...
فالمشكلة الجميع يعرفها و يعرف اسبابها و مسببيها
و الجميع يعرف الكذب و الدجل الذي يمارسه المؤتمر الوطني و حلفاءه
و الجميع يعرف الفساد الحاصل و المفسدين و الحرامية و تجار الدين
و الجميع يعرف انكم ضلالية و لا تخافون الله الذي تسرقون و تقتلون و تغتصبون بدينه ......
|
Post: #2
Title: Re: ***** التعديل الوزاري و إدمان الكذب *****
Author: Ahmed Yassin
Date: 09-10-2018, 08:26 PM
Parent: #1
ابوحسين !!!!!!
انت بتقصد اي مؤتمر وطني ؟
|
Post: #3
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-10-2018, 08:40 PM
Parent: #2
فمن افسد لن يحارب فساد و لن يطارد فاسد
و من سرق لن يمنع السرقة و لن يحاسب سارق
و من قتل لن يوقف القتل و لن يقتص من قاتل
و من دمر لن يعمر .....
***********
Quote: ابوحسين !!!!!!
انت بتقصد اي مؤتمر وطني ؟ |
هن كمهن يا احمد ... ؟؟؟؟
كان اكتر من واحد قول ن لي ... !!!!!
|
Post: #4
Title: Re: ***** التعديل الوزاري و إدمان الكذب *****
Author: السنجك عثمان
Date: 09-10-2018, 09:14 PM
Parent: #3
المؤتمر الشيطانى اللاوطنى جبهة الانقاذ والميثاق والجبهة الاسلامية المتسلطه
|
Post: #5
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-10-2018, 10:31 PM
Parent: #4
يسرقون بإسم الدين و هم يعلمون ذلك جيدا
و يفسدون و حجتهم الدين و هم يعلمون ذلك جيدا
دمرو و قتلو و اغتصبو و فعلو كل عمل الشيطان بإسم الدين و هم يعلمون ذلك ...
نسوا الله فأنساهم أنفسهم ...
نسوا الموت و القبر و الآخرة فتمادوا في سوء اعمالهم .....
نسوا ان الله يمهل و لا يهمل...
سرقوا اموال التعليم و الصحة و حتى اموال الزكاة لم تسلم منهم ....
ظنوا ان طول بقائهم في الحكم تأييد من الخالق العدل الذي حرم الظلم على نفسه فمارسوه و كأنهم فوق الخالق .....
فعلى من يضحكون .... !!!!!!!!!!
و على من يكذبون ...... !!!!!!!!
|
Post: #6
Title: Re: ***** التعديل الوزاري و إدمان الكذب *****
Author: خالد حاكم
Date: 09-11-2018, 00:11 AM
Parent: #5
الرمادى مهكر ههههههه
|
Post: #7
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-11-2018, 05:37 AM
Parent: #6
| Quote: الرمادى مهكر ههههههه |
ياخ إنت قديم خلاص يا خالد رمادي دي فتناها زماااااااااااااااااااان كان سمعوك المناضلين بقيمو عليك الحد ....
*******************************
العالم كلو من حولنا إتغير و نحن لسه في محطة الإنقاذ أكتر من 30 سنة
نفس الوجوه
نفس العقلية
نفس قلة الأدب
نفس التعالي و التكبر على الشعب المسكين
كذب
ضلال
دجل
سرقة
فساد
تدمير
قتل
تعذيب
إغتصاب
تشريد
.
.
.
.
إلخ
دي إنجازات الإنقاذ
المشكلة مافي الأشخاص بس المشكلة في العقلية السائدة في كل الوزراء الفاتو و الجايين و اللي حا يجوا طالما الإنقاذ موجودة ....
|
Post: #8
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-11-2018, 05:54 AM
Parent: #7
البنوك أصبحت كابوس للمواطن
عندو مليارات و ما قادر ياخد منها 10 مليون
الرغيف صفوف
البنزين صفوف و مبيت و تلعب كتشينة و ليدو و صفرجت و يجيبوا ليك عمود الأكل زي ناس المستشفى
و تجكس فيها و تعقد (و ممكن تعمل دُخلة كمان )
مدارس تنهار في الطالبات حتى المدارس الخاصة ....!!!!!!!
