Post: #1
Title: محمد صلاح اسم استحق التكريم
Author: حمد عبد الغفار عمر
Date: 10-11-2017, 08:15 PM
07:15 PM October, 11 2017 سودانيز اون لاين
حمد عبد الغفار عمر-
مكتبتى
رابط مختصر
المصريين بعرفوا يحتفوا بأولادهم ويفرحوا بوطنهم
محمد صلاح لاعب المنتخب المصري أصبح أيقونة الشارع المصري
تبارت المحلات في تكريمه بتنقديم هدايا مجانية لكل من يحمل اسم محمد صلاح
حتى الاتليهات قدمت فستان زفاف مع تجهيزاتو لكل عروس اسم عريسها محمد صلاح
نحن غايتو إلا نحتفي دبلوماسيا
|
Post: #2
Title: Re: محمد صلاح اسم استحق التكريم
Author: walid taha
Date: 10-12-2017, 07:18 AM
Parent: #1
حمد إازى الحال
بس كدى خلى واحد من لاعبيننا ديل يحترف فى أوروبا ، او قول حتى يجيب لينا بطولة قارية شوف لو قصرنا.
أقل حاجة حنعمل ليهو لمة بورداب :)
|
Post: #8
Title: Re: محمد صلاح اسم استحق التكريم
Author: حمد عبد الغفار عمر
Date: 10-12-2017, 06:31 PM
Parent: #2
ولي طه
كيفك وأحوالك
صدقني يومين بس وحننسى الموضوع ياخ جكسا دا هسه موش مفروض يتعمل شارع بأسمو
ما تقول لي طرمبة جكسا ديك حقتو
|
Post: #3
Title: Re: محمد صلاح اسم استحق التكريم
Author: maia
Date: 10-12-2017, 11:55 AM
Parent: #1
يستحق التكريم فعلا صراحة المصريين اجتهدوا وبقيموا ناسهم كويس
اجمل تعليق كان انه تاني يوم المباراة تداول الشعب جملة ( صلاح الخير بدل من صباح الخير)
|
Post: #4
Title: Re: محمد صلاح اسم استحق التكريم
Author: طلحة عبدالله
Date: 10-12-2017, 12:18 PM
Parent: #3
سلام حمدوف العظيم
الولد سجل هدف من تسلل وآخر من ركلة جزاء هههههههه
المصاروة بعملوا من الحبة قبة وبيأكدوا للعالم انهم مستجدين
نعمة بحق وحقيقة رغم أنهم قبل كدا مشوا كأس العالم عندما
أحرز مجدي عبد الغني هدفا مازال حتي الآن يتكلم عنه بمناسبة
ودون مناسبة، والغريبة ثلاثة أرباع المصاروة قاعدين يتهكموا
من كلامو عن هدفو الوحيد وقالوا ليهو بالفم المليان قديتنا
قد وما خلوا ليهو جمبة ينوم عليها، وحتي في احتفالم بمحمد صلاح
دا ذاتو قالوا الحمد لله اتفكينا من خمة مجدي عبد الغني، لكن العقلاء منهم
قالوا ليهم لا لسة لما محمد صلاح يسجل هدف في النهائيات.. خخخخخخ
الشاهد انو حتي لو الحظ خدم محمد صلاح مرة تانية في روسيا وسجل
هدف استروبي آخر فالمنتخب المصري ح يضوق الأمرين هناك وسيكون
حصالة لأهداف المنتخبات الكبيرة المتنافسة على اللقب، بل وربما حتي للمنتخبات
العربية الأخري، فهو منتخب أضعف كثيرا من تواجده في تلك المعمعة لعالمية.
مبروك للمصاروة وكفارة لينا وجع الرأس .. خخخخخخ.
.................
خاص للمصاروة الهنا :
منتخبنا السوداني أضعف بمليون مرة من المنتخب المصري ..
أقفل الباب وراك .خخخخخخخ
|
Post: #6
Title: Re: محمد صلاح اسم استحق التكريم
Author: Abdullah Idrees
Date: 10-12-2017, 01:10 PM
Parent: #4
ود لعاب والله ، اثبت نفسو في الدوري الانجليزي والايطالي بامتياز ، ما اظن عدم التأهل للمونديال كان ممكن يقلل منو
غايتو هدفو في يوفنتوس ايام كان بلعب في روما براهو يخليهو نجم كبير
|
Post: #10
Title: Re: محمد صلاح اسم استحق التكريم
Author: حمد عبد الغفار عمر
Date: 10-12-2017, 06:50 PM
Parent: #3
سلام مايا حللتي أهلا
المصرييين ما بحتفوا إلا بالحاجة أو الزول البعمل ليهم فرق وبختهم في المقدمة متفوقين
شوفي أم كلثوم وحافظ حيكونوا قاعدين وبتسمعوا إلى أن يرث الله الأرض
حاجة تانية شوفي الإهرامات ما قاعدين يتذكروا الآلهة البنوها إلا لماما لكن الإهرامات دائما تأتي في المقدمة كلما ألمت بمصر المصائب
للتذكير بتفوق مصر.
