ورطة الدبلوماسى عبدالاله ابوسن في الدوحة ..... عيب يا رجل ان تسقط من طولك كدا!

ورطة الدبلوماسى عبدالاله ابوسن في الدوحة ..... عيب يا رجل ان تسقط من طولك كدا!


08-10-2017, 09:49 AM


  » http://sudaneseonline.com/cgi-bin/sdb/2bb.cgi?seq=msg&board=490&msg=1502354974&rn=6


Post: #1
Title: ورطة الدبلوماسى عبدالاله ابوسن في الدوحة ..... عيب يا رجل ان تسقط من طولك كدا!
Author: عمر دفع الله
Date: 08-10-2017, 09:49 AM
Parent: #0

08:49 AM August, 10 2017 سودانيز اون لاين
عمر دفع الله-
مكتبتى
رابط مختصرقال محدثى :ان الاوامر من وزارة الخارجية السودانية لطاقم سفارتها بالدوحة بخصوص الازمة الخليجية ، هو إلتزام الصمت
والابتعاد عن المناسبات الدبلوماسية في الدوحة التى تستوجب التضامن مع قطر في محنتها .قد يكون هذا القول غير دقيق لكن الشواهد تؤكد عليه
وسنعود الى ذلك لاحقا وقد لا نحتاج الى جهد كبير فمواقف الخرطوم المفاجأة من طهران والانقلاب عليها والتنكر لسنوات الدعم الطويلة رغم
تطابق الشعارات والاشواق الروحية ، تقول ان قطر ستواجه نفس المصير والتنكر للجميل ولربما الحرب عليها ان قرر تحالف الرياض الحرب .

https://www.0zz0.comhttps://www.0zz0.com

Post: #2
Title: Re: ورطة الدبلوماسى عبدالاله ابوسن في الدوحة
Author: عبد اللطيف السيدح
Date: 08-10-2017, 09:59 AM
Parent: #1



الحياد الايجابي يستلزم هذا السلوك الدبلوماسي يا عمر

أي تصرف للبعثة الدبلوماسية في الدوحة

لاينسجم ورؤية الخارجية السودانية

سيلحق ضررا بالجميع وعلى رأس هؤلاء أنتم المقيمين بقطر.

Post: #3
Title: Re: ورطة الدبلوماسى عبدالاله ابوسن في الدوحة
Author: محمد البشرى الخضر
Date: 08-10-2017, 10:07 AM
Parent: #2

Quote: ان قرر تحالف الرياض الحرب .
يا ساتر!!
افل الله ولا فالك يا عمر ياخ
ا شاء الله الموضوع لا يصل للمرحلة دي و قطر ربنا يهديها وتطرد الأخوان المسلمين وتتوقف عن دعمهم و الموضوع يتحل

Post: #4
Title: Re: ورطة الدبلوماسى عبدالاله ابوسن في الدوحة
Author: مني عمسيب
Date: 08-10-2017, 10:14 AM
Parent: #3


لكم التحية .. واختص حبيبنا ودا البشري ..

يا ود البشري خلينا من حرب الاسلحة الحية
رايك شنو في حرب اسلحة الاعلام ؟ يا خي
والله دي لا تقل عن حرب الاسلحة الكيمائية !
Quote: ان قرر تحالف الرياض الحرب .
يا ساتر!! افل الله ولا فالك يا عمر ياخ

امبارح كنت بسمع في تقرير عن الامارات والخوف
العنوان بحمل الاسم دا ( امارات الخوف ) !!!!!!!
طبعآ اكيد في قناة الجزيرة ! اول مرة يجيني احساس
نحن كشعوب الحياة كتيرة علينا وما مفروض نعيش
واولنا دول الخليج !!!

يااااااااخي دي قمة ال ....... والله ما لقيت كلمة مناسبة
اختها النقاط دي املاها باي كلام سئ وبرضو ما بكفي !

الله يهدي امته !

Post: #5
Title: Re: ورطة الدبلوماسى عبدالاله ابوسن في الدوحة
Author: محمد البشرى الخضر
Date: 08-10-2017, 10:31 AM
Parent: #4

اهلا منى
حروب الاعلام على الرغم من قسوتها لكن يأتي يوم وتتنسي كل الكلمات القاسية القيلت خاصة بين ابناء العمومة و اهل الارحام
لكن سيلان الدم أقسى بكثير و نسيانه يحتاج لوقت أطول ربما يمتد لأجيال
عشان كدا اتمنى ان تحصر الازمة ولا تتطور و تدرك قطر حقيقة ان رحمها و ابناء عمومتها في النهاية اقرب و اقيم و افيد لها من الاخوان المسلمين

Post: #6
Title: Re: ورطة الدبلوماسى عبدالاله ابوسن في الدوحة
Author: muntasir
Date: 08-10-2017, 10:43 AM
Parent: #5

ودالبشرى بقيت علماني 😀

Post: #7
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-10-2017, 04:09 PM

يا ودالبشرى
البشير اصبح جزءا من حلف الرياض ( من منازلهم )
بل اصبح خادما مطيعا لخادم الحرمين في حله وترحاله على المكشوف .
لا يشعر بالخجل من موقفه تجاه قطر
ولا بوخذ الضمير ، فتلك صفات القاتل المحترف واللص البارع
ولو لا خوفه من حدوث خلخلة في اركان نظامه
لقالها بالفم المليان ( قطر ارهابية وتدعم الارهاب )
وتعويضا عن سكوته المذل
بسط البشير جيشه ومليشياته امام العاهل السعودى
ووضع بيضه كله في سلة الرياض
ولو طلبوا منه ذبح الدكتور على الحاح
كدليل على تخليه عن جماعة الاخوان
لما تأخر عليهم .... البشير فقد الاهلية الاخلاقية يا ودالبشرى
لان يكون حتى كرئيس لجمعية خيرية ، ناهيك عن بلد كالسودان

هل تستحق قطر كل هذا القدر من التحقير
قطر التى اعطته ولم تستبق شيئا ... ؟
وهل بقي في وجه البشير من ماء على وجهه يواجه به امير قطر ؟
وكيف يثق الاصدقاء الجدد في حلف الرياض
برجل بدون ذمة ولا يحفظ العهود ولا الجمائل ؟

قال حياد قال ...

Post: #8
Title: Re: ورطة الدبلوماسى عبدالاله ابوسن في الدوحة
Author: أبوبكر عباس
Date: 08-11-2017, 08:26 AM
Parent: #7

إتّا يا عمر دفع الله، ملتزم بالصلاة؟

لاقيت لي زول جاي من هولندا، قلت ليهو بتعرف الكافر عمر دفع الله؟
قال لي مستعجباً:
مولانا عمر دا من أكثر السودانيين التزاماً بالدين ويحافظ على صلواته.
وواصل:
بتقصد عمر دفع الله الرسام ؟

قلت ليهو: لا لا
داك حريف دافوري

Post: #9
Title: Re: ورطة الدبلوماسى عبدالاله ابوسن في الدوحة
Author: أبوبكر عباس
Date: 08-11-2017, 08:34 AM
Parent: #8

أوباما رأيو ان الأخوان يشاركوا في السلطة
الأخوان كفكر يمثلون غالبية سكان الخليج
كثيرين بالخليج لا يعرفون شنو أخوان مسلمين، لكن هم في الواقع أخوان مسلمين.
على دول الخليج التعامل معهم بواقعية زي الكويت والبحرين

مثلا عمر دفع الله وود البشرى لا يمكن أن يكونوا غير أخوان مسلمين

Post: #10
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-11-2017, 09:04 AM
Parent: #9

يا ابو بكر ياخي البركة فيكم والله حاولت الحصول على تلفونك
وسألت بكرى ابوبكر وبرضو ما اتوفقت فأنا عادة اعزي في وفاة الاقربين بالتلفون ..
-----------------------------

يا المستنير ... انعمت صباحا يا زينة كفار المنبر ...

