ده تنميط سخيف يا أبوبكر عباس.

05:43 AM June, 29 2017

سودانيز اون لاين
Deng-
مكتبتى
رابط مختصر

كتب أبوبكر عباس:

Quote: طبعا يا جماعة، البوست دا أصبح غنيمة في يد المسلمين. سؤال لأبي الريش، كيف كانت ميول الباشمهندس محمد سليمان في التماتينات؟ هل كان في ونستو ضد إنقلاب الإنقاذ في بداية الإنقلاب؟ هل نستطيع نقول عليهو كان كوز؟ الحقيقة يا أبا الريش أنا قرأت الجامعة في فترة الديمقراطية أستطيع أن أقول 90 في المية من أولاد دارفور كيزان أو كيزان إلا ربع خصمناك يا أبا الريش، تمرق النصيحة

المصدر:

أين الكضاب محمد سليمان؟ الجنجويدي ارباب حراً طليقاً في السويد!!أين الكضاب محمد سليمان؟ الجنجويدي ارباب حراً طليقاً في السويد!!

Quote: الحقيقة يا أبا الريش أنا قرأت الجامعة في فترة الديمقراطية أستطيع أن أقول 90 في المية من أولاد دارفور كيزان أو كيزان إلا ربع

يا أبوبكر عباس، ما كتبته بقلمك هذا تنميط سخيف، ولا علاقة له بأي نوع من الحقيقة.

فأنا هنا أتسائل!

1- كم عدد أبناء دارفور الذين كانو في الجامعة؟
2- كم عدد أبناء دارفور الذين كانو معك في الكلية التي درست بها؟
3- كم عدد أبناء دارفور الذين عرفتهم أنت في الجامعة معرفة شخصية وعرفت أنتمائاتهم السياسية؟

4-في أخر أنتخابات ديمقراطية بأقليم دارفور كم كان عدد نواب الجبهة الأسلامية ؟

5-وكم كان عدد نواب حزب الامة من الذين كانوا يمثلون دارفور؟

حلوة تنميط دي
بعدين الانبثاق لزومو شنو
جيت اسلم بس ..!!!

نعم اغلب ابناء دارفور كيزان في بواكير الانقاذ ودي ما دايره غلاط

بل ممكن تقول الانقاذ قامت على اكتافهم ومجاهداتهم

Quote: نعم اغلب ابناء دارفور كيزان في بواكير الانقاذ ودي ما دايره غلاط بل ممكن تقول الانقاذ قامت على اكتافهم ومجاهداتهم

طيب هل أنت عندك أجوبة على أسئلتي الفوق دي، أو أدلة، ولا جيت بس ترمي كلام والسلام؟؟

نعم،
الحكومة استقرت واستوت على ابناء دارفور،
هم الذين اخلصوا في الدفاع عنها في المدن وخارجه...
وليس سواهم أعنف في فض المظاهرات.....
وهذه ميزة ايجابية بالنسبة للحكومة،
خصلة ذميمة بالنسبة للمعارضة...
....
التحية لابناء دارفور حيثما كانوا، ونسأل الله
ان يعيد اليها الامن والامان ، والذي يعد من امن
وامان كل بقاع السودان والدول المحيطة بالاقليم.

عدد مقاعد الجبهة من دارفور ليس له علاقة بمقولتي،
لأنني ببساطة اتحدث عن متعلمي دارفور في ذلك الزمان،
المتعلمين حتى ذلك التاريخ كانوا قليلين بالمقارنة بالعدد الكلي لسكان دارفور،
لكنهم كافين لتكوين كتائب كيزانية بجامعات الخرطوم وتشكيل كتائب أمنية لتأمين النظام.

المراجع:
لاحظ للمقال الأخير لمدير مركز الدراسات السودانية
البروفسور حيدر ابراهيم

بعدين يا أستاذ، استعمال كلمة سخيف في عنوان يحمل اسمي؛ عيب في حق رجل بمقامي

فكرة مداخلاتي بهناك:
الإنقاذ ليست جلابية
صحي محمد سليمان لم يشارك الإنقاذ كدباب بشهادة ابو الريش،
لكنني أشك شك شديد بأنه كان اسلاميا داعما للنظام معنويا،
وأن خلافة مع فكرة سيطرة الإسلاميين على الحكم ليست أصيلة،
محاولته الآن دمغنا بجريمة الإنقاذ ما ممكن نفوتها له لتحقيق مكاسب

تحياتي الاخ أبو عباس.
نعم سخيف،
وفيه تنقيص من حق الكاتب.
وفيه تهييف للموضوع،،،
وفيه عنصرية عديييل كده...
...
يازول زي ده تلفخو بس ،
تدخل وراه في اي جحر، بس لازم تتحمل العفانة عند الكتمة.
هي فقط مسافة كم مداخلة ، يفتح عينو كويس و يرقد سلطة ...
.....
بئس Deng ، الفأر المغطى بثوب المثالية الإنساني الممزق....

((((((الحكومة استقرت واستوت على ابناء دارفور،هم الذين اخلصوا في الدفاع عنها في المدن وخارجه...وليس سواهم أعنف في فض المظاهرات.....وهذه ميزة ايجابية بالنسبة للحكومة،خصلة ذميمة بالنسبة للمعارضة)))))
ـــــــــــــــــــــــــــــــــــــــــــــــــــــــــــ

أستولت على ابناء دارفور كيف بالله؟

وهل كان جميع أبناء دارفور أو الغالبية العظمى منهم يدافعون على الحكومة؟

أنا كنت مفتكر أن ما تقومون به تنميط، ولكن للأسف الشديد أنها العنصرية بعينها.

Quote: عدد مقاعد الجبهة من دارفور ليس له علاقة بمقولتي، لأنني ببساطة اتحدث عن متعلمي دارفور في ذلك الزمان، المتعلمين حتى ذلك التاريخ كانوا قليلين بالمقارنة بالعدد الكلي لسكان دارفور، لكنهم كافين لتكوين كتائب كيزانية بجامعات الخرطوم وتشكيل كتائب أمنية لتأمين النظام. المراجع: لاحظ للمقال الأخير لمدير مركز الدراسات السودانية البروفسور حيدر ابراهيم

أبوبكر عباس.

بالله الكلام البتقال عند ستلت الشاي وتحت أعمدة النور وفي قعدات اللساتك في راس الشارع، ما تجي تكتبوا لنا هنا!

أنت أتيت بنسبة مئوية، وأنا عاوز أعرف من وين أنت جبت نسبة ال 90 في المية دي؟

أنا طرحت عليك أسئلة موضوعية، حاول أن تجاوب عليها بدل الكلام الفارغ البتكتب فيهو ده.