شوارع تتقفل مع أي مطرة و لو قليلة
ما أظن دي إنهيارات تعالجها حكومة معينة من نفس الوجوه التي جاءت بالحكومات اللتي تسببت فيها .....
|
Post: #9
Title: Re: ***** التعديل الوزاري و إدمان الكذب *****
Author: عبدالحفيظ ابوسن
Date: 09-11-2018, 05:57 AM
Parent: #8
يا ابوحسين
اخير اسكت
|
Post: #10
Title: Re: ***** التعديل الوزاري و إدمان الكذب *****
Author: محمد البشرى الخضر
Date: 09-11-2018, 06:09 AM
Parent: #9
قيل أن الغراب اراد تقليد قدلة الطاووس فعجز عنها و عجز ان يعود لمشيته المعتادة
فقعد يتنطط ويتعولق زي دا!
ارجع لمشيتك يا فقر شايف أخيرلك, النضال الطاووسي دا مو خايل فيك 
|
Post: #11
Title: Re: ***** التعديل الوزاري و إدمان الكذب *****
Author: مهند أحمد سلمان طيفور
Date: 09-11-2018, 06:24 AM
Parent: #1
بحسب قراءة الوضع:
لأول مرة الرئيس والحكومة يسجلان اعتراف بأخطائهما ... (سلوك إيجابي)...
رد المشكلات الاقتصادية وتردئ الأوضاع للعقوبات الدولية (سولك سلبي وجبان)...
إن لم تكن قادرا على مجابهة العقوبات (إذا لم كنت سببا في وضعنا تحت طائلتها)...
كل الدول تمر بأزمات (ربما حصار اقتصادي) ومن يستطيع العيش في ظل الأزمات ليس بآمن (من يستطيع أن يحول الأزمات إلى فرص للنجاحات هو من أمن)...
جل وقت الحكومة مكرس لصد آثار الحصار دون التفكير في استراتيجيات وطنية للافلات من دائرة تأثيراته السالبة، والخروج بمنتجات سودانية أصيلة وببراءات اختراع سودانية..
كذلك كرست الحكومة كل وقتها لغاية الآن للشكوى من العقوبات والدين الخارجي... (إذا لا تستطيع حل الديون الخارجية لما ساعدت في تركيمها ولما أتيت؟)....
كل الحلول المشابهة (حل مجلس الوزراء) التي تلجأ لها الحكومة (مؤقتة ولا تدوم طويلا ولا تستهدف المشكلة الأساسية)....
المشكلة الأساسية اقتصاد كلي منهار نتيجة للسياسات الفاشلة...
أية حلول لحظية ربما تنجح في حل الأزمة الحالية ولكن سنكون بالتأكيد في انتظار أزمات أخرى مستقبلا قد تكون أكبر وإعتذار جديد وتعديل جديد..
كيف ينام وزراء المالية والصناعة والطاقة قريرو العين في حين تسجل ميزانية الدولة عجزا سنويا.. والأنكأ يتم إعادة تدويرهم ضمن مجلس الوزراء الجديد (فعلا نفايا........) !!!!!!!!!!!!!!!
|
Post: #12
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-11-2018, 07:56 AM
Parent: #11
Quote: يا ابوحسين
اخير اسكت |
يعني إنت داخل البوست علشان تقول لي أخير أسكت...؟؟؟؟
طيب ليه تاعب نفسك التعب دا كلو ....!!!!!!!!
أسمع قوم لف ...
*************************
| Quote: النضال الطاووسي دا مو خايل فيك |
إنت القال ليك منو دا نضال زاتو ...