بعد سقوط المشروع الحضاري فكريا واخلاقيا
اصبح الكفر خشم بيوت ودرجات .. انا بعرف ناس كفار زيك كدا
وبرضو بصلوا وبيصوموا وبرضو ممكن يكون الزول كافر ومسلم في آن واحد
ودي بخليها لشطارتك ...
اما جماعات الاسلام السياسي فديل موضوعهم معقد شديد في زمن العولمة
وسيحدث لهم ما حدث لحماس .
حماس فازت في انتخابات حرة ونزيه والمسكينة كانت قايلة القصة انتخابات وكدا
اها وقت وصلت السلطة ، لقت السلطة بتعتمد على معونات الاتحاد الاوروبى
وبعض الدولة العربية الغنية . ناس الاتحاد الاوروبى وامريكا منصنّفنها ارهابية
والعرب اصحاب القروش ضد المشاريع الاسلاموية .. يا زول حماس راسها ضرب
وما عرفت تقبل وين ومش كدا كمان لقت في اتفاقيات دولية مع سلطة عباس
لا تقدر تلقيها ولا تقدر تقبل بيها ... نفس الشي سيحدث مع الاعراب والبدو في الخليج
لانه في مناطق مخزون الطاقة العالمية دي مافي لعب ومافي هزار وليس احتلال العراق ببعيد عن الاذهان .

Post: #11
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-11-2017, 09:20 AM
Parent: #10

السيد عبدالاله ابوسن
يصنفه بحسب من تحدثت اليهم من اسوأ السيئيين
او ان شئت ، من صقور الاسلاميين
واما رئيس البعثة الدبلوماسية واعنى سعادة السفير
يصنف على انه من احسن السيئيين وذلك بشهادة الكثيرين
بما فيهم زملاء في المنبر عاصروه واحتكوا به .
السيد ابوسن رغم اهتمامه بالشأن الثقافي
ورغم كونه كان وزيرا ولائيا للثقافة ورغم انه يصنف من
المثقفين الاسلاميين ، إلا انني لم اعثر على اثر لهذا الادعاء .
ما علينا ...
المهم مثقف والسلام
زيو زي وزراء الثقافة منذ مجئ الانقاذ .

Post: #12
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-11-2017, 10:21 AM
Parent: #11

https://www.0zz0.com

حتى نعود الى الجدارية التى نطحها السيد ابوس برأسه
ونحن نجد العذر للرجل في تصرفه المرتبك هذا
فمن ناحية فهو لا يعلم موقف البشير النهائي من الازمة الخليجية
ومن ناحية اخرى تعّز عليه وظيفته الرفيعة التى افنى سنوات عمره في
الحركة الاسلامية للحصول عليها . فهي تمثل بالنسبة اليه ثمرة العمر الذى مضى
فإن فقدها فلن يجد له وليا ولا نصيرا .

Post: #13
Title: Re: ورطة الدبلوماسى عبدالاله ابوسن في الدوحة
Author: بدر الدين الأمير
Date: 08-12-2017, 08:14 AM
Parent: #12

عمر يادفع الله
ابوسن زيو وزى اى كوز متحجبر متجعرف ومتسلط وحاكم بامره
وابو سن اتى لمنصب الملحق الثقافى بترشيح من السفير السودانى
الاسبق ياسر خضر البقو وكيل وزارة الثقافة بعد عودته وياسر
كوز بلشفى وطاغية على طريقته حول السفارة وطاقمها
لفرع لجهاز الامن والمخابرات قرب يقول للجهات القطرية لو في سودانى
داير يعمل ختان لابنه لازم بموافقته وطاقمه الامنى لم يترك
اى جمعية سودانية اجتماعية او مهنية اوثافية وماعطلها
نسوية كانت او رجالية اومشتركة وبجيك لتفاصيل ماحدث منه تجاه
الشاعر الكبير محمد طه القدال والشاعر الصنضيد ازهرى محمد على
المنح سفير كتارا اى الحى الثقافى وهو اكبر مشروع ثقافى فنى فكرى
بقطر وبرضو لرابطة سوا وهى مجموعة نسوية اجتماعية ثقافية ومساندة
للاسر في كل احتياجاتهم حاربها وعطلها ومنع اى نشاط لها وماتقولى
مقولة الشهيد محمود محمد طه ان الكيزان يفوقون سوء الظن العريض
ديل ديل حاجة تانية لاعلاقة لها بالانسانية

Post: #14
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-12-2017, 11:32 AM
Parent: #13

يا ود الامير
اولا عليك ان تسجل اعترافا واضح وقاطعا
انو طاقم السفارة السودانية الى وقت قريب كان يستقوى
بخصوصية العلاقة بين الخرطوم والدوحة والتى وصلت حد ان حذرت الدوحة بعض الكتاب السودانيين
من نشر المقالات ضد الخرطوم وعملت على طرد بعض المعارضين لحكومة الخرطوم .
الشي التانى
فسفارات السودان في الخارج لا تتردد في فرض هيمنتها على الجاليات السودانية في المهاجر كلما سنحت
لها الفرصة وفق خطة استراتيجية في برنامج جهاز الامن الخارجى السودانى . اذن فالسيد ابوسن لم يكن استثناءا
على القاعدة السائدة والسياسة المرسومة في هذا الحقل .

مما ذكرت فإنني لا اعفى السلطات القطرية والتى كانت بإستمرار
والى يوم قبل الحصار تدعم سياسة الخرطوم ضد معارضيها ومنتقديها .
فلا غرو ان سياسة الدوحة قد ارتدت اليها في نحرها وطعنتها الخرطوم في ظهرها .

الدوحة التى كانت العاصمة الاولى في العالم تستقبل اول رئيس
مطلوب للمحكمة الجنائية الدولية بتهمة ابادة جزءا من شعبه
وصفقت له عند نزوله من الطائرة في مشهد معيب ، لا يخلو من وقاحة
وازدراء لمشاعر الضحايا والارواح التى ازهقها هذا النخّاس الاكبر في العصر الحديث
هي نفس الدوحة التى استقبلت في الشهر الماضى مدعي المحكمة الجنائية
في خطوة صبيانية او كنوع من المكاواة لرئيس قاتل ، نخسهم في مؤخرتهم وتنكر لجميلهم
فصار يتغدى في الرياض ويتعشى في ابوظبى وينام في الخرطوم .

ودالامير - العميل القطرى - بطّل تنفش ريشك معانا ....واقعد في مواعينك ساكت ...


