فول بالسمنة عند سلوى في المحطة الوسطى و السوق العربي ...
رغيفة حارة بي حلاوة طحنية ... مسقية بي موية جبنة مع شوية حترب لو تكرم عليك سيد الكنتين ...
هاجرنا ...
و تفرق الصحاب ...
و مات احمد سعد ...
و مات صلاح سعد صاحب حلويات سعد و الطحنية السمحة ...
و مات ابراهيم ناصر اليماني سيد الدكان ...
و ظهرت عوضية سمك ...
و ظهر الانترنت ...
ثم ظهر الواتساب ...
فماتت عوضية سمك ...
ثم عاشت عوضية سمك ...
و ما زلنا مهاجرين ...
تُرى من الميت و من العايش ؟
Post: #2 Title: Re: طحنية بي موية جبنة .. و عوضية سمك ماتت ثم عا Author: عبدالحفيظ ابوسن Date: 07-30-2018, 05:40 AM Parent: #1
رحيق الامكنة او عبق الزمان يجيك معاوية الزبير يسألك متلهفا عن فول فلان ولا قهوة فلان . اندهش واكاد اضحك فتلك اسماء اندثرت وحل محلها اسماء اخري تلصق في ذاكرة جيل آخر . ولم اخبره ان مجرد التفكير والجلوس في ناصية فوال بالحي بجيب الكلام عاين ليهو قاعد وعامل بياكل ويتفرج في النسوان . الراجل المابخجل دة مرتو قاعدة وبتو لو عرسوها الليلة تلد تلك ذكريات الصبا يا صاحب ارمق المدينة تسير نحو التغيير حتي لا اكاد الحظها . إلا يوقفني كمعاوية واحس فعلا برائحة الماضي رحم الله عوضية وتقبلها قبولا حسنا
Post: #3 Title: Re: طحنية بي موية جبنة .. و عوضية سمك ماتت ثم عا Author: يحي قباني Date: 07-30-2018, 05:55 AM Parent: #2
الأماكن كلها مشتاقة لك والعيون اللي انرسم فيها خيالك والحنين اللي سرى بروحي وجالك
حفيظ يا صديقي...
خبر وفاة عوضية سمك طلع خبر واتساب ...
لم تمت يا صديقي ...
بل متنا نحنا جميعا طالما هجرناه ...
ذلك الوطن الوغد ...مهما جفيته ... يزيدك حنينا اليه
Post: #4 Title: Re: طحنية بي موية جبنة .. و عوضية سمك ماتت ثم عا Author: عبدالحفيظ ابوسن Date: 07-30-2018, 05:59 AM Parent: #3
رغم انو الموت حق والموت ما نبذ ولا شتيمة ولكنه مؤذي للاحياء الاحياء احباء من ورد اسمه ميتا وكأنما نقول يجب ان يموت لمرض ألم امه او طول عمر ربنا يديها طول العمر مع العافية
Post: #5 Title: Re: طحنية بي موية جبنة .. و عوضية سمك ماتت ثم عا Author: محمد فضل الله المكى Date: 07-30-2018, 06:39 AM Parent: #4
عوضية امرأة خيِّرة أسأل الله ان يجعل ما تُقدِّم من اعمال خير في ميزان حسناتها وأن يمتعها بالصحة وطول العمر ويُكثِر من امثالها
الوُد كله قباني
Post: #6 Title: Re: طحنية بي موية جبنة .. و عوضية سمك ماتت ثم عا Author: Ahmed Yassin Date: 07-30-2018, 07:28 AM Parent: #5
الله يجزاها خيرا . حية وميتة عوضية الانسانة البسيطة المحسنة الخيرة .. كابلي علق على اشاعة موته : ( انا ماقادر افهم الناس دي مستعجلة على موتي ليه !!؟)
Post: #7 Title: Re: طحنية بي موية جبنة .. و عوضية سمك ماتت ثم عا Author: Yasir Elsharif Date: 07-30-2018, 07:36 AM Parent: #5
سلامات يا قباني
شاهدت بوستك قبل مشاهدة بوست وفاة عوضية سمك ولكن قرأت بوست الوفاة في البداية، ثم في نهاية البوست اتضح أن الخبر كاذب، ولكني عرفت كفاح المرأة وفلاحها. شاهدت هذه الشريحة لهذا الشاب السوري الذي تأثر بالسودان والسودانيين.
