Post: #1
Title: زهجنا من الشفافين والنقالين من المواقع الاخري
Author: طارق عبد المجيد عمر
Date: 08-15-2017, 09:52 AM
08:52 AM August, 15 2017 سودانيز اون لاين
طارق عبد المجيد عمر-جده
مكتبتى
رابط مختصر
حاجه تزهج النقل واللصق من المواقع الاخري
كثير من الكتاب هنا لديهم هواية اللصق والنقل من المواقع الاخري
فقط لفتح بوست ..
لذلك تجد المشاركات تكاد تكون معدومه
|
Post: #2
Title: Re: زهجنا من الشفافين والنقالين من المواقع ا�
Author: علي عبدالوهاب عثمان
Date: 08-15-2017, 10:02 AM
Parent: #1
الحبيب طارق .. مودتي ياجميل ..
التحية ليك من الاعماق ..
هههه .. لا يا طارق يعني ما شفت البوست حقي عن ( الحمار) حتى وصل اليانان كمان
واحد من الشباب في جمعيتنا قال لي عندك موضوع عن الحمار حايم في القروبات
كويس الناقل حفظ الحقوق ..
طبعاً جوالي من النوع أبوكشاف ( في المتحف ما في ) ما بعرف الحاجات
حبيببنا طارق النقل اصبح ممارسة ثابتة ( الله يعوضنا في النقل الميكانيكي الذي ضاع مع المفسدين )
مودتي طارق
دائما لك ملاحظات جرئية ومباشرة ..
مع التحية ،،
|
Post: #3
Title: Re: زهجنا من الشفافين والنقالين من المواقع ا�
Author: طارق عبد المجيد عمر
Date: 08-15-2017, 10:24 AM
Parent: #2
شكرا اخي علي عبد الوهاب
اخوي علي......
انا اقصد الناس البتفتح بوست كل يوم بل احيانا اكثر من بوست في اليوم بدون
ان يذكر رايه الشخصي في الموضوع مجرد لصق ,
اعتقد هذا المنبر ممكن يكون اكثر فعاليه لو تم فيه نشر
المواضيع مع تعليق و راي الشخص الذي يقوم بفتح البوست خصوصا اذا كان الموضوع منقول .
ليس لدي اعتراض علي النقل ولكن ..
عشان كده يقولوا ليك الراجل ده مفكر الراجل ده عندو افق واسع الراجل ده عندو قدرات علي الكتابه
الراجل بكتب وبفكر خارج الصندوق وهكذا..
كانت لي مداخله في وقت سابق علي بوست الحمار الرائع قبل فترة
تحياتي
|
Post: #4
Title: Re: زهجنا من الشفافين والنقالين من المواقع ا�
Author: almulaomar
Date: 08-15-2017, 10:30 AM
Parent: #1
أخونا طارق
أنت تنشد المدينة الفاضلة
المنبر هنا يا سيدي يضم المنخنقة والموقوذة والمتردية والنطيحة وما خربش السبع (لأنه لو كان أكلها كان أراح منها المنبر وناس المنبر) فلا تزهج لأن زهجك لهذا السبب سوف يكون بلا حدود.
كثير من الطرح هنا غثاء كغثاء السيل ومع ذلك تبقي مثل تلك المواضيع – إن إرتقت لذلك - فيها من المداخلات ما يفوق جمهور مباراة القمة في ستاد الخرطوم وحسبي وحسبك أن كل إناء بما فيه ينضح فلا تزهج فمن شف وجد ومن نقل حصد ومن أمن العقوبة أتي بالفعلين الزميمين معاً فلا تزهج. فالناس هنا في سوادها الأعظم في تسلية لا تحل ولا تربط بعضهم ركب مكنة مناضل وأخرين أمتطوا تيار الجماعة منافحين ومدافعين عنهم والبعض ذهب بعيداً حد إدعاء الكمال والجمال.
هذه وجهة نظر شخصية وهي في كلياتها خطأ غير أنه يحتمل الصواب ، فالنقل لا بأس به إذا تمت الإشارة إلي المصدر وأعقب عملية النقل تعليق من الناقل وكان الموضوع المنوقل يستحق واللصق في حد ذاته فن فالذي يأتي بفقرة يقوم بدراجه في موضوع يجب أن تعطي الموضوع قوة ولا يجب أن تكون نشازاً وتكشف سوءة الكاتب وتخليهو أباطو والنجم وهنا سواء أشار إلي المصدر أو لم يفعل ما في فايدة. فلا تزهج لأن زهجك أو حتي تعليق عضويتك لن يغير الواقع هنا.
|
Post: #7
Title: Re: زهجنا من الشفافين والنقالين من المواقع ا�
Author: طارق عبد المجيد عمر
Date: 08-15-2017, 03:45 PM
Parent: #4
شكرا لك اخي ابن عمر
وشكرا علي المداخله القيمة
فعلا ربما العنوان غير موفق ...
|
Post: #6
Title: Re: زهجنا من الشفافين والنقالين من المواقع ا�
Author: Asim Ali
Date: 08-15-2017, 10:58 AM
Parent: #1
السلام عليكم
الحاله عامه فى الفضاء الرقمى وحتى الورقى والكلام هنا عينه للواقع العام..
لما تكتب رايك ...لو ماعندك شله مافى زول يجى يناقشك يقول انت غلطان ولا صح .
برضو حاله التعالى من البعض والاحساس بالتميزوالتعالى الفكرى والثقافى تحسها احيانا من الردود والنقاشات او عدم الرد او المداخله فى مواضيع الاخرين .
والبعض يهتم بزركشه المواضيع واتخامها بالالفاظ والتعابير فى حين ان هذا لم يسهم بشىء بالنظر لحال البلد سواء سياسيا او ثقافيا او جتماعيا.
والبعض من الجماعه اياهم يمارس الهرجله والارهاب اللفظى لصرف المواقع و المواضبع والنقاشات عن دورها الهادف والفاعل.
الناس دايره تتكلم من غير مواجهه حقيقيه وتحمل مسئوليه فعليه. والا كان هناك تغيير حقيقى ووعى فى قواعدالشعب كنتاج لفعل الناس الواعيه فى الوطن
وكان ممكن يكون الوضع متقدم فى التحسن لكن ماشى الحال من سيىء لاسواء.
المهم خلى البنقل ينقل واللى ينظر ينظر ....الحال سىء فى جميع المناحى والناس الممكن تعمل حاجهبعيدين عن مواجهه ومعالجه الامور واحداث تغيير فى المجتمع
والوطن ليصبح احسن. ......انظر لحال بعض الدول الافريقيه التىكانت ترزح فى الفقر والحروب او استقلت بعد السودان تتقدم ونحنا محلك سر نعيش على عنجهيه وغيبوبه الحياه فى التاريخ
والماضى والبحث عن اسباب الانقسام هل نحن افارقه او عرب امعانا فى ترف النقاش وقشور الامور بعيدا عن الواقع
الناس عندها الكتابه والتدوين زى القعده على القهاوى لتكسير الزمن
|
|