خليك من طاووسي و بطيخي .....
*************************
| Quote: لأول مرة الرئيس والحكومة يسجلان اعتراف بأخطائهما ... (سلوك إيجابي)... |
يا مهند لا سلوك إيجابي و لا أي شي الناس ديل كذابييييييييييييييييييييين و دا تخدير و ضحك على الشعب المسكين
هم ما شايفين نفسهم بغلطو زاتو .....
و المشكلة فيهم هم نفسهم و أكيد ما ممكن يجي منهم حل ....
تتغير المناصب و الوجوه و لكن العقلية هي نفسها ما إتغيرت
فما ترجو منهم خير أبداً ....
|
Post: #13
Title: Re: ***** التعديل الوزاري و إدمان الكذب *****
Author: علي عبدالوهاب عثمان
Date: 09-11-2018, 08:15 AM
Parent: #12
حبيبنا أبوحسين .. مودتي ..
اصبحت المصطلحات تمثل مخارج بالنسبة لهم :
معاش الناس
الانتاج والانتاجية
وأخر مصطلح تكرر في خطاب الرئيس لأكثر من 10 مرات هو :
إعــــــــــادة الهيكلـــــــــــة .. هو الحل .. والمطلوب الصبر ..
(( نحن في مرحلة إعادة الهيكلة )) ربما تستمر لمدة سنتين..وهكذا
تحياتي أبوحسين ..
|
Post: #14
Title: Re: ***** التعديل الوزاري و إدمان الكذب *****
Author: عبد الوهاب المليك
Date: 09-11-2018, 09:12 AM
Parent: #11
| Quote: كيف ينام وزراء المالية والصناعة والطاقة قريرو العين في حين تسجل ميزانية الدولة عجزا سنويا.. والأنكأ يتم إعادة تدويرهم ضمن مجلس الوزراء الجديد (فعلا نفايا........) !!!!!!!!!!!!!!! |
عزيزي مهند
الجواب معروف لهذا السؤال هو :
ينامون ملء جفونهم عن شواردها ونسهر نحن جراها ونختصم ...
يا مثبت العقل والدين
|
Post: #15
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-11-2018, 09:56 AM
Parent: #14
Quote: حبيبنا أبوحسين .. مودتي ..
اصبحت المصطلحات تمثل مخارج بالنسبة لهم :
معاش الناس
الانتاج والانتاجية
وأخر مصطلح تكرر في خطاب الرئيس لأكثر من 10 مرات هو :
إعــــــــــادة الهيكلـــــــــــة .. هو الحل .. والمطلوب الصبر ..
(( نحن في مرحلة إعادة الهيكلة )) ربما تستمر لمدة سنتين..وهكذا
تحياتي أبوحسين .. |
أخونا و حبيبنا أستاذ على تحية طيبة يا طيب
مصطلحات و شعارات بضحكو بيها على المساكين من 30 سنة و أكثر
الضلالية ديل ما عندهم حلول للمشاكل اللي إتسببوا فيها
ما عندهم شي يقدموه للمواطن و لا زالو يمارسو نفس الكذب اللي جاءوا بيه للحكم....
البلد مليانة خيرات و ثروات لا تنضب حتى اللي جاءوا و وجدوه دمروه و خربوه و أكلو المليارات لكن ديل ما بشبعوا
و أي حكومة نزيهة ممكن تنتشل البلد من القاع اللي رموه فيها الضلالية ديل.....
البشير ما عندوا أي خيار غير إنو يكون رئيس و الحرامية و الضلالية ما مقصرين ينهبوا بي حماية الرئيس.....
ربنا يكون في عون أهلنا الذين عاشو الفقر و الذل .....
تحياتي يا راجل يا طيب
|
Post: #16
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-11-2018, 03:20 PM
Parent: #15
قال :-
الحكومة زي طربيزة الاكل في العرس...
تقعد مجموعة تلهط كوييييييس و تقوم ....
