ليّه الأعضاء الفارقوا المنبر لآمِن يدُوُرُو يرجعوا تاني بيطِشّوا شبَكَة ؟؟؟!...

ليّه الأعضاء الفارقوا المنبر لآمِن يدُوُرُو يرجعوا تاني بيطِشّوا شبَكَة ؟؟؟!...


06-03-2018, 12:12 PM


  » http://sudaneseonline.com/cgi-bin/sdb/2bb.cgi?seq=msg&board=499&msg=1528024372&rn=63


Post: #1
Title: ليّه الأعضاء الفارقوا المنبر لآمِن يدُوُرُو يرجعوا تاني بيطِشّوا شبَكَة ؟؟؟!...
Author: معاوية المدير
Date: 06-03-2018, 12:12 PM
Parent: #0

12:12 PM June, 03 2018

سودانيز اون لاين
معاوية المدير-بكندا محافظة البرتا
مكتبتى
رابط مختصر

طبعاً المقصود الأعضاء من الجنسين .
ناس كُتار جداً فارقوا المنبر ؤ كل زول واللآ زولة له سببه
الذي جعله يغادر، لكني لآحظت أن المغادرين لآمِن يحاولوا
يرجعوا بتحصل لهم حالة بتاعت طرطشة ؤ بيجو يتلفتو زي
الطيرة، والوآحد راس خيتو بيكون ودران عليهو !!!.


واللآ يبقى أنا بيتخيّل لي ساكِت !!!...

Post: #2
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-03-2018, 12:13 PM
Parent: #1


Post: #3
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-03-2018, 12:18 PM
Parent: #2

البعض منهم فتحوا بوستات بعودتهم والناس رحبوا بيهم،
لكن برضوا ما قِدروا يواكبو أو يستمروا !...

Post: #4
Title: Re: ليّه الأعضاء الفارقوا المنبر لآمِن يدُوُ�
Author: محمد البشرى الخضر
Date: 06-03-2018, 02:19 PM
Parent: #3

يتلفت زي الطيرة دي قاصد سفيان زمبعور! مش كدا

Post: #5
Title: Re: ليّه الأعضاء الفارقوا المنبر لآمِن يدُوُ�
Author: يحي قباني
Date: 06-03-2018, 02:44 PM
Parent: #4

زمان يا معاوية ... قبال ما المنبر يفقد آلقو ...

الأعضاء كلهم كانوا ( انيقين ) جداً ...

يختفي واحد شوية كده و يكون زعلان من حاجة بسيطة كده ...

تتفتح بوستات تعدد محاسنه و حجم الفراغ التركو ...

و طبعا يقوم يجي ...

و هاك يا ترحيب و الدنيا من غيرك ... ووو

و بالتبعية اَي زول جديد بيعوم مع عمومهم ...

و هكذا ..

اها جماعتك ديل ... حاولوا يعملوا كده واحد تلو الاخر ..

و المنبر بقى غير المنبر ... فقد ( القو ) خخخخخخخ ... و الناس بقو قليلين حيا هههه

و معظم الناس ( قليلين الحيا ) ديل ... نسو ليك الناس ديل تماما ...

و بالتبعية ... اَي زول جا جديد .. عام بي عومهم و ما اشتغل بيهم الشغلة ...

اهاااا ... بقى عندهم واحد من حلين :

يا يرجع بي بوست بوستين ( قليلين حيا ) عشان يلحق السوق .. و بكده يكون ضحى بي أناقته ... و ما قدر يعيد للمنبر القو ...

يا يرجع النفيس بوك .. و يحتفظ بي كامل أناقته ...

Post: #7
Title: Re: ليّه الأعضاء الفارقوا المنبر لآمِن يدُوُ�
Author: عبدالحفيظ ابوسن
Date: 06-03-2018, 02:53 PM
Parent: #5

هسة اتا يا معاوية لامن تجي راجع السودان ، بتكون اياكا ؟ ولا الناس شايفاك ياكا ؟
بحصل قطع تاريخي ودة طبيعي . الزمن مجمد عندك من لحظة سفرك وممكن تتخيل لامن تجي راجع تلقا نفس الغنماية الكانت جمب ركن البيت واقفة
ولا الشفع بلعبو كورة في الميدان وانت خاتي كرسيك وتتفرج
دة اياهو البجيب الضهب والدوشة زاتا
ليه؟
لأنو الشفع بقو رجال قدر الناس الخليتهم ومتخيلهم في هيئتهم زاتا
والناس خلت ترباية الغنم
والميدان اتوزع عمارات
خليك مع الزمن يا عمك

Post: #45
Title: Re: ليّه الأعضاء الفارقوا المنبر لآمِن يدُوُ�
Author: Osman Musa
Date: 06-04-2018, 06:17 AM
Parent: #7

ههههههها
يا ود اب سن ياخ معاوية ده انقطع من زي ٢٧ سنة معقول الغنماية في الباوقة
تعيش كم و عشرين سنة . ؟
الغنماية كان بالغت بتعيش ليها 16 خريف .
سلام يا معاوية و يا اب سن

Post: #6
Title: Re: ليّه الأعضاء الفارقوا المنبر لآمِن يدُوُ�
Author: عبدالمنعم الطيب حسن
Date: 06-03-2018, 02:51 PM
Parent: #4

ههههههها يا ود المدير
والله حاسي بيك ومتعاطف معاك من الشعلقة ديك
والاندراعة
هسع بجيك طاير يخفف دمو
وبالمناسبة الزول الدمو تقيل خلقة ولمن يتخفف الناس (تقرا هناالقرّاء ما بقولوا دمو خفيف
بقولوا عليهو خفيف بس)
كعبة الخفة والتقل صنعة؛
.............
يحلك الحلا بلة
بلة الغايب في الركايب
جانا كلب سنونو صفر
حلب الناقة في الشناقة؛
بلة السماني فضل الله
والأخير زميلنا في الجيلي الثانوية ومصر العظيمة لاحقا
وكدة؛
وبالمناسبة الواتساب من ديك وعيك
ليش؟

..........
أوعى تقول لي مداخلتي ماعندها علاقة لا عندها ونص
..............

وياخ بالمرة لو جيت امريكا تاني سلم لي علي صديقي
سفيان نابري فهو رجل لطيف

Post: #8
Title: Re: ليّه الأعضاء الفارقوا المنبر لآمِن يدُوُ�
Author: Nasser Amin
Date: 06-03-2018, 05:28 PM
Parent: #6

احتمال يا معاوية من تاثير الوسائط الاخرى
مثلا تجربة الكتابة في الفيس تختلف تماما، و أغلب
الاعضاء القدامى فاعلين في الفيس ولهم جمهور كبير، جمهور الفيس يختلف
والتفاعل هناك بالمئات والحميمية اكثر والقيود اقل ، لا توجد عداوات ولا تربص ولذلك يواجهون صعوبات في التأقلم هنا
والله اعلم

Post: #9
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-03-2018, 06:12 PM
Parent: #8

معاوية يا حبيبا ...برجع ليك برواقة

Post: #10
Title: Re: ليّه الأعضاء الفارقوا المنبر لآمِن يدُوُ�
Author: سفيان بشير نابرى
Date: 06-03-2018, 06:50 PM
Parent: #9

Quote: يتلفت زي الطيرة دي قاصد سفيان زمبعور! مش كدا

هههههههه الزول دا فاتح خيال يا ود البشرى
بعدين الزمبعور شايفو كابسك في جذار مادريد ههههه

عبد المنعم الطيب ود فصلي ياخ ههههههههه مشتاقين والله.

Post: #11
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-03-2018, 07:09 PM
Parent: #10

ود المدير و المعاه ..سلامات جت عليكم

أول شئ المنبر ده فيهو شي عجيب جدا ... مهما تبعد منو بكون في رابط نفسي عجيب جدا ... حاجة كدا زي الوطن .. مهما يقسو عليك برضو بتحن ليه .

أنا لي تلاتة ولا أربعة سنين ما كتبت هنا و فترات بالشهور ما بفتحو خالص ...لكن دايما المنبر على البال و لما يكون في نقاش في الفيسبوك عنو تلقى كل الاعضاء السابقين و الناس المتابعين مشاركين و بعاطفة حقيقية توضح ليك الرابط النفسي ده .

المهم ... في 3 أسباب رئيسية في تقديري أدت لخبو ألق المنبر على قول قباني :

- سوء الأدارة ... بكري زي ما عمل البتاع ده ...نفشو و ما زال بنفش فيه بسوء إدارتو .... ياخي ما ممكن يكون القانون الوحيد البيدار بيه أكبر موقع حوار في البلد هو مزاج مديرو !!!

و طالما القصة دي مستمرة ...ح يستمر التدهور و فقدان الألق لحدي ما يبقى زي سودان.نت و سودانيز أوف لاين ..زول عارف مكانهم وين مافي !!

- طبيعتنا كسودانيين زايد طبيعة منابر الحوار بطلعوا أسوأ ما فينا كبشر ... نحن ما بنستحمل أي خلاف في الرأي ... بنشخصن القضايا ...و ممكن نقعد نترصد بعض بالزمن في ظل مفهوم انك لو فوته ح يحقرو بيك و يفتكروك خفت ...ده زايد ال ego حقنا الفي السماء ... بخلو الشكلات و المنابيذ و الشتايم هي الأصل و الباقي إستثناء !!

- الفيسبوك كبديل ... و مداخلة ناصر الفوق دي هي المختصر المفيد في الموضوع ده .

بعدين في حاجة عجيبة جدا عملها بكري قبل سنينا عددا ... في يوم واحد فتح العضوية ما عارف ألف أو ألفين زول ...نزلهم في يوم واحد ... خلو الناس القدام يشعروا بالغربة ... و المنبر بقى ليهم ما ياهو تماما ...في ناس كتار جدا غادروا في الفترة ديك .

المنبر ما زال في قلوب كتير من الناس الخلوه ... لكن نفس الأسباب الخلتهم خلوه ما زالت موجودة ... و دي حاجة محيرة جدا ...لاني لو كنت في محل بكري كنت ح أقيف وقفة حقيقية أشوف المشكلة وين عشان أتلافاها.

مشكلتنا الأزلية حتى لمن ننجح في عمل شي جميل و عظيم زي المنبر ده ... ما بنقدر نحافظ على جمالو و عظمتو !!

Post: #12
Title: Re: ليّه الأعضاء الفارقوا المنبر لآمِن يدُوُ�
Author: بكرى ابوبكر
Date: 06-03-2018, 08:24 PM
Parent: #11

رمضان كريم للجميع
رغم اننى لا افضل التداخل فى مواضيع الزملاء و الزميلات الحساسة حتى لا يوثر ذلك على النقاش الداير فيها
لكن اليوم اجد نفسى مضطر للرد على النقاط التى طرحها الزميل امين
-فى النقطة الاول اثار الزميل امين موضع سؤء الادارة
قوانيين المنبر و ادارته و ضعها الاعضاء و ليست بكرى و كل هذا موجود فى ارشيف المنبر و قد مر المنبر بعدة ادارات
وبكرى ما هو الا مطبق ولا احبذ ا/ انفذ تلك القوانيين الا وصلنى ايميل بمخالفة.وهذه النقطة بعض الزملاء و الزميلات ظل يطرحها هنا كل شهر او اسبوع منذ ١٦ عاما.وان بكرى و بكرى…….الخ
نهايتو بكرى لا يخذف الا الكلام البذى / الفاحش و اذا ما شافوا…..واذا انت شفتو مسئويتك تبلغ عنه بالايميل و ان لم تبلغ عنه فانت متهم ايضاء بسوء الادارة.

-فى النقطة الثانية قال امين اننى سجلت ١٠٠٠ او ٢٠٠٠ عضو فى يوم واحد وهذه العملية مستحيلة لانها دايرة ليها شهور و شهور لعملها سيبك من يوم واحد لانو التسجيل فى المنبر يحتاج الى صورة من جوازك او بطاقتك و فحص عشرة او خمسة و تسجيلها يحتاح الى ساعات و ساعات و ما اظن شخصى الضعيف عندوا كل هذا الزمن,و علشان ما كلامك يكون خارم بارم ساكت يا امين اكتب لى خمسة زملاء و زميلات سجلتهم فى اليوم الذى ذكرته.
-فى النقطة الثالث قال الموضوع الفيس بوك نعم هول الفيس بوك و كل وسائل التواصل الاجتماعى من وات سات و تويتر و انسجرام و خلافه اثرت تاثيرا فى الموقع و كل المواقع الاجتماعية و الاخبارية و موقع سودانيزاونلاين موقع اجتماعى و ليست موقعنا الذى وحده الذى تاثر فهنالك كثيرا من المواقع اغلقت و اصبحت لها صفحات على مواقع التواصل الاجتماعى هل تعلم ان عدد سكان اقصد اعضاء الفيس بوك اكثر من ٤ مليار .
واخيرا و لست اخيرا المنبر مثل الجامعة بدخلوا طلبة جداد و بتخرجوا ناس و الحمد لله لسع مستمر و اتمنى ان يواصل استمراره رغم قساوة الظروف لانه حقيقة فى زملاء و زميلات كثار اصبحت لهم علاقات اسرية و اجتماعية وشخصى الضعيف من خلال الموقع حتى اعضاء من خارج المنبر قبل ايام اتصل بى صحفى استرالى لتوصيله بسودانى من الداخل لعمل تقرير له من اجل عايد مادى وزائر اخر وصلته مع صديقه الذى لم يلتقيه من عشرات السنين وهذا مثال من الامثلة

رمضان كريم و العفو العافية
بكرى



Post: #13
Title: Re: ليّه الأعضاء الفارقوا المنبر لآمِن يدُوُ�
Author: حمد عبد الغفار عمر
Date: 06-03-2018, 08:26 PM
Parent: #11

سلام

انا في رأي مواضيع المنبر ما اختلفت كتير
اختلفت طريقة وعقلية النقاش
فيما مضى كانت المواضيع تُناقش بجدية وحماس ومشاركة واسعة
علاوة على ثراء الأحداث وبخاصة السياسية والاستقطاب الكان حاصل حيالها
الآن الحالة السياسية فيها ركود
برغم ذلك ما صعب التفاعل والدخول من جديد الرغبة الحقيقية هي المحدد وليس فقط الحنية لهذا المكان

Post: #16
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-03-2018, 08:45 PM
Parent: #13

بكري ..سلام و رمضان كريم يا رجل ...

ياخي أنا سعيد جدا بمداخلتك دي ... رغم انها خطوة متأخرة جدا جدا ... متاخرة مش كرد لي ...لكن كمشاركة ليك إنت في نقاش داير بخصوص المنبر .

واحدة من أكبر ماخدي عليك في الادارة يا بكري انك غبت تماما من النقاشات دي لمن كانت بتتفتح بصورة شبه يومية بل كنت بتمسح كتير من بوستات المناقشة دي في حين انك الزول الوحيد العندو الكلمة فيها ... عشان كدا أي نقاش ما كان بودي لقدام ... و في الآخر القصة بتبقى العجبو عجبو و الما عجبو يشتت ... ف 80 % أو 90% من الناس اختارت تشتت ... و طبعا جو بعدهم ناس و هكذا ...لكن السؤال ليه الناس دي ما قعدت عشان الجداد يبقو إضافة ؟! و ينضاف عليهم ؟! الناس دي كلها مشت من سوء الادارة و ده كلامهم هم ذاتهم ... النقاش حولين المنبر ده مرة مرة بجي في الفيسبوك زي ما ذكرت .



أنا ح أجاوب على أسئلتك و نقطتك الأثرتها في مداخلتك .. لكن قبل الكلام ده في نقطتين مهمات جدا :

1- أنا عايزك تعرف إنو كلامي ده و نقدي الشديد ليك ده عشان مصلحة المكان ده و عشان لو في شي ممكن يتعمل لقدام يتعمل .

2- لمن أتكلم عن المنبر زمان ... ربما يخلق فهم إنو الاعضاء الآن ما بمستوى زمان أو أي حاجة من النوع ده ... و ده ما القصد .. القصد إنو المنبر ده كل فترة تأثيرو متناقص ... القو زي ما قال قباني !!

برجع ليك نقطة نقطة إن شاء الله

Post: #47
Title: Re: ليّه الأعضاء الفارقوا المنبر لآمِن يدُوُ�
Author: قسم الفضيل مضوي محمد
Date: 06-04-2018, 06:41 AM
Parent: #13

أنا في رأيي أنه السبب الرئيسي لمغادرة كتير من سناير المنبر هو (شوفة النفس) والأنانية من جانبهم...
على الرغم من أكثرهم كان مغمورا وساهم المنبر بدرجة كبيرة في شهرتهم وتقديمهم للقراء ...
من ناحية أخرى أعتقد أن كثير من السناير قد غادر احتجاجا على التسجيلات الجديدة في 2013 فكثيرا منهم راى أنهم اصبحوا أسرة واحدة وما عندهم استعداد لتقبل أعضاء جدد ...
تلقى الواحد فيهم كان فرحان وما صدق الانضمام للمنبر وبعد شوية يعمل ليه رويشات ويحاكي قدلة الطاووس ...
بتذكر في بداية انضمامنا للمنبر (لما بكري فتح البلف) :) ، أخونا بروف أمين فتح بوست وقال فيما معناه أنه المنبر بقى (بيض) واتلموا فيه البرالمة وخلوه يبرر ويعتذر أنه ما قاصدم ومن ديك الحادثة غادر هو ومعه اخرون ...
من ناحية ثانية تجد أن معظم القدامى قد كونوا صداقات عبر هذا الموقع وبعد شوية شالوا ليهم كراسي ومشوا بعيد من الناس وقعدوا يتونسوا براهم ...
لو نظرنا للجانب المليء من الكوب نجد أن ان هناك أعضاء جدد لا يقلون عن قدامى الأعضاء من ناحية (الكوالتي) وساهموا مساهمة كبيرة في دوران عجلة المنبر ومثال لذلك ابو سن ، ود القوز ، هيثم غالي ، حاتم إبراهيم ، أبكر عباس ايمن محمود ، الصادق عبد الله بالإضافة لي أنا طبعا... ....
كما أن الغالبية العظمى من قدامى الأعضاء والذين ما زالوا قابضين على جمر القضية ، كانوا في غاية النبل معنا كأعضاء جدد واستفدنا منهم كثيرا فلهم شكرنا وتقديرنا ...
.
.
.
حاشية : شخصيا انضممت للمنبر منذ 2009 ولكن كان عندي مشكلة في الباس وورد وعندي ما يثبت ذلك "دا بس عشان تطلعوني من دفعة (البلف)" ...
...
.
.

