Post: #2 Title: Re: زيت السمسم السودانى يصل امريكا:فرصة لكل ا� Author: يحي قباني Date: 04-27-2018, 03:54 AM Parent: #1
موجود في كندا من كم سنة ...
حقيقة زيت ممتاز ...
لا يقارن بالصيني و غيره ...
الموجود عندنا معبآ حديثا ... و الفول بزيت السمسم غير ،،. 😉
Post: #3 Title: Re: زيت السمسم السودانى يصل امريكا:فرصة لكل ا� Author: سفيان بشير نابرى Date: 04-27-2018, 04:05 AM Parent: #2
يا يحي خذ الكتاب بقوة.... اها بيلفق مع سلطة الدكوة!؟
Post: #4 Title: Re: زيت السمسم السودانى يصل امريكا:فرصة لكل ا� Author: يحي قباني Date: 04-27-2018, 04:15 AM Parent: #3
Quote: يا يحي خذ الكتاب بقوة.... اها بيلفق مع سلطة الدكوة!؟
خطير يا سفيان ...
و العجب مع باقي الكسرة البايتة مع سلطة بالطماطم و الشطة الخدرا...😋
و الآجمل انه تعبئة جديدة ما فوقه اَي مرار في الطعم ...
و أديك سر ... لانه هنا مرات بقطع من السوق ... تجيب كوتّك و الفريزر ... بقعد معاك شهور .. تخيل لمو فوقه الصينيين و بقو يكابسو معانا ... و العراقيين كمان بس ما عارف سببهم شنو ؟
Post: #5 Title: Re: زيت السمسم السودانى يصل امريكا:فرصة لكل ا� Author: معاوية الزبير Date: 04-27-2018, 07:50 AM Parent: #4
سببهم يكونوا عايزين يتمسحوا بيهو ياخي زيت الزيتون ده جابوهو في القرآن الكريم سمسم شنو كمان! نوستالجيا ساكت منّنا
Post: #6 Title: Re: زيت السمسم السودانى يصل امريكا:فرصة لكل ا� Author: Asim Fageary Date: 04-27-2018, 07:58 AM Parent: #5
و العجب مع باقي الكسرة البايتة مع سلطة بالطماطم و الشطة الخدرا
سلام يا ناس السمسم
يا يحيى قباني .. قصدك رقائق الذرة الجافة (البايتة) مع مكعبات الطماطم الطازجة وزبدة الفول السوداني والفلفل الأخضر الحراق الطازج وزيت السمسم
ياخي دي وجبة كاربة
Post: #7 Title: Re: زيت السمسم السودانى يصل امريكا:فرصة لكل ا� Author: يحي قباني Date: 04-27-2018, 08:46 AM Parent: #6
سببهم يكونوا عايزين يتمسحوا بيهو ياخي زيت الزيتون ده جابوهو في القرآن الكريم سمسم شنو كمان! نوستالجيا ساكت منّنا
و انحنا زيت سمسمنا جابوهو عثمان علي و مدني صالح ...
Post: #8 Title: Re: زيت السمسم السودانى يصل امريكا:فرصة لكل ا� Author: عبدالغني محمد الحاج Date: 04-27-2018, 11:23 PM Parent: #7
برضو ممكن لو لقينا موزعين نرسل ليكم صابون فنيك أصلي
Post: #9 Title: Re: زيت السمسم السودانى يصل امريكا:فرصة لكل ا� Author: Sudany Agouz Date: 04-27-2018, 11:35 PM Parent: #7
الأخ الحبيب يحى قبانى ..
سبحان الله فى توارد الخاطر .. أنا دخلت عشان انزل الأغنية الخالدة " " يا سمسم القضارف " .. لفيتك منزلها ..
لكن قلت برضو نتلاقى فى الأغنية مع إختلاف الأداء .. وها هى عاشه الفلاتية .. يا حليل الزمن الجميل .. والسودان القديم ..
Post: #10 Title: Re: زيت السمسم السودانى يصل امريكا:فرصة لكل ا� Author: زينب محمد عبدالله Date: 04-28-2018, 03:25 AM Parent: #9
سلام يا كرام نحن ما بنستعمل غير زيت السمسم الاصلى بتاع العصارة ( زيت الولد) اخضر جميل له رغوة يسر الناظريين فى سفرتى للسودان احضرت باقة متوسطة الحجم استعملتها بحذر لكنها خلصت وخلتنى فى حيرة من امرى هههههه احيانا استعمل زيت الزيتون مع الفول على مضض