Post: #15
Title: Re: ورطة الدبلوماسى عبدالاله ابوسن في الدوحة
Author: بدر الدين الأمير
Date: 08-13-2017, 07:56 AM
Parent: #14

عمر دفع الله الحوثى
أملأ كاس واصبر دقايق
مين قالك هناك معارض سودانى طردته قطر اولسلمته لحكومة القتلة
ياخى انا البقول فيهو دا قاعد اقولو من 1989 وفى الصحف القطرية
وقناة الجزير في بداياتها ومافى حد سالنى وانا مجرد زول بسيط مصطفى
سيد احمد عاش فى قطر حتى يومه الاخير من 1992 الى 1996وبتعالج
من الفشل الكلوى على حساب دولة قطر وكل حفلاته كانت مرعية من جهات
رسمية قطرية بل وحفله القبل الاخير كان برعاية وزارة الاعلام والثقافة ودا
كان مسمها في حينها وحفله الاخير شرفه سعادة الاخ الصديق الشيخ فالح بن على آل ثانى
وبرضو الصديق الكبير موسى زينل وكيل الوزير لشؤن الثقافة والفنون المستشار الحالى
الوزير الثقافة بل من قبل كدا فى تمانية سودانين تم سحب جوازات سفرهم لانهم قدمو مدكرة
للسفير السودانى وكان حينها السفير الراحل احمد مصطفى التنى لرفضهم انقلاب البشير الترابى
وقطر لم تسلمهم او تقول لواحد منهم غادر واغلبهم يعيشون لحدى اليوم في قطر وبجيك صادى لباقى
كلامك

Post: #16
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-15-2017, 11:27 AM
Parent: #15

كدى يا العميل القطرى
قبل ما ندخل في موضوعنا الاساسى
نطرح عليك سؤال من باب التطفل :
من وجهة نظرك يا وجيه ، لماذا تجاهل معظم المقيمين من السودانيين
في قطر ، وهم كثر ، دعوتك في مشروع الجدارية وقاموا بالضغط على
السيد ابوسن ؟
هل من المحتمل ان يكون مرد هذا التجاهل بغضا في شخصك يا عميل ؟
ام ان معظم المقيمين هم من انصار المؤتمر الوطنى ؟
اين اختفت الاقلام السودانية في قطر و التى كانت تنافح الاعلام المصرى
في هجومه على الشيخة موزا عند زيارتها لآثار بلادنا ؟
كل الجاليات المقيمة في قطر عبرت عن تضامها مع قطر في محنتها
ما عدا الجالية السودانية المدللة والتى اصطفتها الدوحة من دون الجاليات
كيف تقرأ هذا الوضع الشاذ يا عميل ؟
هل يوجد احتمال حتى لو واحد في المية
ان يكون منبع هذا التجاهل من السودانيين في قطر
هو نكاية وشماتة في قطر ( الارهابية والداعمة للاخوان والبشير ) ؟
لو كان الاحتمال الاخير دي الصحيح
فالمشكلة ليست في ابو سن
بل ارى موقف الرجل منسجما مع واقع الحال
ومتطابقا مع بروغماتية وانتهازية الاخوان المعهودة
لانه بالمنطق كدا يا عميل
لو خسر السودان قطر على المستوى الرسمى
فإن ابوسن لن يخسر وظيفته وسينتقل الى سفارة اخرى
واذا انتهت الازمة الخليجية واستمرت علاقة الخرطوم بالدوحة
كما في السابق ، سيظل السيد ابوسن في مكانه وكأن شيئا لم يحدث .

ايها العميل القطرى :
انت الآن كالفلسطيني الاخير تصيح في خيام البدو في قلب الصحراء :
( وحدى ادافع عن جدار، ليس لي
وحدى ادافع عن هواء ، ليس لي
وحدي على سطح المدينة واقف ٌ
أيوب مات ، وماتت ِ العنقاء ُ ‘ وانصرف َ الصحابة
وحـــدي . أراود نفسي َ الثكلى فتأبى أن تســاعدني على نفسي
ووحـــدي …. كنت وحدي )

ابو السن الوسواس الخناس
كب للعميل كاس على قدر مقاس الراس ........... هههههههههههه حالتك والله تحنن العدو.....

Post: #17
Title: Re: ورطة الدبلوماسى عبدالاله ابوسن في الدوحة
Author: بدر الدين الأمير
Date: 08-16-2017, 08:41 AM
Parent: #16

هههههه
اب سن يضحك على اب سنينتين
عميل قطرى وافتخر ولو بتعرف
ابوى ياعمر دفع الله الحوثى امش كلمو

Post: #18
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-16-2017, 10:27 AM
Parent: #17

والله يا عميل وصلني خبر مؤكد
وكما يقولون ليس من انباء الفاسقين الحايمين اليومين ديل
بالجد قالوا حيشتكوك للبوليس القطرى
والقضية التى تنتظرك هي ( اشانة سمعة )
زي القضية بتاعت المرة الفاتت .
ياخي تطير عيشتك
مرة واقع مع جنرال ومرة مع دبلوماسى وبكرا ست عرقي !
غايتو انا كلمت ناقل الخبر ونصحته ان ينصح الشاكي
ان الدبلوماسي لا يحق له ان يشتكي مواطنا او مقيما الى البوليس
فهناك قنوات اخرى واجراءات اخرى تقوم بها السفارة السودانية
بواسطة قسم البروتوكول في وزارة الخارجية القطرية .

بالمناسبة يا عميل
ابوسن دا كان ناوي يدقّسك او يدّقسكم كلكم
لو تذكر عندما طرحت مشروع الجدارية في احد البوستات
انا سألتك وقلت ليك الفكرة دي حقتك انت فقمت استغربت للسؤال
وتعكر مزاجك واختلفت لغتك فشعرت بضيق صدرك
وبدا كلامي اليك وكأنني انتقص من جهدك وارى ان قامتك اقصر من المبادرة نفسها .
انا بس ما حبيت ازعّلك ، لكننى قرأت على صفحة الفيسبوك
مداخلة لشخص قبل يومين من مبادرتك يطرح نفس الفكرة
ومن باب قلة الشغلة قمت سألت عنه احد الاخوان في قطر
فقال لي الزول دا كان زمان في جهاز الامن وتركه ودخل السوق
وعندما تعثرت تجارته هاجر الى قطر وفي قطر ظل يحتفظ بعلاقة جيدة مع البعثة الدبلوماسية
السودانية وخاصة على ايام الدبلوماسي ( المعين ) عوض حسين ومع احترامنا الشديد للاخ
عوض ، ابن مدينة الحصاحيصا ، فهو رجل مصالح ، يوما مع الترابى ويوما مع البشير
ويوما مع نفسه ، اذن لقد وافق شن طبقه ، ومن شابه صديقه فما ظلم .
ثم جيت انت يا لفّاح بعيد .
لفحت المبادرة من وين ما عارف
وطبظت بيها عين ابوسن المسكين
هسي يسوي شنو الراجل !
كدا وووب وكدا ووووب .
هناك تفسير لشخص معقول من اصدقائي في الدوحة
يعتقد هذا الصديق ، او ربما لديه معلومات ، يعتقد ان
اجتماعا تمّ داخل السفارة السودانية للبحث عن طريقة تحفظ بها السفارة ماء وجهها امام
القطريين وامام علاقة الود الطويلة والافضال القطرية الثقال ، التى هي بحجم الجبال
فهداهم التفكير الى القيام بشكل من اشكال التضامن مع قطر في محنتها في الفضاء الثقافي
حتى يظهر وكأنه عمل شعبي يخص المقيمين وبتواطؤ الدبلوماسيين الخجول ، حتى لا يثير
الامر غضب الرياض التى ترى في السودان الجيعان حيطتها القصيرة .
من المحتمل ان يكون صاحب المبادرة الاولى للجدارية
كان يهدف الى القاء قنبلة اختبار ، ثم يعقب ذلك الخطة المعدة والمدروسة سلفا
ولم يكن في حساباتهم ان يظهر امثالك من المجانين
ويلخبطوا الشغلانة من اولها الى آخرها .

