مبدئيا وبشكل قاطع ضد نشر الشائعات وما أظن انفرد بهذه الصفة بل تقريبا الجميع هنا وخارج المنبر يتفقون معي ولكن
Post: #2 Title: Re: بهدوء حول الشائعات Author: عبدالحفيظ ابوسن Date: 07-23-2017, 03:40 AM Parent: #1
خلونا نعرف الشائعة ونفرق بينها وبين غيرها نعرفها ونشوف من المسؤول عن انتشارها وعلي من تقع المسؤولية ونحن زاتنا ضدها ليه
Post: #3 Title: Re: بهدوء حول الشائعات Author: عبدالحفيظ ابوسن Date: 07-23-2017, 03:42 AM Parent: #2
ما ممكن تقطع الكهربا وحين يتحدث الناس عن الظلام تحاكمهم بتهمة نشر الشائعات مستندا علي حقيقة سوء الظلام الذي لا يختلف معك احدا في سوئه
Post: #4 Title: Re: بهدوء حول الشائعات Author: عبدالحفيظ ابوسن Date: 07-23-2017, 03:46 AM Parent: #3
ممكن نخت معادلة بسيطة ممكن تكون مدرسية ولا تطلب ذكاءا ولا علما زائدا
الشائعة تعني الظلام ولا ينهي الظلام إلا انتشار الضوء الظلام لا يهزم الضوء ولا ينبغي له إن كل ظلام العالم عاجز عن إطفاء نور شمعة
Post: #5 Title: Re: بهدوء حول الشائعات Author: عبدالحفيظ ابوسن Date: 07-23-2017, 03:50 AM Parent: #4
الطفا النور منو لا ادعي معرفة زائدة . ولا امتلاك الحقيقة ولا جزءا يسيرا منها ولكني لا استح من عرض فهمي اقول ما اظنه ومستعد للحوار حوله التراجع منه دون احساس الهزيمة الثبات عليه ولكن من خلال المنطق السليم أي غير المريض اساهم واطلب برجاء من الاخرين ان يساهمو لنهزم الظلام ونتش عين الضلام بالضو
Post: #6 Title: Re: بهدوء حول الشائعات Author: عبدالحفيظ ابوسن Date: 07-23-2017, 03:51 AM Parent: #5
نمسك الصحف نمسك السلطات المحلية من ساهمت في تشكيل عقلية رجل الشارع وتقرأ امرأة الشارع عشان المساواة العلمية وكدة
Post: #7 Title: Re: بهدوء حول الشائعات Author: عبدالحفيظ ابوسن Date: 07-23-2017, 03:54 AM Parent: #6
وتحدثت سابقا عن هذا الأمر في حينه ومرارا لو بكرى اداني مكتبة كان طلعت ليكم البوستات الجرايد ونشرها كثير من الجرائم المفبركة لزيادة رفع التوزيع بل بعض الجرايد تخصصت في الاثارة ولم توقف ولم تنبه لذلك ولم تعاقب
Post: #8 Title: Re: بهدوء حول الشائعات Author: عبدالحفيظ ابوسن Date: 07-23-2017, 03:58 AM Parent: #7
قصص عن جرايم خيالية وصعبة التصديق يحكوها بالتفاصيل وحلقات لشد الانتباه والعناوين المثيرة يدعون صحتها ومش كدة وبس ينقلو جرايم العالم برة كمان ومش كدة وبس ينقلوا الجرايم من التاريخ ومش كدة وبس ولا يهتمون بالمصدر ولا صدقيته خم بس يخمو وينشرو تحت سمع وابصار السلطة
Post: #9 Title: Re: بهدوء حول الشائعات Author: عبدالحفيظ ابوسن Date: 07-23-2017, 04:04 AM Parent: #8
خلو الجرايم شوفو الاحداث الغريبة التي لا تكاد تصدق وبرضو بقصد الاثارة ولادة عنامية لتمساح ولا ولادة تمساح براس تور او نحو ذلك وصور كمان ووجود شنو ما عارف كيف لاغية للمعرفة والعلم والقصة علي حلقات وصور والفوتوشوب قاعد ينشرو بس تشكيل عقلية جمعية تصدق اي شي ما جابو في الجرايد وبقا سوق مربح ورائج انتو قايلين الكلام دة بمر ساي دة بساهم بشكل فعلي في خلق وعي جمعي يصدق اي شي بالتكرار وتنوع القصص والعرض المثير
Post: #10 Title: Re: بهدوء حول الشائعات Author: عبدالحفيظ ابوسن Date: 07-23-2017, 04:07 AM Parent: #9
ولا قصص المكوة ولا الزول البسحب اعضاءك الذكرية بالمصافحة ولا ولا انتشرت في الجرايد الجرايد البقروا الناس اكتر من البخشو النت البقروا الناس لي روحهم ولي الناس المابتعرف تقرا ويورهم الصور ويبقا ونسة
Post: #11 Title: Re: بهدوء حول الشائعات Author: عبدالحفيظ ابوسن Date: 07-23-2017, 04:09 AM Parent: #10
المنابيذ ذات الاشارات الجنسية البذيئة الطافحة في الجرايد واللغة العدائية والمتسلطة المهددة بسلطات غير مرئية دة كلو بأثر في وعي الناس وبرسخ الاعلام ودوره في المجتمع ديل طفو النور ولازالوا
Post: #12 Title: Re: بهدوء حول الشائعات Author: عبدالحفيظ ابوسن Date: 07-23-2017, 04:15 AM Parent: #11