و تقعد مجموعة تانية بعدها تلهط كوييييس و تقوم ....
و الشعب المسكين ماسك الإبريق و الصابونة ....
😂😂😂😂😂😂😂
ابلغ وصف للشي الحاصل ....
|
Post: #17
Title: ***** التعديل الوزاري و إدمان الكذب *****
Author: عبدالقادر محمد
Date: 09-11-2018, 03:39 PM
Parent: #1
يلزمني تقديم اعتذار لك ان قبلته شاكرا لك ومقدرا وان لم تفعل فمن حقك
..
كنت احسبك من اصحاب الضمائر المغيبة عن عمد وجهالة
|
Post: #18
Title: Re: ***** التعديل الوزاري و إدمان الكذب *****
Author: كمال عباس
Date: 09-11-2018, 03:59 PM
Parent: #17
سلام أخ أبو الحسين
بوست جيد - يعيد التذكير - بمحاولة السلطة - في إستخدام المساحيق وإعادة تسويق نفس البضاعة الفاسدة والكاسدة في علب مختلفة !
إعادة تدوير الوجوه - recycling مع إبقاء ذات النهج والسياسات والمواقف وتظل السلطة الفعلية في قبضة - البشير وأسرته ودائرة ( الجاز - قوش- عبد الرحيم محمد حسين وبكري )
ويتتبعهم شلة الأرزقية والمنتفعيين !
** مواجهة السلطة والظلم والفساد والإستبداد موقف يميليه الضمير الحي والإنسانية السوية والحس الوطني وهي واجب -وفرض عين وليست حكر علي حزب أو جهة أو فرد ولاهي
ميزة للتباهي والإستعراض وإحتكار فضيلة مواجهة السلطة وإنما هي واجب - أهلك يموتون جوعا ومرضا - وإهمالا وفقرا -وطنك يتمزق - وتجثم علي صدره شلة - أدمنت الفساد والإستبداد
والنهب وتدمير المواطن - ورفضت التغيير والتراجع - والإعتراف بالآخر !
**فماذا تفعل سوي المجاهرة بكلمة الحق والتصدي للباطل والإنحياز لأهلك وشعبك ؟ مع نقد المعارضة المحزبة والمنظمة من أجل إصلاحها والتبصير بإخطائها والرهان علي الشعب -
والشعب وحده !
...
|
Post: #19
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-11-2018, 05:28 PM
Parent: #18
Quote: كنت احسبك من اصحاب الضمائر المغيبة عن عمد وجهالة
|
با زول انت مشيت ابعد من كدا بي كتير ......
| Quote: يلزمني تقديم اعتذار لك ان قبلته شاكرا لك ومقدرا وان لم تفعل فمن حقك |
و لزاما علي اقول ليك حصل خير ...
***************
اخونا كمال عباس
و عليكم السلام
اسوأ إحساس لم تكون قاعد وسط اولادك و يشوفو الوضع اللي هم عايشين فيه
و اقصد وضع الحكومة و ممارساتها القذرة
تقعد تتخيل اولادك ديل بقولو عنك شنو ...؟؟؟؟
الخوف تكون ساقط او مقصر في نظرهم
لم نقعد نحكي ليهم عن زمننا و الاشياء الحلوة اللي فيه المدارس المستشفيات الافراح و حتى بيوت البكاء تحس بيهم زي كأنهم بقولو لينا
طيب ليه خليتو الضلالية الدجالين الحرامية ديل يستمروا في الحكم لغاية الآن .. ؟؟؟
ليه خليتونا ننشأ في زمن تحكمنا فيه هذه الشرزمة .... ؟؟؟؟
تناقضات عاشوها اولادنا بين زمن نحن حكينا ليهم عنه و بين واقع هم عايشين فيه رغما عنهم و رغما عننا نحن زاتنا
و برضو بنقول حكومة هدمت لا يمكن ان تعمر ....
نسأل الله ان يهبنا حكومة تخافه ....