Post: #14
Title: Re: ليّه الأعضاء الفارقوا المنبر لآمِن يدُوُ�
Author: Osman Awoda
Date: 06-03-2018, 08:33 PM
Parent: #1

يا بكري انا عايزك تفعل لي
ال password بتاعي القديم ياخ
انا زول يتيم ومسكين والجماعة القدام حاقرين
بي و قاعدين يقولوا لي يا بريليم
انا عملت ليك شنو ياخ

Post: #15
Title: Re: ليّه الأعضاء الفارقوا المنبر لآمِن يدُوُ�
Author: معاوية الزبير
Date: 06-03-2018, 08:41 PM
Parent: #14

بالله يا بكري ما تطفش لينا البروف أمين ده
ما صدقنا رجعتو الميمونة لاستعدال الميلان
--
--
--

عووضة يا انتهازي، فرقت شنو يعني قديمة ولّ جديدة
خُت صورة القديمة أُم من غير شنب وخلاص

---
---

بوست أوسكار يا مدير

Post: #17
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-03-2018, 08:56 PM
Parent: #15

أطفش وين يا عمك ...بكري ده نحن كايسنو لينا 10 سنين !!

Post: #18
Title: Re: ليّه الأعضاء الفارقوا المنبر لآمِن يدُوُ�
Author: Nasr
Date: 06-03-2018, 08:56 PM
Parent: #15

يا ألف مرحب يا أمين
وين إنت يا زول ؟؟؟؟؟؟

Post: #19
Title: Re: ليّه الأعضاء الفارقوا المنبر لآمِن يدُوُ�
Author: بكرى ابوبكر
Date: 06-03-2018, 09:34 PM
Parent: #18

يا حبيبنا امين اخذ راحتك تب فى النقد يا اخوى بكرى جلده بقى تخين
انقد من نقد للصباح
يا حبيبى المنبر عدد الزملاء و الزميلات عندما انضمت كان عدد الاعضاء …. مثلا ٣ الف اليوم اكثر عشرة الف
وزمان كنا بنسجل اعضاء بمواصفات معينة عكس اليوم لانو كل عضو بعمل ليك بوست سجل فلان و فلان…و اذا بكرى ما سجلوا يبقى بكرى….و اذا بكرى شطبه بعد مخالفته للقوانيين يبقى بكرى ذى بشة دا غير التلفونات البتدور …يا اخى حاجة عجيبة خلاص….
بعدين بكرى ما بحدد للناس تكتب شنو ولا تقول شنو……واذا كتب عضو موضوع …() ….سحبناه مشكلة واذا خليته مشكلة يا اخى دى معادلة صعبة خلاص ما بعرفها الا زول مدورها…صدق من قال ان السودانيين ما يحكمهم الا…()…()

يا امين يا اخوى المنبر انعكاس للشارع زى المراية شكلك كده ليك فترة ما نزلت البلد …البشوفوا هنا موجود اقذر منوا فى الواقع السودانى
المهم زى ما بقول زميلنا تبارك يطراهو الله بالخير فى هذا الشهر المبارك انو الموقع موجود و الحمد لله و ابوابه مفتوحة لكل الزملاء و الزميلات وليست هنالك حجرا على عضو فالكل مرحب يكتب ما يشاء من المواضيع بدون خدش الزوق العام و ان الموقع لم يتاثر كثيرا و حركة السيرفا كما هى منذ سنوات
نقطة اخيرة يا حبيبنا امين نسيت ان اذكراها فى مداخلتى اعلاه فى النقطة الثالثة ان معظم المجموعات فى وسائل التواصل الاجنماعى الاخرى تعارفوا هنا
واسفين يا ود المدير لاحتلال موضوعك انشاء ما عندكم سقط

Post: #20
Title: Re: ليّه الأعضاء الفارقوا المنبر لآمِن يدُوُ�
Author: صديق مهدى على
Date: 06-03-2018, 09:55 PM
Parent: #19

دكتور امين سليمان الأعضاء أصبحوا كيمان
فيهم العاجز الكسلان
وفيهم البضرب فى المليان
وفيهم جداد يلقط زى الشيطان
وفيهم زيك يتكلم زى الضهبان
دحين يا دكتور خليك من كلامك
اللا بحل ولا يربط ولا بفرز الكيمان

Post: #21
Title: Re: ليّه الأعضاء الفارقوا المنبر لآمِن يدُوُ�
Author: يحي قباني
Date: 06-03-2018, 10:12 PM
Parent: #20

Quote: البشوفوا هنا موجود اقذر منوا فى الواقع السودانى


هي يا هندسة لكن كده ما عصرت علينا شديد .. :)

Post: #22
Title: Re: ليّه الأعضاء الفارقوا المنبر لآمِن يدُوُ�
Author: أبوبكر عباس
Date: 06-03-2018, 10:15 PM
Parent: #21

ليش يا باشمهندس ما تجذب بعض الأقلام المتميزة للكتابة هنا بمقابل مادي شهري؟
القصّة كلها بزينس وكليكات وكدا

Post: #23
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-03-2018, 10:16 PM
Parent: #20

Quote: اسفين يا ود المدير لاحتلال موضوعك انشاء ما عندكم سقط


يا ألف أهلاً ومرحبا بالريّس بكري وجميع المتداخلين .
حقيقةً الموضوع ليس موضوعي بل هو موضوع الإدارة وجميع
الأعضاء إن كانوا مواصلين في المنبر أم غادروا .
بالنسبة للذين غادروا أنتهز الفرصة وأوجه لهم الدعوة للحضور
والإنضمام إلي النقاش الداير في هذا البوست حتي نستطيع
الوصول لحلول بشأن الحاصل وبعدها إن رآق لهم المكان واصلوا
وإن لم يعجبهم الحال رجعوا إلي قواعدهم سالمين .

الأخ الحبيب بكري أبو بكر أرجو أن تواصل النقاش والرد علي أسئلة
الأعضاء وإستفساراتهم ونقدهم، وكل هذا يصُب في مصلحة المنبر
وأعضاءه وقُرآءه ...

Post: #24
Title: Re: ليّه الأعضاء الفارقوا المنبر لآمِن يدُوُ�
Author: النذير حجازي
Date: 06-03-2018, 10:52 PM
Parent: #23

سلام للجميع،
بوست جميل وهادف
ليه يا بكري مادام في تحديات تواجهها المنابر من جراء وسائل السوشيال ميديا، ليه ما تفتح بوست لتسمع آراء الأعضاء وأفكارهم لمواجهة هذه التحديات؟
المنبر دا فيهو عقول نيرة ومفكرة و ح يفيدوا الموقع باقتراحات هم
والناس تناقش الاقتراحات وتجرب، والأرضة جربت الحجر
مثلاً قبل كدا اقترحت عليك نعمل انتخابات بالأحزاب في هذا المنبر
وصدقني كل الناس ح ترجع للتصويت لناسها
ويكون المنبر وطن من لا وطن له بحق وحقيقي
وممكن برضو تعمل تطبيق باسم المنبر المواكبة

كسرة: يا أبوبكر عباس انا غايتو أمين نوتة دا لو بقت قراية مداخلتو بالتذاكر وسعر التذكرة خمسين دولار، بتلقاني انا ومعي ناس كتيرين واقفين صف
والله يا أمين انا لمن أشوف اسمك في المنبر بفرح ومزاجي بتصلح


Post: #25
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-03-2018, 10:58 PM
Parent: #23

Quote: -فى النقطة الاول اثار الزميل امين موضع سؤء الادارة
قوانيين المنبر و ادارته و ضعها الاعضاء و ليست بكرى و كل هذا موجود فى ارشيف المنبر و قد مر المنبر بعدة ادارات
وبكرى ما هو الا مطبق ولا احبذ ا/ انفذ تلك القوانيين الا وصلنى ايميل بمخالفة.وهذه النقطة بعض الزملاء و الزميلات ظل يطرحها هنا كل شهر او اسبوع منذ ١٦ عاما.وان بكرى و بكرى…….الخ
نهايتو بكرى لا يخذف الا الكلام البذى / الفاحش و اذا ما شافوا…..واذا انت شفتو مسئويتك تبلغ عنه بالايميل و ان لم تبلغ عنه فانت متهم ايضاء بسوء الادارة.
صحيح با بكري القوانين كتبوها الأعضاء ... لكن الشيطان يكمن في تنفيذ القوانين دي ... القصة كلها بتحددها إنت ده ... و خليك من الزمان و الحصل و حصل ...رغم إنو الزمان داك هو أساس كلامي و أساس البوست نفسو ... مافي آلية لتنفيذ القوانين دي غير رأيك و فهمك إنت و دي المشكلة كلها !!
المنبر ده ما ممكن يدار بزول واحد و إلا ح يكون في فوضى تخلي المكان ده طارد ... ده غير انك - كأي زول فينا - عندك أصحاب و ناس معصور عليهم ببقو فوق القانون ... و بخلق جو بتاع عدم عدالة بالذات في مكان فيهو مشاكل و استقطابات شديدة زي هنا .

Post: #26
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-03-2018, 11:01 PM
Parent: #25

Quote: فى النقطة الثانية قال امين اننى سجلت ١٠٠٠ او ٢٠٠٠ عضو فى يوم واحد وهذه العملية مستحيلة لانها دايرة ليها شهور و شهور لعملها سيبك من يوم واحد لانو التسجيل فى المنبر يحتاج الى صورة من جوازك او بطاقتك و فحص عشرة او خمسة و تسجيلها يحتاح الى ساعات و ساعات و ما اظن شخصى الضعيف عندوا كل هذا الزمن,و علشان ما كلامك يكون خارم بارم ساكت يا امين اكتب لى خمسة زملاء و زميلات سجلتهم فى اليوم الذى ذكرته.
يا بكري الكلام ما مقصود حرفيا ... يعني يوم ما بمعنى أربعة و عشرين ساعة ... و الف ما بمعني واحد اتنين تلاتة لحدي الف ... لكن أنا بؤكد على صحة كلامي لانك في فترة بسيطة جدا ( ربما أيام ) نزلت كمية كبيرة جدا من الأعضاء الجداد ( متذكر فيهم أيمن أبوعجاج لانو شاكلني ) ... و كانو مسمينهم البرالمة ...ناس كتار طلعوا الوقت داك لانو فجاءة كدا البرالمة بقو قدر أو أكتر من الاعضاء القدامى ...

Post: #27
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-03-2018, 11:04 PM
Parent: #26

Quote: واخيرا و لست اخيرا المنبر مثل الجامعة بدخلوا طلبة جداد و بتخرجوا ناس و الحمد لله لسع مستمر و اتمنى ان يواصل استمراره رغم قساوة الظروف
مافي سبب بخلي كمية كبيرة من الناس تغادر بيتهم و ملجأهم لو ما المكان بقى طارد ...يا عمك المكان ده كنا بنقعد فيه أكتر من قعادنا مع ناس بيوتنا .
بعدين تشبيه الجامعة ده ما صاح ولا منطقي ... اي منبر تواصل صاحبو مفروض بيكون بيعمل على توسيعو ..مش تخريج الناس منو زي الجامعة !!!

Post: #28
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-03-2018, 11:10 PM
Parent: #27

Quote: حقيقة فى زملاء و زميلات كثار اصبحت لهم علاقات اسرية و اجتماعية وشخصى الضعيف من خلال الموقع حتى اعضاء من خارج المنبر قبل ايام اتصل بى صحفى استرالى لتوصيله بسودانى من الداخل لعمل تقرير له من اجل عايد مادى وزائر اخر وصلته مع صديقه الذى لم يلتقيه من عشرات السنين وهذا مثال من الامثلة

Quote: يا حبيبى المنبر عدد الزملاء و الزميلات عندما انضمت كان عدد الاعضاء …. مثلا ٣ الف اليوم اكثر عشرة الف
وزمان كنا بنسجل اعضاء بمواصفات معينة عكس اليوم لانو كل عضو بعمل ليك بوست سجل فلان و فلان…و اذا بكرى ما سجلوا يبقى بكرى….و اذا بكرى شطبه بعد مخالفته للقوانيين يبقى بكرى ذى بشة دا غير التلفونات البتدور …يا اخى حاجة عجيبة خلاص….
بعدين بكرى ما بحدد للناس تكتب شنو ولا تقول شنو……واذا كتب عضو موضوع …() ….سحبناه مشكلة واذا خليته مشكلة يا اخى دى معادلة صعبة خلاص ما بعرفها الا زول مدورها…صدق من قال ان السودانيين ما يحكمهم الا…()…()

يا امين يا اخوى المنبر انعكاس للشارع زى المراية شكلك كده ليك فترة ما نزلت البلد …البشوفوا هنا موجود اقذر منوا فى الواقع السودانى
المهم زى ما بقول زميلنا تبارك يطراهو الله بالخير فى هذا الشهر المبارك انو الموقع موجود و الحمد لله و ابوابه مفتوحة لكل الزملاء و الزميلات وليست هنالك حجرا على عضو فالكل مرحب يكتب ما يشاء من المواضيع بدون خدش الزوق العام و ان الموقع لم يتاثر كثيرا و حركة السيرفا كما هى منذ سنوات
نقطة اخيرة يا حبيبنا امين نسيت ان اذكراها فى مداخلتى اعلاه فى النقطة الثالثة ان معظم المجموعات فى وسائل التواصل الاجنماعى الاخرى تعارفوا هنا
بالنسبة للحساب و كانو مسجلين كم و بقو كم ده أنا ما بعرفو ..لكن كونو المنبر فقد بريقو و القو بصورة لافتة فدي ما عايزة كلام .

بعدين أنا كتبت 3 نقاط للتدهور ده ...إنت بكلامك الفوق ده مؤيدني في اتنين ... تأثير الفيسبوك ... و سلوكنا كسودانيين ...

و أخيرا ... أنا والله الكلام ده ما كنت عايز أقولو ولا أكتبو ليك هنا ...لاني هنا بنتقدك و هناك في الفيسبوك بدافع ليك !!

شوف ... بالنسبة لي أنا شخصيا ... مافي زول آثر في علاقاتي في الطاشر سنة دي قدرك ... كمية الناس العرفتهم في س.أونلاين و بقو أصحاب و اخوان و علاقات ما عندها علاقة بالنت أكتر من أن يعدو و يحصو .. و حتى الناس العرفتهم في الفيسبوك معظمهم عرفتهم من ناس هنا أو عن طريقهم ...و ده سبب الارتباط العجيب الحاصل لي مع المكان ده ... و ما أنا براي ... ناس كتار ممن كانو أعضاء هنا ما زالو على إرتباط نفسي - على الأقل - بهذا المكان .
و ما تزعل من كلامي ده فما قصدنا إلا اصلاحا ...كن بخير يا صديق و العفو و العافية

Post: #30
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-03-2018, 11:15 PM
Parent: #28

نصر و صديق مهدي ... سلام يا حلوين و مشتاقين والله ...

أخوكم كان منتدب في الفيسبوك و عايزين نجي راجعين فطولو لينا بالكم بالله .

-------------

النذير يا منقة ... ازيك يا رجل

أول حاجة إنت و معاوية الزبير ما تشكروا لينا معاوية المدير ده ولا بوستو ... البوست باهت و بدون طعم و لو ما بكري جاء رد على كلامي ...كان بكون تعيس تعاسة شديدة

ياخي أنا شاكر و ممنون لكلامك الطيب في حقي

Post: #29
Title: Re: ليّه الأعضاء الفارقوا المنبر لآمِن يدُوُ�
Author: Nasser Amin
Date: 06-03-2018, 11:15 PM
Parent: #26

مادام السوشيال ميديا و تحديدا
الفيس بوك اصبح منافس وخصم
طيب ما نجيبو هنا بس (بضوابط وقيود)
و تحكم من الادارة و الاعضاء
نافذة الفيس فوائدها اكبر من مضارها
فهي تضيف حيوية للمنبر وتثري النقاش

Post: #31
Title: Re: ليّه الأعضاء الفارقوا المنبر لآمِن يدُوُ�
Author: محمد البشرى الخضر
Date: 06-03-2018, 11:17 PM
Parent: #29

طيب يا بروف سير البوست دا في حيطتك ووجه الدعوة للزملاء المبتعدين للمشاركة
قول ليهم بكري بقرا ويرد دي فرصة ما بتتكرر إلّا كل كم سنة خليهم يلحقوا المولد :)

Post: #32
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-03-2018, 11:26 PM
Parent: #29

Quote: مادام السوشيال ميديا و تحديدا
الفيس بوك اصبح منافس وخصم
طيب ما نجيبو هنا بس (بضوابط وقيود)
و تحكم من الادارة و الاعضاء
نافذة الفيس فوائدها اكبر من مضارها
فهي تضيف حيوية للمنبر وتثري النقاش
ما بتنضبط يا ناصر !

أيام قصة الفيسبوك التحت دي كان في نقاشات مستمرة عن الموضوع ده ... أنا كنت مؤيد ليها جدا و بعداك غيرت رأيي تماما ... لانو ما ممكن أفتح لي حساب وهمي في الفيسبوك و أجي للناس بتحت أشكرني و أسئ لاي زول معارض كلامي !

الصاح - في رأيي طبعا - إنو القوانين دي تفعل و كلنا كناس كبار نرتفع شوية بكتاباتنا .

Post: #33
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-03-2018, 11:28 PM
Parent: #32

Quote: طيب يا بروف سير البوست دا في حيطتك ووجه الدعوة للزملاء المبتعدين للمشاركة
قول ليهم بكري بقرا ويرد دي فرصة ما بتتكرر إلّا كل كم سنة خليهم يلحقوا المولد :)

عمك مكنتو خفت ... أنا لي هنا طاشر سنة من متابعة لعضوية ما بتذكر بكري دي ناقصه ليه زول في إدارة المنبر !!

Post: #34
Title: Re: ليّه الأعضاء الفارقوا المنبر لآمِن يدُوُ�
Author: بكرى ابوبكر
Date: 06-04-2018, 00:25 AM
Parent: #33

Quote: ليش يا باشمهندس ما تجذب بعض الأقلام المتميزة للكتابة هنا بمقابل مادي شهري؟

حبيبنا بكور موضوع المقابل المادى داير ليه شركات و ناس تقال ذى الجزيرة نت و جدى ميرغنى و سعد العربى بتاع الجمال قريب نافع وبكرى اخوك دها زول على باب الله لكن الواحد بقول الحمد لل ه وبشكر فضله


Quote: قول ليهم بكري بقرا ويرد دي فرصة

يا حبيبى ود البشرى موضوع الادارة و القوانيين متكرر منذ سنة 2001 ومن كثرة الرد و التعليف فيه بقيت بفطه ....راجع الارشيف

Quote: لكن الشيطان يكمن في تنفيذ القوانين دي


تنفيذ اى قانون صعب و صعب شديد…. امبارح عباس اقصد البوليس هنا ادانى تكت ب ٣٠٠ دولار لانى سايق ب ٧٧ مع انو كل الناس الجنبى سايقيين ب ٨٠ لكنى كنت فى خط البوليس
يعنى تنفيذ القانون فى منبر به اكثر من ١٠ الف عضو و فيه عشرات المواضيع كل ساعة من الصعب تنفيذ كل المخالفات ….وبعد ما اظن الناس محتاجة لقانون ليحكمهم كل الناس الهنا جامعيين و مثقفين
ولو الناس تجاهلت الزملاء بتاعين الكلام الخادش براهم بفرتقوا……


Quote: بكري جاء رد على كلامي ...كان بكون تعيس تعاسة شديدة


والله يا امين ما تعيس و مبسوط اخر انبساط و بحضر فى المسلسل الاسرائيلى فوضىFauda لانو الايام دى نزل منو الجزء الثانى انصحك وانصحك الجميع بمشاهدته لانو دراما واقعىة و بصورة محايدة للصراع العربى الاسرائيلى و المقاومة الفلسطينية

Post: #35
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-04-2018, 00:34 AM
Parent: #34

يا بكري. الضمير في التعاسة راجع لبوست ود المدير .ما ليك.