نصيحة خالصة الى سعادة الدبلوماسي ابوسن
يا رجل
توكّل على الله
وضع يدك في يد العميل بدرالدين
وشارك بنفسك في انجاز الدارية
- سجن سجن ، غرامة غرامة -
فلن تخسر اكثر مما سيخسره غيرك
بل ستسجل موقفا جريئا
تقاصرت عنه الخرطوم الرسمية والشعبية
وتّرد جزءا يسيرا، من دين مستحق للدوحة التى اخذت بأيديكم ، يوم عزّت الايادى ..... اللهم هل بلغت




Post: #19
Title: Re: ورطة الدبلوماسى عبدالاله ابوسن في الدوحة
Author: بدر الدين الأمير
Date: 08-16-2017, 10:40 AM
Parent: #18

ود دفع الحوثى
انت حاسد ولا بغران
السجن والغرامة انا مستعد ليهم وكان جاك كشف الغرامة اوعك تدفع
وكان اب سن سفرنى بمش وبرجاهو في اربجى القريبة من الكريبة البرجو فيها الله

Post: #20
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-16-2017, 10:50 AM
Parent: #19

بالله اقرأ برواقة وبدون انفعال
فالكلام موّجه الى صاحب الجناب العالى يا غشيم
وبعدين ياخي نوع ابوسن يوم تدور عليهم الدوائر
ما بتلاقيهو في اربجى والكريبة
ياخي قول كوالالمبور ، جنيف ، لندن ، باريس
محل كنوز الاسلاميين المكدسة لليوم الاسود .

Post: #21
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-18-2017, 10:28 AM
Parent: #20

https://www.0zz0.com

هل سيثبت سعادة ابوسن عكس هذا الكاريكاتير ويسمح للسودانيين بالتعبير عن مواقفهم من الازمة الخليجية ؟
ام سيركب راسه نكاية في العميل القطرى- ودالامير - من جهة ومن جهة اخرى الحفاظ على ( هيبة السفارة السودانية ) ؟
اليست هذه حججهم في الداخل وفي الخارج يمطون رقابهم كالنعام ....!

Post: #22
Title: Re: ورطة الدبلوماسى عبدالاله ابوسن في الدوحة
Author: muntasir
Date: 08-18-2017, 11:54 AM
Parent: #21

يا عمر رسمة بدرالدين اللحو لا تستقيم دون السيجار الكوهيبا

Post: #23
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-18-2017, 01:35 PM
Parent: #22

بالله يا منتصر هو العميل دا تاريهو متطنقع قدر كدا !!!
عشان كدا ليهو حق يقول :
ايها الناس نحن في قطرٍ
نتحدى الاعراب والكُفر
ولا نتجاوز المئة الف ....

Post: #24
Title: Re: ورطة الدبلوماسى عبدالاله ابوسن في الدوحة
Author: muntasir
Date: 08-18-2017, 01:57 PM
Parent: #23

يا زول عشان كده ما تسمع أربجي إلا يودوهو ليها بي أر بي جي

Post: #25
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-18-2017, 02:27 PM
Parent: #24

الحمدلله الزول طلع من ناس اربجى
هسي لو كان من آل المهدى او آل الميرغنى
والله كان رِكِبنا ركوب الفيلة وكنّا نشرب ما نروى ....ههههههه

Post: #26
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-18-2017, 02:33 PM
Parent: #25

يا سلام على الرومانسية
https://www.0zz0.com

يا ترى ماهي قصته مع سعادة ومعالى السفير السابق ياسر خضر ؟
حتى نعود ................................ وللاّ نخليك تتم الباقى يا ود الامير ؟

Post: #27
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-19-2017, 10:16 AM
Parent: #26

https://www.0zz0.com

هذا هو معالى السفير العاجز عن فعل اي شئ يضعه في حجم مهمته
بوصفه رئيسا للبعثة الدبلوماسية السودانية ، ولتشريح مواطن الضعف عند معاليه
والتى اقعدته عن ممارسة سلطاته .، هو ان الرجل ورث وضعا غريبا وشاذا .
ففي الماضى كانت السفارة السودانية لا تحتاج الى جواسيس للجم المعارضين للحكومة السودانية
فهذا الامر ترك للاستخبارات القطرية التى كانت تخرس اي لسان يتطاول على الحكومة السودانية
وبوسائل خفية يعلمها الناس في الدوحة . لذلك إنصّب جهد السفارة السودانية في المضي قدما في السيطرة على الجالية السودانية
على الصُعد الثقافية والاجتماعية وكان من ضمنها النادى الثقافى السودانى وهو في الاصل هبة من الحكومة القطرية
يعنى النادى دا قام من حُر مال الشعب القطرى وليس للمقيمين من السودانيين ولا السفارة السودانية اي فضل فيه .
كما هو معروف ان الاسلاميين يفتقرون الى المثقفين وينعدم في صفوفهم الفنان في شتى ضروب الابداع .
حدثونى عن مبدع واحد بين هذا القطيع المتوحش ، ترك اثرا في الفضاء الثقافي في بلادنا !

وجد السفير الامن مستتبا وكل شئ على ما يرام
ووجد اعضاء بعثته كل فرد منهم مشغول بنفسه وبمصالحه الذاتية .
واحد جايب اخوه واخو زوجته للعمل في قطر والتاني شغال تجارة
ومرّتب اموره مع ناس الامن الاقتصادى وناس الجمارك في الخرطوم
والتالت كايس طريقة يبقا اكبر من الزول الفوق منه .
يجتمعون في الوقت الصلاة ويحرصون على الظهور بمظهر التقوى
والغريب في الامر ان كل منهم يعرف خساسة الآخر وخبثه لكنهم يتفقون
على إحاطة كراهيتهم لبعضهم البعض بالكتمان إلا في مجالس الاقربين والخواص .

فجأة وقع ما ليس في الحسبان وعلى غير توقع منهم .
انشقت الصحراء العربية عن سيوف آل سعود وتبعها جنرال مصر القوي وشيوخ الامارات والبحرين
وسارت في ركبهم دول عربية وغير عربية . انتهى زمن الصمت و دقتّ طبول الحرب ضد
الاخوان والحاضنة الحصرية التى تأويهم وتدعمهم بسخاء غير مسبوق .
قطر التى كانت في عيون البشير اكبر من مساحة السودان القديم ، صارت اصغر من حبة الخردل
وعادت قطر الى حجمها الطبيعى الجغرافي ، فلا مزاح مع الملك السعودى الجديد .

في هذا الوضع المربك والضبابي ، لا يملك سعادة السفير إلا الى النظر مليا لكرسيه الفخيم
ولربما اطال النظر الى امتيازاته وانغمس اياما داخل نفسه ، يحسبها بحساب الربح والخسارة وما يقد يصيب جيبه وخزينته
وفي هذا الزمن الصعب فالفرصة لا تأتي إلا مرة واحدة في العمر . فالقضية هنا ليست قضية ايدلوجيا
وعقيدة ودين وكدا ... فإما ان تعض بالنواجز على مصالحك او ان تصبح شحاذا يسأل الناس في
عالم لا يرحم ولا يقدر عليه إلا من اوتي صبرا عظيما كأهل السودان الذين يرزحون تحت وطأت الفقر
والقهر والفساد وعذابا تنوء عن حمله الجبال .

سنعود ........




