Post: #1
Title: دعوة لكتابة مزكرة للسفير السودانى بقطر حول المركز الثقافى وعبدالإله ابوسن
Author: بدر الدين الأمير
Date: 08-10-2017, 08:35 AM
07:35 AM August, 10 2017 سودانيز اون لاين
بدر الدين الأمير-دولة قطر
مكتبتى
رابط مختصر القطريين منحونا مركز ثقافى للسودانيين بكافة اطيافهم
والكيزان بتعاملو معه كمقر لحزبهم والمختلف معهم ممنوع
من الاقتراب والتصوير ولانهم مفلسين في مسألة الاداب
والفنون عملو على تحويله لبيت عزاء واتو بعبدالإله بوسن
في وظيفة ملحق ثقافى عشان يقوم بدور التدمير وقد فعل سرح
اللجنة التى كانت تسير كل الفعاليات الثقافية والفنية بالمركز
وقال حايجيب موظفين متفرغين برواتب واللجنة
السابقة وكان من ضمنها الفنان الكبير محمد السنى دفع الله كانت
متطوعة بلمجان وقد مضى الان اكثر من خمسة شهور والمركز
الاينعق فيه البوم
|
Post: #2
Title: Re: دعوة لكتابة مزكرة للسفير السودانى بقطر حو
Author: بدر الدين الأمير
Date: 08-10-2017, 08:49 AM
Parent: #1
الكيزان ملاحقننا بالتدمير في كل مكان
|
Post: #3
Title: Re: دعوة لكتابة مزكرة للسفير السودانى بقطر حو
Author: muntasir
Date: 08-10-2017, 09:03 AM
Parent: #2
بوم شنو ومذكرة شنو سئيلك الله مطعم الحوش فيه شاي لبن مقنن وباسطة إلا تكون متكل عشان ما تقع
|
Post: #4
Title: Re: دعوة لكتابة مزكرة للسفير السودانى بقطر حو
Author: بدر الدين الأمير
Date: 08-10-2017, 09:15 AM
Parent: #3
يامنتصر
صاحب مطعم الحوشد بالمركز الثقافى ادقى جرس مافى فعاليات مافى زباين
|
Post: #5
Title: Re: دعوة لكتابة مزكرة للسفير السودانى بقطر حو
Author: najma
Date: 08-11-2017, 07:32 AM
Parent: #4
ود الأمير جمعتك مباركة انت وضيوفك
يعجبنى ومتابعة بطرحك للنقاش تجميد وضع المركز الثقافى السودانى بالدوحة
تمنياتى باسترداد المركز كمنارة ثقافية محايدة غير مسيسة
تحياتى للاستاذ الفنان القدير محمد السنى ونتمى مشاركتة من جديد في المركز الثقافى
|
Post: #6
Title: Re: دعوة لكتابة مزكرة للسفير السودانى بقطر حو
Author: بدر الدين الأمير
Date: 08-11-2017, 09:23 AM
Parent: #5
لك التقدير دكتورة منال
ياسيدتى نحن فى الدوحة السفارة عبارة عن فرع لجهاز الامن والمخابرات
جالية معطلة مركز ثقافى ينعق فيه البوم هل تصدقى ان مبانى المدارس السودانية
الجديدة بقطر مبنى ياضاهى القصر الجمهورى فخامة وانت اكاديمية ومهندسة تدركين اهمية
المبنى للطلاب مش المبنى وبس وحتى الاثاثات اهدتها دولة قطر للسودانين
وبالمقابل مبنى السافارة السودانية الجديد ولعله اول مبنى مصمم على طراظ
العمارة السودانية تبرعرت به دولة قطر موسس وجاهز ويجى واحد زى عبدالإله
ابوسن يحرمنا من ان حتى نتضامن مع القطرين في محنتهم او نقول لهم كرخيركم فضلت خيركم
لا ويسرح الفنان القامة محمد السنى دفع الله وانا طوال اقامتى في قطر لم ارى سودانى
يتنافس القطرين في حبه حتى على مستوى القيادات زى السنى والسنى بالمقابل وعلى مدى
اكثر من عشرين سنة درس وخرج اجيال في مجال المسرح بقطر وكان في المركز الثقافى
يدرب اطفالنا على فنون المسرح وبلمجان الكيزان ياسيدتى قتلة
لكل شىء انسانى ونبيل (وسوء الظن العريض يفوقونه بمراحل)
تنهدات : عددالسودانين في قطر يقارب الستين ألف وكان ممكن يكون المركز الثقافى متنفس
لكن ولابد من لكن الكيزان وكعهدنا بهم اتو بمن يكتم انفاسنا
|
Post: #7
Title: Re: دعوة لكتابة مزكرة للسفير السودانى بقطر حو
Author: najma
Date: 08-12-2017, 04:52 PM
Parent: #6
العزيز بدرالدين الأمير
تقديري لتعليقك
كنت احسب ان المراكز الثقافية سميت بذالك لتبادل ثقافات الشعوب منارة لنشر ثقافتنا كشعب ولا احسب ان تكون بؤرة للتصفيات السياسية ابسط شيء ان تنأ الادارة عن تسيسة واستخدامة في ماهو غير ثقافى لكل مقام مقال وللمبنى مسمى ثقافي اتمنى ان يعود الى وضعة الطبيعى حتى يتثنى للمبدعين من ابناء السودان في بلاد الهجرة نشر ثقافتنا السودانية الجميلة التقدير للشعب القطرى على مواقفة المشرقة للمساهمة بتكاليف الانشاء والتاثيث للمؤسسات السودانية بالدوحة كما زكرت واتمنى رؤية جدارية سودانية مشرفة على مداخل مبنى المركز الثقافي السودانى مزينة بتواقيع ابناء الجالية السودانية بقطر معبرة عن شكرنا لهذا الشعب الشقيق ومثلها مختلف الجداريات للتضامن مع الشعب القطرى ع مداخل جميع المنشاءات السودانية بقطر فهل جزاء الاحسان الا الاحسان
اتمنى ان يصل صوتك للمسؤلين حتى يعود المركز الثقافي السودانى كما يتمنى الجميع
كن بخير ود الامير
|
Post: #8
Title: Re: دعوة لكتابة مزكرة للسفير السودانى بقطر حو
Author: بدر الدين الأمير
Date: 08-13-2017, 08:27 AM
Parent: #7
شكرا دكتورة منال
الامر اعقد من كدا عبدالإله بوسن الملحق الثقافى بسافرة السودان بقطر
وهو مبعوث السفير السودانى الاسبق ياسر خضر والاخير اسوأ سفير سودانى
مرا علينا في قطر طوال الكم وتلاتين سنة العشتها في قطر وياسر خضر
هو الان وكيل وزارة الثقافة في السودان تاملى ياسر حا يرسل لنا محلق ثقافى لولم يكن
على شاكلته عبدالاله بتلقى التعلمات من ياسر خضر
|
|