فظاظة وغلظة قلب يا سلفية

11:33 AM August, 14 2017

سودانيز اون لاين
طلحة عبدالله-
مكتبتى
رابط مختصر

طبعا ما بتكلم عن الديالكتيكي صاحب نظرية الجهاد المادي
بتاع الجكس الأمريكي الأحمر والدورارات خخخخخ ( كان بهظر كان جادي) ..
بتكلم هنا عن السلفية الما أنصار سنة ناس
فقيري وشهاب وآداب الخ الخ الخ
يعني شاهدت ليهم أكتر من فيديو
عندهم فظاظة وغلظة قلب مبالغة
قاعدين يهددوا ويسخروا من الخلق
ويقولوا كلام ما بتناسب مع دعوتكم
نحن الليلة بنقطع ضنبك ونقطع ليك حاجات
تانية ..
الولد دا الليلة بنكجمو ليك ونوريهو ونأكلو أكل
النجيلة ..
عامل تفتك ورأسك الكبير ..
اتا موهوم واللا شنو ؟
عامل فيها شفت يعني ؟
الشفع البهناك ديل ..
العطالة الخلاطات .. (يعني بتاعين جكس)
المجرم، الكافر، الغبي، الخ الخ الخ
دا غيض من فيض مما يتفوه به
الجماعة ديل .
الفكرة انو (حسب وجهة نظري ).. الناس ديل رأسم
مليان ( اختلفنا أو اتفقنا معاهم) وما شاء الله كلامهم
سلس وجذاب ( حنك سنين) وبالتالي ما محتاجين أصلا عشان يكوركوا
الكواريك دي كلها ويشتموا دا ويسخروا من داك
وينابزوا بالألقاب .. لدرجة تجعل الزول ينفض من حولهم ..خخخخ
الحكاية شنو ؟

يا قريبك هم متأثؤسن اساسا بمدرسة الديالكتيكي وفاتوه فيها في الكواريك و الجوطة
كمان ديل فاكرين استخدامهم للغة الشباب و الطلاب بكسبهم اراض, وفعلا هم بكسبوا اراض كصعاليك وشفوت لكن ليس كدعاة
تخيل مزمل مرة شالته الهاشمية في ركن طلاب قال الرسول عليه الصلاة و السلام "كتل ملف" بزوجته!! هو تاب عنها و تراجع لكن شوف لي درجة الواحد ممكن يسقط فقط لكسب الجمهور !!

أنا قلت قبل كدة السلفية كرش فيل وأي واحد على حسب الحتة الجاها من الجاهلية فبختلفوا الجاها من صوفية ما زي الجا من تربيزة أو الجا من قعدة أو باتمان أو الجاها بي دراسة

ابدا يا جرجير
مجمد المصطفي ما بتلحق في الغوغائية والحلقوم الماكن
ونجر المصطلحات والعبارات والنظريات حسب المرحلة
والمزاجية .. كما أنه (برأيي) دشن في خطابه وأقرب للوقاحة
في بلاغه للعامة خصوصا عندما يتعلق الأمر بنصحهم وإرشادهم
فضلا عنه أنه وجه غير مقبول مسرحيا
وأعتقد أنه سبب (بطريقة أو أخري) في تشتيت جماعة
أنصار السنة إلى جماعات وتحزبات، والله يرحم أيام
ناس علي أبو كرم وعبد العزيز مختار وغيرهم من أنصار
السنة المحمدية (الميري) الما كان عندهم كبير غرض في المكاسب
الاجتماعية والسياسية والدنيوية بقدر ما كانوا شرسين جدا
في نصرة ( ما أتاكم الرسول فخذوه وما نهاكم عنه فانتهوا )

بالنسبة لناس شهاب ديل وباستثناء كواريكم وميلهم للغة الشارع
والتخويف الكلامي فأعتقد ما عندهم عوجة غير أنهم متعصبين جدا
لحجتهم وهذا لا يعيبهم بقدر ما يؤخذ عليهم السخرية المذمومة
والإكثار من نعوت التنابز والعمل بمبدأ خذوهم بالسوط في أحايين كثيرة.
لاحظت مقتهم الشديد للترابي وجماعته كما لاحظت ميلهم لحكومة
المؤتمر الوطني من خلال لهجتهم وإشاراتهم المتعاطفة معهم خصوصا
عندما تأتي سيرة المظاهرات والمسيرات فهم يرون أن الخروج على
الحاكم ضد الشرع كونه يجلب المفاسد ويزيد من ورطات البلد .