Post: #36
Title: Re: ليّه الأعضاء الفارقوا المنبر لآمِن يدُوُ�
Author: يحي قباني
Date: 06-04-2018, 00:43 AM
Parent: #35

Quote: يا بكري. الضمير في التعاسة راجع لبوست ود المدير .ما ليك.

انت يا بروف مصحصح كده و الحالة لسة بتحاول ترجع ؟

انت ما صايم ؟

Post: #37
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-04-2018, 00:50 AM
Parent: #36

اسوي ليه شنو عمك دا ... فهم كلامي عنو :)

Post: #40
Title: Re: ليّه الأعضاء الفارقوا المنبر لآمِن يدُوُ�
Author: Hafiz Bashir
Date: 06-04-2018, 01:18 AM
Parent: #35


نورت المنبر يا بكري
ورمضان كريم

Quote: و ان الموقع لم يتاثر كثيرا و حركة السيرفا كما هى منذ سنوات

أنا ما عارف حركة السيرفا دي بيقسوها كيف.
لكن في مؤشرات كتيرة تانية ممكن تتأخد كأدوات لقياس فعالية سير المنبر و تحقيقه للأهداف المرجوة منه.
في الفترة من 2007 إلى 2013 كانت الأرشفة ربع سنوية.. مقارنة بآخر ارشفة كانت مدتها حوالي سنتين.

مدخل أرشيف الربع الاول للعام 2011م
الفَتْرَة ما بين (28 ديسمبر 2010م) و(31 مارس 2011)
عدد صفحات الإرشيف 132 صفحة
عدد الأيام 93 يوم
بمعدل 1.42 صفحة في اليوم

المنبر العام الآن
تاريخ الافتتاح 18 اكتوبر 2017
عدد الصفحات 80
عدد الأيام 229 يوم
بمعدل 0.35 صفحة في اليوم.

أنا طبعاً ما فاضي عشان أعمل ليك مقارنة بين معدل المداخلات في الثانية زمان و هسه.
لكن عندي صاحبي إسمو منير فاضي شغلة لو جا خليهو يعملها.


Post: #38
Title: Re: ليّه الأعضاء الفارقوا المنبر لآمِن يدُوُ�
Author: ABUHUSSEIN
Date: 06-04-2018, 00:59 AM
Parent: #34

Quote: قول ليهم بكري بقرا ويرد دي فرصة ما بتتكرر إلّا كل كم سنة خليهم يلحقوا المولد :)

عملها مرتين بس ....
الاولى: بوست عن (السخينة) جا اتفسح فيه و شكر لينا السخينة لم افتكرناها شية جمر ... 😂😂
التانية: بوست فاتحو طارق جبريل المسخوت عن الدخان و الطلح ... برضو جا اتفكفك فيه و ابدع كمان ... 😂😂😂

و هذا احقاقا للحق ... 😂😂😂😂

Post: #39
Title: Re: ليّه الأعضاء الفارقوا المنبر لآمِن يدُوُ�
Author: يحي قباني
Date: 06-04-2018, 01:12 AM
Parent: #38

Quote: التانية: بوست فاتحو طارق جبريل المسخوت عن الدخان و الطلح ... برضو جا اتفكفك فيه و ابدع كمان ... 😂😂😂


ده متين ده ؟

ايام ملاسي كان بكتب عن رقيص العروس ؟

Post: #41
Title: Re: ليّه الأعضاء الفارقوا المنبر لآمِن يدُوُ�
Author: عبدالحفيظ ابوسن
Date: 06-04-2018, 05:10 AM
Parent: #39

الفكرة شنو مثلا ؟
استعادة العضوية القديمة؟
ولا
استعادة ألق المنبر ؟
ولا الحد من اشتراك اعضاء جدد ؟

Post: #42
Title: Re: ليّه الأعضاء الفارقوا المنبر لآمِن يدُوُ�
Author: يحي قباني
Date: 06-04-2018, 05:19 AM
Parent: #41

Quote: الفكرة شنو مثلا ؟
استعادة العضوية القديمة؟
ولا
استعادة ألق المنبر ؟
ولا الحد من اشتراك اعضاء جدد ؟


الفكرة انك واحد من الناس الفي الاقتباس التحت ده ...

جيت في يوم واحد مع الالفين زول ... و افقدت المنبر القو ... :)

يشرحوها ليكم كيف تاني ؟ خليتو المنبر ما ياهو ... و بدل المواضيع الهادفة ... قلبتوهو ونسة كرخانة ...

Quote: بعدين في حاجة عجيبة جدا عملها بكري قبل سنينا عددا ... في يوم واحد فتح العضوية ما عارف ألف أو ألفين زول ...نزلهم في يوم واحد ...
خلو الناس القدام يشعروا بالغربة ... و المنبر بقى ليهم ما ياهو تماما ...في ناس كتار جدا غادروا في الفترة ديك .



Post: #43
Title: Re: ليّه الأعضاء الفارقوا المنبر لآمِن يدُوُ�
Author: عبدالحفيظ ابوسن
Date: 06-04-2018, 05:39 AM
Parent: #42

طيب قباني
حددو لينا تاريخ مقدس للعضوية ، حقبة فاصلة
الجاهلية والاسلام
العصور الوسطي والتنوير
اقلاها ممكن نعرف البدريين
يعني المنبر يكون مغلق للاعضاء من الحقبة المحددة
ولا كيف ؟
الحقيقة دي ما اول مرة تتناقش فكرة جدد وقدامي
وبكري يشيل ويخم ويشيل ويردم
دة كلام مؤلم بالجد .. ونحن نحسب انفسنا بقينا اسرة واحدة . ثم فجأة تري تمييزا اظنه مجحفا ،
لو كان عمر ما اظن في فرق في الاعمار بينا يؤبه لها
لو كان معرفة بالنت شرحو
الفرق تأخر انضمام البعض لاسباب مختلفة
ماكان في وسيلة لدخول المنبر مريحة
ولا ماسمعو بي المنبر
عني انا كنت اتحاشي الاشتراك للغة والمشادات العنيفة التي اقرأها هنا

Post: #44
Title: Re: ليّه الأعضاء الفارقوا المنبر لآمِن يدُوُ�
Author: يحي قباني
Date: 06-04-2018, 05:51 AM
Parent: #43

Quote: يعني المنبر يكون مغلق للاعضاء من الحقبة المحددة
ولا كيف ؟
الحقيقة دي ما اول مرة تتناقش فكرة جدد وقدامي
وبكري يشيل ويخم ويشيل ويردم
دة كلام مؤلم بالجد .. ونحن نحسب انفسنا بقينا اسرة واحدة . ثم فجأة تري تمييزا اظنه مجحفا ،

هههههه ...

القدامى ديل ... كانو جداد في عالم الاسافير ...

كانت حاجة جديدة ... فكان في خلعة ...

لذلك اتآنقوا لامن فترو ...

و كل زول لابس ليو وش انيق وقاعد ...

و كانت الامور بسيطة ...

و العدد بسيط ... و كلهم بتعارفوا و بتعازموا على بعضهم في الكتابة ...

ياخ ارجع الارشيف ... و شوف ليك جنس أناقة ... ههههه

اما عن تحديد التاريخ ... مره في زول انيق جداً ... قال من 2012 هههه يعني انت جوه الجك ...


Post: #46
Title: Re: ليّه الأعضاء الفارقوا المنبر لآمِن يدُوُ�
Author: معاوية الزبير
Date: 06-04-2018, 06:29 AM
Parent: #44

من الصعب جدا الحكم على الحاجات الزي دي بهذه الحدية: قبل وبعد
الأمور متداخلة، الكعب والزين موجود الآن و زمان
لكن الملاحظ إنو التجاوزات بالمنبر زادت في السنوات الأخيرة
بسبب زيادة عدد الأعضاء والمواضيع وتناقص السيطرة أو فقدانها عديل
و دا أمر منطقي بدون حساسيات (تقرأ أيضا حسابات) قديم وجديد

الكلام ده يا ابو سن حصل أيضا في سلوك الجاليات السودانية بالخارج
... وبالداخل زاتو لو شئنا الذهاب أبعد
وهكذا..
الزول الجديد في مكانٍ ما، سيجد نفسو "قديم" في مكانٍ آخر في فترةٍ ما

بعدين اللغة زاتا توسعت خاصة السالب منها
الشتايم كانت محدودة والنبذ معروف
هسي فاره دي شنو؟

مداخلة متعسرة

Post: #48
Title: Re: ليّه الأعضاء الفارقوا المنبر لآمِن يدُوُ�
Author: قسم الفضيل مضوي محمد
Date: 06-04-2018, 06:48 AM
Parent: #46

معذرة ...
مداخلة مكررة ...
.
.
في رأيي أنه السبب الرئيسي لمغادرة كتير من سناير المنبر هو (شوفة النفس) والأنانية من جانبهم...
على الرغم من أكثرهم كان مغمورا وساهم المنبر بدرجة كبيرة في شهرتهم وتقديمهم للقراء ...
من ناحية أخرى أعتقد أن كثير من السناير قد غادر احتجاجا على التسجيلات الجديدة في 2013 فكثيرا منهم راى أنهم اصبحوا أسرة واحدة وما عندهم استعداد لتقبل أعضاء جدد ...
تلقى الواحد فيهم كان فرحان وما صدق الانضمام للمنبر وبعد شوية يعمل ليه رويشات ويحاكي قدلة الطاووس ...
بتذكر في بداية انضمامنا للمنبر (لما بكري فتح البلف) :) ، أخونا بروف أمين فتح بوست وقال فيما معناه أنه المنبر بقى (بيض) واتلموا فيه البرالمة وخلوه يبرر ويعتذر أنه ما قاصدم ومن ديك الحادثة غادر هو ومعه اخرون ...
من ناحية ثانية تجد أن معظم القدامى قد كونوا صداقات عبر هذا الموقع وبعد شوية شالوا ليهم كراسي ومشوا بعيد من الناس وقعدوا يتونسوا براهم ...
لو نظرنا للجانب المليء من الكوب نجد أن ان هناك أعضاء جدد لا يقلون عن قدامى الأعضاء من ناحية (الكوالتي) وساهموا مساهمة كبيرة في دوران عجلة المنبر ومثال لذلك ابو سن ، ود القوز ، هيثم غالي ، حاتم إبراهيم ، أبكر عباس ايمن محمود ، الصادق عبد الله بالإضافة لي أنا طبعا... ....
كما أن الغالبية العظمى من قدامى الأعضاء والذين ما زالوا قابضين على جمر القضية ، كانوا في غاية النبل معنا كأعضاء جدد واستفدنا منهم كثيرا فلهم شكرنا وتقديرنا ...
.
.
.
حاشية : شخصيا انضممت للمنبر منذ 2009 ولكن كان عندي مشكلة في الباس وورد وعندي ما يثبت ذلك "دا بس عشان تطلعوني من دفعة (البلف)" ...
...
.
.

Post: #49
Title: Re: ليّه الأعضاء الفارقوا المنبر لآمِن يدُوُ�
Author: عبدالحفيظ ابوسن
Date: 06-04-2018, 06:51 AM
Parent: #46

يا معاوية مافي خلاف معاك في وجهة نظرك
ودة الكلام القلتو في اول مداخلة ، حكاية القطع التاريخي وانفصالك عن واقع محدد
الانحطاط ليس حتمية تاريخية بل الرقي هو الحتمية دة في تقديري
اظن التعبير كان واضح وهو فقدان الألق انا بقراها هوم سيك ، الحنين لأن نعود لما تركناه ثم نجده كأننا لم نغب عنه
التعبير واضح واشار للسبب بشكل لايدعو للبس وبجدية كمان
واقع القانون الموضوعي بقول القادم سيأخذ تراث المستقرين ، آي في بصمة شخصية وسمات سيحملها القادم وفقا لتكوينه الشخصي والمزاجي والثقافي والمعرفي
فصعب جدا ان يحرك الجدد كل توجهات المنبر كسلوك منحرف عن الخط القديم
كما ذكرت تم لوم العضوية الجديدة بشكل واضح وصريح
عموما
النتفق اول في فقدان البريق وقبل نتفق نحدد البريق زاتو قاصدين بيهو شنو
وبعدها النشوف الاسباب
بس ما تقول لي تحديد البريق واسباب الانحدار من لجنة مكونة من القدامى برضو 😆😆😆😆

Post: #50
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-04-2018, 07:26 AM
Parent: #49

حبيبنا قباني ...
Quote: الفكرة انك واحد من الناس الفي الاقتباس التحت ده ...

جيت في يوم واحد مع الالفين زول ... و افقدت المنبر القو ... :)

يشرحوها ليكم كيف تاني ؟ خليتو المنبر ما ياهو ... و بدل المواضيع الهادفة ... قلبتوهو ونسة كرخانة ...


كلامك ده جبت تحتو اقتباسي بتاع إنو بكري في يوم فتح المنبر لكم ألف زول !!

و أنا والله قايلك بتهزر ... لكن لمن شفت مداخلة أخونا حفيظ و ردك عليها ... و كأنو أنا بشير باشارات سالبة للاعضاء الجدد - أيا كان تعريف الجدد ده - هو الكلام المؤلم بالجد ... ما لاني متوقع حسن ظن منكم و بس ... لكن لاني كتبت الكلام ده واضح لبكري فوق .

شوف نمرة اتنين من كلامي لبكري ... و ده بالظبط عشان مافي زول زي أخونا عبد الحفيظ يجي يسخر مننا و البدريين و التاريخ المقدس و بتاع !!!

Quote: أنا ح أجاوب على أسئلتك و نقطتك الأثرتها في مداخلتك .. لكن قبل الكلام ده في نقطتين مهمات جدا :

1- أنا عايزك تعرف إنو كلامي ده و نقدي الشديد ليك ده عشان مصلحة المكان ده و عشان لو في شي ممكن يتعمل لقدام يتعمل .

2- لمن أتكلم عن المنبر زمان ... ربما يخلق فهم إنو الاعضاء الآن ما بمستوى زمان أو أي حاجة من النوع ده ... و ده ما القصد .. القصد إنو المنبر ده كل فترة تأثيرو متناقص ... القو زي ما قال قباني !!

بعدين يا قباني قصة " فقدان الق المنبر " أنا جبتها منك و مكوته فوق ... ما عارف ليه و كيف إنت فسرت كلامي ده بالطريقة دي !!

-------------
حبيبنا قسم الفضيل ..سلام يا رجل و بركة بالشوفة ياخ
Quote: أنا في رأيي أنه السبب الرئيسي لمغادرة كتير من سناير المنبر هو (شوفة النفس) والأنانية من جانبهم...
على الرغم من أكثرهم كان مغمورا وساهم المنبر بدرجة كبيرة في شهرتهم وتقديمهم للقراء ...
من ناحية أخرى أعتقد أن كثير من السناير قد غادر احتجاجا على التسجيلات الجديدة في 2013 فكثيرا منهم راى أنهم اصبحوا أسرة واحدة وما عندهم استعداد لتقبل أعضاء جدد ...
تلقى الواحد فيهم كان فرحان وما صدق الانضمام للمنبر وبعد شوية يعمل ليه رويشات ويحاكي قدلة الطاووس ...
بتذكر في بداية انضمامنا للمنبر (لما بكري فتح البلف) :) ، أخونا بروف أمين فتح بوست وقال فيما معناه أنه المنبر بقى (بيض) واتلموا فيه البرالمة وخلوه يبرر ويعتذر أنه ما قاصدم ومن ديك الحادثة غادر هو ومعه اخرون ...

طيب يا حبيبنا ...

ده البوست الانت بتتكلم عنو عشان تشوف سياق كلامي ده .

المنبر واخد شكل الحمروني !!المنبر واخد شكل الحمروني !!

و ده أظنو التعليق لاعتذاري المزعوم ( بعد ما لمو فيني البرالمة ) و اجبروني اعتذر و من ثم غادرت المنبر للانانية و ما عارف شنو !!!
Quote: يا برالمة* يا حلوين و متحسسين ... سئيلي الله ما قاصدكم ... لو قاصدكم كان قلتها عديل !!
المنبر - و هنا بتكلم أصالة عن نفسي و ليس نيابة عن أحد - بقي بيض ...و بيض دي - كما جاء في صحاح اللغة - تعني البل المقرون بالتوجس ... و تعني فيما تعني إنو مافي مواضيع عميقة للنقاش و لا سطحية للخستكة . انتهي !!
------------
* لفظ برالمة لوصف الأعضاء الجدد لا يفوقه سوءً سوي لفظ رباطي لوصف الأمنجية !!
أنا اعترضت على أداء المنبر ككل ... و دي بوستات عادية أنا و غيري كتار زمان و الآن بفتحوها من عدم الموضوع لمن يحصل ... و اعترضت على لفظ برلوم الكان بتقال للناس الجداد !!
لا في زول جديد إتلم فيني ... ولا أنا اعتذرت و لا غادرت ... و البوست قدامك أقراهو من أولو لاخرو !!!
-------------

يا اخوانا والله كلامكم ده مؤلم جدا ... يعني ما ممكن تفسروا براكم و بناء عليه تسخروا مننا و تحكوا عننا حكايات متخيلة و كعبة جدا !!!

اعتذروا لي ياخ


Post: #51
Title: Re: ليّه الأعضاء الفارقوا المنبر لآمِن يدُوُ�
Author: عبدالحفيظ ابوسن
Date: 06-04-2018, 07:40 AM
Parent: #50

اها يا امين
اعتذار كامل غير منقوص وبالجد دون سخرية
حقيقة دي ما اول مرة يا امين وظننت اننا قد تجاوزناها
كل فترة بظهر جنس الكلام
وتخيل انا زاتي كتبت حول اداء المنبر وانو محتاج للارتقاء ، لغة ومواضيع وتخاطب
ف شنو
ما ظنيتها مربوطة بي قديم وجديد ، ولا مؤامرة
بل حالة العبث العامة التي عجز عن تصورها صمويل بيكت
الناس مأزومة جدا ومتوترة ، تفرغ طاقتها السلبية في اللاشئ

Post: #53
Title: Re: ليّه الأعضاء الفارقوا المنبر لآمِن يدُوُ�
Author: محمد أبوالعزائم أبوالريش
Date: 06-04-2018, 07:54 AM
Parent: #50


غايتو البوست ده على قولة ود الصايم الله يطراهو بالخير، بكري بيكون فقد سوائل

Post: #79
Title: Re: ليّه الأعضاء الفارقوا المنبر لآمِن يدُوُ�
Author: سفيان بشير نابرى
Date: 06-04-2018, 05:54 PM
Parent: #49

Quote: يش يا باشمهندس ما تجذب بعض الأقلام المتميزة للكتابة هنا بمقابل مادي شهري؟
القصّة كلها بزينس وكليكات وكدا

بالله دا ودوهو مواهيم المنبر عند صاحبي و صاحبو ود المسلمي ههههههه

Post: #83
Title: Re: ليّه الأعضاء الفارقوا المنبر لآمِن يدُوُ�
Author: حامد بدري
Date: 06-04-2018, 10:02 PM
Parent: #38

Quote:
عملها مرتين بس ....