تحياتي و احترامي
|
Post: #20
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-12-2018, 05:08 AM
Parent: #19
سياسة إختلاق الازمات ثم إنفراجها اصبحت ماركة مسجلة لهم ...
ازمة بنزين
ازمة رغيف
ازمة سيولة
ازمة ادوية
و ازمات كتيرة مرت على السودان ثم تنفرج
إلا ازمة واحدة لم تنفرج حتى الآن الا و هي ازمة الضمير التي جاءت بها الحكومة و لا زالت موجودة فيهم ....
|
Post: #21
Title: Re: ***** التعديل الوزاري و إدمان الكذب *****
Author: هشام كمال عبادي
Date: 09-12-2018, 03:29 PM
Parent: #20
يا حبوب ..
والله ليك وحشة اسفيرية ومشتاقين ياخ .. وزماااان ما تداخلت في بوست في منبر بكري ..
وانا زي اخوي الكاشف ابو سن جيت اتاوق ساي بس ..
لكن نصيحة بالجنبة كدي امسك في كلام صحبك ود البشرى دا ..
دمت بخير ..
|
Post: #22
Title: Re: ***** التعديل الوزاري و إدمان الكذب *****
Author: علي عبدالوهاب عثمان
Date: 09-12-2018, 04:49 PM
Parent: #21
حبيبنا أبوحسين ..
أولاً منع التبشير بالعصا .. أو حتى حملها .. والهش بها في وجوه الناس
ثم منع العبارات الغير مفهومة حتى في نشرات الاخبار مثل :
أثناء زيارته أكـــــــــــــد على ضرورة .......
لدى تفقده وقـــــــــــــــف على ......
وأثناء إجتماعه نــــــــــــوه بالمجهود ...........
كما تم توقيع أتفاقيـــــة شراكـــــــــــــة ..
وكذلك دعــــــــــــا إلى تضـــــأفر الجهود ................ ( تضافر كلمة غريبة )
وكل وعد رغم أنه كاذب يتم ختمه بعبارة ( إن شاء الله ) ...( بإذن الله )
وهناك الكثير الذي لا أستحضره الآن
هذا بالاضافة إلى الهش بالعصا في وجوه الناس
تحياتي أبوحسين الحبيب
|
Post: #23
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-12-2018, 05:24 PM
Parent: #22
Quote: يا حبوب ..
والله ليك وحشة اسفيرية ومشتاقين ياخ .. وزماااان ما تداخلت في بوست في منبر بكري ..
وانا زي اخوي الكاشف ابو سن جيت اتاوق ساي بس ..
لكن نصيحة بالجنبة كدي امسك في كلام صحبك ود البشرى دا ..
دمت بخير .. |
اخونا هشام و عليكم السلام
الشوق بحور يا حبيب و طولت الغيبة
ثم الفقر دا ما صاحبي و لا حاجة عليك دينك ما تشبكو فيني ساكت ... 😂
********************
Quote: حبيبنا أبوحسين ..
أولاً منع التبشير بالعصا .. أو حتى حملها .. والهش بها في وجوه الناس
ثم منع العبارات الغير مفهومة حتى في نشرات الاخبار مثل :
أثناء زيارته أكـــــــــــــد على ضرورة .......
لدى تفقده وقـــــــــــــــف على ......
وأثناء إجتماعه نــــــــــــوه بالمجهود ...........
كما تم توقيع أتفاقيـــــة شراكـــــــــــــة ..
وكذلك دعــــــــــــا إلى تضـــــأفر الجهود ................ ( تضافر كلمة غريبة )
وكل وعد رغم أنه كاذب يتم ختمه بعبارة ( إن شاء الله ) ...( بإذن الله )
وهناك الكثير الذي لا أستحضره الآن
هذا بالاضافة إلى الهش بالعصا في وجوه الناس
تحياتي أبوحسين الحبيب |
حبيبنا استاذ علي
ياخ اختصر كلامك دا و قول خلي الناس ديل يغادرو الحكومة و يخلونا نشوف لينا ناس نزيهين بحبو السودان و السودانيين يحكمونا ...