الحكاوي الكان ببثها النظام من اجل روح القتال والتحريض عليه الحكاوي الظلوا ينشروها في التلفزيون ومن اناس صاروا في السلطة ثم تنكروا لها ولكنها فعلت فعلها تصريحات السلطة بأخبار لا يصدقها عقل علمي ونقدي ولكن يصدقها العقل الجمعي وتشكله قصص ذهب الشركة الروسية وبالاطنان اكتشاف بركة جوفية وين ما عارف الكهربا قرضها فار ووووو كتيرات ودة كلو لو بكري اداني مكتبة كان جبتو ديل طفو النور
Post: #13 Title: Re: بهدوء حول الشائعات Author: عبدالحفيظ ابوسن Date: 07-23-2017, 04:18 AM Parent: #12
العربات المتكلة في مداخل الاسواق والناس الشايلين مكرفونات ويعرضوا بضاعتهم ادوية تعالج اي شي وبي مبلغ زهيد من الصداع والعجز الجنسي والايدز والبواسير وبالمكرفون ينشرون الخرافة والجهل وبعلم السلطات ديل طفو النور
Post: #14 Title: Re: بهدوء حول الشائعات Author: عبدالحفيظ ابوسن Date: 07-23-2017, 04:20 AM
Post: #15 Title: Re: بهدوء حول الشائعات Author: عبدالحفيظ ابوسن Date: 07-23-2017, 04:22 AM Parent: #14
لامن تساهم وبشكل مستمر في عدم الموضوعية وإلغاء العقل وبتشكل في عقلية تصدق كل ما تسمعه او تقرأه لوم نفسك ونحن بنلومك لكن بنساهم في حرب الشائعات كنت ولا زلت بنحاربها بالنور بالمعرفة وهسة يدك معانا يا سلطة
Post: #16 Title: Re: بهدوء حول الشائعات Author: عبدالحفيظ ابوسن Date: 07-23-2017, 04:28 AM Parent: #15
في فرق بين نشر معلومة صحيحة تضر بعض الجهات ونشر شائعة الموضوع يكون واضح قصة طه شبكتونا شائعة طلعت صاح لامن غلط
Post: #17 Title: Re: بهدوء حول الشائعات Author: محمد محمد قاضي Date: 07-23-2017, 05:57 AM Parent: #1
(وهسة يدك معانا يا سلطة)
كلامك جميل وأفكارك مرتبة يا أبو سن
وإن شاء الله أخونا بكري يديك مكتبة
لكن جملتك الفوق ده إنت جادي فيها؟
Post: #18 Title: Re: بهدوء حول الشائعات Author: عبدالحفيظ ابوسن Date: 07-23-2017, 06:08 AM Parent: #17
رحم الله السلم التعليم هتك قداسته بهواجة صابر ثم فضو بكارته قصة محمود الكضاب ومن الابتدائي ترسل الشائعات الكاذبة سترتد عليك لتكون نموذجا لنفي الاشاعات يجب ان تكون صادقا
Post: #19 Title: Re: بهدوء حول الشائعات Author: عبدالحفيظ ابوسن Date: 07-23-2017, 06:13 AM Parent: #18
حبابك قاضي كيف ما جادي ياخ اعيش داخل السودان . تحت سلطة شئت ام ابيت فهي تحكمني وتستطيع فرض القوانين غصبا عني . فمن باب اولي ان تكون تلك القوانين والضوابط عادلة وانسانية ومنصفة ومناطحة السلطة دون ادوات تغيير ثورية او قدرة هي معركة طوباوية خاسرة
Post: #21 Title: Re: بهدوء حول الشائعات Author: أحمد محمد عمر Date: 07-23-2017, 06:35 AM Parent: #19
قبل كم يوم بظبط في قنوات الريسيفر اتفاجأت بكمية مهولة من قنوات الرقية الشرعية بتضع أرقام اتصال وتنشر عناوين الشيخ المعالج المعمولة عشانه القناة افتكرتها قناة واحدة وكل ما أمسح ألقى غيرها ما عاوز اتكلم في الرقية نفسها لكن الرقية التجارية دي ما بقتنع بيها حتى كان طار شيخها في السماء بس اللاحظتو من خلال الناس الحوالي المقتنعين بتأثير الجن والعمل وهيك شغلات إنهم بعلقوا كل اخفاقاتهم في الحياة على عامل خارجي ما بقدروا يسيطروا عليه وإنهم ضحية لعمل من حاسد وباقي المفاهيم البتتيح ليهم الاستمتاع بعطالتهم وقعودهم عن الاجتهاد
الحاجة التانية اللي لاحظتها قناة المواعدة برضو كانت كتيرة لدرجة مملة ومعروفة تلفوناتهم بتلحس رصيدك في ثواني ما عارف الآلية شكلها كيف بس دة البحصل جربها صاحبي مرة زمان .. بس ما من قناة وإنما جاتو رسالة تلفون من رقم غريب وبالعربي وبلهجة شامية ما معناهو اتصل وانا في المطار ومحتاجة ليك وبتاع شغل السماعة الخارجية واتصل بالرقم دخل طوالي بدون جرس وبدأ فيه صوت بت واضح إنه مسجل في كمبيوتر وبدت تتكلم ببطء شدييييييد لأنك انت صديق حميم أنا اخترتك من دون الناس ولأنك انت ولأنك انت .. وقبل ما نوصل لكلمة مفيدة من التسجيل الرصيد صفّر .. كم وعشرين جنيه اتلحست في 9 ثواني
الفكرة إنه الحاجتين ديل في نظري نصب واحتيال مقنن إعلامياً وبنشر الوعي السالب
Post: #20 Title: Re: بهدوء حول الشائعات Author: محمد محمد قاضي Date: 07-23-2017, 06:28 AM Parent: #1