يا طلحة كيفك يا حبيب

أهو شايف جايين ننظر ليك في السلفية (زي تنظيركم في مينمار ههههه)

المهم يا حبيب
القصة وراها (قنزب تقيل) بتاع السعودية
وأعلاهم صوتاً أكثرهم (قبضاً للكنجالات)

محمد مصطفى #################### بالدرب العديل، مرة احتكيت بيه
في ركن في الأهلية (سفيان بشير كان حاضره)
بعد اللغة بتاعته والكلام الفارف. قلت ليه يا خ خلينا من صوفية
وعبادة قبور وغيره.
أنا القدامك دا كتفر بالله وبرسوله، لكن ما عندي ما نع من أن ستمع
لقولك فربما أهتدي وأنا طالب الهداية فكدى قدام الناس ديل
أقنعني بوجود الله وأدعوني لدين الاسلام، تكسب أجر في الدنيا وفي اللآخرة؟

تخيل شتمني ليك شتيمة الأراذل، وقال إني مستهبل.
أخدت الفرصة وقلت ليه يا محمد مصطفى اسمع اللآية دي (وَإِنْ أَحَدٌ مِّنَ الْمُشْرِكِينَ
اسْتَجَارَكَ فَأَجِرْهُ حَتَّىٰ يَسْمَعَ كَلَامَ اللَّهِ ثُمَّ أَبْلِغْهُ مَأْمَنَهُ ۚ ذَٰلِكَ بِأَنَّهُمْ قَوْمٌ لَّا يَعْلَمُونَ (6)
قلت ليه أها عندك (كلام الله) تسمعنا ليه ولا عندك كلام الشوارع دا بس.
فهاج وماج وأرغى وأزبد.
مشيت للجانب التاني وعملت لي ركن نقاش، اغلب الناس انفضوا من حوله وجو الركن بتاعي
قلت ليهم (وهو سامع) إنه محمد مصطفى بيقبض قروش من السفارة السعودية، ولو أنا كضاب يجي
يحلف هنا.
خلى الركن وجا طاير طلب فرصة أديته. قال للناس (دي قروش دعوة ومن بند في سبيل اللهوإنه قرش ما بيخش جيبه.

قلت ليه قول للناس ديل إنت شغال شنو؟ رفض طبعاً.

القصة كلها قايمة على أموال (هبطرش) في سبيل الدعوة السلفية والآن في سبيل مقاومة المد الشيعي
وقروش مخابرات سعودية.

تحياتى طلحة عبدالله

اكثر عيوب الفكر السلفى انه يرتبط بالعنـف ضـد مخالفيهم فى الرأى
وادعاء امتلاك الحقيقة واحتكار الفهم والتفسير لنصوص الدين
مايؤدى الى الاحتكاك بالاخر والى الاقصاء والوصاية والتكفير .

مانشاهده اليوم ونسمعه من بعض الغلاة والمتشددين من دعاة السلفية
حصاد طبيعى للارهاب الفكرى والتطرف والتكفير المبثوث فى كتب
ومؤلفات السلفية .

اقبح واجلف من مشي علي قدمين في العالم ده كلو هم الوهابية.

كنتيجة نظامم الحاكم في السعودية بي مقايسس عالم اليوم هو الاحطا والاكثر تخلف في الكون ده كلو.

نعم الدولة الوحيدة في العالم اللي سكانا يعتبرو قانونيا بعض مملكات الاسرة الحاكمة وليسو بمواطنين، وكل هذا يعبا ويسوق كدين واسلام!