ديل شرزمة حرامية حاقدين علينا و على السودان ....
البلد بي خيرها و اهلها الطيبين السمحين قادرين انهم يبنوا بلد و يخلوها جنة .....
الله يحلنا منهم و من ضلالهم و دجلهم ياخ ....
تحياني و احترامي
|
Post: #24
Title: Re: ***** التعديل الوزاري و إدمان الكذب *****
Author: Dr. Ahmed Amin
Date: 09-12-2018, 05:36 PM
Parent: #23
تحياتي أبوحسين ...
يا خي ما تبالغ انت كمان ...
اولا الرئيس شكر الشعب السوداني على صبره على الإبتلاءات وتفويته الفرصة للمتربصين بالحكومة ..
ثانياً يااااخي قالوا ليكم مية مرة انه نحن كدولة (قااااصدة) مستهدفون في عقيدتنا ..
والعالم ده كللللللو علينا بس لأننا أعلناها .. لااااا لن نركع لغير الله لن نركع ..
بعدين مااا في أي فساد والعندو دليل يقدموا .... يقدموا لمنو يا ربي ؟؟ 
وقالوا الشعب ده فاهم جدا وما عايز السودان يصبح مثل سوريا وليبيا وشنو كده ما عارف .. هههههههههههههههه
هو يا ربي نحن متين زاتو نصل مستوى سوريا وليبيا .. فهم أفضل منا حالا ومقالا ..
استغفر الله بس ....
|
Post: #25
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-12-2018, 09:00 PM
Parent: #24
Quote: تحياتي أبوحسين ...
يا خي ما تبالغ انت كمان ... |
اهلا يا دكتور
مبالغتي انا هينة ياها متحملنها انتو بس
لكن كدي نشوف مبالغات عمكم بشه ... 😂😂
| Quote: اولا الرئيس شكر الشعب السوداني على صبره على الإبتلاءات وتفويته الفرصة للمتربصين بالحكومة .. |
اها دي شفتها بشه قلب فيها هوبا ...
لأنو الإبتلاءات من الله و يشكرنا علي صبرنا الله الابتلانا ما بشه ...
ثانيا فعلا الله ابتلانا و ابتلانا بي بشه دا زاتو ...
بعدين هو بشه قايلنا نحن صابرين عليهو عشان نفوت الفرصة ياخ نحن زاتنا ما لاقين فرصة في حكومة السجم دي زاتا ...
| Quote: ثانياً يااااخي قالوا ليكم مية مرة انه نحن كدولة (قااااصدة) مستهدفون في عقيدتنا .. |
و الله نحن المستهدفون و مستهدفننا هم ناس بشه و بقية العصابة بتاعتو....
Quote: والعالم ده كللللللو علينا بس لأننا أعلناها .. لااااا لن نركع لغير الله لن نركع ..
|
يعني هم ركعوا لله .... ؟؟؟؟؟
غايتو الناس ديل اديهم الدجل و الضلال
المستغرب ليه انا الناس نقول اقتنعوا بي انهم غشونا و ضحكوا علينا هل مقتنعين بي انهم برضو غشو الله ... ؟؟؟؟
الله يكون في عون الشعب السوداني المسكين ...
استغفر الله الذي لا إله إلا هو الحي القيوم و اتوب إليه ...
|
Post: #26
Title: Re: ***** التعديل الوزاري و إدمان الكذب *****
Author: Biraima M Adam
Date: 09-12-2018, 09:29 PM
Parent: #25
عليكم الله "دق أب ظرطة" دا صادق في البقول فيه دا .. أقسم بالله كنت أحسبة من البدريين!