نحن في السودان نهوى أوطانا وإن رحلنا بعيد نطرا خلانا
أهديها إليك وإلى أسرتك فأنت ناشر الفرح في هذه المساحة التي أصبحت بالنسبة لنا الوطن. نعم نفرح ونتفاءل بالغد الزاهر برغم الخراب الذي نشره الأخواسلفيون وتجار الدين في السودان
Post: #8 Title: Re: طحنية بي موية جبنة .. و عوضية سمك ماتت ثم عا Author: يحي قباني Date: 07-30-2018, 02:21 PM Parent: #7
Quote: عوضية امرأة خيِّرة أسأل الله ان يجعل ما تُقدِّم من اعمال خير في ميزان حسناتها وأن يمتعها بالصحة وطول العمر ويُكثِر من امثالها
الوُد كله قباني
سلامات يا جنرال ...
في بلادنا .. كلما ذاع صيت انسان ... و كلما اكرم الله انسانا بالنجاح ... تظهر اشاعات الموت و المؤامرات و غيرها حوله ... شئ مؤسف ان يسوء استخدام السوشيال ميديا الى هذا الحد الفاجر ...
Post: #9 Title: Re: طحنية بي موية جبنة .. و عوضية سمك ماتت ثم عا Author: يحي قباني Date: 07-30-2018, 02:27 PM Parent: #8
Quote: الله يجزاها خيرا . حية وميتة عوضية الانسانة البسيطة المحسنة الخيرة .. كابلي علق على اشاعة موته : ( انا ماقادر افهم الناس دي مستعجلة على موتي ليه !!؟)
Post: #10 Title: Re: طحنية بي موية جبنة .. و عوضية سمك ماتت ثم عا Author: willeim andrea Date: 07-30-2018, 02:28 PM Parent: #1
ربنا يرد كل الطيور المهاجر سالمه غانمه لوطن حدادي مدادي ناعم في سلام وامان
وترجع فاطمة السمحه والشاطر حسن
وغزال المسالمه
وبحري سر الهوي
وامدر الوريفه
والخرطوم عموما وكترينا
وكل حاجاتنا الجميلة
Post: #11 Title: Re: طحنية بي موية جبنة .. و عوضية سمك ماتت ثم عا Author: Kostawi Date: 07-30-2018, 03:44 PM Parent: #10
Post: #12 Title: Re: طحنية بي موية جبنة .. و عوضية سمك ماتت ثم عا Author: يحي قباني Date: 07-31-2018, 05:21 AM Parent: #11
Quote: نحن في السودان نهوى أوطانا وإن رحلنا بعيد نطرا خلانا
أهديها إليك وإلى أسرتك فأنت ناشر الفرح في هذه المساحة التي أصبحت بالنسبة لنا الوطن. نعم نفرح ونتفاءل بالغد الزاهر برغم الخراب الذي نشره الأخواسلفيون وتجار الدين في السودان
اهداء مقبول من زول جميل ...
تحياتي يا دكتور ... و لنتفاءل بغدِ اجمل ...
Post: #13 Title: Re: طحنية بي موية جبنة .. و عوضية سمك ماتت ثم عا Author: يحي قباني Date: 07-31-2018, 05:23 AM Parent: #12
Quote: ربنا يرد كل الطيور المهاجر سالمه غانمه لوطن حدادي مدادي ناعم في سلام وامان
وترجع فاطمة السمحه والشاطر حسن
وغزال المسالمه
وبحري سر الهوي
وامدر الوريفه
والخرطوم عموما وكترينا
وكل حاجاتنا الجميلة
زمن ملامحه معكره يا وليام ...
ما شايف لينا شوفة في زمن سمح تاني قريب ...
و رغماً عن ذلك سنتفاءل جميعاً ...
Post: #14 Title: Re: طحنية بي موية جبنة .. و عوضية سمك ماتت ثم عا Author: يحي قباني Date: 07-31-2018, 10:29 PM Parent: #13
شكرا نصر الدين على الفيديو ...
