ما هى بدائل الإغتراب في السعودية ـ بوست لتقديم العون والمشورة ؟؟

11:09 AM March, 06 2018 سودانيز اون لاين
محمد علي البصير-ـ الرياض ـ السعودية
مكتبتى


بعد أن اصبح مغادرة الأراضي السعودية أمراً حتمياً لكثير من الأسر السودانية وغيرها ، وقد غادر بالفعل كثير من هذه الأسر و شرع عدد مهول في وضع حد لأطول فترة أغتراب يعيشها البعض ــ أصبح هاجس البديل يؤرق منام الجميع .

كثير جداً من الأسر السودانية التي جعلت من المملكة وطن بديل نزلت عليها القرارات الإقتصادية الأخيرة كالصاعقة ـ والجمتها المفاجأة لعدم وجود أي ترتيبات للإستقرار في السودان وأهمها عدم وجود المأوى .

حتى في حال توفر السكن ـ إلا أن عدد من الأسر لا ترغب في العودة للسودان وهى تعيش درجة عالية من التوجس و الخوف على مستقبل الأبناء في ظل الظروف الحرجة التي يعيشها السودان وغلاء المعيشة والوضع الكارثي في كل مجالات الحياة ــ ولذلك شرع الكثيرون في البحث عن بدائل أخرى .

اتجه التفكير مباشرة لدول مثل ( كندا ، أمريكا ، أستراليا ـ أسكندنافيا ) ونسبة قليلة نحو دول الإتحاد الأوروبي الأخرى ـ بل أتجه أخرون لدول مثل اثيوبيا ـ بينما استقر راي صديقنا عضو البورد خ. س. أ. على الأستقرار في مصر ـ وكنا نتبادل معه الأراء قبل ايام في قروب بورداب الرياض .

هذا البوست قد يكون سبباً في أيجاد مخرج لكثير من الأسر التي تواجه ظروف قاسية وقد وجدت نفسها في مأزق عدم توفر بلد تستقر فيه للعيش الكريم والحصول على لقمة العيش وتعليم الأبناء ــ فلذلك نتوسم خيراً في إخوتنا المهاجرين بتقديم معلومة مؤكدة ، لعلها تعين هذه الأسر في أيجاد مخرج .

أتوجه بالأسئلة للأخوة المقيمين في الدول أعلاه :

هل لازالت هناك فرص سانحة للهجرة للدول التي يقيمون فيها ؟ ( أستراليا ـ كندا ـ أمريكا ـ نيوزيلندا ، أسكندنافيا ـ دول الأتحاد الأوروبي) ؟
لو كانت الإجابة بنعم
ما هى الإجراءات المطلوب أتباعها للحصول على فرص الإقامة في هذه البلدان
هل تتوفر فرص العمل ؟
هل تسمح قوانين هذه الدول بالسفر اليها ومن ثم السعي للحصول على إقامة ؟
أي معلومات أخرى يروا أنها مفيدة وذات جدوى .
طرح أي أسئلة يرى اعضاء المنبر أهميتها لتقديم العون لهذه الأسر في الحصول فرص هجرة جديدة




يارب فرج كربة وطننا السودان

يارب نسأل عقابا رادعا عاجلا للبشير وكل من يشارك في نظام حكمه ومن يدعمه ومن يسانده
يارب عليك بهم أنهم لا يعجزونك
يارب فرق جمعهم وشتت شملهم وانتقم منهم انتقاماً مزلزلاً بحجم الجرائم التي ارتكبوها بحق الوطن والمواطن

وبقدر الأموال التي نهبوها من المال العام
يارب أدر عليهم دائرة السؤ وخد منهم مظلمة أي جائع في أرض الوطن واي مريض عجز عن الحصول على الدواء ، وبحق كل مظلوم قطعوا رزقه
يارب دمرهم بحجم الدمار الذي لحق بالوطن على يديهم
وبحجم البؤس والشقاء والفقر والمعاناة التي يعيشها أهل السودان اليوم

يارب عليك بهم أنهم لا يعجزونك ، يارب ارنا فيهم عجائب قدرتك

أنك سميع مجيب

ـ
تصويب :

في السطر التاسع ـ الصحيح ـ عدد من الأسر
السطر رقم 20 ـ الخطاء ماذق ـ الصواب مأزق

شكرا ود البصير والبوست مهم خالص خالص
وندعو الله ان يفك كرب أهلنا المساجين فى سجن
كبير اسمه السودان .
ويسقى المجرمين من كؤوس الذل والهوان

كتب عبد الله حسين :
ـ
شكرا ود البصير والبوست مهم خالص خالص
وندعو الله ان يفك كرب أهلنا المساجين فى سجن
كبير اسمه السودان .
ويسقى المجرمين من كؤوس الذل والهوان


تسلم أخي عبد الله
حقيقة عدد كبير من الأسر يعيش درجة عالية من القلق على المصير المجهول الذي ينتظرهم
بعد أن أصبح سودان البشير طارداً لأبنائه بهذا القدر

quoteأي معلومات أخرى يروا أنها مفيدة وذات جدوى .quote

كما نأمل إفادتنا عن الأشغال التى تسوتعب الأعمار ما فوق الستين (if any)

ود البصير إزاي الحال

كتب وليد طه :

كما نأمل إفادتنا عن الأشغال التى تستوعب الأعمار ما فوق الستين (if any)

ود البصير إزاي الحال


أهلين الحبيب وليد طه

سؤال وجيه ـ فبعض أرباب هذه الأسر تجاوز الــ60

عودة المغتربين ستكون صعبة في البداية لكنها حتما ستؤثر بشكل ايجابي في توفير فرص عمل جديدة ...خبرات كثيرة لدي المغتربين ..طموحات اكبر ..وتجارات اعمق ..والسودان بلد الفرص ..لو صنيت اضانك من كل مايتعلق بالسياسة والحكومة ...
لا اقول لك انه لاتوجد فرصة في مكان اخر في العالم ولكن عموما حسب خبرتي المتواضعة بلدك افضل مكان ترجع له ..

كتب محمد إبراهيم
عودة المغتربين ستكون صعبة في البداية لكنها حتما ستؤثر بشكل ايجابي في توفير فرص عمل جديدة ...خبرات كثيرة لدي المغتربين ..طموحات اكبر
..وتجارات اعمق ..والسودان بلد الفرص ..لو صنيت اضانك من كل مايتعلق بالسياسة والحكومة ...
لا اقول لك انه لاتوجد فرصة في مكان اخر في العالم ولكن عموما حسب خبرتي المتواضعة بلدك افضل مكان ترجع له ..

تشكر أخي محمد إبراهيم

الأسباب لا تحصى ولا تعد التي جعلت الإستقرار في السودان بوضعه الحالي خيار مستبعد تماماً
والسوابق على قفا من يشيل
عدد كبير جداً من أهلي ومعارفي ممن سافروا نهائيا من المملكة وحينما كان الوضع افضل من الوضع الحالي
عادوا مرة أخرى للإغتراب هنا

فيهم من أستلم مستحقات نهاية خدمة تقارب ال200 الف ريال

السودان ليس طارداً للإنهيار الإقتصادي فحسب
ولكن للظلم المقنن والإستهداف المكشوف

يارب فرج كربة وطننا السودان

يارب نسأل عقابا رادعا عاجلا للبشير وكل من يشارك في نظام حكمه ومن يدعمه ومن يسانده
يارب عليك بهم أنهم لا يعجزونك
يارب فرق جمعهم وشتت شملهم وانتقم منهم انتقاماً مزلزلاً بحجم الجرائم التي ارتكبوها بحق الوطن والمواطن

وبقدر الأموال التي نهبوها من المال العام
يارب أدر عليهم دائرة السؤ وخد منهم مظلمة أي جائع في أرض الوطن واي مريض عجز عن الحصول على الدواء ، وبحق كل مظلوم قطعوا رزقه
يارب دمرهم بحجم الدمار الذي لحق بالوطن على يديهم
وبحجم البؤس والشقاء والفقر والمعاناة التي يعيشها أهل السودان اليوم

يارب عليك بهم أنهم لا يعجزونك ، يارب ارنا فيهم عجائب قدرتك

أنك سميع مجيب

الملاحظ ان الانقاذ هي الحيطة القصيرة لكل من تعرض لمعضلة في حياته
اوعي يجي واحد يقول لي انت جداد اللكتروني
اولاً من هم معرضون للهجرة المعاكسة في هذه الايام
لم يهجروا السودان في عهد الانقاذ، بل كان الامر قبل ذلك بسنين في عهد نميري وعهد الديمقراطية الثالثة
واللوم الحقيقي يقع على كاهل من اختار السعودية او دول الخليج قبلة له
فمن خلال التجارب المعاشة وتحديداً من ١٩٧٧ حتى ٢٠١٧ أي مرت اربعون عاماً من الهجرة على اناس ساهموا مساهمة فاعلة في بناء حضارة ورقي تلك الدول من وضعها السابق إلى ما هي عليه الان
ليس من السودان فحسب، ولكن من كل بقاع الدنيا
فانظر كيف يتم جزاءهم .
ولا احد يرفع قلمه او صوته ليدين هذا المسلك القبيح الذي لا يتماشى وقيم الانسانية دعك عن قيم دين حنيف يحكي لنا عن قصة اليهودي العجوز ويراه امير المؤمنين عمر بن الخطاب يتسول في الشارع باحث عن رزقه.
فالسعودية ودول الخليج اكلت اعمار المقتربين وشبابهم وقوتهم وثاقب فكرهم حتى تجشأت
ولما تقدم بهم العمر واصبحوا في حاجة لرعاية الدولة لفظتهم من فمها كما يلفظ من أكل طعاماً مراً
وصدق محمد عبدو حين قال :
ذهبت إلى فرنسا فوجدت اسلاماً ولم اجد مسلمين
وعدتُ لمصر فوجدتُ مسلمين ولم اجد اسلاماً
لا اريد ان اتحدث عن تجربتي الشخصية ووالله وتالله عندما كنت بسفارة قطر بالخرطوم في النصف الثاني من السبعينات كنا نسفر للجيش والشرطة طائرات خاصة (جارتر) وذهب كل العالمين معي بالسفارة إلى قطر وبقيت انا كالسيف وحدي
ولم تراودي نفسي بالهجرة التي كانت على قفا من يشيل لاي دولة خليجة
فهؤلاء القوم لا يعرفون الوفاء ، ولا اعني هنا انهم خونة، ولكن اعني انهم لا يقدرون جهد المرء عندما تحين ساعة استحقاقه
وهذا هو الان جزاء كل من اغترب في السبعينات او الثمانينات من القرن الماضي للملكة فجزاؤه هو جزاءه

( طرد بصورة غير مباشرة لانه اصبح شخصاً غير مرغوب فيه Persona non grata)

الملاحظ ان الانقاذ هي الحيطة القصيرة لكل من تعرض لمعضلة في حياته
اوعي يجي واحد يقول لي انت جداد اللكتروني
اولاً من هم معرضون للهجرة المعاكسة في هذه الايام ....................................
......................................
ـ

شكراً الأخ علي الكنزي على المداخلة

نحن لسنا معنين بما اشرت له

موضوع البوست هو تقديم العون لأسر فرض عليها مغادرة الأراضي السعودية ووتطلع للهجرة لدول عرفت بفتح ابوابها للمهاجرين

أي معلومة في هذا الخصوص مرحب بها

أي تفاصيل اخرى غير مرحب بها حتى لا يخرح البوست عن سياقه

في إنتظار مداخلات الأخوة السودانيين المقيمين في :

( كندا ، أمريكا ، أستراليا ـ أسكندنافيا ـ دول الإتحاد الأوروبي ، نيوزيلندا وغيرها )

أفيدونا عن مدى إمكانية الهجرة للدول التي تقيمون فيها ؟

الاخ محمد علي البصير
شكراً لردك وانت تقول:

Quote: كراً الأخ علي الكنزي على المداخلة نحن لسنا معنين بما اشرت له موضوع البوست هو تقديم العون لأسر فرض عليها مغادرة الأراضي السعودية ووتطلع للهجرة لدول عرفت بفتح ابوابها للمهاجرين أي معلومة في هذا الخصوص مرحب بها أي تفاصيل اخرى غير مرحب بها حتى لا يخرح البوست عن سياقه

لهذا ارجو ان لا تسمح لغيري بلعن السودان ومن يحكمها واللعن لا يجوز في الدين
اما الهجرة إلى الدول الغربية فما اظنها بالامر اليسير وإن كانت هي سلاح ذو حدين
لانه منا كثيرون قد هاجروا الغرب
(فاغتربوا) زي واحد هنا في المنبر قال : ليس لديه مانع ان تمارس ابنته الجنس بعد بلوغ الثامنة عشر
واللبيب بالاشارة يفهم ُ
اقصر الطرق هو السعي للحصول على تاشيرة سياحية بغرض العلاج السياحة الدراسة او اي شئ ومنها طلب اللجوء السياسي
وهو ما يعرف في الغرب اللجوء الاقتصادي تحت ما يسمى بالسياسي
وعلى ما اعتقد فهناك دول تقبل الهجرة اليها إذا كان لدى الفرد مالاً يريد استمثماره فيها
ولكن يبقى الطريق القصير هو العودة لارض الوطن والعودة للجذور
واسأل الله التوفيق للجميع فقد قال تعالى:

(.... قالُوا فِيمَ كُنْتُمْ قَالُوا كُنَّا مُسْتَضْعَفِينَ فِي الْأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا ..) .. فاله

في إنتظار مداخلات أخوتنا المهاجرين

في إنتظار مداخلات أخوتنا المهاجرين

معليش يا محمد
انا مفتكر المنبر دا عندو برتوكول
لكن واضح ان هذه الميزة ليست لدى كل الاعضاء
يا اخوي القيتو مني انا والله لن تجد ١٠٪ مما وجدت عندي
انا اديتك النصحية عديل كدا دون لف او دوران
ثم ازيدك من الشعر بيتاً
انا من المهاجرين إلى اوربا عندما كان السوداني والجنية السوداني بيساوى دهب
جاءتني تاشيرة العمل في يوليو 1979 وانا في الثوةرة الحارة ٧
شفتا كيف والسوداني كان كيف والسودان كان كيف،
يعني انا من عمداء المهاجرين إلى اوربا
لهذا اسمعها مني قبل ان تسمعها من غيري
ووداعاً
شوف كان تاني اجي معتب على طرح منك
واقدم اعتذاري
لانو الناس في زماننا هذا توجعهم الحقائق ويحبون ان يعيشوا الاحلام
وهي الاحلام بقروش؟
وعدتُ لبدي في سن المعاش الاختياري والحمدلله رب العالمين

ود البصير سلامات ..

محتاجين فعلاً لبوست زي دا .. ومشاركة من الإخوة المقيمين في الدول المناسبة للهجرة المذكورة أعلاه ،،

تسجيل حضور ومتابعة

من عنده عيال

احسن ارجع السودان عديل و اكابس مع الناس

الهجره لاوربا و الغرب و دخول سيستم حياه جديد امر صعب و معقد جدا

قد يتطلب الامر تنازلات كتيره و امر اخر الغرب ليس جنه رب العالمين فهو محفوف بمخاطر و الفشل و النجاح صنوان

الخيار صعب و احلاهما مر و الظلام دامس بس علي الاقل الوجود وسط الاهل و لا الغربه في بلد الماديات

الزول البمشي الغرب احسب حسابات كتيره و البرجع السودان حسابات اكثر

بخصوص موضوع البوست ، هجره رسميه مافي امشي و اكسر فيزا

و فوق الستين سنه ده موضوعه بايظ

الفرج في السماء و ليس الارض

و لم يغلب عسر يسران

ان مع العسر يسرا ، ان مع العسر يسرا

الفرص في الغرب للهجره كتيره بس الدروب مشربكه و كل دوله بنظامها

و دمت

ود البصير سلامات ..

محتاجين فعلاً لبوست زي دا .. ومشاركة من الإخوة المقيمين في الدول المناسبة للهجرة المذكورة أعلاه ،،

تسجيل حضور ومتابعة


تسلم سامر دوشة

من عنده عيال

احسن ارجع السودان عديل و اكابس مع الناس

الهجره لاوربا و الغرب و دخول سيستم حياه جديد امر صعب و معقد جدا

قد يتطلب الامر تنازلات كتيره و امر اخر الغرب ليس جنه رب العالمين فهو محفوف بمخاطر و الفشل و النجاح صنوان

الخيار صعب و احلاهما مر و الظلام دامس بس علي الاقل الوجود وسط الاهل و لا الغربه في بلد الماديات

الزول البمشي الغرب احسب حسابات كتيره و البرجع السودان حسابات اكثر

بخصوص موضوع البوست ، هجره رسميه مافي امشي و اكسر فيزا

و فوق الستين سنه ده موضوعه بايظ

الفرج في السماء و ليس الارض

و لم يغلب عسر يسران

ان مع العسر يسرا ، ان مع العسر يسرا

الفرص في الغرب للهجره كتيره بس الدروب مشربكه و كل دوله بنظامها

و دمت


تشكر الأخ الزبير على المداخلة

نحن بصدد تمليك الأسر الحقائق المفرح منها والمحبط
أن وجد مفرح حقاً
ومن ثم يتم إتخاذ القرار

تعالوا راجعين السودان، فرص استثمار واسعة، الأبناء حا يتأقلموا بسرعة. رغم المعاناة، السودان هو الافضل.

