موت الهملة في مستشفى الشيخ بالمعمورة

08:08 AM September, 06 2017

سودانيز اون لاين
حامد بدري-
مكتبتى
رابط مختصر

كل عام وانتم طيبين وان كان عيدنا اتجرعنا فوقو الحنضل وبي فواتيرو كمان
هي ابنة عمي الكبرى رحمة الله عليها ورضوانه وربنا يعوضا بالجنة ست البنات بدري عاشت كل حياتا في ضفاف النيل العظيم بارض اجدادها بمنطقة كدرمة بشياخة كوكا المحس يعلم الله لم تشتكي من ايو مرض او علة واصلا المنطقة لايوجد بها مستشفى الناس ماكلنها على اللباد بي ادوية بلدية وسفوفة وتعلمون الاهمال في مناطقنا النوبية وكل الخدمات بالعون الذاتي
جات الخرتوم للعيد مع ابنتها وابناءها وحصل معاها انزلاق ووقعت كسرت فخدة الرجل اليمين قبل الوقفة بتاعت العيد وللتذكير ماعندها ايو مرض او علة حتى الازمة الماسكة العيلة كلها ماكانت بتشتكي منها اتقرر ليها عملية في المستشفى بتاع الشيخ بالمعمورة ونصيحة ليكم يااحباب انحنا اتحملنا مصابنا ودفنا بت عمنا هذا المشفى يقتل مرضاه بالاهمال فاجتنبوه الحصل وده بناءا على شهادة شهود عيان بيان لانو التقرير الطبي كالعادة اتكلفت وادمشق مستغليين فوقو طيبة اهلنا وبساطتهم ده غير الجو العام في البلد الكل خايف من شئ اسمو نظام ومحاكم
يوم العملية وكل الاهل ملمومين عشان الدنيا عيد خرجت من العملية واتكلمت مع بنات اختها المقلقييين على حالتا ومن هنا ركزوا وياريت الدكاترة في الموقع يفتونا حصل شنو فجأة اتضايقت جدا وزي حصل هبوط وحاولت تتنفس لامن صدرها اتنفخ ووشها ورم البنات سمعو الدكتور بقول ليهم انبوبة الاكسجين فاضية وحاولوا يعملوا انعاش للقلب برضو جهاز الانعاش ما اشتغل الكهربة ماواصلة الفني ماعارفين الحصل المهم اتعمل ليها انعاش يدوي سلمت بعدو روحها الطاهرة للمولى القدير مع صيحات بنات اختها كتلتوها كتلتوها عندي شكوك مؤكدة انو الاكسجين فاضي وحتى لو حسب كلاموم انو انتهى ده مابعفي الطاقم من المسؤولية لانو دي ماعربية دايرة ليها بنزين دي ارواح ماينفع فيها الاحتمال والاهمال
التقرير الطبي اتكتب جلطة في الرئة وعارفين طبعا لايمكن في بلدنا الفاسد فيو كل ادارتو وحكامو واحد يكتب حقيقة تدينو ولكن يالكتبتا التقرير هنالك رب وحساب وعقاب وضمير اذا كان لديكم ضمير
ست البنات مضت الى ربها وانتم في الطريق الموضوع وقت ليس الا المفروض انكم دكاترة وتعرفون الموت والمرض وتؤمنون بالاجل وحقائق كتيرة ايبة عنكم انو العلاج امر مرهق ماديا ومكلف جدا للاسر ومع ذلك ترتكبون اخطاء جسيمة تؤدي بحياة الناس عرفنا الحكومي بحتج بالامكانيات المستشفى الخاص اقل شئ يلتزم بسلامة مرضاه او ماتفتحوا جسم انسان وخلوهم يتعالجوا برة للمرة التانية يااخواني مستشفى الشيخ مجزرة واهمال ولامبالاة وعدم مسؤولية ولعلمكم اول مرة اسمع بالاسم ده
وانا لله وانا اليه راجعون وربنا يرحمك ويصبرنا ياست البنات ونتلاقى عند المولى الكريم يوم الحساب

بالنسبة لوزير الصحة اذا كان بيسمعنا ياريت لو تفتشوا الانابيب وجهاز الانعاش القلبي وكل المعدات والاجهزة المطلوبة لمنح التصاريح لانو بي الطريقة دي تاني زول بتعالج في البلد ماف حتى العندو امكانية حيسافر للهند او مصر او الاردن

دكاترة الموقع مطلوب حضوركم هنا ضروري
معقولة من وفاة والي الدين الى اليوم الحال في حالو

إنّا لله وإنّا إليه راجعون
ربنا يرحمها يغفر لها و يتقبلها في من عنده رحلت في ايام مباركة وان شاء الله دا يكون علامة على حسن الخاتمة
احسن الله عزاؤكم يا حامد و جبر كسركم وصبّر ابناءها و بناتها

احسن الله عزاكم اخي حامد
وصبركم علي مصابكم
انا لله وانا اليه راجعون

ودالبشرى والعريفي كتر خيركم
حتى الشكوى نرفعها لله مع اكف الضراعة لها بالرحمة بس البحصل ده كتير جدا وفايت الحد

سلام أخ حامد بدري

البركة فيكم و ربنا يلهمكم الصبر و يتغمد الفقيدة بواسع رحمته و يجعل

مثواها الجنة . مشكور لتنبيه القراء لكوارث المستشفيات الخاصة .

المستشفيات الحكومية و الخاصة كلها تعاني من قصور ، بعضها كارثي

و هي هاجس لكل من يضطر للعلاج في الداخل .

ربنا يستر على الناس و يغير الأحوال.

تغمدها الله بواسع رحمته وأسكنها فسيح جناته مع الشهداء والصديقيين وحسن أولئك رفيقا...

التعازي الحاره لك أخي حامد وللأسرة الكريمة...

**** لا تتنازلوا عن حقكم وارفعوا قضية في المستشفى وما راح حق وراءه مطالب ...

**** والبديهي أن المستشفى أصلا لديه تأمين ضد الأخطاء الطبية.....

**** تعامل مستشفى الشيخ سيئ جدا وماديين لأبعد الحدود مع المرضى ... عن تجربة.

تحياتي يا حامد البدري وصادق التعازي لكم وللاسرة الكريمة والبركة فيكم

اعتقد ان استمرار الاخطاء الطبية والاهمال الطبي نحن كمرضى واهل مرضى جزء منه لاننا لا نطالب بحقوقنا ولانرفع الدعاوي بالمحاكم والجهات المختصة
او نستشير محامي او رجل قانون مختص حتى نتبع الخطوات القانونية المهمة حتى لا يضيع حق الضحايا والمغدورين من اهلنا واعزاءنا

للاسف معظمنا يكتفي فقط بالانفعال اللحظي والصراخ في وجه موظفي استقبال او كادر طبي...وينتهي الموضوع هكذا
دون تقديم دعاوي قضائية ومتابعتها حتى نصل نهاياتها...يكلفنا مال يكلفنا وقت ما مشكلة...المهم الاصرار على تلقين اصحاب المستشفيات الخاصة او ادارات المستفيات العامة او الكادر الطبي المهمل درسا بليغا وبالقانون

ياريت يا حامد تشجع الاسرة على رفع دعوى قضائية والتحقيق في ملابسات هذه الوفاة

انا لله وانا اليه راجعون
احسن الله عزاكم اخ حامد
صادق التعازي لكم وللاسرة

Quote: جمال ود القوز

كلنا في طريق الموت اخ جمال ليت كاتب التقارير المضروبة يعلم بانه يوما سيحمل على اربعة

Quote: اعتقد ان استمرار الاخطاء الطبية والاهمال الطبي نحن كمرضى واهل مرضى جزء منه لاننا لا نطالب بحقوقنا ولانرفع الدعاوي بالمحاكم والجهات المختصة او نستشير محامي او رجل قانون مختص حتى نتبع الخطوات القانونية المهمة حتى لا يضيع حق الضحايا والمغدورين من اهلنا واعزاءنا

تسلم اخوي الهواري لو وافق اهلها بالشكوى موضوع المحامين سهل جدا من موقعنا ده بنحصل اولاد الدفعة حاتم الياس اول واحد وبدون مقابل

Quote: للاسف معظمنا يكتفي فقط بالانفعال اللحظي والصراخ في وجه موظفي استقبال او كادر طبي...وينتهي الموضوع هكذا

بالظبت ده الحصل وللاسف موضوع الشكوى قوبل برفض من ناس باركوها

الحمد لله على قضائه اخي احمدونا وربنا يرحما

Quote: **** لا تتنازلوا عن حقكم وارفعوا قضية في المستشفى وما راح حق وراءه مطالب ...

باذل مجهود مع وليداتا ولكن في تيار قوي مع نسيان الامر فريق باركوها تعرفونه جيدا

Quote: *** تعامل مستشفى الشيخ سيئ جدا وماديين لأبعد الحدود مع المرضى ... عن تجربة.

ياريت لو تحكي تجربتك ندعم بيها البوست احتمال بلاوي كتيرة ومنها ننور الناس باخذ الحذر اقل شئ

Quote: المستشفيات الحكومية و الخاصة كلها تعاني من قصور ، بعضها كارثي و هي هاجس لكل من يضطر للعلاج في الداخل .

مرحبا اختنا نعمات النصيحة الوضع كارثي بالداخل لاحسيب ولارقيب الافضل السفر للعلاج

ندعو لها بالرحمة والمغفرة ولكم حسن العزاء الأخ حامد

علاج الانسداد الرئوي كما هو موضح أدناه وهو ليس بتلك الخطورة مثل الجلطة الدماغية ، لكن يتوقع أن تحدث جلطات عند من يصابوا بالكسور في الأطراف السفلية خاصة كبار السن، من المهم مراجعة تقرير المستشفى مع علاج الجلطة الرئوية " الانسداد الرئوي" ومن ثم محاسبة المستشفى

Treatment for pulmonary embolism
The main treatment is an anticoagulant, a drug that causes chemical changes in your blood to stop it clotting easily. The anticoagulant will stop the clot getting larger while your body slowly absorbs it. It also reduces the risk of further clots developing.
The main drugs used to treat pulmonary embolism are heparin, given by injection, and warfarin, taken as a tablet. Most people diagnosed with pulmonary embolism will need injections of heparin for at least five days. You’ll then usually continue to take warfarin only.
In more severe cases of pulmonary embolism, other treatments may be needed to remove or break up a clot. This might be done with a medication called thrombolytics, or less commonly, surgery

لها الرحمة والمغفرة وصادق العزاء للاسرة الكريمة وربنا يصبركم ياخى دى كارثة

لها الرحمة والمغفرة وصادق العزاء للاسرة الكريمة .

