بحمد الله تم افتتاح الخلا 😂 (صورة)

06:36 PM July, 14 2017

سودانيز اون لاين
عماد ساتي-
مكتبتى
رابط مختصر

صورة تحير !!!! اهناك جزء ناقص من الصورة ام هو افتتاح الخلا عديل كده

حيرونا زاااتو

[/url]

تحياتي

ياخ ديل قبل كدا افتتحوا لافتة "قف"
برضو افتتحوا بسط الامن الشامل
و كان افتتاح حاجة كدا زي المزيرة قبل ايام
بقت علي الخلا الواااسع دا
تحياتي اخ عماد

لا ادري مدى صحة الموضوع،او فوتشبة الصورة من عدمها،
فهنالك -لو كانت الصورة حقيقية - جانب مخفي من الحقيقة، وربما معسكر، وربما ارض لبناء مؤسسة عسكرية...
....
بخصوص ضنب الككو - افتتاح المزيرة - لم يكن الخبر كما روج له واشيع،
فقد كان افتتاح حملة تشجير، والصورة التي فيها يكتب عبدالرحيم محمد حسين اسمه ماهي الا الجزء الاعلى من سيج حماية الشتلة..

http://www.up-00.com/

استبعد ان الصورة ملعوبة بالفوتوشوب ... ولكن الناقص بعد قص الشريط بخشو وين ؟؟؟؟

بس ما شايف اى دلاله فى الصورة توحى بوجود شىء

سلام عماد
طبعا ناس البندر عندهم مصطلحاتهم و ناس الريف عندهم حقاتهم برضو.
اها مصطلح الخلا عندنا طبعا طبعا هو الذهاب لقضاء الحاجة في الخلا الواسع حيث لا حمامات في المنازل او بالاصح حمام المنزل فقط للتبول او الاستحمام.

عموما انا لما شفت عنوانك قلت ناس الحكومة طلعو ليهم بحاجة جديدة بعد ما افتتح السيد عبدالرحمن الصادق المهدي كافتريا و تم نقله كخير, افتكرت انو واحد تاني من كوتة المجلس الوطني الجديد افتتح دورة مياه للعامة في احدي اسواق الخرطوم.
جيت لقيت عندك افتتاح الخلا بالمعني القريب.
يبدو لي انه افتتاح لشئ في اطراف مدينة الفاشر حسب الطبيعة الرملية حيث في اخر زيارتي لها وجدت ان المدينة امتدت خارج حدودها القديم نسبة لنزوح عدد كبير من الناس بسبب الحرب و تم تأسيس احياء جديدة في النطاق الصحراوي.
ربما ايضا حدث في مدينة الابيض او كما تسمي عروس الرمال او ربما افتتاح شارع الظلط الذي يربط الفاشر بالابيض و الخرطوم. سمعت منذ زمن انهم قطعو شوطا طويلا.

بالغت يا عماد ساتي, العمارات والكباري والطرق الموجودة في الصورة دي كلها ما شفتها؟