ـ
تعالوا راجعين السودان،
فرص استثمار واسعة،
الأبناء حا يتأقلموا بسرعة.
رغم المعاناة، السودان هو الافضل.


أشكرك الأخ عبد العظيم مكي

أين فرص الإستمثار التي تقول عنها واسعة

هل يمكن أن تحدد لنا نماذج ؟

وتفيدنا بمزيد من التفاصيل عن هذه الفرص ؟

سلامات يا حبيبنا ود البصير
في البداية نسأل الله أن يجبر بخاطر كل الإخوة والأخوات الموجودين في السعودية الذين يشعرون بالقلق والخوف على مستقبلهم ومستقبل أبنائهم. يا حنان يا منان يا متعطف يا رؤوف يا رحيم ويا مبديا برحمته قبل سؤال السائلين.

أما رأيي الشخصي فهو فيما قاله الأخ الزبير بشير.

ياسر

سلام محمد حاليا يجب تسفير العائله فورا الاستمرار فى العمل اذا كانت هنالك امكانيه. البحث عن الفرص المتاحه للاولاد الكبار او. العائل حتى ٢٠٢٠اقصى تكلفه للمقيم تكون لديك تقارير العائله وتقارير الفرص المتاحه

سلامات يا حبيبنا ود البصير
في البداية نسأل الله أن يجبر بخاطر كل الإخوة والأخوات الموجودين في السعودية الذين يشعرون بالقلق والخوف على مستقبلهم ومستقبل أبنائهم.
يا حنان يا منان يا متعطف يا رؤوف يا رحيم ويا مبديا برحمته قبل سؤال السائلين.

أما رأيي الشخصي فهو فيما قاله الأخ الزبير بشير.

ياسر


تسلم أخي الحبيب د. ياسر

نحترم رائك ــ وأكيد بني على مشاهدة ومعايشة كثير من المواقف وتجارب أسر مهاجرة عانت الأمرين

حشد أراء وتجارب من لا يشجعون هجرة الأسر يمكن أن يساهم في تغيير قناعات البعض ، وهذه فائدة نستهدفها من وراء هذا البوست

الأخ محمد علي البصير
في تقديري صعوبة الأمر في الموضوع هو كيفية الدخول إلي الدول الغربية, وهو شيئ ليس بالسهل ويحتاج إلي تخطيط لفترة طويلة وتجهيز المتطلبات الخاصة بها وقصة اللجوء رغما أنها أصحبت صعبة جدا يظل مربط الفرس كيفية الدخول إلي الدول الغربية. بالنسبة للجوء الإقتصادي هذا يحتاج إلي مبلغ ضخم وبتخيل لي لو عندك ليهو في الغالب ما بتحتاج أنك تهاجر أو بمعنى آخر ما حتفكر في الهجرة, والشيئ المهم معظم المغتربين ما أظن يكون عندهم المبلغ ده متوفر.

والآن بالنسبة لمعظم المقيمين في السعودية وخاصة الذين يعملون في القطاع الخاص الأمر أصبح طارئ جدا جدا ولا يحتمل الإنتظار أوالتأخير, خاصة أصحاب الأسر, والحالة تزداد أهمية بزيادة أفراد الأسرة, لذلك الخيار الأفضل الآن هو العودة إلي السودان وخاصة بالنسبة لأفراد الأسر من زوجة وأبناء وبعد داك تحاول تفكر ليك في هجمة مرتدة,, يعني الآن الخطة تكون دفاعية بحتة لأنه هنالك أهداف دخلت في مرمانا ولابد من التعادل أولا ثم التفكير في كيفية كسب المباراة.

أسمع قصة الفلسطيني ناصر النابلسي آدناه وهو متورط في السعودية



طبعا ناصر ده براهو ورط نفسه, السعودية أدت فرصة للأجانب للمخارجة أكثر من مرة, في البداية كانت الحكومة السعودية بتتكفل بترحيل الأجنبي, في المرة الثانية منحت فرصة للراغبين في المخارجة مع تحمله تكاليف السفر بدون فرض عقوبات وفي المرحلة الثالثة طبقوا نظام الرسوم.

طيب هو ليه ما إستغل كل الفرص الماضية لمن يلقى نفسه في ورطة؟ من المسؤول؟

سلام محمد حاليا يجب تسفير العائله فورا الاستمرار فى العمل اذا كانت هنالك امكانيه. البحث عن الفرص المتاحه للاولاد الكبار
او. العائل حتى ٢٠٢٠اقصى تكلفه للمقيم تكون لديك تقارير العائله وتقارير الفرص المتاحه


عليكم السلام أخي عمردهب

أتفق معك في ما ذهبت اليه

أعتقد أن فرص الهجرة في الوقت الراهن أصبحت محدودة جداً

ولكن بالطبع رأي الشخصي لا يمثل رأي أسر كثيرة لازال يحدوها الأمل في هجرة جديدة
والذهاب للسودان خيار مستبعد تماماً بالنسبة لها

Quote: سلام محمدعلي والاخوه المتداخلين موضوع مهم جدا البيفكر يمشي اوربا من دول الخليج عموما بيكون عرض اولاده للدمار ده لو كان الهدف اصلا البيقول ليك عشان العيال العوده للسودان هي الملاذ الاسلم لكل ذي اسره كما قال احد الاخوه ارسل اولادك واقعد انت كابس باقي التكابسو والحقهم الناس عملت البشير والحكومه مسمار جحا وعاوزين يعيشو عمرهم كلو مهاجرين؟؟؟ لو عاوز تقارن نفسك بالمقيمين اصلا في اوربا وامريكا فلا مجال للمقارنه بطفل ولد وتربي في امريكا والتاني مولود وتربي في السعودية والله انا ماعارف بلدنا دي الماشي يبنيها منو؟؟ استهدو بالله وكل واحد يرسل وليداتو بالعندو والماعندو في النهايه ياهو السودان والذي لم يتغير ولم ولن يتغير اهله وشيلو من راسكم بعبع كيزان وبشير وحكومه وكلام المعارضه الفشنكي الماجايب همو ده بالله ناس رمو عيالوم في الهند. اها ده كلام ده؟؟؟؟ وناس مشت تركيا لبحث الاوضع هناك لتسفير عوائلهم رجعو وخسرو قريشاتوم ساي استهدو بالله وختو الرحمن في قلبكم واحفظو وليداتكم ولن تندمو

Quote: الخيار صعب و احلاهما مر و الظلام دامس بس علي الاقل الوجود وسط الاهل و لا الغربه في بلد الماديات

صح لسانك يالختمي

الأخ محمد علي البصير
في تقديري صعوبة الأمر في الموضوع هو كيفية الدخول إلي الدول الغربية, وهو شيئ ليس بالسهل ويحتاج إلي تخطيط لفترة طويلة وتجهيز المتطلبات الخاصة بها وقصة اللجوء رغما أنها أصحبت صعبة جدا يظل مربط الفرس كيفية الدخول إلي الدول الغربية. بالنسبة للجوء الإقتصادي هذا يحتاج إلي مبلغ ضخم وبتخيل لي لو عندك ليهو في الغالب ما بتحتاج أنك تهاجر أو بمعنى آخر ما حتفكر في الهجرة, والشيئ المهم معظم المغتربين ما أظن يكون عندهم المبلغ ده متوفر.

والآن بالنسبة لمعظم المقيمين في السعودية وخاصة الذين يعملون في القطاع الخاص الأمر أصبح طارئ جدا جدا ولا يحتمل الإنتظار أوالتأخير, خاصة أصحاب الأسر, والحالة تزداد أهمية بزيادة أفراد الأسرة, لذلك الخيار الأفضل الآن هو العودة إلي السودان وخاصة بالنسبة لأفراد الأسر من زوجة وأبناء وبعد داك تحاول تفكر ليك في هجمة مرتدة,, يعني الآن الخطة تكون دفاعية بحتة لأنه هنالك أهداف دخلت في مرمانا ولابد من التعادل أولا ثم التفكير في كيفية كسب المباراة.

أسمع قصة الفلسطيني ناصر النابلسي آدناه وهو متورط في السعودية

طبعا ناصر ده براهو ورط نفسه, السعودية أدت فرصة للأجانب للمخارجة أكثر من مرة, في البداية كانت الحكومة السعودية بتتكفل بترحيل الأجنبي, في المرة الثانية منحت فرصة للراغبين في المخارجة مع تحمله تكاليف السفر بدون فرض عقوبات وفي المرحلة الثالثة طبقوا نظام الرسوم.

طيب هو ليه ما إستغل كل الفرص الماضية لمن يلقى نفسه في ورطة؟ من المسؤول؟
ـ

شكراً الأخ عثمان

المعادلة صعبة للغاية

الهجرة للغرب مغامرة تحفها كثير من المخاطر ولكن العيش في السودان أصبح جحيماً لا يطاق

البحر أمامكم والعدو خلفكم

السلام عليكم
أولاً قبل الرجوع الزول البخلي بالو هنا وهناك دا هو البفتش تاني للرجعة وبيفشل هناك
ثانياً نصيحة لكل الأخوة الراجعين من المهجر الى السودان
أمش من هنا وانت غاسل وشك من الغربة نهااااائي .. طالما عندك أسرة .. لكن لو عذابي ممكن تفكر في أي مخرج تاني
نمرة اتنين
ما تخش في أي عمل ينصحوك بيهو .. مااااااا تخش في أي بزنس أو شراكة ولا تكشف كل أوراقك حتى لأقرب الأقربين إليك
حول قروشك لي دهب أو دولار أو ريال وأدفسا في أي حتة وأقعد سنة كااااملة اشتغل بي إيدك في المجال البتعرفو
المجااااال شنو ؟؟ المجال البتعرفو تخصصك يعني .. أعرف كل شيء عنه .. أحذر من تجارة العربات أحذر منها وأي عربية يجيبوها ليك السماسرة ما تقرب منها
لو ضروري تشتري عربية اشتريها بعد ستة شهور أو سبعة شهور ..
والله اتذكر تجربة أخوي جايي راسو لافي من السعودية دخلوهو في تجارة عربات ... وقايض وبيع واشتري لامن في النهاية طلع بي تلفزيون وتلاجة

ما تدخل ولادك في مدارس غالية وتعمل فيها مغترب لسع .. لا دا وضع اتغير وما تفكر إنو حتستمر بي نفس الوضع السابق
وإنو قروشك قاعدة وبتمشيك .. لا والله .. بتنتهي بأسرع مما تتخيل
مصاريفك تطلعا من الشغل القلتو ليك قبيل داك.. نعم حتكون قليلة وما بتكفي .. مهما تكون قليلة حاول برمج نفسك وأسرتك عليها
ولو سكنت في الأقاليم الوضع بكون أسهل بالنسبة ليك

ولو إدعيت إنك مفلس ومعدم حتعرف الناس أكتر مما تدعي إنك مروق ومغترب ..
مافي داعي للنفخة والجخ وتتكلم بي لهجة مختلفة .. يعني ما تمشي لي سيد الدكان تقولو عطني صرف .. العيال رايحين المدرسة
وأحذر من كلمة بقالة .. دكاااااان .. نعم ، والحليب دا إياهو اللبن الزمان داك .. وما بختلفن .. الروب ولا الزبادي واللبن الرايب ديل حاجة تانية .. لكن اللبن إياهو الحليب ذاتو
ما تقول لي بتاع الركشة روح يا شيخ من هنا .. وتفخم الراء .. طوالي مشوار 50 جنيه بعملوا ليك 200 جنيه

اسكن في بيت واسع سواء كان حقك أو إيجار ..
تحاول تخلي منصرفاتك أقل ما يمكن
والبيت الواسع دا ذاتو ممكن تستغلو في توفير مصدر دخل لأسرتك .. لابد أن تتحول أسرتك لأسرة منتجة
عشان ما تعيش بنسبة 40% من الوضع الكانو عايشين فيهو هنا : مكيفات ومشاوير وتسويق والولاد دايرين ايسكريم وشوكلاته وحاجات زي دي
ما تسمع كلام المرا وتقولك ما بنفع معاي الجداد ولا السخانة بتعمل لي جيوب انفية
ولا عندي حساسية ضد الجداد والغنم
اعمل قفص جداد وخت فيهو 250 جدادة بياض جااااهزة .. تقريباً بمبلغ زهيد جداً وجيب لهن الأكل وأقرأ في النت دي عشان تعرف مشاكل الجداد شنو والحمام شنو
أعمل حوضين تلاتة في البيت وجيب لك قلاب واطات بحر .. جيب عمال يدخلو معاك الواطة دي وانت ذاتك اشتغل معاهم
اعمل ليك أربعة خمسة حيضان .. أزرع الملوخية والبامية والجرجير والنعناع والبصل الأخدر وأي شي..
ما بتعرف ما مشكلة .. بتتعلم .. خلي ولادك يساعدوك حتى الصغار وأغرس فيهم الروح دي
دي ذاتا بتخفف عليك مشاكل الخدار المتوفر في السوق .. المتدني الجودة والملان لغاويس ما أنزل الله بها من سلطان
لو قدرت جبت لك عنزين تلاتة للبن تكون اكتملت دائرة الإنتاج في بيتك .. من دقنو وفتلو ..
رقد الدقيق ودقيق القمح والدخن .. انعصرت خلي المرا تعمل عصيدتا .. ولا قراصتا براها ولا فطير

ما تهبش قروشك إلا تتأكد من مشروعك الداير تعملو .. ودراسة الناس أهم من دراسة السوق .. الناس الفي المجال
حوم معاهم وأعرف أي شي واشتغل بي إيدك لامن تتعلم أساليب السوق .. عشان ما تنضرب من أول شهرين

غايتو أنا بسوي كدي لو رجعت ..
أتمنى أكون أفدت كما استفدت من المداخلات السابقة

الأخ محمد علي البصير, البوست بتاعك ده مهم جدا لكل المقيمين في السعودية وحقيقة حتى الذين يعملون في القطاع الحكومي من المفروض يكونوا جاهزين للخروج تحت أي لحظة, المثل بيقول لو حلقوا لي أخوك بل راسك. هسي أنا راسي مبلول وجاهز للمخارجة.
معادلة صعبة لأبعد الحدود وقاسية وكما قيل آخر العلاج الكي وهسي الكي بتاعنا هو الرجوع إلي السودان. طبعا ده إمتحان صعب جدا ويحتاج إلي إيمان قوي وصبر وتوكل على الله

سلام محمدعلي والاخوه المتداخلينموضوع مهم جداالبيفكر يمشي اوربا من دول الخليج عموما بيكون عرض اولادهللدمار ده لو كان الهدف اصلا البيقول ليك عشان العيالالعوده للسودان هي الملاذ الاسلم لكل ذي اسره كما قالاحد الاخوه ارسل اولادك واقعد انت كابس باقي التكابسووالحقهمالناس عملت البشير والحكومه مسمار جحا وعاوزين يعيشو عمرهم كلو مهاجرين؟؟؟لو عاوز تقارن نفسك بالمقيمين اصلا في اوربا وامريكا فلامجال للمقارنه بطفل ولد وتربي في امريكا والتاني مولودوتربي في السعوديةوالله انا ماعارف بلدنا دي الماشي يبنيها منو؟؟استهدو بالله وكل واحد يرسل وليداتو بالعندو والماعندو فيالنهايه ياهو السودان والذي لم يتغير ولم ولن يتغير اهلهوشيلو من راسكم بعبع كيزان وبشير وحكومه وكلام المعارضه الفشنكي الماجايب همو دهبالله ناس رمو عيالوم في الهند. اها ده كلام ده؟؟؟؟وناس مشت تركيا لبحث الاوضع هناك لتسفير عوائلهم رجعو وخسرو قريشاتوم ساياستهدو بالله وختو الرحمن في قلبكم واحفظو وليداتكم ولن تندمو

شكراً عمر عثمان ـ حوت المداخلة كثير من النقاط خارج موضوع البوست التي تستحق الرد ـ لكن لا اود الجنوح لمواضيع أنصرافية بعيدة عن موضوعي الأساسي

