جاء في سفر الغلاء أن الشعب اذا كثر عندهم تأليف النكات الساخرة فاعلم انه قد جاع.. والشعب السوداني اثبت فعلا انه معلم الله، مع ايام الغلاء هذي فما رايكم ان نوثق لهذه الطرائف المنهمرة في هذا البوست.. ولنبدأ من اخر الحكاوي..
ولاية جنوب دارفور الجنيه يواصل هبوطه امام الرغيف 1 رغيفة 1.5 حنيه
انت يا بتاع الرغيف 😜 انا في السودان الحين والله الناس ولا شغالة بالموضوع عملوها كلها تريقا وضحك ونكات والخبزاية كبروها ونفخوها شوي لكن فاضية من جوه تاكل أربعة ما تشبع قلت ليهم أكلوا كسرة والله افضل واطعم او رز بروان رايك شنو ما افضل 😉
تحياتي للجميع خاصة الاحباب فرانكلي عاصم علي حمد وضاحة وهاكم دي .. ✍ *اخر نكته* ... المحاسب قال للموظف مرتبك كم عيشة عشان نحسب ليك بدلاتك طعمية 😅😅😅😅😅😅
Post: #9 Title: Re: بوست الرغيفة الموحد .. حكاوي وطرائف السودا Author: عمر التاج Date: 01-10-2018, 06:57 AM Parent: #8
شكر الله سعي المشاركين والقراء الا كمال الجانا ايدو فاضية ده بنقول ليه الدين ما بناباهو لكن الفيك اتعرفت
وولو كان الاستغفار لوحده بزيل الغلاء فالكيزان ديل غير كلام الله ماسمعنا منهم شى تاني طيلة العشرين سنة الفاتت لكن الكلام كلام النبي نوح والافعال افعال قوم لوط ولو كانت الرفاهية بكلامهم ده ما ماكانت اتوفرت عند الخواجات والكفرة الكلام ده برضو لخصو كاتبنا الكبير الفاتح جبره ورغم انه البوست ما بوست مقالات الا ان سخرية الكاتب تصنفه ضمن حكاوي البوست.. بعد تفاقم الحالة الاقتصادية وارتفاع أسعار الدولار (الما عارفين حدو متين) ووصول سعر (الرغيفة الأليكترونية) إلى جنيه (ألف جنيه) وما صاحب الموزانة الجديدة من (زيادات) في السلع الضرورية يصرح وزير المالية (دون خجل) بأن عدم يقيننا هو سبب مشاكلنا، شأنه شأن كثير من رموز النظام والمنتفعين وبعض رجال (نظام الدين) الذين أحسوا بالخطورة وحاولوا جاهدين دعوة الناس للصبر (وشدة وح تزول) وأن الأرزاق بيد الله سبحانه وتعالى، وكل ذلك بالطبع من المسلمات التي يعلمها كل مسلم عاقل بالغ رشيد، لكنهم وهم يطابوننا بالصبر واليقين لم يتحدثوا عن (الفساد) الذي ملأ الأرض والبحر والجو والثراء الفاحش الذي أصاب (أصحاب شنط الحديد)، ولم يقارنوا لنا ذلك بعفة الصحابة وضربهم المثل في تفقد الرعية والحنو عليها والاطمئان على أحوالها وإقامة العدل بينها. إنظروا إلى أقوال القوم ونحن في هذه (الزنقة) التي لا يعلمها إلا الله: • (إن الأرزاق لا ينقصها ولا يزيدها إنخفاض أو ارتفاع الدولار لأنها مكتوبة عند الله الذي لا تنفذ خزائنه). • (لا تجزعوا من ارتفاع الأسعار والإجراءات الإقتصادية) • (لا تربطوا حياتكم بارتفاع الأسعار أو الآثار السالبة للإجراءات الاقتصادية) • (إن ارتفاع سعر الدولار أو إنخفاضه، وارتفاع المحروقات والجازولين، ليس مرتبطاً بأرزاق الناس). • (يجب الاستعانة بكثرة الاستغفار لتجاوز الأزمة الطاحنة