{ يا عشمان في الودكة من (دفرنش) النملة، حرمت عليك الرشوشة، بقلم / دفع الله ود الأصيل

08:50 PM September, 13 2017 سودانيز اون لاين
دفع الله ود الأصيل-
مكتبتى
رابط مختصر{ يا عشمان لك في ودكة من (دفرنش)النملة، ترا يا حبوب حرمت عليك الرشوشة}.
http://www.sudanelite.com/vb/showthread.php/21021-%D9%8A%D8%A7-%D8%B9%D8%B4%D9%85%D8%A7%D9%86-%D9%81%D9%8A-%D8%A7%D9%84%D9%88%D8%AF%D9%83%D8%A9-%D9%85%D9%86-%D8%B5%D9%84%D8%A8-%D8%A7%D9%84%D9%86%D9%85%D9%84%D8%A9%D8%8C-%D8%8C-%D8%AA%D8%B1%D8%A7-%D8%AD%D8%B1%D9%85%D8%AA-%D8%B9%D9%84%D9%8A%D9%83-%D8%A7%D9%84%D8%B1%D8%B4%D9%88%D8%B4%D8%A9http://www.sudanelite.com/vb/showthread.php/21021-%D9%8A%D8%A7-%D8%B9%D8%B4%D9%85%D8%A7%D9%86-%D9%81%D9%8A-%D8%A7%D9%84%D9%88%D8%AF%D9%83%D8...B4%D9%88%D8%B4%D8%A9http://www.sudanelite.com/vb/showthread.php/21021-%D9%8A%D8%A7-%D8%B9%D8%B4%D9%85%D8%A7%D9%86-%D9%81%D9%8A-%D8%A7%D9%84%D9%88%D8%AF%D9%83%D8...B4%D9%88%D8%B4%D8%A9
[}1{]® ياخ عمك دا شدة مو جلدة شديد، لامن يكطع الخميرة من بيت النمل ظاطو. فقام مرة جابو ليهم خدامة حبشية في البيت قام سألها: الناس الكنتي شغالة معاهم كانو بدوكي كم ؟! عشان ما نقوم گمان نظلمك بعدين؟!!© قالت ليهو بكل براءة و صدق و أمانة: الصراحة كنت شغالة بي بطني ساي؛ يعني كنتا بضوق معاهم ياها لهمت الكسرة دي آكل و أشرب بس و اتنفض افوت أتراوح أهلي.∆ قام هنا زولك طوالي شغل ليك فيروس الجشع انعدل في قعدتو ، ثم اتنحنح و قال ليها: طيب يا بت الناس نحنا ترانا ح نبقى ليك متل أهل أمك و أكتر ، و بيناتنا عشرة عمر ،فلو ياخ إتعشمنا فيك ساي تراعينا شوية، أها طيب ، ما بتجاملينا تخلي لينا حاجة بسيطة!!!- قالتلو بسخرية و ألم: خلاس بعفيكم من أية أتعاب. بس بجيب لي رغيفة أغمسا في دخان شيتكم ، و لامن أفوت أشرب في بيتنا. كدا كويس معاك؟!! فغايتو جس غياتو ،بالله شوف جنس دا !! فاااا قلنا ليك ياخ، الوضع أصبح أليم شديد!!