وهل نرجو من حكومة (سلطة) دكتاتورية فاسدة قوانين وضوابط عادلة وانسانية ومنصفة؟؟؟؟
هي ذات السلطة التي تريد وتعمل ليل نهار لهتك وتفتيت النسيج الإجتماعي للأمة السودانية ولذلك تسهل علي نشر الشائعات والأوساخ والفوضي
Post: #22 Title: Re: بهدوء حول الشائعات Author: عبدالحفيظ ابوسن Date: 07-23-2017, 06:54 AM Parent: #20
شوفو التصريح دة من جهاز المغتربين الحكومة ليست جهة خيرية لتوظيف العائدين محتاج بوست الواحد يطرشهم كلامهم دة لامن يتناكرو ويقولو الصحفي حرف الكلم عن مواضعه وشوف الثنائية جهة خيرية قصادها جهة ربحية كأنو الدولة دكان وكأنو ما بعرفو التخطيط المركزي والقطاع الخدمي كنانة الهسة بقت تبيض ذهبا عملوها اولا لخدمة المنطقة وعسلاية ومشاريع الاعاشة زمان الحكومة تعمل مشروع مخصوص لتوظيف الناس ودة شغلها عشان توطنهم وتخليهم يستقرو وينتجو نتكلم هسة يقولو شائعات دة الكلام البفور الدم من الصباح ازدراء وتعالي واستخفاف وحقارة راسها عديل معليش وجعني وما داير اكتر البوستات سأعود للرد الراتب
Post: #23 Title: Re: بهدوء حول الشائعات Author: محمد البشرى الخضر Date: 07-23-2017, 07:07 AM Parent: #22
سلامات يا ود اب سن ما فهمت الفكرة شنو من ايراد المقارنات الكثيرة دي مرة مع السلطة ومع الجرائد ومع اعلام الدفاع الشعبي و حتى عربات الاسواق؟ هل دا تبرير لنشر أو اعادة نشر الشائعات هنا مثلا وفي الاسافير؟ كل زول معلّق من عرقوب مصداقيته براه و حكمته و عقله, كن الدنيا دي كلها جنّت كي و كذّبت و تناقلت الشائعات ليس عذرا لك لتماريهم في غيّهم! ولاّ كيف؟
Post: #24 Title: Re: بهدوء حول الشائعات Author: عبدالحفيظ ابوسن Date: 07-23-2017, 07:10 AM Parent: #23
يا ودالبشرى لا اتحدث عن الافراد اتحدث عن جموع الناس لماذا يصدقون
Post: #25 Title: Re: بهدوء حول الشائعات Author: عبدالحفيظ ابوسن Date: 07-23-2017, 07:15 AM Parent: #24
اوووو معلمي فعلا احمد ودعايات العلاج والاعشاب والمستشفيات التي تعالج امراضا مستعصية وبرامج عديل في القنوات تنشر اللاعلم بتحصد الشائعات من كل نوع
Post: #26 Title: Re: بهدوء حول الشائعات Author: عبدالحفيظ ابوسن Date: 07-23-2017, 07:18 AM Parent: #25
ايوة بطلب منها مش طلب بس وبضغطها في اتجاه الانسانية والديمقراطية والعدالة المعارضة ليس منهجا بل طريقة لجعل هذا الوطن ديمقراطيا حرا يسع الجميع
Post: #27 Title: Re: بهدوء حول الشائعات Author: محمد البشرى الخضر Date: 07-23-2017, 07:20 AM Parent: #24
من الاسباب التي تدعو لتصديق الناس للشائعة في رأيي: إمّا أنّها مريحة وتخدم غرضا و يحبون تصديقها- مثال اغلب شائعات المعارضة عن أمور تسيئ للنظام او أنّها تبرّر لهزيمة ما أو عجز عن فعل شيئ فتأتي الشائعة بقصة أكبر من الامكانيات و خارج القدرة فتاتي بمرر يخرج من الاحباط وأخيرا الشائعة خاصة التي تنال شخص او سمعة رمز او شخص اعلى أو متفوق عليك تعطي شعور بالراحة النفسية مثال فلان دا عمل ثروته بالسرقة أو نال شهاداته العليا بالتزوير و منصبة العالي دا بالواسطة أو كان تتي في الابتدائي أو ابوه سدنة و غيرها
Post: #28 Title: Re: بهدوء حول الشائعات Author: عبدالحفيظ ابوسن Date: 07-23-2017, 07:36 AM Parent: #27
عارف ليه بصدقو يا ودالبشرى لأنها قاعدة تحصل وبشوفها في اي مدينة في نموذج صارخ طه نموذج حي ومتطرف كمان شيخ الامين نموذج آخر وغيرهم عشان كدة لامن يقولو ليك بتصدق لكن لو كان ما حصلت ما بصدق
Post: #29 Title: Re: بهدوء حول الشائعات Author: محمد البشرى الخضر Date: 07-23-2017, 07:41 AM Parent: #28
دا المطلوب يا ود اب سن استعمال معيار وميزان العقل قبل التصديق على العمى و اعادة النشر بعد داك كل زول و ميزانه وتجربته, لكن الحاصل اسي مجرد ورود الخبر او الاشاعة في الوسائط مدعم بصور - ولو كانت من القرن الفات - أو منسوب لمصدر فخيم أو شخص موثوق يكفي للفح و اعادة النشر حتى لو كان الكلام ساذج او مستحيل منطقيا لا وكمان يغالطوك يتحججوا ليك بانه ياخ جا في الواتساب أو معاه صور !!