بعدين شنو جايب حيدر ابراهيم وعاملوا مرجعية، هو ذاتوا فرقوا منك شنوا؟
الكلام الفارغ المتحامل الكتبوا عن أبناء الهامش لا يصدر إلا من انسان متحامل ويتنكر للحقائق.

قصي

بئس التدين الذي يدعيه أمثالك.

Quote: بئس التدين الذي يدعيه أمثالك.

[/rd]
لم أدعي شيئا....
المهم ألفاظك تحت المراقبة الدقيقة... وثوبك المزيف في الدفاع عن العنصرية غير ساتر لك...
فكن على قدر عمرك و هرمك الوهن ، وصلعتك ، وتناثر الشيب فيك.
-------------
وقع ليك؟

دينق انت كويس
اسمع كلامي ده المستنير ده حار عليك أحسن ترجع لي الخبير بهناك
وبعدين المستنير ده بستف ليك الخبير لما أتكيف وقال البوست ده غنيمة
للمسلمين .. شفت المستنير ده معلم كيف


-----
دينق أختشي

محمد المسلمي.

شايفك بتوزع في الالقاب سااااكت هنا في المنبر ده!

شئ خبير

شئ مستنير وشئ مجاهد.

يا المسلمي أحسن تختشي.

والله العظيم ضحكتني رغم الصداع

الخبير اللمبي 😂😂😂😂😂


----
دينق أختشي

لسة في المشاكل القديمة وفرز الكيمان؟؟؟

يا دينق، البوست دا بوست مهم،
عليك الله، وضح مرجعية الاقتباسات
وخلينا نتكلم برواية


المستنير المعلم الغانم

يا أخوانا، زول اجيب ليهو مرجع كان قبل ايّام قريب من مرتبه اله في الديمقراطية،
يقول لي: خلينا من كلام ستات الشاي؟!
فرقك كدا من أمير بوب شنو؟

سلام يا قُصي ومسلمي، وشكرا على الحب

تقصد يا دينق، إنّو نسبة ال٩٠٪‏ كبيرة؟
يا رجل، ال١٠٪‏ الباقية دي وحات الله، كرم مني ساكت
أنا بتكلم كشاهد عيان على فترة التمانينات
ديل كانوا مساجد الجامعة ما بفوتوها حتى في الاجازات

يا أخي، كلام بروفسور دا صحيح
مثقفي دارفور في التمانينات كيزان وهم كان لهم قدح معلى في تأمين الإنقاذ

أزيد ليك في التنميط:
تحديدا غالبية أولاد الزغاوة في الجامعات في الثمانينات كانوا كيزان

Quote: تقصد يا دينق، إنّو نسبة ال٩٠٪‏ كبيرة؟ يا رجل، ال١٠٪‏ الباقية دي وحات الله، كرم مني ساكت أنا بتكلم كشاهد عيان على فترة التمانينات ديل كانوا مساجد الجامعة ما بفوتوها حتى في الاجازات يا أخي، كلام بروفسور دا صحيح مثقفي دارفور في التمانينات كيزان وهم كان لهم قدح معلى في تأمين الإنقاذ أزيد ليك في التنميط: تحديدا غالبية أولاد الزغاوة في الجامعات في الثمانينات كانوا كيزان

حتي حركة خليل كلها كيزان والآن كمية من أبناء دارفور يعلمون ضباط في جهاز الأمن وكمية اخري كيزان شعبي

-----
يادينق المستنير ده حار عليك فتش ودالباوقة وين

دينق أختشي

والله، يا مسلمي، أول ما جات الإنقاذ،
دفعنا منهم
كانوا فرحانين فرح بالمواتر السوزوكي ٤ بستم

والبدل (جمع بدلة) السفاري الرمادية المزرقّة
والنضارات السودا
الواحد فيهم عامل لينا شاشي كابور

يا ابوبكر عباس ...
اولاد الجزيرة كانوا بتقاسموا الكوزنة (فيفتي فيفتي) مع اولاد دار فور في الزمن داك ...
فما تحاول تبرئية اولادكم ...

موافق يا فضيل
بس ما بنخلي ناس محمد سليمان ديل يتسحبوا

وكمان أزيدك يابكور كانوا ماسكين أهم أدارت في جهاز الأمن
ناس التحري والجلد والتعذيب وكان الإنقاذ لهم خاصة


----
دينق دقس يامستنير وجاك براه
ده بوست غنيمة وحلال عليك

دينق أختشي ولا ابلع 💊💊💊

وكمان يا مسلمي، غير غنيمة
بكري ما بقدر يسحب البوست
نتفسح نقول الدايرنو والبوست محروس
يا ما انت كريم يا رب

عليك الله يا بكور ، عمر نملة طلع اخوك !!!!!!
ياخ الواحد يادوب عرف ( البطن بطرانة) معناها شنو !!!
.
.
.
كنت داير اكتب الكلام في بوست ال_رابة الحلوين بس لقيت البوست مطبول ... فقلت اكتبو في سبيل دينق دا ...

ههههههههه
غايتوا يا المستنير جاتك براها تمرات فكي
وكمان الولد عامل فيها معلم والله عارفك
تشلخه مطارق بموس ميتة بس نسوي شنو
كلمناه عمل رائح وفالح اها اليخم ويصر


----
دينق أحسن 💊💊💊

سلام
اتمني انو الشباب هنا ما جادي
بالجد المسالة ما جميلة بتاعت تهمة كوزنة طلاب دارفور وامنجيتهم والمعذباتية. اي تهمة من شخص ينتمي للاقليم بالتعميم دا لاي اقليم او مجموعة اجتماعية من اقاليم او مناطق اخري تقابل بحساسية عالية جدا
كلام استهلك كتير جدا

يا ريت تتم مناقشتها بشئ من المسؤلية ووضع اعتبار للحساسية فيه والتعميم الفي اكثر الاحيان مخل ويكون سبب لسؤ المفهومية

يا حامد، ما في أي حساسية ولا عنصرية
نتحدث عن توثيق لتاريخ عشناهو
ونحن نتحدث عن أولاد دارفور بالجامعات في التمانينات وبداية التسعينات،
الانقاذ ليست جلابية كما يدعي المتمردين عليها في الالفينات
لم نعمم علي كامل دارفور
اتحدث تحديدا عن طلاب دارفور بالجامعات في الثمانينات

Quote: يا حامد، ما في أي حساسية ولا عنصرية نتحدث عن توثيق لتاريخ عشناهو ونحن نتحدث عن أولاد دارفور بالجامعات في التمانينات وبداية التسعينات، الانقاذ ليست جلابية كما يدعي المتمردين عليها في الالفينات لم نعمم علي كامل دارفور اتحدث تحديدا عن طلاب دارفور بالجامعات في الثمانينات

تشكرعلي الرد ابوبكر

ما قصدي اتجرجر او اغالط بس كلامك نحن نتحدث !
و طلاب دارفور بالجامعات !

