Post: #2 Title: Re: طائفيـة الأسافيــر andquot; هيبة الألقاب وقدا Author: حيدر حسن ميرغني Date: 07-01-2017, 09:34 AM Parent: #1
عنوان فقري اتمنى المتن يكون مليان
Post: #3 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-01-2017, 11:42 AM Parent: #2
الأسافيــر "العالم الإفتراضي" :- ظهر هذا العالم الإفتراضي بعد ثورة الإنترنت, وظهرت العديد من وسائل التواصل الإجتماعي شبكات التواصل , المنتديات الحواريه , شبكات تواصل المحترفين وأهل الإختصاص , الشبكات التجاريه , شبكات التدوين والنشر .. بالنظر الي الفضاءات الإفتراضية التي خلقها الإنرنت لتستغل إهتماماتالمستخدمين "البشر" كل يختار الشبكة التي تناسبه , منا من يستخدم أكثـر من شبكة ليتواصل مع من يرغبمنا من يستخدم فيسبوك للتواصل مع الأصدقاء والأهل .. ومنا من يستخدم تويتر ليتابع أخبار الشركات أو الأنديهأو المشاهير .. وهنالك من لا يزالوا يتواصلون عبر منتديات الحوار : سودانيز أولاين و Reddit وغيرها من مواقع الحوار المختلفه ... جرت العادة في إطلاق إسم الأسافيــر علي كل هذه الفضاءات , التي شهدت نشوء عوالم إفتراضية علي السيرفرات "الخوادم" .. ما هو الحال أثير جدل كثيف حول الأثار السلبيهوتراجع التواصل الحقيقي الذي أستعيض عنه بهذه الوسائل , مما يعني بأن هذه الوسائل الحيثه أخذت حيزا ,طبيعي أن يقوم المجتمع بنقل ثقافته الراسخة الي هذا الفضاء , ونشأت صفحات ومنتديات للقبائل والعشائروالطرق الصوفيه بنفس التقاليد الإجتماعية , وظل المجتمع يمارس نفس طقوسه , ويمارس سلوكه من الإحتفاء بالقيم والفروسيه والدوبيت وكذلك يمارس العنصريه .. ونقل المجتمع أمراضه وعيوبه الي هذا الفضاء , وإنتقل الصراع الإجتماعي الطبقي الي عالم إفتراضي وأصبح أشد ضراوة , وسقطت كثير من الأقنعه , هذه الأسافيــر بما لها من خصائص أسهمت في كشف المستور ورفع الغطاء عن بعض المسكوت عنه في المجتمع السوداني , مثلا كقصية العنصرية أو قضية الرق في المجتمع السوداني , سابقا كان المجتمع يتحاشي نقاش مثل هذه القضايا رهبة من ثبر أغوار الظاهرة , هذا أصبح ممكنا في هذه العوالم الإفتراضيه .. حتي منظمة حسن الخاتمة لها صفحة علي الفيسبوك وتنقل هجير المقابر وصور الجنائز الي الأسافيـر ..
طائفية الأسافيـــر :- "المصطلح دا انا قاطعه من راسي وبحاول أسقطه علي واقع أسفيري متكرر" المقصود بهذا المصطلح هو البحث عن النفوذ والسيطرة علي القروب أو علي الصفحة أو علي المتحاوريــن في فضاء إفتراضي "قد يتشابك مع الواقع الحقيقي" وذلك بإستخدام وسائل متعددة , فهذا الكائـن الإسفيري الطائفي يحاول دائما أن يكون هو مركز الأسافيـــر , ويسعي أن يكون حاشية إسفيرية يسيطر عليهم , ويستخدمهم عند الحاجة , يقاتل بضراوة عند المساس بمكتسباته الإسفيرية ( وهي في الأصل إفتراضية) ... يتقمص الكثيرمن الشخصيات ويمارس الاستاذية في بعض الأحيان وكثير التسلط ويفرض الوصاية ... منفوخ في الفاضي ولا يقبل النقد , أصعب حاجة أن هذه الشخصيه تتستر وتتجمل بالكثير من المساحيق و وليس من السهل إسقاط القناع عنها ...
هيبــة الألقاب :- العالم الإتفراضي هذا عصي علي التطويع ومن الصعب فرض قالب صفوي أو نخبوي عليه " منديات الحوار ووسائل التواصل الإجتماعي" المجتمع السوداني يعشق الألقاب العلميه وحتي الألقاب الشعبيه , سنجد الطبيب والطيار كألقاب مهنية ونجد أيضا أبو زنقله ووش الحمار كألقاب من قاع المدينة .. عشان كدا موضوع الألقاب موضوع طبيعي ومقبول طالما هذه هي ثقافة المجتمع , الغير المقبول هو أن يستغل بعض المتعلمين جهل المجتمع وبساطته في التعاطي مع المتعلمين "ذوي الألقاب" ويمارسونالإستعلاء علي غير المتعلمين عبر صناعة هيبة حول اللقلب وتضخيمه حتي أصبح قطاع كبير من المجتمع خاضعا لسلطة هذا اللقب..
قداسة الرموز :- الرموز في المجتمع هم قادة الفكر والرأي وهم المثقفين والإعلاميين وهم زعماء الأحزاب و الفنانين والمشاهيــر في المجتمع .. المجتمع في كثير من الأحيان يضع هالة من القداسة حول الشخوص ويرسم صورة في مخيلته عن "الرمز" ويخضع له خضوعا أشبه بخضوع الميت في كفنه , ويرفض أن تخدش هذه الصورة ولا يرغب في فتح عقله لأي مناقشه تستهدف تغيير هذه الصورة لذا تجده دفاعي , رد فعلهالأول هم رفض التعليقات التي لا تتماشي مع ما تختزن ذاكرته ... هذه الحاله من الغيبوبة إنتقلت الي الأسافيـر..
تعديل فني لتكبير خط العناوين
Post: #4 Title: Re: طائفيـة الأسافيــر andquot; هيبة الألقاب وقد Author: أحمد محمد عمر Date: 07-01-2017, 11:52 AM Parent: #3
ما قاصد أي شخص بصورة شخصية لكن بتحيرني الدالات في منتديات الحوار د. فلان بسأل هل استخدامها في غير المجالات الأكاديمية حاجة عادية ؟ يعني هل ممكن نشوف عند الخوجات مذيع مثلاً يقولوا المذيع د. فلان ؟
Post: #6 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-01-2017, 12:24 PM Parent: #4
Quote: ما قاصد أي شخص بصورة شخصية لكن بتحيرني الدالات في منتديات الحوار د. فلان بسأل هل استخدامها في غير المجالات الأكاديمية حاجة عادية ؟
سلامات محمد عمر
التستر خلف الألقاب أو الإحتماء باللقب في منتديات الحوار قد يكون من باب البحث عن البرستيج الإجتماعي المجاني , وقد يستخدم في بسط النفوذ أو محاولة التأثير علي الأخريـن ... سوء الظن من حسن الفطن
تحياتي
Post: #5 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-01-2017, 12:16 PM Parent: #2
Quote: عنوان فقري اتمنى المتن يكون مليان
سلامات حيدر حسن ميرغني خليك قريب
Post: #7 Title: Re: طائفيـة الأسافيــر andquot; هيبة الألقاب وقد Author: جمال ود القوز Date: 07-01-2017, 01:00 PM Parent: #5
طوائف الأسافير يا عظمة .. طوائف الأسافير أعتقد أشمل .. غايتو لازم تعرج بالتشريح على طوائف إسفير سودانيز .. لانه عنوانك ده بيذكرني المعارك السمجة والبايخة .. التي تمت ادارتها معنا كبرالمة إبان قدومنا للمنبر .. والتي لازال البعض شايل مننا وصاريها لينا .. يأخ في طوائف لمن ما قدرت تقاوم طوفان البرالمة .. وما قدرت تتقبله وتستسيغه حردت المنبر خالص .. ولسان حالهم بيقول لبكري أبوبكر خليناها ليك مخدره .. انت وهؤلاء الرجرجة والدهماء الجبتهم لينا .. وأثبتت الأيام ان القادمين الجدد لم يكونوا هكذا بلا قيمة ..