Post: #30 Title: Re: بهدوء حول الشائعات Author: عبدالحفيظ ابوسن Date: 07-23-2017, 07:47 AM Parent: #29
بس كدة جيت عديل وين العقل في النماذج الذكرتها فوق دي سيكلوجية الحشود اصلا انت جهزت الحشود عشان تصدق اي لامعقول انت وغيرك بتشغلو عقلكم . تشغيل عقلكم دة عشان تشكلو وعي جديد الوعي هو البحارب الشائعات مش القوانين الضوء هو البنير الظلام مش اجباري علي رؤية الظلام مضيئا
Post: #31 Title: Re: بهدوء حول الشائعات Author: محمد البشرى الخضر Date: 07-23-2017, 08:11 AM Parent: #30
Quote: وين العقل في النماذج الذكرتها فوق دي
اي نماذج؟ الذكرتهن انا ولاّ أنت؟
Post: #32 Title: Re: بهدوء حول الشائعات Author: عبدالحفيظ ابوسن Date: 07-23-2017, 08:26 AM Parent: #31
الذكرتها انا وما تنشره اجهزة الاعلام والصحافة هيأت الناس لتصديق اي قصة
Post: #33 Title: Re: بهدوء حول الشائعات Author: محمد على طه الملك Date: 07-23-2017, 08:07 PM Parent: #32
سلامات ود ابوسن وضيوفه ..
Quote: تقرير: رانيا الأمين (smc) يبدو ان موقع السودان الجغرافي وادواره السياسية والأمنية التى يلعبها في المنطقة العربية والأفريقية اجبرت الولايات المتحدة على الإعتراف باهميته ونفوذه في إطار المحافظة على السلم والأمن في القارة الأفريقية ، الأمر الذي ربما يساهم في إعادة رسم السياسية الخارجية للولايات المتحدة تجاه القارة الأفريقية . حيث ظلت جهود السودان في محاربة الإرهاب موضع اشادة عبر جميع المنابر الدولية والاقليمية من خلال مساهماته في الحفاظ على أمن وإستقرار القارة في ظل المتغيرات الدولية والإقليمية . ويمكن استنتاج ان السودان حاصر الولايات المتحدة في خياراتها للتعامل معه من خلال دوره في تحقيق السلام في جنوب السودان بجانب مساهمته في حل الأزمة الليبية ، فضلاً عن مشاركته في التحالف العربي بقيادة المملكة العربية السعودية لإستعادة الشرعية في اليمن ، حيث لم يبقي لدي الولايات المتحدة خيار سوي الإعتراف به شريكاً في تحقيق السلام في المنطقة وجاء ذلك على لسان القائم بالأعمال الأمريكي ستيفن كوتسيس حينما اعلن إن العلاقات السودانية الأمريكية ستشهد تطوراً مهماً واشار الى عدم رغبة بلده في الرجوع إلى الوراء.
شوف دا مقتطف من تقرير طويل عريض صادر من مركز رسمي تابع للحزب الحاكم .. هنا https://www.alrakoba.net/news-action-show-id-281553.htmhttps://www.alrakoba.net/news-action-show-id-281553.htm شوف كمية الكضب الفيهو .. أكيد الوضعوا مناهج التعليم على أيامنا زي ما تفضلت كان عندهم حس نبوءة .. حكو لينا قصة محمود الكضاب وبرز الثعلب يوما في ثياب الواعظينا والذهب الذهب يكاد عقلي يذهب .. وكأنهم كانوا يدركون أن عقولنا يوما ستذهب.. انا ماشي بعيد ليه ! هسة قنبلة السيد ح في الصفحة الأولى عن رفع اسم السودان من الدول الراعية للارهاب .. ذي دا نصنفوا في باب الاشعاعة أم الخبر الصادق؟ ديل أرباب البيت وسياد الشيء ذاتو تلوم لي الجيران. الله يديك مكتبة ؤ يريحنا ياخي .
المنشور الصادر من جهاز الامن لرؤساء الصحف يوم امس 22 يوليو 2017م بخصوص حظر النشر فى قضايا الاختفاء والاختطاف يندرج فى باب تسهيل انتشار الشـائـعـة . النظام يخاف من قول الصدق والحقيقة وكأنّ الصدق سيؤدى الى زوال ملكه .
Post: #36 Title: Re: بهدوء حول الشائعات Author: محمد على طه الملك Date: 07-23-2017, 09:03 PM Parent: #35
Quote: النظام يخاف من قول الصدق والحقيقة وكأنّ الصدق سيؤدى الى زوال ملكه .
بالضبط يا علاء دا هو الهم الأكبر والشغل الشاغل لهم من رئيسم لى خفيرم .. لدرجة إنو الكضب عندهم بقى استراتيجية عليا للدولة حتى لو كان مهدد للأمن الاجتماعي .. نعم الخوف من الشارع بقى متلازمة .. شوف براك جرسة جهاز الأمن من الف طالب مسالمين قدموا استقالاتهم وتصرفاتهم الغريبة الماعندها علاقة بالمطلق بتقاليدنا السودانية تجاههم !!