يعني ما جامعة واحدة ولا طالب واحد وانتو اكتر من واحد دا ما لم يكون فيه احصاء وجمع بيانات بطريقة علمية يكون التعميم البنتكلم عنو

انا تابعت فقط هذا البوست قد تكونو لديكم دراسة او محاولة توثيقية فيها اتبعتو طرق التوثيق في بوست اخر لم نضطلع عليه وبهذا تستحقو الاعتزار
واذا لم يحصل يبقي محاولة التوثيق يشوبها الكثير من الخلل

يا حامد، ليس لدي دراسة بأرقام موثقة، هي محاولة لتقييم تلك الفترة معتمدا على الذاكرة،
زايد إنّو اعتبر نفسي زول عادل التقييم وليس عنصري

تعرف ان دراسة بالارقام شبه مستحيلة،
لا اعتقد ان زول بمستوى بروفسور حيدر ابراهيم يمكن أن يطلق الكلام على عواهنه
موضوع مشاركة اولاد دارفور في الانقاذ لا يحتاج لدراسات
ممكن زول يقول لي: ما كل الناس شاركت في الانقاذ؟!

تعرف مشكلتي مع الموضوع دا شنو؟
متعلمي دارفور كان ليهم دور كبير سالب في الفترة الأخيرة ومنعوا إمكانية اي تغيير
وذلك بتوريطنا في مسألة المحكمة الحنائية
كيزان اختلفوا مع بعض
وعايزين يحملونا وزر كوزنتهم القديمة

اعتذر لمتابعي البوست وعلى رأسهم الصديق دينق بالتوقف عن الكتابة بالمنبر،
زعلة جعلية من بكري ابوبكر

"ديل كانوا مساجد الجامعة ما بفوتوها حتى في الاجازات"

طيب دى حاجة بطالة؟ ناس متدينين ما شاء الله وربنا يزيد هم تقوى وإيمان.
غايتو السوتو الانقاذ ومعارضيها فى الشعب السودانى وموروثاته الله اعلم يطلع

يا ابو بكر غايتو بحسب تجربتنا في مصر اولاد دارفور الدارسين بالازهر و المقيمين في رواق دارفور
كان اغلبيتهم كيزان و لكنهم كانوا منظمين في تنظيم موازي للاتجاه الاسلامي بتاع بقية الطلاب. اذكر في
احدى الانتخابات شديدة الاستقطاب و التي شهدت توترا عاليا و عنف متبادل ناس الرواق ديل جابوهم الكيزان
لنصرتهم، الشاهد انهم كانوا بتحركوا كجسم قائم بذاته و كان واضح ان لهم قيادة مستقلة و كانوا بتحركوا كمجموعة
بشكل منفصل عن بقية الكيزان.
اما بقية ابناء دارفور فكانوا موزعين على بقية التنظيمات و الاغلبية كانوا في حزب الأمة. و كان في ناس في تنظيم
احمد ابراهيم دريج - ما متذكر اسم التنظيم -

كجلابي أصيل لا أملك إلا أن أقول عليك شوف إستهبال الجلالة القروش الإتلغفت خلال سنين الإنقاذ كم نسبة اللغفي والنَّاس الإتكتلت وإتحرقت كم النسبة بين دار غرب ودار صباح وجاي المستنير يلصقها في ناس دارفور القال أول حاجة في خطة تطوير دارفور إنه يحرمهم من التعليم

ابوبكر عباس.

أنت أتيت بنسبة ال 90 في المية دي، وعليك أن تثبتها للناس أو أن تعتبر شخص تكتب في معلومات غير دقيقة.

حيدر إبراهيم في مقاله عن الهامش لا يختلف عنك كثيرا في طريقة التفكير المنحازة.

أسئلتي الفوق مازالت قائمة، ولو ما عندك لها أجوبة، أفضل لك أن تصمت.

ابوبكر شكر مرة تانية لردك ونتاسف جدا لو كنا جزء سبب حردانك للكتابة في المنبر اتمني ان يكون في اطار الممازحة انت احد الكتاب النشطين في المنبر واكيد لك تاثيرك

عموما وجهة نظرنا في الموضوع كما تفضلت ان دراستو والاحصاء فيه شبه مستحيل لذك بنفتكر انو تناولو بالبساطة وحسن النية دائما ما يسبب سؤ المفهومية يعني بشكل اكتر وضوح بكون احد
اسباب عدم الاحساس او منعه من الانسان في دارفور (انتو الجبتو الكيزان وحميتو الانقاذ اكتو بنارها لوحدكم ما عندنا معاكم الشغلة) وفي الواقع درافور اقليم بعيد سكانو كتيرين
وفقير جدا ويعاني مشكلات كتيرة في الخدمات الاساسية نسبة المتعليمن فيه علي نسبة السكان اعتقد انها ضئيلة جدا ان تعاني الاغلبية لاعتقادات وافتراضات غير
متحقق منها لاقلية لا تمثلها باي شكل من الاشكال الاغلبية هذا ظلم
بروف حيدر ممكن جدا يقع في خطا التعميم ما لم يقف علي احصاء ومعلومات دقيقة عن الموضوع وبالتالي يكون وقع في دائرة المساهمة بشكل مباشر
في نشر الفكر الذي يؤذي الاخر سكان الاقليم الطلاب ومتلقي التعاليم العالي (بعض ابناء الاقليم بنسبة عالية )
مسالة Recutering لدي الاجهزة الامنية والقمعية اعتقد مسالة تحليها ليس بالتعقيد ولا تحتاج المناطقية في الاطار العام في اطارها الخاص الاجهزة القمعية في الغالب تحمي نفسها بذوي القربي ومن تثق فيهم
نكرر الاعتذار ولك الورد والود وكل ما هو جميل

شكرا يا دينق على كشف هذا السلوك العنصري للمتشبث في الاستنارة أبكر.
عدم إجابة أسئلة دينق التي طرحها في مستهل هذا البوست لهي دلالة قاطعة على ممارسة أبكر للولوة والدغمسة والجلبنة..

اوريكم تكاتيك المستنير ،عندو إقتباس قديم من ابوالريش وداير يلف ويدور عشان يثبت ان محمد كان مؤيد للإنقاذ وعليه فالإنقاذ حقت الغرابة مبرئاً كل جلابي فرش برشها وأكل قرشها

يكفي الانقاذ أن منفذ انقلابها عمر البشير الجعلي.
ونائبه المرحوم الزبير الدنقلاوي.