نعم الدولة الوحيدة في العالم الفيها النساء الي هذا التاريخ بدل الدفن حيا، يتم طبلهم بالسنين داخل بيوت!

نعم بنات واحد من ملوكم الي هذا التاريخ مطبولات في داخل بيت، طبل بالضبة والمفتاح بينما امهم طلبت اللجوء في بريطانيا وهي لبنانية!

عربية الواحدة مابتسوقا لانها امراة!

لاوجود لشئ كهذا في اي بقعة في الكون ده كلو!

اهو زي ده، كمان دايريين يحكمونا بيهو في السودان.

سفالة وقاحة وجلافة الوهابي هي التجسيد الحي لدين هؤلاء الوافد والغريب، اللي كلو ورجغة بلا ادني سلوك.

يا منتصر الدين كلو بقي عالم اليوم كرش
فيل ضخم ..
ومع احترامنا لبعض المتدينين الواحد بقي
يشك ألف مرة قبل ما يتيقن أو يصدق أنو الواحد
من هولاء وأولئك مارق فعلا لله في الله ..
﴿ يَا أَيُّهَا الَّذِينَ آمَنُواْ لاَ تَتَّخِذُواْ الَّذِينَ اتَّخَذُواْ دِينَكُمْ هُزُواً وَلَعِباً مِّنَ
الَّذِينَ أُوتُواْ الْكِتَابَ مِن قَبْلِكُمْ وَالْكُفَّارَ أَوْلِيَاء وَاتَّقُواْ اللّهَ إِن كُنتُم مُّؤْمِنِينَ ﴾
المائدة57

يا الصادق تجار الدين ما ليهم حد ولا عد وديل
أخير منهم الملحدين
المشكلة ما في تجارتم بالدين بس لأنو دي حاجة
بحاسبم عليها ربنا الفوق لكن المشكلة الكبيرة غلوهم
وجنوحهم لتكفير غيرهم تصريحا أو ضمنا والحاجة دي
ستؤدي حتما لفتنة كبيرة ستدخل بلاد الناس المساكين ديل
في حيص بيص وبرنامج عنف لم يعرفوها ولا ألفوها
أذا كان تبليغ الناس لله في الله فاللين وحسن القول هو
ما يحبب للإسلام وليس الغلظة والعوك عاك والكواريك
والسفسطائية ..
جادلهم بالتي هي أحسن ..
مزمل فقيري لما قالوا ليهو فاطنة بتصلي وتصوم قال
للسائل اتا عرفتها كيف ؟ اتا مشيت بيتم ؟
طيب بنفس الفهم البيزنطي دا .. اتا يا مزمل عرفتها كيف ما
بتصلي وما بتصوم ؟ مشيت بيتم ؟؟؟؟؟؟؟
الغلاط من أجل الغلاط والإنتصار للفكرة والفكر حتي ولو
كان والغ في الخطأ والخطل ما بغلب ليهو زول أبدا .
اعتقد أنو على ناس مزمل ديل أن يغيروا ويحسنوا من
وسيلتم وأسلوبم في الدعوة والتبليغ لو عايزين يهدوا
الضالين .

سلام يا علاء سيد
السلفية براءة مما يهببه أمثال مجمد المصطفي ومن نهج نهجه
وتسلق فروعه ومن تبعه ومشي في دربه وسلك مسلكه .
هذا المجمد أنموذج لأدب الهتر والتراشق اللفظي وتفلت
العبارة من لعن وسب وشتم ولغو وتهديد ووعيد ..
سمعته يشتم ناس فقيري ويدعوهم بالعربجية والشماسة
والعصبجية وغيرها من المفردات السوقية الشوارعية
التي لا تليق بمن يدعو للتدين والتمسك بالشرع كتابا
وسنة .
والغريبة أنه في خضم هيجانه وزبده يضع العربجية
موضعا للتنابز بالألقاب وهو الذي يزعم تمسكه بكتاب
الله الذي هو قرآن عربي وسنة نبيه العربي الأمي ..
لا أحب هذا المجمد وأكره حتي سيرته وربنا يهديه ويهدينا