اقتباس المشاكسة الأصلية كتبت
بواسطة الحفيان مشاهدة المشاركة
لا حول ولا قوة الا باللهو الله الجلدنة دي
شي بطال بالحيلونوع عمك دا بِكَرِّه الناس حياتم.
**************(((+++)))**************
أعوذ بالله يا الحفيان ياخي من
الجلودية. يأخي ديل في نوع كدي
لامن ببالغ ظاطو. علا بالمناسبة يا
الحفيان بس تسمح لي بواحدة ليها
علاقة بالحفا و النعلات.
*******((((((2))))))******
عمك دا حتو كمان جدلة لامن بس خلو ساه.
و على العيهو كمان مَِعَرِّسلو مرتن كدي أفظع منو ظاطو.
دي النوع داك اللو بيتا دا شب فيه حريق هائل، بتعمل مس كول
بزغة بس متل أبو الشهاق لناس الدفاع المدني عشان يدبرو ليها عربية
مطافي و لا إسعاف. فمرة عمك دا مشتريلو مركوب جنينة جديد لنج . موش
عشان يلبسو. لا، بس يطلعو يشمو و يمسحو بقطران و تاني يدسو قال لليوم
الأسود. فيومو داك مشابو صلاة الفجر يدَّبا على طراطيف أصابعينو رأفة بمركوبه.
يلا ، و هو في عز الركعة التانية يقوم يذَّكر ليك إنو زي الناسي لمبة حبوبة
ونسيني موقدة. فمن حيسو كطع صلاتو و قام صوف لا يلوي على شيء
عشان يلحق يطفيها و يرجع يكمل . فمرتو بت رجال تاريهافابتاهو لي
غدي في الجلدنة ؛ جاها نفسو قايم لقاها قامت باللازم تب.
- يلا ، و قعد يناهف و يهترش : يا ولية اللمبة...
- يا راجل ها ، قول بسم الله و خُت الرحمن في قلبك
أنا اللمبة طفيتا قبيل. علا إتا هسي جاي جاري بالمركوب
الجديد دا من هناك أكان لاقاك ضُقل ساي عَتَّر ليك كطع المركوب
- علا ياكي آ بت الشيخ مرتي و أنا ياني راجلك. و كان للمكروب
أصلك ما تشيلي همو، تراني جيت صارو هدا ليهو في أباطي .
(قتا أخير تجي في كراع الراكب أهون من جلد المركوب).

اقتباس المشاكسة الأصلية كتبت
بواسطة Abdelazim مشاهدة المشاركة:
*قلت لي زولك قبيلتو شنو؟!!! ما ترد يا زول!!
°°°°°°°{^^^^}°°°°°°°°
(3)
® أيوا يا عبدو جرجرني ياخويا جرجرني ، ما عشان بقول ليك قبيلتو شني. تلقاك في بالك واحدة بعينها جاهزة و داير تجريها على لساني. دي تكوسا عند الغافل . بالموناسبة و في رواية لأخوتا عادل القاسم، قالو زولگ دا شدت ما عصر على الحبشية لامن خلاها تصوم الاتنين و الخميس و التلاتة البيض گمان. علا ممكن بس أديك خيارات و تاني تخمن براك. و لا أقول لك قولة؟! بديك مواصفات و أعراض محددة لمرض الجلودية:
©إنو هؤلاء الجلود من شدة حرصهم على سلامة جيوبهم، تلقاهم عايشين على الطبيعة. يعني يأكلون من خشاش الأرض كما تأكل الأنعام، بل هم أضل. فمثلاً الواحد ممكن يسلق ليه حتة أوراگين نملة أو أفخاذ البعوض، يعمل منها رشوشة ، مسلوقة مع ود الواطة، (نظام مشروم و گدي) و لا معشوقة بي تورتار ويگة.
∆ تطبخ الخلطة على نار هادئة بربطة بصل كلاب، و عليها قدحة زيت خِروِع، و الگاتولة حوتحات جردقة تراب. يقومو بعداگ يتبروها ليگ بتلاتة ( گيزان) موية من ترس الحقنة؛ و التحلبة صفق نيم ، و الشاي طبعن مدنگل و مقنن بشوية لبن حليب من شدر العُشَر. فبالله إيه رأيك في الوصفة الاقتصادية لامن ملح دي.