الإنقاذ جلابية بيضا ومكوية.

يا منتصر، عاين للتكتيك دا:
يا أبا الريش، أنا اتهم الباشمهندس محمد سليمان بأنه كان متعاطفا مع الإنقاذ منذ قيامها وحتى المفاصلة.

Quote: يا أخوانا، زول اجيب ليهو مرجع كان قبل ايّام قريب من مرتبه اله في الديمقراطية، يقول لي: خلينا من كلام ستات الشاي؟! فرقك كدا من أمير بوب شنو؟

ههههههه
يا مستنير بطّل جقلبة و استهبال
امير بوب دا طقطقك في بوست كاونتربوينت !!

Quote: يكفي الانقاذ أن منفذ انقلابها عمر البشير الجعلي. ونائبه المرحوم الزبير الدنقلاوي. الإنقاذ جلابية بيضا ومكوية.

انت لو بتعرف في الاجناس يا سمعة كان عرفت إنهم الاتنين بديرية ..
االغرب ده ما ملان بديرية لي أم عينو أها شن قولكـ ..
برضو الانقاذ جلابية ؟!! ...
وبرضو كمان قلتو البديرية فولاني ...
وكده بتكونوا مرقتو الانقاذ من الجلابية البيضا المكوية الحارقاكم دي ..

Quote: شكرا يا دينق على كشف هذا السلوك العنصري للمتشبث في الاستنارة أبكر. عدم إجابة أسئلة دينق التي طرحها في مستهل هذا البوست لهي دلالة قاطعة على ممارسة أبكرللولوة والدغمسة والجلبنة..

* إعتذر من صاحب البوست والمعلقين ... ولكن برأيي لا يصح إلا الصحيح ، ولأن الشئ بالشئ يذكر ، وصراحه لم أعتاد - هنا - الدخول في مثل ما أنا بصدده الآن ولكن !!!
المهم في الإقتباس أعلاه ورد إسم أبكر ، ظنآ منك يا اسماعيل إنك توجه إهانه أو إساءه لأبوبكر عباس ، وإستعمال " أبكر " في مواضع مثل هذه في السودان أيضآ تعتبر عنصريه وتنميط وتحقير وما يتصل ،،، ولا يختلف اثنان في هذا .
* واذا كنت تريد إدانة العنصريه بعنصريه مثلها لك هذا ، ولكن لزامآ عليك الإعتذار " للأبكرات "

مع كل الخير ،،، ووافر إحترامي للجميع .

حيرتنا يا ايمن أنا زاتي قاعد اقول ليه ابّكر مرّات وكذلك احد اصدقائي اسمه بابكر نناديه بأبّكر تحببا ولم نر او نحس انه في عنصرية في هذا الإسم !

بالمناسبة أبكر ده ذاتو لو عملنا ليهو فحص حمض نووي بنلقاهو من عندنا..خاصة وان رحلات اهلنا الفولان والهوسا للحج عبرت بمضارب حبوبات أبكر عباس..
بعدين ما تسمعو الفلسفة الفارغة دي، اي زول اسمو أبوبكر في الأصل أبكر...

الافتراض دا يا سمعة، غير ممكن
زمن الناس بتمشي الحج بالدواب،
مناطقنا كانت مسيطرة بشكل اثني،
والنَّاس كانت بتغامر تجي لحدي مناطقكم لسرقة العبيد،
اعتقد حملات الحج كانت بتحتاج تأمين من قبائل النيل.

اختلاط الجينات حديثا قد يكون حدث في كتلة المتمة، وكرد فعل بعد كرري

Quote: والنَّاس كانت بتغامر تجي لحدي مناطقكم لسرقة العبيد،

هسع كلمة سخيف دى لزومها شنو..تكلم حتى أعرفك...أكتب حتى أعرفك ؟

Quote: الافتراض دا يا سمعة، غير ممكن

حتى نثبت عدم صحة هذا الافتراض يا أبكر هل تقبل تحدي فحص الحمض النووي حتى نتحقق من الخلطة الجينية؟؟
أظنك في امريكا...هناك عملية الفحص سهلة و رخيصة..

أصلا لم ادعي نقاء عرقي، ولا ارى في الآخرين دونية أتهرب منها.
موضوع الحامض النووي دا معقد شويّة في حالات تحديد الأصول،
نسبة لغياب المرجعيات الواضحة
في أمريكا يستعمل كأداة لإثبات النسب القريب

فرضيتك لو تعني بها استقرار هؤلاء الفلاتة وامتزاجهم؛ ما فيها مشكلة

الفهمتو أنك تقصد ان الحجاج وهم مارين بمناطقنا يكونو امتزجوا بحبوباتنا حمرة عين

Quote: الفهمتو أنك تقصد ان الحجاج وهم مارين بمناطقنا يكونو امتزجوا بحبوباتنا حمرة عين

زول ماشي يزور بيت ألله أكيد حيكون زول ورع وتقي و الامتزاج حيكون زواج وليس إغتصاب..في كتاب اسمو (الفلاتة في السودان) حاول إطلع عليه حايريحك راحة تامة..
الفحص الجيني ليس القصد منه إثبات (نقاء عرقي) رغم تحفظي على هذا المصطلح الشائه...القصد من الفحص هو مواجهة الجلابة بحقيقة وجود دماء غرب افريقيا فيهم الحقيقة. التي يفرون منها فرار الصحيح من الاجرب..

أنا قد أكون بستعمل موضوع جدي العباس كثيرا، لكن من باب السخرية من أهلي.
الجلابة يا سمعة وجود ثقافي اكثر منو اثني
يعني لو اثبت اننا فلاتة، ذلك لن ينهي غضبك منا
ولو الموضوع بالسهولة دي
من الليلة نحن فلاتة

يا حاتم، يا مثقف، يا عروبي، يا كبير،
عليك الله، اتوسط لي عند نجاة تديني حساب بفوراول
بكري دا حاقر بي
زائد إنّو الرجرجة ديل ملافظم بتجرح إحساسي

بعدين يا سمعة، يا ما مثقف،
إتّا ما حضرت لقاء المثقف الكبير حاتم الياس بالتلفزيون
حول صيرورة الثقافة العربية

أبوبكر عباس.