اربعه غير العزاءات والجمع والاعياد وفطور رمضان
كبشور كورتك فكت
كدي دردقو بوست الهروب

Post: #52
Title: Re: ليّه الأعضاء الفارقوا المنبر لآمِن يدُوُ�
Author: تماضر الطاهر
Date: 06-04-2018, 07:40 AM
Parent: #1

المغادرين لآمِن يحاولوا
يرجعوا بتحصل لهم حالة بتاعت طرطشة ؤ بيجو يتلفتو

......

تحايا وسلام
الكتابة الإسفيرية فيها حاجات غريبة ومدهشة
الكاتب- أحياناً - بيكون بكتب بي روح أو إحساس ما بيشبه طبيعتو الأصلية
هو بيأصل ليها بالمداومة على تقمصها..ومع الإبتعاد عنها ممكن ينساها أو يفقدها
أو يتوه عنها..علشان كدا رجوعو بيكون باهت وهو تاني ما بيتحمس للمواصلة

الأسباب البتخلي الزول يغادر أو يعاين من بعيد كتيرة..مرات بتكون شخصية أو العثور على بديل أكثر إشباعاً أو أو ...
الصِدام مع الإدارة أو الإشراف واحد من الأسباب بس هو بيكون مرتبط بالكتاب "الهرجالين"
في منابر بيكون عندها سياسات تحريرية بتحد من مساحة الحرية، بتكون موضحة في شكل لوائح وقوانين الموافقة عليها من شروط التسجيل
لكن غالباً مافي زول بيقراها عشان طويلة (ههههه).
عن نفسي بحب المنتديات أكتر من الفيس والواتس وغيرهم...وهو حب لكل ما هو عتيق..والكتابة فيها وثقت لأشياء جميلة بمجهودات مقدرة نعود لمدارستها كلما مللنا المنقووول والنكات التي لا تُضحك.

إحترامي

Post: #54
Title: Re: ليّه الأعضاء الفارقوا المنبر لآمِن يدُوُ�
Author: قسم الفضيل مضوي محمد
Date: 06-04-2018, 07:59 AM
Parent: #52

.
.
معليش يا بروف لاقحامك في مداخلتي السابقة اقحاما ...
والواحد ما كان قصدو يعكّر ليك مزاجك خصوصا وأنت يا دوبك في طور النقاهة :) ...
.
.
.
ودا بمثابة اعتذار مني ...
.
.

Post: #55
Title: Re: ليّه الأعضاء الفارقوا المنبر لآمِن يدُوُ�
Author: يحي قباني
Date: 06-04-2018, 08:58 AM
Parent: #54

Quote: و أنا والله قايلك بتهزر ... لكن لمن شفت مداخلة أخونا حفيظ و ردك عليها ... و كأنو أنا بشير باشارات سالبة للاعضاء الجدد - أيا كان تعريف الجدد ده - هو الكلام المؤلم بالجد ... ما لاني متوقع حسن ظن منكم و بس ... لكن لاني كتبت الكلام ده واضح لبكري فوق .

شوف نمرة اتنين من كلامي لبكري ... و ده بالظبط عشان مافي زول زي أخونا عبد الحفيظ يجي يسخر مننا و البدريين و التاريخ المقدس و بتاع !!!

و ليه هسي بهزر و بسخر يا بروف ...

لكن عجبتني جدية اب سن ... فختيتوا في الفورمة بس ...

ثم ياخ ... انت عارف محبتك عندي ... فسامحني غلطان بعتذر ...

شكلي عصرت عليك بي هزاري التقيل ...

معليش نحن الجيل الذي زاد للمنبر قلقوا ... و افقده القو ...
________________________________________

عموماً ... لو دايرين نكون جادين ...

كان في عقدة هنا اسمها جديد و قديم في هذا المنبر الذي بناه الجاك ...

و كان كل زول بفتخر باقدميتوا و كانها رتب عسكرية ...

يعني تلقى زول راسوا طرورة ساكت الساعة اليقول ليك ... انا لي كم و كم سنة ... و انا لي ما بعرف كم ... تقوم تديو تعظيم سلام لو عليهو ...

ياخ انا اذكر واحده قالت لي اول ما جيت هنا بعد عصرت عليها شوية ... انت لازم تعرف كيف تخاطب الاقدم منك هنا .!!!

أتذكر قلت ليها خلاص نكلم عمو بكري يعمل لينا منبر صغير نتمرن فوقو بالاول ... بعدين يصعدونا ...

كمان يا بروف كان هناك فهم انو العضو الجديد دايماً شافع و صغير في السن ... و ده فهم غريب جداً ...

لذلك انا كتير طالبت العضو الجديد يبطل حركات انا جديد و رحبو بي ... و الوجاهات ديك ...

و يخش توووووش ...




Post: #56
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-04-2018, 09:10 AM
Parent: #55

معليش يا جماعة، عندي طلب قد يكون سخيّف شويّة،
في مجموعة إنسحبت ؤ عملت منتدى نسيّت إسمو
لو في زول عندو إمكانية يمدنا برآبط المنتدى بيكون
ساعد كتير في النقاش الدائر هنا، وشكراً ...

Post: #57
Title: Re: ليّه الأعضاء الفارقوا المنبر لآمِن يدُوُ�
Author: معاوية الزبير
Date: 06-04-2018, 09:29 AM
Parent: #56

ابو سن
Quote: اها يا امين
اعتذار كامل غير منقوص وبالجد دون سخرية

قسم الفضيل
Quote: ودا بمثابة اعتذار مني ...

قباني
Quote: ثم ياخ ... انت عارف محبتك عندي ... فسامحني غلطان بعتذر ...


القديم قديم يا بروف أمين، حالتك بتهظر ساكت!

يا اخوانّا نوِّعوا شوية، يعني المكفرين الجايين مثلا ممكن واحد يقول:
أنا بطلِّع زكاة فطر
أنا بعمل عمرة رمضان
أنا بطعِم ستينَ مسكينَا
وهكذا
وهكذا



ثلاث وردات لـ شنو كده ما عارف

Post: #58
Title: Re: ليّه الأعضاء الفارقوا المنبر لآمِن يدُوُ�
Author: جلالدونا
Date: 06-04-2018, 09:34 AM
Parent: #57

صحى مستجدين و برالمة
يدوكم على راسكم و تعتذروا
البروف سلام و مرحب بى عودتك
و عامر بى وجودك

Post: #61
Title: Re: ليّه الأعضاء الفارقوا المنبر لآمِن يدُوُ�
Author: ود محجوب
Date: 06-04-2018, 09:48 AM
Parent: #52

Quote: فى النقطة الاول اثار الزميل امين

ايه يا باشمهندس مرة الزميل امين ومرة الاخ امين لا لا لا دا ما مقبول ابدا برضو الناس مقامات بروف بروف بروف بروف رضى من رضى وابى من ابى

Post: #59
Title: Re: ليّه الأعضاء الفارقوا المنبر لآمِن يدُوُ�
Author: Yassir Ahmed
Date: 06-04-2018, 09:39 AM
Parent: #1

في الأول بقول لبروف أمين إنك كتبت أكثر من ملاحظة على بكري ، ولمن رد عليك وفند كلامك ، ما قلت ليهو آسف أنا كنت فاهم خطأ ، خاصة في حتة إنه بكري سجل مئات الأعضاء في يوم واحد .
برضو كلام قسم الفضيل ليك رغم إعتذاره لكن ما وقفت فيهو ، لمن قال ليك وصفت الأعضاء الجدد (بالبيض) وعادرت المنبر من لحظتها ؟
المنبر ده ناس كتااار ماخداهو جعلية وشفتنه وشلليات ومناصرة في الحق والباطل ، وتكالب ويا روحي ما في زيك ، اقل كلمة تقولها للواحد طوالي يدخل ليك من باب الحاجات الشخصية ، إنت قايل ما بعرفك ، عارفك قريت وين ومن وين وبعرف عنك كل حاجة .
وفي ناس عندهم تخصص في المساخة والملاحقة وتلميحات بالعنصرية وحاجة مقرفة بالجد ، المنبر حالو ما بنعدل إلا النفوس تكون طيبة و الواحد يعمل مليون حساب لكلمة البكتبها هنا.

Post: #60
Title: Re: ليّه الأعضاء الفارقوا المنبر لآمِن يدُوُ�
Author: يحي قباني
Date: 06-04-2018, 09:48 AM
Parent: #59

يا معاوية الرجل زعل و قال اعتذروا لي بي (تحنيسة ) كده ...

فاعتذرنا عشان نوريهو انحنا برضو ( اقدم ) منو ...

Post: #62
Title: Re: ليّه الأعضاء الفارقوا المنبر لآمِن يدُوُ�
Author: عبدالحفيظ ابوسن
Date: 06-04-2018, 09:52 AM
Parent: #59

هههه يا معاوية ياخ مالك تخلي سخرية الرد تقرب تصل السبابة وترجع تاني
السبابة دي الاصبع البين الوسطى والابهام كوني اكتب بالموبايل 😆😆😆 بيضو النية
هوي يا جلال يا برلوم انا اقدم منك يا بتاع 2014 ما تقول لي حنك باصوردي وقع وبتاع
نحن بتاعين توثيق
مكتوب فوق لي اسمك 2014 يعني لسة بي قلم الرصاص مش كان قاعدين اتا وبكري تضربو الشية كل خميس
برضك جديد ورقة بس

Post: #63
Title: Re: ليّه الأعضاء الفارقوا المنبر لآمِن يدُوُ�
Author: عبدالحفيظ ابوسن
Date: 06-04-2018, 09:54 AM
Parent: #59

هههه يا معاوية ياخ مالك تخلي سخرية الرد تقرب تصل السبابة وترجع تاني
السبابة دي الاصبع البين الوسطى والابهام كوني اكتب بالموبايل 😆😆😆 بيضو النية
هوي يا جلال يا برلوم انا اقدم منك يا بتاع 2014 ما تقول لي حنك باصوردي وقع وبتاع
نحن بتاعين توثيق
مكتوب فوق لي اسمك 2014 يعني لسة بي قلم الرصاص مش كان قاعدين اتا وبكري تضربو الشية كل خميس
برضك جديد ورقة بس

Post: #64
Title: Re: ليّه الأعضاء الفارقوا المنبر لآمِن يدُوُ�
Author: درديري كباشي
Date: 06-04-2018, 10:08 AM

سلام يا شباب .معاوية وضيوفك
ومرحبا بعودة البروف أمين

لكن حكاية البرالمة تذكرت موقف لمن دخلنا الجامعة كان معانا زميل حي ونشيط والجامعة كلها تناديه بعلي البرلوم وهو حريف جدا في الكرة . يلا برلوم العب باص يا برلوم تعال بيجاي .
ونحن على حس أنه نحن برالمة افتكرناه دفعتنا . بعد كم يوم اكتشفنا انه هذا البرلوم في سنة خامسة طب ( يعني دكتور عدييييل هههههههههههه ) ولكن حتى الآن لم نجد من يرد لنا لماذا لقب بالبرلوم .
حاله يشبه حالنا
نحن دفعة 2013 في هذا المنبر كل ما يفتح موضوع البرالمة الغيرو مزاج واتجاه المنبر نجد روحنا متصدرين مع انه نحن في خامسة حاليا وورانا خمسة دفع جديدة .

Post: #65
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-04-2018, 11:50 AM
Parent: #64

بالنسبة لمسألة البرلمة، فهي لا تعدو كونها تأريخ تسجيّل نسبةً لأنّ المقدمين
لطلبات العضوية لديهم خلفيّة كاملة عن المنبر ويُعتبروا من القُراء المواظبين
والمُضطلعين علي كل صغيرة وكبيرة في المنبر، وقد يكون بعضهم من
المواظبين علي متابعة المنبر منذ تأسيسه عِشان كِدا لا فضل لسينير علي
برلوم إلآ بالتقوى .

ما تعملوننا هوس ...

Post: #66
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-04-2018, 11:57 AM
Parent: #65

Quote: يتلفت زي الطيرة دي قاصد سفيان زمبعور! مش كدا


يا ودو الزول دا فعلاً في البدآية كان بيتلفت زي الطيرة
لكنه وكحالة شاذة إستطاع أن يثبت فهو يُعد ظاهرة مُلفتة للنظر !...

Post: #68
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-04-2018, 12:03 PM
Parent: #66

Quote: و المنبر بقى غير المنبر ... فقد ( القو ) خخخخخخخ ... و الناس بقو قليلين حيا هههه
و معظم الناس ( قليلين الحيا ) ديل ... نسو ليك الناس ديل تماما ...


يا قُبة كتيّر من الناس ماسكين في مكنة (المنبر فقد ألقو) دي !،
بصرآحة أنا ما شايف المنبر فقد ألقو بقدر ما إني شايفو مواكب
للواقع .
فقد ألقو كيف يعني ؟، ممكن تشرحوا لينا بتوسُع ...

Post: #67
Title: Re: ليّه الأعضاء الفارقوا المنبر لآمِن يدُوُ�
Author: محمد أبوالعزائم أبوالريش
Date: 06-04-2018, 11:58 AM
Parent: #65


هوي يا ود المدير، قراء مواظبين ومطلعين شنو وبطيخ شنو ..
دي فرصتي أتسنير على قباني وود أبسن ... ما تبوظها لينا.

Post: #69
Title: Re: ليّه الأعضاء الفارقوا المنبر لآمِن يدُوُ�
Author: Hashim Kassala
Date: 06-04-2018, 12:42 PM
Parent: #67

نلت عضوية هذا المنبر في العام 2003 وقتها كان المنبر يذخر بكتاب وكتابات في منتهى الجمال لذلك كان حرصي على القراءة اكثر من حرصي على المشاركة وفقدت كلمة المرور في 2004 ولم استعيد العضوية الا في 2013
يعني انا سينيور علي ابو الريش واعترف اني طاشي شبكة

Post: #70
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-04-2018, 01:10 PM
Parent: #69

Quote: هسة اتا يا معاوية لامن تجي راجع السودان ، بتكون اياكا ؟ ولا الناس شايفاك ياكا ؟
بحصل قطع تاريخي ودة طبيعي . الزمن مجمد عندك من لحظة سفرك وممكن تتخيل
لامن تجي راجع تلقا نفس الغنماية الكانت جمب ركن البيت واقفة
ولا الشفع بلعبو كورة في الميدان وانت خاتي كرسيك وتتفرج
دة اياهو البجيب الضهب والدوشة زاتا
ليه؟
لأنو الشفع بقو رجال قدر الناس الخليتهم ومتخيلهم في هيئتهم زاتا
والناس خلت ترباية الغنم
والميدان اتوزع عمارات
خليك مع الزمن يا عمك


كدي يا حفيض خلييني من رجوع السودان واسألني من خروجي من السودان، هل
أنا لآمن مرقت من السودان لِقيت الغربة دي مفصلة علي مقاسي ؟، ما لآمن
جيّت هنا كنت بتلفت زي الطيرة لكني صبرت وِ إندرشت لآمن إتأقلمت، ونفس
الشي بيحصل لآمن تحصل هجرة عكسيّة .
حقيقة أنا لآحظت في أعضاء كتيرين من السناير إذا صحّ التعبير حاولوا يرجعوا
فأتت بوستاتهم ومداخلآتهم خجولة جداً ؤ بصراحة ما وجدت تجاوب مثلما كانت
في الماضي وكانت شبيهة بمداخلآت البرالمة كرت كرتونة، فما كان منهم إلا أن
تلفتوا زي الطيرة ؤ بالراااااحة إنسحبوا !.

يعني نقول الشُفّع بقوا أرجل منهم واللآ شنو ؟...

Post: #71
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-04-2018, 01:19 PM
Parent: #70

Quote: وبالمناسبة الواتساب من ديك وعيك
ليش؟

..........
أوعى تقول لي مداخلتي ماعندها علاقة لا عندها ونص


قد تكون عندها علآقة يا صديقي منعم، فزي ما شايف
الموضوع مفتوح علي مِصرآعيهِ .
أنا موجود في الوآت سآب بس بيني ؤ بينك خامل ...

Post: #72
Title: Re: ليّه الأعضاء الفارقوا المنبر لآمِن يدُوُ�
Author: عبدالحفيظ ابوسن
Date: 06-04-2018, 01:21 PM
Parent: #70

يا مدير ما تلخبت مثلي الماعندو علاقة بي مثلك
اتا جيت لواقع جديد ومختلف ولاعندك ليهو ذاكرة او ذكريات
جيت الغربة قرضة ... كرت كرتونة
كل شئ جديد عليك واول مرة
انا بتكلم عن واقع ألفته وفيهو حميمية ليك وعندك فيهو ذكريات محنة ومودة وخابر دروبو ، وواقع ليك
مرقت وجيتو تاني

Post: #73
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-04-2018, 01:36 PM
Parent: #72

Quote: يا مدير ما تلخبت مثلي الماعندو علاقة بي مثلك
اتا جيت لواقع جديد ومختلف ولاعندك ليهو ذاكرة او ذكريات
جيت الغربة قرضة ... كرت كرتونة
كل شئ جديد عليك واول مرة
انا بتكلم عن واقع ألفته وفيهو حميمية ليك وعندك فيهو ذكريات محنة ومودة وخابر دروبو ، وواقع ليك
مرقت وجيتو تاني


طيّب يا حفيض، كلآم زيّن .
أها الجماعة البيجو يحاولوا يرجعوا، يعني نقول عليهم جو طظّوا أصبعُن
في أضانُن وعوُّا عواء الفصيل، هل غادر الشعراء من متردم أم هل عرفت
الدار بعد توهم !، ثم دقوا خلف . يا حفيض المنبر في حالة مواكبة مستمرة
ويبدو إنوّا الجماعة ديّل زمانُن فات ؤ غنايُن مات، بس بالرغم من كِدا وأضح
جداً محاولة رجوع بعضهم لكن هنالك شئ ما يحوّل دون ذلك !...

Post: #74
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-04-2018, 01:42 PM
Parent: #73

Quote: -فى النقطة الاول اثار الزميل امين موضع سؤء الادارة
قوانيين المنبر و ادارته و ضعها الاعضاء و ليست بكرى و كل هذا
موجود فى ارشيف المنبر و قد مر المنبر بعدة ادارات


نعم يا ريس، قوانين المنبر وإدارتو تستمد قُدسيتها من الأعضاء
الوضعوها لكنها ليست مُنزلة ...