أحسن الله العزاء اخي حامد ورحمة الله عليها وغفرانه
والبركة في كل الأسرة الكريمة

غالبا يكون حصل ليها ما يعرف بالجلطة الرئوية الدهنية الحادة... ان صح التعبير
Acute Pulmonary fat embolism وهي شايعة جدا في ما بعد عمليات الكسور الكبيرة وخاصة في الحوض والمخروقة والفخذ
وهو complication مفروض الجراح يعمل ليهو الف حساب ويضع المريض تحت المراقبة ف العناية وكل التجهيزات مكتملة 100 ف 100..تحسبا لهكذا مشاكل

اما الكهرباء القاطعة والاكسجين البجرو يجيبو دا دي فضيحة واي فضيحة

حسبنا الله ونعم الوكيل

ربنا يصبركم يا حامد واهتمو ا بالقضيه عشان تحموا الاخرين
صادق العزاء ربنا يتولاه بواسع رحمته

Quote: ربنا يصبركم يا حامد واهتمو ا بالقضيه عشان تحموا الاخرين صادق العزاء ربنا يتولاه بواسع رحمته

اضعف الايمان اخ عمر دهب يكون فضحهم في وسائل التواصل

Quote: غالبا يكون حصل ليها ما يعرف بالجلطة الرئوية الدهنية ان صح التعبير Acute Pulmonary fat embolism وهي شايعة جدا في ما بعد عمليات الكسور الكبيرة وخاصة في الحوض والمخروقة والفخز وهو complication مفروض الجراح يعمل ليهو الف حساب ويضع المريض تحت المراقبة ف العناية وكل التجهيزات مكتملة 100 ف 100..تحسبا لهكذا مشاكل اما الكهرباء القاطعة والاكسجين البجرو يجيبو دا دي فضيحة واي فضيحة

يعلم الله شوف عين ساي عارفين انو ده اهمال يرقى لدرجة الخطأ الجسيم وعليك امان الله هذا ماحصل الاكسجين فاضي وجهاز انعاش القلب لايعمل والدكتور المفروض يعمل حسابو وتجهيزاتو اكتفى بالاسف والندم وكتبو تقريروم البخارجوم من المسؤولية

محمد أحمد الريح كلو سنة واتا طيب الحمد لله رب السماوات الذي لايضيع عنده شئ

Quote: ياخى دى كارثة

العزيز احمودي الوف من الاخطاء الطبية لدرجة الناس بقت مارقة برا الى مصر وجوا للاردن والهند بغرض العلاج

Quote: علاج الانسداد الرئوي كما هو موضح أدناه وهو ليس بتلك الخطورة مثل الجلطة الدماغية ، لكن يتوقع أن تحدث جلطات عند من يصابوا بالكسور في الأطراف السفلية خاصة كبار السن، من المهم مراجعة تقرير المستشفى مع علاج الجلطة الرئوية " الانسداد الرئوي" ومن ثم محاسبة المستشفى

العوض وداحمد لست بمختص ولا علم لي بامور الطب ومنتظر راي الاخوان المهم الحصل انها طلعت من العملية وانتكست حاولت تتنفس الى ان تورم وجهها وصدرها الاكسجين فاضي وجهاز انعاشش القلب لايعمل واتعمل ليها انعاش يدوي وفارقت الحياة الدكتور اتكلم لحظة الحدث بانو الاكسجين فاضي وعلى بال مايمشو يجيبوو اكسجين تاني اذا عندهم اتوفت الكسر يادكتور في عضمة الفخد

نسأل الله لها الرحمة و المغفرة و العتق من النار
و ليه يا حامد ما مشيتو على الطب الشرعى عشان تحدّدوا سبب الوفاة
و بالتالى تقاضوا المستشفى .. على الاقل عشان غيرا ما يتعرّض لى نفس
الاهمال و يروح شمار فى مرقة

نسأل الله للفقيدة الرحمة و المغفرة و لآلها الصبر الجميل
خالص التعازي اخي حامد

الجميعابي امجد كلو سنة واتا طيب
الموت سبيل الاولين والاخرين

Quote: و ليه يا حامد ما مشيتو على الطب الشرعى عشان تحدّدوا سبب الوفاة و بالتالى تقاضوا المستشفى .. على الاقل عشان غيرا ما يتعرّض لى نفس الاهمال و يروح شمار فى مرقة

مرحبيك اخوي جلال اقسم لك بالله الحصل ده اثباتو مايحتاج حتى تشريح لو رفعت الدعوى خليهم يجو تحت اليمين يحكو الحصل وماف زول بحرق ورقو اتا قايل الطب الشرعي خلاص يعني كم وكم تقرير اتلفق بامر الاجهزة الامنية والمنتفعين المهم لحين اقتناع زوييييها بالتقاضي ننور الناس اقل شئ مايخشو الجزارة دي

الاخ حامد عظم الله اجركم
وربنا يرحم الفقيدة ويغفر لها ويحتسبها من الشهداء
باذن الله تعالى
الاهمال العجيب !
كل بلاد الله الواسعة يجدون الاهتمام من حكوماتهم
الا شعب السودان المظلوم !!
الحكومة لاهية وما ساءلة في الناس
في كل بيت ماتم
وامام كل مشفى عويل !!
وهم يتعالجون خارج السودان باموال الشعب
حسبنا الله فيهم
ولكن:
لكل شيئ حد وللصبر والتسامح حدود
وحتما الشعب سينتصر لحقوقه.
ست البنات.

Quote: الاخ حامد عظم الله اجركم وربنا يرحم الفقيدة ويغفر لها ويحتسبها من الشهداء باذن الله تعالى الاهمال العجيب ! كل بلاد الله الواسعة يجدون الاهتمام من حكوماتهم الا شعب السودان المظلوم !! الحكومة لاهية وما ساءلة في الناس في كل بيت ماتم وامام كل مشفى عويل !! وهم يتعالجون خارج السودان باموال الشعب حسبنا الله فيهم ولكن: لكل شيئ حد وللصبر والتسامح حدود وحتما الشعب سينتصر لحقوقه. ست البنات.

يالله يااختي ربنا موجود ويوم ما حيتحاسب كل مفسد وظالم وسارق
ست البنات ذهبت الى ربها وفي صدرها كل الغبن والغضب وست البنات هنا تحمل الراية لمواصلة النضال والكفاح ضد الظلم تحية ليك

يا حامد اخوي ربنا يلهمكم الصبر وحسن العزاء
ويخلفكم خيرا منها
ويثبتها عند السؤال ويدخلها الفردوس الاعلى
بغير حساب
اللهم امين.
البلد حل فيها كابوس اسمه حكومة ظالمة
همها تغتني بالمال الحرام
ومن يرفع راية الدين شعارا
بيستحي من رب العالمين
ويحاول يقتدي باخلاق الاسلام
حسبنا الله ونعم الوكيل
نشكيهم يوم الحق للمليك العادل
الذي قال : حرمت الظلم على نفسي.
حسابهم ان شاء الله عسير أمام المليك الأعظم
وحسابهم هنا في الدنيا على يد
شعب مظلوم ومغلوب على امره
والثورة اتية اتية باذن الله
وشعبنا الكريم سينتفض حتما على الظلم والذل.
تعازي الحارة للاسرة.

ست البنات.

ربي يرحمها ويجعل مثواها الجنة
كدى زول قريب من المستشفي يصور لينا مدخل المستشفي بس خليكم من العنابر والغرف وغرف العمليات واستدعدوا ناس وزارة الصحة والمواصفات هل يصلح ان يطلق علية مستشفي لاستقبال حالات مرضية وطارئة

السلام عليكم الاستاذ حامد بدري والمتداخلين وتقبل عزائي في مصابكم
كسر المخروقة في الكبار يكون احيانآ لأقل ضربة ونسبة الوفيات فيه من 20% الي 15%
وهو شائع لدي كبار السن نسبة لأصابتهم بترقق العظام وكذلك ضعف النظر واصابات المفاصل مما يؤدي
لكثرة السقوط وسهولة الكسر والفخص الاكلينكي قد لا يبين الاصابة وحتي الاشعة السينية قد تكون غير واضحة
وأحسن شئ هو الرنين المغنطيسي MRI والCT scan وهم معرضون لقرح السرير وكذلك الاصابة بالجلطات

من خلال وصفك اصيبت المرحومة بهبوط حاد وهو غالبآ نتيجة لجلطة في الرئة وفي حالة الكسور قد تكون Fat embolism
وكما دكرت سابقآ نسبة الوفاة في كسر المخروقة بين 20- 15% وتزداد في حالة الجلطة الرئوية
تعازي القلبية لك وربنا يصبركم علي ما اصابكم ودعائي للمرحومة ان يدخلها ربي برحمته عالي الجنان

اللهم أرحمها واغفر لها وأعف عنها واحسن اليها واجعل الجنة مثوآها
انا لله وانا اليه راجعون

تعازينا يا حامد والف رحمة ونور للفقيدة.
كما اشار الزملاء عثمان الامام و اخلاص المشرف ففي حالات الكسور في العظام الطويلة
مثل عظم الفخذ قد تدخل كميات من الشحوم "غير الذائبة" من موضع الكسر للدورة الدموية
فتتسبب في حدوث الجلطة الرئوية وربما غيرها من الجلطات عندما تدخل في الشرايين الصغيرة
الموجودة داخل الرئة او المخ او غيرها من الاعضاء.
طبعا دخول هذه الشحوم قد يبدأ من لحظة الاصابة ولكن اثاره تظهر خلال الايام التالية وايضا قد يحدث
اثناء العملية. من ناحية العلاج فحتى الآن لا يوجد علاج محدد ولكن تزويد المريض بالاكسجين ونقله
لوحدة عناية فائقة يجب أن يكون من الاولويات.

الأخ حامد البدرى احسن الله العزاء و جملكم بالصبر و رحم الفقيدة ، كما تفضل اخد الزملاء على الاسرة اللجوء الى المجلس الطبى خصوصاً ان الزميل المتداخل ذكر ان التعامل فى المستشفى سيىء مع المرضى.
خالص التعازى مرة اخرى .

Quote: الأخ حامد البدرى احسن الله العزاء و جملكم بالصبر و رحم الفقيدة ، كما تفضل اخد الزملاء على الاسرة اللجوء الى المجلس الطبى خصوصاً ان الزميل المتداخل ذكر ان التعامل فى المستشفى سيىء مع المرضى. خالص التعازى مرة اخرى .

دكتور محمد صباح الخير
اغلب المستشفيات ده حالا وغالبية المرضى ركبوا الخطوط برا وجوا للعلاج بالخارج وحميضة يتبجح عندنا اكبر مستششفى بافريقيا وافضل وافضل كلو كضب وتصاريح في الاعلام ماجايبة مريست امزينا

حبيبنا بكري ابوبكر تسلم كتير على تثبيت البوست

وتحياتي لك والاسرة وكلو سنة واتو طيبين تامين ولامين

Quote: تعازينا يا حامد والف رحمة ونور للفقيدة. كما اشار الزملاء عثمان الامام و اخلاص المشرف ففي حالات الكسور في العظام الطويلة مثل عظم الفخذ قد تدخل كميات من الشحوم "غير الذائبة" من موضع الكسر للدورة الدموية فتتسبب في حدوث الجلطة الرئوية وربما غيرها من الجلطات عندما تدخل في الشرايين الصغيرة الموجودة داخل الرئة او المخ او غيرها من الاعضاء. طبعا دخول هذه الشحوم قد يبدأ من لحظة الاصابة ولكن اثاره تظهر خلال الايام التالية وايضا قد يحدث اثناء العملية. من ناحية العلاج فحتى الآن لا يوجد علاج محدد ولكن تزويد المريض بالاكسجين ونقله لوحدة عناية فائقة يجب أن يكون من الاولويات.