بطل الهرجلة البتعمل فيها في البوست ده، وجاب على الاسئلة دي:

1- كم عدد أبناء دارفور الذين كانو في الجامعة؟
2- كم عدد أبناء دارفور الذين كانو معك في الكلية التي درست بها؟
3- كم عدد أبناء دارفور الذين عرفتهم أنت في الجامعة معرفة شخصية وعرفت أنتمائاتهم السياسية؟

4-في أخر أنتخابات ديمقراطية بأقليم دارفور كم كان عدد نواب الجبهة الأسلامية ؟

5-وكم كان عدد نواب حزب الامة من الذين كانوا يمثلون دارفور؟

يا ابوبكر الناس ديل دايرين يخجلونا ساي من ثقافتنا تقول نحن قلنا لربنا ده جيبنا جعليين ولاجيبنا كواهله ولاشوايقه..القصة دي كان اصلا كده كان طلبنا يجيبنا دنماركيين عشان نتفكى من النضم الكتير ده . دي قصة وجود يعني ماعندنا فيها أختيار ..العنصرين هم بالمناسبة لانو القصة دي بتخلق تصور سهل لمعالجة الازمات عندهم حيث يبدو كل العالم عبارة عن حالة ثنائية بين الخير والشر ..من المهم جدا أنو مانجامل زول بانو نوطئ من قدر هويتنا وانتمائنا الثقافي عشان هو مايزعل وماينزعج زي مابعملوا بعض مدعي الأستنارة من اهل الهشاشة الفكرية والتسطيح البشوفو انو لابد انو تردم كل سياقاتك الثقافية والجغرافية حتي تنصب كمثقف متجاوز ومنحاز لقيم العدالة..أي عدالة هذي التى تريد أن تقتص منك حتى في الخيال والوهم لانك من الوسط والشمال ..هذا لايعني ابدا أن نتحرك للغد او في الراهن بمفردات علنية أورمزية تحمل قيم مرزولة ناس عب وفيهو عرق وخادم وغرابي حاقد وعربي مقطع وحلبي جيعان وعب اغلف الخ اخر القاموس القبيح..لكن كمان نحن مثقفين معنيين بتغير المستقبل وبناء فضاء انساني خالي من التشوهات ولسنا أخصائي علاج طبيعي نقوم بممارضة من لايريد أن يبني وعي نقدي علي اساس من القيم والمفاهيم الخيره والجسورة وهو لايريد أن يثق في حس التاريخ وحركة الوعي ..لكن قاعد يحرس فيما ينتجه الضحل من الخطاب السياسي اليومي ..فما تشتغل بالقصص دي كتير قلت اولاد دارفور ولا اولاد بحر ابيض حتى يتم تركيبها على نحو عنصري لكن هذا لايعني الركون لهذا التقييم لانو اولاد دارفور الدخلو الجبهة الاسلامية زيهم وزي غيرهم من باقي ولايات السودان وهذا الامر ينفع لجانب أحصائي وجوانب دراسات أجتماعية وسياسية لكنه لايصلح لان يستخدم كأدانة لأبناء دارفور.

يا حاتم الياس سلامات
غايتو ما عافين منك لو اتوسّطت لمستنيرنا دا عدكم وسقتوه منّنا, دي حتكون أحر علينا من سوقة بكري المدينة و الغربال من الهلال

داير أقول حاجة يا دينق،
الكوزنة لأولاد دارفور بالجامعات في السبعينات والتمانينات كانت خيار تقدمي جدا لأحفاد الانصار،
لا يقل عن الخيار اليساري لأولاد عطبرة
حركة الأخوان حركة حداثية زيها وزي الحزب الشيوعي السوداني،
أنا لمان أقول إنّو اولاد دارفور كانوا في التمانينات كيزان، ما داير اعايرم بالموضوع دا، بقدر ما دايرم يقدموا مع الجلابة نقد ذاتي لفشل التجربة.
بدل يمسكوا لينا في حاجة ميتة، عنصرية الجلابة وصراع الهامش

"الكوزنة لأولاد دارفور بالجامعات في السبعينات والتمانينات كانت خيار تقدمي جدا لأحفاد الانصار،
لا يقل عن الخيار اليساري لأولاد عطبرة
حركة الأخوان حركة حداثية زيها وزي الحزب الشيوعي السوداني،
أنا لمان أقول إنّو اولاد دارفور كانوا في التمانينات كيزان، ما داير اعايرم بالموضوع دا، بقدر ما دايرم يقدموا مع الجلابة نقد ذاتي لفشل التجربة."

بصراحة دي لعبة حريفة جدا ، من الليلة مفروض تاخد لقب المستنير ميسي .. بس برضو ما بحلك من التنميط ..

بعد المصالحة في 76 بين الترابي و نميري
مقولة للشريف حسين الهندي ( كانت في شريط مسجل بصوته ) في لقاء له مع التربي في لندن عندما سألو لماذا صالحتم
رد عليه الترابي بأنهم حزب صغير و يريدون تنمية كوادرهم
تم إطلاق يدهم في العمل بعدها مع التضييق على القوى الأخرى و فعلاً تمددوا في قطاعات واسعة
الملاحظ إنهم زاحموا حزب الأمة في دوائره التقليدية في دارفور تحديداً و ده الأفرز ليهم قاعدة و قيادات في دارفور

Quote: يمسكوا لينا في حاجة ميتة، عنصرية الجلابة وصراع الهامش

ده اس الصراع في السودان..
اذا كانت دي قناعة عندك يا أبكر معناها انت بعيد كل البعد عن استيعاب إحداثيات حقيقة المشكلة السودانية و معناها إنك زول سطحي جدا و احسن تندغم مع شلة البورداب الحكواتية.

أبوبكر عباس.

شايفك مصر أن تواصل في التهريج البتعمل فيهو ده. وما قادر ترد على أسئلتي.

البوست ده درس لك وللأخرين من الذين ينسجون أكاذيب وروايات من خيالهم.

أنت يا زول جبت نسبة مئوية وهي 90 في المية، وأنا كنت عاوز أعرف من أين أتيت بهذه النسبة، ولكنك فشلت في الاشارة الى مصدرك، وواضح جدا أن مصدرك هو خيالك المريض فقط ولا غير.