زي أيام برلمة الجامعة لو السناير لقوك خالط واحدة سينير .. يفرتقوا ليك الخلطة ويتماسخو معاك فرديناها ليهم في برلوماتنا .. أي سينير يجي يخلط برلومة نقيف ليهو في حلقه شوكة حوت .. لحدي ما يزهج ويتخارج وهو يجرجر أذيال الخيبة والانهزام .. ونحن نودعه بالابتسامات الصفراء .. وهم الطلعوا خسرانين .. والتسوي كريت تلقا في جلدا أعتقد .. ههههههه ..
سلام عبدالعظيم في الاسافير تقوم تعمل ليك عملة بنت كلـــب يقومو يدوك لقب كيبر بعد شوية تعمل عملة اخري بنت كلب مربع يقومو يسحبو منك اللقب الكبير. بس في تقديري الالقاب الكبيرة دي زي وسام ابن السودان البار. ممكن يسحبو منك بالساهل.
___________________ قال كنداكة قال
Post: #9 Title: Re: طائفيـة الأسافيــر andquot; هيبة الألقاب وقد Author: محمد البشرى الخضر Date: 07-01-2017, 03:09 PM Parent: #8
Quote: قال كنداكة قال
هههههههههههههه ايوة يا محجوب دي البحاول اتذكّرها من قبيل ! تحياتي عبد العظيم نعم يوجد ارهاب اسفيري على مختلف الاصعدية و الالقاب جزء من هذا الارهاب, يعني لما واحدة يسبقها لقب كنداكة او واحد يسبقه لقب مناضل او شريف اوسلطان او مقاتل أومجاهد او حتى شيخ يحكي لي نكتة بايخة بتلقى نفسك انت الزول السليقة دا بدون القاب كان ما جاملته وضحكت ما تقدر تقول ليه بايخة وقديمة في حين الاسم القدامك لو خالي القاب بتقدر تتجرا وتناقشه وتحاقق معاه و تقول ليه الكلامدا غلط أوملفوح أو قديم أومفبرك الى آخر غلاط الأسافير و مناقراتها المشكلة أن الالقاب المجانية دي عطاء من لا يملكلمن لا يستحق لا مسبغ اللقب يحق له اطلاقه ولا المُطلق عليه يستحقه اساسا موضوع لقب الكنداكة الاشار ليه محجوب نموذج مناسب منّان دون ان يطرف له جفن اعلن نزع اللقب عن تراجي ! يعني هل كانت تستحقه ابتداء وهل أنت من يحدد من هي الكنداكة أم لا
بالنسبة للقب دال العظيم الذي يسبق المعرف, بعض الالقاب اضافها بكري يمكن لمعرفته بحمل صاحب المعرف لدرجة الدكتوراة كما في حال دكتورة بيان وبعضها اضافها اصحابها انفسهم حين طلب الباسويرد, قد يكون مقصود وقد يكون بكري نسخ توقيع ايميل طلب العضوية بي داله الله اعلم لكن ملاحظة اخيرة قد وقد لا تعني شيئا أعرف ثلاثة بياطرة على الأقل يسبق اسممعرفهم حرف دال العظيم, ولكني لست متأكدا إذا ماكانوا يحملون درجة الدكتوراة العلمية أم لا, في الحالة دي - عدم حملهم للدرجة - يكونوا بالغوا معانا هههههههه
Post: #11 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-01-2017, 04:36 PM Parent: #8
Quote: قال كنداكة قال
سلامات يا محجوب شوف محن اللألقاب دي عجيبه في المجتمع السوداني وفي الأسافيــر بلا معني ... تحياتي
Post: #10 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-01-2017, 04:32 PM Parent: #7
Quote: طوائف الأسافير يا عظمة .. طوائف الأسافير أعتقد أشمل .. غايتو لازم تعرج بالتشريح على طوائف إسفير سودانيز .. لانه عنوانك ده بيذكرني المعارك السمجة والبايخة .. التي تمت ادارتها معنا كبرالمة إبان قدومنا للمنبر .. والتي لازال البعض شايل مننا وصاريها لينا ..
سلامات جمال ود القوز
يا زول سودانيز دي عالم عجيب مرات بذكرني ببيت المريسه في السودان كل زول يحاول يكون سيد الحوش وكلهم بيكسروا ثلج لي ست المريسه
تحياتي
Post: #12 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-01-2017, 04:48 PM Parent: #10
Quote: لكن ملاحظة اخيرة قد وقد لا تعني شيئا أعرف ثلاثة بياطرة على الأقل يسبق اسممعرفهم حرف دال العظيم, ولكني لست متأكدا إذا ماكانوا يحملون درجة الدكتوراة العلمية أم لا, في الحالة دي - عدم حملهم للدرجة - يكونوا بالغوا معانا هههههههه
ود البشري سلامات
جبتنا لينا مثال تمام لأزمة الألقاب في المجتمع السوداني لم أري في حياتي شريحة من المتعلمين السوداني متلصقين ليهم في لقب زي بتاعيـن البيطرة .. الخريج منهم مفروض يكون "بيطري" مستلبطين في حرف ال D بطريقه مريبه (لهم فيها مأرب أخري) ..
وشغالين ليك في الزرائب الدكتور جا والدكتور مشي العيادة .. شفت البياطرة ديل مثال حي لأزمة الألقاب في المجتمع السوداني
تحياتي
Post: #13 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-01-2017, 05:24 PM Parent: #12
فشنو موضوع الألقاب والبحث عن برستيج في الأسافيــر دا حنك بيش , خت لقبك في مكتبك أو بيتكم , وتعال الأسافيــر زول من الناس عاوز تسهم في تأسيس محتوي مفيد وتسهم مع الناس في تصحيح المفاهيم ونشـر المعرفه ومحاربة العادات السيئة والتي من بينها الغرور والإستعلاء والتمحور حول الذات دي كلها من الصعب الإيمان بأهميـة القضاء عليها لمن يمارسونها ..
مثلا الكيــزان عنهم لقب "شيـخ" بيوزعوه ساي من الباب للطاقة عندهم شيخ حسن وعندهم شيخ علي , الكلام دا في الأسافيــر حيث الدواس المعرفي المفاهيمي ما تنفع هالات القداسة....
الصوفية عندهم تقديس لمشايخهم , مثلا مرشد الطريقه الختمية محمد عثمان علي .. إسمه يجب أن يكون مسبوق ب: مولانا السيد / ------- ويختم باللقب الكبيـر (الميرغني) دا نوع من التقديــس المبالغ فيه .. نفس الشي بالنسبه للصادق ....
من وجهة نظري كمجتمع نحن ضحايا ثقافة قديمة نحاول أن نتمرد عليها ويصعب الفكاك منها , ولكن مع التركيـز سيتحقق ذلك لذا من الضروري نسف هالة القداسة التي تحيط بالرموز حتي يستطيع المجتمع التخلص من هذا النفوذ الذي يكبل المجتمع ( باي ديفولت) عشان يقدر يتحرر من هذه القيود ....
في الأسافير كثير من القداسة التي لا يعبر عنها ولكن تمارس بشكل أو بآخر ..