ـ
السلام عليكم
أولاً قبل الرجوع الزول البخلي بالو هنا وهناك دا هو البفتش تاني للرجعة وبيفشل هناك
ثانياً نصيحة لكل الأخوة الراجعين من المهجر الى السودان
أمش من هنا وانت غاسل وشك من الغربة نهااااائي .. طالما عندك أسرة .. لكن لو عذابي ممكن تفكر في أي مخرج تاني
نمرة اتنين
ما تخش في أي عمل ينصحوك بيهو .. مااااااا تخش في أي بزنس أو شراكة ولا تكشف كل أوراقك حتى لأقرب الأقربين إليك
حول قروشك لي دهب أو دولار أو ريال وأدفسا في أي حتة وأقعد سنة كااااملة اشتغل بي إيدك في المجال البتعرفو
المجااااال شنو ؟؟ المجال البتعرفو تخصصك يعني .. أعرف كل شيء عنه .. أحذر من تجارة العربات أحذر منها وأي عربية يجيبوها ليك السماسرة ما تقرب منها
لو ضروري تشتري عربية اشتريها بعد ستة شهور أو سبعة شهور ..
والله اتذكر تجربة أخوي جايي راسو لافي من السعودية دخلوهو في تجارة عربات ... وقايض وبيع واشتري لامن في النهاية طلع بي تلفزيون وتلاجة

ما تدخل ولادك في مدارس غالية وتعمل فيها مغترب لسع .. لا دا وضع اتغير وما تفكر إنو حتستمر بي نفس الوضع السابق
وإنو قروشك قاعدة وبتمشيك .. لا والله .. بتنتهي بأسرع مما تتخيل
مصاريفك تطلعا من الشغل القلتو ليك قبيل داك.. نعم حتكون قليلة وما بتكفي .. مهما تكون قليلة حاول برمج نفسك وأسرتك عليها
ولو سكنت في الأقاليم الوضع بكون أسهل بالنسبة ليك

ولو إدعيت إنك مفلس ومعدم حتعرف الناس أكتر مما تدعي إنك مروق ومغترب ..
مافي داعي للنفخة والجخ وتتكلم بي لهجة مختلفة .. يعني ما تمشي لي سيد الدكان تقولو عطني صرف .. العيال رايحين المدرسة
وأحذر من كلمة بقالة .. دكاااااان .. نعم ، والحليب دا إياهو اللبن الزمان داك .. وما بختلفن .. الروب ولا الزبادي واللبن الرايب ديل حاجة تانية .. لكن اللبن إياهو الحليب ذاتو
ما تقول لي بتاع الركشة روح يا شيخ من هنا .. وتفخم الراء .. طوالي مشوار 50 جنيه بعملوا ليك 200 جنيه

اسكن في بيت واسع سواء كان حقك أو إيجار ..
تحاول تخلي منصرفاتك أقل ما يمكن
والبيت الواسع دا ذاتو ممكن تستغلو في توفير مصدر دخل لأسرتك .. لابد أن تتحول أسرتك لأسرة منتجة
عشان ما تعيش بنسبة 40% من الوضع الكانو عايشين فيهو هنا : مكيفات ومشاوير وتسويق والولاد دايرين ايسكريم وشوكلاته وحاجات زي دي
ما تسمع كلام المرا وتقولك ما بنفع معاي الجداد ولا السخانة بتعمل لي جيوب انفية
ولا عندي حساسية ضد الجداد والغنم
اعمل قفص جداد وخت فيهو 250 جدادة بياض جااااهزة .. تقريباً بمبلغ زهيد جداً وجيب لهن الأكل وأقرأ في النت دي عشان تعرف مشاكل الجداد شنو والحمام شنو
أعمل حوضين تلاتة في البيت وجيب لك قلاب واطات بحر .. جيب عمال يدخلو معاك الواطة دي وانت ذاتك اشتغل معاهم
اعمل ليك أربعة خمسة حيضان .. أزرع الملوخية والبامية والجرجير والنعناع والبصل الأخدر وأي شي..
ما بتعرف ما مشكلة .. بتتعلم .. خلي ولادك يساعدوك حتى الصغار وأغرس فيهم الروح دي
دي ذاتا بتخفف عليك مشاكل الخدار المتوفر في السوق .. المتدني الجودة والملان لغاويس ما أنزل الله بها من سلطان
لو قدرت جبت لك عنزين تلاتة للبن تكون اكتملت دائرة الإنتاج في بيتك .. من دقنو وفتلو ..
رقد الدقيق ودقيق القمح والدخن .. انعصرت خلي المرا تعمل عصيدتا .. ولا قراصتا براها ولا فطير

ما تهبش قروشك إلا تتأكد من مشروعك الداير تعملو .. ودراسة الناس أهم من دراسة السوق .. الناس الفي المجال
حوم معاهم وأعرف أي شي واشتغل بي إيدك لامن تتعلم أساليب السوق .. عشان ما تنضرب من أول شهرين

غايتو أنا بسوي كدي لو رجعت ..
أتمنى أكون أفدت كما استفدت من المداخلات السابقة



أشكرك أخي بد الدين

بس صعبت الشغلة شوية

وصفتك دي قاسية لحد ما على ناس كانت تعيش مستوى جيد من الحياة يتوفر فيه قدر معقول من متطلبات الحياة العصرية

قد يرضح البعض ويعيش هذه التجرية ، لكن من الصعب على الغالبية

غايتو نتمنى ليك كل توفيق وأنت مقبل على هذه التجرية الصعبة

الأخ/ محمد علي البصير السلام عليكم،،،موضوعك فعلا يلبي احتياجات المرحلة وفعلا الوضع في السعودية أصبح غير مضمون اطلاقاً لجميع الجنسيات وبالذات السودانيين.حسب ما أرى البدائل تختلف باختلاف وضع الأسرة، بس عموما ممكن نقسم الناس إلى مجموعتين:
- الأسر الشابة المتعلمة ذات عدد الأفراد القليل ولديها مدخرات معقولة، وهؤلاء أفضل لهم الهجرة إن استطاعوا إلى ذلك سبيلاً قبل مغادرة السعودية وفعلا الهجرة للغرب ليست بالأمر السهل خاصة في ظل الظروف الحالية، فلو تكلمنا عن أستراليا تحديدا نجد أن مداخل الهجرة إما عن طريق الدراسة أو اللجوء أو الاستثمار أو هجرة العمالة الماهرة ولا أنصح بالخيارين الأوليين لأنها مرهقة ولاتضمن الاستقرار النهائي، والخيار الثالث مكلف جدا أما هجرة العمالة الماهرة فهي أرخص نسبيا إلا أنها تحتاج لسنتين تقريبا للحصول على التأشيرة بافتراض انطباق الشروط عليك. أو الحل الثاني وهو كسر الفيزا كما ذكر أحد الإخوة و لا أنصح به بتاتا لأنه درب مجهول العواقب خاصة مع وجود أسرة.
- الأسر الكبيرة في العدد وفي سن العائل الأفضل إرسال الأسرة للسودان كحل اسعافي سريع مع بقاء رب الأسرة، والبحث عن فرص عمل للأبناء في سن العمل وإذا كانت هناك مدخرات يمكن عمل ركشة أو غيرها كمصدر دخل للمصروفات اليومية والتوفير بقدر المستطاع، لكن يجب الأخذ بالاعتبار أن هذا الحل مؤقت ولا يجب أن يستمر لفترة طويلة وعلى رب الأسرة أخذ خيار العودة للسودان بجدية لأسباب اجتماعية وغيرها. الخيار الآخر هو إرسال الأسرة لدولة ثالثة كمصر أو تركيا أو ماليزيا مع بقاء رب الأسرة في السعودية وهو خيار معقول في حالة مصر ولكن لا أشجع على الدول الأخرى للفوارق الثقافية إضافة للبعد الجغرافي خاصة أنها لاتمنح جنسيات وليست دول مستقرة إجمالاً.

عموما نسأل الله التوفيق للجميع ويرجعوا سالمين غانمين.

الأخ/ محمد علي البصير السلام عليكم،،،موضوعك فعلا يلبي احتياجات المرحلة وفعلا الوضع في السعودية أصبح غير مضمون اطلاقاً لجميع الجنسيات وبالذات السودانيين.حسب ما أرى البدائل تختلف باختلاف وضع الأسرة، بس عموما ممكن نقسم الناس إلى مجموعتين:
- الأسر الشابة المتعلمة ذات عدد الأفراد القليل ولديها مدخرات معقولة، وهؤلاء أفضل لهم الهجرة إن استطاعوا إلى ذلك سبيلاً قبل مغادرة السعودية وفعلا الهجرة للغرب ليست بالأمر السهل خاصة في ظل الظروف الحالية، فلو تكلمنا عن أستراليا تحديدا نجد أن مداخل الهجرة إما عن طريق الدراسة أو اللجوء أو الاستثمار أو هجرة العمالة الماهرة ولا أنصح بالخيارين الأوليين لأنها مرهقة ولاتضمن الاستقرار النهائي، والخيار الثالث مكلف جدا أما هجرة العمالة الماهرة فهي أرخص نسبيا إلا أنها تحتاج لسنتين تقريبا للحصول على التأشيرة بافتراض انطباق الشروط عليك. أو الحل الثاني وهو كسر الفيزا كما ذكر أحد الإخوة و لا أنصح به بتاتا لأنه درب مجهول العواقب خاصة مع وجود أسرة.
- الأسر الكبيرة في العدد وفي سن العائل الأفضل إرسال الأسرة للسودان كحل اسعافي سريع مع بقاء رب الأسرة، والبحث عن فرص عمل للأبناء في سن العمل وإذا كانت هناك مدخرات يمكن عمل ركشة أو غيرها كمصدر دخل للمصروفات اليومية والتوفير بقدر المستطاع، لكن يجب الأخذ بالاعتبار أن هذا الحل مؤقت ولا يجب أن يستمر لفترة طويلة وعلى رب الأسرة أخذ خيار العودة للسودان بجدية لأسباب اجتماعية وغيرها. الخيار الآخر هو إرسال الأسرة لدولة ثالثة كمصر أو تركيا أو ماليزيا مع بقاء رب الأسرة في السعودية وهو خيار معقول في حالة مصر ولكن لا أشجع على الدول الأخرى للفوارق الثقافية إضافة للبعد الجغرافي خاصة أنها لاتمنح جنسيات وليست دول مستقرة إجمالاً.

عموما نسأل الله التوفيق للجميع ويرجعوا سالمين غانمين.


تسلم أخي طارق عبد الله

أشكرك على مداخلتك القيمة التي حوت كثير من التفاصيل والأراء القييمة

أملاً الإستفادة منها

سلام يا بصيري
الموضوع مهم جدا خاصة بالنسبة للناس الفي السعودية وده ربما عقاب لينا كلنا اننا لم نخطط لمستقبل اسرنا بصورة جادة وسرقنا الامل في اننا ممكن نخلد في السعودية
لكن طبعا الوكت ما فات خاصة لمن هم في سن العمل
انا شخصيا ما شايف نفسي حاقدر اعيش في مكان تاني غير السودان واسرتي لا اتمنى لها غير انها تعيش في السودان وسط اهلهم
الفرص في السودان موجودة والبلد بي خيرها لسه بس عايزة الزول المجتهد المفتح
صديق رجع من الغربة وطوالي على الجزيرة عندهم حواشة وبعد درس الاحوال كويس اتوكل زرع فاصوليا الفدان جاب ليهو طن وشوية باعهم ب 40 مليون يعني العشرة فدان عملت ليهو 400 مليون
عارف دي في كم يوم ؟ الفاصوليا من يوم زراعتها الى يوم حصادها بتاخد معاك 70-80 يوم يعني اقل من تلاتة شهور
تقريبا 50 الف ريال يعني مرتب 16 الف ريال وشوية شهريا ههههه
عموما الزراعة وتربية الحيوان هي المخرج
نصيحة اوعا تسمع كلام المرة وتقول ليك لازم نبني البيت اول وتكمل قروشك كلها والبيت ما يكمل
اي مبلغ اتوفر عندك ما تم ليك قيمة اقل حاجة 10 فدان اتدين تمو واشتري العشرة فدان
العشرة فدان ممكن تشتري ليك بيت وبيتين وتلاتة لو فلحتها كما يجب لكن البيت بعد تبنيهو وتتفنقل في سراير الحوش غير يضربك الهوا ما حتعمل منو حاجة
استحمل ثقالة اصحاب البيوت سنة ولا سنتين ودبر من زراعتك حتبني بيتك
الهجرة للريف اصبحت الان اجبارية للكثير من المقيمين في العاصمة خاصة مع ظروف الغلاء دي
المغترب الما بيقدر على ايجارات العاصمة له في الريف حضن دافئ وسعة
غير كده كل مجموعة متجانسة من المغتربين ممكن تدخل في عمل مشترك (اختو التجارة) استثمار زراعي حيواني الخ الخ ممكن بحسن الادارة والتدبير تلقو روحكم في وضع احسن من الانت فيهو الان

سلام يا بصيري
الموضوع مهم جدا خاصة بالنسبة للناس الفي السعودية وده ربما عقاب لينا كلنا اننا لم نخطط لمستقبل اسرنا بصورة جادة وسرقنا الامل في اننا ممكن نخلد في السعودية
لكن طبعا الوكت ما فات خاصة لمن هم في سن العمل
انا شخصيا ما شايف نفسي حاقدر اعيش في مكان تاني غير السودان واسرتي لا اتمنى لها غير انها تعيش في السودان وسط اهلهم
الفرص في السودان موجودة والبلد بي خيرها لسه بس عايزة الزول المجتهد المفتح
صديق رجع من الغربة وطوالي على الجزيرة عندهم حواشة وبعد درس الاحوال كويس اتوكل زرع فاصوليا الفدان جاب ليهو طن وشوية باعهم ب 40 مليون يعني العشرة فدان عملت ليهو 400 مليون
عارف دي في كم يوم ؟ الفاصوليا من يوم زراعتها الى يوم حصادها بتاخد معاك 70-80 يوم يعني اقل من تلاتة شهور
تقريبا 50 الف ريال يعني مرتب 16 الف ريال وشوية شهريا ههههه
عموما الزراعة وتربية الحيوان هي المخرج
نصيحة اوعا تسمع كلام المرة وتقول ليك لازم نبني البيت اول وتكمل قروشك كلها والبيت ما يكمل
اي مبلغ اتوفر عندك ما تم ليك قيمة اقل حاجة 10 فدان اتدين تمو واشتري العشرة فدان
العشرة فدان ممكن تشتري ليك بيت وبيتين وتلاتة لو فلحتها كما يجب لكن البيت بعد تبنيهو وتتفنقل في سراير الحوش غير يضربك الهوا ما حتعمل منو حاجة
استحمل ثقالة اصحاب البيوت سنة ولا سنتين ودبر من زراعتك حتبني بيتك
الهجرة للريف اصبحت الان اجبارية للكثير من المقيمين في العاصمة خاصة مع ظروف الغلاء دي
المغترب الما بيقدر على ايجارات العاصمة له في الريف حضن دافئ وسعة
غير كده كل مجموعة متجانسة من المغتربين ممكن تدخل في عمل مشترك (اختو التجارة) استثمار زراعي حيواني الخ الخ ممكن بحسن الادارة والتدبير تلقو روحكم في وضع احسن من الانت فيهو الان



أهلين الحبيب محمد إبراهيم علي

مداخلة دسمة ، حوت كثير من التفاصيل المهمة ـ
الجانب الإقتصادي ليس هو السبب الرئيس في عزوف كثير من الأسر عن الإستقرار في السودان ـ لكن الوضع المزري الذي وصل له البلد في الحريات العامة
والإنحراف الأخلاقي ـ وغيرها ـ يضاف لذلك التدني الكبير في مستوى الخدمات والتلوث وإنهيار التعليم والصحة وغيرها ـ
فهناك أسر يمكن أن تدبر معيشتها بأفضل ما يكون ولكن لا ترغب في الذهاب للسودان للأسباب أنفة الذكر .

عموماً الزراعة من الخيارات المطروحة للكثرين ـ رغم كثير من المهددات والعقبات ـ أهمها الجبايات والضرائب ، بل القلع المقنن بوش البيت ـ

وعلى ذكر شراء الفدادين ـ والله يا هندسة ـ أخوك وبالشراكة مع الأخوان نملك مزرعة بمساحة 60 فدان في قلب مشروع الجزيرة ـ ولكن لم نستثمرها حتى اليوم .
رغم أن الكثير يرى أنها المخرج الأمن لنا . وقد كان لي تجربة لا تخلو من مرارة في محاولة زراعتها من قبل فتوضع أمامك العراقيل والصعوبات

تحياتى صاحب البوست
الموضوع م هم والله وكنت اتمنى ان يجد حظه من النقاش العميق خصوصا ان اغلب أعضاء الموقع يعملون ويعيشون فى المملكة.
القرارات الأخيرة بخصوص فرض رسوم على أسر المقيمين جاءت فى مقتل للاسر وتعتبر مرهقة حيث يصعب على موظف او عامل دفعها مقارنة بقلة الرواتب.
ونتيجة تلك القرارات اضطر العديد لسفر أسرهم والبقية على وشك الرحيل المر.من الصعب الاتفاق على بدائل محددة وتختلف من شخص إلى آخر .