سلام يا بشاشا
أعطن سوطك ساي البوست بوستيك
بس والله يا ريت ناس شهاب ديل يبطلوا الهرجي
والكواريك ومفردات الشارع الخلفي في تبليغهم
للناس ..
أنا شخصيا ما عندي معاهم أية مشكلة لسبب بسيط
وهو أنهم أحرار فيما يقولون ويفعلون طالما كان
ذلك بعيدا عن أذية الغير وضرره
لكن زي أمثال مجمد المصطفي يستحق السلخ بسبب
أسلوبو العدائي والأقرب منو للهمجية ..
الله الغالب

هلا صديقي طلحة
انا غايتو مريح نفسي جدا لا اسمع اي خطاب ديني؛
متهورا كان او معتدلا؛
وعندك في المنبر هنا زول حاد وجاف ومتوتر زي قُصي
مثلا لا اقرا لا أبدا
لا بوست ولا مداخلة؛
ودا ناتج عن تجربة فكتابه فكتابه فظ وغليظ؛
عشان كدة نفطه
ومثله كوّن لا جديد؛
كوّن مناقشة قضايا انصرافية
وحمارتي وحمارتك
والدفتردار يحكم قبضته على مفاصل البلد
وأنفاس وارواح الخلق!!!
تسلم حبيبنا؛

طلح لح يا رجل ليك وحشاات وعودآ حميدآ .
والله وما طالبني حليفة كنت جاية ارحب بيك
في بوست عودتك الشغلني شنو ما عارفة ولي
اسه زعلانة .. ومن هنا بكرر ليك عودآ حميدآ ..

اما بخصوص هولاء الرجرجة والدهماء من السلفية
العواطلية نشوف فيهم يوم وناخذ حقنا منهم .. المتخلفين
الجهلة المجانيين !

ومشكور علي فتح هذه النافذة لمعرفة هولاء المهوسين .

سلامات يا عبد المنعم
كل الأديان شعارها التسامح والتوادد والتي هي أحسن
مشكلتنا الكبيرة في التعصب والاستماتة في الإنتصار للذات
بغض النظر عن تداعيات هذه الإستماتة وما يمكن أن تجره من
مشاكل وفتن لا حصر لها ..
انت متعصب لرأيك وعايز تنتصر ليهو بأي أسلوب دا بحفز عند الآخر
نزعة التحدي للإنتصار لرأيه أيضا على الأقل ما باب حفظ ماء الوجه .
عمرها المغالطات السفسطائية والعنترية ما حلت قضية ولن تحلها وبالتالي
ستظل المشاكل تراوح مكانها ليستمر الجدل والهرجي وتبقي الهرجلة
والكواريك وتتفشى روح العداء والإستعداء بين خلق الله وكل واحد
لا يقبل بفكر التاني ولا يتحمل رأيه .

يا طلحه غلطان البسمع ليهم وينشر ليهم الهبل دا

لو لاقاك عارض زي دا في اليوتيوب او الفيس طوالي تدوس عليهو زر التبليغ وبلوك للصفحه ..ديل في غفله من الزمن لقو ليهم سوق وعاوزين يرجعو الناس للعصر الحجري

سلام يا مني عمسيب
شكرا جزيلا لمشاعرك الطيبة وأرجو أن تكوني
دائما بخير وشفيفة وقلبك كبير
أتمنى ليك كل الخير والله ..
بالنسبة للموضوع فما بيدنا غير نرفعها للسماء
طلبا لهداية العباد واصلاح حال البلاد والله سميع
مجيب .
تقديري الكبير يا بت الرجال