Quote: يا زول سودانيز دي عالم عجيب مرات بذكرني ببيت المريسه في السودان كل زول يحاول يكون سيد الحوش وكلهم بيكسروا ثلج لي ست المريسه
دي قلبت فيها الهوبا يا صاحبي .. والله صحي ! ... عبد العظيم إزيّك
Post: #15 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-01-2017, 09:02 PM Parent: #14
Quote: دي قلبت فيها الهوبا يا صاحبي .. والله صحي ! ... عبد العظيم إزيّك
سلامات يا أميــر
موضوع بيت المريسه دا ذكرني قصة قالها واحد من كوادر جبهة كفاح الطلبه في واحد من الأركان قال أيام الخدمة الإلزامية البعد التخرج شقي الحال دا ودوه الجنوب قام مشي بيت عرقي في جوبا , قال ست العرقي قلت ليهم إتاخرتوا والله المجاهيـن من الدغش كلموا العرقي كله
بوست مهم جداً وخذ في اعتبارك إضافة للألقاب أسماء العوائل في ناس المؤهل عندها هو اسم العائلة تحديداً لا غير غض النظر عن أية ألقاب أخرى، فهو حاديها لتبني الرؤى النرجسية وهؤلاء كثر في هذا المنبر
Post: #17 Title: Re: طائفيـة الأسافيــر andquot; هيبة الألقاب وقد Author: كمال عباس Date: 07-02-2017, 00:21 AM Parent: #16
سلام أخ عبد العظيم مسألة المؤهل الأكاديمي وإعلانها - في رأي مهم في الحوارات المتخصصة - ولاقيمة أو تأثير لها خارج مجال ومدار تخصصها ! فقد تكون دكتور وخبير في ( الطاقة النووية أو علوم الفضاء أو النبات أو البعوض أو الإلكترونيات ألخ وجه نظر مثل هذا الشخص مهمة ومقدرة في مجال تخصصه والحوارات المتعلقة بهذا التخصص ولكن من التعسف والتنطع أن تطالب أو تتوقع حصانة أو تعامل خاص يامن تحمل ( دكتوراة في الإلكترونيات مثلا ) إن كنت تحاور في مجال آخر - علم إجتماع أو فنون أوفلسفة ! * الدرجات العلمية - لايجب أن تستخدم وسيلة للتنطع والتعالم والقشرة والتعالي أو كإداة قمع أو وسيلة لإضفاء حصانة أو إدعاء بإمتلاك الحقيقة والتحكم في نواصي المعرفة في غير مجالك الأكاديمي ! ** الحقيقة أن الدرجات العلمية (أحيانا) تم إبتزالها والتقليل من قيمتها - في عهد الإنقاذ هذا عهد الإنحطاط الأكاديمي والمعرفي - والبؤس الثقافي حيث تندهش من قدرات ومعارف شخص يحمل درجة أكاديمية رفيعة ولكنها لم تزيل" بلمه" ولم تنعكس علي ثقافته العامة وإسهاماته ! ** من ناحية أخري الأسافير الكونية تعج بالإدعاء الإكاديمي والزعم بالحصول علي درجة - إكاديمية - زيفا- لمجرد التنطع والتعالم والتحلي بمكانة إجتماعية وثقافية ترضي الغرور ! - الحوارات الفكرية والثقافية-العامة - تتطلب قدرا من الإطلاع الذاتي والتحصيل المعرفي العام وإمتلاك أسلحة وأدوات الحوار _ وموضوعية التناول ! وفوق هذا أن ينبغي أن يكون هدفها الحقيقة والعلم والتعلم والأخذ والعطاء لا التعالم والأستاذية الفارغة - ولا البحث عن النجومية والوهج ! ...-\ فوق هذا أري أن الأهم من ( القدرات الأكاديمية والعلمية والمعرفية والثقافية ) هو القيم الإنسانية :أن تكون إنسان كامل الإنسانية تحترم ذاتك ومحاورك وقارئك - تبتعد عن الأذي والإسفاف! تسهم في العام لتفيد وتستفيد - أجعل من ضميرك الحي - قانون ومحكمة ومنارة إشعاع ومن حسك الإنساني بوصلة وهدي
Post: #18 Title: Re: طائفيـة الأسافيــر andquot; هيبة الألقاب وقد Author: سيف النصر محي الدين Date: 07-02-2017, 01:11 AM Parent: #17
البيطري دكتور و ينادى ب يا دكتور في جميع بلاد العالم. أساسا مفروض يتم تعديل درجة البكالوريوس التي تمنحها كليات الطب و الصيدلة و البيطرة العربية الى درجة MD و MDvet .. الخ كما هو الحال في بقية دول العالم. اذا لا يعقل ان يدرس هؤلاء لمدة ستة سنوات ثم يمنحون نفس المؤهل الذي يمنح لمن درس لأربعة او ثلاثة سنوات. سلامي للجميع.
Post: #20 Title: Re: طائفيـة الأسافيــر andquot; هيبة الألقاب وقد Author: كمال عباس Date: 07-02-2017, 01:42 AM Parent: #18
سلام أخ سيف النصر البيطري دكتور و ينادى ب يا دكتور في جميع بلاد العالم. أساسا مفروض يتم تعديل درجة البكالوريوس التي تمنحها كليات الطب و الصيدلة و البيطرة العربية الى درجة MD و MDvet .. الخ كما هو الحال في بقية دول العالم. اذا لا يعقل ان يدرس هؤلاء لمدة ستة سنوات ثم يمنحون نفس المؤهل الذي يمنح لمن درس لأربعة او ثلاثة سنوات. أرجو أن توضح النقطة الفوق دي البيطري ( بكلاريوس أو مجاستير في البيطرة ) دكتور كيف وبإي صفة ؟ نعم هو دكتور إذا ما كان حامل درجة ومؤهل PHD في البيطرة ! ولكني لا أفهم أن يطلق عليه دكتور لمجرد إنه خريج بكلاريوس= معامل أو بيطرة أو صيدلة أو تمريض أو بايلوجيا أعامةو كيمياء وفيزياء الخ * نعم خريج الطب البشري والطبيب يطلق عليه دكتور حتي وإن كان مجرد خريج بكلاريوس طب ! وإن كان الناس في الغرب يفضلون إطلاق تعابير أخري physician مثلا للأطباء ! * نعم هناك إصطلاحات عامية - Doctor of Sciences.تطلق صفة دكتور لكل من تخصص في المجالات العلمية التي لاعلاقة بالتخصص في الطب ! ....
Post: #31 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-02-2017, 10:44 AM Parent: #18
Quote: البيطري دكتور و ينادى ب يا دكتور في جميع بلاد العالم. أساسا مفروض يتم تعديل درجة البكالوريوس التي تمنحها كليات الطب و الصيدلة و البيطرة العربية الى درجة MD و MDvet .. الخ كما هو الحال في بقية دول العالم. اذا لا يعقل ان يدرس هؤلاء لمدة ستة سنوات ثم يمنحون نفس المؤهل الذي يمنح لمن درس لأربعة او ثلاثة سنوات. سلامي للجميع.