من السهولة على الاباء والامهات التاقلم مع أوضاع السودان ولكن يصعب ذلك على كثير من الأبناء خصوصا مع تدنى مستوى التعليم العام وارتفاع التعليم الجيد وبعد التعليم سوف ندخل فى دوامة الوظيفة وعدمها خصوصا بعد رفع سن التقاعد الى 65 عام وهذا القرار عطل التوظيف فى الوطن للخريجين الجدد ومن وجهة نظرى يجب علينا الرجوع إلى سن السنون للتقاعد حتى نفتح فرصة للشباب.
طبعا الوظيفة اصبحت لا تمثل عائد مادى يعتمد عليه لكنها من أسباب كسب الرزق حتى وان ضاق الاجر.
عن تجارب عديدة فى الاغتراب والهجرة الى الغرب اقولها لك رغم كل التحفظات التى أوردتها عالية لابديل غير الوطن واى محاولة جديدة الاغتراب او الهجرة تعتبر انتحار وسوف تخسر اى فكرة للهجرة لدول الغرب من قام بها الكثير ماديا ومعنويا.
التحية لكل مغتربى السعودية لدورهم الكبير فى خدمة الوطن وخدمة عوائلهم الممتدة سنين طويلة.
ونداء خاص للدولة لتكريم هؤلا على كل التضحيات خلال السنوات السابقة.
وتظل الارزاق بيد الله سبحانه وتعالى والحمد لله لهم وطن وان ضاقت ظروف العيش فيه.
مودتى لك ولكل ضيوفك

الاخ محمد علي سلام

ربنا يسهل للجميع ، حقيقة أنا دخلت امريكا لي 30 سنة يعني فجأة لقيت نفسي قاعد 30 سنة، البداية كانت صعبة شديد
لكن العمر كان صغير مجازاً والواحد كان قادر يستحمل الصعاب ، أما في عمري حسع ما كنت حأقدر
استحمل أي حاجة، أنا غايتو ما بأيد قصة أمريكا إلا لي ناس في العشرينات أو ناس جايين يعملوا شغل خاص،، ولكن بشوف كندا أنسب محل لكل الأعمار
وخصوصا من ناحية التسهيلات للمدارس والتأمين الطبي
هنا في أمريكا مسألة الحصول على الحاجات ممكن لكن صعبة شوية ، لكن على حسب علمي في كندا ما في وظائف لكن في تسهيلات أفضل
ولك الود

ـ
تحياتى صاحب البوست
الموضوع م هم والله وكنت اتمنى ان يجد حظه من النقاش العميق خصوصا ان اغلب أعضاء الموقع يعملون ويعيشون فى المملكة.
القرارات الأخيرة بخصوص فرض رسوم على أسر المقيمين جاءت فى مقتل للاسر وتعتبر مرهقة حيث يصعب على موظف او عامل دفعها مقارنة بقلة الرواتب.
ونتيجة تلك القرارات اضطر العديد لسفر أسرهم والبقية على وشك الرحيل المر.من الصعب الاتفاق على بدائل محددة وتختلف من شخص إلى آخر .

من السهولة على الاباء والامهات التاقلم مع أوضاع السودان ولكن يصعب ذلك على كثير من الأبناء خصوصا مع تدنى مستوى التعليم العام وارتفاع التعليم الجيد وبعد التعليم سوف ندخل فى دوامة الوظيفة وعدمها خصوصا بعد رفع سن التقاعد الى 65 عام وهذا القرار عطل التوظيف فى الوطن للخريجين الجدد ومن وجهة نظرى يجب علينا الرجوع إلى سن السنون للتقاعد حتى نفتح فرصة للشباب.
طبعا الوظيفة اصبحت لا تمثل عائد مادى يعتمد عليه لكنها من أسباب كسب الرزق حتى وان ضاق الاجر.
عن تجارب عديدة فى الاغتراب والهجرة الى الغرب اقولها لك رغم كل التحفظات التى أوردتها عالية لابديل غير الوطن واى محاولة جديدة الاغتراب او الهجرة تعتبر انتحار وسوف تخسر اى فكرة للهجرة لدول الغرب من قام بها الكثير ماديا ومعنويا.
التحية لكل مغتربى السعودية لدورهم الكبير فى خدمة الوطن وخدمة عوائلهم الممتدة سنين طويلة.
ونداء خاص للدولة لتكريم هؤلا على كل التضحيات خلال السنوات السابقة.
وتظل الارزاق بيد الله سبحانه وتعالى والحمد لله لهم وطن وان ضاقت ظروف العيش فيه.
مودتى لك ولكل ضيوفك



لك التحية الأخ فتح العليم

أشكرك على المداخلة التي حوت كثير من النقاط الهامة

ربما هناك توجه عام بعدم المجاسفة بالهجرة للغرب في الظرف الحالي لعدة أسباب ورد بعضها في ثنايا هذا البوست

الاخ محمد علي سلام

ربنا يسهل للجميع ، حقيقة أنا دخلت امريكا لي 30 سنة يعني فجأة لقيت نفسي قاعد 30 سنة، البداية كانت صعبة شديد
لكن العمر كان صغير مجازاً والواحد كان قادر يستحمل الصعاب ، أما في عمري حسع ما كنت حأقدر
استحمل أي حاجة، أنا غايتو ما بأيد قصة أمريكا إلا لي ناس في العشرينات أو ناس جايين يعملوا شغل خاص،، ولكن بشوف كندا أنسب محل لكل الأعمار
وخصوصا من ناحية التسهيلات للمدارس والتأمين الطبي
هنا في أمريكا مسألة الحصول على الحاجات ممكن لكن صعبة شوية ، لكن على حسب علمي في كندا ما في وظائف لكن في تسهيلات أفضل
ولك الود


تحياتي وتقديري الأخ أحمد ساطور

أسعدني مرورك وأنت أحد المعنين بالبوست ، مع عتب على أخوتنا المهاجرين في دول أمريكا الشمالية الذين لم يبدوا أي تجاوب مع البوست

فمن بين عشرات من الأخوة المقيمين في الدول المشار اليها لم يلبي طلبنا سوى شخصين ( د. ياسر الشريف وتهراقا)

أعود للعقيب على ما أوردت ـ حيث أختصرت تجريتك في تقديم نصيحة بعدم جعل أمريكا أحدى خيارات الهجرة لمن تجاوز العشرينات

مع توصية بالإتجاه لخيار كندا

ليتنا نسمع من ناس كندا

؟؟

لك التحية والتقدير حبيبنا \ ود البصير ..

اسال الله العلي القدير ان يجعل لكم جميعآ
احبتي السودانيين بالسعودية يجعل لكم من
كل ضيقآ مخرجا ومن كل هم وبلاء فرج
انه علي كل شئ قدير ..

ردآ علي ما تفضلت به :
في إنتظار مداخلات الأخوة السودانيين المقيمين في : ( كندا ، أمريكا ، أستراليا ـ أسكندنافيا ـ دول الإتحاد الأوروبي ، نيوزيلندا وغيرها ) أفيدونا عن مدى إمكانية الهجرة للدول التي تقيمون فيها ؟

بالنسبة لنا او لي وانا من المقيمين باوربا واتبع الي الاتحاد الاوربي
واتمني ليك من جوة قلبي ان يسهل عليك لتلتحق بنا هنا في بلد العدالة
والسعادة والرخاء لكي تقضي ما تبقي من عمرك من غير تكلف او تعب
وفي منتهي الطمأنينة والسكينة .

وانصحك ان تجتهد كل الادتهاد لتصل الي الدول الاوربية بالتحديد .لانني
اعيش هنا من فترة ليست بالقصيرة ولكن لافرق بان تاتي اليوم او بالامس
من ناحية اعاشة لو قدرت تدخل . لانه هنا يا حبيبنا ود البصير القوانين
نفس القوانيين والدستور نفس الدستور ومافي اي متغييرات واحتمال كبير
وضعك يكون احسن مننا لاعتبارات كتيرة . عمومآ وبالرغم من المتغيرات
الحصلت واختص العالمية ومن ضمنها بلادنا التي اصبحت في حروبات
دائمة وكثرة الهجرة لبعض الشباب هذا لايعني ان الطرق اغلقت بالمرة
ولكل مجتهد نصيب . العيش في اوربا يكفي انه ( العدالة والتقدم والرخاء
ويكفي ان اطفالك بتعلموا وبيعالجوا من غير فلوس ويكفي تمامآ انك ....
بتعيش كانسان كرمه الله وهذا هو الذي نسعي اليه جميعآ .

ملحوظة مهمة جدا .
تصدق يا ود البصير اوربا بتجنسك باجنسيتها ولما تقرر انت ترجع
بلدك وتسلمهم جوازهم بتتكفل باعاشتك مدي ما دمت عايش وبتديك
بطاقة تنقل متي ما داير تدخل يعني بطاقة دائمة .

واخيرآ لا تنسي :
اوربا وجهة التعليم والعلاج لكل مقتدر من دول العالم ولكن بالفلوس
فنحمد الله الجعلنا من المقيمين بالبلاش ههههههههه .

ودمتم اخي وضيوفك الكرام .

ـ
لك التحية والتقدير حبيبنا \ ود البصير ..

اسال الله العلي القدير ان يجعل لكم جميعآ
احبتي السودانيين بالسعودية يجعل لكم من
كل ضيقآ مخرجا ومن كل هم وبلاء فرج
انه علي كل شئ قدير ..

ردآ علي ما تفضلت به :
في إنتظار مداخلات الأخوة السودانيين المقيمين في : ( كندا ، أمريكا ، أستراليا ـ أسكندنافيا ـ دول الإتحاد الأوروبي ، نيوزيلندا وغيرها ) أفيدونا عن مدى إمكانية الهجرة للدول التي تقيمون فيها ؟

بالنسبة لنا او لي وانا من المقيمين باوربا واتبع الي الاتحاد الاوربي
واتمني ليك من جوة قلبي ان يسهل عليك لتلتحق بنا هنا في بلد العدالة
والسعادة والرخاء لكي تقضي ما تبقي من عمرك من غير تكلف او تعب
وفي منتهي الطمأنينة والسكينة .

وانصحك ان تجتهد كل الادتهاد لتصل الي الدول الاوربية بالتحديد .لانني
اعيش هنا من فترة ليست بالقصيرة ولكن لافرق بان تاتي اليوم او بالامس
من ناحية اعاشة لو قدرت تدخل . لانه هنا يا حبيبنا ود البصير القوانين
نفس القوانيين والدستور نفس الدستور ومافي اي متغييرات واحتمال كبير
وضعك يكون احسن مننا لاعتبارات كتيرة . عمومآ وبالرغم من المتغيرات
الحصلت واختص العالمية ومن ضمنها بلادنا التي اصبحت في حروبات
دائمة وكثرة الهجرة لبعض الشباب هذا لايعني ان الطرق اغلقت بالمرة
ولكل مجتهد نصيب . العيش في اوربا يكفي انه ( العدالة والتقدم والرخاء
ويكفي ان اطفالك بتعلموا وبيعالجوا من غير فلوس ويكفي تمامآ انك ....
بتعيش كانسان كرمه الله وهذا هو الذي نسعي اليه جميعآ .

ملحوظة مهمة جدا .
تصدق يا ود البصير اوربا بتجنسك باجنسيتها ولما تقرر انت ترجع
بلدك وتسلمهم جوازهم بتتكفل باعاشتك مدي ما دمت عايش وبتديك
بطاقة تنقل متي ما داير تدخل يعني بطاقة دائمة .

واخيرآ لا تنسي :
اوربا وجهة التعليم والعلاج لكل مقتدر من دول العالم ولكن بالفلوس
فنحمد الله الجعلنا من المقيمين بالبلاش ههههههههه .

ودمتم اخي وضيوفك الكرام .


يا سلام عليك الحبيبة بت عمسيب

الزول الوحيد الفتح لينا نافذة للأمل ، ومنحنا بصيص من التفاءل

أقدر جداً تشجيعنا على مشاركتك الخير والنعيم الذي تتمتعين به في أوروبا ـ أدامه الله وزادك من فضله

وهذا بالطبع لا يقدح في نصائح بقية الأخوة الذين أحبوا لنا الخير أيضاً ونصحونا بعدم المغامرة ـ وهو حتماً من واقع ما عاشوه وعايشوه من تجارب الأخرين المريرة.

بالجد كثير من الناس عايشة حالة من الأحباط والروح الأنهزامية مع توقع بالعودة لوطن لا يقدم لك أدنى حد من إحترام الأدمية

عموماً أهم نقطة خرجت بها هى جزئية :
لانه هنا يا حبيبنا ود البصير القوانين
نفس القوانيين والدستور نفس الدستور ومافي اي متغييرات واحتمال كبير
وضعك يكون احسن مننا لاعتبارات كتيرة

عموماً سأقوم بالتقصي عن الطرق المطلوب أتباعها للهجرة لهولندا من داخل المملكة ـ و هل تدفق السوريين إلى أوربا ساهم في تضييق الخناق على الأخرين ؟
وهل يمكن الحصول على تأشيرة عن طريق القنوات الرسمية ( السفارة )

كما نأمل الكنداكة بت عمسيب ـ أفادتنا بأي تفاصيل متوفرة لديك أو لدى باقي الأخوان المقيمين في هولندا

لك التحية اخي الحبيب \ ود البصير ..


ردآ علي :
و هل تدفق السوريين إلى أوربا ساهم في تضييق الخناق على الأخرين ؟

هذا لايعني ان حالفك الحظ ان لا تاخذ نصيبك .
واسال الله ان يسهل طريقك محل ما تقبل .


مع اصدق الامنيات ,,,

تحياتى و
التحية للزميلة منى على نقل تجربتها وتشجيع لمن يريد أن يحاول دخول دول أوربا ان تمكن الحصول على التاشيرة.
ربما لا اتفق معها فى هولندا بسبب اللغة وسوف يأخذ الأبناء زمنا طويلا لتعلم اللغة وحسب علمى ان هولندا لاتدرس طلابها بالانحليزية.
مطلوب توضيح من الاخت منى.
الاخ/ محمد البصير
اوعدك إذا تيسير لى زمن بنقل تجربتى من السعودية الى بريطاتيا ثم استقرار اسرتى فى أمريكا .وهذا التحول فى ظرف عام فقط بتوفيق الله.
كن بخير

واسال الله ان يسهل طريقك محل ما تقبل .

أميييين

تسلمي الزولة السمحة الدغرية

الاخ/ محمد البصير
اوعدك إذا تيسير لى زمن بنقل تجربتى من السعودية الى بريطاتيا ثم استقرار اسرتى فى أمريكا .وهذا التحول فى ظرف عام فقط بتوفيق الله.
كن بخير
ـ

تسلم أخي فتح العليم ـ

نحن في أمس الحاجة للإطلاع على هذه التجربة بكل تفاصيلها

وحتماً ستقدم فائدة عظيمة لكل من ينشد الهجرة الأن

أنا وكل متابعي البوست في إنتظارك

http://sudaneseonline.com/board/490/msg/%D8%AA%D8%AC%D8%B1%D8%A8%D8%AA%D9%8A-%D9%81%D9%8A-%D8%A7%D9%84%D8%AD%D8%B5%D9%88%D9%84-%D8%B9%D9%84%...8%AD-1475751037.html

بوست قديم عن الهجرة إلى أستراليا

بوست قديم عن الهجرة إلى أستراليا

شكراً أخي طارق ـ حقيقة بوست الهجرة لأستراليا حوى تفاصيل مهمة
وقدم مادة دسمة لمن يرغب في سلك هذه الطرق

مساء الخير صاحب البوست و الضيوف،
يقيم في كندا عشرات الآلاف من السودانيين و الجنوب سودانيين.
بدأ وصول السودانيين الى كندا بعد إنقلاب الجبهة الإسلامية في ١٩٨٩ مباشرة،
قبل ذلك كانت توجد أعداد قليلة جدا من السودانيين في منطقة تورونتو و مونتريال.
أكثرنا يعيش في منطقة تورونتو و هاملتون و مسيساغا و سانت كاثرينز و لندن
بالإضافة الى مجموعات كبيرة تقيم في إقليم ألبيرتا الغني بالنفط.
الوصول الى كندا يتم عبر طرق كثيرة, أهمها:
هجرة الكفاءات
كفالة الأقارب
طلب اللجوء عند الحدود أو في المطارات
طلب اللجوء بعد دخول كندابأي طريقة رسمية
برنامج إعادة التوطين عبر UNHCR
الدراسة

كندا بلد بارد و بارد جدا و بارد شدييييد!!!!
عمك غوغول يمكنه أن يطوف بك بين ملفات كثيرة عن كندا و الهجرة إليها!
يمكن أن تبدأ من موقع وزارة الهجرة و الجنسية الكندية:
http://http://www.cic.gc.cawww.cic.gc.ca
قامت مصلحة الهجرة في إقليم أونتاريو بدراسة إستقرار السودانيين،
تجد التقرير النهائي هنا:
http://atwork.settlement.org/downloads/atwork/Study_of_Sudanese_Settlement_in_Ontario.pdf
توجد مكاتب محاميين سودانيين كنديين متخصصين في الهجرة
كذلك توجد مكاتب للمساعدة على الهجرة يعمل فيها متخصصون..