هلا صديقي معاوية حسين
للإطلاع فوائده كما له مساويه وإن كانت الفائدة أكبر
بالطبع .. من باب معرقة الدواهي التحت السواهي ..خخخخخ
ناس شهاب ديل أية حاجة قاعدين يطلعوا عليها وينفضوها ويفلفلوها
عشان كدا ما بتغلبوا في المحاججة .. وللأمانة هم تحديدا
ما عايب عليهم إلا كواريكم وإرهابهم الفكري البستخدموا
كأسلوب في تخويف الآخر، إلى جانب طبعا إستسهالهم
لمسألة تكفير المخالفين ليهم .
أعتقد لو اتخلصوا من الموبقات دي ما بكون عندهم عوجة.
ربنا يهديهم ويهدينا .

المشكله يا طلحه في اليوتيوب دا لو الزول باري ديل تاني ما بديك او يعرض ليك الا الخوازيق الزي دي وبتحرم نفسك من عوالم تانيه تنفعك دنيا واخره

ههههههههههه
قول خير يا معاوية يا حبيب
أنا مرات بتابع أربع نوافذ لليوتيوب في وقت واحد
اكون فاتح محمد زمراوي وهو بغني للجابري
وفي نافذة تانية شهاب وهو بكورك في الشيوعية والصوفية
والجبهجية وأنصار السنة الخ الخ الخ ..خخخخخ
وفي نافذة تالتة أتفرج في كورة لفريق الراجل الواحد
مع حمام ميت ( طبعا الملوك بفضى ليهم وما بشرك معاهم
أي مصيبة زمان .. ديل العسل الما بنفع معاهم خل ..خخخخ)
اها وفي نافذة رابعة بكون هنا في سودانيز ..
واحيانا كتيرة بضطر أضيف نافذة خامسة وسادسة .. خخخ
فااااااشنو قول خير .

Quote: سلام يا علاء سيد السلفية براءة مما يهببه أمثال مجمد المصطفي ومن نهج نهجه وتسلق فروعه ومن تبعه ومشي في دربه وسلك مسلكه .هذا المجمد أنموذج لأدب الهتر والتراشق اللفظي وتفلت العبارة من لعن وسب وشتم ولغو وتهديد ووعيد ..

وعليكم السلام يا طلحة

السلفية ليست بريئة بـل متهمة بذات نهج محمد المصطفى وابوبكر اداب وغيرهم من هذه السلسلة النكرة
والتيار السلفى اليــــوم بكل اطيافه وجماعاته مصادر عقيدتهم واحــــــــــــــــدة هي العقيدة الوهابيــة
وشيوخهم ابن بازر - وابن عثيمين وغيرهم من علماء الوهابية .وهؤلاء السلفية لم يسلم من تكــفــيــرهــم حتى أئمة المذاهب : مالك والشافعى وابوحنيفة .
وعلماء الحديث : البخارى والترمذى - البيهقى والنووى ومن الشراح : ابن حجر العسقلانى وابن رجب

وهؤلاء خاضوا كثيرا من طعون السلفية فيهم مابين التكفير والاستتابة .. وبين أيدينا ادلة تكفيرهم لهم .

التكفير وبذاءة القول والهتر صفة ملازمة لهم جميعا .

أبدا يا علاء ديل ما السلفية القاصدم انا
السلفية هم السلف الصالح يا حبيب
هم الصحابة الذين صحبوا النبي وسمعوا وشافوا منهم
وبعدهم التابعين الذين رأوا الصحابة أو واحدا منهم و
بعدهم تابعو التابعين الذين رأوا من رأي الصحابة ..
ثم بعد داك جدا يأتي الأئمة الذين ذكرتهم .