دكتور سيف عيد سعيد وعمر مديد اخوي تعرف اول ماكتبتا البوست طوالي جيت في بالي ومنتظر التقرير منك اول شئ طلعوها بعد العملية مباشرة وحسب كلامكم ده المفترض يتاكدوا من قصة الجلطة الدهنية دي قبل وبعد العملية حتى لو ماعندهم اجهزة يطلبوا نوعية الاشعة او رنين او غيرو واهل المريض يتكفلوا بالقصة لكن واضح جدا انو الاهمال واصل الحد اكسجين فاضي وجهاز انعاش قلب ماشغال والجراح ومعاو كم (شافع من عيال الطب التعلمجية ) معليش للكلمة اكتفوا بالاسف والاسى وتعنيف الممرضين والمساعدين بكم كلمة لحظة الحدث والسلام
تعرف يادكتور العام الماضي خالنا محمد نور قورتي جانا زيارة لولدو هنا في السعودية وانزلق واتكسر في الحوض عمرو فوق التمنين سنة يعاني من سكري وضغط واتعملت ليو العملية في امان الله ماطلع من المستشفى الا بعد عالجو ليو جرح الرقاد من السكري في الضهر واصلو ماسمعنا تخوف من جلطة او غيرو بالعكس الدكتور طمنا جدا قبل العملية الناس ديل بي غادي وصلوا مرحلة بقصروا عمر النا عديل بالاهمال واللامبالاة
في الصناعية دي مكنيكينا لو ماشال صندوق عدتو مابنزل تحت العربية عشان مايضيع زمنو في الدخول والمروق وعندنا صبي شنطة مهمتو فقط يناولوا المفاتيح انبوبة اكسجين قدر الليلة وباكر يجارو يفتشو فوقا والمريض يشهق

Quote: السلام عليكم الاستاذ حامد بدري والمتداخلين وتقبل عزائي في مصابكم كسر المخروقة في الكبار يكون احيانآ لأقل ضربة ونسبة الوفيات فيه من 20% الي 15% وهو شائع لدي كبار السن نسبة لأصابتهم بترقق العظام وكذلك ضعف النظر واصابات المفاصل مما يؤدي لكثرة السقوط وسهولة الكسر والفخص الاكلينكي قد لا يبين الاصابة وحتي الاشعة السينية قد تكون غير واضحة وأحسن شئ هو الرنين المغنطيسي MRI والCT scan وهم معرضون لقرح السرير وكذلك الاصابة بالجلطات من خلال وصفك اصيبت المرحومة بهبوط حاد وهو غالبآ نتيجة لجلطة في الرئة وفي حالة الكسور قد تكون Fat embolism وكما دكرت سابقآ نسبة الوفاة في كسر المخروقة بين 20- 15% وتزداد في حالة الجلطة الرئوية تعازي القلبية لك وربنا يصبركم علي ما اصابكم ودعائي للمرحومة ان يدخلها ربي برحمته عالي الجنان اللهم أرحمها واغفر لها وأعف عنها واحسن اليها واجعل الجنة مثوآها انا لله وانا اليه راجعون

عليكم السلام اختي اخلاص والحمد لله على كل حال
مادام القصة متوقعة وفي اثار خطيرة للدرجة دي بتلازم الكسر والعملية المفترض يكونوا مستعدين اكتر معقولة اكسجين وجهاز انعاش قلب ماشغال وتعمل العملية والاكسجين ماموجود او قطع اثناء مباشرة الحالة تعرفوا كده انا شكوكي بقت مؤكدة فوق المستشفى ده والحصل ده خطأ جسيم وممكن جدا يسحب منهم الرخصة

Quote: ربي يرحمها ويجعل مثواها الجنة كدى زول قريب من المستشفي يصور لينا مدخل المستشفي بس خليكم من العنابر والغرف وغرف العمليات واستدعدوا ناس وزارة الصحة والمواصفات هل يصلح ان يطلق علية مستشفي لاستقبال حالات مرضية وطارئة

حسب ماوردني من معلومات امس دي انو المشفى ده بتقاضى مبالغ قليلة مازي بقية المشافي وللاسف دي بتكون على حساب الخدمة المقدمة للمرضى ومعاك انا اختي لايمكن ان نطلق عليه مستشفى يتعامل مع جراحات وعمليات كبيرة الافضل ارفع سعر الخدمة وقدمها بالشكل المطلوب من والى

لها الرحمة والمغفرة وأحسن الله عزاءكم وجبر كسركم
الجلطة الرئوية سبب رئيسي للوفاة بعد العمليات الجراحية وبالذات العمليات الكبيرة
والكسور في كبار السن وتحدث فجاة وبدون مقدمات واذا كانت كبيرة massive تؤدي
للموت في أغلب الأحيان ولا تجدي العلاجات حتى في أكبر المراكز والمستشفيات العالية
التأهيل كل الذي يجب عمله هو الإحتياط ومحاولة أختيار الحالات التى تكون فرصة إصابتها
عالية قبل العملية وإعطاؤهم علاجات للسيولة يقلل من نسبة الإصابة كتير وإن كان ليس بنفس الفعالية
في حال الجلطة الدهنية البتحصل من كسور العظام الطويلة زي ما قالوا الاخوة الدكاترة أسامة
وسيف .
بصورة عامة أي مريض يخضع لعملية كبيرة أو عملية كسور فهو معرض للاصابة بالجلطة الرئوية
وبتزيد النسبة في المدخنين وذوي الامراض التنفسية والذين يعانون من السمنة وقليلي الحركة من كبار
السن و العندهم كسور واصابات بالأضافة لمرضى السرطانات .
وجدت إحصائية عن الجلطات الرئوية في مستشفيات بريطانيا في عام 2012 فقط كان هناك 2300 حالة
وفاة وده بعد قلت نسبة الوفاة ب 30 % من الخمسة سنة القبلها !!
اما المستشفيات في السودان حالها يغني عن السؤال أكتر من 90 % من المستشفيات الخاصة غير مؤهلة
لإستقبال الحالات الطارئة ولا يجب منحها رخصة للقيام بالعمليات الكبيرة مالم يكن فيها عناية مركزة وباعداد
متوفرة وطاقم مدرب ( أكيد الأكسجين وأجهزة الإنعاش مفروض موجودة في أي مؤسسة صحية ولو شفخانة)

نسأل الله للفقيدة الرحمة و المغفرة و لآلها الصبر الجميل
خالص التعازي اخي حامد

Quote: Mahir Mohammed Salih نسأل الله للفقيدة الرحمة و المغفرة و لآلها الصبر الجميل

اللهم امين يارب ياكريم

Quote: الجلطة الرئوية سبب رئيسي للوفاة بعد العمليات الجراحية وبالذات العمليات الكبيرة والكسور في كبار السن وتحدث فجاة وبدون مقدمات واذا كانت كبيرة massive تؤدي للموت في أغلب الأحيان ولا تجدي العلاجات حتى في أكبر المراكز والمستشفيات العالية التأهيل كل الذي يجب عمله هو الإحتياط ومحاولة أختيار الحالات التى تكون فرصة إصابتها عالية قبل العملية وإعطاؤهم علاجات للسيولة يقلل من نسبة الإصابة كتير وإن كان ليس بنفس الفعالية في حال الجلطة الدهنية البتحصل من كسور العظام الطويلة زي ما قالوا الاخوة الدكاترة أسامة وسيف . بصورة عامة أي مريض يخضع لعملية كبيرة أو عملية كسور فهو معرض للاصابة بالجلطة الرئوية وبتزيد النسبة في المدخنين وذوي الامراض التنفسية والذين يعانون من السمنة وقليلي الحركة من كبار السن و العندهم كسور واصابات بالأضافة لمرضى السرطانات .

مرحبا عثمان ودالامام والحمد لله على كل حال الان جاي من سوداني عمل عملية في الركبة بي مسمارين وقابلتا استشاري سوداني دكتور اسامة عمل ليو العملية واكد لي على كل المعلومات الفوق دي وعن احتمالية الجلطة لكبار السن حتى الشخص العملو ليو عملية الركبة ولد صبي ورغم ده ادوهو ادوية تسييل تقريبا قبل يوم من العملية
قصة الادوية بتاعت السيولة محتمل المرحومة اخدتوم مامتاكد منها بس الاكسجين والانعاش القلبي ااؤكد ليك اتعمل يدوي وانبوبة الاكسجين خاوية

تغمدها الله بواسع رحمته وأسكنها الفردوس الأعلى
مع الصديقين والشهداء وحسن أؤلئك رفيقا

حامد آننقا ويا فينا كوريقا آنجن نلني
أحسن ألله عزاكم والأهل جميعا في مصابكم

الشكاوي والقضايا الموجودة في أضابير المجلس الطبي
السوداني ومجلس القضاء ووزارة العدل والخاصة بوفيات
وأضرار الإهمال الطبي لا تحصي ولا تعد يمكن عشان كده
الناس ما عايزة تضيع زمنها وفلوسها وراء سراب المجلس
الطبي فيلجأو لباركوها يا جماعة ما تبقي موتة وخراب ديار

لك التحية اخي حامد .. وربنا يجبر كسركم ..

الموت حق لكن لما يكون نتيجة اهمال اكيد بصبح
موتين !!! يا للفجيعة ويااا للاوجاع ! يموت شعبنا
الطيب الغلبان علي امره نتيجة الجشع والاهمال اي
موت هذا يسمي وفي اي لائحة الاقدار يندرج .

اللهم نسألك لها الرحمة وتعافيها وتعفي عنها في
اخرتها وجاءات اليك محسورة مكسورة ولا من
رحيم غيرك .