Post: #39
Title: Re: عبدالمنعم الفكى وباقى الفرقة الموسيقية ع�
Author: معتز القريش
Date: 08-22-2017, 12:31 PM
Parent: #16

Quote: ل الجاليات المقيمة في قطر عبرت عن تضامها مع قطر في محنتها ما عدا الجالية السودانية المدللة والتى اصطفتها الدوحة من دون الجاليات
هذا الكلام غير صحيح وغير دقيق
هناك سودانيون عبروا عن تضامنهم وبقوة أفراد وجاعات أسر وعزاب وأنا واحد منهم وح أجيب ليك الاثبات بالصورعبرنا عن حبنا لقطر بعيدا عن الموقف الرسمي لحكومة السودان


ياخ عندي كيبورد تافه هههه بكتب على كيفو

Post: #28
Title: Re: ورطة الدبلوماسى عبدالاله ابوسن في الدوحة
Author: محمد محمد قاضي
Date: 08-19-2017, 11:00 AM
Parent: #1

سلام يا عمر يا دفع الله ليك ولي ضيوفك الكرام
(هسي لو كان من آل المهدي ولا من آل الميرغني)
قول لو كان عندو شهادة نسب زي بتاع ناس الشريف داك هههههه كان شفت ليك بلد تانية هههه

(فهذا الامر ترك للاستخبارات القطرية التى كانت تخرس اي لسان يتطاول
على الحكومة السودانية وبوسائل خفية يعلمها الناس في الدوحة)
يا عمر إنت قاعد تجيب الكلام ده من وين؟؟؟ الظاهر مصدرك ده جديد في الدوحة و ح يمسكك ضنب الككو

كدي إدينا مثال سوداني واحد تطاول علي الحكومة السودانية ولسانو إتخرس هنا في قطر؟؟؟

Post: #29
Title: Re: ورطة الدبلوماسى عبدالاله ابوسن في الدوحة
Author: najma
Date: 08-19-2017, 01:20 PM
Parent: #28

التحية ليك استاذ عمر ولضيوفك الكرام
اعجبنى الرسم الكركتيرى لموقف بدرالدين الامير و عبدالله ابوسن
اقف بجانب ود الامير ومطلبة الى ان تنعكس الصورة ويتسلم ود الامير مفتاح المركز بتعليق الجدارية ويتقدم عبدالله ابوسن باعتذار كتابي عن تاخر وضع الجدارية

Post: #30
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-19-2017, 02:28 PM
Parent: #29

سلام يا القاضى ...
صدقني لا تعوذني الامثلة ولكن لا استطيع حتى مجرد التلميح للاسماء والاحداث
ويا سيدى الكريم إن كنت تعتقد ان قطر التى دفعت الغالي والنفيس
لاطالة امد نظام الاخوان في السودان والمحافظة علية ، قد تسكت عن معارضيه
فأنت لا تفهم قطر التى تبيض وتحضن وتفرّخ اخوان الشيطان .
فقط استطيع ان اشير الى شخص واحد واتمنى ان يمتلك الشجاعة
اذا سألته و يقول ما حدث معه في الدوحة وهو السيد محجوب حسين
الذى انتمى مؤخرا الى حركة العدل والمساواة وان يذكر من بلّغ عنه المخابرات القطرية
من ابناء دارفور والذى انضم هو الآخر مؤخرا الى حركة العدل والمساواة .

Post: #31
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-19-2017, 04:28 PM
Parent: #30

يا استاذة نجمة
الجدارية لن تتم مهما حدث ولا سبيل لتنفيذها .
تخيلي ان تقوم الجدارية ويجتمع حول النادى الثقافي لفيف من السودانيين
وتأتي قناة الجزيرة لتسجيل الحدث بتفاصيله الدقيقة وتجئ الصحافة القطرية
والتلفزيونات المحلية فيما سيسجل طاقم السفارة السودانية غيابه عن الحدث
ويتوارى الدبلوماسيون في منازلهم او خلف مكاتبهم ، ويحيطهم العار من كل جانب .
هل تستحق قطر كل هذا الظلم الفاضح !
هل تصدقي ان مبنى السفارة السودانية الجديد ، في الحي الدبلوماسي ، هو ايضا من حر مال الشعب القطرى !
لم تدفع فيه الحكومة السودانية مليما احمرا
ولو اعطتهم السلطات القطرية الاموال المخصصة لبناء السفارة
لسرقوا نصفها واختلفوا حول النصف الآخر وتشاجروا وتنابذوا وسب بعضهم بعضا .
فاللصوصية تجرى في دمائهم ، مجرى الدم في الوريد .

نعم فالجدارية لن تتم
وناس السفارة سيراهنون على الزمن
ويعلقون عليه الآمال العراض في انقاذهم من حرج لم يكن على البال والخاطر
كسجين خلف القضبان ينتظر قرار المحكمة في قضية تمسه في رقبته .
من جهتي اقترح عليهم ان يستفيدوا من تجربة بدرالدين
والي الخرطوم السابق الذى كان يرأس فيما اذكر اللجنة القومية
للدعاء للبشير والتى كانت تجتمع نساءا ورجالا في الساحة الخضراء
للتلو ايات من الذكر الحكيم ، عشما في انقاذ البشير من قرارات المحكمة الجنائية .
فإن فشل السيد طه في ادعيته ، فقد ينجح السيد ابو سن ورهطه .... اللهم لا شماتة ....






Post: #32
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-19-2017, 05:15 PM
Parent: #31

https://www.0zz0.com

قالوا : ( الأقربون طعناتهم أخطر .. لأنها تأتي من مسافة قصيرة ،،! )

تغيرتِ المودة ُ والاخاءُ ......... و قلَّ الصدقُ وانقطعَ الرجاءُ
و أسلمني الزمانُ إلى صديقٍ ....... كثيرِ الغدرِ ليس له رعاءُ
وَرُبَّ أَخٍ وَفَيْتُ لهُ وَفِيٍّ ........... و لكن لا يدومُ له وفاءُ
أَخِلاَّءٌ إذا استَغْنَيْتُ عَنْهُمْ ............ وأَعداءٌ إذا نَزَلَ البَلاَءُ
يديمونَ المودة ما رأوني ............و يبقى الودُّ ما بقيَ اللقاءُ
و ان غنيت عن أحد قلاني......... وَعَاقَبَنِي بمِا فيهِ اكتِفَاءُ
سَيُغْنِيْنِي الَّذي أَغْنَاهُ عَنِّي.......... فَلاَ فَقْرٌ يَدُومُ وَلاَ ثَرَاءُ
وَكُلُّ مَوَدَّة ٍ للِه تَصْفُو ........... وَلاَ يَصْفُو مَعَ الفِسْقِ الإِخَاءُ
و كل جراحة فلها دواءٌ.......... وَسُوْءُ الخُلْقِ لَيْسَ لَهُ دَوَاءُ
ولَيْسَ بِدَائِمٍ أَبَدا نعِيْمٌ ............ كَذَاكَ البُؤْسُ لَيْسَ لهُ بَقَاءُ
اذا نكرتُ عهداً من حميمٍ......... ففي نفسي التكرُّم والحَيَاءُ
إذَا مَا رَأْسُ أَهْلِ البَيْتِ وَلَّى....... بَدَا لَهُمُ مِنَ النَّاسِ الجَفَاءُ
-----------------------------------------------
أَخِـلاَّءُ الـرِّجَـالِ هُـمْ كَثِيـرٌ
وَلَكِـنْ فِـي البَـلاَءِ هُـمْ قَلِيـلُ
فَـلاَ تَغْـرُرْكَ خُلَّـةُ مَنْ تُؤَاخِـي
فَمَـا لَكَ عِنْـدَ نَـائِبَـةٍ خَلِيـلُ
وَكُـلُّ أَخٍ يَقُــولُ أَنَـا وَفِـيٌّ
وَلَكِـنْ لَيْـسَ يَفْعَـلُ مَا يَقُـولُ
سِـوَى خِلٍّ لَهُ حَسَـبٌ وَدِيـنٌ
فَذَاكَ لِمَـا يَقُـولُ هُوَ الفَعُـولُ

Post: #33
Title: Re: ورطة الدبلوماسى عبدالاله ابوسن في الدوحة
Author: بدر الدين الأمير
Date: 08-20-2017, 06:26 AM
Parent: #32

قالوا : ( الأقربون طعناتهم أخطر .. لأنها تأتي من مسافة قصيرة ،،! )