Post: #75
Title: Re: ليّه الأعضاء الفارقوا المنبر لآمِن يدُوُ�
Author: عبدالحفيظ ابوسن
Date: 06-04-2018, 02:05 PM
Parent: #74

ههه يا ابوالريش اتا هين ،
لكن عاين جلال المسجل 2014 ويتلاطع
احكي ليك نكتة المدير العندو عامل قديم وجديد ورقي الجديد؟
ولا كدة ببوظ البوستي

Post: #76
Title: Re: ليّه الأعضاء الفارقوا المنبر لآمِن يدُوُ�
Author: ABUHUSSEIN
Date: 06-04-2018, 02:12 PM
Parent: #75

ناس 2006 عاملين فيها سناير علي ناس 2009
ناس 2009 عاملين فيها سناير علي ناس 2012
ناس 2012 عاملين فيها سناير علي من بعدهم ...
ناس 2002 مذهولين فاغرين افواههم من الدهشة و قوة عين البرالمة اجمعين ...😂😂😂😂😂

Post: #77
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-04-2018, 03:19 PM
Parent: #76

حفيظ و قسم الفضيل و قباني ...
يا اخوانا أنا بهزر والله في موضوع الاعتذار ده عشان كدا ختيت وش أخضر ذي أسنان بارزات على قول حسن موسى ... و أعلم حسن نواياكم جميعا ...بس في المكان الظالم أهله ده عادي ممكن يجيك زول بعد 10 سنين يقول ليك إنت عملت و فعلت ... عشان كدا قلت أوضح وجهة نظري .
--------------

معاوية الزبير و جلادونا ...
بطلوا الفتن ما ظهر منها و ما بطن
التلاتة الفوق ديل ناس سمحين .... و السمحين (قليلو) !!!

-------------
ود محجوب و درديري ... سلامات يا حلوين و لعلكم بخير ياخي .

Post: #78
Title: Re: ليّه الأعضاء الفارقوا المنبر لآمِن يدُوُ�
Author: عبدالحفيظ ابوسن
Date: 06-04-2018, 03:52 PM
Parent: #77

يعني نمسح الاعتذار ونركبك قناية 😆😆😆
ونلحق معاوية الزبير عود عودين 😆😆

Post: #80
Title: Re: ليّه الأعضاء الفارقوا المنبر لآمِن يدُوُ�
Author: السيد المسلمي
Date: 06-04-2018, 07:23 PM
Parent: #78

سلام علي الجميع ..
عشان الناس تستفيد من البوست دا مفروض نتحلي بقليل من بالشفافية والوضوح .. ونبعد قدر الإمكان من الدغمسة .. عليه أنا بقول إنو فك العضوية من بكري هى سبب مهم جدا في مغادرة السناير هذا المكان .. ودي علة في حد ذاتها .. أصاب بعض البورداب الغرور الإسفيري وأصبحوا في كثير من بوستاتهم لا يردون علي من كان عضوا جديدا .. وإن نزلوا من برجهم العاجي واضطروا للرد فإنهم يردون بسخرية وإستخفاف شديد . هذا بالتأكيد ليس علي عموم الإطلاق . بعداك أي خرخرة بتاعت المنبر بقى شنو وبقى ماظابط دي كلها في ظني مرجعها إنبهال العضوية وغروب شمس الصفوية .
وعلي العموم الناس مفروض تشكر بكري صباح ومساء على هذا العمل الجميل وعلى ماقدمه هذا المنبر للوطن وللمواطنين .

....
تحياتي ياخال ..
ما أظنني بحوجة لأعتذر إليك لأنك بعيدا عن الغرور بكل أشكاله 😁

Post: #81
Title: Re: ليّه الأعضاء الفارقوا المنبر لآمِن يدُوُ�
Author: سفيان بشير نابرى
Date: 06-04-2018, 07:34 PM
Parent: #80

Quote: يا ودو الزول دا فعلاً في البدآية كان بيتلفت زي الطيرة
لكنه وكحالة شاذة إستطاع أن يثبت فهو يُعد ظاهرة مُلفتة للنظر !...

بالله يا ود المدير كلم الفأرة دا ههههههههه

Post: #82
Title: Re: ليّه الأعضاء الفارقوا المنبر لآمِن يدُوُ�
Author: عبداللطيف حسن علي
Date: 06-04-2018, 08:05 PM
Parent: #81

بوست زول شواف ....

يوم غياب واحد مؤثر ، الا المواضيع الفكرية لاتتاثر بالغياب

Post: #84
Title: Re: ليّه الأعضاء الفارقوا المنبر لآمِن يدُوُ�
Author: نعمات عماد
Date: 06-04-2018, 10:18 PM
Parent: #82


سلامات البروف و الجميع
هل لو ذهبنا ، البرالمة كلنا، ( ألقو) سيعود؟ ☺
بما ان نزيف الأعضاء من المنبر قد بدأ في 2012، فإحتمال
ان البعض لم يحتمل التحليلات السياسية المتشائمة بعد إنفصال الجنوب،
فذهبوا للبحث عن عالم جميل في الفيس.

Post: #85
Title: Re: ليّه الأعضاء الفارقوا المنبر لآمِن يدُوُ�
Author: نعمات عماد
Date: 06-04-2018, 11:31 PM
Parent: #84

رمضان كريم باشمهندس بكري
شكراً على كل المنبر و كل شئ.
العضوية التي غادرت، خذلت المنبر و تخلت عن دورها الريادي في التغيير. الواجب كان يقتضي بقاؤهم للعبور بالبرالمة و المنبر الى مصاف أعلى.
مع خالص الإحترام و التقدير.

Post: #86
Title: Re: ليّه الأعضاء الفارقوا المنبر لآمِن يدُوُ�
Author: محمد البشرى الخضر
Date: 06-05-2018, 00:04 AM
Parent: #84

Quote: ناس 2002 مذهولين فاغرين افواههم من الدهشة و قوة عين البرالمة اجمعين ...
ناس 2002 كلّهم ولاّ العندهم مكتبات!
عشان فيهم كرور كدا صاح مسجل بدري لكن يا كافي البلا لا مساهمة لا اضافة لا بطيخ
ما تفرزوا من ناس اول امس
خخخخخخ


عودة لموضوع فقدان الالق أو سبب ابتعاد العديدين
في رايي المسالة ليست مربوطة بدخول كمية كبيرة من الاعضاء الجدد بقدر ما مربوطة بتغيير حدث في مستوى الحوار و التواصل و تلاشي عديد من الخطوط الحمراء في ادارة الخلافات بين الاعضاء اضف لذلك الاستقطاب الحاد و الاصطفاف
وهذا التغيير اي نعم تدريجي لكنه وصل ذروته في فترة معينة قد تكون صادفت دخول كمية من العضوية الجديدة غير معتادة
أنا انضممت للمنبر في 2006 وكان البورد قد مر في سنينه الاولى بمنعطفات حادة وصراعات عنيفة ادت في النهاية لاتفاق الجميع على اعراف و اكواد غير مكتوبة في كيفية ادارة الصراع, و الخطوط الحمراء كانت واضحة, كان الكل بقيف الف احمر ازاء التحقير العنصري و الجندري وما شابه غض النظر عن المواقف السياسية المتباينة
كل البورد كان يرفض ازالة الحاجز بين الحياة الشخصية والتعدي على الخصوصية وبين الصراع السفيري المبني على اختلاف الاراء
حتى الشلليات او الاصطفاف الكان ايامها كان محصور في الحوارات و المواضيع المطروحة واي خروج على النص كنت تلقى شلتك واقرب الاقربين ليك هو من يبدأ بلومك وادانة التجاوز
للأسف شوية شوية بقت الناس تتنازل عن هذه الاكواد و الاعراف, حتى جاءت الطامة الكبرى وهي هجمات الهاكر على المنبر و عمل منبر الهكر البديل الذي للأسف كان فيه عدد من الاعضاء هنا هم من يقودون الاسفاف و الهجوم الشخصي على زملائهم
هذا كان اول - للدقة لنقل أكبر - صدمة أو هزة يتعرض لها البورد و بسببها انزوى الكثير من الاعضاء و ابتعدوا.
بعد هذه التجربة المريرة للأسف لا اريد ان استخدم كلمة "اعتياد" لكن حصل نوع من التساهل مع تجاوز الخطوط الحمراء و التعديات و الشخصنة اضف لذلك الاصطفاف و الشللية اسفرت عن وجه قبيح جدا
صرنا عادي نقرأ الاساءات العنصرية و انتهاكات الخصوصية وبوستات فلان عب و فلان تتي وفلان حرامي وفلان خائن و غيرها من المحرمات وصارت الادانة حسب اللون و حسب المواقف
لكن الاخطر في رايي هو تقبلنا لهذا النوع من مستوى الحوار في الاساس و التعايش معه
هنا في رأيي كانت موجة الانصراف الثانية و الكبيرة عن البورد

المهم .. في النهاية يذهب الزبد جفاء و يمكث ما ينفع الناس.

ملحوظة اغفلت الحديث عن فترة نافذة الفيس بووك وما صاحبها من سقوط و انحطاط رغم انها أدت ايضا لابتعاد عدد مقدر من الزملاء لهم التحية واتمنى صادقا عودتهم.

Post: #98
Title: Re: ليّه الأعضاء الفارقوا المنبر لآمِن يدُوُ�
Author: محمد حمزة الحسين
Date: 06-05-2018, 10:50 AM

اولاً البوست دا ما بنفات ...
ثانياً التحيه للبروف امين نوته ورمضان كريم ....
وبما إنه وكونو بكري شخصيا حايم بي جاي او بي يتاوق دي فرصه ننتهزها ونبارك رمضان
ونقول ليهو رجع لينا الكوته زي ما كانت وبركات رمضان دا ما بترجع طلب انا عارفك...
ثالثاً بركاتك يا ود المدير لز لينا الطلب دا خلي الراجل دا يزيد لينا الكوته قال بختشي من التلفونات ازعجو بالتلفون اوعاك تخليهو ...
رابعاً نقترح كمبادرة لرجوع القماري لي وطنها الرقابه الذاتيه قبل الرقابه القبليه
ياخي حسنو ملافظكم وبيضو نياتكم عشان البورد يرجع لي القو ولن يغير الله ما بقوم حتي يغيروا ما بأنفسهم ...
مافضل ليكم الا تطيروا ود الباوقه ...
خماساً يا جماعه قصة سناير وببرالمه دي ما فوقا حاجه والماعندو كبير حقو راح
من غير ان يقمط أحد رأية أو يستحقر آخر زميله ...
واخيراً كلمة للقداما وجودكم بيننا مهم أهمية هذا المنتدي وانسحابكم منقصه في تقبلكم للآخر
فيا أخوان تعالوا من غير شوفونيا او انهزام او تافف ...
وطولوا بالكم علي من يجنح بالكلام وبكم نسير للأمام ...
:
:
:
:
:
:
:
مع التحيات لله الزاكيات

Post: #99
Title: Re: ليّه الأعضاء الفارقوا المنبر لآمِن يدُوُ�
Author: محمد حمزة الحسين
Date: 06-05-2018, 10:53 AM

اولاً البوست دا ما بنفات ...
ثانياً التحيه للبروف امين نوته ورمضان كريم ....
وبما إنه وكونو بكري شخصيا حايم بي جاي او بي يتاوق دي فرصه ننتهزها ونبارك رمضان
ونقول ليهو رجع لينا الكوته زي ما كانت وبركات رمضان دا ما بترجع طلب انا عارفك...
ثالثاً بركاتك يا ود المدير لز لينا الطلب دا خلي الراجل دا يزيد لينا الكوته قال بختشي من التلفونات ازعجو بالتلفون اوعاك تخليهو ...
رابعاً نقترح كمبادرة لرجوع القماري لي وطنها الرقابه الذاتيه قبل الرقابه القبليه
ياخي حسنو ملافظكم وبيضو نياتكم عشان البورد يرجع لي القو ولن يغير الله ما بقوم حتي يغيروا ما بأنفسهم ...
مافضل ليكم الا تطيروا ود الباوقه ...
خماساً يا جماعه قصة سناير وببرالمه دي ما فوقا حاجه والماعندو كبير حقو راح
من غير ان يقمط أحد رأية أو يستحقر آخر زميله ...
واخيراً كلمة للقداما وجودكم بيننا مهم أهمية هذا المنتدي وانسحابكم منقصه في تقبلكم للآخر
فيا أخوان تعالوا من غير شوفونيا او انهزام او تافف ...
وطولوا بالكم علي من يجنح بالكلام وبكم نسير للأمام ...
:
:
:
:
:
:
:
مع التحيات لله الزاكيات

Post: #100
Title: Re: ليّه الأعضاء الفارقوا المنبر لآمِن يدُوُ�
Author: محمد حمزة الحسين
Date: 06-05-2018, 10:57 AM

اولاً البوست دا ما بنفات ...
ثانياً التحيه للبروف امين نوته ورمضان كريم ....
وبما إنه وكونو بكري شخصيا حايم بي جاي او بي يتاوق دي فرصه ننتهزها ونبارك رمضان
ونقول ليهو رجع لينا الكوته زي ما كانت وبركات رمضان دا ما بترجع طلب انا عارفك...
ثالثاً بركاتك يا ود المدير لز لينا الطلب دا خلي الراجل دا يزيد لينا الكوته قال بختشي من التلفونات ازعجو بالتلفون اوعاك تخليهو ...
رابعاً نقترح كمبادرة لرجوع القماري لي وطنها الرقابه الذاتيه قبل الرقابه القبليه
ياخي حسنو ملافظكم وبيضو نياتكم عشان البورد يرجع لي القو ولن يغير الله ما بقوم حتي يغيروا ما بأنفسهم ...
مافضل ليكم الا تطيروا ود الباوقه ...
خماساً يا جماعه قصة سناير وببرالمه دي ما فوقا حاجه والماعندو كبير حقو راح
من غير ان يقمط أحد رأية أو يستحقر آخر زميله ...
واخيراً كلمة للقداما وجودكم بيننا مهم أهمية هذا المنتدي وانسحابكم منقصه في تقبلكم للآخر
فيا أخوان تعالوا من غير شوفونيا او انهزام او تافف ...
وطولوا بالكم علي من يجنح بالكلام وبكم نسير للأمام ...
:
:
:
:
:
:
:
مع التحيات لله الزاكيات

Post: #87
Title: Re: ليّه الأعضاء الفارقوا المنبر لآمِن يدُوُ�
Author: محمد حيدر المشرف
Date: 06-05-2018, 00:28 AM
Parent: #1

تابعت جزء من البوست ..
ولو في اضافة فسأضيف جزئية غابت عن الذين حاولوا وضع تفسيرات لانحطاط المنبر وضعف مستوى المطروح من المواضيع وأزمة (الحوار) الراهنة

هناك تغيير كبير طرأ على (شخصية السوداني) فعاد:
اقل "سماحة" وثقافة وأكثر قبحا وميلا للانتهاز

Post: #88
Title: Re: ليّه الأعضاء الفارقوا المنبر لآمِن يدُوُ�
Author: يحي قباني
Date: 06-05-2018, 02:51 AM
Parent: #87

Quote: هناك تغيير كبير طرأ على (شخصية السوداني) فعاد:
اقل "سماحة" وثقافة وأكثر قبحا وميلا للانتهاز

آي إيي ...

علي بابا و الاربعين مساعد ...

ازيك يا مشرف ... ان شاء الله بخير ياخي ...

Post: #89
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-05-2018, 03:42 AM
Parent: #88

Quote: تابعت جزء من البوست ..
ولو في اضافة فسأضيف جزئية غابت عن الذين حاولوا وضع تفسيرات لانحطاط المنبر
وضعف مستوى المطروح من المواضيع وأزمة (الحوار) الراهنة

هناك تغيير كبير طرأ على (شخصية السوداني) فعاد:
اقل "سماحة" وثقافة وأكثر قبحا وميلا للانتهاز


يا قول آمنة مختار،
اجي !...

Post: #90
Title: Re: ليّه الأعضاء الفارقوا المنبر لآمِن يدُوُ�
Author: عبدالحفيظ ابوسن
Date: 06-05-2018, 04:54 AM
Parent: #89

كلام مشرف رغم قسوته فيهو جزء من الحقيقة
التعميم بالضرورة خطأ
ولو اخدنا التعميم وفقا للحساب برضو ما صحيح في ظني
في ناس من قبل السلطة متوفرة ليهم الادوات والاموال والحوافز والتأهيل الفني لتدمير المنابر والمنصات التي تنطلق منها الاصوات التي تنادي بالتغيير

Post: #91
Title: Re: ليّه الأعضاء الفارقوا المنبر لآمِن يدُوُ�
Author: هاشم احمد ادم
Date: 06-05-2018, 06:25 AM
Parent: #89

سلام صاحب البوست والمتداخلين
هناك اجماع على تدنى المنبر ، والذى ان دل إنما يدل
على حرص الأعضاء ( والقراء ايضا والذين هم أضعاف العضوية )
وذكرت أسباب ووجهات نظر ولكن فات على الكثيرين اهم سبب
والذى لم يعطى الموقع فرصة النمو الطبيعي كواحد من وسائل
التواصل الحديثة ، وهو الهجمات الشرسة التى تعرضها لها الموقع
تقنيا ، وعندما فشل هذا الاتجاة ، تمت هجمات مدروسة و منظمة
للتقليل من من اثر المنبر وذلك بواسطة ما يعرف social engineering
ويمكن متابعة ذلك من بعد انفصال الجنوب ........ (دا موضوع يمكن فتح بوست
كما عنة )
وأختم بخبر نشر عام 2014 واهم ما فية اخر الخبر .