ربنا يرحمها ويغفر لها ويجعل الجنة مثواها صادق العزاء لكم اخى حامد والاسرة الكريمة ربى يصبركم ويجبر كسركم

Quote: Hassan Farah ربنا يرحمها ويغفر لها ويجعل الجنة مثواها صادق العزاء لكم اخى حامد والاسرة الكريمة ربى يصبركم ويجبر كسركم

ربنا يشفي مرضانا ويرحم موتانا ويلطف بالناس هناك

Quote: . وربنا يجبر كسركم .. الموت حق لكن لما يكون نتيجة اهمال اكيد بصبح موتين !!! يا للفجيعة ويااا للاوجاع ! يموت شعبنا الطيب الغلبان علي امره نتيجة الجشع والاهمال اي

اللهم امين
ده الحاصل الان اهمال حد الاهمال ولاحياة لمن تنادي
شكرا بت عمسيب الله كريم على الناس

Quote: حامد آننقا ويا فينا كوريقا آنجن نلني أحسن ألله عزاكم والأهل جميعا في مصابكم الشكاوي والقضايا الموجودة في أضابير المجلس الطبي السوداني ومجلس القضاء ووزارة العدل والخاصة بوفيات وأضرار الإهمال الطبي لا تحصي ولا تعد يمكن عشان كده الناس ما عايزة تضيع زمنها وفلوسها وراء سراب المجلس الطبي فيلجأو لباركوها يا جماعة ما تبقي موتة وخراب ديار

واتا طيب حبيبنا
البلد عامة حالا معروف ضنك العيش والمجابدة في المعيشة الناس بتباصرا بي جاي وجاي لكن العلاج اصلا مرهق وخارب ميزانية الناس يبقا علينا ميتة وخراب ديار

الأخ حامد بدري
تقبل الله بنت عمكم ست البنات بدري قبولاً حسناً وصبركم على الفقد العظيم
نعم هو موت الهملة كما وصفته، ولكن للأسف كلنا نساهم في هذا، على الأقل بسكوتنا
كما أشار الإخوة قبلي.
أحسن الله عزاءكم وخلف البركة فيكم وفي ذراريكم
لا حول ولا قوة إلا بالله العلي العظيم
____
الحليلة

Quote: تقبل الله بنت عمكم ست البنات بدري قبولاً حسناً وصبركم على الفقد العظيم نعم هو موت الهملة كما وصفته، ولكن للأسف كلنا نساهم في هذا، على الأقل بسكوتنا كما أشار الإخوة قبلي. أحسن الله عزاءكم وخلف البركة فيكم وفي ذراريكم لا حول ولا قوة إلا بالله العلي العظيم

الحليلة كلو سنة واتا طيب ياحبيب وايامك سعيدة وبخيتة عليك
الحمد لله على كل حال وربنا يرحما ست البنات كان عندها احساس ساهرت قبل العملية في الونسة لاول مرة لحدت اتنين صباحا مستغربة كيف حيفتحو الجسم ده ويعالجوه واشارت لبطنها مع العلم الكسر بعظمة الفخذ لانها حياتا مازارت طبيب

الدكتور بتاع العظام العمل العملية انتظر الى ان افاققت من البنج بعد ساعة او اكتر واتكلم معاها بعد خروجا من العملية وبشرنا بنجاح العملية ومشا
بعد رجع وعرف انها انتكست واتوفت اتاسف جدا وقام بارجاع الجزء الخاص بيو كدكتور من قيمة العملية لاهل المتوفية وربنا يكتر من امثالو ويصلح حال البلد
هنا كلام الدكاترة الفوق صحيح معناتا في جلطة متحركة وده بخليني اتساءل ماف طريقة قبل العملية التاكد من وجود جلطة او عدمو للتعامل مع الموقف خاصة انو نسبة كبيرة من كبار السن بتعرضو للكسور في اقل وقعة والعلاج المطلوب شنو غير حقن التسييييل وقبل اكتشاف الجراحات بتاعت العظام من مسامير ومساطر وغيرو كيف كان بتم التعامل مع الكسور ايام الجبص وكيس الرمل بتذكر دكتور ابوزيد في مستشفى مدني كان شال بي خشب واكياس رمل والامور كانت طيبة جدا بل في ناس بالخبرة ساي بعالجوا الكسور والردوخ والفكك ناس ودجنقول بحي المدنيييين وبقادي الرجل الاشهر في اصابات الملاعب

الأخ حامد البركة فيكم وربنا يرحم ابنة عمك ويسكنها فسيح جناته


أولا: لا يملك حق الحديث في أي قضية تخصصية (مثل الأخطاء الطبية) إلا أهل المجال المعني


ثانيا: هذا الاقتباس لوحده ينسف مصداقية وموضوعية روايتك

Quote: هذا المشفى يقتل مرضاه بالاهمال فاجتنبوه الحصل و ده بناءا على شهادة شهود عيان بيان لانو التقرير الطبي كالعادة اتكلفت وادمشق

يا عزيزي الفاضل مافي حاجة اسمها (قالو لي) و(سمعت) و(شهود عيان)...الحاجة يا تكون شفتها بنفسك أو تلتزم الصمت...لأنو السودانيين مستحيل
ينقلو حاجة بدون (إضافات) و(تهويل) و(شمار)..



ثالثا: يا عزيزي الفاضل، ما أي مريض يموت في مستشفى معناها (خطأ طبي)، هناك أخطاء إدارية تتحملها إدارة المستشفى وليس للطبيب أي ذنب فيها، مثل تصعيب
إجراءات الدخول ونقص الأدوية و الأكسجين وأسرّة (جمع سرير) العناية المكثفة وغيرها، هناك مضاعفات تحدث لحالة المريض بسبب استفحال المرض بجسمه رغم
تلقيه للعلاج المثالي..


رابعا: الجهة الوحيدة في الدنيا التي تقرر وجود الخطأ الطبي من عدمه هي المجلس الطبي فقط لا غير، والأمر يتم بعد تحقيق مطول يجريه خيرة الاستشاريين بعد استقبال الشكوى و
يحضرون كافة أطراف القضية، أما إنك تجي بكل بساطة وتقول (كتلونا بخطأ طبي) ده كلام عاطفي وغير موضوعي وما عندو أي أساس، الموضوع ما بالبساطة دي..
التناول الإعلامي لقضايا الأخطاء الطبية سيء جدا وغير موضوعي وساهم في فقدان الثقة في الأطباء بناء على روايات عاطفية مضللة، كان الأولى بالإعلام التركيز على
ميزانية الصحة المخجلة وانعدام الشاش والدواء في مستشفيات هذا البلد المنكوب..


تقبل تحياتي واحترامي

يا احمد عمر بعيدا عن تهويل السودانيين وتومهم وشمارهم، هل هذه المستشفى وغيرها من
الدكاكين المسماة زورا وبهتانا مستشفيات مجهزة ولديها من الإمكانيات ما يؤهلها لإجراء جراحات
تحت المخدر العام؟
هل فيها وحدة عناية فائقة؟
هل دكتور التخدير متواجد على مدار الساعة أو على الأقل طبيب طوارئ عنده خبرة في الحالات الحرجة؟
هل هناك خطة وامكانيات لنقل من يحتاج من الضحايا لمستشفى اكثر تجهيزا بالسرعة الكافية مع توفير
الرعاية اللازمة طول الطريق؟
الموضوع ما غرفة عمليات مفتوحة للإيجار كل جراح يجيب معاهو بتاع تخدير يعمل عملية وبعد داك يتخارج.
طريقة موت المرحومة بدون اي محاولة جادة لإنقاذ حياتها بتؤكد إنّو في مشكلة.

السلام عليكم
كلام دكتور سيف يبين انه عدا مستشفي الخرطوم السابق لا يوجد مستشفي مؤهل
اكسجين وانعاش وaccess لمستشفي من الفئة الرابعة ده كلو ما موجود والكارثة انو
مستشفي من الفئة الرابعة لم يعد موجود بعد ازالة مستشفي الخرطوم

و حتي نحن في كارثة
ولو رفض المستشفي استقبال الحالة برضو في مشكلة
اللهم أرحم ست البنات وأغفر لها وأعف عنها وأحسن اليها وأجعل الجنة مثوأها

Quote: يا احمد عمر بعيدا عن تهويل السودانيين وتومهم وشمارهم، هل هذه المستشفى وغيرها من الدكاكين المسماة زورا وبهتانا مستشفيات مجهزة ولديها من الإمكانيات ما يؤهلها لإجراء جراحات تحت المخدر العام؟ هل فيها وحدة عناية فائقة؟ هل دكتور التخدير متواجد على مدار الساعة أو على الأقل طبيب طوارئ عنده خبرة في الحالات الحرجة؟ هل هناك خطة وامكانيات لنقل من يحتاج من الضحايا لمستشفى اكثر تجهيزا بالسرعة الكافية مع توفير الرعاية اللازمة طول الطريق؟ الموضوع ما غرفة عمليات مفتوحة للإيجار كل جراح يجيب معاهو بتاع تخدير يعمل عملية وبعد داك يتخارج. طريقة موت المرحومة بدون اي محاولة جادة لإنقاذ حياتها بتؤكد إنّو في مشكلة.

صباحك طيب دكتور سيف
ويااحمد عمر اسمع الكلام ده كويس مصداقا لكلام اخونا سيف زوجتى عملت عملية في مشفى باللاماب بتاع التخدير جا متاخر شوية وقاليهم اتو قتو ليا الساعة اتنين والان نص ساعة اتاخرتها عشان الزحمة وخدر زوجتى وقاليهم عندي عمليات وشتت حتى قبل الافاقة من البنج في نقص كادر او امكانات عارفين بس تصل لمرحلة الاكسجين وجهاز انعاش قلبي في مستشفى خاص ده شئ فايت الحد
شخصيا اخدتا قراري زمان علاج بي جراحة في السودان مابعملو واخوي مشا مصر وكل الاسرة قاعدة تتعالج برة برا مجلس طبي ولاجن كلكلكي
كلامي عن الخدمة المقدمة بالقروش موش تامين او علاج حكومي العلاج بالكاش

احمد عمر الله يبارك فيك اخوي

Quote: أولا: لا يملك حق الحديث في أي قضية تخصصية (مثل الأخطاء الطبية) إلا أهل المجال المعني

ابرد يااخوي انا جيت هنا لاسال اهل المجال اما الشهود فهم افراد اسرتي واعرفهم جيدا ان كانوا من نا كوز الموية او الشمارات كلامك التحت ده عاطفي واندفاعي ومعمم السودانييين

Quote: يا عزيزي الفاضل مافي حاجة اسمها (قالو لي) و(سمعت) و(شهود عيان)...الحاجة يا تكون شفتها بنفسك أو تلتزم الصمت...لأنو السودانيين مستحيلينقلو حاجة بدون (إضافات) و(تهويل) و(شمار)..

اوعا تتخاطب معاي بلغة الزم الصمت وقع ليك موضوع الاكسجين والجهاز بتاع الانعاش القلبي شافووهو اسرتي ولن اقبل منك هذا الكلام واتا لو عندك اهتمام بالموضوع الطبي المشفى موجود واسم المريضة والحالة ودي الحتة الوحيدة الانا متاكد منها مية بالمية حسن سلوكك ولغة خطابك او اختاني سودانييين بتاعين شمار قال واتا شنو الماني

Quote: ثالثا: يا عزيزي الفاضل، ما أي مريض يموت في مستشفى معناها (خطأ طبي)، هناك أخطاء إدارية تتحملها إدارة المستشفى وليس للطبيب أي ذنب فيها، مثل تصعيبإجراءات الدخول ونقص الأدوية و الأكسجين وأسرّة (جمع سرير) العناية المكثفة وغيرها، هناك مضاعفات تحدث لحالة المريض بسبب استفحال المرض بجسمه رغمتلقيه للعلاج المثالي..

يازول اتا مالك جاي ومعلق بلوتينك فينا الطاقم الطبي مفروض يعمل كتيم كامل ومتكامل من والى لانو ده مشفى خاص ماف اكسجين جنب سرير المريض واتنين اجهزة انعاش للقلب ماتشتغل الحالة ماجات من حادث حركة او طارئة في مشفى حكومي ده مشفى خاص بي قروش ارفع السعر وعالج الناس زي ما قال كتاب الطب او خت المشرط معقولة انبوبة اكسجين فاضية وجهاز انعاش قلبي ماشغال قدام عيونا تقولي لازم تكون طبيب او المجلس الطبي يقرر اقوليك حاجة ياريت لو ماتجيني تاني ماناقصك انا

احمد عمر

Quote: الجهة الوحيدة في الدنيا التي تقرر وجود الخطأ الطبي من عدمه هي المجلس الطبي فقط لا غير، والأمر يتم بعد تحقيق مطول يجريه خيرة الاستشاريين بعد استقبال الشكوى و يحضرون كافة أطراف القضية، أما إنك تجي بكل بساطة وتقول (كتلونا بخطأ طبي) ده كلام عاطفي وغير موضوعي وما عندو أي أساس، الموضوع ما بالبساطة دي.. التناول الإعلامي لقضايا الأخطاء الطبية سيء جدا وغير موضوعي وساهم في فقدان الثقة في الأطباء بناء على روايات عاطفية مضللة، كان الأولى بالإعلام التركيز على ميزانية الصحة المخجلة وانعدام الشاش والدواء في مستشفيات هذا البلد المنكوب..