تنهدات/ صدقت ايها الزنديق

Post: #34
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-21-2017, 10:20 AM
Parent: #33

قُضي الامر يا ودالامير .
نقلت الاخبار ان دولة قطر عادت لتدعم حكومة اخوان السودان
وقريبا ستعود الشيخة موزا الى منطقة البجراوية
وقريبا ستعود الودائع القطرية الى البنك المركزي .
اخيرا صدقت شكوكي في الامر حين قلت لك
انه من المحتمل ان يكون موقف السودان من الازمة الخليجية
قد تمّ بالاتفاق الكامل مع قطر ..
لا تجهدوا انفسكم فيما لا طائل منه
فقطر الآن لا تحتاج الى جداريتكم ولا الى دعم جاليتكم
فيكفيها مواقف الخرطوم معها تحت الطاولة
وشيلوا شيلتكم مع ناس المؤتمر الوطنى والسفارة .
يا خيبتك يا ودالامير
الليلة والليلة
الليلة بلل راسك
وبكرا الحلاقة نمرة اتنين
واستعد لهجمة ابوسن الارتدادية
امانة ما تشوف نجوم النهار الحار يا عميل
ومن هنا ولي قدام بطّل شلاقة ....وكان الله في عونكم .

Post: #35
Title: Re: ورطة الدبلوماسى عبدالاله ابوسن في الدوحة
Author: بدر الدين الأمير
Date: 08-21-2017, 11:06 AM
Parent: #34

خلاص بقيت بتاع مواعظ ياعمر دفع الله
انا جنى وجن المواعظ وباركوها اناياسيدى
شيلتى بشيلها وماعندى بتابت

Post: #36
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-21-2017, 02:05 PM
Parent: #35

ههههههههههههههههههههههههههههههههههههه
امير قطر عارف البشير زول دني
لو ما جا بالعين الحمرا ، بجي بالريال
اها بكرا بيشرفكم بشّه في الدوحة
ويقابل الشيخ القرضاوى سرا في القصر الاميري
وتعود قناة الشّر الشيطانية تهلل وتكبر للسفاح الذى ذبح
اهل السودان واليمن ........


Post: #37
Title: Re: ورطة الدبلوماسى عبدالاله ابوسن في الدوحة
Author: MOHAMMED ELSHEIKH
Date: 08-21-2017, 05:34 PM
Parent: #36

تحية طيبة

دا اشوق موضوع في البورد ( من شيق)
بس الامة ماعندها خبر.
سير سير يا امير
ود دفع الله يعوضك الله

Post: #38
Title: Re: ورطة الدبلوماسى عبدالاله ابوسن في الدوحة
Author: عمر دفع الله
Date: 08-21-2017, 07:29 PM
Parent: #37

إياك يا عميل أن تسمع كلام والشيخ دا .
وتقعد يازول يلزوا فيك زي الحمار العايزين يقطعوهو الجدول
وبعد تغطس كرعينك في الموية يضحكوا عليك ... بعد دا إلا تبقا مؤتمر وطني

Post: #40
Title: Re: عبدالمنعم الفكى وباقى الفرقة الموسيقية ع�
Author: معتز القريش
Date: 08-22-2017, 01:02 PM
Parent: #38





















Post: #42
Title: Re: عبدالمنعم الفكى وباقى الفرقة الموسيقية ع�
Author: عمر دفع الله
Date: 08-22-2017, 02:05 PM
Parent: #40

وازيدك من الشعر بيت يا ودالقريش :
https://www.0zz0.com

والله اكتر حاجة وجعتني يا عميل مباراتك للدكتور الكوز المولع بالدبلوماسيين وناس الجناب العالي .
كان صاحبك الدكتور دا عشمو زمان في بداية الانقاذ يعملوه سفير الخرطوم في لندن ويجالس ققم الدبلوماسية
في عاصمة الضباب ، لكن ادوه بالجزمة . تصوّر لقب سفير خلعته الخارجية السودانية لاحقا على امثال احمد سوار
وبخلت به على ابن الترابى المدلل .... شفت المحن دي .

هسي كان ما قِلة شغلة ، الوداّك هناك شنو ؟
وصبرك شوية ، حنلقى ليك صورة مع صاحبك ابوسن زاتو ... هههههه

بالمناسبة الزول الجنب السفير دا المأذون ؟
انتوا جيتوا تعقدوا لي منو في بيت السفير ؟
عجبييييييييييييي ...

Post: #41
Title: Re: عبدالمنعم الفكى وباقى الفرقة الموسيقية ع�
Author: معتز القريش
Date: 08-22-2017, 01:09 PM
Parent: #29

Quote: التحية ليك استاذ عمر ولضيوفك الكرام
اعجبنى الرسم الكركتيرى لموقف بدرالدين الامير و عبدالله ابوسن
اقف بجانب ود الامير ومطلبة الى ان تنعكس الصورة ويتسلم ود الامير مفتاح المركز بتعليق الجدارية ويتقدم عبدالله ابوسن باعتذار كتابي عن تاخر وضع الجدارية


عاد كيفن ما بتقيفي لجانبه ههههههههههه

Post: #43
Title: Re: عبدالمنعم الفكى وباقى الفرقة الموسيقية ع�
Author: معتز القريش
Date: 08-22-2017, 02:25 PM
Parent: #41



أحيييييييييي يا عوضية
وعامل لي فيها مناضل كمان
تصدق يا عمر الصورة دي عمرو ما جاب لي ليها سيرة

العريبي طلع عميل وسدنة كمان

واااااا فضيحتاااااااااه

Post: #44
Title: Re: عبدالمنعم الفكى وباقى الفرقة الموسيقية ع�
Author: عمر دفع الله
Date: 08-22-2017, 03:42 PM
Parent: #43

بصراحة يا متعتز
العميل القطرى شكلو دبلوماسى بالجد اكتر واحد في الصورة .
الوقفة دبلوماسية
والنظرة دبلوماسية
والقشرة دبلوماسية
بس ما بتدي حريف ولله في خلقه شؤون
لكن السيد ابو السن بصراحة كدا يا معتز
بذكرني تجار الفحم في حلتنا .
ولو عندو حبة احساس مفروض يقوم من كرسيهو ويقعد ودالامير الخطيييير .
الظاهر ودالامير إتجدع في مناسبات السفارة
بعد ما تبيدى سافر ونقلوه

بس ما قلت لينا
المأذون دا جا لعقد منو ؟
والمناسبة شنو ؟
بالله لو لقيت خبر ورينا
يمكن ودالامير دا قاعد يناسب الكيزان بالدّس.....



Post: #45
Title: Re: عبدالمنعم الفكى وباقى الفرقة الموسيقية ع�
Author: معتز القريش
Date: 08-22-2017, 11:05 PM
Parent: #44


Post: #46
Title: Re: عبدالمنعم الفكى وباقى الفرقة الموسيقية ع�
Author: najma
Date: 08-23-2017, 02:42 PM
Parent: #45

اقبض ود الأمير 😂😂😂😂😂
للزكرى والتاريخ ود القريش ود دفعةالله مااظنوا ابو لبيد بجى حايم تانى بجاى 😂😂😂😂

Post: #47
Title: Re: عبدالمنعم الفكى وباقى الفرقة الموسيقية ع�
Author: معتز القريش
Date: 08-23-2017, 03:12 PM
Parent: #46