منقول

http://www.alrakoba.net/news-action-show-id-149863.htmhttp://www.alrakoba.net/news-action-show-id-149863.htm
05-21-2014 03:37 PM | تعليقات : 33 | زيارات : 5544 |
البرلمان يهاجم الإعلام ويتهمه بالتسبب في أزمات البلاد
البرلمان: ابراهيم يونس
شنَّ البرلمان هجوماً قاسياً على الإعلام أمس في جلسته الخاصة بمناقشة تقرير لجنة الشؤون الخارجية حول بيان وزارة الدخلية عن إدائها للعام2013 حيث اتفق معظم المتحدثين من أعضاء المجلس حول الدور الذي يلعبه الإعلام الداخلي في علاقات الدولة الخارجية، إلا أن النائب الفاتح محمد سعيد حمل الإعلام مسؤولية تدهور أوضاع الدولة ووصفه بغير المنضبط، حيث قال كيف يتحدث الإعلام عن الفساد ليهرب منا المستثمرون؟ مضيفاً أن الإعلام بهذه الطريقة سيجعل الشعب يفقد الثقة في نفسه.
وفي قيادته ثم طالب البرلمان بعمل ميثاق شرف مهني يضبط الإعلام. أما الدكتور نافع علي نافع تحدث عن أهمية الاهتمام بالإعلام الإلكتروني وتحدث عن خطورته. وقال لابد من محاربة أبناء الوطن الذين تجردوا من وطنيتهم وصاروا يسيئون لوطنهم عبر الإعلام الإلكتروني. كما يجب أن نفكر في تقليل أثر الإعلام الخارجي علينا بدلاً عن محاربته لأنه لا يحارب.
الوطن

————

التحية لسيد " الحوش "
وأتمنى ان يكثر من الطلات

Post: #92
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-05-2018, 09:02 AM
Parent: #91

Quote: احتمال يا معاوية من تاثير الوسائط الاخرى
مثلا تجربة الكتابة في الفيس تختلف تماما، و أغلب
الاعضاء القدامى فاعلين في الفيس ولهم جمهور كبير، جمهور الفيس يختلف
والتفاعل هناك بالمئات والحميمية اكثر والقيود اقل ، لا توجد عداوات ولا تربص ولذلك يواجهون صعوبات في التأقلم هنا
والله اعلم


كيف يواجهون صعوبات في التأقلُم هنا يا ناصر وهُم من أسسوا هذا المكان ؟!.
معلوم إنو معظم الذين غادروا من الرواد الأوائل غادروا كمجموعة لكن حين
حاول أفراد منهم الرجوع ضلو الطريق داخل بيتهم الذي قاموا بتأسيسه !،
ؤ دا الشي المحيرني !.
نعم تجربة الكتابة في الفيس تختلف، فالكتابة في الفيس شبيهة بالكتابة في
الوآت سآب حيث تفتقر للتحليل والفلفلة والنقاش المستفيض وهذه العوامل
رغم أنها قد تقود للتشاحُن إلآ أنها أيضاً توطِد العلآقات وتغرس الحميمية في
النفوس ...

Post: #93
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-05-2018, 09:16 AM
Parent: #92

Quote: أول شئ المنبر ده فيهو شي عجيب جدا ... مهما تبعد منو بكون في
رابط نفسي عجيب جدا ... حاجة كدا زي الوطن .. مهما يقسو عليك برضو بتحن ليه .

أنا لي تلاتة ولا أربعة سنين ما كتبت هنا و فترات بالشهور ما بفتحو خالص ...لكن دايما
المنبر على البال و لما يكون في نقاش في الفيسبوك عنو تلقى كل الاعضاء السابقين
و الناس المتابعين مشاركين و بعاطفة حقيقية توضح ليك الرابط النفسي ده .


شي عجيّب يا بروف !، كِدا زدتني حيرة علي حيرتي ؤ حيرتني عديييل كِدا !!!.
هو أصلاً في شنو !، أنِفة، كبرياء، تعالي، شعور بالعظمة، رحلة بين طيات
السحاب !!!. إذا كان الناس بتتفاعل في الفيس بوك بهذه الطريقة لآمِن يجيبو
سيرة المنبر ليه ما يجو يتفاعلوا هنا ؟، ليه ما يجو يطرحوا مظلمتهم هنا ؟،
ليه ما يجو يتحاوروا هنا ؟، طبعاً نحن لا نحجر علي الناس في خياراتهم لكن
شئنا أم أبينا عرف الناس المنبر أم جهلوه يظل المنبر نافذة مفتوحة علي
أفراح وأتراح الوطن ويظل هو الأقوى في الطرح ...

Post: #94
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-05-2018, 09:21 AM
Parent: #93

Quote: مشكلتنا الأزلية حتى لمن ننجح في عمل شي جميل
و عظيم زي المنبر ده ... ما بنقدر نحافظ على جمالو و عظمتو !!


طيّب ليّه ؟.
الإجابة ببساطة شديدة جداً لأننا بنخليّه لأبسط
الأشياء وأتفهها ...

Post: #95
Title: Re: ليّه الأعضاء الفارقوا المنبر لآمِن يدُوُ�
Author: ABUHUSSEIN
Date: 06-05-2018, 09:53 AM
Parent: #94

سجن سجن غرامة غرامة ....
في رأي لا زيادة العضوية و لا برالمة و سناير .....
1- تدني لغة الحوار.
2- كثرة الشتايم و الإتهامات المجانية و الأكاذيب التي طالت سمعة الكثيرين فآثر الكثيرين الإبتعاد حتى لا يطالهم الأذى .
3- قوانين المنبر لا تطبق التطبيق العادل و الواضح و المعلن حتى لا يكون فيها ظلم لأحد فالكثيرين يتم إيقافهم أو تحديد مداخلاتهم و لا يعلمون ما هو الخطأ الذي إرتكبوه.
4- عقوبة تحديد المداخلات هي عقوبة للمنبر و ليست للعضو المخطئ !!!!!!!!!!!!!!!


و أهم الأسباب هي منح صاحب (زوووووووووووووووووووط) و (شيل يا بكري شيل) مكتبة أسى ديل عايزات مكتبة ...؟؟؟؟

Post: #96
Title: Re: ليّه الأعضاء الفارقوا المنبر لآمِن يدُوُ�
Author: معاوية الزبير
Date: 06-05-2018, 09:54 AM
Parent: #94

يا مدير.. تشبيه الريس بكري للمنبر بالجامعة ما تهملو ضمن الأسباب
يعني مغادرة المكان بعد فترة من الوقت أمر طبيعي
بعدين الفيسبوك والواتساب أيضا يغادرها الناس لأسباب مختلفة

أنا عارف إنو موضوعك الأساسي مختلف وهو عن:
عدم قدرة العائدين على مواكبة الوضع الذي حل في غيابهم
لكن الناس المتداخلين ما ملتزمين بالعنوان
ده برضو امر طبيعي إنو موضوع البوست الأساسي يتشعب

Post: #97
Title: Re: ليّه الأعضاء الفارقوا المنبر لآمِن يدُوُ�
Author: معاوية الزبير
Date: 06-05-2018, 10:08 AM
Parent: #96

Quote: 4- عقوبة تحديد المداخلات هي عقوبة للمنبر و ليست للعضو المخطئ !!
صاح يا أبو حسين
هسي تطبيق العقوبة دي عليك بتحرمنا منك ومن فنونك وبتحرم الليل والصباح

Post: #101
Title: Re: ليّه الأعضاء الفارقوا المنبر لآمِن يدُوُ�
Author: المسافر
Date: 06-05-2018, 12:11 PM
Parent: #97


فهمي لعنوان الموضوع يتعلق بالعودة وليس المغادرة
واعتقدت ان العمدة المدير يتحدث عن تأقلم العائدين مع بيئة المنبر ( أم هل عرفت الدار بعد توهم )
بل انه كاد ان يضع بين قوسين ( ده ما سلامك ، ولا الكلام الكان زمان )...
بغض النظر عن تشعب مواضيع الحوار في فترة ما واختلاف التخصص كانت هناك متابعة جادة ومستمرة من اغلب الأعضاء مما جعل التواجد الدائم يصب في مصلحة المعارف والمعرفة بالكاتب ومواضيعه وما يضيفه من اضافات او ما يحركه من ذكريات أو على الأقل ما يملك من مقدرات تأثير وقتي او دائم.
هذا التواصل كان الضامن ( لعدم طشاش الشبكة ) والضامن لفهم كافة الرموز والدلالات لما يكتب ولو كان من كلمتين ( نون زول حنون)...
التأقلم في حد ذاته عمليات معقدة تشترك فيها عوامل عديدة ( بريد زولي ) بعض منها خارج عن الإرادة ( صعوبات التخاطب ) والبعض منها مكلف نفسيا لذلك لا نلوم من لي بمقدوره التأقلم وربما نسمح له بتكرار المحاولات طالما لديه الرغبة في التأقلم

وللمشاركة فيما طرح في أسباب المغادرة أعتقد أن هناك اسباب فنية بعض منها خارجة عن إرادة الرئيس بكري ابوبكر ( حتى بعد أن ضارى عينيه بالنضارة )
ومن الأسباب الفنية هي ضعف السيرفر وأمان المعلومات ، وكان السيرفر ضعيف وتم تغييره ولم يكن التغيير يفي بالمطلوب وخاصة أغلب المبدعين كانوا يكتبون مباشرة على المنتدى ويضيع ما كتبوه والبعض يحاول ويكرر ويفقد ما كتب واستمرت هذه المشكلة الفنية طويلا واستمرت المناشدات بالمساعدات
وبعد الأرشفة ربما اضطر القائمين على الإدارة بحذف الكثير من المشاركات وتخصيص مكتبات لحفظ مشاركات بعض الكتاب ( ولو نجح المنتدى في حفظ كافة الأرشيف لما ضاعت بعض المشاركين وحفظت موضوعات آخرين لأن المسرحية فيها ابطال وكومبارس وكلهم بنفس الأهمية)
امان المعلومات كان له اهمية قصوى عند البعض وهو المحك بعد التعرض للتهكير وحصول جهات معينة على المعلومات وملاحقتها للكتاب باسلوب مباشر وشعور البعض بالمهددات وخاصة في البلدان التي من السهولة الوصول إليها بمقايضات معينة
صاحب هذا الضعف الفني اشاعات اطلقت بعناية دقيقة بوجود تفاهمات بينينة تسمح لجهات معينة بصلاحيات ( وتقديم عروض شراء بأربعة ملايين) ( بيع قلبك بيع حبك شوف الشاري مين ) وصاحبها رحلات مكوكية للسودان ومقابلات الفهم منها يقول هناك الكثير من التفاهمات تمت وبموجبها تم دخول خبراء متخصصين ( جداد الكتروني ) اصبح السباحة بينهم مخاطرة ( برده وسط النيل )

ليس السبب هو دخول ناس جدد أو أن القادم الجديد ليس بأهمية المخضرمين لأن المكان كان حافلا بالإبداع وكل منهم يلهم الآخرين ن ورب كلمة تفتح بابا لكتاب يغير مفهوم الكثيرين ورب حديث شخص عن حدث في قرية كساب يقودك لدراسات ومعارف
السبب الأصيل هو أن بعض من القادمين الجدد كان من المتخصصين المنفذين لجندة مخططة بعناية ضد الموقع وطبعا لا يمكن منعهم من النجاح الذي حققوه بمقدرات عالية ( من غير هرجلة )

مع تحياتي
محمد حمد المسافر


Post: #160
Title: Re: ليّه الأعضاء الفارقوا المنبر لآمِن يدُوُ�
Author: طارق جبريل
Date: 06-27-2018, 00:25 AM
Parent: #97

عييييييييييييييييييييييييك
هههههههههههههههههههههههههههههههههههههههههههههههههه

Post: #102
Title: Re: ليّه الأعضاء الفارقوا المنبر لآمِن يدُوُ�
Author: محمد حيدر المشرف
Date: 06-05-2018, 01:29 PM
Parent: #1

قباني والمدير وحفيظ ..
حبابكم عشرة يا اصدقاء
لو كان المراد من التعميم هو ان يصح الحكم على كل فرد .. فده شيء غير صحيح ..

ولكني اعتقد اننا بالحديث عن الشخصية السودانية فاننا نتحدث عن ظواهر سلوكية متفشية ولا تخطئها العين .. هذه الظواهر, وبطريقة مباشرة وحتمية جدا, ستجعل من الشخصية السودانية (ذات جامعة) اقل سماحة وثقافة واكثر انتهازا وضحالة وقبح

ما هو الذات الجامعة كل يتكون من افراد الشعب السوداني .. واية ظواهر سلوكية متفشية ستنعكس علي (الذات الجامعة = الشخصية السودانية) بصورة حتمية


Post: #103
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-05-2018, 04:03 PM
Parent: #102

المدير يا حبنا ...ازيك ياخ
Quote: شي عجيّب يا بروف !، كِدا زدتني حيرة علي حيرتي ؤ حيرتني عديييل كِدا !!!.
هو أصلاً في شنو !، أنِفة، كبرياء، تعالي، شعور بالعظمة، رحلة بين طيات
السحاب !!!. إذا كان الناس بتتفاعل في الفيس بوك بهذه الطريقة لآمِن يجيبو
سيرة المنبر ليه ما يجو يتفاعلوا هنا ؟، ليه ما يجو يطرحوا مظلمتهم هنا ؟،
ليه ما يجو يتحاوروا هنا ؟، طبعاً نحن لا نحجر علي الناس في خياراتهم لكن
شئنا أم أبينا عرف الناس المنبر أم جهلوه يظل المنبر نافذة مفتوحة علي
أفراح وأتراح الوطن ويظل هو الأقوى في الطرح ...
ما بجو يتفاعلوا هنا ...ببساطة لانو الاسباب الخلتهم يمشوا من هنا - بغض النظر عن ماهيتها - ما زالت قائمة !!!
بعدين قصة يظل المنبر هو الأقوى في الطرح ... ده أنا مخالفك فيه تماما .

Quote: e: مشكلتنا الأزلية حتى لمن ننجح في عمل شي جميل
و عظيم زي المنبر ده ... ما بنقدر نحافظ على جمالو و عظمتو !!


طيّب ليّه ؟.
الإجابة ببساطة شديدة جداً لأننا بنخليّه لأبسط
الأشياء وأتفهها ...
لا يا حبيبنا ما لابسط الاسباب و اتفهها ... الناس دي كانت ساكنة هنا تأكل و تشرب و تنوم و تقضي أكتر من نص يومها هنا ... و براك عارف مرضتو .
قرار الطلوع من هنا مر جدا ... لكن الناس وصلت مرحلة الأمر منو عشان كدا طلعوا .. و الناس اسبابها مختلفة .
الارتباط الأنا اتكلمت عنو إرتباط عاطفي و حنين لايام و أوقات طيبة و ما طيبة ذاتو ... لكن الاسباب الخلت الناس دي تطلع - بالنسبة ليهم - ما زالت قائمة .
--------------------
التحيات الطيبات لاختنا نعمات و لاخونا محمد حمزة .

Post: #104
Title: Re: ليّه الأعضاء الفارقوا المنبر لآمِن يدُوُ�
Author: aosman
Date: 06-05-2018, 04:08 PM
Parent: #1

الأخ معاوية, إختلاف الأزمنة ليها دور كبير فيما يحصل لهم والتطور المستمر في الحياة, طبعا بيلقوا أنفسهم مثل أهل الكهف

Post: #105
Title: Re: ليّه الأعضاء الفارقوا المنبر لآمِن يدُوُ�
Author: عثمان الأمام
Date: 06-05-2018, 08:52 PM
Parent: #104

حكى لي صديق انو مرة في محاضر بستف الدفعة كلها وقال ليهم دي أسوأ دفعة مرت بيهم
مما أصاب الدفعة كلها بالحزن بالذات لما صارت الجملة حديث للتندر بين الدفع ووصل الكلام حتى العميد
بعد كم يوم في محاضرة لبروف الضو مختار رحمه الله إبتدرها بسؤال عن ماهي أقدم جملة وجدت مكتوبة في التاريخ؟!
ولما مافي حد جاوب قال أن اقدم جملة فيما ما معناه (أنو ده أسوأ جيل أو أسوأ زمن) أو حليل أيام زمان وناس زمان .

ومرة صديق قال لي ضاحكا" تخيل صديق الكحلاوي كان بغني سنة كم وخمسين اغنية إسمها حليل زمان والحب حلال
ما كان حرام :) يعني برضو كل ما ترجع لي ورا حتسمع نغمة يا حليل زمان !!


بالنسبة لتدني المستوى ولغة الحوار حسب متابعتي أغلب المشاكل والبذاءات بتصدر من عضوية قديمة وحتى المنبر
زمان كان لا يعدي يوم او يومين وما تكون في شكلة قايمة فالموضوع ده من زماااان بل كان أكتر من هسه والأعضاء الجدد
الغالبية المشاركة منهم ما ناس مشاكل.

أما قلة المشاركات والتفاعل ده سببو الرئيسي وسائل التواصل أغلب الأخبار وأحداث الساعة زمان الناس بتستقيها من هنا
هسة أي موضوع بتكون قريتو وناقشتو وشفت وجهات نظر اخرى في حتة تانية لما تجي هنا ما حتلقى حاجة تقولا الا القليل

أما الادارة لو كان زول تاني غير بكري أبوبكر كان المنبر ده اتفرتق قبل 10 سنوات لانو هنا مافي شي بجمع الناس غير الإختلاف
لو وقف عضو يحردوا مية عضو ولو خلى عضو يحردوا مية غيرم !!



Post: #106
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-07-2018, 03:51 AM
Parent: #105

Quote: واخيرا و لست اخيرا المنبر مثل الجامعة
بدخلوا طلبة جداد و بتخرجوا ناس


طيّب يا عمّك ما ترفتنا، نحن من سنة 9 نربِت !
الواحد بقى زي كيجاب .
يا ريّس تشبيهك دا أشتر ؤ لو قراهو وآحد رباطابي بيضحك فيك،
وأظن معاوية الزبير فطن لذلك رغم كوستاويته التي طغت علي
كونه من الرباط ...

Post: #107
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-07-2018, 11:39 AM
Parent: #106

Quote:
سلام

انا في رأي مواضيع المنبر ما اختلفت كتير
اختلفت طريقة وعقلية النقاش
فيما مضى كانت المواضيع تُناقش بجدية وحماس ومشاركة واسعة
علاوة على ثراء الأحداث وبخاصة السياسية والاستقطاب الكان حاصل حيالها
الآن الحالة السياسية فيها ركود
برغم ذلك ما صعب التفاعل والدخول من جديد الرغبة الحقيقية هي المحدد وليس فقط الحنية لهذا المكان


سلام يا حمد .
الجدية الكانت طابع نقاش المواضيع خاصةً السياسية كان يصحبها إعتقاد
بأنه يمكن إحداث تواصل بين المنبر والشارع، أو خلينا نقول إنّو كان في
إعتقاد إنو صوت المنبر مسموع علي نطاق واسع جداً . أما بالنسبة للركود
فنقدر نقول عليهو قهر عصف حتي بالنسبة الضعيفة التي كان يعتقد الأعضاء
أنها نقطة وصل بين المنبر والشارع .
لا حِنيّة ولا رغبة يا حمد بل الخوف أصبح حاجز بين الأعضاء القُدامى والرجوع
للمنبر، الخوف من الفشل لأنهم ضخموا أنفسهم أكتر من اللآزم حتي إعتقدوا
أنهم هم اللذين يستطيعون أن يحركوا الناس كما قطع الشطرنج ...

Post: #108
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-07-2018, 11:46 AM
Parent: #107

Quote: و طبعا جو بعدهم ناس و هكذا ...لكن السؤال ليه
الناس دي ما قعدت عشان الجداد يبقو إضافة ؟!


والسؤال دا يا بروف بيقودنا للسؤال عنوان البوست،
ليّه الناس دي لآمِن حاولت ترجع تعثرت ؟...

Post: #109
Title: Re: ليّه الأعضاء الفارقوا المنبر لآمِن يدُوُ�
Author: عبدالحفيظ ابوسن
Date: 06-07-2018, 12:11 PM
Parent: #108

يا ود اتقطعت عديل كدة
big like
Quote:
الخوف أصبح حاجز بين الأعضاء القُدامى والرجوع
للمنبر، الخوف من الفشل لأنهم ضخموا أنفسهم أكتر من اللآزم حتي إعتقدوا
أنهم هم اللذين يستطيعون أن يحركوا الناس كما قطع الشطرنج ...