سلامات يا سيف من وجهة نظري البيطري قسم من قسم (العلوم الزراعية والحيوانية )(حسب ما أري) عشان كدا بتاعين البطري لقبهم يكون (فني بيطري أو بيطري) دون إلصاق حرف ال D علي اللقب ... يعني مافي سبب .. حتي الطبيب خريج كلية الطب مفروض الا نطلق عليه دكتور اذا كان لفظ دكتور يقصد به رجة علمية لا الوظيفه ... يعني مفروض أي خريج غير حاصل الي ال PHD لا يطلق عليه دكتور للحد من تغول الناس علي الدرجات العلميه والتكسب عبرها إجتماعيا برستيج علي الفاضي
تحياتي
Post: #19 Title: Re: طائفيـة الأسافيــر andquot; هيبة الألقاب وقد Author: عبدالمنعم الطيب حسن Date: 07-02-2017, 01:27 AM Parent: #17
صاحبي بيطري، لمن احتد معاهو في النقاش او اشوف نفسي اوفر شوية او هو يكون احتد او اوفر طوالي بقولو يا دكتور؛ تصدق طوالي يهدى ويروق ويصفى، وحيلو يبرد الحكاية دي اكتشفتها بطول العشرة، ...... سوداني اتصلت عليه في موضوع شغل انا فلان الفلاني مرحبا انت زيد الفلاني معاك الدكتور زيد مرحبا يازيد قتا ليك معاك الدكتور ....... بل ان بعضهم يعتقد ان دراسته في جامعة الخرطوم مثلا تعطيه تميزا وتفردا، ...... غايتو( بطنا مليانة) ....... سلام لكل الأحباب هنا ......
Post: #21 Title: Re: طائفيـة الأسافيــر andquot; هيبة الألقاب وقد Author: Ahmed Alim Date: 07-02-2017, 02:45 AM Parent: #19
الالقاب دي مافي أي زول بديها إهتمام نهائي في الغرب! أساتذة المدارس والجامعات بطلبوا من تلاميذهم إنوا ينادوهم بأسمائهم بدون أية القاب عشان يزيلوا أي شكل من أشكال الفوارق فيما بينهم ربما تعيق تواصلهم!
ياخي خليك من الألقاب دي! هسي لو لبست بدلة كاربة ومشيت لحتة انت متعود تمشيها في السودان حتلاحظ انوا سلام الناس ليك مختلف ههههه تحياتي يا عبدالعظيم
Post: #22 Title: Re: طائفيـة الأسافيــر andquot; هيبة الألقاب وقد Author: Kabar Date: 07-02-2017, 03:20 AM Parent: #21
عبد العظيم..حبابك يا صديقي
ده شنو يا قريبي؟..
نظام اب سنينة بيضحك على اب سنينتين ولا شنو يعني؟..
مش جايز ناس الأسافير (كسودانيين قحيين) اتعلموها من ناس سيدي (الإتحاديين وناس حزب الأمة)؟..والجماهير على دين شيوخها وقادتها؟..ولا دي اتشطبت ورانا؟..
وعليك الله ما تزعل يا عبد العظيم : أي طائفي (قح) غير مؤهل اخلاقيا وفلسفيا وانسانيا وفكريا ومنبريا لنقد الطائفية..؟..يعني ما ممكن يا قريبي تهف ليك وتنقد هنا ..وفي والواقع انت غرقان في الطائفية لي شوشتك؟..ولا انت داير تتونس ساكت..!!
صاحبك يا عبد العظيم هو محمد ابراهيم الفكي (أو أي كان اسمو) الذي فتحت بوست وبتقول للناس انو كان عضو في دورة اتحاد المحايدين بجامعة الخرطوم في التسعينات من القرن المنصرم..والأربعين عضو/ة في الإتحاد داك انا عارفهم زي جوع بطني..ببساطة لأني كنت القاعدة الجابتهم..اللهم الإ كن محمد ابراهيم ذاك كان عندو اسم تاني ظاهر بيهو في الجامعة في ذلك الزمن؟..البوست قاعد..!!
طلب خاص..ياخي عليك الله رجع صورة العلم في البروفايل بتاعك..!! مرات الواحد بيعمل بحث في سودانيز اونلاين تحت اسم عبد العظيم عثمان عشان يشوف صورة العلم ده..!!
شيخ حاتم ابراهيم غير مؤهل اخلاقيا ولا اكاديميا لمناقشة يوسف الموصلي..التاني عندو تجربة ماشة قدام الناس والأولاني ما عندو غير فساء في فضاء اسفير غير مسنود بتجربة حقيقية سواءا في التأليف والتعليم أو التحصيل الأكاديمي..!! ومن يتخذ هذا الموقف ليس بطائفي ولا بتاع قداسة ولا حتى ناس (نبايعك على الطاعة العمياء..!!)
اما سيرة الطائفية..فما تنفعل ساكت يا قريبي وتجينا طاير وفاكي الزراير..
وعلى قول الحكيم محمد البشرى (انتا في سودانيز اونلاين)..يعني البوست ممكن يتفتح لكن ما بتقدر تحدد انو يتفهم كيف..!!
ودمت طيبا يا صديقي
كبر
Post: #23 Title: Re: طائفيـة الأسافيــر andquot; هيبة الألقاب وقد Author: سيف النصر محي الدين Date: 07-02-2017, 05:05 AM Parent: #21
سلام يا كمال في امريكا و دول اخرى يتخرج طالب الطب بدرجة MD وهي اختصار ل doctor of medicine و كذلك البيطرة و العلاج الطبيعي و الوظيفي. الفرق هناك انو الطالب يكمل أربعة سنوات بكالوريوس ثم يدخل graduate program عشان كده بعتبروها دكتوارة .
Post: #24 Title: Re: طائفيـة الأسافيــر andquot; هيبة الألقاب وقد Author: كمال عباس Date: 07-02-2017, 05:24 AM Parent: #23
سلام أخ سيف النصر ومشكور علي الرد سلام يا كمال في امريكا و دول اخرى يتخرج طالب الطب بدرجة MD وهي اختصار ل doctor of medicine و كذلك البيطرة و العلاج الطبيعي و الوظيفي. الفرق هناك انو الطالب يكمل أربعة سنوات بكالوريوس ثم يدخل graduate program عشان كده بعتبروها دكتوارة .)) يعني أن الأمر يتطلب دراسة فوق الجامعية - إي فوق البكلاريوس ! بالنسبة للطب البشري - يطلق" الناس" لفظ دكتور علي الطبيب الممارس - خريج كليات الطب وهو كذلك في كل العالم ! طبيب = دكتور ! ولكن هناك من يطلق هذا اللفظ - علي خريج كلية التمريض والمعامل والصيدلة بل عموم البايلوجي والكيمياء والفيزياء فهل هو كذلك لمجرد حصوله مثلا علي بكلاريوس معامل أو أحياء دقيقة !؟ ! **خريج هذه الحقول يمكنه الحصول علي درجة الدكتوراة بعد الدراسات العليا مثله مثل خريج العلوم الإجتماعية والقانون والهندسة ! .........
Post: #25 Title: Re: طائفيـة الأسافيــر andquot; هيبة الألقاب وقد Author: محمد الأمين موسى Date: 07-02-2017, 08:33 AM Parent: #24
Quote: * الدرجات العلمية - لايجب أن تستخدم وسيلة للتنطع والتعالم والقشرة والتعالي أو كإداة قمع أو وسيلة لإضفاء حصانة أو إدعاء بإمتلاك الحقيقة والتحكم في نواصي المعرفة في غير مجالك الأكاديمي !
تعرف يا أخ كمال، حتى في المجال الأكاديمي (مجال التخصص) الدرجة العلمية لا تعني امتلاك الحقيقة والتحكم في نواصي المعرفة. لأن العلم بحر لا ساحل له لذا أوجد العلماء مخارج تقيهم الحرج، مثل: "من قال لا أعرف فقد أفتى"... مهما تبحر الإنسان في مجال تخصص ما، من الجهل أن يدعي الإحاطة المعرفية لأنه لن يضمن الوقوع في خطأ معرفي ما يعتبر من صميم تخصصه لأن المعرفة ليست فقط شاسعة، بل تتجدد في كل لحظة من خلال الإضافة والحذف والتعديل. صاحب الدرجة العلمية أمامه طريق واحد لإثبات كفاءته: الأداء المقنع في كل حالة حالة بعيدا عن الإحالة للدرجة العلمية باعتبارها صك معرفة يضمن ويغطي كافة العمليات التواصلية التداولية التي يقوم بها حامل الدرجة العلمية. والأسوأ من ذلك، أن الدرجة العلمية تورط صاحبها وتلقي عليه تبعات قد لا يحتملها كإنسان (ينسى ويخطئ) عندما يستخدمها كسلطة معرفية ثم يتضح أنه لم يكن صائبا، فيشمت الناس فيه ويسخروا باعتبار "القلم ما بزيل بلم!"