تنميط شنو يا عبد الله ادريس؟!
ما ٩٠٪‏ ،
أولاد دارفور غير اولاد الأسر الكبيرة كلهم في التمانينات كانوا كيزان
الاتجاه الاسلامي كان يرعاهم رعاية شديدة
كانت فرصة كبيرة لهم للانعتاق من حزب الأمة والتقليدية والتقدم في حزب حداثي وفِي نفس الوقت الحفاظ على موروثهم الاسلامي الكبير

كان الاتجاه الاسلامي في الاجازات بكون فاتح ليهم الداخليات خمسة نجوم
شيء تحفيظ
شيء رحلات
اولاد دارفور في التمانينات هم تربية الاتجاه الاسلامي، كان أبوهم وأمهم،
الاتجاه الاسلامي كان حزب طلابي حداثي سمح لهم بالوصول لقمة هرمه، وكان واضح جدا إنّو الكفاءة هي الفيصل في الحزب
أخدو الدكتور علي الحاج مثال

-----
يا دينق، تقريبا دفعتي كانوا أربعة
كلهم كيزان

ببساطة لأنو اليسار كان يسار مديني , عطبره ويقول ليك بيت المال أسمو حي موسكو ودوائر الحزب الشيوعي كمثال كانت فى العمارات والديم قلب الخرطوم عشان كده لو كان عندنا حزب شيوعي ماوي كبير كان غير المعادلة دى لصالح الريف هذا العجز بالمناسبة تم أستبداله بتخريجة (دوائر الوعي) وده وصف صفوي يعكس عجز النخب المدينية وتقسيمها للوعي السياسي بين دوائر وعي ودوائر جهل .,لكن كده قول الليلة مشى أستاذ أسلامي وشيوعي لمدرسة فى دارفور عشان يدرسوا وفى نفس الوقت يستقطبوا ..الأسلامي ده بي قال الله وقال الرسول ويصلى بيهم جماعة كده بهيئة تفارق هيئة الآمة التقليديين ناس الخلاوي ممكن يستقطب المدرسة كلها بى غفيرها والشيوعي حايقعد هناك فى الميز يقرأ منطوي على نفسو كان بالغ بيمرق ليهو بطالب ولاطالبين بس وغالباً بسحر الشيوعيين وروحهم اللطيفة....الأشكال مافى دارفور ولا الشمالية ولا بورتسودان رغم أنو فى فروقات نسبية تزيد وتنقص أهمها البنية الحضرية ووعيها لكن الأشكال عموماً فى شكل الوعى المتاح حسب بنية التخلف العامة فى كل السودان ,لكن ليه دافور لأنو الدين عبر تاريخها وممالكها لعب دور أساسي وكثيف الممالك التى قامت فيها والممالك المجاورة لها كمملكة وداى وكانو كلها كانت لها صيغ فقهية صارمة وعندها أدوات ضبط أجتماعي ونفسي عميقة لأن ممالك دارفور معظمها قامت على قيمة العلم الشرعي ودور الحفظة والفقها ديل كانوا هم من يممثلوا النخب أى طبقة الأنتلجينسيا..شوف كراهية الصعوط وشوف الصرامة والألتزام بصيام رمضان حتى أننى داعبت صديقى اليساري الدارفوري وهو يقول لى بأنو صائم رمضان وقال لى كمان نحن زيكم ياجلابه يامعفنين (دى ونستنا فى السودان عوارات ناس بره دى ماوصلتنا) فقلت له والله رمضان ده التقول سورة الصيام دى نزلت فى أم كداده ولا فى ريفي الفاشر.
المؤسف أن الحركات المسلحة فى كل دارفور حتى الأن لم تستوعب المخزون الثقافي والحضاري الضخم للأقليم العايزين يحرروا ده..أستثنى اذاعة دبنقا بالمناسبة فهى بدت تنظر للمحتوى ده وياريت لو فتحوا المجال لحاجات تانية الى جانب مهامهم

__
تخريمة..والله أنا جيت هنا عشانك أعتبرني لاعب زائر خصوصا ناس دينق ديل زى مشجعي رابطة المورده الهبطو بيها للأولى

أبوبكر عباس.

أنت عندك حلين فقط ولا غير!

الحل الأول هو أن تزكر لنا من أين أتيت أنت بنسبة ال 90 في المية هذا؟

الحل الثاني هو أن تعترف بأنك لا تملك رقم حقيقي لأتهاماتك الباطلة ولتعميمك التنميطي في حق أبناء دارفور.

تكرير قصصك وتجاربك الخاصة لا علاقة لها بنسبة ال 90 في المية التي زكرتها.

أنا ما عارف الصعب شنو في كلامي ده؟؟

قبقبة على أصولها Loooool
بكري عباس:
eat your words
دة الحل الوحيد
بالدارجي السوداني:
ابلع كلامك

فووق

غايـــتو يا بكـور موضوعك شكله مستحمي خالص

تعرف دي قبقبة أخطر من قبقبة البشاري
النسبة المئوية مستحيل تثبتها
ودينق مستحيل يفكك

يعني يا الحراسة يا المقابــر

يا فضيل شن جاب نملة للمستنير،
نملة دا ليهو كم سنة بكتب هنا؟
وين معجبنو؟
وين شلتو؟
يا أخي، الناس البكرهوني هنا، بكرهوني باعجاب
علي سبيل المثال لا الحصر:
أخونا الجلابي دينق

مستحمي بتاع فنيلتك يا عظيم،
يا أخي، أنا بتونس معاكم هنا ورسائلي قاعدة تصل (ناسا)
ناس دينق ديل، بجيبوا لينا في الكور ساكت
نحن هدفنا وكالة الفضاء
دينق دا رجرجة جلابة ساكت

Quote: يا أخي، أنا بتونس معاكم هنا ورسائلي قاعدة تصل (ناسا)

ماشي المريــخ تسوي شنو يا بكور؟
ما تكون ماشي تعمل RP لفريزيان في المريخ بس

أنت قايل أي زول شغال في ناسا عالم؟

بلا ناس بلا بطيخ معاك.

من وين أنت جبت نسبة ال 90 في المية دي؟؟

بنطون رفاعة دا برضو مُحاصر هنا ؟

عليك الله، يا أمير،
شفتا طقطقة روبرت الأخيرة ليكم دي كيف؟!

Quote: عليك الله، يا أمير، شفتا طقطقة روبرت الأخيرة ليكم دي كيف؟!

طقطقة شنو يا مستنير ياخ
الراجل قال ليكم فيها شمومة بس بتاعت كاونتربوينت
و هذه الشمومة لاتصلح كمثال للكاونتربوينت !!
...
عموماً عشان ما ننحرف ببوست دينق دا عن غرضو
و عشان انت ما تخرب الطهورة بالرفسي ، ح نخلِّي دينق يواصل في طقطقتو ليك هنا
فيا خينا أكرب جريدتك ساي و ما تشتت لينا الكورة !😂
....
انا ممكن افتح بوست مخصوص نشوف فيه كلام استرين دا !!
...
سلام

أيوي يوي يوي
أموري وافق على شمومة الكاونتر

كنّا وين؟
وبقينا وين؟

زعلان من الموصلي ما أهدى لي أي أغنية في العيد

من وين أنت جبت نسبة ال 90 في المية دي؟؟

صديق قال لي: قول لدينق أنا قلت كدا بصيغة المبالغة
قلت ليهو: لكنها ليست صيغة مبالغة
الناس ديل حسب مشاهدتي ليهم في التمانينات بجامعة الخرطوم كانوا كيزان، في خيالي كلهم كيزان
طيب لو قلت:
نسبة عالية جدا جدا جدا من أولاد دارفور كانوا بجامعة الخرطوم والإسلامية كيزان
ممكن ينط لي برضو أمير بوب زعلة من كلام روبرت ويقول لي:
دليلك شنو؟
عندك إحصاءات؟
نسبة التسعين لا أمتلك كشوفات عضوية الاتجاه الاسلامي ولا كشوفات الكليات،
لكنني أمتلك مشاهدة، ولا بد من تدوينها بوصف يعبر عنها وينقل الصورة لأجيال ما حضرت الوضع دا