اقتباس المشاكسة الأصلية كتبت
بواسطة بشير ود تهامي مشاهدة المشاركة:
يا ود الأصيل ياخ منو هسع البعرف ليك (الودكه)..؟! ولا (الرشوشه)..؟! آآآكان لي عبدو و عبضولي ديل(عاملين فيها حناكيش)؟؟!! و هن خابرين كل شئ..؟! كلامك ده تقولوا لي زول زي حلاتي عندو (حديده) وكدي ...؟!
تيب، و تاني هبشه: (رغيفتين = الف جنيه) النصيبة وربنا يكفينا شر نصايب الدنيا و اللاخرة، (نو الجيل الجديد ده يقوليك ده واحد جنيه وليست الف جنيه)؟؟؟!!!يا ابو حازم الناس ديل هم فاهمين ولا نحنا ما فاهمين ولا الفاهم منو ...؟!
٪٪٪٪٪٪٪٪٪٪٪٪٪(((+++)))٪٪٪٪٪٪٪٪٪٪٪٪٪٪
(4)
و الله على رايك يا صاحبي بشة
إتا ياكا زولي البتمرق لي النصيحة و بتفهمني بالطريقة الصحيحة. علا العنقالة ديل مما تلقي الواحد راسو (مقلوَظ) وحالق(كَرَيْ)عامل فيها رايح و أعمى و أطرش علا بس بكون عارف كولو حاجة علا بس بتغترش.

∆ لكن تعرف، في حاجة جدن ، مهمة نسيناها ، كان قلتها ليك زمان في الراكوبة و ضحكتك لامن شرقتا لو بتذكر (بُوجَّان البتيخ).كان قت ليك ناس أبوي ببيعو الخدار في ملجة ود مدني أيام أهلك ناس كمير العوضية، السفالة الجو احتلو بلدنا ديل، ياخ ناس (بابكر سالم أبو سنون) و الخواض و إبراهيم طلب.

@ ففي يوم كدي ، بعد ناس أبوي لمو أيراداتم و ميزوها طب في جيوبم ، مشو ضربو عشوة فول مدنگلة عند أبو ظريفة ، جو راجعين ملجتن، هجسو رقدو جا ليك حرامي ساري الليل من بتاعين تُلُّب ديل فلاتي مو ياهو أب حوفافة ، ليه موقلة بالله السيف ما يدليها، مسمنو /ود الحاجة يكابس في جيب عمي عبد الله يلا أبوي وعا بيه و قام فنَّاه ليك بالمركوب، صقعو ناشو في المفيهق. يلا بردلب يا واطة جاك تكروري وبس قامو ليك عليه باقي ناس الملجة النايمين جضَّموه زين و جدَّعوه بي بُجَّان البتيخ. و ربطوه لصباح الواطة سلموه محگمة العمد.

(5)اقتباس المشاكسة الأصلية كتبت بواسطة ود الأصيل ، مشاهدة المشاركة:ياخ و الله بالغت عدييل ي ود التهامي و كمان مصور لرتا بتيخ بالقِدرة و بي كمشتا معطونة جاهزة للغرف. يعني لو جاك فوج أولاد نوير بعد ما يظبطو صحن البوش طيب مليح يقولولك، ياكي أنينا بدور موية بيتخ بي شلنغ؟!٪٪٪٪٪٪٪٪(((+++)))٪٪٪٪٪٪٪٪٪٪يا زول حليل زمن الجنوبين يجو البقالة ويقوليك (فول بي كرج وزيت بي كرجين)؟؟! كانو بحبو الزيت ما بعرف ليه اظنه عشان بشتغلو في العماره والاسمنت بقكونو غبش ..؟! كان الدنيا بي خيرا باهي واةتاس حوتا و والزمن امان لا جشع لا طمعوكان عندنا بقالة صاحبها كاتب لافته معلقة (لو خلص الفول انا مش مسعول)؟؟!!