Post: #110
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-07-2018, 03:24 PM
Parent: #108

Quote:
Quote: و طبعا جو بعدهم ناس و هكذا ...لكن السؤال ليه
الناس دي ما قعدت عشان الجداد يبقو إضافة ؟!


والسؤال دا يا بروف بيقودنا للسؤال عنوان البوست،
ليّه الناس دي لآمِن حاولت ترجع تعثرت ؟...
لا يا مدير ... الاشو الأساسي في كلامي الكوتو ما ليه لمن يرجعوا بطشوا شبكة !! الاشو الاصلي ...انهم ليه مشوا إبتداء !!!!
مئات - ما عايز أقول الآف - الناس الكانت ساكنة هنا ده ... و من مختلف الاتجاهات الفكرية و القدرات الشخصية و العلاقات الاجتماعية داخل المنبر مشوا و تاني ما جو ... معناتها كانت في أزمة ... السؤال الحقيقي و المنطقي - في تقديري - الازمة دي مكانها وين ؟!! مكانها وين الازمة دي ؟!! ...لانو السؤال ده سابق لسؤالك في البوست ... بل هو سبب سؤالك نفسو ...بمعنى إنو الناس دي لو ما كان مشت ما كان سؤالك ده اتوجد أصلا !
و بالنسبة لسؤالك موضوع البوست : فدا شي طبيعي إنو لو جيت مكان جديد ما بتعرف معظم الناس الفيهو بتطش شوية ... زي لو رجعت حلتكم الزمان و لقيت 80 أو 90% من ناس الحلة رحلوا و جو ناس جداد ... عادي يعني بتطش شبكة شوية و بعداك إنت و ذكائك الاجتماعي لو عايز تخش في الناس دي ولو هم عايزين يتعصروا عليك .
الكلام بتاع "ذواتهم المتضخمة" القلتو و ايدك عليه حفيظ ده مش ما صاح و بس ... ما صاح و فيهو ظلم بين لمئات الاعضاء المشوا .
ياخي ما ممكن قريب الالف نفر من الكانو بكتبو في منبر حوار - أيا كان - و طلعوا خلوه ... يكونو ما عايزين يرجعوا لانهم متضخمي الذوات ...يعني أفهم مثلا 5 منهم ...سبعة ...عشرين ... لكن ما ممكن الكميات دي كلها و بمختلف المشارب زي ما وضحت يكونو متضخمي الذوات عشان كدا ما عايزين يرجعوا !

ال turn over الحصل هنا في السنين الفاتت دي كبير بصورة ما ممكن ترجع سببها لشخصيات الناس الطلعت ... السبب لازم يكون في مكان تاني ... أها مكانها وين دا هو السؤال الاصلي !!!

Post: #111
Title: Re: ليّه الأعضاء الفارقوا المنبر لآمِن يدُوُ�
Author: Nasser Amin
Date: 06-07-2018, 06:15 PM
Parent: #110

يا معاوية، بالنسبة للناس المشت في ظروف اختلفت
ظروف زمان و ناس (شلة،دفعة) والوحيد الثابت ظرف المكان
اللي هو المنبر دا..
الزمن داك (زمنهم) وسائل التواصل ما كانت موجودة او بنفس
الفاعلية، المتنفس الوحيد المتاح هو المنبر ..
الان لمن واحد (فيهم) يتصفح المنبر بيشعر بالغربة
لانو ما بعرف معظم الاعضاء امكن حتى المواضيع المطروحة ما تستهويهم..زي لمن تمشي تزور مدرستك
الثانوية بتلقي المباني ،بس اهم حاجة مافي الشلة و الجو الكان زمان.
البديل و الممكن يلبي رغباتهم الفيس من ناحية اختيار نفس الشلة (الكان زمان) و المرونة في كل شئ...
الكثير من العضوية المشت اصدقائى في الفيس قبل ما اسجل هنا
و شايفهم يمارسون نشاطهم الاسفيري بكل نشاط...
البجي منهم بكون طاشي لانو شاعر بغربة



Post: #112
Title: Re: ليّه الأعضاء الفارقوا المنبر لآمِن يدُوُ�
Author: عبدالحفيظ ابوسن
Date: 06-07-2018, 06:52 PM
Parent: #111

مرحب امين
كلام المدير امكن انا اخدتو واعجبت بيهو آي نعم ، لكن مافي حدتو وتطرفو ذات نفسو
لكنو اثار نقطة استهوتني ، خلتني افكر وكلام المدير كزول معاصر ماباخدو عفو الخاطر
كتنظير عام قلت كلامي في الاول وضربت مثل بمن يسافر ويغيب ثم يعود

Post: #113
Title: Re: ليّه الأعضاء الفارقوا المنبر لآمِن يدُوُ�
Author: muntasir
Date: 06-07-2018, 07:44 PM
Parent: #112

أظن ومالي ذنبٌ غير ظنّ ظننته وفي بعض تصديق الظنون أثام أن المغادرة النوعية لم تكن لسناير أو جناير ولكنها كانت لأحداث المنبر التي تلت أحداث ما بعد وفاة جون قرنق

Post: #114
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-07-2018, 09:59 PM
Parent: #113

Quote: واحدة من أكبر ماخدي عليك في الادارة يا بكري انك غبت تماما من النقاشات دي
لمن كانت بتتفتح بصورة شبه يومية بل كنت بتمسح كتير من بوستات المناقشة
دي في حين انك الزول الوحيد العندو الكلمة فيها ... عشان كدا أي نقاش ما كان
بودي لقدام ... و في الآخر القصة بتبقى العجبو عجبو و الما عجبو يشتت ... ف 80 % أو 90%
من الناس اختارت تشتت ... و طبعا جو بعدهم ناس و هكذا ...لكن السؤال ليه الناس دي
ما قعدت عشان الجداد يبقو إضافة ؟! و ينضاف عليهم ؟! الناس دي كلها مشت من سوء
الادارة و ده كلامهم هم ذاتهم ... النقاش حولين المنبر ده مرة مرة بجي في الفيسبوك زي ما ذكرت .


ما زال بكري يمارس نفس الممارسات الذكرتها في مداخلتك يا بروف أمين
رغم إننا لا ننكر محافظته علي البورد، ولو إلتزم سياسة الأخذ والرد يكون
أفضل .
كِدي إستصحب كلآم قسم الفضيل دا مع الإقتباس الفوق دا عشان نتطرّق
لكل الجوانب،
Quote: أنا في رأيي أنه السبب الرئيسي لمغادرة كتير من سناير المنبر هو (شوفة النفس) والأنانية من جانبهم...
على الرغم من أكثرهم كان مغمورا وساهم المنبر بدرجة كبيرة في شهرتهم وتقديمهم للقراء ...
من ناحية أخرى أعتقد أن كثير من السناير قد غادر احتجاجا على التسجيلات الجديدة في 2013 فكثيرا
منهم راى أنهم اصبحوا أسرة واحدة وما عندهم استعداد لتقبل أعضاء جدد ...
تلقى الواحد فيهم كان فرحان وما صدق الانضمام للمنبر وبعد شوية يعمل ليه رويشات ويحاكي قدلة الطاووس ...


أنا زي ما إتفقت معاك بتفق مع قسم الفضيل برضو في أن
كل ما ذكره حاصل ...

Post: #115
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-07-2018, 10:02 PM
Parent: #114

Quote: بتذكر في بداية انضمامنا للمنبر (لما بكري فتح البلف) :) ، أخونا بروف أمين
فتح بوست وقال فيما معناه أنه المنبر بقى (بيض) واتلموا فيه البرالمة وخلوه يبرر
ويعتذر أنه ما قاصدم ومن ديك الحادثة غادر هو ومعه اخرون ...


لو تحصلنا علي رآبط البوست يكون أفضل لأنوا بيكون
فيهو أكتر من رأي ...

Post: #116
Title: Re: ليّه الأعضاء الفارقوا المنبر لآمِن يدُوُ�
Author: ABUHUSSEIN
Date: 06-07-2018, 10:20 PM
Parent: #115

المنبر طغت عليه السياسة ...
و السياسة جلبت معاها مشاكلها و تكتلاتها و كل مساويها ...
اصبح الاختلاف حرب..
و النقاش قتل ....
و سادت الفاظ قذرة جدا ...
و انتشر اغتيال الشخصية و التهديد بالاكاذيب التي طالت اهلك و زوجتك و بنتك ...
و حتى الطعن في رجولتك كذبا .....
الحاجات دي كلها ما كانت موجودة و كانت بتحدث و قوانين المنبر موجودة و لكنها لم تحاسب جاني و لم تزيل ظلما ....
الذين غادرو المنبر رأو الفارق و آثرو الهروب على البقاء في هذا الجو المحبط ....
زيادة العضوية ليست خطأ او سبب في تدهور مستوى المنبر لكن طغى الخبيث فيهم على الجيد و كانت الكارثة ....
الآن المنبر لو حذفت منه بوستات السياسة حا تلقاه اجمل و افيد ....
تحباتي للجميع

Post: #117
Title: Re: ليّه الأعضاء الفارقوا المنبر لآمِن يدُوُ�
Author: ادم شحوتاي
Date: 06-07-2018, 10:38 PM
Parent: #116

رمضان كريم للاخوة المتداخلين جميعا وكل الاعضاء وشكرا للبروف امين والف مرحب بالرئيس بكري بوست موفق وجاء متاخر بعض الشيء

Post: #118
Title: Re: ليّه الأعضاء الفارقوا المنبر لآمِن يدُوُ�
Author: نعمات عماد
Date: 06-07-2018, 10:42 PM
Parent: #116

السلام عليكم

يا جماعة البروف أمين ، مشكوراً، " في أزمة..... و مكانها وين؟ "، السناير غادروا بسبب الأزمة، و نحن البرالمة متوهطين وسط الأزمة....حاشانا تخانة الجلد. مطلوب من السناير مساعدتنا في تحديد سمات الأزمة ! حتى نعالجها.
المعنى يا سناير عودوا و لو مؤقتاً لنرى ما ترون ، او ترون ما نرى.
سلام يا أخ muntasir
شكراً لمشاركة نفس وجهة النظر بخصوص تأثير إنفصال الجنوب .

Post: #119
Title: Re: ليّه الأعضاء الفارقوا المنبر لآمِن يدُوُ�
Author: نعمات عماد
Date: 06-07-2018, 10:45 PM
Parent: #118


SORRY
سقطت كلمة قال من السطر الأول.

Post: #120
Title: Re: ليّه الأعضاء الفارقوا المنبر لآمِن يدُوُ�
Author: يحي قباني
Date: 06-07-2018, 11:28 PM
Parent: #119

Quote: الكلام بتاع "ذواتهم المتضخمة" القلتو و ايدك عليه حفيظ ده مش ما صاح و بس ... ما صاح و فيهو ظلم بين لمئات الاعضاء المشوا .

صاح ياخ و موجودين و ليهم فِقره ...

غايتو انا بعرف كم واحد من ناس المتضخمة ديل ...

ياخ متضخمة لامن الكلام بقى من نوع ( نَحْنُ ) الملك فاروق ...

يا بروف ياخ ما يكون جنك غلات بس ههههه

Post: #121
Title: Re: ليّه الأعضاء الفارقوا المنبر لآمِن يدُوُ�
Author: نعمات عماد
Date: 06-07-2018, 11:42 PM
Parent: #120


عزيزي القارئ
في مداخلتي فوق ( نحن) تعود لجماعة البرالمة . و ليس لها علاقة ب
( نَحْنُ )الأنيقة المتضخمة حقت قباني، و الله من وراء القصد. و شكراً.
سلامات ملك الأناقة مسيو قباني.

Post: #122
Title: Re: ليّه الأعضاء الفارقوا المنبر لآمِن يدُوُ�
Author: محمد البشرى الخضر
Date: 06-07-2018, 11:49 PM
Parent: #121

برلومة وين يا نعمات وانت من 2014! باقي ليك سنة وتتخرجي
برلومة دي ناس تسجيلات 18 ناس الجديد شديد و الحصري فقري ولا شنو كدا

Post: #123
Title: Re: ليّه الأعضاء الفارقوا المنبر لآمِن يدُوُ�
Author: يحي قباني
Date: 06-07-2018, 11:58 PM
Parent: #122

Quote: عزيزي القارئ
في مداخلتي فوق ( نحن) تعود لجماعة البرالمة . و ليس لها علاقة ب
( نَحْنُ )الأنيقة المتضخمة حقت قباني، و الله من وراء القصد. و شكراً.
سلامات ملك الأناقة مسيو قباني.

ههه ... حاشاك من التضخم يا دكتورة ...

و بس كتلتيها ... ياها ( نَحْنُ ) الخاصة بأنيقي المنبر الزمان ...

Post: #124
Title: Re: ليّه الأعضاء الفارقوا المنبر لآمِن يدُوُ�
Author: نعمات عماد
Date: 06-08-2018, 00:01 AM
Parent: #122

Quote: باقي ليك سنة وتتخرجي

الشر بره و بعيد.
يا ود البشرى في بداية البوست ذكروا ان 2012 هي الخط الفاصل
بين الألق و اللا ألق . يعني من 2012 و حتى 2018، كلو محصل بعضو.

Post: #125
Title: Re: ليّه الأعضاء الفارقوا المنبر لآمِن يدُوُ�
Author: نعمات عماد
Date: 06-08-2018, 00:17 AM
Parent: #124


الله يطمنك يا باش م قباني 🍀
و دا ☺ وقع من مداخلة ود البشرى.

Post: #126
Title: Re: ليّه الأعضاء الفارقوا المنبر لآمِن يدُوُ�
Author: محمد البشرى الخضر
Date: 06-08-2018, 10:47 AM
Parent: #125

Quote: بداية البوست ذكروا ان 2012 هي الخط الفاصل
بين الألق و اللا ألق .
ديل مواهيم ساي ما تشتغلي بيهم
عمرو الالق ما ارتبط بتواريخ تسجيل, ولا كان جماعي, ياهو ابو حسين من 2002 القاية واحدة ما شفناها ليه!
بحصل بجي واحد بي القه وما شرط متى تاريخ تسجيله يتألق و يفوت و بخصل عادي واحد تمر عليه فترة الق كدا يتألق و تنتهي و يرجع عادي

بمناسبة باقي ليك سنة وتتخرجي شايفك قلت الشر برة وبعيد خلاص غيرتها لباقي ليك سنة وتكوني سينير كامل الدسم
معقولة كدا

Post: #127
Title: Re: ليّه الأعضاء الفارقوا المنبر لآمِن يدُوُ�
Author: ABUHUSSEIN
Date: 06-08-2018, 11:31 AM
Parent: #126

Quote: ياهو ابو حسين من 2002

عارف دا الحاميك الغمدة يا ابو مكتبة ... 😂😂😂😂

Post: #128
Title: Re: ليّه الأعضاء الفارقوا المنبر لآمِن يدُوُ�
Author: نعمات عماد
Date: 06-08-2018, 12:22 PM
Parent: #127

سلام توم and جيري
☺😊
Quote: باقي ليك سنة وتكوني سينير كامل الدسم
معقولة كدا

شكراً يا محمد البشرى ، لكن خايفة من (التضخم) 🙃
ماف خيارات؟ ☺

Post: #129
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-09-2018, 12:14 PM
Parent: #128

Quote: بوست أوسكار يا مدير


تُشكر يا زول يا سمِح ...

Post: #130
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-09-2018, 12:21 PM
Parent: #129

Quote: اسفين يا ود المدير لاحتلال موضوعك انشاء ما عندكم سقط


سقط ويّن !، اليومين ديّل سخانة تلحم يا ريس .
البوست ؤ موضوعوا هدية ليك يا ريس، بس أهمّ
شي إنت تواصل حتي تثري النقاش، وإعتبر البوست
كرسي ساخن ...

Post: #131
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-09-2018, 12:24 PM
Parent: #130

Quote: ليش يا باشمهندس ما تجذب بعض
الأقلام المتميزة للكتابة هنا بمقابل مادي شهري؟
القصّة كلها بزينس وكليكات وكدا


هذا سؤال موجّه من المستنير للريس بكري .


عن نفسي لا أحب الكتابة مدفوعة الأجر خاسةً في زماننا
هذا فهي ليست صادقة ...

Post: #132
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-09-2018, 12:30 PM
Parent: #131

Quote: سلام للجميع،
بوست جميل وهادف
ليه يا بكري مادام في تحديات تواجهها المنابر من جراء وسائل السوشيال
ميديا، ليه ما تفتح بوست لتسمع آراء الأعضاء وأفكارهم لمواجهة هذه التحديات؟
المنبر دا فيهو عقول نيرة ومفكرة و ح يفيدوا الموقع باقتراحات هم
والناس تناقش الاقتراحات وتجرب، والأرضة جربت الحجر
مثلاً قبل كدا اقترحت عليك نعمل انتخابات بالأحزاب في هذا المنبر
وصدقني كل الناس ح ترجع للتصويت لناسها
ويكون المنبر وطن من لا وطن له بحق وحقيقي
وممكن برضو تعمل تطبيق باسم المنبر المواكبة


ألف شكر يا النذير .
نشوّف لو الريس يجي يجاوب ويفيد بخصوص سؤالك
وإقتراحك أخي النذير ...

Post: #133
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-09-2018, 12:41 PM
Parent: #132

Quote: مافي آلية لتنفيذ القوانين دي غير رأيك و فهمك إنت و دي المشكلة كلها !!
المنبر ده ما ممكن يدار بزول واحد و إلا ح يكون في فوضى تخلي المكان ده طارد ...
ده غير انك - كأي زول فينا - عندك أصحاب و ناس معصور عليهم ببقو فوق القانون ...
و بخلق جو بتاع عدم عدالة بالذات في مكان فيهو مشاكل و استقطابات شديدة زي هنا .


يا بروف مافِ شك السُلطة التنفيذية لآمن تكون في يد شخص واحد بيحصل
خلل نسبةً لأنّ هذا الفرد مهما بلغ من مراتب العدل فهو في الآخر بشر ونفسه
مهما كانت صارمة قطعاً سوف تميّل .
هذا لا يعني أنّ مقاطعة المكان خطأ كبير جداً، وسوء الإدارة وآحد من الأسباب
التي أدّت إلي الإنسحاب وهي كثيرة بدأت تظهر شيئاً فشئ ...

Post: #134
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-09-2018, 12:49 PM
Parent: #133

Quote: يا بكري الكلام ما مقصود حرفيا ... يعني يوم ما بمعنى أربعة و عشرين ساعة ...
و الف ما بمعني واحد اتنين تلاتة لحدي الف ... لكن أنا بؤكد على صحة كلامي لانك في فترة
بسيطة جدا ( ربما أيام ) نزلت كمية كبيرة جدا من الأعضاء الجداد ( متذكر فيهم أيمن أبوعجاج لانو شاكلني )
.و كانو مسمينهم البرالمة .ناس كتار طلعوا الوقت داك لانو فجاءة كدا البرالمة بقو قدر أو أكتر من الاعضاء القدامى ...