Post: #15 Title: Re: طحنية بي موية جبنة .. و عوضية سمك ماتت ثم عا Author: محمد أبوالعزائم أبوالريش Date: 07-31-2018, 10:43 PM Parent: #14
إنشا الله يا قباني في باقي عمرنا ده نشوف بعض من الألق يعود للوطن الجريح.
يا كرمبا الفي الفيديو دي أظنها عوضيتاً تانية ..... دي ست شاي وديك عوضية سمك. غير الإختلاف في الشكل حسب صورة عوضية سمك المنشورة.
Post: #16 Title: Re: طحنية بي موية جبنة .. و عوضية سمك ماتت ثم عا Author: تماضر الطاهر Date: 07-31-2018, 10:58 PM Parent: #14
العزيز قباني سلام وتحايا ، فرحت لما عرفت إنه الخبر ما صحيح ليها الصحة والعافية والعمر الطويل السعيد ، كل يوم بجي بي شارع الموردة لكن ما حصل زرت مطعم السيدة عوضية لكن في أبواب..مرورك ساي أمامها بسبب ليك راحة ، من المستفيد من حياة أو رحيل شخصيات بعينها؟؟ ويا عزيزي كم من جميل مهمش ، يتمنى لو طلعت إشاعة إنه موجود في الدنيا. ، طحنية وموية جبنة: صحو الذكرى..في ليل الشجن والشوق..يعذبك قاتل الله بعض الحنين ، اقول شنو؟ شكراً يا فنان
Post: #17 Title: Re: طحنية بي موية جبنة .. و عوضية سمك ماتت ثم عا Author: تماضر الطاهر Date: 07-31-2018, 10:59 PM Parent: #14
العزيز قباني سلام وتحايا ، فرحت لما عرفت إنه الخبر ما صحيح ليها الصحة والعافية والعمر الطويل السعيد ، كل يوم بجي بي شارع الموردة لكن ما حصل زرت مطعم السيدة عوضية لكن في أبواب..مرورك ساي أمامها بسبب ليك راحة ، من المستفيد من حياة أو رحيل شخصيات بعينها؟؟ ويا عزيزي كم من جميل مهمش ، يتمنى لو طلعت إشاعة إنه موجود في الدنيا. ، طحنية وموية جبنة: صحو الذكرى..في ليل الشجن والشوق..يعذبك قاتل الله بعض الحنين ، اقول شنو؟ شكراً يا فنان
Post: #18 Title: Re: طحنية بي موية جبنة .. و عوضية سمك ماتت ثم عا Author: Salah Zubeir Date: 08-01-2018, 08:33 AM Parent: #17
Quote: رغيفة حارة بي حلاوة طحنية ... مسقية بي موية جبنة مع شوية حترب لو تكرم عليك سيد الكنتين ...
قريب دا ماشي .. ودي أول أكله حا اكلها لو ربنا مدا في الآجال ... وكيه ليك كدا حا اطلب معاها (قزازة) ببسي السودان الحلو داك .... كيفك يا شاب ....
Post: #19 Title: Re: طحنية بي موية جبنة .. و عوضية سمك ماتت ثم عا Author: يحي قباني Date: 08-01-2018, 03:48 PM Parent: #18
Quote: طحنية وموية جبنة: صحو الذكرى..في ليل الشجن والشوق..يعذبك قاتل الله بعض الحنين ، اقول شنو؟ شكراً يا فنان
أمس القريب دي يا تماضر ...
سألني احد الأصدقاء ... و قال:
لو مشتاق للبلد قدر ده مالك مقاطعوا ليك ٣٠ سنة ؟
قلت ليو الإجابة في سؤالك !
تماضر ...
من هم مثلك ... بدونا الأمل انو البذرة الصالحة ما زالت موجودة
يذهب الزبد جفاء ان شاء الله يا بت بلدي ...
Post: #20 Title: Re: طحنية بي موية جبنة .. و عوضية سمك ماتت ثم عا Author: Kostawi Date: 08-01-2018, 04:33 PM Parent: #19