(6)
تحين يا خوي، قت لي: حليل زمن الجنوبين يجو البقالة
و يقوليك (فول بيكرج وزيت بي كرجين كانو بحبو الزيت
ما بعرف ليه اظنه عشان بشتغلو في العماره و الاسمنت بكونو
غبش ؟!كان الدنيا بي خيرا والناس امان لا جشع لا طمع و كان
عندنا بقالة صاحبها كاتب لافته معلقة(لو خلص الفول انا مش
مسعول) . طبعن ، دا كان ي صاحبي زمن ا لناس حونان
و ربع الرطل بيملأ القزازة دي يرسفا لي حلقا ،و متر
مصران ( العرنون) فيه سبعة ياردات و نص .
طيب بالمناسبة هاك دي :
عمنا دا جزار من الأقاليم.وكتين كرتحت معاو هناك طب
و الناس كولها هجت جات الولاية محل الريس بنوم
و التيارة دا زاتو بقوم، تتكدس في مدنالصفيح { في الضواحي و
طرف اامداين}.الشاهد ، زولنا دا جا فتح جزارة بهنا . و كون زباين
و أمورو بقت طيبة .فمرة لمح لو زول أشعثأغبر لام خشمو مقرهب .
يلا يفج الصفوف و يدافع الزبابن ،و مشلقق عليه.و يكوركأعلى حسو:
اللخو ، أدينا ستة أمتار.االجماعة استغربو و فالولو : ياشيخنا إتا مسحلب
و لا راميك جمل؟؛ هي جزارة و دكان فاتورة أقمشة؟! لكن عمك الجزار
قالهم خلوه ي جماعة؛ الزول دا أنا فهمتو طب داير شنو.و قبل علىالزول
قالو: تعال قرب لي جاي اللخو ، أولن حمدله علىالسلامة،متين وصلت
من أم طرقن عراض؟!و طوالي دنقر تحت الطربيزة كطع ليه
{بومبار معاه أم مالبين} و ناولو طلبو و الزول عصر ليه
الفيها النصيب و فرتق مشى.أها شايف بالله كيف
شغل البصارة؟!!ما قالولك ما
يتحير علا مغير!!

(7)
/ تبسم ، من فضلك ، فأنت هنا،
علىمشارف عتبات نخبة النخب/
{مال الجاحدين.. يأكلوه و احدين}
عمك المادح قاعد يمدح فى سوق تمبول
و الناس ينقطو ليهو في القروش فى الطاقية غليدة
و كت شافا ليك اتملت بالفكة حاول يكلفت المدحة و داير يلمها
يتخارج من ضو . يلا يقوم يتسلط ليك واحد شماشي خم ليك الحسبة كولها ، و قام جاري، خلا ليهخشمو ملح ملح و يلا عمك المادح جدع طارو متل هنوووگ و طاير وراء الحرامي بنمرة 5 , يسابق الريح. فلامن ركبينو ساحن و غلبو يلحقو جا راجع، و تاني شال الطار بآخر نفس و قعد يواصل مديح قال: نجرب حظنا تاني نلقط لينا حويجة نتعوض بيها الله. هنا جاه واحد شويفع مطلش وخالي الذهن ما ناقش أية حاجة عن الحصل؛ و طلب من عمگ طلب حثيث قاللو: عمي المادح عليك الله كان ما مدحت لينا( شفيع الأمة). أها عمگلسة منفوخ محرحرالو الهمبتة :قال ليهو :عليك الله هي دى أمه يشفعو ليها؟!!
******andandandandand******