التي تعيشها البلاد) كما إستمعوا إلى خطيب أحد مساجدهم يقول: أيها الناس: إن الله هو الذي يبسط الرزق لمن يشاء. وأن الصبر على القضاء والقدر أقل درجات الصبر فالأعلى درجة هو الصبر على الطاعات، فالصبر على المعاصي، ثم الصبر على القضاء والقدر تتكاثر الآن مثل هذه التصريحات و(الخطب)، وربما تجدها بوفرة على شبكات التواصل الإجتماعي وذلك من أجل تخدير الناس بالحديث عن إنو الحاصل ده هو نوع من قضاء الله وقدره، وأن الأرزاق بيد مالك الخزائن القادر على إنزالها عليهم، فلا يأبهوا إذا صارت (الرغيفة) بجنيه (ألف جنيه) أو أسطوانة الغاز بمئتي جنيه (200 ألف) أو إن تضاعفت أسعار (تذاكر) المواصلات أو بقية السلع الضرورية بعد أن وصل الدولار الواحد حوالي الثلاثين ألف جنيه! في ظل المحاولات المستميته لتهدئة (الشعب الفضل) بعد أن صار معظمه يمشي (على عجل الحديد) يحاول كل مرتزق من السلطة الإكثار من تسبيب (الحالة الوصلنا ليها دي) بالحديث عن القضاء والقدر والرضى بالأرزاق المقسومة متجاهلاً تماماً عن عمد وسبق إصرار أن يعزي هذه الحالة من المعاناة التي يعيشها الناس إلى (أسباب موضوعية) تتلخص في السياسات الخاطئة وسوء الإدارة والفساد (المفتشر) وغياب العدل والمحاسبة وعدم سيادة القانون. إن الإسلام الذي نعرفه يربط ربطاً وثيقاً بين الأرزاق وفلاح الأمم وصلاح أعمالها وطهر (حكامها) ويرى أن السعي لتحسين الحال لا يكون بالصبر وحده أو الإرتهان للواقع المخزي بل بالرجوع إلى الحق وإقامة العدل ورفض الظلم وإجتثاث الفساد. لم يدع سيدنا علي كرم الله وجهه إلى الصبر والإستكانة والخنوع وإنو (القصة قضاء وقدر) عندما تصبح المسألة جوع و(أكل وشراب) بل قال قولته المشهورة (عجبت لمن لا يجد قوت يومه كيف لا يخرج على الناس شاهراً سيفه)، ولم يبرر الفاروق بن الخطاب (رضي الله عنه) ولم يجد العذر للحكام أن جاعت شعوبهم أن يبقوا على كراسي السلطة بل قال: (ولينا على الناس نسد جوعتهم ونوفر حرفتهم فإن عجزنا عن ذلك اعتزلناهم)، (مش كده وبس) فقد طرب رضي الله عنه حينما قال في المنبر “إذا أصبت فأعينوني، وإذا أخطأت فقوموني” فقيل له: والله لو رأينا فيك اعوجاجاً لقومناك بسيوفنا، فرد قائلاً: الحمد لله الذي جعل في أمة محمد من يقوّم عمر بسيفه، وما كان أسهل عليه رضي الله عنه أن يعزي الخطأ للقضاء والقدر كما يفعل القوم الآن! ولم يتوقف الخليفة العادل عن تبيان العلاقة بين الحاكم والمحكومين عندما يشتد الغبن عليهم إذ قال: لا خير فيكم إن لم تقولوها، ولا خير فيّ إن لم أسمعها، وهذه دعوة صريحة للمواطنين أن يجهروا بالقول إن عجزت الدولة عن إزالة الجوع وها نحن نجهر بالقول أن (مليون جنيه) رغيف في (الشهر) لأسرة متوسطة (بدون غموس) هذا أمر لا يحتمل ولا طاقة لمعظم المواطنين به.. (طبعن المواطنين الما حرامية)!
كسرة: إنتو عاوزين الشعب ده يصبر لحدت الرغيفة تبقى بي كم مثلاً؟ عشان نعرف بس!!