Post: #26 Title: Re: طائفيـة الأسافيــر andquot; هيبة الألقاب وقد Author: أحمد الشايقي Date: 07-02-2017, 08:41 AM Parent: #25
هلا يا شقيق وعيدكم مبارك
لعلك شاركت معي عدة مرات في البوست بعنوان:
(لعلنا بالغنا في تقديس السياسيين)
هناك فائدة في الاسافير وهي نعمة من رب العالمين وهي بالذات حقيقة كونه اسفير يعني برمجيات
وهذه أجبرت قومنا الشفاهيين على الكتابة وهم لا (يحبونها ...) كما لا يحبون القراءة أشــد من ذلك
والتوثيق (جاب) الاثبات صورة وصوت ... عليك الله بعد .... الشهادة على العصر .... ديك المشهورة ..
مرة يقول شــرق .. ومرة يقول غرب ... حتى طريقة يتخارج بيها من التناقض ما في
بعد داك تاني الا بس يراعي معايشـه ويقعد معاهم على أساس (بطيني ) بدون قناعات طبعاً
لك التحيات والود
أحمد الشايقي
Post: #27 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-02-2017, 09:28 AM Parent: #26
سلامات يا كبر
ياخي روق المنقه وما تجي واقع بي خشمك ساي وتقنطر روحك
Quote: صاحبك يا عبد العظيم هو محمد ابراهيم الفكي (أو أي كان اسمو) الذي فتحت بوست وبتقول للناس انو كان عضو في دورة اتحاد المحايدين بجامعة الخرطوم في التسعينات من القرن المنصرم..والأربعين عضو/ة في الإتحاد داك انا عارفهم زي جوع بطني..ببساطة لأني كنت القاعدة الجابتهم..اللهم الإ كن محمد ابراهيم ذاك كان عندو اسم تاني ظاهر بيهو في الجامعة في ذلك الزمن؟..البوست قاعد..!!
يا جماعه يدكم معانا يلا (هوب هوب ) نودي كبر دا الضل لغاية ما البوست دا مفعوله ينتهي , لانه زول مهرجل وبيكتب كلام دراب هردبيس وبيغرق البوست بي كلام كثير ...
انا قاصد زول إسمه محمد الفكي سليمان (من أم روابه) (ود الفكي) وفي إتحاد التعايشي (محمد حسن التعايشي) ودا إتحاد تحالف القوي الوطنيه الديمقراطيه (2003---2004) فيه (الجبهة الديمقراطيه وحزب الأمه , والإتحادين , والبعثيين وحركة حق الخ) محمد الفكي كان منافس التعايشي علي رئاسة الإتحاد ..
عشان كدا إنت بتنط ساي في البوست وتفسده و إغراقه بي كلام ساي مطلوق في الهواء .. دحيـن يا أخوي شوف ليك شغله ثانيه لغاية ما ننتهي من البوست أمشي أفتح بوست أبشر بجيك بي هناك ..
تحياتي
Post: #35 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-02-2017, 11:16 AM Parent: #25
Quote: صاحب الدرجة العلمية أمامه طريق واحد لإثبات كفاءته: الأداء المقنع في كل حالة حالة بعيدا عن الإحالة للدرجة العلمية باعتبارها صك معرفة يضمن ويغطي كافة العمليات التواصلية التداولية التي يقوم بها حامل الدرجة العلمية.
ياهو زاتو يا محمد الأمين
Post: #33 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-02-2017, 10:56 AM Parent: #21
Quote: الالقاب دي مافي أي زول بديها إهتمام نهائي في الغرب! أساتذة المدارس والجامعات بطلبوا من تلاميذهم إنوا ينادوهم بأسمائهم بدون أية القاب عشان يزيلوا أي شكل من أشكال الفوارق فيما بينهم ربما تعيق تواصلهم!
سلامات أحمد عالم
تعرف مفروض الناس تتحرك دون ألقاب ومفروض نحنا كسودانيين نحد من إنتشار الظاهرة وأن لا نورثها للأجيال الجديده يعني مفروض التخاطب يكون في الأسماء دونما لقب الكلام دا بيخفف قوة هذه الألقاب وسوف تنتهي كما إنتهت في مجتماعات أخري .... يعني كل زول ومساهمته وكسبه في المجتمع
تحياتي
Post: #32 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-02-2017, 10:50 AM Parent: #19
Quote: صاحبي بيطري، لمن احتد معاهو في النقاش او اشوف نفسي اوفر شوية او هو يكون احتد او اوفر طوالي بقولو يا دكتور؛ تصدق طوالي يهدى ويروق ويصفى، وحيلو يبرد الحكاية دي اكتشفتها بطول العشرة،
تعرف يا منعم زولك دا يحتاج معاملة خاصة مثله مثل باقي البياطرة ديل ضحايا مجتمع يقدس الألقاب , وقاموا إتسلبطوا في لقب ولصقوه علي أسمائهم وعاوزي المجتمع بالقوة بتعامل معاهم بالصورة دي .. القب بيعمل ليهم توازن نفسي رهيب , ودي الشفرة بتاعتهم وإنت عرفت تتعامل معاه , كل ما تكون عاوزه هاديء ومنشرح ومبسوط منك , أصرف ليه واحد دكتور من عندك ويتدجن علي طوول الموضوع نفسي من الدرجة الأولي ..
Post: #29 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-02-2017, 09:45 AM Parent: #17
Quote: سلام أخ عبد العظيم مسألة المؤهل الأكاديمي وإعلانها - في رأي مهم في الحوارات المتخصصة - ولاقيمة أو تأثير لها خارج مجال ومدار تخصصها ! فقد تكون دكتور وخبير في ( الطاقة النووية أو علوم الفضاء أو النبات أو البعوض أو الإلكترونيات ألخ وجه نظر مثل هذا الشخص مهمة ومقدرة في مجال تخصصه والحوارات المتعلقة بهذا التخصص ولكن من التعسف والتنطع أن تطالب أو تتوقع حصانة أو تعامل خاص يامن تحمل ( دكتوراة في الإلكترونيات مثلا ) إن كنت تحاور في مجال آخر - علم إجتماع أو فنون أوفلسفة !
سلام كمال عباس
المشكله في توصيف هذا التأهيل , ومن هو المؤهل أكاديميا مؤكد أن شخص تعلم وأستغرق زمنا من عمره يتعلم ويطور مهاراته إذا كان المجال تطبيقي , أو لديه أوراق بحثيه منشورة في المجالات الإنسانيه هذا الشخص بالتأكيد سيضيف عندما يتحدث عن هذا المجال .. بس موضوع أن كل من يحمل درجة علميه أوليه دون أي تطور أو أبحاث فقط لانه تخرج من الجامعه ودرس أربع سنوات لا أج لهذا الشخص وصفا مناسبا ولكني لا أتوقع أنه مؤهل للحديث في مجال تخصصه دراسه .. هذه وجهة نظري في موضوع التأهيل ...