جيب ليا كلمة واحدة انا قتا فيها انو الوفاة بسبب خطا طبي العنوان مكتوب فوقو موت الهملة
ذكرت حدثين بشهادة شهود عيان بيان موضوع الاكسجين وجهاز الانعاش عندك تشكيك في موضوع الشهود بجيبوهم بحلفوهم القسم
التقرير الطبي ماحيكتبو فوقو انو عملنا ليها تنفس وانعاش يدوي بس دي الدمشقة
مشيت لي استشاري عظام وهنا الدكاترة اجمعوا على انو بتحصل جلطات مع الكسور وعندي سوال هل الجلطة دي صعب التاكد منها بايو طريقة كانت او الاستعداد ليها اذا حصلت
تشكيكك في الشهود ده حقو تعتذر عنو لانو بايخ عندنا قضية محددة وبشخوص معروفين وموجودين ومستعدين يقسموا الكتاب

الأخ سيف النصر تحياتي
مستشفيات السودان زي الزفت...دي مافيها خلاف...
ما انتقدته هو إظهار القصة على أنها (خطأ طبي) بلا أي حكم قانوني من المجلس الطبي...
ما قصدته هو أنه يجب التفريق بين الخطأ الطبي (الخطأ الفني المباشر من الطبيب)...
والخطأ الإداري (أمثلة: رفض استقبال مريض بحجة عدم دفع الرسوم - انعدام الأكسجين - انعدام الأدوية المنقذة للحياة)...
الخطأ الإداري خارج مسؤولية الطبيب تماما وليس له أي ذنب فيه...بل هو مسؤولية إدارة المستشفى بنسبة 100%..
أغلب ضحايا المستشفيات في السودان يموتون بسبب الأخطاء الإدارية...
ماذا تريد من الطبيب أن يفعل لو كانت المستشفى ليس بها عناية مكثفة؟؟؟ أو أكسجين؟؟؟أو جهاز صدمات القلب؟؟؟
أو قسطرة القلب؟؟؟ أو أو أو أو...
الأطباء بح صوتهم في المطالبة بإصلاح حال المستشفيات فكان جزاء الكثيرين منهم التنكيل والسجن والاعتقال...
تقبل تحياتي واحترامي..

للفقيدة الرحمة و الغفران و لآلها الصبر السلوان
خالص التعازي لك اخي حامد وللاسرة الكريمة

الاهمال والاخطاء الطبية والادارية صارت ظاهرة مخيفة فى السودان و القوانين ليست رادعة .

Quote: علاء سيداحمد للفقيدة الرحمة و الغفران و لآلها الصبر السلوان خالص التعازي لك اخي حامد وللاسرة الكريمة الاهمال والاخطاء الطبية والادارية صارت ظاهرة مخيفة فى السودان و القوانين ليست رادعة .

اللهم امين
لم احدد للان انو الوفاة بخطأ طبي او غيرو فقط اتحدث عن الاهمال لانو الكلمة مسؤولية

في المداخلة التانية كتبت هنا عشان الناس البيجوك طايرين جوز زي احمد عمر ده يبرد
ياوزير الصحة للمستشفيات الخاصة ياريت تتاكدوا من اجهزة الانعاش والاكسجين قبل منح التصاريح والتفتيش الدوري لانو ديل قطاع خاص وشل استثماري
في كل البوست لم اكتب حرف يخص خطأ طبي بل بالعكس هنالك اشادة بدكتور العظام وموقفو الملاحظتين النبهتا عليهم الاكسجين وجهاز الانعاش القلبي ودي حاجة حصلت قدام اهلي
وللامانة جاني واحد من الاصدقاء هنا وكان عندو عملية عظام بسبب حادث مرور قتا ليو بالحرف بتاع العظام كويس جدا بس انتبهوا ونبهوا للاكسجين وغيرو وخليكم قريبين لو حصل طارئ تتصرفوا لانو ايو فضيحة او اهمال بتم تغطيتو بي تقرير مدمشق واصلا المرحلة بتاعت الاعتراف والاستقالة وتحمل المسؤولية ماوصلناها ولا حنصلا قريب
واقرب مثال ياهو احمد عمر ضرب شهودي عرض الحائط مارفعنا دعوى وتقبلنا مبتلانا وسننصح الورانا واشرب من بحر ازرق يااحمد

في التالتة كتبتا يادكاترة الموقع تعالوا وده كلو خوفا من اطلاق حكم جائر او كلام ما في محلو ونظلم ناس المستشفى
ايو كلمة كتبتا مسؤول منها مسؤولية تامة لا انجرفت وراء عاطفة او موقف مسبق
للمرة المليون احمد عمر اعتذر عن رميك لشهودي اهلي بالشمار والكوز موية او حاتعامل معاك بانك شخص لايستحق الاحترام
عندك دليل انو كتبتا في خطا طبي جيبو او اعتذر بالعكس العملية ناجحة وفاقت من البنج وانتكست بعدها الانبوبة فاضية جهاز الانعاش القلبي ماشال ديل مادايرات دكاترة

احمد عمر ماتعمل رايح
وصمك لاهلي بشهادة الزور ياتثبتوا او تبلعوا
وين انا كتبتا خطا طبي

احسن الله عزاكم والبركه فيكم

عندنا قريبنا اتوفي في مستشفي البراحه بحاله مشابهه للمرحومه ..بعد سنتين من متابعه القضيه في المحاكم الاهل كسبو القضيه ضد المستشفي والطبيب ..

Quote: احسن الله عزاكم والبركه فيكم عندنا قريبنا اتوفي في مستشفي البراحه بحاله مشابهه للمرحومه ..بعد سنتين من متابعه القضيه في المحاكم الاهل كسبو القضيه ضد المستشفي والطبيب ..

الله يرحمو يامعاوية ويغفر ليو ويسكنو الجنة
ماضاع حق وراو مطالب
القضية بتاعتنا هنا في اهمال شديد جدا وبالعين المجردة بتاعت الانسان العادي يعني مريضة طالعة من عملية يتعمل ليها تنفس وانعاش يدوي ده اكبر دليل على الاهمال
بس للاسف الاسرة رافضة موضوع الدعوى القضائية مع العلم وريتوم انو القصة بي توكيل محامي سيتابع القضية وشهادة الشهود عشان المماطلة والزمن والجرجرة وامكن كان يتاخر موضوع الدفن بي سبب الشكوى

Quote: ماذا تريد من الطبيب أن يفعل لو كانت المستشفى ليس بها عناية مكثفة؟؟؟ أو أكسجين؟؟؟أو جهاز صدمات القلب؟؟؟ أو قسطرة القلب؟؟؟ أو أو أو أو

منطق وسؤال غريب ..الطبيب مشارك اساسي في الكارثه دي ..الاخلاق الطبيه بتمنعو انو يجري العمليه في مستشفي او مستوصف يفتقد لي ابسط اجراءات السلامه قبل وبعد العمليه

Quote: منطق وسؤال غريب ..الطبيب مشارك اساسي في الكارثه دي ..الاخلاق الطبيه بتمنعو انو يجري العمليه في مستشفي او مستوصف يفتقد لي ابسط اجراءات السلامه قبل وبعد العمليه

تسلم يامعاوية ربنا يخليك دوما لقول الحق
احمد عمر رمى ايو كلام والسلام وعمل رايح وقال نلزم الصمت وحانتظرو هنا يجي يرد او عندو معاو كلام

حامد بدري
خالص العزاء والرحمة والمغفره
والصبر لأهلها وحسن العزاء

Quote: عبدالعظيم عثمان خالص العزاء والرحمة والمغفره والصبر لأهلها وحسن العزاء

الحمد لله اخوي الكوت حق علينا جميعا وامر المسلم كلو خير تلقاها في الاخرة عن رب العرش والسماوات
الهدف من البوست فقط تنوير الناس الممكن توديهم الظروف لعمل عمليات في المشفى الكارثة وايو كلمة قتها هنا مسؤول منها مسؤولية تامة ماعندي ايو غرض او مصلحة في التدليس او التشهير بالمستشفى وللان ماف تحرك من جانب العائلة لتحريك دعوى قضائية

Quote: مستشفيات السودان زي الزفت...دي مافيها خلاف... ما انتقدته هو إظهار القصة على أنها (خطأ طبي) بلا أي حكم قانوني من المجلس الطبي... ما قصدته هو أنه يجب التفريق بين الخطأ الطبي (الخطأ الفني المباشر من الطبيب)... والخطأ الإداري (أمثلة: رفض استقبال مريض بحجة عدم دفع الرسوم - انعدام الأكسجين - انعدام الأدوية المنقذة للحياة)...

احمد عمر وين انا قتا في خطا طبي
انعدام الاكسجين والادوية المنقذة للحياة خطأ اداري انا لله ياخ لو ماف ادوية واكسجين ماتفتح بطن مريض الا في الضرورة القصوى
بعدين الشهود اتاكدتا من وين انهم زادوها وزوروا الشهادة
عندي واقعة حدثت مع الوالدة الله يرحما حاحكيها لاحقا عشان تعرفوا انو ايو عمل عندو اخلاق مهنة والجشع والطمع موجودات وديل بعموك عن الحق والطريق الصواب

الأخ حامد بدري أحسن الله عزاءكم وجبرالله كسركم
نسأل الله أن يتقبلها قبولا حسنا وان يجعلها من اصحاب اليمين

Quote: ماذا تريد من الطبيب أن يفعل لو كانت المستشفى ليس بها عناية مكثفة؟؟؟ أو أكسجين؟؟؟أو جهاز صدمات القلب؟؟؟

الأخ أحمد عمر
منطقك غريب دا مستشفي إستثماري وحتي ولو حكومي والعلاج مجان
والطبيب عارف مافي اوكسجين او جهاز صدمات القلب او اي نقص في اي
شيء بيري الطبيب هو مهم بالنسبة له يعتذر ويملك اهل المريض الحقيقة
وبعدها اهل المريض احرار يشوفو مستشفي تاني او يذهبو بمريضهم للخارج
لكن الطبيب يكون عارف ويستلم الحالة والمريض يتوفي بأهمال بس عشان
المستشفي يستلم ثمن العملية دا الما مقبول وماتجيء تقول خطاء إداري .




* والله ياحامد قريت تعليق أحمد عمر قبيل وانا في الدوام أفتكرتو
أحمد محمد عمر ( سادومبا ) دخلتا هسع كنت عاوز اقول ليك بيع لي
المشكلة دي لكن الله ما كاتب لينا شكلة كلو كلو

رحمها الله رحمة واسعة اخي حامد .. وجعل البركة في ذريتها وفيكم وجبر الله كسركم وعظم اجركم ..