هييييييييييييييع أنا مدمر الغواصات

Post: #48
Title: Re: عبدالمنعم الفكى وباقى الفرقة الموسيقية ع�
Author: عمر دفع الله
Date: 08-23-2017, 03:49 PM
Parent: #47

https://www.0zz0.com

الدكتور الكوز عبدالوهاب الافندى يجرى اتصالا مع الشيخ القرضاوى
ليقوم الاخير بإقناع سعادة السفير السودانى بضرورة دعم جدارية العميل القطرى
الجدارية التى يرفضها معالي الدبلوماسي عبدالاله ابوسن لاسباب تتعلق بمصيره المهني .
فيما يبدو العميل القطري في الصورة وهو مبتسما ومسرورا ومنشرح الملامح
في الجانب الآخر يبدو سعادة السفير وهو غير مرتاح للامر برمته بالرغم من انه
يضع ابسامة صفراء على وجهه وكأنني اسمع صوته من على البعد
وهو يلعن ابوسن في سره ويلعن اليوم الجابو قطر ........ هههههه

تعال ورينا يا عميل قطر
مع من كان يتحدث الافندى ؟
كما ونريد تفسيرا لوجود المأذون في مجلسكم داخل بيت السفير ؟

ابو جلابية على شمال الصورة
دا منو يا ودالامير ؟

Post: #49
Title: Re: عبدالمنعم الفكى وباقى الفرقة الموسيقية ع�
Author: عمر دفع الله
Date: 08-24-2017, 09:31 PM
Parent: #48

من هو عمر كمال , الأمين العام للجالية المنحلة ؟
وما هي علاقته بمعالي الدبلوماسي ابوسن وأثرهذه العلاقة بتعطيل الجدارية التى يتبناها العميل القطري ويشكو الى طوب الارض من أجلها ؟

Post: #50
Title: Re: عبدالمنعم الفكى وباقى الفرقة الموسيقية ع�
Author: عمر دفع الله
Date: 08-25-2017, 09:36 AM
Parent: #49

https://www.0zz0.com
عمر كمال ، الامين العام للجالية المنحلة

عندما وصلتنى الصورة ارسلتها لصديق في الدوحة إن كان يعرف صاحبها
قال لي :
نعم اعرفه ، دا زول بتاع بيسنيس ولديه ايضا مكتب يصدر الترخيصات
للسيارات التى يريد اصحابها السفر بها الى السودان .
سألته عن علاقة هذا الشخص بالجالية والسفارة والمؤتمر الوطنى فرع الدوحة
قال لي :
لا اعرف عنه شيئا ولكنني لمست من طريقته في الكلام وهيئته انه زول مدعوم وواصل
لكنني لا استبعد ان يكون من الجماعة التى تشغل نفسك بهم وبأخبارهم .

سنعود ........

Post: #51
Title: يشهد الله بعدك يا شقيقي العوض المسلمي كل شئ في الدنيا مسخ علي وأولها هذا المكان
Author: معتز القريش
Date: 08-25-2017, 01:04 PM
Parent: #1



اللهم اغفر وارحم أخي وشقيقي الذي لم تلده أمي
اللهم ان عبدك العوض المسلمي بجوارك
فارحمه برحمتك في هذه الأيام الفضيلة التي كان يقضيها بجوار بيتك المعظم
اللهم اكتب له في عام عام حجة مبرورة كما كان يحجها كل عام ويدعو لنا

اللهم انا نشهد له بالخير والعفة والتقوى ولا نزكي على الله أحدا ولكنها شهادتنا فيه

اللهم احفظ أهله وذريته وأجرنا وأجرهم في فقده
اللهم ابدله أهلا خيرا من اهله ودارا خيرا من داره برحمتك يا ارحم الراحمين

اللهم أدخله الجنة بغير حساب ولا مناقشة ولا عتاب

أسالك يا من دخلت هذا البوست أن تدعو له بالرحمة والمغفرة

ولا حول ولا قوة الا بالله العلي العظيم
وإنا لله وإنا اليه راجعون

Post: #52
Title: Re: يشهد الله بعدك يا شقيقي العوض المسلمي كل ش
Author: بدر الدين الأمير
Date: 08-26-2017, 10:39 AM
Parent: #51

جنس بشتنة عليكم
الزنديق عمر دفع الله والظلامم معتز القريش
فعلا التم التعيس على خايب الرجا
هسى المرحوم العوض المسلمى الدخلو شنو هنا غير اللفحى الغير مسؤل

Post: #53
Title: Re: يشهد الله بعدك يا شقيقي العوض المسلمي كل ش
Author: عمر دفع الله
Date: 08-26-2017, 11:50 AM
Parent: #52

السيد عمر كمال المشهور بودالقاضى
هو في الاصل من اقرباء السيد طه الحسين مدير
مكتب الرئيس والذى طُرد من القصر لاسباب لم تفصح عنها الحكومة
فيما تقول مجالس الخرطوم ان قضيته تتعلق بعمل استخباراتي
لصالح السعودية ودولة الامارات ضد قطر . وهذه الجزئية الاخيرة مهمة جدا
لجهة موضوعنا المتعلق برئيس الجالية المنحلة ، السيد ودالقاضى.

تقول مجالس قطر ان ودالقاضى وسعادة السفير السابق، ياسر خضر
ومدير مكتب الرئيس المطرود هم من مهدوا الطريق امام السيد ابوسن
الى موقعه الحالي في السفارة السودانية في دولة قطر .

مما ذكرناه آنفا
نستطيع ان نقرأ موقف السيد ابوسن المعارض لقيام الجدارية
التى ينادى بها العميل القطرى ويبذل الغالي والنفيس من اجلها .

هل يستطيع العميل القطرى ان يتجاوز كل هذه العقباب والسدود المنيعة
ويحقق حلمه في انجاز جداريته ( المستحيلة ) سيما وان معظم السودانيين في قطر
لا يودون الدخول مع اركان المؤتمر الوطنى والبعثة الدبلوماسية في مناكفات في ظل التوتر الحالي في دول الخليج ؟

سيظل العمل القطرى ينبح في الدوحة
ولا اقول كنائب الرئيس ( حسبو ) في الخرطوم
حتى لا اتهم بالبذاءة ... وللاّ مش كدا يا امير الحُسن ؟

Post: #54
Title: Re: يشهد الله بعدك يا شقيقي العوض المسلمي كل ش
Author: عمر دفع الله
Date: 08-27-2017, 01:49 PM
Parent: #53

السيد ابوسن ، مش كان اولى ان يكون اللقاء دا في المركز الثقافي وتطلع سعادتك من الموضوع وتخلي
السودانيين يعملوا الدايرنوا؟ وبعدين متين كانت الانقاذ او كانوا الاسلاميين يهتمون بالشأن الثقافي ؟
انا ماعارف ايه توصيف وظيفتك في السفارة ؟
وما هو اصلا الواجب المناط بك عمله ؟
واين مساهماتك في الفضاء الثقافي التى تؤهلك لهذا المنصب ؟
نعم من حقى ان اسألك والح عليك في السؤال ما دمت تاخد مرتبك من دافع الضرائب الفقير في بلادنا
وما دمت تسبح في الامتيازات دا غير الحاجات التانية وراء الكواليس
واقصد التسهيلات والحاجات التجارية وكدا ........

لي عندك رجاء خاص :
بالله عليك ما ترحم العميل القطرى دا ولا تتركه يتطاول عليك
لازم يكون عندك شخصية قوية ولازم تحافظ على هيبة السفارة
فالسفارة بدون هيبة بتكون زي القطية القاعد تتكلم فيها دي
فمهما يكن من امرك ، فأنت دبلوماسى- كان بالصح وكان بالكضب - وحفظ المقامات واجب أليس كذلك ؟


Post: #55
Title: Re: يشهد الله بعدك يا شقيقي العوض المسلمي كل ش
Author: عمر دفع الله
Date: 08-27-2017, 02:03 PM
Parent: #54

والله يا ناس قطر حيرتونا !
يعني كيف يكون مركز ثقافي للسودانيين في قطر
وتكون السفارة هي صاحبة القول الفصل فيه؟
هل هذا المركز الثقافي يتبع لوزارة الثقافة في الخرطوم ؟
وهل تقوم السفارة بدفع منصرفاته وتمويل نشاطاته ؟يعني دا شنو دا !