تحياتي
Post: #28 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-02-2017, 09:33 AM Parent: #16
Quote: بوست مهم جداً وخذ في اعتبارك إضافة للألقاب أسماء العوائل في ناس المؤهل عندها هو اسم العائلة تحديداً لا غير غض النظر عن أية ألقاب أخرى، فهو حاديها لتبني الرؤى النرجسية وهؤلاء كثر في هذا المنبر
سلامات حاتم موضوع أسماء العوائل في المجتمع دا فيلم تاني تصدق في أحزاب عضوية المكتب السياسي فيها وراثة لبعض العوائل , يعني يلصق إسم العائلة في نهاية إسمه ويتجاوز صف طويل من أنداده , وتستعمل لتحقيق بعض التميز في المجتمع , دي واحدة من أمراض المجتمع الذي يتنافس حول النفوذ والسيادة السيطرة بالفهلوة
Post: #30 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-02-2017, 10:23 AM Parent: #28
Quote: * الدرجات العلمية - لايجب أن تستخدم وسيلة للتنطع والتعالم والقشرة والتعالي أو كإداة قمع أو وسيلة لإضفاء حصانة أو إدعاء بإمتلاك الحقيقة والتحكم في نواصي المعرفة في غير مجالك الأكاديمي !
بالضبط .. إضافه الي ذلك عندنا في السودان إحتفاء غير طبيعي بالدرجات العلمية دخلت في الغنا , وأثرت علي المجتمع
كتب قرشي الطيب :-
Quote: (يمة الزول مالو ماجا ..والزول دكتور في العيادة) اغنية قديمة قد تكون ركيكة من باب الشعر واللغة ولكنها معبرة في العاطفة.. هي اغنية بناتية بحتة سمعتها حين غفلة وجذبتني جداً رغم أنني ابغض الشعر الغير موزون ولكن (الحبوبات) في الماضي كانو يترنمن فقط بصدقهن وعاطفتهن دون تكلف والحاح بعضهن على ان تتزوج بطبيب جبرها على تترجم ذلك في أغنية صارت الأولى بلا منازع في أغاني الدلوكة وتحفظها معظم الفتيات (يمة الزول/ يمة زوري لي زيارة الإتنين تجيبو نور العين دكتور بسماعتين) وامنيات الامهات بالطب ايضاً حاضرة اذ تقول المغنية لطفلها الذي لم يفطم بعد (يا جناي جد لي ان شاء الله تكبر لي ..تبقى لي دكتور .. تعالج اي زول ويقولو في المرور) ومغنية اخرى ايضا" تتمنى على لسان الام ان يصبح ابنها طبيبا" انسانا" (من الله جاني هدية وبدورو يكبر ليا علي ابوي سميتو عطية. بدورو يبقى طبيب في عيادة الباطنية.. جراحة مخ واعصاب وعيادتو مجانية) وحب الطبيب الجارف ايضا" حاضر اذ تشدو احداهن وتقول (عيانة شيلوني للدكتور ودوني وكان ما بتعالجوني بقميصو غطوني) واخرى تقول (لاقيتو في العصرية لابس لي جلابية انا مابسيب الفيا الدكاترة والعملية. لاقيتو في العنبر لابس قميص اخضر مابسيب الدكتور لو طعنوني بي خنجر ).
وبي الطريقه دي إتشكلت الثقافه الشعبيه , الغالبيه العظمي من الأسر تقاتل كل عام لدخول الأبناء كلية الطب , في بلد محتاجين فيه الي تخصصات تانيه أهم من الطب المجتمع كله بقي ما عه شغله غير الدكاترة وتحول الطبيب عندنا في المجتمع الي رمز من رموز المجتمع وتحول الي قديس ... من وجهة نظري السودان في حاجة الي التعليم الفني الزراعي أكر من الطب ..
بي طريقه الغنا والإحتفاء الغير طبيعي تتشكل هالات القداسة حول بعض المهن ويتكسب اللقب القوة والتأثير من طريقه تعامل المجتمع مع اللقب
Post: #34 Title: Re: طائفيـة الأسافيــر andquot; هيبة الألقاب وقد Author: أحمد الشايقي Date: 07-02-2017, 11:03 AM Parent: #30
Post: #36 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-02-2017, 11:25 AM Parent: #34
Quote: هلا يا شقيق وعيدكم مبارك
لعلك شاركت معي عدة مرات في البوست بعنوان:
(لعلنا بالغنا في تقديس السياسيين)
هناك فائدة في الاسافير وهي نعمة من رب العالمين وهي بالذات حقيقة كونه اسفير يعني برمجيات
وهذه أجبرت قومنا الشفاهيين على الكتابة وهم لا (يحبونها ...) كما لا يحبون القراءة أشــد من ذلك
والتوثيق (جاب) الاثبات صورة وصوت ... عليك الله بعد .... الشهادة على العصر .... ديك المشهورة ..
تاني فضل فيها زيــت ؟؟؟؟؟
الشقيق الشايقي سلامات وعيدك مبارك
أتذكر بوستك بتاع تقديس السياسين
نعم بالفعل طالما لدينا القدرة علي الكتابة والتنوير دي من القضايا الإجتماعية المفروض نتوغل في الكتابة عنها لان لكل زمن أدواته , كثيرة هي المشاكل التي تكبل المجتمع مشكلة القداسة إذا كانت للسياسين أو لقادة الفكر أو الرأي أنها تضع حاجز يحول بينهم وبين النقد , ويعطيهم المجتمع صكا علي بياض ليفعلوا ما يريدون وهم في مأمن من النقد وهم في حماية سلطة المجتمع الذي يقدس الرموز ..
وبتقف معاك تماما في أي الأسافيـر وفرت مكانا مناسبا لنقد هذه الظواهر وتسليط الضوء عليها , وتأسيس محتوي يسهم ويساعد المجتمع في التخلص من عبء هذه القداسات
حصل يوم سمعت ليك في بتاع بطري عملوا ليه مجلس تحقيق أو وقفوه من العمل بسبب الأخطاء الطبيه ؟
البطري الكويس من البضال بتعرفه كيف؟
:):):)
ذكرتني المرحوم عوض دكام ومناكفاته مع صديقه الطبيب الشرعي: قال دا عيادة زي باقي الدكاترة ما عندو :)
عدم المحاسبة سببه أن روح الحيوان رخيصة ليست غالية كروح الانسان
كمان الطبيب البيطري بيدرس ويتخصص في البنية التشريحية للحيوان، خاصة الماشية، وهي الأقرب، بل تكاد تكون مماثلة للانسان.
أنا بالطبع لست طبيباً (بشرياً أو بيطرياً) ولكن لسبب لا أعلمه، أعتقد أن دراسة الطب البيطري أصعب من البشري بمراحل
Post: #40 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-02-2017, 02:00 PM Parent: #39
في مثل سعودي بيقول : ( ما أخس من قديـد الا عسفان )
بعد البياطرة يأتي الصيادلة في رحلة التعدي علي الألقاب والتلصق فيها والقشرة والفشخرة بهذه الألقاب ... يعني عادي خريج الصيدلة تلقاه يزاحم حملة الدكتوراة ال PHD في مناتلهم في حرف ال D ويقوم يلصقه ليك جمب إسمه (دكتور) وهم مبسوط وواهم نفسه بأنه دكتور وهو ولا دكتور ولا حاجة ... توازن نفسي وبرستيج مجاني فوضي في إستخدام الألقاب وفوضي وسط المجتمع المهني ما بتعرف وينه الطبيب ووينه البيطري وينه بتاع الصيدليه البيصرف الدواء ...
الخطورة أنو الجماعه الفوق ديل لطشوا اللألقاب دي سلفقه ساي وحظوا بالإمتياز الإجتماعي وإستخدموا هذا اللقب , ولم يرفضوا مناداتهم بهذا اللقب بحثا منهم عن التميز وكدا .. وخلقوا حالة من الفوضي هكذا تستمر هيبة الألقاب في المجتمع المهني وبين الناس ..