رحل كثير من اهلنا نساء ورجال نتيجة هذا الاهمال الجسيم من المستشفيات ..

ولكن لانهم مؤمنون ان الاقدار بيد الله والموت حق وساعته لا يرده راد كانوا يحملون موتاهم في غيظ وايمان الى المقابر بلا ضجيج مع ادارات المستشفيات ..



اسوأ شيء من ملاحظاتي ان الرعاية الطبية الطارئة شبه معدومة بمعظم المستشفيات بالسودان ..

لا ادري هل هذا بسبب ضعف الكوادر الطبيبة المتخصصة في الطواري والتعامل مع الحالات الطارئة الحرجة؟

ام بسبب ضعف الامكانيات من ناحية الاجهزة ؟

لا يعقل ان لا يوجد جهاز اكسجين جاهز على مدار اليوم والساعة بكافة المستشفيات؟

هل تعلم ان المنطقة من ابوحمد وحتى شندي مثلا لا يوجد اي جهاز MRI الا ان يذهبوا للخرطوم؟

وفي الخرطوم في تلتلة .. كثيرا ما يكون متعطل ..

في اعتقادي ان الكثير من الارواح بعد قضاء الله تذهب سريعا نسبة للاهمال الطبي .. ومعظمها كانت تحتاج لتدخل سريع..

وأن اقسام الطواريء بالمستشفيات هي اكثر الاقسام التي يسكن فيها الموت ..

يجب ثم يجب محاسبة المقصرين .. ضروري تتخذوا الاجراءات الكفيلة بالمحافظة على ارواح ستضيع لو استمر هذا الاهمال..

رحم الله امواتنا جميعا

Quote: عادل ابراهيم احمد رحمها الله رحمة واسعة اخي حامد .. وجعل البركة في ذريتها وفيكم وجبر الله كسركم وعظم اجركم .. رحل كثير من اهلنا نساء ورجال نتيجة هذا الاهمال الجسيم من المستشفيات .. ولكن لانهم مؤمنون ان الاقدار بيد الله والموت حق وساعته لا يرده راد كانوا يحملون موتاهم في غيظ وايمان الى المقابر بلا ضجيج مع ادارات المستشفيات .. اسوأ شيء من ملاحظاتي ان الرعاية الطبية الطارئة شبه معدومة بمعظم المستشفيات بالسودان .. لا ادري هل هذا بسبب ضعف الكوادر الطبيبة المتخصصة في الطواري والتعامل مع الحالات الطارئة الحرجة؟ ام بسبب ضعف الامكانيات من ناحية الاجهزة ؟ لا يعقل ان لا يوجد جهاز اكسجين جاهز على مدار اليوم والساعة بكافة المستشفيات؟ هل تعلم ان المنطقة من ابوحمد وحتى شندي مثلا لا يوجد اي جهاز MRI الا ان يذهبوا للخرطوم؟ وفي الخرطوم في تلتلة .. كثيرا ما يكون متعطل .. في اعتقادي ان الكثير من الارواح بعد قضاء الله تذهب سريعا نسبة للاهمال الطبي .. ومعظمها كانت تحتاج لتدخل سريع.. وأن اقسام الطواريء بالمستشفيات هي اكثر الاقسام التي يسكن فيها الموت .. يجب ثم يجب محاسبة المقصرين .. ضروري تتخذوا الاجراءات الكفيلة بالمحافظة على ارواح ستضيع لو استمر هذا الاهمال.. رحم الله امواتنا جميعا

الله يسلمك اخوي عادل لن ازيد حرف على كلامك فقط تنبيه بسيط عارفين الوضع سيئ جدا ووضع الاقتصاد وسعر الصرف لو عايز تستثمر في المجال الطبي ارفع الفاتورة واخد حقك كامل متلت وجود الشغل لانو المشفى ده رسومو بسيطة جدا كلفة العمليات فوقو قليلة جدا وعشان كده ما اكسجين وجهاز انعاش قلب متعطل والنضافة وطاقم التمريض والاسررة وغيرو كلو تعبان

Quote: الأخ أحمد عمر منطقك غريب دا مستشفي إستثماري وحتي ولو حكومي والعلاج مجان والطبيب عارف مافي اوكسجين او جهاز صدمات القلب او اي نقص في اي شيء بيري الطبيب هو مهم بالنسبة له يعتذر ويملك اهل المريض الحقيقة وبعدها اهل المريض احرار يشوفو مستشفي تاني او يذهبو بمريضهم للخارج لكن الطبيب يكون عارف ويستلم الحالة والمريض يتوفي بأهمال بس عشان المستشفي يستلم ثمن العملية دا الما مقبول وماتجيء تقول خطاء إداري .

ودالباهي كتر الله خيرك
زولنا ده تلقاو النوع البفك ليك كلمتين تلاتة بالانجليزي ومفتكر المرضى حقل تجارب تكبر في الفاضي شرحتا ليو انا لو دكتور في مستشفى خاص مابعمل عملية لو مااتاكدتا من كل تعليمات كتاب الطب الا حالة طارئة حادث لانو دي ارواح جا كتب ليو كلمتين زو وشو والانكأ شكك في شهودي اسرتي ناس ابسط من البساطة شالو ميتم وروحو المقبرة لو كانوا بتاعين زيادات وشمارات واعلام ودعايات اقل شئ كانوا فكروا في الشكوى والاغرب اعترف بانو الحالة العلاجية في السودان زفت والدكاترة بخشو السجون عشان المطالبات منطق غريب والمهم انو شرد ومتى ماجا انا عندي معاو كلام ومنتظر اعتذار واضح منو او لو لاقيتو في ايو مكان حادرشو ليك لامن يطرش كلو الا المشاترة واتهام الناس بالتزوير والكضب قال بس كونو المعلومة دي جات من اهلي هناك اتنسفت فكرة البوست عشان السودانييين بتاعين شمارات وكضابين طيب اتا ياابو حزام ناسف معاك بورد امريكي ولا جواز امم متحدة ماياكا سوداني شمشار وكضاب زيييهم

Quote: أولا: لا يملك حق الحديث في أي قضية تخصصية (مثل الأخطاء الطبية) إلا أهل المجال المعني

احمد عمر تعال امسح الطراش ده وااخد ليك مغذي
وورينا لامن يحصل موقف زي ده البمنعنا ك شخوص ساي نتوجه للقضاء او الاعلام شنو
وداير احكي ليك موقف حصل مع امي الله يرحما من دكتورين واحد عندو اخلاق ومراعي لي قسم ابقراط والتاني حرامي كلاك وكضاب ومستهبل ومستهتر
لحقنا الحجة رحمة الله عليها بعد جابو ناس الدم في اخر لحظة بس خليك قريب ماتشرد

صباح الخير
عشان ماتخلطو موية وزيت زي احمد عمر
لازم نفرق بين طبيب في مشفى خاص ومشفى عمومي او حكومي والحالات الطارئة وبين منطقة جغرافية معينة في الريف البعيد وبين العاصمة
المعنى الطبيب مابتحمل المسؤولية لو عمل عملية مستعجلة زايدة مثلا في مستشفى وحيد بالمنطقة وكانت مامهيأة للجراحات الكبيرة ولكن الهدف انقاذ مريض ممكن يموت اذا نقلوه لدنقلا مثلا او الخرتوم
نفس الطبيب ونفس الحالة وكانت في الخرطوم يكتب تقرير ويطلب من اهل المريض نقلو لي مستشفى خاص او حكومي اكثر جاهزية لانو هنا مافي ليو عذر من تحمل المسؤولية
يااحمد عمر مشفى خاص مامهيأ باجهزة وطاقم تمريض ينفذ تعليمات الطبيب مابشتغل فوقو عمليات تؤوديي بحياة المرضى النواحي الادارية المستثمر يعمل كل المطلوب ويختها في فاتورة العلاج حتى لو عمل علاجو بالعملة الصعبة مابلحقو لوم معروف الان دفع العلاج مقدما حتى لو كان احتمالية نجاح العملية خمسة في المية

بسم الله الرحمن الرحيم


* أقسم بالله العظيم
* أن أراقب الله في مهنتي.
* أن أكون على الدوام من أسباب رحمة الله، باذلاً رعايتي الطبية للقريب والبعيد، والصديق والعدو، والمحسن والمسيء والغني والفقير 0000 سواسية عندي جميع الناس من كل جنس وملة ودين وفكر.
* أن أصون حياة الإنسان في كافة أطوارها، منذ أن تجمع نطفاً، باذلاً وسعي في استنقاذها من الهلاك والمرض والألم والقلق، في كل الظروف والأحوال.
* أن أسعى لإتقان عملي ونماء علمي، أسخره لنفع الإنسان لا لأذاه.
* أن أحفظ للمرضى كرامتهم وأستر عورتهم، وأكتم سرهم.
* أن لا أشهد زوراً.
* أن أعمل للارتقاء بمهنتي وتقدمها، وأن أوقر من علمني وأعلم من يصغرني، وأكون أخاً لكل طبيب يجمعني به هذا القسم.
* أن يكون سلوكي مصداق إيماني، مثلاً للقيم الخالصة النقية مبرأً مما يشينني أمام الله ورسوله والمؤمنين.
والله على ما أقول وكيل

احمد عمر

عليك الله تعال من شان تسمع القصة دي بين دكتور حامد النعيم الله يرحمو حي ميت والبوشي الله لاتاجرو

الاخ حامد بدري تحياتي
العلاج عملية متكاملة والاستهانة بأي جزء قد يؤدي لنتائج سئية
ال preoperative preperation and post operative recovery care بأهمية العملية
ما استرعي انتباهي ان المريضة الي الساعة 2 ليلآ يحيط بها الاهل. الحزم واجب بعد
الساعة 8 لا زوارفقط مرافق واحد ويكون ملم باحوال المريضة ، عدم قدرة المريضة علي
النوم قد يكون قلق أو مؤشر لشئ اخر لذا وجود سيستر competent وطبيب بصورة
دائمه امر مهم ، لا أظن المريضة مهما كانت درجة عدم التأقلم علي
المكان لا تعرف موضع الالم وقد تكونالاشارة للبطن واقول قد مؤشر علي امر ما
وجود المرافق اللصيق يساعد السيستر والطبيب الذي يحضر المريض علي معرفة اي تغير
في الحالة الطبية
افراغ البلاد من الكوادر الطبية الوسيطه والمتمرسة أدي لخلل في العملية العلاجية

اخي حامد وجاء الا تأخذ ما قاله الطبيب احمد عمر كهجوم بل هو يشكو مثلك
من تردي الخدمات