Post: #37 Title: Re: بهدوء حول الشائعات Author: كمال عباس Date: 07-24-2017, 03:19 AM Parent: #36
البعض يفترض ان الشائعات مصدرها المعارضة والاختلاق منبعه المعارضة والكذب ولد في رحم المعارضة ! علما بان هذه الافات قد يكون مصدرها اعلام النظام وامنه و وقادته ! وقد تكون اشاعات انقاذية منظمة او اكاذيب تصدر من البشير واعلي سلطات في الدولة لا مجرد اشاعات واختلاقات فردية معزولة او ممارسات يتحملها افراد يعارضون النظام بصفتهم الشخصية !! ** موضوعيا غياب الشفافية والصراحة والاعلام الحر والافتقار لتمليك الحقائق للجماهير يخلق مناخ غير صحي يفرز الاشاعة السياسية ويغذيها !! ** هذه الممارسات السلبية مرفوضة غض عن الجهة التي تصدرها ولكن الموضوعية تتطلب عدم تحميل او افتراض ان الشائعات والاكاذيب تصدر دوما من مواقع المعارضة علما بان اخطرها واكثر ضررا ياتي من الحكومة ! ~~
Post: #38 Title: Re: بهدوء حول الشائعات Author: عبدالحفيظ ابوسن Date: 07-24-2017, 06:48 AM Parent: #37
حباب الملك صدقت وللاسف غابت عنهم معلومة واضحة جدا وهي سهولة التقصى . ومعرفة المصدر وبدون مجهود كمان . وحتي سهولة الترجمة وبعدينك اصلا اي زول بعرف نت وذو خبرة لا يثق سريعا في معلومة تصل حد التطرف حول امر ما .
Post: #39 Title: Re: بهدوء حول الشائعات Author: عبدالحفيظ ابوسن Date: 07-24-2017, 06:53 AM Parent: #38
تسلم علا كلمو ياخ صحيح التعتيم يتيح فرصة للشائعة تتذكر الحكوة الفلسفية بتاعت الناس العميانين البتلمسو في الفيل اياهو كدة لو خليت الناس في ضلام الجهل بتكتر اشباح الظلام
Post: #40 Title: Re: بهدوء حول الشائعات Author: عبدالحفيظ ابوسن Date: 07-24-2017, 06:53 AM Parent: #38
تسلم علا كلمو ياخ صحيح التعتيم يتيح فرصة للشائعة تتذكر الحكوة الفلسفية بتاعت الناس العميانين البتلمسو في الفيل اياهو كدة لو خليت الناس في ضلام الجهل بتكتر اشباح الظلام
Post: #41 Title: Re: بهدوء حول الشائعات Author: عبدالحفيظ ابوسن Date: 07-24-2017, 07:03 AM Parent: #40
مرحبا كمال فعلا كلامك واظنها دى واحدة من اساليب الاعلام . وتوجيهه البوجع في الامر ان يصدر الامر من مسؤول تنفيذي شوف وزير الاعلام زات نفسو يصرح تصريح موثق صورة و صوت ويجي يغالت فيهو
Post: #42 Title: Re: بهدوء حول الشائعات Author: عبدالحفيظ ابوسن Date: 07-24-2017, 08:02 AM Parent: #41
تشكر يا ملك ستشرق الشمس ناشرة ضوءها الساطع ويدك معانا داير مكتبة مالي صغير ولا ما بالغ
Post: #43 Title: Re: بهدوء حول الشائعات Author: عبدالحفيظ ابوسن Date: 07-24-2017, 10:34 AM Parent: #42
الحكومة قايمة وقاعدة ولجنة برئاسة السيد الرئيس ومجلس الوزراء والقنوات كلها تتحدث لاصدار قانون لمعاقبة الشائعة حاجة تحير الاولى شنو تقومو وتقعدو لحماية امن المواطن ولا الشايعة المرقت من عدم شعورو بالامان
Post: #44 Title: Re: بهدوء حول الشائعات Author: عبدالحفيظ ابوسن Date: 07-24-2017, 10:37 AM Parent: #43
اها قبل انسي ومراجعة قانون الاتصالات ومعاقبة كتاب النت وقت الله رفع قدمكم لمراجعة قانون الاتصالات اكسبو فينا اجر وشوفو معاكم سوء الشبكة وغلاء الاسعار
Post: #45 Title: Re: بهدوء حول الشائعات Author: محمد على طه الملك Date: 07-25-2017, 11:41 PM Parent: #44
يعني لما اسمع تقرير زي دا من قناة رسمية يتردد فيه اسم السودان ..
ولما اسمع مقابلة لايف في قناة سودانية مع سيدة تقول انها تعرضت للاختطاف .. وانقل التقرير لأهلى كان بفيس او واتس أو أي موقع لالفت انتباههم وتوعيتهم ابقى نشرت شائعة؟ الشائعة تصبح جريمة معاقب عليها لما موضوعها يكون مكيف كجريمة مثل اشانة السمعة ، القذف ، الاحتيال .. الخ..