Post: #42 Title: Re: طائفيـة الأسافيــر andquot; هيبة الألقاب وقد Author: محمد البشرى الخضر Date: 07-02-2017, 02:13 PM Parent: #41
Quote: أعتقد أن دراسة الطب البيطري أصعب من البشري بمراحل
لا لا يا حسن ما اظن اصعب كدا على اطلاقها ! لكن فيها حتة صعبة شديد لامن ياخدوا العينة بتاعة الحيوانات المنوية من التور إخييييي يا رب المستنير ما يجي بي جاي يدينا رايو فيها الحتة دي بالتحديد
يا عظمة شايفك دورت على الصيادلة كمان, ياخوي لقب دكتور دا كل من طعن حقنة دكتور لا خلّى فحّيص لا بتاع اشعة لا ممرّض لحدي البتسجّل الاسامي في العيادة برة دكتورة !!
Post: #43 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-02-2017, 03:23 PM Parent: #42
Quote: في ناس المؤهل عندها هو اسم العائلة تحديداً لا غير
من وجهة نظري أن الثقافة السوانية تأثرت إجتماعيا كثيرا بالثقافه المصريه وا طبيعي نسبة لإتجاه السودانين في فترات سابقه الي مصر بغرض الإنفتاح والتعلم ومحاولة اللحاق بالمدنيه والتطور ... في موضوع العوائل الموضوع في مصر طبعا له تأثير كبير وعنهم مثلا (الوزير ينجب وزير) وبعض الأسر تعرف جيدا كيف تصل الي كراسي السلطة والحكم والوزارة مستخمين في ذلك (إسم العائلة) , بطرس غالي كان رئيسا للحكومة قبل ثورة يونيو1952 وإبنه بطرس بطرس غالي أصبح سياسيا ووزيرا مرموقا هو نوع من الإقطاع العائلي بتركيبة المجتمع المتخلف الذي يقدس العائلات الكبري هذا التوريث طبيعي
في السودان نسبة لحداثة التجربه السياسيه التي لم تتصل الي الجيل الثاني برزت بعض مظاهر نفس هذا السلوك (الإقطاع العائلي) وتوريث المناصب وعضوية البرلمان يتبدي هذا بوضوح في عضوية البرلمان وتمثيل العشائر
عشان موضوع الإرتكاز علي أسماء العوائل في تحقيق بعض التميز والتفوق الإجتماعي الموضوع أيضا موجود وله جذور , يشابه إستخدام الألقاب العلميه ويتفقان في تحقيق كاسب علي الصعيد الإجتماعي وبعض من برستيج سلفقه وبالمجان ..
يا عظمة بصورة عامة الشعب السوداني شعب عاطفي شديد والشعب العاطفي تغلب عليه صفة الاحترام وهي ما تدفع الناس لترتيبهم حسب مهنهم بمعنى يحبون أن يضعوا الناس في درجات ورتب بقدر الخدمة والأهمية التي يقدمونها لهم لذلك يطلقون لقب دكتور لكل من عمل في المجال الطبي حيواني أو بشري كما يطلقون لقب مهندس لكل من عمل في المجال الميكينكي أو الكهربائي ولا حقا الكمبيوتر ولقب أستاذ لكل خريج جامعي تقرييبا سوى كان محامي أو اقتصادي او خريج أداب أو إعلامي لو عمل بالتدريس أو أي مجال مكتبي آخر ولقب شيخ لكل من تحدث في الدين أو أم المصلين ولقب مولانا للقضاة ووكلاء النيابة .. أنا شخصيا لا أرى فيها منقصة أو عيب طالما هي إشارة للإحترام فقط لا غير إنما العيب والمذلة في ألقاب الدونية والعبودية من نوع يا بيه ويا سيدي ويا باشا
ايوة بالله ركزوا لينا علي قصة البيطرة دي😀وعرجوا لينا في مسألة السودانيين اللفي الخليج البغيروا اسمهم من الفلاني الي آل فلاني
Post: #47 Title: Re: طائفيـة الأسافيــر andquot; هيبة الألقاب وقد Author: كمال عباس Date: 07-02-2017, 07:01 PM Parent: #46
كتب الأخ حسن بشير أنا بالطبع لست طبيباً (بشرياً أو بيطرياً) ولكن لسبب لا أعلمه، أعتقد أن دراسة الطب البيطري أصعب من البشري بمراحل) إعتقد البيطرة أصعب وأعقد من الطب البشري علي مستوي التطبيق والممارسة ! فالإنسان المريض ينطق ويتكلم ويعرف أعراض مرضه وموضع الألم ويتلقي تعليمات الطبيب بينما الحيوان عاجز بحكم عدم القدرة علي الكلام مما يصعب مهمة البيطري مقارنة برصيفه البشري فيما عدا صغار الأطفال! ** كتب الأخ عبد العظيم ( بعد البياطرة يأتي الصيادلة في رحلة التعدي علي الألقاب والتلصق فيها والقشرة والفشخرة بهذه الألقاب ... يعني عادي خريج الصيدلة تلقاه يزاحم حملة الدكتوراة ال PHD في مناتلهم في حرف ال D _) ويقوم يلصقه ليك جمب إسمه (دكتور) وهم مبسوط فقط مع ملاحظة أن البيطري والصيدلي والمعملجي يمكنهم الحصول علي درجة دكتوراة في مجالهم - خريج هذه الحقول يمكنه الحصول علي درجة الدكتوراة بعد الدراسات العليا مثله مثل خريج العلوم الإجتماعية والقانون والهندسة ! ** خاتمة التقدير للمجتهد والدارس والباحث الأكاديمي والمتأهل علميا أمر إيجابي - إن لم يتعدي المعقول ويدخل تخوم التقديس وإن لم يكن الأكاديمي يسبغ علي نفسه حصانة ويدعي إمتلاك الحقيقة ومفاتيح المعرفة - ويلج أبواب الإستعراض والتباهي المرضي والتلويح بالمؤهل الأكاديمي وكأنه طلسم وعصاة سحرية لإفحام الآخر في مجال آخر لايرتبط بتخصصه ( علما بأن التخصص الأكاديمي لايعني أن صاحبه أمتلك مفاتيح المعرفة ) .......
إعتقد البيطرة أصعب وأعقد من الطب البشري علي مستوي التطبيق والممارسة ! فالإنسان المريض ينطق ويتكلم ويعرف أعراض مرضه وموضع الألم ويتلقي تعليمات الطبيب بينما الحيوان عاجز بحكم عدم القدرة علي الكلام مما يصعب مهمة البيطري مقارنة برصيفه البشري فيما عدا صغار الأطفال!