Quote: أبدا يا علاء ديل ما السلفية القاصدم انا السلفية هم السلف الصالح يا حبيب

Quote: السلفية هم السلف الصالح يا حبيب

كلمة سلف تقال للميت ..فكلمة السلف من ناحية اللغة تعني الأموات ...
ومن ناحية المصطلح فعبارة (السلف الصالح ) تقال للصحابة والتابعين وأهل السنة من صحابة و علماء وصالحين من أصحاب القرون الثلاثة
أما عبارة (السلفية) لها معنى مختلف تماماً فهي اصطلح بها على من يثبت صفات لله عز وجل التي ينزهه عنها الأشاعرة والماتريدية كالنووي
وابن الجوزي والعز بن عبد السلام وابن حجر العسقلاني والهيتمي وغالب أهل السنة...
ومن أشهر هؤلاء السلفية ابن تيمية الذي جمع لمصطلح السلفية أمور أخرى ...
فالأشاعرة والماتريدية يقولون مذهبنا هو مذهب السلف الصالح وهو مذهب أهل السنة والسلفيون يقولون مذهبنا مذهب السلف الصالح ومذهب أهل السنة
لكن الغالبية الساحقة من أهل السنة هم الاشاعرة والماتريدية ونحوهم
ثم جاء الوهابية فقالوا نحن سلفيون فلم ينازعهم أحد رغم جمعهم لمذهب السلفية أمور أخرى لم تكن فيه اضافها ابن تيمية وزاد الوهابية على ابن تيمية أمور أكثر تشدد
وسبب عدم منازعتهم في مصطلح السلفية أن مذهب السلفية تركه الكل إلا القليل من أهل السنة حتى ظهر الوهابية وتبنوا هذا المذهب وتبنوا ما ابتدعه ابن تيمية من دعوى نسبة الشرك الأكبر
للموحدين بسسب التوسل والاستغاثة و التبرك ونحو ذلك..
وابن تيمية سجنه علماء أهل السنة في ذلك الوقت حتى مات في سجنه ولولا إظهار تراجعه من بعض معتقداته لربما حكم عليه بالقتل أو استتيب ...

يوتيوب تبدأ بعزل مقاطع الفيديو "المثيرة للجدل"

في يونيو/حزيران الماضي أعلنت غوغل أنها ستبدأ بعزل مقاطع الفيديو على يوتيوب التي لا تنتهك معاييرها مباشرة، لكنها تضم "محتوى دينيا أو عنصريا مثيرا للجدل"، وابتداء من هذا الأسبوع ستشرع الشركة بتنفيذ ما أعلنته.
ولن تتمكن الفيديوهات التي تندرج تحت الفئة المذكورة من تشغيل الإعلانات، وعليه لن يتمكن الذين ينشرونها من جني المال مقابل المحتوى، كما سيعطل نشر التعليقات على الفيديو.
وإضافة إلى ذلك لن تضم تلك الفيديوهات إلى أي من قوائم مقاطع الفيديو الموصى بها، ولن يشغل الفيديو عند تضمينه (embedded) في أي مواقع ويب أخرى، وستعرض شاشة تحذير قبل تشغيل الفيديو.
وتهدف تلك الإجراءات إلى الحد من مشاركة الفيديو وتقليل نسبة الوصول إليه، وفي مقابل تلك "الحالة المقيدة" للفيديوهات المثيرة للجدل تعرض غوغل أيضا ما تسميه "أسلوب إعادة توجيه" يرسل المستخدمين الذين يبحثون عن كلمات مفتاحية معينة إلى فيديوهات تكافح المحتوى المتطرف، على حد قولها.
وتستخدم الشركة تقنية تعلم الآلة لرصد الفيديوهات وتعقب وإزالة المحتوى الذي يخالف سياسات يوتيوب.
وسيستلم الذين ينشرون فيديوهات تندرج تحت الفئة المذكورة آنفا ملاحظة من الشركة وسيتمكنون من استئناف القرار إذا شعروا أن تلك القيود غير مبررة

الجزيره

منتصر ومعاوية كل عام وانتم بخير
شاكر لكما الإضافة يا أحباء

الناقد الرياضي المريخابي
الاستاذ طلحة
شفتا انا عارفك كيف؟
التقينا مرة وبرفقة المرحوم عبدالمجيد عبدالرزاق والدكتور شداد
يوم كانت الصحافة الرياضية ثقافة
اشاركك في الرأي
على الناس أن تخرج على هؤلاء النوع من المارقين من الدين
واليك جزء من مقالي له علاقة بهما او بهم في وفاة فقيدة الوطن فاطمة احمد ابراهيم
سابعثه في مداخلة منفصلة
لك ودي

ود البشرى ازيك

Quote: مزمل مرة شالته الهاشمية في ركن طلاب قال الرسول عليه الصلاة و السلام "كتل ملف" بزوجته!!