بريمة
|
Post: #27
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-13-2018, 05:02 AM
Parent: #26
اوووووو البقاري الكذاب ..... 😂😂😂😂😂
|
Post: #28
Title: Re: ***** التعديل الوزاري و إدمان الكذب *****
Author: Salah Zubeir
Date: 09-13-2018, 05:26 AM
Parent: #27
هههههه اووووو حاج العوض ...
غايتو متن البوست لو حشرت فيهو كلمات لايك
سفاحين ومجرمين وقتله وفاسدين... كنا إحتسبناك
من مناضلين الصف الأول خريجين هولندا ...
نشاطكم النضالي إنتا واب صلعه اليومين دي
زي الفيهو إنا ... قاعد تنسق معاهو ولا توارد
خواطر ساي ....
|
Post: #29
Title: Re: ***** التعديل الوزاري و إدمان الكذب *****
Author: MOHAMMED ELSHEIKH
Date: 09-13-2018, 06:23 AM
Parent: #28
انا شاهد من اهلها
وجيت امبارح دي من السودان الثانية ظهرا .
أمس العاشرة صباحا الجو ( ولا أروع ودرجة الحرارة 22 بس . تاني دايرين شنو؟).
صف العيش كلو ما يجي سبعين نفر بس.
مشيت البنك قعدت لي ساعتين بس والله سلموني اتنين مليون عدييل . اتحداكم تدوني دولة في العالم ممكن تصرف لعميلها في اليوم مبلغ مليون واحد؟ .
تاني يعملو ليكم شنو؟ ناكرين الجميل.
ا----------------------------------
اصدق ما قاله ابو حسين : البشير ليس له خيار الا ان يكون رئيس واضيف عليه الخيار الأخر " القبر" ان استطاع اليه سبيلا
|
Post: #30
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-13-2018, 08:07 AM
Parent: #29
Quote: هههههه اووووو حاج العوض ...
غايتو متن البوست لو حشرت فيهو كلمات لايك
سفاحين ومجرمين وقتله وفاسدين... كنا إحتسبناك
من مناضلين الصف الأول خريجين هولندا ...
نشاطكم النضالي إنتا واب صلعه اليومين دي
زي الفيهو إنا ... قاعد تنسق معاهو ولا توارد
خواطر ساي .... |
كسر الروتين مهم يا حاج الطيب ......
بعدين المنبر دا كلو صلع ياتو صلعة فيهم البتقصدها .....
*******************************
| Quote: والله سلموني اتنين مليون عدييل |
دي كانت 200 جنيه فقط قبل المواسير ديل ....
| Quote: واضيف عليه الخيار الأخر " القبر" ان استطاع اليه سبيلا |
كاتلو ليه ياخ ......؟؟؟؟
خلي الشعب المسكين دا يكسب حسنات .....
*******************************
|
Post: #31
Title: Re: ***** التعديل الوزاري و إدمان الكذب *****
Author: محمد مجيدو
Date: 09-13-2018, 09:27 AM
Parent: #1
Quote: سياسة إختلاق الازمات ثم إنفراجها اصبحت ماركة مسجلة لهم ...
ازمة بنزين
ازمة رغيف
ازمة سيولة
ازمة ادوية |
ابو حسين ... بتبااالغ
شعب ناكر للجميل ..
حسي عليك الله من ما جات الانقاذ سمعت بازمة باعوض ولا ضباان ؟؟
عاالم بطاالـــــــــــــــة ,,
|
Post: #32
Title: Re: ***** التعديل الوزاري و إدمان الكذب *****
Author: مهدي صلاح
Date: 09-13-2018, 09:48 AM
Parent: #31
سلام وتحية
لا سبيل من حل امام الشعب الا الثورة لاقتلاع الاسلاميين من الحكم فقد بلغ مبلغ غير مسبوق في الاستخفاف بالشعب بلعبة تبادل الكراسي في دائرة طبقة الحكام ثم تنصيب قريب البشير وليا للعهد
من اوجه استحمارهم للشعب الحيث عن ان معتز موسى او ايا كان اسمه تم تنصيبه استنادا على الكفاءة
|
Post: #33
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-13-2018, 02:23 PM
Parent: #32
| Quote: حسي عليك الله من ما جات الانقاذ سمعت بازمة باعوض ولا ضباان ؟؟ |
يا زول العقارب رقدت هبطرش ... كمان بقينا نصدرها بالعملة الصعبة .....