Post: #46 Title: Re: بهدوء حول الشائعات Author: عبدالحفيظ ابوسن Date: 07-26-2017, 05:02 AM Parent: #45
بس يا الملك جبت العقدة في المنشار ياخ مرات لو اتناولت خبر من تصريح مسؤول تتهم بالاشاعة
Post: #47 Title: Re: بهدوء حول الشائعات Author: محمد البشرى الخضر Date: 07-26-2017, 05:54 AM Parent: #45
يا مولانا المسالة ليست بالحدة و الحرفية دي, المطلوب تحكيم العقل و الفرز قبل اعادة النشر الحس السليم يقول إذا كان المتحدّث مجنون فا المستمع عاقل, و الرسول الكريم عليه الصلاة و السلام ذم تحدث المرء بكل ما سمع و الدين أمر بتبيّن النبأ الآن ظهرت ظواهر عجيبة من فبركة عناوين صحف و فيديوهات فضائيات وقنوات اخبارية وغيرها لذا الحذر مطلوب و أخذ الحاجات من مظانها, فيديو تقرير من الواتساب قد يفرق عن نفس الفيديو من التلفزيون مياشرة ناهيك عن احتمالية الكذب و الفبركة من القنوات و الصحف, خذ مثلا مانشيت صحيفة آخر لحظة المحرِّف لحديث دكتور كرّار! الذي انتشر أخيرا طوفان الميديا وسهولة التزييف وحب الناس لترويج ما يريحهم غض النظر عن مصداقيته يفرض على الشخص واجب التريّث و المراجعة مرة واتنين وتلاتة حتى لا يتم استغلاله في خدمة اجندة صاحب الاشاعة الأصلي
Post: #48 Title: Re: بهدوء حول الشائعات Author: عبدالحفيظ ابوسن Date: 07-26-2017, 06:10 AM Parent: #47
طيب نحكم العقل والكومون سينس يا ودو امسك موضوع طه وحكم كل من اردت تحكيمه من حواس هل تصدق ان كاتم اسرار رئيس يقدم طلب لنيل جنسية دولة اخري وهل تصدق ان يتم ذلك بعلم رئيسه وهل تصدق انه يعلم ثم يتركه في منصبه وهل تصدق ان من يثبت تورطه يسمح له بمغادره البلاد وهل وهل وهل تصدق ان يتم تبرير انقطاع كهربا عموم السودان بواسطة فأر وهل تصدق ان من يصرح ويوثق له صوت و صورة ويأتي لينكر وهل تصدق ان شركة مجهولة تخدع دولة كاملة ولا احد يملك حسا يقول ان تلك الاطنان من الذهب لا يمكن ان تكون حقيقة او ملايين الدولارات ولا مليارات ستأتي للاستثمار بوست ناصر وهل وهل وهل عودة لبدء لامعقول تصريحات السلطة وافعالها جعلت الناس تصدق كل شئ
Post: #49 Title: Re: بهدوء حول الشائعات Author: محمد البشرى الخضر Date: 07-26-2017, 06:59 AM Parent: #48
يا ود اب سن طوفان الأكاذيب و انتشارها و الإجتهاد في صنعها و التساهل في تصديقها و اعادة نشرها و ترويجها أمر عام لا علاقة له بحكومة او معارضة و للامانة من زمان الكذب في و الاشاعة في و فطريا كدا احنا السودانيين عندنا خصلة بايخة جدا نحب نتفوجج و نستلم المجلس وندّعي المعرفة العميقة و الجيب من جوّة حتى لو بالكذب و الأسوأ تساهلنا مع الكذب جدا كم مرة في مجلس ونسة أحد المونسين طلع بالناس العالي في موضوع لا يستحق او جات سيرة وزير او شخص ناجح انبرى من يدعّي معرفته به من الصغر و طلّعوا ليكم حرامي ساكت و أو تتي أو مزوّر شهاداته في حين دي المرة الأولى التي يسمع عنه الحاجة دي فطرية للأسف فينا و المؤسف أكثر السبهللية التي يتعامل بها متلقي الخبر و السهولة التي يصدّق و ينشر بها ياخ لو ما السبهللية دي زي طبقات ود ضيف الله بكل الدجل الذي يحويه يكون اشهر كتبنا! نجي لمداخلتك, بالنسبة لموضوع طه مش مسالة اصدق لكن اعلم انه عندما ظهر اعلان منح التابعية لطه طوب الأرض مر عليه او قرأه يبقى البشير يعلم بالتاكيد, أمّا لماذا ابقى عليه فا تفسيرها سهل لأنه البشير لا يتعامل مع السودان كدولة هو رئيسها مؤتمن عليها و على كرامتها و عزّتها, بالنسبة للبشير المسالة مسالة حكم لابد يبقى على رأسه مع سيف لاهاي المسلط عليه, يبقى طه سوّق نفسه كسمسار علاقات خليجية كفيلة بالدفع في اتجاه رفع العقوبات الامريكية و بالتالي موت قضية المحكمة الجنائية التدريجي فلاقى هوى في نفس البشير ولا اظنه رأى الحرج او المفارقة في نيل مدير مكتبه التابعية السعودي طالما بتأدّي الغرض ! هذا اعتقادي و الله اعلم مسالة تبرير مدير الكهرباء بالفار و مدير المياه بالبلف القفلوه الشيوعيين دي عوارة اكبر من أن تصدّق بالطبع, و هجايص انقاذية اعتدناها من مسؤولين يظنون ان المنصب منح ليبقوا فيه لا ليخدموا عن طريقه و بالتاكيد ينطبق على بقية الأمثلة التي ذكرت, لكن دا يعيدني للبدء الفكرة ليست في كذب الحكومة يقابله كذب مناوئيها, زي ما قلت ليك هذا لا يبرر لذاك الكل يكذب و الكل يقدح في مصداقيته و يسلخ جلدها و الكل سيحاسب و يعلّق من عرقوبه المسالة ليست نسبية ولا مقارنة وعلى المتلقي يقع عبأ فرز وتقييم الحاصل و ياتو منطقي يصدق وياتو هجايص ظاهر غض النظر عن دا كذب حكومة كعب ودا كذب معارضة حلاتو