الوضع القانوني للمهاجر يكون:
طالب لجوء: يمكنه الإقامة و الدراسة و محدود العلاج و يمكن تصريح عمل..
حتى البت في وضعه بعد جلسة مرافعة أمام قاضي الهجرة
لاجيء مقبول/معتمد: يمكنه الإقامة و التقديم للحصول على الإقامة الدائمة
المقيم الدائم: يمكنه الإقامة و العمل و إمتلاك عقار و شركة و التنقل و الدراسة و الرعاية الصحية
و يمكنه التقديم للجنسية بعد ثلاث سنوات (تحسب نصف المدة قبل الحصول على الإقامة)!
الفرق الوحيد عن المواطن هو منع حق المشاركة في الإنتخابات بالتصويت أو الترشح.


المجال لا يكفي للحديث عن كندا!

دعوة للقراءة: مقال يلخص عذاب الإنسان في فهم الكون و الخالق و الزمن: ‏
هي مقالة شاملة لخصت تاريخ الفلسفة و العلم و تنازعهما في سعيهما لحل المعضلات الكبرى التي أعيت العقل ‏البشري...منذ ظهور الفلاسفة الكبار مثل ارسطو...‏
المقالة و إن كانت بمناسبة عالم الفيزياء (هوكينغ) الذي توفي الأيام الفائتة إلا أنها لخصت سعي الإنسان لتقديم فهم ‏متكامل و نهائي للكون...‏
إلا أنه و للغرابة (و بدون غرابة كذلك)...لم يتمكن من ذلك طوال آلاف السنين ...‏
إلا أن المثير في المقال أو الخبر أن هذا العالِم اعاد الربط بين الفلسفة و العلم ..‏

الأخ ود البصير

تابعت باهتمام ما كتب في هذا البوست لأنه يتكلم عن وضع حقيقي و ماس...‏

تعليق الأخ بدرالدين رغم أنك وصفته بالشدة و القساوة..لكنه واقعي جدا...و حذر جدا ..و منطقي جدا...

فهو لا يحلق في ‏الخيال( ليس قفزة في الظلام) و لا يعطيك امنيات في الهواء( حبال بلا بقر)...‏

و لا حل للشخص المغترب العادي الذي وراءه حمولة إلا العودة للسودان.‏

السودان نعم فيه مشاكل و عقبات كتيرة لكن برضه فيه امكانية إنك تعيش و توفّر و ذلك حسب ظروفك و حذرك و تفتيح ‏عقلك و عيونك..‏

السودانيين منهم المشفق و منهم الحادب بيعطوك أمثلة كثيرة للفشل ..لربما خوفا عليك...و لكن أمثلة النجاح موجودة..‏

أنا شخصيا استمتع للتحذيرات , لكن دون أن تمنعني من اتخاذ القرار و المغامرة المحسوبة..مرات نصائح السودانيين ‏مضللة..>>>

.............. و الله مش مرات..بل في أغلب الحالات..رغم طيبتهم.‏

مساء الخير صاحب البوست و الضيوف،
يقيم في كندا عشرات الآلاف من السودانيين و الجنوب سودانيين.
بدأ وصول السودانيين الى كندا بعد إنقلاب الجبهة الإسلامية في ١٩٨٩ مباشرة،
قبل ذلك كانت توجد أعداد قليلة جدا من السودانيين في منطقة تورونتو و مونتريال.
أكثرنا يعيش في منطقة تورونتو و هاملتون و مسيساغا و سانت كاثرينز و لندن
بالإضافة الى مجموعات كبيرة تقيم في إقليم ألبيرتا الغني بالنفط.
الوصول الى كندا يتم عبر طرق كثيرة, أهمها:
هجرة الكفاءات
كفالة الأقارب
طلب اللجوء عند الحدود أو في المطارات
طلب اللجوء بعد دخول كندابأي طريقة رسمية
برنامج إعادة التوطين عبر UNHCR
الدراسة

كندا بلد بارد و بارد جدا و بارد شدييييد!!!!
عمك غوغول يمكنه أن يطوف بك بين ملفات كثيرة عن كندا و الهجرة إليها!
يمكن أن تبدأ من موقع وزارة الهجرة و الجنسية الكندية:
http://http://www.cic.gc.cawww.cic.gc.cahttp://http://www.cic.gc.cawww.cic.gc.ca
قامت مصلحة الهجرة في إقليم أونتاريو بدراسة إستقرار السودانيين،
تجد التقرير النهائي هنا:
http://atwork.settlement.org/downloads/atwork/Study_of_Sudanese_Settlement_in_Ontario.pdf
توجد مكاتب محاميين سودانيين كنديين متخصصين في الهجرة
كذلك توجد مكاتب للمساعدة على الهجرة يعمل فيها متخصصون..

الوضع القانوني للمهاجر يكون:
طالب لجوء: يمكنه الإقامة و الدراسة و محدود العلاج و يمكن تصريح عمل..
حتى البت في وضعه بعد جلسة مرافعة أمام قاضي الهجرة
لاجيء مقبول/معتمد: يمكنه الإقامة و التقديم للحصول على الإقامة الدائمة
المقيم الدائم: يمكنه الإقامة و العمل و إمتلاك عقار و شركة و التنقل و الدراسة و الرعاية الصحية
و يمكنه التقديم للجنسية بعد ثلاث سنوات (تحسب نصف المدة قبل الحصول على الإقامة)!
الفرق الوحيد عن المواطن هو منع حق المشاركة في الإنتخابات بالتصويت أو الترشح.

المجال لا يكفي للحديث عن كندا!

تحياتي وتقديري الأخ أحمد

أشكرك جزيل الشكر على المداخلة القيمة التي حوت تفاصيل في غاية الأهمية
وهذا بالضبط ما نود معرفته
أكيد ليس جميع الفئة المستهدفة يمكن أن تشرع في الهجرة بناء على هذه المعلومات
ولكن الأغلبية ربما تصل لقناعة صعوبة المهمة بالذات الأسر الكبيرة ذات العائل المتقدم في السن

وصول بعض الأسر لقناعة صعوبة أو أستحالة الهجرة فائدة ننشدها أيضاَ حتى لا تعيش على أمل يصعب تحقيقه

اخونا ود البصير وضيوفه الكرام

فعلا الموضوع يمثل هاجس كبير لكتير من الناس وانا منهم
الصيف الفات مشيت تركيا جس نبض ولقيتا خيار جيد خاص للاسر
التعليم متوفر وتوجد مدارس سودانية والمدارس التركية مجانية للمقيمين بس في البداية اللغة بتكون متعبة والجامعات كذلك ورسومها معقولة ومستواها ممتاز
السكن اسعاره معقولة للشراء والايجار مقارنة مع الخليج
البلد عموما ممتازة خاص انه مسلمة لذلك عامل التربية للابناء ما منه خوف زي اوروبا وامريكا
بالنسبة للشغل فرص الوظائف ضيقة جدا ورواتبها ضعيفة ولكن يمكن استثمار المدخرات الخليجية في بزنس صغير


لكن برضو في النهاية اهلنا بقولو الغريب عن وطنو مهما طال غيابو ..... مصيرو يرجع

إضافة لما ذكرة الأخوة و الأخوات فإنني بحكم تواجدي بالخليج إطلعت علي العديد من التجارب الناجحة للإستقرار بمملكة البحرين.. حيث تتيح هذه الدولة للمهنيين فرصة الإستثمار بتأسيس شركات لا تكلف كثيرا لمن يرغب في المسار المهني الإستشاري و هو عمل حر و متاح في العديد من الأنشطة بنسبة تملك 100%. فالعديد من المستشارين الإقتصاديين و المهندسين و المحامين بدأوا نشاطا من هذا القبيل و نجحوا بفضل الله...
و هناك عدد من المقيمين بدول الخليج أيضا آثروا الدخول في الإستثمار العقاري بشراء عقارات لمن كانت لديه وفورات مالية معقولة وهي أيضا تدر لهم دخلا بين 7 إلي 8% من قيمة العقار في أغلب الأحيان.. وفي كلا الحالات يحق للمستثمر الحصول علي إقامة له و لأسرته و تجدد كل عامين بمبلغ معقول... هذا فضلا عن وجود تعليم أساسي ممتاز و جامعات علي مستوي عال. و هناك من أقام لمدة معقولة و تحصل بعدها علي الجنسية و فقا للقانون.
ويصبح خيار البحرين هو الأفضل لمن يرغب في البقاء في منطقة الخليج.

إجابة عن سؤال سابق.

الاستثمار في الزراعة أو الثروة الحيوانية أو السمكية.
أنا أعرف أربع نمازج استثمرت في زراعة الفواكه ، موز، جوافة، مانجو، برسيم، ما تحصلوا عليه خلال 3 سنوات بعد الإنتاج لم يتحصلوا عليه خلال 30 سنة اغتراب. هنالك فرص واسعة أيضا في مجال التعدين لأصحاب الإمكانيات.

كندا تختلف عن السعودية إختلاف الليل عن النهار.
تتميز كندا بقيم الحرية و العدالة الإجتماعية و مؤسسات حكم قوية.
كل الناس أمام القانون سوا
احترام حرية الإختيار
احترام حقوق الناس
حماية حقوق الطفل و كبار السن و اصحاب الاحتياجات الخاصة
نظام حكم ديموقراطي
و رغم ذلك: برد و برد شديييييد و برد شديييييييد جدا

التعليم الأساسي مجاني و إجباري في كندا.
المدارس تسجل التلميذ حسب مبدأ Don’t ask don’t tell
الرعاية الصحية مجانا و الدواء مجانا لمن هم أقل من ٢٤ و أكبر من ٦٥ في أونتاريو
تعمل الحكومة الفيدرالية على دراسة مشروع توفير الدواء مجانا للجميع.
كندا بلد نظيف جدا خاصة العاصمة أوتاوا التي تسكنها جالية سودانية كبيرة.
بس زي ما قلت ليك: كندا باردة و باردة جدا و باردة شدييييييد!!

كندا بلد مهاجرين أسسها المهاجرون
سكانها الأصليين موجودون رغم التهميش و الظلم الذي حاقهم.
كندا تستقبل سنويا حوالي ثلاثمائة ألف مهاجر جديد..
حسب خطة وزير الهجرة الحالي أحمد حسين (جاء لاجئا من الصومال)
عدد المهاجرين قد يصل إلى نصف مليون سنويا في خلال خمسة سنوات.

التقديم عبر برنامج Express Entry يتم في موقع الوزارة cic.gc.ca
من الصعوبة حصول سوداني على فيزا زيارة
توجد مكاتب هجرة في أكثر العواصم الخليجية يمكن الاتصال بها.
فرص العمل:
هذه واحدة من أهم القضايا التي تواجه المهاجرين (بعد البرد و البرد الشدييييد)
صعوبة الحصول على وظيفة في نفس مجال التخصص ذات عائد جيد!
الكثير من القادمين الجدد وجدوا ان لا خيار لهم سوى تغيير مجال تخصصهم.
كندا بلد شغل، الناس تعمل هنا بجدية.
السودانيين أياديهم خشنة،، شغل شديد.
عمال و حرفيين و موظفين و سائقي تاكسي
أطباء و مهندسين و أصحاب أعمال ووووو.

بس نسوي شنو مع البرد؟؟؟

.
.

Quote: حسب خطة وزير الهجرة الحالي أحمد حسين (جاء لاجئا من الصومال) عدد المهاجرين قد يصل إلى نصف مليون سنويا في خلال خمسة سنوات.

.
.
الوزير دا على ما اعتقد ...
كان في مدينة جدة وتحديدا في حي الرويس ...
لو ما كان فكر وخارج نفسه بدري بدري من الخليج كان تلقى اقامته اسه (مِطَوِّفة)*......
.
.
.
* مطوفة = منتهية بلغة أهل الخليج ...
.
.
.

اخونا ود البصير وضيوفه الكرام

فعلا الموضوع يمثل هاجس كبير لكتير من الناس وانا منهم
الصيف الفات مشيت تركيا جس نبض ولقيتا خيار جيد خاص للاسر
التعليم متوفر وتوجد مدارس سودانية والمدارس التركية مجانية للمقيمين بس في البداية اللغة بتكون متعبة والجامعات كذلك ورسومها معقولة ومستواها ممتاز
السكن اسعاره معقولة للشراء والايجار مقارنة مع الخليج
البلد عموما ممتازة خاص انه مسلمة لذلك عامل التربية للابناء ما منه خوف زي اوروبا وامريكا
بالنسبة للشغل فرص الوظائف ضيقة جدا ورواتبها ضعيفة ولكن يمكن استثمار المدخرات الخليجية في بزنس صغير


لكن برضو في النهاية اهلنا بقولو الغريب عن وطنو مهما طال غيابو ..... مصيرو يرجع



تحياتي وتقديري أخي بكري عباس

فتحت لينا نافذة جديدة في النفق المظلم

ونورتنا على تجربة لم تكن في الحسبان

وأنا بدوري أسالك أخي بكري ـ
هل الحصول على تاشيرة دخول لتركيا متاح وبدون صعوبات وعراقيل ؟
وهل الإقامة فيها متاحة ؟

نصيحة أقدمها لمن يفكر في الهجرة الى كندا:
أبدوا في التقديم عندما تكونوا في أفضل حال!!
لا تنتظروا حتى تسوء الأحوال!
الإجراءات مملة و تأخذ وقت طويل.

بس طبعا أهم نصيحة:
أعملوا حساب البرد و البرد الشدييييد!!!

المرأة السودانية في دول الخليج في كثير من الأحيان لا تعمل خارج البيت.
هذا الوضع مختلف في كندا!
المبدأ في كندا أن البيت يحتاج مرتبين!
عمل المرأة في كندا ليس فقط مسألة (حقوق مرأة و مساواة)!
بل حوجة و ضرورة، لان مرتب الزوج فقط في أكثر الأحوال لا يكفي.

ثقافتنا الكندية ليس بها (شغالة)!!!
ناس الخليج المتعودين على وجود شغالة في البيت
Forget about it
الزوجين يقوموا بكل تلك الأعمال من نظافة و غسيل و تسوق ووو الخ.

الثقافات الكندية متعددة و فيها كل سيّء.
الأسرة قد تكون رجل و إمرأة و أطفال
رجل و إمرأة و كلب
رجل و رجل أو إمرأة و إمرأة

خلال أكثر من عشرين عاما في كندا
لا أذكر أنني قد شاهدت مخمورا
لا يقوى على المشي في الشارع.
شراب الخمر ممنوع خارج البيت او البار او المطعم.

الأن تم السماح بتدخين الحشيش! ينطبق عليه ما ينطبق على الخمر.

رغم ذلك المجتمع منضبط جدا.
الناس تحترم بعض و تحترم القانون و تخافه في نفس الوقت.

لا يوجد شيء إسمه رشوة.
حالات الفساد تلاحق و يقدم المتهمين للمحاكم
لا فرق بين وزير و خفير و لا بين أبيض و أسود!

بس لو ما كانت باردة و باردة جدا و باردة شدييييد!
كانت تكون قصصصصصصصة!!!