شنو يعنى كتل ملف ، ؟! اخوك من الجماعة الزمانهم فات و غنايم مات...

الاخ علي الكنزي
حبابك ألف والله
شرفت البوست يا حبيب
كل عام وانتم بخير

شكرا ليك يا طلحة
هؤلاء الظالميون يستحقون طرحاً دائما لا ينقطع
فهم اصحاب الفتن ناشري الظلام والجهل بالدين
فقد بشر بظهورهم من لا ينطق عن الهوى
حين قال في حديث رواه أبا سعيد الخدري:سمعت النبي صلى الله عليه وسلم يقول:
(يخرج في هذه الأمة - ولم يقل منها - قوم تحقرون صلاتكم مع صلاتهم، يقرؤون القرآن لا يجاوز حلوقهم، أو حناجرهم، يمرقون من الدين مروق السهم من الرميَّة، فينظر الرامي إلى سهمه، إلى نصله، إلى رصافه، فيتمارى في الفوقة، هل علق بها من الدم شيء).
ولي عودة ان امد الله في ايامنا لغد

يا دكتور محمد كتل ملف يعني زي غنج بيها كدا تؤدي نفس المعنى
المهم هو لفظ لا يليق بجناب الرسول صلى الله عليه وسلم, يُحسب لمزمل تراجعه عنه و التوبة رغم أن شيخه السابق - محمد مصطفى بتاع والله صحي - الأفتاه يوم أن كان على ود معه بأنه لا مشكله هناك ولا حتى التوبة عليه طالما نيته ليست الإساءة عاد وتراجع اثر خلافه معه وطالب بقتله لإساءته للرسول حتى لو تاب!!

واحد اسمو ود البشرى ملقب بجرجير واللا منو كدا ما عارف
أظنو تبع واحدة من تنظيمات العواطلية ديل قال
عايز يعمل فيها مفوه علينا .. هه كضاب ساي ..
تقدر تجئ تقول كلامك دا هنا يا جرجير ؟
ما بتقدر ..
هوس ساي منك ..
هو زول لقبو جرجير تاني الكلام ليهو في شنو ؟
وعشان نوريك نحن كلامنا كلو بالأدلة والكتب
كتب اشتريناها بقروشنا من الدار السودانية بى جاي
ودي فاتورتا هن دي ليها ...
نحن ما بنقول كلام نجر ساي زي العواطلية البي هناك ديل
الواحد من ديل يجيك ما حالق تفتو وبنطلونو ناصل
ويخت يديهو بى وراه ويقول ليك القرد شال النبقة وخت النبقة
ونحن مع الطيور .. طيور بتاعت الساعة كم ؟
ديل مجارمة بتاعين لعب ساي.
عايزنا تعال لينا هنا عشان نمردقك في الواطة ..
وكلو بالحجة من القرآن والسنة .. ما عندنا لعب .
ومستعدين لأي مجرم عاطل نعمل معاهو مناظرة في
الزمان والمكان البختارو هو ..
اتا قايلو لعب ؟؟
الشغل دا حار ما بتقدر عليهو آآوليد .
خخخخخخخخخخخ

والله يا طلحة انا من الاسباب التي صيرتني عضواً في هذا المنبر الديمقراطي
إلا سعيى لان القم هؤلاء حجراً بل حجارة من سجيل
تلحقم طير ابابيل
ما حجتنا عليهم إلا هدي المصطفى الذي ارسل رحمة للعالمين
مبشراً وليس منفراً
سر ونحن عضد لك
مع مودتي