Post: #56
Title: Re: يشهد الله بعدك يا شقيقي العوض المسلمي كل ش
Author: معتز القريش
Date: 08-28-2017, 08:06 AM
Parent: #52

Quote: جنس بشتنة عليكم
الزنديق عمر دفع الله والظلامم معتز القريش
فعلا التم التعيس على خايب الرجا
هسى المرحوم العوض المسلمى الدخلو شنو هنا غير اللفحى الغير مسؤل

اسف نزلت هنا بالغلط
رحم الله أخي العوض المسلمي

Post: #57
Title: Re: يشهد الله بعدك يا شقيقي العوض المسلمي كل ش
Author: أبوبكر عباس
Date: 08-29-2017, 04:08 PM
Parent: #56

Quote: كان صاحبك الدكتور دا عشمو زمان في بداية الانقاذ يعملوه سفير الخرطوم في لندن ويجالس ققم الدبلوماسية
في عاصمة الضباب ، لكن ادوه بالجزمة

سلام يا عمر دفع الله،
أعتقد يا عمر، أنني متابع جيد لمثقفي الكيزان، وكنت اتواصل بالبريد الالكتروني مع الدكتور معلقا ومحاورا حول كتاباته الجيدة،
ما تقوله يا عمر، في الاقتباس اعلاه غريب وليس صحيحا!!
الافندي لو خطط أن يكون وزيرا للخارجية، لنال هذا المنصب

أرجو أن تعضض مقولتك اعلاها بمنطق وحجج مقنعة

ولو كمان الموضوع هتاف وبهتان ساكت; عفيناك
ونخليك في غيّك

Post: #58
Title: Re: يشهد الله بعدك يا شقيقي العوض المسلمي كل ش
Author: أبوبكر عباس
Date: 08-29-2017, 04:15 PM
Parent: #57

صورة مجموعة السودانيين تحت جدارية تميم مخجلة،
وفيها سذاجة سياسية ذكرتني بطلائع مايو!!
غايتو بعد عشرة سنين بتخجلوا منها قدام أولادكم

Post: #59
Title: Re: يشهد الله بعدك يا شقيقي العوض المسلمي كل ش
Author: أبوبكر عباس
Date: 08-29-2017, 04:23 PM
Parent: #58

في آخر تواصل لي مع الأفندي قلت له مستفزاً له ومعجباً بمقالٍ كتبه;

خسارة بعد استنارتك دي، تكون لسع مقتنع بالدين بهذه الدرجة؟!
لم يرد علي

Post: #60
Title: Re: يشهد الله بعدك يا شقيقي العوض المسلمي كل ش
Author: أبوبكر عباس
Date: 08-29-2017, 04:28 PM
Parent: #59

طلائع مايو كانوا لمان يتصوروا، بدل صورة الاميرالصغيرة الشايلنها، كانوا بكونوا شايلين سمبرية وورود بنفسجية

Post: #61
Title: Re: يشهد الله بعدك يا شقيقي العوض المسلمي كل ش
Author: أبوبكر عباس
Date: 08-29-2017, 04:41 PM
Parent: #60

السمبرية كانت مصنوعة من الابنوس والورد بتاع بلاستيك منسوج في سلك،
معاوية الزبير والجلاكين بتذكروها في استديو اشراقة

Post: #62
Title: Re: يشهد الله بعدك يا شقيقي العوض المسلمي كل ش
Author: muntasir
Date: 08-29-2017, 04:54 PM
Parent: #61

اها يا عمر كده كويس أهو ما اخير صاحبك بتاع مصطفى إسماعيل جاك الكفراوي داير يقشر بي تواصله مع الأفندي ودايرك تعتذر يعني ما كفاية عليك الكاركتيرات من وين نجيب ليك العذر

Post: #63
Title: Re: يشهد الله بعدك يا شقيقي العوض المسلمي كل ش
Author: عمر دفع الله
Date: 09-02-2017, 05:11 PM
Parent: #62

عيدك سعيد يا منتصر
بس خلينا نروق شوية من زحمة العيد وبرجع للكافر ابن عباس
وبعد العيد عايزين كمان نجّيه ابوسن بي جيهة الختام ، مُش زي وجغة العميل القطرى

Post: #64
Title: Re: يشهد الله بعدك يا شقيقي العوض المسلمي كل ش
Author: عمر دفع الله
Date: 09-08-2017, 02:45 PM
Parent: #63

اها يا ناس الدوحة عندكم جديد في موضوع جدارية التضامن مع قطر ؟
لو انتوا نسيتوا
انا ما نسيت
وتانى جيت.

ومن يصنع المعروف في غير اهله ,, يكن حمده ذما عليه ويندم
https://www.0zz0.com

Post: #65
Title: Re: يشهد الله بعدك يا شقيقي العوض المسلمي كل ش
Author: عمر دفع الله
Date: 09-08-2017, 03:29 PM
Parent: #64

كتب الاخ ابوريش :
باعوا الارض
وحين لم يجدوا ما يبيعوا باعوا المروءة والشهامة السودانية, حتى ترضى عنهم امريكا..
لا يفهم من كلامى انه موجه ضد السعودية والإمارات.. فهذه دول ذات سيادة تمارس حقها
فى الدفاع عن نفسها. ولكن دعم قطر فى ظروف الضيق التى تمر بها ليس من باب التكرم
والأفضل.. ولكن من باب المروءة التى تقضى برد الجميل.. المروءة التى تقول الصديق وقت الضيق..
الشيخة موزة إمرأة زارت السودان واعادت مجده مما فشلت فيه الانقاذ على مدى ثلاثين عاما.. فصار
العالم يعرف ما هى أهرامات البجراويةِ. اليوم يسالكم سفيرها وليته ما سأل ان تشاركوا الشيخة موزا
فرحها بافتتاح مشروع وطنى لهم.. فيأبى هوانكم إلا ان تغيبوا عن المناسبة.. . واقول لكم الهثوا
وراء سراب رفع العقوبات لتنهبوا ما تبقى من موارد الشعب.. ولكن لا تتحدثوا عن الدين ولا
عن المروءة.. ولا عن القيم السودانية من المروءة ورد المعروف والجميل.. التى مرغتموها فى وحل الدولار.

----------------------------
اذا تركنا حرامية الاسلاميين في موقفهم المخزي فهذا ديدنهم في نكران الجميل
ويكفي ما الحقوه بشيخهم الى درجة انه مات مغبونا ومنبوذا ، خلينا نشوف ناس قطر ديل
والمطلوب منهم فقط موقف رمزي في تنفيذ جدارية ، يعنى بس حيطة يكتبوا فيها اي حاجة بسيطة
زيهم زي باقى الجنسيات ، كنوع من العرفان للدولة التى اعطتهم المركز الثقافي من حر مالها ....
يا عيب الشوم عليكم يا ناس قطر تسيبوا واحد لا يعرف من الدبلوماسية حتى الاسم ، يتمسخر عليكم كأنكم بهائم في زريبة .

Post: #66
Title: Re: يشهد الله بعدك يا شقيقي العوض المسلمي كل ش
Author: عمر دفع الله
Date: 09-08-2017, 11:00 PM
Parent: #65

يا ناس قطر ، هل كان معالى سعادة الدبلوماسي ابوسن بين الحضور في حفل الافتتاح ؟نرجو من لديه صورة ان يرفد بها البوست .