إذا كان السوداني مغترب في الخليج
في كندا هو مواطن أو في الطريق ليكون مواطنا!
هنا الفرق الكبير في طبيعة العلاقة و الوجود في المجتمع.
التعددية الثقافية و دولة القانون و الديموقراطية
أعطت المهاجرين في كندا الكثير مما فقدوه نتيجة هجرتهم.
تظل ديناميكية تعاملنا مع المجتمع
تختلف من أسرة إلى أخرى!
و من جالية الى جالية!
و من فرد الى فرد!
توجد أربعة أنماط أساسية لهذه الديناميكية:
١- نمط الذوبان: المهاجر يختار أن يذوب في
الثقافة السائدة حتى لا يلاحظ الآخرون إختلافه.
عُرِف بذلك الأوربيين غير الأنغلوساكسون و اليهود.
٢- نمط الإنعزال: المهاجر لا يختلط إلا بآخرين
من بلده الأم! تجارته و عمله و لغته و مكان عبادته!
يمنع عن أبنائه الإختلاط بالآخرين و يجبرهم على
الزواج فقط بمن يختاره لهم من أفراد مجتمعه.
نمط مشهورين به الصينيين في China Town
و بعض الجاليات الأخرى..
٣- نمط التهميش: المهاجر يجد نفسه مهمشا نتيجة
للعنصرية و التمييز رغم رغبته في ان يكون له دور
في المجتمع مساوي لأدوار الآخرين.
نمط يعاني منه الكثير من المهاجرين غير الأنغلوساكسون.
٤- نمط الإندماج: المهاجر يشارك إيجابيا في المجتمع
يأخد أفضل ما فيه و يعرف الناس بثقافته و يحافظ عليها.

من يختار النموذج الرابع ينجح في حياته و يتوفق أبنائه و بناته.
في بعض الأحيان تتنقل الأسرة الواحدة بين الأنماط الأربعة!

بس رغم كدا، كل هذه الأنماط تعاني من
البرد و البرد الشدييييييد و الشدييييييييد جدا

تصحيح:
الثقافات الكندية متعددة و فيها كل (شيء)
و ليس كل سيّء

الشيء السيء بس ياهو البرد دا

بالنسبة للتاشيرة مافيها صعوبة بالذات من الخليج وحسب تجربتي وبعدها بتقدم لاقامة عادي وبرضو مافي فيها صعوبة

الأخ أحمد الطيب,, الكلام الذي كتبته عن وضع المهاجرين في كندا كلام أبصم عليه بالعشرة وهذا ينطبق على المهاجرين في دول غربية كثيرة, بس أنا ملاحظ في أوربا عدد كبير من السودانيين ما قادرين يستفيدوا من الإمكانات المتاحة في هذه الدول. مثلا كنت ملاحظ في جنسيات معينة تلاقيهم شاطرين شديد في الإستثمار وبكون عندهم محلات تجارية ومطاعم بس مع الأسف ناسنا بي صورة عامة فكرتهم في التجارة محدودة شديد.

محمد البصير
شكرا لفتح الموضوع الذي هو ذو شجون
في البدء انا من راي حبيبنا محمد ابراهيم
حيث ان الزمن وقد أزف خاصة لمن له أطفال في سن المدرسة
اعادت الاندماج في محيط غربي اخر بها صعوبة جمة ان لم تكن استحالة
لأسباب كثيرة من بينها ان الأطفال لا ينتظرون
طوالي عاوزين استقرار ومدارس والتزامات لا تتحمل التأجيل
في ظني ان الاسر الخفيفة بدون أطفال او غير متأهلين
يمكنهم المغامرة بل ارى ان مغامرتهم حتمية
اما الاسر التي بها أطفال يظل السودان
هو الجهة الانسب رغم الغلاء والفساد والعسعس
والدولة شبه المنهارة
تجارب كثيرة لأصدقاء ارجعوا اسرهم
للبلد
وهم هنا
والأمور ماشة بصعوبة نعم
ولكنها ماشة
والاباء يكابدون هنا
والام مع الأطفال هناك
رغم صعوبة الامر
ولكن المجتمع مازال متماسك
مما يسهل المهمة للام المسؤولة عن تربيةأطفال في غياب أباهم القسري
شخصيا متى ما استحالت الحياة في مغتربى ساعود للسودان
الذي يظل هو خياري الوحيد
حيث لم أفكر ابدا ان ابدا غربة جديدة
يا محمد صديقي
هو العمر ذاتو كلو كم؟

وحتي لو إضطررت للعودة للسودان
فما ترجع بعقلية المحارب المنهزم المكسور
تذكر دائما قول الشاعر :
وقد أرضي من الغنيمة بالإياب

خرجت لغزوة وعدت
خلفك صعوبات الجبل
أمامك صعوبات السهل
أو العكس !!!! ما فرقت

مهما كان حال الوطن مزري
الناس بتقدر تخلق ليها حياة في وسط الركام

بعد أن تحمد الله علي كل حال
وتتفاءل بقادم أحسن من رب كريم رحيم ورحمن
الوصايا برضو

أول حاجة
تغيير العقلية ومنهج الحياة
أنسي المظاهر والشو
خليك عملي وواقعي لأبعد الحدود

تانيا
كن مستعدا لأن تتم تعليم الأولاد في البيت
كتيرين بيقدروا علي دا
ما تخافوا من مراجعة الدروس
ممكن وضروري مساعدة المدرسة في حييك متي ما إستطعت

أنسوا حاجة إسمها بناء البيت
دي أكبر ماسورة لكثير من العائدين من المغتربين
الرأسمال والجهد والفكر البتختوا في بناء البيت ختوا في عمل إنتاجي
في آخر الامر حتبني بيت أحسن
(ولمن تقارن تكلفة البناء بالإيجار
أحسن تأجر بدون تردد)

وأختوا الخرطوم
في مدن كتيرة أحسن منها من نواحي كثيرة
من الشفته في زيارات للسودان
مدني وسنار وسنجة وكوستي وربك
أحسن كتير

أختوا تجارة العربات والتجارة عموما

عاملوا الناس كلها بمودة وإحترام
لكن ما تثقوا في زول نهائيا
وحتفشل بقدرة ثقتك في الناس

مهم جدا جدا
أينما كنت وكيفما كنت
يكون عندك بهائم ودجاج وحمام
وتزرع ليك كم حوض من الخضارات التي تستعمل
(دي الحاجة الدايرة تكيف نفسي كتير وكبير
بس تذكر حديث الرسول: الشاة بركة والشاتان بركتان)
وحتثبت لنفسك وللعالم إنه السوداني ما كسلان ولا هم يحزنون
بس مطرطرش شوية من توالي حكومات العسكر الفاشلين

ما تخاف من الصناعات الصغيرة
(عصارات زيت، صناعة غذائية صناعة نسيج وملابس ....إلخ)
بس أشتري من الصين بحذر شديد
وأدرس السوق بعناية وما تستعجل

إذا عاوز تزرع أجمع أكبر قدر من المعرفة والنصائح
(هنا بيظهر الفرق من التاجر والمزارع
حين لن يعطيك التاجر ولا نصيحة واحدة
المزارع كريم جدا بنصائحه ... ما تخجل من السؤال)
بس في لحظة معينة تتوكل وتبدأ
الزراعة يقتلها غياب المزارع
المزارعون يقولون أن سماد المزرعة هو كراع سيدها
الزراعة تحبها تحبك
تتأفف منها وتتعامل معاها بعقلية مكره أخاك لا بطل
بتخسرك)
حاجات مثل تحليل التربة والتسميد وفقا لإحتياج المحصول الحتزرعه مهم جدا
أعرف الناس الشغالين معاك من عمال وتجار كويس
راقبهم بدون أن يحسوا بأي قسوة ولا تخوين
فكر جديا في تربية النحل ما بتندم

هناك الكتير الممكن تتعلمه من ال youtube
والإنترنت عموما
تواصل مع أهل العلم والخبرة من علماء زراعة ومهندسي ري وخلافه

ما تنسي المعني الاساسي في الحياة :
أن الحياة هي الكفاح

الله يوفقكم جميعا

تحياتى ودالبصير وضيوفك
مهما اقول لك صعب لمن تعود العمل والاستقرار على تلك الديار مفارقتها وصعب على الأطفال كذلك سوف يظل رحيلها خنجر مسموم حتى إذا ذهبت بهم إلى أكبر الدول تطورا فى العالم. ودوما يتذكرون بلد المولد والمنشأ فى المملكة وركوبهم معك فى سيارتك والذهاب الحرمين واذا كنت من سكان الرياض سوف يذكرون لك غبيرا ومنفوحة وشارع الخزان ومولات الرياض وحدائقها.
سوف يتذكرون عودتك من الدوام وانت مرهق لكى يخرجوا معك نهاية الأسبوع.
وسوف يتذكر الأهل فى السودان نهاية الشهر للذهاب المكان المخصص لاستلام الخوالة.
ياخى إذا بتتباصر باصرها واصبر لعل الله يجعل مخرجا ويتغير الحال .

بوستيك دا يا ود البصير بقى لينا زي أبو القدح ، محل ما نهبشوا ما عرفنا ،
لكن للضمان كدا، دا موسم العودة ( الطوعية أو الاجبارية ) لكثير من طيور النورس ...

التعلق بمظاهر الغربة وخداعها الزائف مع إلتزامات باهظة التكاليف، تعجل من العودة للوطن..

ومن كان له إمكانية للهروب للأمام غرب الأطلسي أو شمال المتوسط، مع تحمل التبعات المعروفة ، فله ذلك....


بالتوفيق لك عائد من السفر




الشغيل

تحياتي وتقديري لجميع الأخوة الذين أثروا البوست بعديد من المداخلات القيمة

وحقيقة البوست دخل منعطف كفيل بجعله مرجع للأسر وضالة لكل من ضاقت به السبل في الخليج بل من ضحايا مافيا الأنقاذ داخل الوطن .

وحتماً سأعقب على جميع المداخلات وأستعرض تفاصيلها لمزيد من الفائدة

Quote: محمد إبراهيم علي كتب: سلام يا بصيري الموضوع مهم جدا خاصة بالنسبة للناس الفي السعودية وده ربما عقاب لينا كلنا اننا لم نخطط لمستقبل اسرنا بصورة جادة وسرقنا الامل في اننا ممكن نخلد في السعودية لكن طبعا الوكت ما فات خاصة لمن هم في سن العمل انا شخصيا ما شايف نفسي حاقدر اعيش في مكان تاني غير السودان واسرتي لا اتمنى لها غير انها تعيش في السودان وسط اهلهم الفرص في السودان موجودة والبلد بي خيرها لسه بس عايزة الزول المجتهد المفتح صديق رجع من الغربة وطوالي على الجزيرة عندهم حواشة وبعد درس الاحوال كويس اتوكل زرع فاصوليا الفدان جاب ليهو طن وشوية باعهم ب 40 مليون يعني العشرة فدان عملت ليهو 400 مليون عارف دي في كم يوم ؟ الفاصوليا من يوم زراعتها الى يوم حصادها بتاخد معاك 70-80 يوم يعني اقل من تلاتة شهور تقريبا 50 الف ريال يعني مرتب 16 الف ريال وشوية شهريا ههههه عموما الزراعة وتربية الحيوان هي المخرج نصيحة اوعا تسمع كلام المرة وتقول ليك لازم نبني البيت اول وتكمل قروشك كلها والبيت ما يكمل اي مبلغ اتوفر عندك ما تم ليك قيمة اقل حاجة 10 فدان اتدين تمو واشتري العشرة فدان العشرة فدان ممكن تشتري ليك بيت وبيتين وتلاتة لو فلحتها كما يجب لكن البيت بعد تبنيهو وتتفنقل في سراير الحوش غير يضربك الهوا ما حتعمل منو حاجة استحمل ثقالة اصحاب البيوت سنة ولا سنتين ودبر من زراعتك حتبني بيتك الهجرة للريف اصبحت الان اجبارية للكثير من المقيمين في العاصمة خاصة مع ظروف الغلاء دي المغترب الما بيقدر على ايجارات العاصمة له في الريف حضن دافئ وسعة غير كده كل مجموعة متجانسة من المغتربين ممكن تدخل في عمل مشترك (اختو التجارة) استثمار زراعي حيواني الخ الخ ممكن بحسن الادارة والتدبير تلقو روحكم في وضع احسن من الانت فيهو الان

ـــــ

من يرجع إلى السودان وفي باله إنّو يعيش في السودان وما يطلع منّو تاني عليه بأن يعمل بمقولة طارق بن زياد:

البحر من ورائكم والعدو من أمامكم !!

كدا ممكن يقدر يكافح ويعيش ويمشّي حالو ...

صديقنا صبري طه شخصيا
عارف يا ود البصير البوست الجاب لينا صبري دا أبقى عليها عشرة
منور صبري
وفتح العليم ظهر وهو صاحب تجربة هنا فقد كان يكابس معانا هنا
نلتقي يوم الجمعة في شارع عسير نشتري الكسرة
ونلتقي في أمسيات منتدى سودانيات
غادر لامريكا قبل نحو عام
وهو اكتر واحد عاش التجربتين
اكتتبه ما استطعت لذلك سبيلا
مشرف صديقي فتح العليم
وتحياتي للجميع
وخاصة صديقي الحميم نصر؛؛؛
ونصر الشافو قريبات دي في سنار ما كضب
انه موسم العودة لسنار....
سلام

منور صبري

وين منور يا حبيبنا عبده ؟؟

صبري ـ سلام الله ما عاوز يتكرم بيه على الناس !!!!

ـ
الأخ ود البصير

تابعت باهتمام ما كتب في هذا البوست لأنه يتكلم عن وضع حقيقي و ماس...‏

تعليق الأخ بدرالدين رغم أنك وصفته بالشدة و القساوة..لكنه واقعي جدا...و حذر جدا ..و منطقي جدا...

فهو لا يحلق في ‏الخيال( ليس قفزة في الظلام) و لا يعطيك امنيات في الهواء( حبال بلا بقر)...‏

و لا حل للشخص المغترب العادي الذي وراءه حمولة إلا العودة للسودان.‏

السودان نعم فيه مشاكل و عقبات كتيرة لكن برضه فيه امكانية إنك تعيش و توفّر و ذلك حسب ظروفك و حذرك و تفتيح ‏عقلك و عيونك..‏

السودانيين منهم المشفق و منهم الحادب بيعطوك أمثلة كثيرة للفشل ..لربما خوفا عليك...و لكن أمثلة النجاح موجودة..‏

أنا شخصيا استمتع للتحذيرات , لكن دون أن تمنعني من اتخاذ القرار و المغامرة المحسوبة..مرات نصائح السودانيين ‏مضللة..>>>

.............. و الله مش مرات..بل في أغلب الحالات..رغم طيبتهم.‏


ـ
لك التحية أخي محمد عبد الحسين

بعض الأخوة يدعون المغتربين للعودة لوطن بأعتباره الملاذ الأمن في هذه المرحلة ـ وبالطبع أرائهم مبينة على معايشة كثير من الأحداث

ولكن كثير جداً ممن يتم التواصل معهم داخل السودان لا ينصحون بالعودة أبداً مهما كانت التضحيات وأيضاً هم يبنبون على معايشة واقع

تحياتي لك أخي محمد وللأخ الطيب ولبقية المتداخلين .. وجيت جديد لنج من السودان .. والبلد حلوة بي ناسا

ومُشكلتنا الأساسية في السودان ما بنشتغل .. بنحب الركلسة ...

ها ناس سلام عليكم جت راعي البوسطي وضيفانو
وقعتو لي في عبي الله يصبركم علي
كترة تجارب
وكترة فكر
وكترة كلام
الكبر بجيب الكلام الكتير اخدوا البنفع معاكم والمابنفع ختوهو لي في الدلجة دي
وبجيكم بالمهلة
حبل المهلة يربط ويحل

أولا بالتبادي يا سيد ابوك ليك لمن جاتكم من بيت الله اتراوحوا اهلكم بس ما شايف غير كدا
وخاصة الناس الاغتبروا فترة اكتر من عشرة سنة
ديل بقوليهم القالوا زنبار قداد الهبوب لمن روح غنم الحلة وجاء راجع بنصهن قالوا ليهو وين البهائم ؟
قاليهم ديل كان حمدتوا الله عليهن ما شوية
.
.
الواحد اغترب عشرة سنة ول زيادة تاني ماش يبدأ من جديد عشان يعمل شنو ؟
اهلك قبل تهلك ... خلاص الفيك اتعرفت
حبابك بين اهلك واقعد كوجن معاهم زي ما قاعدين يكوجنو كوجن معاهم

إضافة لما ذكرة الأخوة و الأخوات فإنني بحكم تواجدي بالخليج إطلعت علي العديد من التجارب الناجحة للإستقرار بمملكة البحرين.. حيث تتيح هذه الدولة للمهنيين فرصة الإستثمار بتأسيس شركات لا تكلف كثيرا لمن يرغب في المسار المهني الإستشاري و هو عمل حر و متاح في العديد من الأنشطة بنسبة تملك 100%. فالعديد من المستشارين الإقتصاديين و المهندسين و المحامين بدأوا نشاطا من هذا القبيل و نجحوا بفضل الله...
و هناك عدد من المقيمين بدول الخليج أيضا آثروا الدخول في الإستثمار العقاري بشراء عقارات لمن كانت لديه وفورات مالية معقولة وهي أيضا تدر لهم دخلا بين 7 إلي 8% من قيمة العقار في أغلب الأحيان.. وفي كلا الحالات يحق للمستثمر الحصول علي إقامة له و لأسرته و تجدد كل عامين بمبلغ معقول... هذا فضلا عن وجود تعليم أساسي ممتاز و جامعات علي مستوي عال. و هناك من أقام لمدة معقولة و تحصل بعدها علي الجنسية و فقا للقانون.
ويصبح خيار البحرين هو الأفضل لمن يرغب في البقاء في منطقة الخليج.
ـ

لك التحية أخي وليد أبكم

فتحت لنا نافذة أخرى ـ ربما تساعد فئة لديها الإستعداد والقابلية للإستفادة من مثل هذه الفرص
وفرص النجاح في البحرين ستكون أكبر لانها دولة خليجية لن يجد الراغب في الأستثمار فيها أي صعوبات من ناحية اللغة والبيئة وسرعة الـتأقلم/B]

إجابة عن سؤال سابق.