Quote: لاخ حامد بدري تحياتي العلاج عملية متكاملة والاستهانة بأي جزء قد يؤدي لنتائج سئية ال preoperative preperation and post operative recovery care بأهمية العملية ما استرعي انتباهي ان المريضة الي الساعة 2 ليلآ يحيط بها الاهل. الحزم واجب بعد الساعة 8 لا زوارفقط مرافق واحد ويكون ملم باحوال المريضة ، عدم قدرة المريضة علي النوم قد يكون قلق أو مؤشر لشئ اخر لذا وجود سيستر competent وطبيب بصورة دائمه امر مهم ، لا أظن المريضة مهما كانت درجة عدم التأقلم علي المكان لا تعرف موضع الالم وقد تكونالاشارة للبطن واقول قد مؤشر علي امر ما وجود المرافق اللصيق يساعد السيستر والطبيب الذي يحضر المريض علي معرفة اي تغير في الحالة الطبية افراغ البلاد من الكوادر الطبية الوسيطه والمتمرسة أدي لخلل في العملية العلاجية اخي حامد وجاء الا تأخذ ما قاله الطبيب احمد عمر كهجوم بل هو يشكو مثلك من تردي الخدمات

صباح الخيرات اختي اخلاص
من ناحية الخوف والقلق هي كانت خايفة جدا لانو اول مرة والاشارة للبطن موش لانو في شئ بس ماكانت عارفة بيصلو لعظمة الفخد من وين
بالنسبة لاحمد عمر هو شكك في الشهود وطوالي وصل لنتيجة بناءا على تشكيكو انو الكلام ده كلو ماحاصل لم اشير الى الان لايو خطأ طبي فقط موضوع الاكسجين والانعاش القلبي
حاجة تانية كلامو بتاع زول ماكادر طبي يصمت ولايتكلم ولايكتب عن مشكلة تخص الاطباء وناسي انو الكوارث والاخطاء والاهمال الحصل خلانا كلنا كسودانييين في حالة بتاعت عدم تصديق لايو قرار طبي لو قرروا ليك عملية تجري تلتين دكتور ومشفى عشان تتاكد واخرتا بقينا نسافر برة للقدم السكري والقضاريف والعلاج الكيميائي والكلى والقلب والصمامات وغيرو من كتر الونسة ساي بقينا دكاترة الطيارات دي تشيل وتودي في المرضى مع العلم نفس الاجهزة والكوادر ال في خارج السودان ممكن تتوفر وبي كلفة اقل لانو السفر فوقو تكاليف شقق واقامة لمرافقين ومصاريف جانبية كتيرة
احمد عمر مابخليو نهائي علا يعتذر واتي خليك قريبة عشان تسمعي معاو قصة واقعية اطرافها امي الله يرحما وزوجتي واخوي ودكتور البوشي الله لاتاجرو المستهبل وحامد النعيم الرجل الطب ظات نفسو

حبيبنا حامد ... البركة فيكم واحسن الله عزاؤكم ...
شي مؤسف ان يفقد الانسان شخص عزيز لديه بسبب اهمال طبي او عدم مبالاة من ادارة المستشفى بالعناية اللازمة بمرضاها
لا سيما وان كانت هذه المستشفى ربحية استثمارية ... وليست بالمجان ... ( يعني بقروشك ما تقدر تتعالج كويس )
بالامس .. اتصلت هاتفيا على ابنتي المقيمة في الخرطوم التي كانت محمومة ..
وبالصدفة وجدتها في مستشفى الشيخ والذي يجاور المنزل وكانت الساعة تقريبا 10:30 ليلا ... وكان قدامها 28 مريض ..
واستغربت جدا لهذا الكم الهائل من المراجعين في وقت متاخر من الليل ...
وعرفت انو السبب هو التعرفة المتواضعة مقارنة بباقي المستشفيات ...
نسال الله ان يرحم ست البنات وان يصبر اهلها على هذا الفقد ..
ولا نقول الا ما يرضي الله .. انا لله وانا اليه راجعون ..

Quote: حبيبنا حامد ... البركة فيكم واحسن الله عزاؤكم ... شي مؤسف ان يفقد الانسان شخص عزيز لديه بسبب اهمال طبي او عدم مبالاة من ادارة المستشفى بالعناية اللازمة بمرضاها لا سيما وان كانت هذه المستشفى ربحية استثمارية ... وليست بالمجان ... ( يعني بقروشك ما تقدر تتعالج كويس ) بالامس .. اتصلت هاتفيا على ابنتي المقيمة في الخرطوم التي كانت محمومة .. وبالصدفة وجدتها في مستشفى الشيخ والذي يجاور المنزل وكانت الساعة تقريبا 10:30 ليلا ... وكان قدامها 28 مريض .. واستغربت جدا لهذا الكم الهائل من المراجعين في وقت متاخر من الليل ... وعرفت انو السبب هو التعرفة المتواضعة مقارنة بباقي المستشفيات ... نسال الله ان يرحم ست البنات وان يصبر اهلها على هذا الفقد .. ولا نقول الا ما يرضي الله .. انا لله وانا اليه راجعون ..

اللزيزو مجيدو كل عام وانت بخير وعيد ميلاد سعيد
فعلا المشفى رسومو قليلة جدا ولكن يجب ان لايكون ذلك على حساب الاساسيات لانو بالطريقة دي حتى ننتايجو المخبرية والتحليلية ماحتكون سليمة واديك مثال
تتذكر قبل شهرين عملت لي بتي لجين عملية زايدة تحليل الكريات البيضاء اظنو كان مرتفع بنسبة قليلة عن المعدل الطبيعي والسونار كان النسبة خمسة من الطبيعي تلاتة لي حجم الزايدة لامن جبتها المشفى اتضح انو نسبة الكريات البيضاء ضعف ماهو مدون بالنتيجة وطوالي الاستشاري دخلا العملية تصدق العصر جريت المستوصف وبلت اختصاصي الاطفال انو جهازك بتاع التحليل ده قرايتو ماصاح وكان ممكن يودر البنية شكرني ورفع السماعه اتصل بالمختبر وطلبوا الفني للصيانة ارواح الناس مالعبة
مجيييدو صغر الصور فتلتا الطربيزة وجيب معاك سمك وجرجير وليمون

Quote: كدى زول قريب من المستشفي يصور لينا مدخل المستشفي بس خليكم من العنابر والغرف وغرف العمليات واستدعدوا ناس وزارة الصحة والمواصفات هل يصلح ان يطلق علية مستشفي لاستقبال حالات مرضية وطارئة

مرحب يا نجمة ...
دي الصور القدرت اتحصل عليها ..

http://؟s=

http://؟s=

http://؟s=


http://

قلت لي فتلت البتااع ؟؟؟ ههههه

عااالم بطاالــــــــــــــــة ,,

مجييييييييييييدو الصورة الاخيرة دي عدلا ضارتنا من الترجمة

حامد ...
واحد شاف التسعيرة دي قال زي تسعيرة الحنااانة ....

عااالم بطااالــــــــــــة ,,

Quote: واحد شاف التسعيرة دي قال زي تسعيرة الحنااانة ....

حنة عتيقة اغلا منهم

قبل حداشر سنة من الان الوالدة الله يرحما عانت من الام في الرحم وخروج سوائل اخوي الكبير مشا بيها لي عيادة الدكتور البوشي في لفة القبة اختصاصي النساء طلب تحاليل وملف وامر بترقيدها لاجراء عملية لازالة الرحم جاني اتصال من السودان لارسال مبلغ العملية اخوي من النوع الراسو حجر وكلامو واحد لو قتا ليو ايو كلمة قبل ارسال القروش حيلفها معاي طوالي طلبتا منو يمش لي فلان عشان يستلم مصاريف العملية والعلاج وفي نفس الوكت اتصلتا بزوجتي كانت في اجازة تسوق اخوها وجري للمشفى عشان يعرفو الحاصل ووريتا انو مايجيبو سيرة لي سيف اخوي المدام بمجرد وصولها للمشفى طلبوا التحاليل والملف ويعرفو الحاصل وعايزين نمشي الخرتوم للتاكيد الحصل انو رفضوا ليهم نهائي ولا ورقة مابتطلع من المشفى وحتى صورة قتا ليها طلعي الحجة واحجزوا عند حامد النعيم عليه الرحمة علم من اعلام الطب وعيادته مفتوحة للجميع حتى بدون حق الكشف تاني يوم بالليل قابلوا الدكتور وبعد الكشف والتحاليل كتب ليهم علاج مرهم وحبوب ومضاد حيوي لانو كان في التهاب اكرمكم الله في البول المهم العلاج ده لمدة اسبوع واحد تاني بعدو نهائي مااحتاجت شئ الى ان توفاه الله بهبوط في السكر قبل خمسة اشهر حتى دكتور حامد كان مستغرب جدا لقصة ازالة الرحم لامن انتشرت القصة دي عرفنا انو الزول ده دكتور البوشي قصدي عمل كمية بتاعت عمليات لازالة الرحم لكبار سن في المششفى بتاعو
هل القصة دي فيها امكانيات ولا اخلاقيات مهنة وهل كل الدكاترة ملائكة رحمة او درايكولا وقتلة في كل مجال في الصالح والطالح والمؤمن بي رزقو والطماع والعفيف والحرامي
ولو احمد عمر قال علينا بتاعين زيادات وشمارات كسودانييين ودعايات اقسم بالله بالعكس اكتر ناس مؤمنين بالقضاء شره وخيره وبنباركا ونتوكل لامجلس لامحكمة ولاحتى اجهزة اعلام ودي حتى زايدة عن حدها وجايبة نتايج عكسية المفترض تثتبت حقك وتلجأ للقضاء او الاعلام عشان تاني ايو مستهبل اسمعني يادكتور بوشي يعمل الف حساب قبل التفكير في النصب على الغلابة خوفك من الانكشاف خلاك حتى الملف بتاع المريض تلمو في ارشيفك لكن بتمش وين من حق ربنا وياترى كم مسكينة عانت من الالام والنزيف بي سببك البوشي في دكتورين عشان ماتخلطو موية وزيت زي احمد عمر القاصدو انا بتاع النساء في الكلاكلة
وقع ليك يااابو حزام ناسف يالله تعال انسف دي بس اقوليك خليها بي عملية دهس لانو جبنا اجهزة كاشفة للمتفجرات
احمد عمر الاعتذار ماعيب ياضكتور
المرهم الكتبو دكتور النعيم مالقيناو في السودان رسلوا اخوي الاصغر من الرياض اصلا نحنا عيلة اصدقاء مرضى ومثقفين طبيا بس بالخبرة

يالله نلخص ونقول ايو مهنة عندها اخلاقيات مهما كانت ولكن اضفاء القداسة من النقد وعرقلة الاجراءات القضائية وفرض رسوم باهظة هي البتخلي الناس ماتطالب بي حقها وطالما ماشين في الخط ده حنعيش التخلف طول عمرنا

الاعلام والصحافة الحرة كسلطة مؤثرة حتشوف دورها من وين اذا كان التعتيم والتكميم مصير ايو قضية او موضوع
هنا اتذكرتا قضية كبيرة جدا كانوا عايزين يحولوا فيها الشاهد والضحية الى متهم رغم انها كانت قامة اعلامية كبيرة وتعمل في صحيفة ليها وزنها
المحاليل الوريدية وشركة كور الهندية طبعا اكتشفوها الناس بالعين المجردة ساي العكرة والشوائب جوة الدربات لكن طبعا اذا كان صاحب العطاء او الشركة عندها حظوة وسلطة حيتم بيعها غصبا عن الناس بس مفروض انا كطبيب وشفتا حاجة زي دي لو شنو داك مابديو درب عكران اليمش يتعالج بي سفوفة او محريب

جهاز نيوبلايزر ابو 30 جنيه المكتوب اول واحد داك الظاهر قاصدين نيبيولايزر nebulizer
غايتو بنشر بس.
متذكر يا حامد بتاعين البناشر زمان لما يكون عندهم البتاعة البتلف عشان تفك الكفر من عجل الحديد
بقوموا يكتبوا ليك "باستخدام الالة الحديثة" وللا حاجة زي كده..اها الجماعة ديل قالوا احسن نستغل
كلمة "نيو" دي رغم انو ما عندها علاقة بالموضوع.
بعدين النيبيولايزر دي اساسا سعرها في السوق ما بكون اكتر من تلاتين جنيه يعني ديل بجيبوا سعرها
من تاني استعمال. الموضوع كله سي سي بتاع محلول ملح و نص سي سي فنتولين واكيد الماسك بستعملوه
اكتر من مرة.