تقول لي باعوض و ضبان يا قديم .......
****************************************************
Quote: سلام وتحية
لا سبيل من حل امام الشعب الا الثورة لاقتلاع الاسلاميين من الحكم فقد بلغ مبلغ غير مسبوق في الاستخفاف بالشعب بلعبة تبادل الكراسي في دائرة طبقة الحكام ثم تنصيب قريب البشير وليا للعهد
من اوجه استحمارهم للشعب الحيث عن ان معتز موسى او ايا كان اسمه تم تنصيبه استنادا على الكفاءة |
و عليكم السلام
يا مهدي يا أخوي و الله الشعب أصبح في هم أكلو و شرابو و علاجو .... دا غير العندو أولاد و عايز يربي و يعلم ....
و الشعب ما بتحرك و المعارضة يبيعوا فيها و يشتروها بأبخس الأثمان ....
الشعب طلع مرتين و على أنظمة عسكرية و أهي النتيجة ......
|
Post: #34
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-14-2018, 08:03 AM
Parent: #33
قال حا تتكون من 21
و الآن اتضح انهم كونوها من 27
يعني زيادة 28%
و دا دليل على انو الناس ديل بقولو كلام بدون اي تفكير او دراسة
او انهم قصدو يقولو كلام و الناس تفرح و تفتكر انو الناس ديل جادين في الإصلاح
اها كدا تأكدنا انو الناس ديل لسه مواصلين في مسلسل كءذبهم و ضلالهم ....
|
Post: #35
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-14-2018, 04:47 PM
Parent: #34
وزراء في التشكيل الجديد ما شاوروهم .... 😂😂
و أكيد ما كل المتحالفين مع المؤتمر الوطني راضين بالوضع ....
و منتظرين الترضيات ناس مساعد و مستشار .... 😂😂😂
مسرحية هزلية سمجة مكررة
و الشعب المسكين غصب عنو بتفرج ...
وين الأحزاب ... ؟؟؟؟؟؟؟؟؟؟؟؟؟؟؟؟
|
Post: #36
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-14-2018, 05:44 PM
Parent: #35
انباء عن إعتذار وزير المالية عن تولي المنصب
و كذلك وزير الدولة بوزارة المالية ....
يعني اختاروهم و عينوهم وزراء في وزارة بحجم وزارة المالية بدون ما يشاوروهم .. ؟؟؟
بالله دي حالة دي ... ؟؟؟؟
ليكم الله يا شعب السودان الطيب ...
|
Post: #37
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-14-2018, 08:05 PM
Parent: #36
الواحد ما يعرف يضحك و ل يبكي ... !!!!!
يعني ما بعيد نقرأ عن وظيفة وزير مالية للسودان في الجرايد ....
اها في الحالة دي الا يشوفو ليها حرامي عينو قوية اكيد بقبل بيها
صاح مفلسة و خزنتها فاضية لكن الحرامية بقدرو يضايرو ليهم اي حاجة من اي حتة ... 😂😂
غايتو مهزلة و فضيحة .......
|
Post: #38
Title: Re: ***** التعديل الوزاري و إدمان الكذب *****
Author: ABUHUSSEIN
Date: 09-15-2018, 09:03 PM
Parent: #37
رئيس الوزراء شال حقيبتين ...
اتوقع الزول دا يعملوه شماعة لي كل الفشل الحصل خلال الثلاثين عام الماضية و يرجعوا الحرامية الكبار المعروفين ....
و الساقية لسه مدورة ...
|
|