•كسرة جديدة لنج : أخبار كتب فيتنام يا وزير المالية ووزيرة التربية والتعليم شنو(و+و+و+و+و) ... • كسرة ثابتة (قديمة) : أخبار ملف خط هيثرو العند النائب العام شنو (وووووووووووو)+ (وووووووووووو)+ (وووووووووووو)+ (وووووووووووو)+ (وووووووووووو)+ (وووووووووووو)+ (وووووووووووو)+(وووووو)+(و)+و+و • كسرة ثابتة (جديدة) أخبار تنفيذ توجيهات السيد الرئيس بخصوص ملف خط هيثرو شنو (وووووووووووو)+ (وووووووووووو)+ (وووووووووووو)+وووووووووووو)+و+(و)+و+و
Post: #10 Title: Re: بوست الرغيفة الموحد .. حكاوي وطرائف السودا Author: عمر التاج Date: 01-10-2018, 10:59 AM
مسطول قاعد جنب البحر وسرحااااان . سألوه سرحان في شنو ؟ قال ليهم هسي لو البحر ده كلو بقى شوربة نجيب ليو عيش من وين 😨
Post: #11 Title: Re: بوست الرغيفة الموحد .. حكاوي وطرائف السودا Author: عمر التاج Date: 01-10-2018, 11:24 AM Parent: #10
🔴 خبر عاجل
نظراً لغلاء المهور وقلة الوظائف واستحالة السكن وارتفاع سعر الرغيف والوقود والدخان ورسوم الضرايب.والحالة الاقتصادية الصعبة
نرجع نوثق من ورا... فيديوهات وصور كميات .. فلينزل منها من استطاع اليها رفعا وتحميلا.. ... ﻋﺎﺍﺍﺍﺍﺍﺍﺟﻞ ﻭﺯﻳﺮ ﺍﻟﻤﺎﻟﻴﺔ : ﺍﻟﻈﺮﻭﻑ ﺍﻹﻗﺘﺼﺎﺩﻳﺔ ﺳﻮﻑ ﺗﺘﺤﺴﻦ ﺑﻌﺪ ﺗﺴﻌﺔ ﺷﻬﻮﺭ ﻣﻦ ﺍﻷﻥ ! ﻣﺒﺮﻭﻭﻭﻭﻭﻙ ﻳﺎ ﺟﻤﺎﻋﺔ .. ﺍﻟﺴﻮﺩﺍﻥ ﺣﺎﻣﻞ !😂😂😂😂😂 ... زمان جنيهنا يهز و يرز و يساوى 3 دولار و تلت هسى بقى يساوى رغيفة مع العلم انه فى 3 اصفار محذوفة 😕😕😕😕😕 .... واحد قال زمان نشيل القروش في جيبنا نمشي الفرن نجي شايلين الرغيف في كيس 😃😃 هسع نشيل القروش في كيس نمشي الفرن نجي شايلين الرغيف في جيوبنا
. . راكب هايس قبيل من الحاج يوسف لي بحري التذكره ب5ج في واحد لما نزل طلع للسواق 5عيشات قال ليهو قروشي وقعت بتاع الهايس شالهم منو طوالي....😂😂😂😂😂 القصه ماهنا...القصه لمن انا نزلت اديتهو عشره رجع لي ال5 عيشات 😂😂😂😂😂😂
. . ابشركم الزلابيه تتحررمن من الحبه الثالثه لتصبح اثنين ب1 جنيه ونتمني لها دوام التحرر لتلحق بركب العيش الميمون 😂😂😂 . . واحد قال امبارح مشينا نخطب لاخوي ناس العروس طلبوا مهر 300 مليون. حسب الزيادات الجديدة ..
*من الخلعه نسينا أمي عندهم ..*
😅😅😅 . . السودان🇸🇩 أول دولة في العالم تتساوى عملتها مع الرغيف يعني عادي تاني الزول يقول ليك مرتبك كم رغيفة في الشهر . . يا حاج انا طالب يد بنتك مؤهلاتك شنو ي ابني شغال في فرن ي حاج الففففففف مبروك ي ابني 😂😂😂😂😂😂
دي جديدة بمناسبة رفع اسعار الوقود.. قال ليك البحرين ترفع رسوم الكحول والسجائر ! والسعودية ترفع رسوم الحج والعمرة !! السودان يرفع رسوم الخبز مسكين الشعب العربي لا قادر ينحرف ولا قادر يتوب ولا قادر ياكل 😂😂😂😂😂😁😁😁😁😁
Post: #18 Title: Re: بوست الرغيفة الموحد .. حكاوي وطرائف السودا Author: عمر التاج Date: 01-11-2018, 11:15 AM Parent: #17
اسعار العملة💵 مقابل الرغيف السوداني🍣 الدولار الأمريكي 28 رغيفة🍣 الريال القطري 7 رغيفات و نص🍣 الدرهم الاماراتي 7 رغيفات و نص🍣 الريال السعودي 7 رغيفات و لقمة🍣 الجنيه المصري قرمة. . . 2014 - خمسة عيشات بجنيه 2015 ـــ اربعة عيشات بجنيه 2016 ـــ تلاتة عيشات بجنيه 2017 ـــ عيشتين بجنيه | 2018 ـــ العيشه_بجنيه | | 2019 ـــ تعاين ليها ساي بجنيه . .