|
Post: #5
Title: Re: محمد صلاح اسم استحق التكريم
Author: الزبير بشير
Date: 10-12-2017, 01:02 PM
Parent: #1
مفروض احتفلوا بالحكم
مصاروه ما بيختشوش
بس ياخي بلدهم سمحه
|
Post: #7
Title: Re: محمد صلاح اسم استحق التكريم
Author: طلحة عبدالله
Date: 10-12-2017, 01:40 PM
Parent: #5
على لسان رئيس بعثة منتخب الكنغو :
خسرنا المباراة و350 مليون دولار كانت رصدت لنا من شخصية
مقربة من أمير قطر للفوز على منتخب مصر ..
خخخخخخخخخ
|
Post: #9
Title: Re: محمد صلاح اسم استحق التكريم
Author: علي عبدالوهاب عثمان
Date: 10-12-2017, 06:36 PM
Parent: #7
حبيبنا حمد مودتي ..
أول في قناة مصرية شاهدت فيلم توثيق
عن بداياته في منطقته بسيون
تم رفضه من الزمالك وذهب إلى المقاولون العرب
لاعب فنان ..
عقبال عندنا إن شاء الله ..
كمان القطريين سمحوا للمصريين بالاحتفال في الدوحة
كتلوا الدوش في المعلقين المصريين
تحياتي حمد .. عقبال السودان إن شاء الله
|
Post: #11
Title: Re: محمد صلاح اسم استحق التكريم
Author: حمد عبد الغفار عمر
Date: 10-12-2017, 07:07 PM
Parent: #9
مرحبا ب طلحة
يا طلحة الود لعاب شفت اللقطة وهو متوثب لضربة الجزاء تصدق الإحساس الجاني إنو الزول دا في اللحظة دي كان في رأسو مصر وشعبها منذ أن خُلقت
إصرار لنصرة مصر انا بحب الناس المخلصين
الود أخلص لوطنو لذلك يستحق تكريم المصريين له
الهدف الأول ما تسلل بس سرعتو هو كانت الفرق . اللعيبة السريعين ديل بعملوا مشاكل زي دي
لو شفتها تاني دقق في لحظة تحرك الكرة من رجل اللاعب الباصاها ليهو
|
Post: #12
Title: Re: محمد صلاح اسم استحق التكريم
Author: حمد عبد الغفار عمر
Date: 10-12-2017, 07:36 PM
Parent: #11
هلا عبدالله أدريس
لعاب فعلا وأول لاعب يكسر نظرية اعتماد المصريين على البروبغاندا
أمس كان بغالط فيني كوز مصري قال لي ما أفضل من أبو تريكة 
قلت ليهو ابو تريكة لاعب محلي بس ، كبس لي قال لي انتو ما عندكو لا محلي لا دولي هههههههه
|
Post: #13
Title: Re: محمد صلاح اسم استحق التكريم
Author: حمد عبد الغفار عمر
Date: 10-12-2017, 07:46 PM
Parent: #5
الزبير الختمي حبابك
ياخ الناس ديل استحقوا الفوز بعزيمة يُحسدوا عليها
تعرف هدف التعادل الجابو فريق الكنغو لو كان في أي فريق تاني بالتوقيت دا كان الفريق انهار وممكن يتهزم
لملموا أطرافهم بسرعة وحققوا رغبتهم في الفوز ففازوا
|
Post: #14
Title: Re: محمد صلاح اسم استحق التكريم
Author: حمد عبد الغفار عمر
Date: 10-12-2017, 07:59 PM
Parent: #13
هلا علي عبدوالوهاب
مسكاقرو
ياخ نتمنى يكون عندنا منتخب كامل افضل من محمد صلاح مشكلتنا ما بنعرف نعمل من الفسيخ شربات
المصريين في أحلك الظروف ممكن يعملوا حاجة ترجع ليهم الفرح يكفي صنعو من شعبولا أسطورة الغناء الشعبي
القطريين ما بتفوت عليهم زي دي لاعبين ضاغط مع السيسي
|
|