خُد عندك يا بروف دا وآحد من الأسباب التي أدّت لمغادرة بعض الأعضاء !.
كونوا إنّو عدد البرالمة يكون قدُر أو أكبر من عدد السناير هل تفتكر دا سبب
وجيّه عشان الناس تحرد ؤ تغادر !؟.
أنا إفتكر دي طنقعة من ناس كانوا بيفتكروا الموقع دا مِلِك ليهم ؤ ما مفروض
يكون فيه زول غيرهم ...


Post: #135
Title: Re: ليّه الأعضاء الفارقوا المنبر لآمِن يدُوُ�
Author: نعمات عماد
Date: 06-10-2018, 00:29 AM
Parent: #134


انسلام عليكم يا معاوية المدير

لو في أزمة، ح يكون السبب خبراء تشتيت جهود البورداب،
و هم جماعة تخصصوا في فتح بوستات مثيرة للجدل، بوست
وراء التاني، بهدف صرف نظر القارئ عن المشاكل الحقيقية التي
يواجهها السودان . و هولاء المشتتون يزداد حماسهم كلما أنسحب
أحد البورداب النشطاء، يعني هدفهم تخريب المنبر حتى يخلوا لهم وحدهم.

Post: #136
Title: Re: ليّه الأعضاء الفارقوا المنبر لآمِن يدُوُ�
Author: محمد البشرى الخضر
Date: 06-10-2018, 05:53 AM
Parent: #135

لست من انصار نظرية المؤامرة على المنبر يا دكتورة
فلا المنبر منصة حزبية أو صفحة ذات خط أو اتجاه واحد حتى يخربه مناوؤوا هذا الخط
ولا انظر لبوستات الأعضاء بعين المؤامرة أو بفهم أن لها اغراض خفية غير ما كتبت لأجله
لكن الأهم من ذلك أن المنبر ليس هو الواجهة الوحيدة التي تعكس وتناقش مشاكل السودان فيتم تخريبها بغرض صرف نظر القارئ, كم قراء المنبر في ظني لا يتجاوزون الألف و اغلبهم خارج السودان في حين صفحة مثل "وصف لي" مثلا فيها ما لايقل عن تلاثين الف عضو ومن داخل السودان - الأرقام تقديرية.
و انسحاب أي عضو قي النهاية أمر و تقدير شخصي, عدد من غلاة الكيزان ومؤيدي الحكومة ايضا مختفين ومقلين في الكتابة مثلا محمد حامد جمعة و علاء الدين صلاح بالسنين ما كتبوا
الموضوع لا علاقة له بالسياسة أو التخريب المنظم, ربما مكن نقول في فترات ما تجري محاولات سيطرة وفرض اتجاه و مضايقة البعض زي ما حصل ايام نافذة الفيس و حملات استهداف اعضاء بعينهم
لكن هذا لا يرقى لتسميته بمؤامرة او تخريب


Post: #137
Title: Re: ليّه الأعضاء الفارقوا المنبر لآمِن يدُوُ�
Author: محمد عبد الله الحسين
Date: 06-10-2018, 08:00 AM
Parent: #136

ود المدير و صحبه الابرار
تحية طيبة
اعتقد المنبر بطبيعته فيه كل الأنواع من البشر. فيه الناس الظريفين و فيه الناس التقيلين و فيه الناس القيافة و فيه الناس ‏اللئيمين

و فيه الناس الطاعمين و المسيخين و المتفلهمين و فيه الناس المابيعجبهم العجب و لا الصيام في رجب و ديل ‏هم سبب المشاكل..
و فيه الناس العايزين يظهروا و يخالفوا ليُعرفوا.. و سبحان الله كل أنواع البشر موجودين معانا..‏

الشيء التاني كتابة موضوع ما في المنبر بيعتمد على مزاج الشخص في لحظات معينة و في اهتماماته..في زول دمه ‏خفيف خلقة زي عثمان موسى رغم إني ما بعرفه لكني شعرت بظرافته..‏

برضه فيه ناس جادين بيطرحوا موضوعات سياسية و عندهم خط واحد و واضح ..و ديل ما بتاعين لف و لا دوران..‏

فيه ناس بيدخلوا المنبر عشان يفضفضوا و الا يتونسوا ...و ده من حقهم..

في ناس بيلفحوا أي خبر و يجوا جارين بيه للمنبر...؟؟؟

المهم اعتقد إنه يجب ان نقبل الجميع بكافة اختلافاتهم لأنه تركيبة المنبر كده..‏
إن شاء الله ما أكون طلعت من الموضوع..‏
مودتي ‏

Post: #138
Title: Re: ليّه الأعضاء الفارقوا المنبر لآمِن يدُوُ�
Author: معاوية الزبير
Date: 06-10-2018, 08:13 AM
Parent: #137

Quote: لست من انصار نظرية المؤامرة على المنبر يا دكتورة
فلا المنبر منصة حزبية أو صفحة ذات خط أو اتجاه واحد حتى يخربه مناوؤوا هذا الخط
ولا انظر لبوستات الأعضاء بعين المؤامرة أو بفهم أن لها اغراض خفية غير ما كتبت لأجله
اتفق معاك يا ود البشرى إنو المنبر ما عنده تأثير كبير داخل السودان
لكن متأكد تماما إنو الأنظمة العربية بعد ثورات الربيع العربي
التفتت لخطورة منصات التواصل الاجتماعي
ونظام الإنقاذ كرّس جهودا كبيرة للسيطرة على هذه المنصات ومنها منبر سودانيز
لذلك لا استبعد أن يكون للأمنجية دور في تشتيت الكورة هنا

Post: #139
Title: Re: ليّه الأعضاء الفارقوا المنبر لآمِن يدُوُ�
Author: محمد البشرى الخضر
Date: 06-10-2018, 08:34 AM
Parent: #138

اذا كان كدا يا ود الزبير يبقى الأمنجية إمّا مخترقين غلاة معارضي و مناضلي الكيبورد أو مجنّدهم واحا ما جايبني خبر
ششن كدا ممكن احسب ليك خرتمية من المغادرين في الفترة الأخيرة بسبب اساءات وتعديّات مناضلين - أو محسوبين على النضال - سواء بوجوههم الحقيقية أو بطرحة من وراء حجاب الفيس بوك!

Post: #140
Title: Re: ليّه الأعضاء الفارقوا المنبر لآمِن يدُوُ�
Author: معاوية الزبير
Date: 06-10-2018, 08:40 AM
Parent: #139

أخشى ان يأتي يوم ويكشف لنا التاريخ مفاجآت بأسماء الأمنجية
إن شاء الله يوم فضحهم ما يجي

Post: #141
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-10-2018, 12:46 PM
Parent: #140

Quote: بالنسبة للحساب و كانو مسجلين كم و بقو كم ده أنا ما
بعرفو ..لكن كونو المنبر فقد بريقو و القو بصورة لافتة فدي ما عايزة كلام .


أنا والله بصرآحة النقطة دي تب ما واقعا لي !، والناس ما عندهم تفسير
لحكاية المنبر فقد ألقو ؤ بريقو دي، والعبارة دي ما قاعدين يزيدوا فوقا حرف
بس الوآحد يجي يقول المنبر فقد ألقو ؤ بريقو ؤ لو بالغ يزيد لمعانوا ؤ
يخليك مشحّط عويناتك ؤ مقهي ؤ يفوّت ...

Post: #142
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-10-2018, 12:50 PM
Parent: #141

Quote:
أول حاجة إنت و معاوية الزبير ما تشكروا لينا معاوية المدير ده ولا بوستو ...
البوست باهت و بدون طعم و لو ما بكري جاء رد على كلامي ...كان بكون
تعيس تعاسة شديدة


وحات الله اب صلعة مُو خاتي عليك ...

Post: #143
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-10-2018, 12:56 PM
Parent: #142

Quote: والله يا امين ما تعيس و مبسوط اخر انبساط و بحضر فى المسلسل الاسرائيلى
فوضىFauda لانو الايام دى نزل منو الجزء الثانى انصحك وانصحك الجميع بمشاهدته
لانو دراما واقعىة و بصورة محايدة للصراع العربى الاسرائيلى و المقاومة الفلسطينية


يا بروف أمشي أحضر المسلسل ...

Post: #144
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-10-2018, 12:59 PM
Parent: #143

Quote: حبيبنا بكور موضوع المقابل المادى داير ليه شركات و ناس تقال ذى الجزيرة
نت و جدى ميرغنى و سعد العربى بتاع الجمال قريب نافع وبكرى اخوك دها زول على
باب الله لكن الواحد بقول الحمد لل ه وبشكر فضله


طيّب يا ريّس ما تستفيد من بكوّر دا
هو زاتو ما بتاع جُمال ...

Post: #145
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-10-2018, 01:03 PM
Parent: #144

Quote: أنا ما عارف حركة السيرفا دي بيقسوها كيف.
لكن في مؤشرات كتيرة تانية ممكن تتأخد كأدوات لقياس فعالية سير المنبر و تحقيقه للأهداف المرجوة منه.
في الفترة من 2007 إلى 2013 كانت الأرشفة ربع سنوية.. مقارنة بآخر ارشفة كانت مدتها حوالي سنتين.

مدخل أرشيف الربع الاول للعام 2011م
الفَتْرَة ما بين (28 ديسمبر 2010م) و(31 مارس 2011)
عدد صفحات الإرشيف 132 صفحة
عدد الأيام 93 يوم
بمعدل 1.42 صفحة في اليوم

المنبر العام الآن
تاريخ الافتتاح 18 اكتوبر 2017
عدد الصفحات 80
عدد الأيام 229 يوم
بمعدل 0.35 صفحة في اليوم.


شكراً يا حافظ بشير .
تقريباً دا أوّل توضيح بشأن البريق واللمعان ...

Post: #146
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-10-2018, 01:06 PM
Parent: #145

Quote: و هذا احقاقا للحق ...


يا سلام عليك يا بتاع الحق يا حقوقي إنت،
إبن حلال والله ...

Post: #147
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-10-2018, 01:08 PM
Parent: #146

Quote: ده متين ده ؟

ايام ملاسي كان بكتب عن رقيص العروس ؟


مِياها دي أيام الألق والبريق واللمعان إنت كمان ...

Post: #148
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-10-2018, 01:12 PM
Parent: #147

Quote:
الفكرة شنو مثلا ؟
استعادة العضوية القديمة؟
ولا
استعادة ألق المنبر ؟
ولا الحد من اشتراك اعضاء جدد ؟


الفكرة إنو العضوية القديمة لآمن تجي عشان تعيد للمنبر ألقو
الوآحد بيلقى نفسو زي الضبانة الراشنها بالفِليّت زنننننن بيلِف
حوالين نفسو ؤ يدُق الدلجة !!!، ليّه ؟...

Post: #149
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-10-2018, 01:29 PM
Parent: #148

Quote: من الصعب جدا الحكم على الحاجات الزي دي بهذه الحدية: قبل وبعد
الأمور متداخلة، الكعب والزين موجود الآن و زمان
لكن الملاحظ إنو التجاوزات بالمنبر زادت في السنوات الأخيرة
بسبب زيادة عدد الأعضاء والمواضيع وتناقص السيطرة أو فقدانها عديل
و دا أمر منطقي بدون حساسيات (تقرأ أيضا حسابات) قديم وجديد

الزول الجديد في مكانٍ ما، سيجد نفسو "قديم" في مكانٍ آخر في فترةٍ ما

بعدين اللغة زاتا توسعت خاصة السالب منها
الشتايم كانت محدودة والنبذ معروف
هسي فاره دي شنو؟


طيّب يا معاوية كلآمك دا مفهوم جداً ؤ منطقي، لكن هل نقدر نقوّل
الأعضاء القدامى هنا بعد أن قضوا فترة غيابهم دي كولها أصبحوا قدامى
في الفيس، وعندما حاولوا الرجوع هنا شعروا بنفسهم جُداد عشان كِدا
طشو شبكة ؟!، طيّب إذا أفترضنا كِدا بنجي نلقى أعضاء كرت كرتونة لكن
ما شا الله كأنهم ليهم طُرشمية سنة، علي سبيل المثال تماضر الطاهر
و ناصر أمين ؤ نعمات عماد هههه .

سؤال عن معني فارة أكبر دليل علي إنّك فارة ...

Post: #150
Title: Re: ليّه الأعضاء الفارقوا المنبر لآمِن يدُوُ�
Author: محمد البشرى الخضر
Date: 06-11-2018, 05:39 AM
Parent: #149

Quote: أخشى ان يأتي يوم ويكشف لنا التاريخ مفاجآت بأسماء الأمنجية
إن شاء الله يوم فضحهم ما يجي
رحم الله الراحل جادات ووسّع مرقده!
كتب من قبل انه يعد لكتاب ح يكسّر الدنيا لكن يومه كان أسرع, اكيد البعض تنفّس الصعداء

Post: #151
Title: Re: ليّه الأعضاء الفارقوا المنبر لآمِن يدُوُ�
Author: نعمات عماد
Date: 06-11-2018, 06:37 AM
Parent: #150


سلام معاوية ( الأثنين) و البشرى و البروف و الضيوف الكرام

البروف مشى وين؟
يا ود المدير جزء من المشكلة، ان معنى الألق تغير .... ما ياهو الألق الزمان طبقاً لما يطلبه المشاهدون.
يا محمد البشرى كيف خطر ببالك ان الدجاج يملك الذكاء الكافي لصنع نظرية مؤامرة؟ قلنا low scale vandalism
عليك الله يا ود البشرى امش شوف نظرية المؤامرة الماسونية الصهيونية في بوست توفيق .
المهم انه اؤمن على ان المنبر به كل الألوان، مع ان الديكتاتورية كاتمة نفسنا يوميا و بحاول ممثلوها كتم نفسنا هنا، يعني نتنفس ليكم كيف؟
شكراً يا ود المدير على الإطراء و وضعي في مقام ناس هاجر و ناصر.
رحم الله جادات رحمة واسعة و ادخله فسيح جناته.
في إنتظار عودة البروف أمين، إحس بأنه يخفي مفاجأة 😮 .

Post: #152
Title: Re: ليّه الأعضاء الفارقوا المنبر لآمِن يدُوُ�
Author: محمد البشرى الخضر
Date: 06-11-2018, 06:46 AM
Parent: #151

Quote: امش شوف نظرية المؤامرة الماسونية الصهيونية في بوست توفيق .
إلّا كان بعد العيد يا نعمات
دي العشر الأواخر! ما بقدر على توفيق ورمضان الاتنين سوا

Post: #153
Title: Re: ليّه الأعضاء الفارقوا المنبر لآمِن يدُوُ�
Author: معاوية الزبير
Date: 06-11-2018, 10:06 AM
Parent: #152

طيب شوف موسوعة عبد الوهاب المسيري
"اليهود واليهودية والصهيونية"
أيهما أقصر

Post: #154
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-12-2018, 11:48 AM
Parent: #153

Quote: النتفق اول في فقدان البريق وقبل نتفق نحدد البريق زاتو قاصدين بيهو شنو
وبعدها النشوف الاسباب


كلام زيّن يا حفيض ...

Post: #155
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-12-2018, 12:40 PM
Parent: #154

Re: المنبر واخد شكل الحمروني !!Re: المنبر واخد شكل الحمروني !!
هههههههههههههه،

بُناءً عليهِ نقوم نسمي النكبة دي نكبة 2013
أو نكبة آذار أو نكبة برمهات أو أزمة مارس
شهر الكوارس ...

Post: #156
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-13-2018, 11:40 AM
Parent: #155

Quote: عن نفسي بحب المنتديات أكتر من الفيس والواتس وغيرهم...
وهو حب لكل ما هو عتيق..والكتابة فيها وثقت لأشياء جميلة بمجهودات
مقدرة نعود لمدارستها كلما مللنا المنقووول والنكات التي لا تُضحك.


سلامات يا تماضر .
العتيق يظل عتيق ؤ فيهو الدِهِن، فالمنتديات كزهرة الروض
لا تُضارع شكلآ، والكتابة فيها قطعاً لا تشبه الكتابة في غيرها
فالبراح الذي تمنحه المنتديات للكاتب كي يندآح لا تستطيع
غيرها من الوسائط توفيره، لذلك الذين فارقوا المنبر تدهور
مستواهم وإنحطّ إلي مستوى كتابة الفيس والوآت فأصبح
من الصعب عليهم الإرتقاء مرةً أُخرى، وإفتكر الفرق أصبح
وأضح بين الإرتقاء والإنحطاط .
عندنا خالنا الله يرحمو كان بيقول، البيقيف بيقعُد ...

Post: #157
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-13-2018, 11:47 AM
Parent: #156

Quote: ياخ انا اذكر واحده قالت لي اول ما جيت هنا بعد عصرت عليها شوية ... انت لازم تعرف كيف تخاطب الاقدم منك هنا .!!!
أتذكر قلت ليها خلاص نكلم عمو بكري يعمل لينا منبر صغير نتمرن فوقو بالاول ... بعدين يصعدونا ...
كمان يا بروف كان هناك فهم انو العضو الجديد دايماً شافع و صغير في السن ... و ده فهم غريب جداً ...


عشان كِدا يا قُبة الرجوع صعب ومحاولة الرجوع بتعمل طشاش والشبكة
بتطِش لأنوا التوقُعات بتكون كبيرة قبل قرار العودة وكمية الإحباط بتكون
أكبر بكتيّر عند العودة . فرق كبير بين تتوقع يفرشوا ليك البساط اللحمر ؤ
تجي تلقى نفسك غرقان في الفرناغة .
والله صحي ...

Post: #158
Title: Re: ليّه الأعضاء الفارقوا المنبر لآمِن يدُوُ�
Author: أمين محمد سليمان
Date: 06-13-2018, 10:54 PM
Parent: #157

يسأل منك الخير يا نعمات ...
اختفيت والله انشغلت ... بعدين ياخي ود المدير بعد ما دفنا و شلنا الفاتحة و رفعنا ذاتو جاء بدأ من أول و جديد

Post: #159
Title: Re: ليّه الأعضاء الفارقوا المنبر لآمِن يدُوُ�
Author: معاوية المدير
Date: 06-14-2018, 11:59 AM
Parent: #158


Quote: بعدين ياخي ود المدير بعد ما دفنا و شلنا
الفاتحة و رفعنا ذاتو جاء بدأ من أول و جديد


يا بروف حا نبدأ بعد العيد إن شاء الله ...

Post: #161
Title: Re: ليّه الأعضاء الفارقوا المنبر لآمِن يدُوُ�
Author: جلالدونا
Date: 06-27-2018, 00:43 AM
Parent: #159

هههها
مرحب بيك طارق جبريل ... نيابة ... عن نفسى و .... اصالة .... عن صاحب البوست
Quote: عييييييييييييييييييييييييك
هههههههههههههههههههههههههههههههههههههههههههههههههه

دخلة معتبرة و ضحكة فى وكتها تماما
آن للبروف ان يمد رجليه حتى يستغيث