الاستثمار في الزراعة أو الثروة الحيوانية أو السمكية.
أنا أعرف أربع نمازج استثمرت في زراعة الفواكه ، موز، جوافة، مانجو، برسيم، ما تحصلوا عليه خلال 3 سنوات بعد الإنتاج لم يتحصلوا عليه خلال 30 سنة اغتراب. هنالك فرص واسعة أيضا في مجال التعدين لأصحاب الإمكانيات.


لك التحية أخي عبد العظيم مكي
أشكرك على المداخلة ـ
الإستثمار داخل الوطن ضربة حظ ، وتحفه المخاطر من كل حدب وصوب

نعن هناك تجارب ناجحة
لكن هناك الاف التجارب الفاشلة ـ وليس بسبب تقاعس أصحاب هذه التجارب ، ولكن بسبب ظروف خارجة عن الإرادة تماماً
بل ظروف تحركها أيادي تنشط في الظلام ولا تريد لابناء البلد خيراً أبداً ـ والسوابق التي بطرفي على قفا من يشيل

ها ناس سلام عليكم جت راعي البوسطي وضيفانو
وقعتو لي في عبي الله يصبركم علي
كترة تجارب
وكترة فكر
وكترة كلام
الكبر بجيب الكلام الكتير اخدوا البنفع معاكم والمابنفع ختوهو لي في الدلجة دي
وبجيكم بالمهلة
حبل المهلة يربط ويحل
ـ

أهلين حبيبنا ود البوش
وينك أأأزول طولت الغيبة

غايتو خربنا الرصة عشان نرحب بيك

بس الجماعة ما يزعلوا مننا

نصيحة أقدمها لمن يفكر في الهجرة الى كندا:
أبدوا في التقديم عندما تكونوا في أفضل حال!!
لا تنتظروا حتى تسوء الأحوال!
الإجراءات مملة و تأخذ وقت طويل.

بس طبعا أهم نصيحة:
أعملوا حساب البرد و البرد الشدييييد!!!


سؤال هام جداً

يا أخونا أحمد الطيب

هو التقديم ببدوه من وين ؟؟؟
وكيف ؟؟؟
ومحتاج شنو ؟؟؟

وأي تفاصيل أخرى ترى أنها مهمة لزول عندو رغبة جادة في الإستفادة من العرض الكندي دا

Quote: غايتو خربنا الرصة عشان نرحب بيك

البتلقاك جري تتلقاهو ترسي هههههههههههه
ياخي مليون شكر للترحيب بخربان الرصة
عاين لي جاي عاين لي جاي
النجيضة اداكم ليها حبيبنا بدرالدين بابكر مصطفى صرة في خيت وعلي كيفكم
ابوي الله يرحمو ويغفر ليهو ونحن صغار قالينا نحن المزارعية ديل
مافي زول ضرانا غير العلمنا شراب الشاي والجبنة
لشنو يابا ؟
قال لو ما الاتنين ديل كان للاكل والشراب غير الملح ما نشتري حاجة
عشان كدا المخرج هو
الزراعة
البهايم
والجداد
وانا التلاتة ديل عندي ومهتم بيهم
حبيبنا خالد المحرب الله يطراهو بالخير قام في تربية الجداد جديد اتصل علي قال بتعرف للجداد
قت ليهو انا ود الجداد .... ضحك لمن قح
الزراعة .... البهايم ..... الجداد
كان حبيت التلاتة ديل وعملت بيهم تاني علا تغني دردق بي يا اللوري دردق بي
ود البصير نصيحة ليك فك درب الغربة دا كفاك وشيل اهلك
شبع هو ؟

الوزير دا على ما اعتقد ...
كان في مدينة جدة وتحديدا في حي الرويس ...
لو ما كان فكر وخارج نفسه بدري بدري من الخليج كان تلقى اقامته اسه (مِطَوِّفة)*......
.
.
.
* مطوفة = منتهية بلغة أهل الخليج ...


ههههههههههها

دا لو ما طلع مزوراتي

سلام ود البوش الزراعه دى تلم فيه كيفن اذا كان مزرعه ه فدان بى مليارات تصل الخمسه وتزيد الكلام دا مؤكد للشخص الذى يملك الارض سلفا

ـ
إذا كان السوداني مغترب في الخليج
في كندا هو مواطن أو في الطريق ليكون مواطنا!
هنا الفرق الكبير في طبيعة العلاقة و الوجود في المجتمع.
التعددية الثقافية و دولة القانون و الديموقراطية
أعطت المهاجرين في كندا الكثير مما فقدوه نتيجة هجرتهم.
تظل ديناميكية تعاملنا مع المجتمع
تختلف من أسرة إلى أخرى!
و من جالية الى جالية!
و من فرد الى فرد!
توجد أربعة أنماط أساسية لهذه الديناميكية:
١- نمط الذوبان: المهاجر يختار أن يذوب في
الثقافة السائدة حتى لا يلاحظ الآخرون إختلافه.
عُرِف بذلك الأوربيين غير الأنغلوساكسون و اليهود.
٢- نمط الإنعزال: المهاجر لا يختلط إلا بآخرين
من بلده الأم! تجارته و عمله و لغته و مكان عبادته!
يمنع عن أبنائه الإختلاط بالآخرين و يجبرهم على
الزواج فقط بمن يختاره لهم من أفراد مجتمعه.
نمط مشهورين به الصينيين في China Town
و بعض الجاليات الأخرى..
٣- نمط التهميش: المهاجر يجد نفسه مهمشا نتيجة
للعنصرية و التمييز رغم رغبته في ان يكون له دور
في المجتمع مساوي لأدوار الآخرين.
نمط يعاني منه الكثير من المهاجرين غير الأنغلوساكسون.
٤- نمط الإندماج: المهاجر يشارك إيجابيا في المجتمع
يأخد أفضل ما فيه و يعرف الناس بثقافته و يحافظ عليها.

من يختار النموذج الرابع ينجح في حياته و يتوفق أبنائه و بناته.
في بعض الأحيان تتنقل الأسرة الواحدة بين الأنماط الأربعة!

بس رغم كدا، كل هذه الأنماط تعاني من
البرد و البرد الشدييييييد و الشدييييييييد جدا



تسلم أخي أحمد الطيب بدرالدين

كفيت و وفيت ـ ملكتنا تفاصيل مهمة للغاية في موضوع كندا دا

بس أشوف موضوع البرد عامل ليك هاجس كبير شديد

هل مزيد من التفاصيل ؟

هل البرد كل العام ؟
كل المدن بنفس درجة الحرارة؟
ما هي الحلول المتاحة لهذه المشكلة لشعوب مثلنا تأتي من بلدان عبارة عن أفران

ـ
بالنسبة للتاشيرة مافيها صعوبة بالذات من الخليج وحسب تجربتي وبعدها بتقدم لاقامة عادي وبرضو مافي فيها صعوبة


تسلم أخي بكري ـ ما قصرت

أنا أشوف إنو تركيا برضو خيار جيد

محمد البصير
شكرا لفتح الموضوع الذي هو ذو شجون
في البدء انا من راي حبيبنا محمد ابراهيم
حيث ان الزمن وقد أزف خاصة لمن له أطفال في سن المدرسة
اعادت الاندماج في محيط غربي اخر بها صعوبة جمة ان لم تكن استحالة
لأسباب كثيرة من بينها ان الأطفال لا ينتظرون
طوالي عاوزين استقرار ومدارس والتزامات لا تتحمل التأجيل
في ظني ان الاسر الخفيفة بدون أطفال او غير متأهلين
يمكنهم المغامرة بل ارى ان مغامرتهم حتمية
اما الاسر التي بها أطفال يظل السودان
هو الجهة الانسب رغم الغلاء والفساد والعسعس
والدولة شبه المنهارة
تجارب كثيرة لأصدقاء ارجعوا اسرهم
للبلد
وهم هنا
والأمور ماشة بصعوبة نعم
ولكنها ماشة
والاباء يكابدون هنا
والام مع الأطفال هناك
رغم صعوبة الامر
ولكن المجتمع مازال متماسك
مما يسهل المهمة للام المسؤولة عن تربيةأطفال في غياب أباهم القسري
شخصيا متى ما استحالت الحياة في مغتربى ساعود للسودان
الذي يظل هو خياري الوحيد
حيث لم أفكر ابدا ان ابدا غربة جديدة
يا محمد صديقي
هو العمر ذاتو كلو كم؟

أهلين حبيبنا عبد المنعم
تباينت الأراء وهذا أمر متوقع ووارد الحدوث ،
المنطق يقول أن السودان يفترض أن يكون وجهة كل أبنائه ولكن واقع الحال يفرض خيارات اخرى
الهجرة للغرب حتماً لها ثمن باهظ أو قل تضحيات ـ ولكن الإستقرار في سودان الأنقاذ أصبح هو الأخر أكثر ضراوة وعبئا جسيماً على الأسر

أنا أقدر شجاعتك في أتخاذ قرار العودة للسودان وأكيد بنيت قرارك على معطيات عدة وصلتك لهذه القناعة
فلو حذوت أنا و الأخرين حذوك ماذا سأسقدم لأسرتي ـ فلا حياة كريمة ـ ولا تعليم و حد أدنى من خدمات صحية ،،،،

وحتي لو إضطررت للعودة للسودان
فما ترجع بعقلية المحارب المنهزم المكسور
تذكر دائما قول الشاعر :
وقد أرضي من الغنيمة بالإياب

خرجت لغزوة وعدت
خلفك صعوبات الجبل
أمامك صعوبات السهل
أو العكس !!!! ما فرقت

مهما كان حال الوطن مزري
الناس بتقدر تخلق ليها حياة في وسط الركام

بعد أن تحمد الله علي كل حال
وتتفاءل بقادم أحسن من رب كريم رحيم ورحمن
الوصايا برضو

أول حاجة
تغيير العقلية ومنهج الحياة
أنسي المظاهر والشو
خليك عملي وواقعي لأبعد الحدود

تانيا
كن مستعدا لأن تتم تعليم الأولاد في البيت
كتيرين بيقدروا علي دا
ما تخافوا من مراجعة الدروس
ممكن وضروري مساعدة المدرسة في حييك متي ما إستطعت

أنسوا حاجة إسمها بناء البيت
دي أكبر ماسورة لكثير من العائدين من المغتربين
الرأسمال والجهد والفكر البتختوا في بناء البيت ختوا في عمل إنتاجي
في آخر الامر حتبني بيت أحسن
(ولمن تقارن تكلفة البناء بالإيجار
أحسن تأجر بدون تردد)

وأختوا الخرطوم
في مدن كتيرة أحسن منها من نواحي كثيرة
من الشفته في زيارات للسودان
مدني وسنار وسنجة وكوستي وربك
أحسن كتير

أختوا تجارة العربات والتجارة عموما

عاملوا الناس كلها بمودة وإحترام
لكن ما تثقوا في زول نهائيا
وحتفشل بقدرة ثقتك في الناس

مهم جدا جدا
أينما كنت وكيفما كنت
يكون عندك بهائم ودجاج وحمام
وتزرع ليك كم حوض من الخضارات التي تستعمل
(دي الحاجة الدايرة تكيف نفسي كتير وكبير
بس تذكر حديث الرسول: الشاة بركة والشاتان بركتان)
وحتثبت لنفسك وللعالم إنه السوداني ما كسلان ولا هم يحزنون
بس مطرطرش شوية من توالي حكومات العسكر الفاشلين

ما تخاف من الصناعات الصغيرة
(عصارات زيت، صناعة غذائية صناعة نسيج وملابس ....إلخ)
بس أشتري من الصين بحذر شديد
وأدرس السوق بعناية وما تستعجل

إذا عاوز تزرع أجمع أكبر قدر من المعرفة والنصائح
(هنا بيظهر الفرق من التاجر والمزارع
حين لن يعطيك التاجر ولا نصيحة واحدة
المزارع كريم جدا بنصائحه ... ما تخجل من السؤال)
بس في لحظة معينة تتوكل وتبدأ
الزراعة يقتلها غياب المزارع
المزارعون يقولون أن سماد المزرعة هو كراع سيدها
الزراعة تحبها تحبك
تتأفف منها وتتعامل معاها بعقلية مكره أخاك لا بطل
بتخسرك)
حاجات مثل تحليل التربة والتسميد وفقا لإحتياج المحصول الحتزرعه مهم جدا
أعرف الناس الشغالين معاك من عمال وتجار كويس
راقبهم بدون أن يحسوا بأي قسوة ولا تخوين
فكر جديا في تربية النحل ما بتندم

هناك الكتير الممكن تتعلمه من ال youtube
والإنترنت عموما
تواصل مع أهل العلم والخبرة من علماء زراعة ومهندسي ري وخلافه

ما تنسي المعني الاساسي في الحياة :
أن الحياة هي الكفاح

الله يوفقكم جميعا


لك التحية أخي ناصر

جرعة أخرى تصب في تقديم النصح ـ وحتماً سيجد البعض ضالته لما ورد في سطورها .

صديقي العزيز البصير : محممد علي

شكراً على البوست المميز الموفق

وشكراً للإسهامات الهامة التي وردت فيه من الاخوة المشلركين

لا تتقاعس عن هذا البوست ، واصل فهو بارقة جميلة لآفاق أرحب

تحياتى ودالبصير وضيوفك
مهما اقول لك صعب لمن تعود العمل والاستقرار على تلك الديار مفارقتها وصعب على الأطفال كذلك سوف يظل رحيلها خنجر مسموم حتى إذا ذهبت بهم إلى أكبر الدول تطورا فى العالم. ودوما يتذكرون بلد المولد والمنشأ فى المملكة وركوبهم معك فى سيارتك والذهاب الحرمين واذا كنت من سكان الرياض سوف يذكرون لك غبيرا ومنفوحة وشارع الخزان ومولات الرياض وحدائقها.
سوف يتذكرون عودتك من الدوام وانت مرهق لكى يخرجوا معك نهاية الأسبوع.
وسوف يتذكر الأهل فى السودان نهاية الشهر للذهاب المكان المخصص لاستلام الخوالة.
ياخى إذا بتتباصر باصرها واصبر لعل الله يجعل مخرجا ويتغير الحال ..

لك التحية أخي فتح العليم

والله بالضبط هذا ما نعيشه الأن

الحياة هنا لها وقع خاص رقم ما يحفها من المخاطر والمهددات

بوستيك دا يا ود البصير بقى لينا زي أبو القدح ، محل ما نهبشوا ما عرفنا ،
لكن للضمان كدا، دا موسم العودة ( الطوعية أو الاجبارية ) لكثير من طيور النورس ...

التعلق بمظاهر الغربة وخداعها الزائف مع إلتزامات باهظة التكاليف، تعجل من العودة للوطن..

ومن كان له إمكانية للهروب للأمام غرب الأطلسي أو شمال المتوسط، مع تحمل التبعات المعروفة ، فله ذلك....


بالتوفيق لك عائد من السفر

الشغيل


لك التحية حبينا عبد العزيز الشغيل

الموضوع خش في اللحم الحي زي ما بقولوا

لم تعد المسالة مظاهر زائفة ـ لكن الموضوع أكبر من كدا بكثير ـ

الأن الناس مجابهة بتحديات جسيمة ـ وكيف توفر لقمة عيش كريمة للابناء وكيف تتيح لهم فرص تعليم جيد ، وكيف توفر لهم جرعة الدواء لو لا سمح الله إحتاجوا لذلك

صديقنا صبري طه شخصيا
عارف يا ود البصير البوست الجاب لينا صبري دا أبقى عليها عشرة
منور صبري
وفتح العليم ظهر وهو صاحب تجربة هنا فقد كان يكابس معانا هنا
نلتقي يوم الجمعة في شارع عسير نشتري الكسرة
ونلتقي في أمسيات منتدى سودانيات
غادر لامريكا قبل نحو عام
وهو اكتر واحد عاش التجربتين
اكتتبه ما استطعت لذلك سبيلا
مشرف صديقي فتح العليم
وتحياتي للجميع
وخاصة صديقي الحميم نصر؛؛؛
ونصر الشافو قريبات دي في سنار ما كضب
انه موسم العودة لسنار....
سلام.

