إنداية إسلامية ( ست شاي)..

06:49 PM October, 13 2017

سودانيز اون لاين
sadig mirghani-joker
مكتبتى
رابط مختصر

أنا شبهت الاتنين واطلقت التسمية دي
لمجرد التقريب وسرد اوجه الشبه بينهم
وليس تشبيه كامل عشان مايجيني زول ناطي.
زمان كان الناس بتلموا في الانادي والنوادي
اليوم شبابنا بتلموا في مجموعات عند ستات الشاي
في شارع النيل وغيرو عطلة من الصباح ويقعدوا
يتونسوا (ويتلاودو).
الايام الفاتت سمعنا عن حملات كشات لي ستات الشاي
في شارع النيل واشتد اللغط والنقاش بين مؤيد ومعارض
عشان كده انا فتحت الموضوع

كتب الراحل الطيب محمد الطيب الباحث في الادب الشعبي في السودان كتابه الانداية الذي نال اهتماما واسعا في اواخر السبعيتيات من القرن الماضي وكان كتابه هذا مدخلا لعالم كان محصورا في فئة معينة من الناس , وقد عرفنا صاحب هذا الكتاب من هم رواد الانداية ونوعية الخمور البلدية التي تقدم فيها وكذلك عرفنا من هم القائمين بأدارتها وقد عرفنا إن ست الانداية غالبا ما تكون أمرأة حازمة وصارمة في ادارتها , فهي تمنع العاملين معها من الجنسين بعدم الضحك بصوت عالي والاتزان في الكلام وعدم السخرية من رواد الانداية الذين يترنحون أو يسقطون علي الارض من شدة السُكر
لم تكن الانداية مجرد مكان للشرب والمسكرات فقط بل الانداية كانت ملتقي جامعا لكافة الناس , وكانت للأنداية اصول واداب وقوانين لا يمكن لأي شخص إن يتخطاها فمثلا ترفع ست الانداية راية بيضاء ( بيرك ) علي سطح الانداية ولا تنزل هذه الراية إلا في حالتين اثنين فقط اما لنفاذ المشروبات , أو إن تحضر مجموعة من الناس ويأمرون صاحبة الانداية بأنزال الراية ودفعهم قيمة كافة المشروبات حتي تكون لهم خصوصيتهم وحلستهم الخاصة دون مخالطة أي من زبائن الانداية من العامة ..

سلامات يا صادق
وينك ليك فترة مختفي.
ياخ ديل دايرين الناس من الشغل للبيت و بالعكس
اي تجمعات و لو كان مجلس انس من المحظورات

ناصر
والله جاري وجارين وراهو

ياخي بركه الشوفا ...
ابوجعفر المنصور طولتا الغيبه ..
قربتا افتح بوست خرج ولم يعد بإسمك ...
ولو لا العهد الذي تعلمه لفتحته ...
تحياتنا يا زول يا سمح ...

قصة الف ست شاي في شارع النيل
الصراحة ماظريفة مبدئيا
لكن توفير فرص عمل للنسوان بدل الكشة
بدون بديل

ود الزبير
الصحة والتعليم
والله انا متلوم عديل
انا جيت الامارات خمسة يوم شغل
وماقدرت اصلك
معاي زول غتيت وسغيل جهجهني
تحياتي للاسرة الكريمة