اقتباس المشاركة الأصلية كتبت بواسطة ب
شير ود تهامي مشاهدة المشاركةيجازي محنك يا ابو حاز ياخ
حليل زمن (ربع الرطل بسرف القزازة) عليك الله هسع (بسرف)
دي البعرفا ليك منو ...؟!ههههه ولا (العرنون) تنخت عليك يا ود الاصيل
وماني خاتي عليك (الكان قطعت مصاريني بالضحك)؟؟!!هسع (الصفيحة)
بقت (جركانه) ومعفنه وبتجيب امراض كمان...؟! حليل الصفيح النضيف
الناصع البياض؟؟!!ياخ فضحتونا يا ناس (ام طرقا عراض)؟؟!!
هههههههههه (المومبار) مافيهو مشكلة علا عليك الله
(ام مالبين)دي البعرفا ليك منو هسع دي ...؟!ياخ انتا زول
سمح سماحة ربنا يديك العافية في الدارين (اريتني كنت ساكن جنبك)
كان افطر واتغدي واتعشا ضحك ساااي و كان فارقني الهم والغم وكان
سوء الهضم راح مني وبقيت متلي متل (الحاشي البشاري) اقدل سااااي
و امتر في واطة الله دي ....؟!
**********(((+8+)))*********
هلا هلاو الله يا بشير و ماك طالبني
حليفة،ما تتصور كمية السعادة البتغمرني في الساعة
البحس فيها إني فريت الكشمة على شلاطيمكمإنتو بالظاط
ي المعطربين.. لأنني ملدوغ من نفس الجحر.و كر يا ديك..
أريتك تعدم الساعيك.. و طوووول يا ليلعلى الواعيك و يا
جمرة أحرقي الواطيك. سمح كدي هاك شوف دي:-
عمك دا أستاذ جغاريف معاشي مشالو لفكهاني قاللوه:
عليك الله أدني بس موزتين، شوفن بيوزنننص كيلو ؟🍌🍌 ،
و فرد برتكانة ما دستة 🍋🍋 و باقي ناس جوافة وكيوي و سفرجل و جنس
الحاجات ديلك عاد، علا نشمهن كروفة ساه!! (لزوم رِوَّيح شحتفة الروح)،
و لا شوف عين الما كتل لو غزال . بتاع الفواكه نقش أستاذو،و ناغم: يا ولد ، تعال
ارفع للأستاذ دا 10 كيلو 🍌🍌🍌 و كرتونة برتكان و كرتونة تفاح 🍎🍎 و كيلو عنب
بناتي 🍒🍒و كيلو🍓🍓 شنو داك و ظ£ بتاتيخ 🍉🍉 المهم جيه عمك طب جيه شديدة
و قالو:يا أستاذ عندك عربيه طبعاً ، دحين البرادو الواقف داك مو هيلك؟ عمك شعر بالاستفزاز
و قاللو!: لا يا ولدي. بتاع الفواكه قال يا ولد وقف ليك أمجاد وارفع فيها حاجات الأستاذ و قبل
عيله قالولو: طلَّك بالتلاتة يا أستاذ ما تدفع فيهن ولا ملينة حمراء ، عمك لامن انبهط قاللو: يا
ولدي، و الله عقدني عدييل كدي، و ما عرفتك بتاع الفواكه قال تزكر يا فندي زمان المدرسة
يومك المعرتني ليك بي حبل عاشميق و أنا تولب نطيت منك بالشباك، يلامن ديك و عيك
الشوفة يا روفة للقراية أم دق، كبدتي أبتا ساه، و ختيت لها ختتن سوداء أصلي تاني ما
قبلت عليها، و دقشت البنادرلام هدا بقيت زول. عمك صفق كف على كف؛ ثم أدارها
علي علي (جضومو)، و قال للفكهاني: هي نان يا و لدلي ما أريتك يوم داك أكان
أمهلتا لي، تحين ما كنت تلبت وراك و جريت معاك، ترانا قعدنا نتزحزح
مع شغلانة الطباشيرة المهببة دي لامن عصيبنا انشمط و ركينا
هديل بقن سايحات حاتات سفايف.لحدت ما نزلونا المعاش
(و أنا كان رضيت بالهم ما يرضي بي همي)

فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ

{9}
تعرف ي بشير ، قدر ما الواحد يقول ينقرع،تقول بترترولو حلاوة سمسمية فوق شلاليفو.
@ أها تراكا رجعتنا لسنين مدارس زمان. علا بس ماني حاضر ذات الراسين متل جلاكينك ديل ، واحد زي عضولي ،خات لي صةرة بوب مالرلي؛ و لاالتاني عظمة مكرضم لي وشو بالله لامن أشوفو بنخلع.
*****(((((+++)))))*****
@ أها ، تحين إتا في هيبة المعلم ، و لا حتى وليداتو كنا بنوفيهم التبجيلا. غايتو أمري لله، بدور أحكي ليك درامات كعبات تب ، لامن يخجلن زاتن { علا عاد ينفضوهن من الدغن ، و لا كان تسدد إضنيك ،و تقرأ}
@ ود ناظرنا كان اسمو عبد الإله.الجنا شدت مو نضيف و أكلو رغيف، كنا، و لا مؤاخذة بنتغزل في {فسحتو} مي ياهي أم لونن أصفر ديك ! أيوة ، أولن ، لأنها الوحيدة الممكن نشم فوقا {دعكة كوشنة}.

∆ تانيان ، لأنو كان الوحيد البيطلع زي الناس في بيت ناس أمو. طبعن ، سنة ناعمة بستعملو جرادل {الألطا} البشيلوها النوبةديلك مو ياهن أبان عنقرة؛ و بفسحوها بالكارو. أها وكتين صاحبنا الحنكوشة يمش يطلع فوق المسطبة التحتا الجردل تلقانا منرصين نحدرلو و نتقارص و نقول: " أحيييي نا أنا يا هناي عبد الإله".
@ و أما نحنا فخلها في سرك ساه. أولن {مكوفرين}، ماسكانا {يابوسة} مزمنة. و عاد كان لي {أم بعيرة} ديك ، لامن ربك يهون و نطلع ، كنا {نضعها كالشاه} ، و نمرق ليها في الخيران تلقانا الواحد لابدلو ورا شدرة { بتقة لعوت ، و لا سروب} ، و {يدعم}، لامن {عروق راسو يجن ناطات} ؛و يقرب يقلع البتقة بي عرشا.
***(((((+++)))))***

(10)
الأستاذ عمر منوفلي ،فرتدي ،
و في نفس الوكت و نسيبي، معلم ساخر ،
و دايمن قاعد يقول: هو المعلم أنتو قايلنو شنو يعني ،
ما زول غلبتو القراية أم دقو فجأة قرر يقري أولاد الناس.
دا حالو كان بقول كدي من زماوونك فتخيلو هسي بالله؟!!.
يلا هاك نختم ليك بي دي و نمش نلحق
أهلنا الدنيا باقي خمايس و عقاب شهر.
يلا دا واحد تلميذ من شُفَّع البنادر ديل آخر حنكشة
و كمان خملة عليهو جنس خمالة ماعادية؛ لامن موبالغة
ما بفرز طوظ من سبحان الله. ياخ دا حتى لو كان بالغلت ساي
و جاوب صاح و ما صدقو يصفقولو و يدور يدوه جايزة التلميذ النشيط ،
لقوه دقس نام (عاد ما إيدو في الموية)، و يلكز جارو يرسلو يقوللو: قــوم
عليك الله أتناول لينا البتاعة دي معاك. فشيء طبيعي يجي البعد الطيــش!!
(و بعدداك ضامن قبض إيد يقرا طب في الرباط و لا مامون حميدة)؛ لاو نان
يعني كُتَْ قايلو عاد متل ناس قريعتي راحتن و لا متلنا زمانك، نساسق للمدرسة
مسافة 16 ميل و كان ركبنا مافي غير دحشةحمامية ؟!!.فالشاهد إنو صاحبنا
الحنا الحنكوش دا أمو دي تعبانة معاهو لامن سال روحا ، كل يوم ناقلنو من
مدرسة لمدرسة. لامن في النهاية ودتو مدرسة أقباط من فولة تيت شال البىنجية
و قفل مواد الامتحانات كولَّهن ..فأمو استغربت قالتلو: الليلة يا جودو دي عملتها
كيفن بالله؟اقال ليها: من جيت خاشي المدرسة لقيت الناس ديل كاتلين ليهم
زول و معلقنو في خشبة و مشتحين يدينو زي المصلوب
فعرفتهم ما بهظرو .و لا عندهم يما ارحميني .
😂😂😂😂😂😂