هلا حبيبنا منعم

بس فتح العليم لس ما فتح علينا بموضوع أمريكا دا

ومنتظرين

تحياتي لك أخي محمد وللأخ الطيب ولبقية المتداخلين .. وجيت جديد لنج من السودان .. والبلد حلوة بي ناسا

ومُشكلتنا الأساسية في السودان ما بنشتغل .. بنحب الركلسة ...


حياك الله أخوي صبري

حمداً لله على سلامة العودة

أولا بالتبادي يا سيد ابوك ليك لمن جاتكم من بيت الله اتراوحوا اهلكم بس ما شايف غير كدا
وخاصة الناس الاغتبروا فترة اكتر من عشرة سنة
ديل بقوليهم القالوا زنبار قداد الهبوب لمن روح غنم الحلة وجاء راجع بنصهن قالوا ليهو وين البهائم ؟
قاليهم ديل كان حمدتوا الله عليهن ما شوية
.

الواحد اغترب عشرة سنة ول زيادة تاني ماش يبدأ من جديد عشان يعمل شنو ؟
اهلك قبل تهلك ... خلاص الفيك اتعرفت
حبابك بين اهلك واقعد كوجن معاهم زي ما قاعدين يكوجنو كوجن معاهم


حبيبنا ود البوش

المرة دي ما بنفتش إغتراب

بنكوس هجرة

أي هجرة عديييل

سودان البشير دا

هدا طرفي منو ( وجه ضاحك)

ود البصير نصيحة ليك فك درب الغربة دا كفاك وشيل اهلك

والله حار بينا الدليل وتشابه علينا البقر يا ود البوش

الناس الفي السودان يقولوا ما ترجعوا السودان خالص لو تسافروا الواق واق

والخارج السودان يقول ليك (شيل ) أهلك
أهلي زاتهم عايزين اللشيلهم
(وجه ضاحك)

صديقي العزيز البصير : محممد علي

شكراً على البوست المميز الموفق

وشكراً للإسهامات الهامة التي وردت فيه من الاخوة المشلركين

لا تتقاعس عن هذا البوست ، واصل فهو بارقة جميلة لآفاق أرحب.

أهلين الحبيب أستاذ / عبد اللطيف بكري

مرحبتين حبابك
اليوم السعيد الليلة جابك

البركة في بوستنا دا الخلانا نشوفك والله

نأمل أن يحقق البوست الغرض ويفي بإحتاج الأسر العايشة دوامة البحث عن البديل

سلام ود البوش الزراعه دى تلم فيه كيفن اذا كان مزرعه ه فدان بى مليارات تصل الخمسه وتزيد الكلام دا مؤكد للشخص الذى يملك الارض سلفا

والجداد

جداد وين يا ود البوش مع الجداد الإلكتروني ؟
( وجه ضاحك)

ود البصير

لكم التحايا وللمشاركين والمعلقين بآرائهم وللقراء الكرام .

كأحد المقيمين في المملكة منذ أمد طويل ( يا خي ما بين سودان .نت وسودانيز أونلاين قضينا عقدين ،،، يعني في المملكة كم ؟؟؟)

البدائل كثيرة والأختيار حسب ظروف المقيمين ،،، الشباب الذين لم يرتبطوا بأية إلتزامات عليهم أن يضربوا في الأرض ويهاجروا

لشتى أنحاء العالم وخاصة المسلحين والمدججين بالعلم والشهادات العليا ،،، الشباب الغير مسلح فالبديل الطبيعي الوطن .

أصحاب العوائل الذين ما زال أطفالهم صغار لا بأس أن يبحثوا عن البلدان التي تستوعب المهاجرين ، وفي حال عدم إتاحة أية

فرصة ، عليهم التحزم والتوجه للوطن .

العوائل الذين أبناءهم دخلوا طور المراهقة عليهم التوجه للوطن ولا بديل إلا الوطن لا سيما للذين لديهم فتيات .

ونسأل الله أن يوفق الجميع .

ود البصير

لكم التحايا وللمشاركين والمعلقين بآرائهم وللقراء الكرام .

كأحد المقيمين في المملكة منذ أمد طويل ( يا خي ما بين سودان .نت وسودانيز أونلاين قضينا عقدين ،،، يعني في المملكة كم ؟؟؟)

البدائل كثيرة والأختيار حسب ظروف المقيمين ،،، الشباب الذين لم يرتبطوا بأية إلتزامات عليهم أن يضربوا في الأرض ويهاجروا

لشتى أنحاء العالم وخاصة المسلحين والمدججين بالعلم والشهادات العليا ،،، الشباب الغير مسلح فالبديل الطبيعي الوطن .

أصحاب العوائل الذين ما زال أطفالهم صغار لا بأس أن يبحثوا عن البلدان التي تستوعب المهاجرين ، وفي حال عدم إتاحة أية

فرصة ، عليهم التحزم والتوجه للوطن .

العوائل الذين أبناءهم دخلوا طور المراهقة عليهم التوجه للوطن ولا بديل إلا الوطن لا سيما للذين لديهم فتيات .

ونسأل الله أن يوفق الجميع

لك التحية أستاذ ولياب

كفيت ووفيت

كلام منطقي وموضوعي للحد البعيد

عبد المنعم يا فردة
"وتحياتي للجميع
وخاصة صديقي الحميم نصر؛؛؛
ونصر الشافو قريبات دي في سنار ما كضب
انه موسم العودة لسنار...."

ثلاثون عاما "قريبة لحقت مصطفي سعيد مش كدا"
وأنا أصحوا كل صباح علي حلم العودة لسنار
بس تلاث حاجات قاتلات مرقننا من سنار ونسيمها العليل
الملاريا والسخانة والديكتاتورية
إثنين بتعالجن
بس الرجوع مع التالتة دي إلا كان درنا نقضي آخر أيامنا في سجن

براك شايف الناس الطفوا ليهم النور ولملموا الكراسي لسه واقفين
ونحن في بلد علمتنا وشغلتنا وعالجتنا وأدتنا جنسية وجواز
ودايرني أخليها؟؟؟؟؟؟؟؟؟؟؟

اليوم التالت لسقوط الديكتاتورية بتلقاني لافي في شوارع سنار

عبد المنعم يا فردة
"وتحياتي للجميع
وخاصة صديقي الحميم نصر؛؛؛
ونصر الشافو قريبات دي في سنار ما كضب
انه موسم العودة لسنار...."

ثلاثون عاما "قريبة لحقت مصطفي سعيد مش كدا"
وأنا أصحوا كل صباح علي حلم العودة لسنار
بس تلاث حاجات قاتلات مرقننا من سنار ونسيمها العليل
الملاريا والسخانة والديكتاتورية
إثنين بتعالجن
بس الرجوع مع التالتة دي إلا كان درنا نقضي آخر أيامنا في سجن

براك شايف الناس الطفوا ليهم النور ولملموا الكراسي لسه واقفين
ونحن في بلد علمتنا وشغلتنا وعالجتنا وأدتنا جنسية وجواز
ودايرني أخليها؟؟؟؟؟؟؟؟؟؟؟

اليوم التالت لسقوط الديكتاتورية بتلقاني لافي في شوارع سنار
.

تسلم أخوي ناصر

ربنا يرجعك سنار سالم غانم
ويزيح كابوس الإنقاذ عن وجوهنا

التفاصيل المالية لحضور كورسات ودورات تدريبية في جنوب أفريقيا

تتيح كثير من الجامعات والمعاهد العليا في جنوب أفريقيا فرص حضور دورات تدريبية في مجال اللغة الأنجليزية ، وتمنح شهادة للدارس بعد التخرج،وذلك وفق الشروط المالية والإدارية التالية :
م البيان القيمة ملاحظات
1 رسوم التسجيل 1500
2 رسوم الدراسة لفترة شهر 2600 يقوم الدارس بتسديد باقي الشهور
3 رسوم تأمين صحي لمدة سنة 5400 تلزم سطات جنوب افريقيا أي زائر للدولة بالحصول على تأمين صحي
4 خدمات 7750
الإجمالي 17250
القيمة بالدولار 1500 وفق القيمة في جنوب أفريقيا بتاريخ 16 مارس 2018
 الرسوم بالراند الجنوب أفريقي .
 سعر الراند مقابل الدولار ( حسب نشرة مؤسسة النقد العربي السعودي ـ 22 مارس 2018 م )
1 (USD) دولار امريكي = 11.8474

 يكفل القبول لحضور الدورات الحصول على تأشيرة الدخول لجنوب الأفريقيا ـ وتكون فترة الإقامة حسب فترة الدورة التدريبية أو الكورس ـ وهى غالباً 3 شهور ـ 6 شهور ـ سنة . وتمنح تأشيرة الدخول من السفارة في الدولة التي تقيم فيها.
 لا تمنح تأشيرة الدخول دون إرفاق متسندات التأمين الصحي التي ترسل مع مستندات القبول المرسلة من الجامعة أو المعهد
 فرص العمل في جنوب أفريقيا متاحة في حدود ضيقة ، وعامل الحظ هو المعيار ـ
 في حال حصول الطالب الملتحق بدورة تدريبية على فرصة عمل ، يمكن أن يحصل على الإقامة و لكن يلزمه أن يحول (Study permit) إلى (Work permit) ولكن قد يستغرق الإجراء بعض الوقت .
 يمكن الحصول على الإقامة الدائمة في جنوب أفريقيا بعد مرور 5 سنوات من الحصول على (Work permit) ـ ومدة الإقامة الدائمة 10 سنين ـ وبعدها يمكن التقديم للــ( citizenship) .
 كما أن قوانين الدولة تتيح فرص التقديم للجؤ السياسي وفق شروط معينة .
 التعليم في جنوب أفريقيا موصوف بالتطور ومواكبة أحدث الأساليب التعليمية العالمية .
 جنوب أفريقيا دولة متطورة تتمتع بمستوى خدمي رفيع ، ـ المناخ فيها معتدل طول العام .

لمزيد من التفاصيل ـ يمكن التواصل معي على الأيميل : [email protected]


منقول

تحياتي يا أحباب

لا زالت الحاجة ماسة لما ورد في البوست

ولما قد يرد لاحقاً

quoteالسلام عليكم
أولاً قبل الرجوع الزول البخلي بالو هنا وهناك دا هو البفتش تاني للرجعة وبيفشل هناك
ثانياً نصيحة لكل الأخوة الراجعين من المهجر الى السودان
أمش من هنا وانت غاسل وشك من الغربة نهااااائي .. طالما عندك أسرة .. لكن لو عذابي ممكن تفكر في أي مخرج تاني
نمرة اتنين :ما تخش في أي عمل ينصحوك بيهو .. مااااااا تخش في أي بزنس أو شراكة ولا تكشف كل أوراقك حتى لأقرب الأقربين إليك
حول قروشك لي دهب أو دولار أو ريال وأدفسا في أي حتة وأقعد سنة كااااملة اشتغل بي إيدك في المجال البتعرفو
المجااااال شنو ؟؟ المجال البتعرفو تخصصك يعني .. أعرف كل شيء عنه .. أحذر من تجارة العربات أحذر منها وأي عربية يجيبوها ليك السماسرة ما تقرب منها
لو ضروري تشتري عربية اشتريها بعد ستة شهور أو سبعة شهور ..
والله اتذكر تجربة أخوي جايي راسو لافي من السعودية دخلوهو في تجارة عربات ... وقايض وبيع واشتري لامن في النهاية طلع بي تلفزيون وتلاجة

ما تدخل ولادك في مدارس غالية وتعمل فيها مغترب لسع .. لا دا وضع اتغير وما تفكر إنو حتستمر بي نفس الوضع السابق
وإنو قروشك قاعدة وبتمشيك .. لا والله .. بتنتهي بأسرع مما تتخيل
مصاريفك تطلعا من الشغل القلتو ليك قبيل داك.. نعم حتكون قليلة وما بتكفي .. مهما تكون قليلة حاول برمج نفسك وأسرتك عليها
ولو سكنت في الأقاليم الوضع بكون أسهل بالنسبة ليك

ولو إدعيت إنك مفلس ومعدم حتعرف الناس أكتر مما تدعي إنك مروق ومغترب ..
مافي داعي للنفخة والجخ وتتكلم بي لهجة مختلفة .. يعني ما تمشي لي سيد الدكان تقولو عطني صرف .. العيال رايحين المدرسة
وأحذر من كلمة بقالة .. دكاااااان .. نعم ، والحليب دا إياهو اللبن الزمان داك .. وما بختلفن .. الروب ولا الزبادي واللبن الرايب ديل حاجة تانية .. لكن اللبن إياهو الحليب ذاتو
ما تقول لي بتاع الركشة روح يا شيخ من هنا .. وتفخم الراء .. طوالي مشوار 50 جنيه بعملوا ليك 200 جنيه

اسكن في بيت واسع سواء كان حقك أو إيجار ..
تحاول تخلي منصرفاتك أقل ما يمكن
والبيت الواسع دا ذاتو ممكن تستغلو في توفير مصدر دخل لأسرتك .. لابد أن تتحول أسرتك لأسرة منتجة
عشان ما تعيش بنسبة 40% من الوضع الكانو عايشين فيهو هنا : مكيفات ومشاوير وتسويق والولاد دايرين ايسكريم وشوكلاته وحاجات زي دي
ما تسمع كلام المرا وتقولك ما بنفع معاي الجداد ولا السخانة بتعمل لي جيوب انفية
ولا عندي حساسية ضد الجداد والغنم
اعمل قفص جداد وخت فيهو 250 جدادة بياض جااااهزة .. تقريباً بمبلغ زهيد جداً وجيب لهن الأكل وأقرأ في النت دي عشان تعرف مشاكل الجداد شنو والحمام شنو
أعمل حوضين تلاتة في البيت وجيب لك قلاب واطات بحر .. جيب عمال يدخلو معاك الواطة دي وانت ذاتك اشتغل معاهم
اعمل ليك أربعة خمسة حيضان .. أزرع الملوخية والبامية والجرجير والنعناع والبصل الأخدر وأي شي..
ما بتعرف ما مشكلة .. بتتعلم .. خلي ولادك يساعدوك حتى الصغار وأغرس فيهم الروح دي
دي ذاتا بتخفف عليك مشاكل الخدار المتوفر في السوق .. المتدني الجودة والملان لغاويس ما أنزل الله بها من سلطان
لو قدرت جبت لك عنزين تلاتة للبن تكون اكتملت دائرة الإنتاج في بيتك .. من دقنو وفتلو ..
رقد الدقيق ودقيق القمح والدخن .. انعصرت خلي المرا تعمل عصيدتا .. ولا قراصتا براها ولا فطير

ما تهبش قروشك إلا تتأكد من مشروعك الداير تعملو .. ودراسة الناس أهم من دراسة السوق .. الناس الفي المجال
حوم معاهم وأعرف أي شي واشتغل بي إيدك لامن تتعلم أساليب السوق .. عشان ما تنضرب من أول شهرين Quote


الاخ بدر الدين هل مصدرك الواتساب أم الواتساب مصدره أنت ؟
السؤأل التانى هل تتصور أن ما ورد من نصائح يمكن ان يكون applicable to all ؟ زي ما بقولو

لاخ بدر الدين هل مصدرك الواتساب أم الواتساب مصدره أنت ؟ السؤأل التانى
هل تتصور أن ما ورد من نصائح يمكن ان يكون applicable to all ؟ زي ما بقولو

هلا وليد طه

فوووق

تحياتى محمد البصير
امل تفعيل البوست حيث اقتربت الإجازة الصيفية والرحيل المر لعدد كبير من الأسر وكذلك اقترب العد التتازلى لنتيجة اللوترى.
دمت بخير

تحياتى محمد البصير
امل تفعيل البوست حيث اقتربت الإجازة الصيفية والرحيل المر لعدد كبير من الأسر وكذلك اقترب العد التتازلى لنتيجة اللوترى.
دمت بخير

تحياتى محمد البصير
امل تفعيل البوست حيث اقتربت الإجازة الصيفية والرحيل المر لعدد كبير من الأسر وكذلك اقترب العد التتازلى لنتيجة اللوترى.
دمت بخير

UP