Quote: جهاز نيوبلايزر ابو 30 جنيه المكتوب اول واحد داك الظاهر قاصدين نيبيولايزر nebulizer غايتو بنشر بس. متذكر يا حامد بتاعين البناشر زمان لما يكون عندهم البتاعة البتلف عشان تفك الكفر من عجل الحديد بقوموا يكتبوا ليك "باستخدام الالة الحديثة" وللا حاجة زي كده..اها الجماعة ديل قالوا احسن نستغل كلمة "نيو" دي رغم انو ما عندها علاقة بالموضوع. بعدين النيبيولايزر دي اساسا سعرها في السوق ما بكون اكتر من تلاتين جنيه يعني ديل بجيبوا سعرها من تاني استعمال. الموضوع كله سي سي بتاع محلول ملح و نص سي سي فنتولين واكيد الماسك بستعملوه اكتر من مرة.

مرحبا ابو السيوف
تعرف عيال السعودية نصهم معانين من ضيق التنفس والحساسية وفي الاجازة لامن ارسل الشفع بشحن معاهم الجهاز ده ايطالي قيمتو لاتتعدى المئتان وخمسون ريال ومعاو فانتولين ومحلول واتروفنت والبالموكورت كمان عشان بعمل حماية مرة الود تعب ومشو بيو دكتور نواحي الكلاكلة بعد وزنو الشافع عشان يحدد الجرعة قاليهم لو عندكم حلة اعملو ليو بخار في البيت هههههههههههههه حلة يابلة
المهم الجهاز ده في كل اجازة بنتبرع بيو يامستشفى التركي او ايو مركز صحي الوضع هناك مأساوي قتا للمدام قولي للضكتور حلة ماسورت بيتكم حلة دي يشموها كيف تقولي ماسك بستعملوه اكثر من مرة
لقيتك طمووووح ياخ كااااااااااااااك

صباجكو زين وعافية وصحة
ياناس السعودية والدول الخليجية والاوربية رجاء اذا جيتو الاجازات بالذات ناس السفر بالبر شيلو معاكم ابر لي ناس السكري وجهاز البخار بتاع الحساسية وايو دواء لانو الوضع بي هناك تعبان جدا والفاض عن حاجتكم سلموهو لي ناس شارع الحوادث النا دي شغالة بي مهودات متواضعة جدا ولكنها سادة فرقة حتى الحكومة عجزت عنها
وبرضو الناس الحصل ليها كسر لو في عكازة طبية او كرسي حمام او عجلة متحركة او ايو شئ ماتستهين بالقصة شيلا معاك برضو
ربنا يعافيكم ويشفي مرضاكم

يا حامد ود أبوي
التعزية اولا علي هذا المصأب العظيم ونسأله بجلالته ان يحشر الفقيدة بالعليين
العادة في سودان هؤلاء المجرمون صارت بان تسمع كل صباح جريمة اغتيال للمرضي بالاخطأ الطبية في المصحات الخاصة التي انتشرت طفيليا
بحواري العاصمة المتسخة . القوانين التي يطالبك بها بعض المتداخلين للسير فيها لرفع قضايا ضد المستشفي متخلفة وستكون اغتيالا مجددا للفقيدة
لذلك وقت وأوان سيتاتي للجريمة فاعلين معنويين غير ظاهرين يا حامد ، احداها تلكم الكليات الخاصة التي تخرج بهتانا الطلاب كل عام دون تأهيل حقيقي لللولوج لسوق العمل
ايضا الطفيليين الذين ينظرون لهذه المهنة الانسانية من قالب ربحي وكنز الأموال واخرا السلطة التي أعطت تصريحا للطفيلين للنهب واغتيال المرضي دون حسيب او رقيب

Quote: يا حامد ود أبوي التعزية اولا علي هذا المصأب العظيم ونسأله بجلالته ان يحشر الفقيدة بالعليين العادة في سودان هؤلاء المجرمون صارت بان تسمع كل صباح جريمة اغتيال للمرضي بالاخطأ الطبية في المصحات الخاصة التي انتشرت طفيليا بحواري العاصمة المتسخة . القوانين التي يطالبك بها بعض المتداخلين للسير فيها لرفع قضايا ضد المستشفي متخلفة وستكون اغتيالا مجددا للفقيدة لذلك وقت وأوان سيتاتي للجريمة فاعلين معنويين غير ظاهرين يا حامد ، احداها تلكم الكليات الخاصة التي تخرج بهتانا الطلاب كل عام دون تأهيل حقيقي لللولوج لسوق العمل ايضا الطفيليين الذين ينظرون لهذه المهنة الانسانية من قالب ربحي وكنز الأموال واخرا السلطة التي أعطت تصريحا للطفيلين للنهب واغتيال المرضي دون حسيب او رقيب

صديقنا ودالشعبية كيفنك ياعزيز واسرتك والحمد لله رب السماوات امر المسلم كلو خير دنيا واخرة ربنا يسكنا الجنة
الاهمال وصل مرحلة حتى بعد تحرير الاسعار ومضاعفة الخدمات بدون دعم او سند من الدولة وفي نفس التوقيت ماف اولوية للتعليم الجامعي وفوق الجامعي واصبحت الجامعات تخرج ومن طرف وللاسباب دي حتى بي قروشك ماف خدمة والان الغالبية العظمى من المواطنين قاعدة تسافر للعلاج وفقدت الثقة نهائيا في العلاج بالداخل

سلام مرة تانية الاخ حامد بدري
ودعواتنا للفقيدة بالرحمة والمغفرة

كسودانيين مشكلتنا الكبيرة كأفراد بمجرد إنتهاء فترة الصدمة الأولى بننسى نواصل في الشكوى
والقضية خصوصا" إنو إجراءاتها طويلة لكن تاكد لو كل واحد إتضرر من مستشفى واصل في القضية
حيجنب الآخرين أضرار كتيرة جدا" كانت حتحصل لو إستمر نفس الإهمال عشان كده اتمنى تعملوا شكوى
وتواصلوا في التقاضي ما عشان حق شخصي لكن خدمة لتفادي الأضرار الحتحصل مستقبلا" لو إستمر
نفس المستشفى بنفس الأخطاء .
لو كل واحد عمل شكوى تأكد في ظرف ستة شهور حيكون في أكتر من 100 قضية مفتوحة ضد المستشفى ده
واكيد ما حيقدروا يميعوها كلها وممكن تؤدي لي قفل المستشفى أو اقل شئ غرامات وبالتالي حيرفعوا من درجة
إهتمامهم مجبرين.

الاستثمار في المجال الصحي كارثة كبيرة حلت بينا ومع ضعف الرقابة القادم أسوأ بكتييير لأن ما يمارس في
هذه المستشفيات أو المستوصفات لا علاقة له بالطب من قريب ولا من بعيد هو عبارة عن بزنس وأرباح فقط
الا من رحم ربي

Quote: لو كل واحد عمل شكوى تأكد في ظرف ستة شهور حيكون في أكتر من 100 قضية مفتوحة ضد المستشفى ده واكيد ما حيقدروا يميعوها كلها وممكن تؤدي لي قفل المستشفى أو اقل شئ غرامات وبالتالي حيرفعوا من درجة إهتمامهم مجبرين.

مرحبا عثمان ودالامام
مؤكد يااخوي والبوست ده عملتوا عشان كده لو في ناس عندهم ملاحظة على المشفى ده تحديدا والقضية منتظر موافقة وليداتا وهنالك نفر اتبرع بي رفع الدعوة ومتابعة القضية
الحق بدور المتابعة والمجابدة
مشكور يااخوي وباذن الله تتيسر الامور

يا حامد ود أبوي
التعزية اولا علي هذا المصأب العظيم ونسأله بجلالته ان يحشر الفقيدة بالعليين
العادة في سودان هؤلاء المجرمون صارت بان تسمع كل صباح جريمة اغتيال للمرضي بالاخطأ الطبية في المصحات الخاصة التي انتشرت طفيليا
بحواري العاصمة المتسخة . القوانين التي يطالبك بها بعض المتداخلين للسير فيها لرفع قضايا ضد المستشفي متخلفة وستكون اغتيالا مجددا للفقيدة
لذلك وقت وأوان سيتاتي للجريمة فاعلين معنويين غير ظاهرين يا حامد ، احداها تلكم الكليات الخاصة التي تخرج بهتانا الطلاب كل عام دون تأهيل حقيقي لللولوج لسوق العمل
ايضا الطفيليين الذين ينظرون لهذه المهنة الانسانية من قالب ربحي وكنز الأموال واخرا السلطة التي أعطت تصريحا للطفيلين للنهب واغتيال المرضي دون حسيب او رقيب

في بوست الاخ الهادي الشغيل تلخيص للحالة العلاجية بالمستشفيات الحكومية وفي فيديو ياريت لو واحد جابو لينا هنا عن معاناة اهل الفشل والكلوي بمستشفى احمد قاسم
حاجة مؤسفة جدا والقصة ابدا ماقصة امكانات بل اناس ماتت ضمائرهم حتى لو خيمة يمكن تهيئتها وتجهيزها لاستقبال المرضى الحاصل انو المكاتب الادارية مكيفة ومبردة ورفة الطبيب وصالة اتقبال المرضى من الزنكي المكشوف وكل زول همو جيبو ونفسو

في مشافي البيشن لازم يتحلب
و يمر علي اقسام المستشفي التشخيصية كلها و يكتبو ليك علي تحاليل و ايكو و صور و رنين و ماشابه
عشان تخش و تطلع تلقي روحك دفعتا 10 مليون في موضوع ما يستاهل
و في الاخير يقولو ليك محظوظ والله
ما طلعت عندك حاجه مقلقه و احمد الله سيدك ساااااي يبتسمو ليك الابتسامة الباهتة ديك و يدوك كونتينر ورق و كيس ادويه و يقول ليك سلامات سلامات لو شعرتا ب شي تاني تعال قابل الاخصائي
و لو دقستا ترجع تاني يطبقو فيك نظرية جديدة
ياخ السودان دا اي زول بقي يتعامل و ينظر للقدامو علي اساس انو القدامو دا فريسة و يعصرو لامن يجيب الزيت

المستشفيات الكبيرة والغالية بحلبوك بالطريقة الصاح ووراها ناس لايمكن شكواهم محميين بي السلطة

احمد قاسم ببحري
استمعوا للفيديو