Post: #50 Title: Re: بهدوء حول الشائعات Author: عبدالحفيظ ابوسن Date: 07-26-2017, 07:06 AM Parent: #49
طيب يا ودو عشان اخضع اي خبر للمنطق مثلا انا بعرفك كويس وممكن اتكهن بي افعالك . لو واحد حكي لي عنك موقف . بقيسو بمعرفتي بيك . واشوف احتمالية صدقو في ميزان من واحد لي عشرة . لو كنت عقلاني جدا وموضوعي بقول ما بعملها ابدا إلا يكون جن شيل نفسك وخت دولة بنفس المستوي
Post: #51 Title: Re: بهدوء حول الشائعات Author: محمد البشرى الخضر Date: 07-26-2017, 07:35 AM Parent: #50
ما ح نصل لحاجة يا ود اب سن طالما مصر تأخذ الموضوع من زاوية معارضة وحكومة ! طيب, شلت نفسي و ختيت الدولة حصل شنو؟ ما الفرق, لازلت صدّقت خبر كاذب ربما يكون ممكن او لا معقول وغير ممكن في الحالتين يبقى خبر كاذب عملت على ترويجه وكون الحكومة - او المستهدف بالشائعة - بعمل كدا او ممكن يعمل كدا او طريقة تفكيره كدا* هذا ليس مبررا وأساسا لا حوجة للبحث عن تبرير
______________________________ * كما حاولت حرّيات التبرير ذات كذبة ما
Post: #52 Title: Re: بهدوء حول الشائعات Author: محمد فضل الله المكى Date: 07-26-2017, 08:29 AM Parent: #51
. الإشاعة هي خبر أو مجموعة اخبار تشيع في المجتمع وتتردد بين فئاته بمختلف مستوياتها ، ويقولون ان الإشاعة القابلة للتصديق هي تلك التي يكون فيها شيء من ( الحقيقة ) .. ففي هذه الحالة فإن جزء الحقيقة وإن كان صغيراً أو كبيراً يجعلها على أقل تقدير موضع شك قابل للنقاش عند الواعي ، وموضع تصديق عند الساذج وهو الأخطر ، فيضيف لها وينقلها لآخر ، والآخر لآخر فيصبح حالها حال كرة الثلج كلما تدحرجت كبر حجمها .
سلوك البشر يختلف باختلاف ثقافاتهم ، وتبعاً لذلك يختلف تفكيرهم ونظرتهم للأشياء وتقييمهم لها بحسب الموضوع الذي قد يكون ( حرب ـ حادث حركة ـ جريمة .... الخ ) .. والإشاعة حولها تتشكل بحسب ناقل الإشاعة ( كذاب ـ مُبالِغ ـ ناقِل أخبار بتاع شمار ـ صاحِب قصد... إلخ)
مصدر الحقيقة ( المالك ) الموثوق به هو مربط بل مفرمِل الإشاعة ، إذا تباطأ في نشر الحقيقة ترك المجال لكرة الثلج لتكبر وتنتشر كالنار في الهشيم ... وإن سارع لتمليك الحقيقة فإنه سيقطع الطريق على مروجي الإشاعة بقصد أو بغيره .
هنالك من يطلق إشاعة عن نفسِهِ ( بقصد ) لمصلحة مثلاً وقد يكون شخص ذكي ... وهنالك من يطلق إشاعة حول نفسِهِ لدرجة أنه يصدقها لحسن سبكها وقبولها عند عدد مقدر من الناس .. هنا أود أن أحكي حكاية من الواقع ... نعم حقيقية... ( عندنا عمنا ختمي لايشك أحد في ختميته كان كل مناه أن ينال لقب ( خليفة ) ... حضروا مجموعة من الحي لمناسبة ختمية في ضريح ومسجد السيد علي ببحري وبعد الصلاة والذكر ركبوا البص المؤجر للعودة .. قبل ركوبه مع الجماعة ( قطع في واحد من الحيران طراده وقال له عند ركوبي الباص تعال وقول فلان منكم منو ؟ السيد محمد عثمان دايرك ) فعلاً حصل الأمر ونزل رجوعاً للجامع والجماعة منتظرين على مضض، جاهُم بعد نص ساعة والبشر يعلو وجهه ( إن شا الله خير .. إن شا الله خير ) قال ليهم السيد أداني الخلافة ( و حقيقة لم ير السيد في عودته تلك ) فناس البص ضربوا الكواريك والنسوان زغرتن ولمن وصل البص انطلق الخبر في الحي كالنار في الهشيم والبيت ما شال الناس ، وناس جابوا ضبايح والبنادِك تضرب الليل كله ونحن مانمنا .. وحتى الآن لا يجرؤ أحد أن يقول لعمنا إسمه بدون ما يسبقه بلقب ( خليفة ) ..