الخواجة👴🏻 جاء السودان اول مانزل الخرطوم مشى شارع الجامعة ومعاهو سوداني الخواجة بدا يسأل في السوداني من جامعة الخرطوم البناهو منو ؟؟؟ قاليهو بنوها الانجليز وكان اسمها كلية غردون🕵🏻 مشى شوية شاف السكة حديد وسال منها البناها منو السوداني قاليهو بنوها الانجليز
وسال من كبري الحديد بحري
وبرضو الاجابة انه بنوهو الانجليز
مشى ام درمان وشاف مبنى المحلية وسال .
وكانت نفس الاجابه بنوهو الانجليز.
الخواجة سال السوداني👳🏿♀ انتوا طيب عملتوا شنو؟؟؟؟ السوداني قاليهو نحنا طردنا الانجليز😳 ❃ ❃ ❃ ❃ ❃ ❃ ❃ . . يوم عرسي 💑👫اي زول 👌✊ يجي شايل عيشتو في يدو👏✋وريتكم من هسي 😂😂😂 . .
*مغترب عائد الي السودان سأل ليهو مسطول في المطار عن الحال في السودان ؟
*المسطول قال ليهو والله السودان بقي زي غناء الشايقية*:👏👏👏👏👏👏👏👏👏👏👏👏👏👏 *نصفق وراجعين لي وراء.!!* . . واحد من العزابة الصباح مشى الدكان و جا صحى البيت كله و تلى البيان التالي: معجون الأسنان لقيتوا بي 30 جنيه كيس العدس 12 جنيه صابونة الغسيل 10 جنيه ربع الزيت 5 جنيه الرغيفه 1 جنيه . . . واحد كورك من تحت البطانية: " كم لبثنا في مرقدنا هذا ؟ " . . *موظف متضايق من شغلو جاهو عقد عمل في السعودية.. بي دربو قام مشي للجماعة ودور فيهم نبز وشتايم تقيلة من المدير لغاية الغفير ماخلي ليهم شي.. وطوالي اتخارج علي السفارة يعمل التأشيرة اها علي حظو الجواز اترفض من السفارة واتضح انو العقد مضروب ..* *اها صاحبنا استجمع شجاعتو وجرجر كريعاتو ومشي الشركة .. دخل للمدير وسلم عليهو عادي وقال ليهو : والله يا سعادتك انا قبل يومين سكرت لي سكرة شينة خلاس وخرمجت في الدنيا دي جنس خرمجة!!* *ياخ تصدق طلقت الولية واتضاربت مع بتاع الدكان!!! بس ان شاء الله ما اكون جيتكم بي جاي ؟* 😅 . . عندنا في السودان اكتر حاجتين عرضه للامتهان هما صباع المعجون وحجر الريموت فحالما تكتشف انك نسيت تشتري معجون اسنان طوالي تتناول القديم وفاضي وتبدأ بممارسه أحدث واعنف وسائل التعذيب عليه .من عصر وكرفيس وطي حتي يقر ويعترف باخر اقواله.. وكذا الحال مع حجر صباع الريموت فلحظه تبديلك للقناة يعصلج تتذكر ان هذه الحاله عمرها سبعة عشرين يوم وأنت تنسي تشتري حجر ريموت جديد 2فتفتح مكان الحجر وتطلع القديم وتبدأ في العض. واغرب حاجه ان صباع المعجون وصباع حجر الريموت أصلا مابخذلنك فبعد كل هذا التعذيب بمشن ليك الحال ..
هكذا تفعل بنا الحكومة عام بعد عام... رفع اسعار... وعصر وكرفيس... للمواطن الغلبان.. وبرضو بمشي حالو 😜😜😜 . .
سكرتير الرئيس سالوه عن الوضع الحالي ؛ فرد بتهكم انه حيرجعنا لعهد الصادق المهدي ؛ يقصد العهد الديمقراطي ؛ في اشارة الي انه الزمن داك كانت فيهو صفوف رغيف .