يا سيف، مصر دي كان بقرأ فيها حناكيش المدن،
أولاد دارفور ما كان عندهم إمكانية الذهاب لمصر

الصورة التي أحاول نقلها كانت بالخرطوم والإسلامية
حيث مجانية السكن والاعاشة

ما بعيد يا بكور لو حصلت كعة تاني في المنبر نكتشف انه دينا خالد اختك بالرضاعة

أنا دينا خالد

لوروووروووول

التعديل: اضافة لووووورووول

سلامات و تحايا،،

واحد:

اعتقد الأخ دينق أورد كلمة سخيف لوصف التنميط و ليس لوصف المستنير الأديب الأريب صاحب ال 90% من المعجبين \ ات في هذا السايبر العريض، أما إذا كنت معترض لذكر الكلمة مقرونة مع اسمك، دي تبقى عنجهية و نرجسية و غرور، لا تليق بالكتاب الكبار امثالك،، و كل عام و انتم بخير..

اتنين:

عودة إلى موضوع الجدل،، إذا كان كلامك صحيحا عن مشاركة ابناء دارفور في الإنقاذ، فالاصح و الثابت و المعلوم، أن أغلب المناصب التنفيذية اعتلاها و استحوذ عليها الجعليين، لذلك تظل الإنقاذ جلابية مية المية يا ابن العم، و لا داعي للانكار..

Quote: 1- كم عدد أبناء دارفور الذين كانو في الجامعة؟2- كم عدد أبناء دارفور الذين كانو معك في الكلية التي درست بها؟3- كم عدد أبناء دارفور الذين عرفتهم أنت في الجامعة معرفة شخصية وعرفت أنتمائاتهم السياسية4-في أخر أنتخابات ديمقراطية بأقليم دارفور كم كان عدد نواب الجبهة الأسلامية ؟5-وكم كان عدد نواب حزب الامة من الذين كانوا يمثلون دارفو؟

UP

يا سيف، مصر دي كان بقرأ فيها حناكيش المدن،
أولاد دارفور ما كان عندهم إمكانية الذهاب لمصر الصورة التي أحاول نقلها كانت بالخرطوم والإسلامية حيث مجانية السكن والاعاشة
يابكور زمنا ولحدي بداية التسعينات كان الطلبة القادمين من درافور يشكلون نسبة كبيرة
القراية كانت مجانية برضو حتى السكن الجامعي كان متاح بس مافي طالب سوداني ارتضى السكن ده
بالعكس اولاد دارفور كان وضعهم المادي كويس جدا علما بأننا كنا نتلقى اعانة شهرية من الحكومة عن طريق السفارة وكانت كافية جدا لتغطية تكاليف السكن والاعاشة
رابطة طلاب دارفور بالمعاهد والجامعات المصرية كانت من اكبر الروابط

أبوبكر عباس.

كده خلينا من بوستك المهبب، بتاع العطالة ده!

من وين أنت جبت نسبة ال 90 في المية دي؟؟

إتّا يا دينق قريت جامعة الخرطوم معانا؟
ودوك الكمبوني، وامتحاناتم كانت ساهلة موية، لكن مستواك كان ضعيف
نموذج الامتحانات الكان بجيبوا لينا أم بدّة في النشاط
1/2X1/4= وبدوهم خيارات

الاسلامية باي ديفولت ما ممكن تكون دخلتها

ارفع النسبة ل ٩٩٪‏ من أولاد دارفور في التمانينات بالخرطوم والإسلامية كانوا كيزان
زول متعلم من دارفور
هل ممكن يبقى على حالو حزب أمة؟
وطبعا ما ممكن يكون شيوعي
أقرب تنظيم حداثي له هو الكيزان

جبت النسبة دي من مشاهدتي لتلك الفترة وهي ليست صيغة مبالغة

هل أنت عملت دراسة وسط جميع أبناء دارفور، لكي تحصل على نسبة ال 90 في المئة؟

Quote: وطبعا ما ممكن يكون شيوعي

5تصدق يا أبكر العجلاتي هنالك عدد كبير من دفعتي على مر المراحل في دارفور شيوعيين وبعثيين وحزب امة..هل تعلم حتى في جامعة امدرمان الإسلامية كان البعثيبن والشيوعيين من أبناء دارفور عدد لا يستهان به.انا ما عارف انت ليه مصر على المكابرة و تنميط طلاب دارفورأعمل مسح على مستوى عضوية المنبر هنا شوف النتيجة.

اسماعيل، إتّا دفعة سنة كم؟

التنميط الذي اتحدث عنه في الثمانينات؟

اعتقد في التمانينات إتّا كنت بترتارك

Quote: أبوبكر عباس. كده خلينا من بوستك المهبب، بتاع العطالة ده!

يادينق انت بقيت تجليها واقف ياخ البوست داااك رش زي الرش بس الفهم قسم اامش اقرأ البوست داك مرة تانية عشان تفهم


-----
دينق أختشي

يا مسلمي، الصديق هباني دا داير ارشو رش خفيف
لأنو محتاج ليهو في استشارة أعمال بأمريكا غير شغل القزقزة دا
لكن لو الاستشارة طلعت تعبانة،
برجع أحل ليكم مشاكل السودان من التاكسي دا
وبفتح الباب بتاع العربية وباخد سيلفي اعملو صورة بروفايل
فشنو؟
ما تخرب لي تكتيكي

Quote: يا مسلمي، الصديق هباني دا داير ارشو رش خفيف لأنو محتاج ليهو في استشارة أعمال بأمريكا غير شغل القزقزة دا لكن لو الاستشارة طلعت تعبانة، برجع أحل ليكم مشاكل السودان من التاكسي دا وبفتح الباب بتاع العربية وباخد سيلفي اعملو صورة بروفايل فشنو؟ ما تخرب لي تكتيكي

غايتوا يامستنير الزميل جورج بوك ده عكس الاستنارة وقاعد سليقة ساهي هنا مسك في وين دليلك . ياخ دليل اكثر من الزمالة وشوف العين منك . وتاني البوست بتاع الرش داك ..كمان شغال فيك مطاعنة ياخ نصيحة ليه والاخرين المستنير لو قال ليك سلام معناها عنده ليك شي تقوم تعمل حاجز