الأخ الحبيب ود اب سن والأحباب الضيوف .. الموضوع حيوي ، فتكن بعافية
Post: #53 Title: Re: بهدوء حول الشائعات Author: عبدالحفيظ ابوسن Date: 07-26-2017, 09:46 AM Parent: #52
يا ودو اظن في سوء فهم مشترك بينا مني ومنك اصلا هي حكومة وبقية السودان انا بتكلم ليه الناس بتصدق الاشاعات مهما كانت شاذة وغريبة وتقرب للاستحالة هسة موضوع ابوالقنفد ولا المكوة ولا ولا السياسة فيهن شنو عشان نقول معارضة ولا حكومة .. انا رديتها للحكومة الحكومة خلت الناس تصدق اي حاجة . لأنو الاخبار بتنشر في الجرايد والحكومة ما بتتخذ اي اجراء ضدها . والناس عارفة في رقابة علي الجرايد تنطلق الاشاعة لأنو الاجهزة المنوط بيها امر الاعلام لا تقوم بدورها فيستعيض عنها الناس بالاشاعة الاشاعة تنتشر لغياب مؤسسات حكومية تعمل علي بسط الحقيقة والمعرفة والصدق . الجرايد شغالة قرف شكلت وعي الناس انا اصلا ما تحدثت عن مطلق الشائعة تحدثت ليه الناس بتصدق ومن قولة تيت قلت انا ضدها مثلا لو جريدة نشرت خبر عن زول بسلم عليك ويشيل رجولتك . وتم عقابها او قبل ما تنشرو منعت من التوزيع .. ولا طلع بيان ينفي هذه الظاهرة الناس كانت ما بتصدق . ليه ؟ لانو لا يمكن والحكومة دعمت استحالتو
Post: #54 Title: Re: بهدوء حول الشائعات Author: عبدالحفيظ ابوسن Date: 07-26-2017, 09:52 AM Parent: #53
حباب محمد فضل احكي ليك دي جد واحد ولدو عاقبو وطردو من الداخلية . ساق ولدو ومشي للمدير . المدير وجد الولد مذنب وضابط الداخلية اتخذ قرار سليم . اعتذر للابو الاب وولدو ماشين في السوق . لقو جنازة مغطية بي توب في عربية الشرطة ماشة في السوق الناس اتساءلت من دة ودة شنو الابو نط قال ليهم فلان الاستاذ قبضوهو مع ولد واتلاصقو وما اتفكو هسة مودنهم مستشفي مدني والخبر انطلق
Post: #55 Title: Re: بهدوء حول الشائعات Author: عبدالحفيظ ابوسن Date: 07-26-2017, 09:58 AM Parent: #54
حليل التعليم زمان كنا في تالتة ابتدائي الاستاذ طلعنا طابور جلوس في الواطة علي مسافات معقولة قال كلام لاول زول .. ورقة حقيقة مكتوب فيها كلام يقراهو . وطلب منو يقولو للبعدو والبعدو يكلم البعدو بعد اخر واحد ينتهي بجيب الاول ويسألو من انو قال شنو للبعدو ويجيب اخر واحد يقول قالو ليهو شنو ويقرا الورقة الكلام مختلف للنهاية ودة درس في تناقل الكلام
Post: #56 Title: Re: بهدوء حول الشائعات Author: محمد البشرى الخضر Date: 07-26-2017, 10:31 AM Parent: #55
مش سوء فهم لكن اختلاف في وجهات النظر يا قريبك, انا شايفك عايز تلقى مبرر للزول البصدّق الشائعة و تلقي اللوم على الحكومة في عدم نفيها للشائعات وسماحها للصحف مثلا بترويج أكاذيب أنا على العكس ارى انه لا عذر للإنسان العاقل ان يسلّم عقله سواء للحكومة او الصحف او القنوات و أخيرا كمان ظهرت الوسائط الاجتماعية و ادوات الفبركة المحترفة مسؤوليتك كمتلقي ان توزن الخبر و منطقيته و ان تسمع لأكثر من مصدر و تقيّم المصدر نفسه إن كان عرف عنه الدقة و المهنية أم طوربيد ساكت وأخيرا كمتلقي للخبر حتى لو صدّقته في حينه لا تعمل على ترويجه من أوّل وهلة و إذا جاءك من يشكك فيه اسمع له و اسمع لحججه لا تصم اذنيك وتتبنّاه وتدافع عنه خاصة إن كان خبرا مريحا لك ويخدم اهدافك على المديين القريب و البعيد. القرآن لمّا خاطب المؤمنين و أمرهم بالتبيّن حمّلهم المسؤولية الفردية بذلك. دا اختلافي معك لا أحد يتحمّل عنك المسؤولية في التركيز و عدم التعامل بسبهللية و استسهال مع الأخبار و الشائعات .
Post: #57 Title: Re: بهدوء حول الشائعات Author: عبدالحفيظ ابوسن Date: 07-26-2017, 10:44 AM Parent: #56
يا عمك انا ما داير القا ليهو مبرر انا داير اوري الاسباب البتخلي يصدق ودى حشود مش نفر سيكلوجية الحشود وكيفية التأثير عليها الحشود دى ممكن تلقا فيها كأفراد ناس مثقفين ومتعلمين ولكنهم ينساقوا لسعار جماعي الاعلام دة بدرس دراسة ونظريات في كيفية التأثير علي الناس وجعلهم يؤمنون باللامعقول والموضوع ما موضوع كضبة وتفنيدها بهذه البساطة عاين الحشود آلاف مؤلفة تمشي لي بير بتعالج الناس ولا يمشو للمناقل ويجدعو الدواء وينتشو التأثير علي الحشود دة علم