Well said
Post: #49 Title: Re: طائفيـة الأسافيــر andquot; هيبة الألقاب وقد Author: حمد عبد الغفار عمر Date: 07-02-2017, 07:45 PM Parent: #47
سلام يا عبدالعظيم والجميع
اعتقد كلمة دكتور تحديدا كعرف في الطب والمجتمع تُقال للطبيب المعالج بالتالي كل من يشترك في ممارسة العلاج تنطبق عليهو الكلمة بما في ذلك الصيدلاني والبيطري ومتخصصي المعامل والأشعة يبقى من غير المعقول أن تجرد شخص من لقب استحقه ممارسة وعرفا
لاحظ كلمة Physician / Doctor
معناها a person qualified to practice medicine
Post: #50 Title: Re: طائفيـة الأسافيــر andquot; هيبة الألقاب وقد Author: محمد البشرى الخضر Date: 07-02-2017, 07:59 PM Parent: #49
Quote: العينة هينة. كعب الكشف على البقرة الحامل
نفسها يا حسن, امّال قايل بصلو للبلف كيف؟ بنفس المسار و لاحظ دا تور كمان :)
Post: #51 Title: Re: طائفيـة الأسافيــر andquot; هيبة الألقاب وقد Author: درديري كباشي Date: 07-03-2017, 06:37 AM Parent: #50
طرفة بمناسبة الطبيب البيطري جماعة في قرية أبوهم تعب وكضم ما لقوا طبيب قريب استعانوا ببيطري جا ... قلب المريض وكشف وفحص في النهاية أداه حقنة منشطة وقال ليهم لغاية الصباح كان ما فتح أضبحوه طوالي هههههههههههههه
Post: #52 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 07-03-2017, 03:22 PM Parent: #51
Quote: يا عظمة بصورة عامة الشعب السوداني شعب عاطفي شديد والشعب العاطفي تغلب عليه صفة الاحترام وهي ما تدفع الناس لترتيبهم حسب مهنهم بمعنى يحبون أن يضعوا الناس في درجات ورتب بقدر الخدمة والأهمية التي يقدمونها لهم
سلامات يا درديري يا فنان
زائدا علي عاطفيته المجتمع بسيط , والنظام التعليمي الدخول ليه ليس متاحا للجميـع في السابق , حتي توزيع المدارس والجامعات دا خلق نوع من القداسة للجامعات بغض النظر عن مخرجاتها ... بس التعظيم الشديد والتقدير المبالغ فيه للمتعلمين من قبل المجتمع خلاهم يتفرعنوا شوية ويشوفوا نفسم أعلي من المجتمع وإنفصلوا عن قضايا مجتمعاتهم لحاقا بالتمدن وهروبا من الأرياف .... عشان أغلب المتعلمين علاقتهم هشة جدا بمجتعاتهم
تحياتي
Post: #53 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 08-27-2017, 06:21 PM Parent: #52
أها وصلنا ويــن يا جماعه؟
شوية وبجي راجع
Post: #54 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 08-27-2017, 06:33 PM Parent: #53
السودان بلد الهرج الأكبــر وبلد عجائب المتعلميــن الموهوميـن
يتبختـر كثير من المتعلمين بدرجاتهم العلمية ويستعلون علي باقي خلق الله ويتوهمون بأن الدرجات العلمية جواز مرور لطبقة إجتماعية لا علاقة لها بعوام الناس وأن المتعلمين أصحاب الدرجات العلمية هم الأجدر بإتخاذ القرار وتاريخيا كل كوارث هذا السودان سببها (المتعلمين الموهومين) أدخلوا البلد في سلسلة من الخيبات والكوارث وقادونا الي الفشل بإصرار ويستندون في ذلك علي درجات علمية نتج عنها فشل كبير في إدارة الدوله وفشل إجتماعي آخر في بناء القومية السودانية والإسهام في تماسك هذا السودان هم نفسهم المتعلمين الذين أججوا حروب السودان في أطرافه المختلفه وهم نفسهم الذين أضاعوا الخدمة المدنية ولم يستطيعوا أن يطورا هذا السودان فتبا لأصحاب الدرجات العلمية الإنتهازيين الذين لم تضيف درجاتهم الا فشلا وفسادا ماذا فعلوا لمنع تدهور خدمات المواطن وهم يرون بأم عينهم معاناته وعجزه وضعفه ماذا فعل المتعلمون في قيادة وعي قومي يخلص السودانيين من خطر العنصرية والكراهية
Post: #55 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 08-27-2017, 06:40 PM Parent: #54
حسب وجهة نظري المتواضعه أن نظام التعليم العام والعالي يحتاج الي مراجعه جذريه وتغيرات كبيرة .. هذا النظام البائس نتج عنه طبقة من المتعلمين المنفلصين عن المجتمع وعن قضاياه ورضوا من الغنيمة بالوظائف والمخصصات دون تحمل أي مسؤليه في قيادة تغير مجتمعي كبير .. هذا النظام التعليمي البائس لم ينتج لنا باحثين أو مخترعين إنما أنصاف متعلمين يحملون درجات علمية تمكنهم من الحصول علي إمتيازات صممها نفس \النظام البائس الذي يرعي المتعلمين ولا يطالبهم بأي مسؤليه نظام التوظيف القائم علي إستعاب خريجي الجامعات لهذا النظام البائس نظام قديم غير مفيد ولن يطور بلادنا شبر ...آن الآوان أن يخرج نظام يختلف عن هذا النظام البائس وأن يبني الإقتصاد وسوق العمل علي أسس جديده
التعديل لإضافه حرف
Post: #56 Title: Re: طائفيـة الأسافيــر andquot; هيبة الألقاب وقد Author: Asim Ali Date: 08-27-2017, 07:53 PM Parent: #53
الاخ عبدالعظيم وضيوفه - سلام عليكم عذرا على الدخول متاخرا. *بالنسبه لمداخله الاخ حمد احب اضيف انو بالنسبه لاخصائى الاشعه فى اى مجال اضافه للطب يسمى (Radiologist). *بالنسبه لمداخله احمد عالم ...احد طلابى من نيجيريا وبعض الطلاب من الجنوب من المتحدثين بالانجليزيه عندما يتخاطبوا معى ينادو ب (Sir) واظن انها تحمل تحمل الاحترام دون الحاجه الى ترديد الالقاب الاكاديميه. * بالنسبه للالقاب ايضا الرتب العسكريه ...البعض من العسكريين يصر على تعريف نفسه مسبوقا برتيته حتى لو كان (على المعاش). * التمييز بين اللقب المهنى والدرجه الاكاديميه مثل حاله (دكتور) ...الافضل ان نعتاد على لقب طبيب او نطاسى للطبيب البشرى وبيطرى او بيطار للطبيب البيطرى .(عندنا جار طبيب بيطرى ترك البيطره وفتح بقاله وحتى الان الناس شابكنو يادكتور ...يادكتور ..) اما للدرجات العلميه الماجستير (التخصص) والدكتوراه (التخصص الدقيق)...اى نقول فلان يحمل درجه التخصص الدقيق فى كذا وهذا لايحدث الا فى موقف يتطلب ذلك فعلا حتى لاتكون فى اى زمان واى مكان تحياتى
Post: #57 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 08-27-2017, 07:56 PM Parent: #56
Quote: وبيطرى او بيطار للطبيب البيطرى .(عندنا جار طبيب بيطرى ترك البيطره وفتح بقاله وحتى الان الناس شابكنو يادكتور ...يادكتور ..)
تعرف زي دا يا عاصم إذا جيت تقول ليه إنت ما دكتور ممكن يضاربك ... مفروض هو زاته يوقف الكلام دا يعني يرفض أن يطلق عليه لقب هو لا يستحقه لكن نعمل شنو مع الأوهام ورعاية الموهوميـن
Post: #58 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 08-27-2017, 08:00 PM Parent: #57
مجتمعنا مجتمع بسيط وكريم في منح الألقاب والمتعلمين الموهوميـن مبسوطين وإتنفخوا علي الفاضي شغالين بقانون : إذا قالوا ليك سمين قول آمين
وبالطريقه دي الناس تتوارث التستر خلف الألقاب والبعض يتكسب منها إجتماعيا وينجعص في نص الناس وعاوز يعاملوه باللقب وما بتنازل كله كله أفندي وموهوم وفاكيها في روحه
Post: #59 Title: Re: طائفيـة الأسافيــر andquot; هيبة الألقاب وقد Author: عبدالعظيم عثمان Date: 09-07-2017, 07:01 PM Parent: #58
موضوع أسماء العوائل دا كلام تاني
يعني مثلا زوول جده الخامس يكون الميرغني /المهدي يقوم يشطب ليك أبوه وجده الأول ويربط إسمه بي إسم جده الخامس المشهور أو صاحب النفوذ أو عضو البرلمان أو التاجر أو شيخ القبيله