-------
ياخ صاحبي المشرف هناك معاه مالك

حذف للتكرار

زرزرة و قبقبة من أمها

يا دينق ياخي تدوين ابوبكر عباس لمشهداتو ممكن تعتبرو دراسة استكشافية و مصدر للأرقام التي اوردها.
أكيد الدراسة قابلة للإنتقاد من حيث الصلاحية الداخلية و الخارجية (internal and external validity).
اولاً في مشكلة في ال construct validity لأنو الباحث ما ورانا المعايير الحدد بيها تصنيف المشاركين في الدراسة لكوز و غير كوز و بالتالي ممكن يكون في خطأ في التصنيف و دا مهدد كبير جداً لل internal validity
تاني شي ال sample العمل عليها الدراسة هي non-representative sample بسبب صغر حجم العينة و التحيز (bias).
الباحث إختار convenience sample و بالتالي هي عينة غير عشوائية و ممكن برضو تكون طريقة إختيار العينة تأثرت بتوقعات الباحث (experimenter expectancy).
لم يورد إحصائية تقدرية لععد طلاب دارفور في الجامعات و المعاهد العليا في التمانينات
الباحث ما ورانا هو عمل cross sectional study ام cohort study و لكن ممكن نتجاهل عامل إعادة بعض الطلاب لسنواتهم الدراسية و نعتبر الدراسة (cross sectional study) و هو أيضاً لم يورد إحصائية تقدرية لععد طلاب دارفور في الجامعات و المعاهد العليا في وقت الدراسة حتى نتمكن من حساب حجم العينة المناسبة للدراسة
مشكلات إختيار العينة دي خفضت الexternal validity و بالتالي تعميم نتائج الدراسة يصاحبه خطأ كبير.


دي إنتقاداتي للدراسة بتاعة أبوبكر عباس.
ممكن يا دينق تجيب دراسات أخرى مخالفة و ممكن تتهم الباحث بالتحيز لفرضية مسبقة للدراسة.
و لكن وصف النتائج الإتوصل ليها أبوبكر بالتنميط فيهو تعدي على حرية البحث العلمي و النشر.

التنميط ممكن يكون لو ابوبكر عباس اعتمد في إتهامه لمحمد سليمان بالكوزنة بإستخدام deductive logic منطلق من فرضية صحة نتائج دراسته.

شوف هسع محمد سليمان دا أنا لا بعرفو ومعلوماتي عنو تلاقيط من البورد دا،
وجاء تم المعلومات دي ابو الريش،
أها موش هو مشى أمريكا وعاش في نيويورك،
برضو ما عندو طريقة غير يظل كوز لحدي التسعينات،

لمان الخبير اتهم محمد سليمان بانو دباب، انبرى ابو الريش لنفي الاتهام الباطل،
وقفنا مع ابو الريش لمنطق حجته
هسع أنا قريت محمد سليمان دا بمعطياتي واتهمته بالكوزنة وهو بأمريكا
لماذا لا ينبري ابو الريش؟

يا حافظ بشير.

ياخ ابوبكر عباس بيكتب في المنبر بنفس الطريقة البتونس بيها مع أصدقائه عند ست الشاي. وحتى الأن هو ما قادر يفهم أن هذا المنبر يختلف عن تلك القعدات.
ويا ريت لو كان كتب، عدد كبير من أبناء دارفور، أو الذين التقيت بهم أثناء دراستي في الجامعة!

أنا كنت من المؤكد أتعاملت معه بحسن نية، ولكن الرجل جابها بي نسبتها المئوية وقال 90 في المئة من أبناء دارفور كيزان، وأنا هنا ما قادر أفهم، هل هو تعرف علىيهم جميعا، وعرف أنتمائهم ؟
فكيف تم ذلك؟

أبوبكر عباس.

في خيار لك.

قبل فترة تم أتهامك في هذا المنبر بأنك كنت في الجامعة غواصة للكيزان.

فأنا من هنا أستفسر!!

هل حصلت على نسبة ال 90 في المئة هذا من الحزب الذي كنت تعمل له كغواصة في الجامعة؟؟

يا دينق، إتّا جنيت؟!
كيف مك كبير من أحفاد العباس يكون غواصة؟!
نحن دائما نمثل القيادات

يعني أنا ممكن يكون سبب عدم انضمامي للكيزان هو إحساسي بالمنافسة المُحتملة مع ود عمي حسن الترابي

غواصة دي شغل الدهماء من الرعية

دينق ارجو منك زيارة هذا البوست ,, وقول رايك هناك عشان عاوز اعقب على رايك ,, وطبعاً بعد تقرأالمداخلات اللى هناك حاتكون فهمتنى قاصد شنو؟

أول رد فعل على التمديد: البشير يجمد لجنة التفاوض مع الولايات المتحدة الأمريكية أول رد فعل على التمديد: البشير يجمد لجنة التفاوض مع الولايات المتحدة الأمريكية

.

UP

بسم الله الرحمن الرحيم

غايتو يا دينق عنوان البوست ضحكني لما عايز يشقنى
وبما انك زول كويس وبتعارض التنميط فياريت ياخ توريني
نسبة الكيزان من مجموع العاملين بمجموعة جياد .. ونسبة
الكيزان البتعرفهم فى جياد من مجموع العاملين ..
وبعد داك عرفت كيف انا كوز لمجرد انا شغال فى حتة معيتة
التنميط ده معناهو اتغير ولا ياهو زاتو ..
ومناهضة التنميط دي بتكون علي حسب الحالة والمزاج والشخص
ولا مبدأ .. لاًنو بوستيك ده لخبط الاختصاصات على
مشتاقين ياخ بعد غيبة

كسرة :
الليلة ما تقول لى كوز جياد ووب
وتقولها ووبين
اها الدبارة كيف

ارتيقا جيلاني

أبوبكر عباس.

طيب من أين أتيت بنسبة ال 90 في المية هذه؟

بسم الله الرحمن الرحيم

وسكت ( مناهض ) التنميط عن الكلام المباح


ارتيقا جيلانى

أبوبكر عباس.

طيب من أين أتيت بنسبة ال 90 في المية هذه؟

.

يا دينق، جيب أي واحد من دفعتك القروا جامعة الخرطوم في الوكت داك، لو قلل من النسبة دي، أنا بعتذر
صحباتك بتاعين فرجينيا ديل كلهم بعرفم، اقترح تلاتة منهم وانا بجيب ليك شهادتم

أبوبكر عباس.

ليه أنا الأمشي وأسئل الأخرين!!
أنت الذي زكرت نسبة ال 90 في المئة، وأنت الذي مطالب بأن تأتي لنا بمصدرك؟