► طربقة الكتابه و الغباء البشرى►

05:33 PM January, 08 2018 سودانيز اون لاين
جلالدونا-
مكتبتى
رابط مختصربوست تأسيسي لمفهوم بشري

الى عهد قريب كانت الطربقه باللسان
و لكن مع تعدد قنوات التواصل و استغلالها للاجهزة المسكينه
تعددت تبعا لذلك انواع الطربقة و منها طربقة الكتابة

وطريقة تكميم الأفواه، حسبنا الله فيكم يا اهل الانقاذ

اها البارح انا قدام مدخلة بيانات في المستشفي نصف ساعة في الفرق بين الأس والسي
والفرق بين الواي واليو اضطريت ان اتدخل وبعد طربقة بسيطة خلصنا الموضوع.
هسي دي نقول عليها طريقة ولا طربقة.

صديق مهدي ممكن تصطاد في الماء الصافي

معليش يا ود الشيخ
صديق اليومين ديل نضارة القرايه رايحه منو

من مواصفات طربقة الكتابة
رمى المعلومات بدون اى احساس بالضرر الذى يمكن ان تحدثه
كما فى طربقة اللسان بس الفرق فى حالة الكتابة انك ممكن تعود ليها بى ضبانتا
و تعيد الاستماع ليها .. اقصد قرايتا كم مرة و بعدين مافى طريقة للزوغة منها
عشان كده تعتبر من اسوأ انواع الطربقة المضرة سواء على صاحبها او الشخص المتضرر منها

و عشان نربط بين الطربقة و الغباء نشوف القصة دى
دخل شخص ملثم الى البنك و خت مسدسو فى راس الصراف
و حرصاً منو على نجاح العملية طلع ورقه من جيبو و كتب فيها
سلمنى كل ما بحوذتك من مال و الا ساقتلك
الصراف سلمه كل المال هو يبتسم
الجانب التانى من الورقة كان معلومات كعب شيك
فيها اسم الحرامى و عنوانو و محل شغلو
وصلتو البيت لقا البوليس فى انتظارو
و الجرايد و التلفزيون كلها تانى يوم تتكلم عن غباء هذا اللص
بعد كم يوم نفس الصراف جاهو حرامى تانى و هددو بالمسدس و كتب ليهو نفس الكلام
فى ورقة بتاعت كعب شيك
تبسم الصراف كالعاده و اداهو الفيها النصيب و قال كده ضرب للبوليس
البوليس مشى ينتظرو فى البيت
و زولنا مشى المكسيك
شفتو الطربقة بتعمل شنو !!!!!!