Post: #23 Title: Re: بوست الرغيفة الموحد .. حكاوي وطرائف السودا Author: عمر التاج Date: 01-13-2018, 07:12 AM Parent: #22
شكرا اخ عارف على المساهمات الطريفة [١٣/١ ٨:٤٥ ص] OmerEltag: الجوكي بتاع الركشه لاقى صاحبو في الاشارة كورك ليهو وين يا اصلي ؟؟ شنو ياااخ (مسترغف) كدا ؟؟؟؟ صاحبو قاليهو والله ما مسترغف لكن الجري بس يا عمك ... انا سالتو قلت ليهو مسترغف كيف يعني ؟؟؟ قال لي يعني بقى غالي ورافع قزاز 😂😂😂😂😂 . . *وجبات لا تحتاج لرغيف* .... . 1) معجنات الذرة بمرقة اللحم المجفف و مسحوق الأوكرا . 2) فطيرة القمح بمرقة اللحم المجفف و مسحوق الأوكرا و الصلصة .. 3) حبيبات الذرة المسلوقة بالسكر أو بالملح .. 4) معجنات الذرة بالزبادي المطبوخ و اللحم المجفف و مسحوق الأوكرا .. 5) فطيرة القمح بطبيخ الأوكرا الطازجة و اللحم الطازج .. *معاني الكلمات:*
1) يعني *عصيدة بملاح شرموط* . 2) قراصة بالتقلية .. 3) بليلة .. 4) عصيدة بملاح *روب أو نعيمية* .. مسحوق الاأوكرا يعني *ويكة*. 5) يعني قراصة بملاح *أم بقبق* ..
Post: #24 Title: Re: بوست الرغيفة الموحد .. حكاوي وطرائف السودا Author: عمر التاج Date: 01-13-2018, 09:48 AM Parent: #23
واحد قال لي ابوهو انا عايز اقرأ في أمريكا .. أبوهو قال ليهو لي تمشي أمريكا ؟ .. وفي مليون جامعه هنا .. قال ليهو الحاجة العاوز أقراها .. هنا مافي .. أنا عاوز اقرأ علم الذرة .. أبو قال ليهو عليك الله هسه في زرة أكتر من النحن فيها دي؟ .. 😅😅😅😂😂😂😂😂
مع تحيات البورصه الرغيفيه العجيبيه في بلد زراعي باامتياز . . ابتسامة رباطابي بلدياتنا قال الرغيفه والطعميه الكتوف اتلاحقت ما عارفين البيحشوها في رفيقتهاياتها
واحد شايقي لقى ليهو 50 كيلو في مناطق الدهب وجا البيت دساهم عارف مرتو خشمها خفيف ولفيف قال ليها يا ولية اوعك تكلمي زول بالموض وع ده 😶 وقام طوالي ساقها مشى بيها البحر قال ليها عايز اصطاد ارنب 🐰 قالت ليهو ارنب شنو كمان البتصطادو من البحر 🤔 طبعا كان داسي ليهو ارنب في طرف القيف وعمل فيها اصطادو تاني قام ساقها لشجرة كدة وقال ليها دي شجرة حلومر 😵 قالت ليهو كيف الكلام ده قال ليها ايوة الشجرة دي ثمارها حلومر وكان داسي الحلو مر جواها فعلا طلعو وبعد داك رجعوا البيت اها المرا شمارها حاااار كلمت نسوان الحلة انو راجلها لقى 50 كيلو دهب الموضوع وصل ناس الامن الاقتصادي ونادوا الراجل يحققوا معاهو 🤒 قال ليهم مرتي دي عندها مرض نفسي وبتتوهم حاجات من راسها المهم الجماعة استدعوها وقالوا ليها صحي راجلك جاب 50 كيلو دهب البيت ؟ قالت ليهم ايوة شفتو بعيوني دي قالوا ليها متين ؟ قالت ليهم نفس اليوم المشينا اصطدنا فيهو ارنب من البحر وحصدنا الحلو مر من الشجرة 😬😬 الجماعة طوالي فكو المرا وقالوا للشايقي ربنا يشفيها ويعافيها ليك 😞🙁 المهم هسع صاحبنا عندو قصر في المنشية وعرس فوق مرتو بتاعة الشمار دي عجبني ليها كانت دايرة تضيعو 😹😹😹😹
ود المجمر حبابك يوم تلاتين يونيو ما كان في مشاكل عشان كده ما كان في داعي لتفريغ الطاقات الان الإنقاذ خلت الشعب عايز تفريغ وفي ده ينطبق عليها الفيديو ده
يا عاصم الدولار اليوم ب ٣٦ رغيفة.. برضو بتقولو الرغيف غالي في السودان...بدولار واحد تشتري ٣٦ رغيفة!! في امريكا بنشتري الرغيفة الواحدة بدولار...هسع في ارخص من المعيشة في السودان!!؟ وش ضاحك.. مع وافر التقدير
شنو ي يا امتثال الجفا ده انا لا عثمان لا طالباني رغيفة هههه مابيناتنا يا زولة سلمي على الاميرة واهديها الطرفة دي ⭕ عاااااجل⭕ القبض علي اربعة موظفين حكوميين بتهمة الثراء الحرام وجدوهم قافلين المكتب وعاملين فتة فول فيها 15 رغيفة. 😂😂😂😂😂😂
