حقارة الكبار

03:55 AM June, 07 2017 سودانيز اون لاين
جلالدونا-
مكتبتى
رابط مختصر

تتكلم و ترد يوقفوك
تسكت هادى و الحقارة

اول حاجة الكبار ديل ما كبار السن
ولا كل كبار العضوية
تحديداً بعض قدماء العضوية
بهذا المنبر
بالجد خقارتكم فاتت الحد

يعني نحن نقطم
مكتوبين بي قلم الرصاص
كدة شوف البورد دة الشايلو منو
كم نفر
لايتعدو واحد في المية من العضوية
اها القانون شغال في 90% منهم
وفي الناشطين فيهم

حباب اب سن
تقطّم ماب تحلك
لازم تربّع ايديك و ما تقول بغم
كلام البعض ديل قرءان
تبصم و بس
و من سكات
لكن تمشى تتطاول .. ارجى الراجيك

اسمو منبر حوار يا جلال
يعني كبرك وصغرك ما مهم
المهم حجتك
منطقك
سليم ولا معوج
انت قايل المازينا جوة البلد شنو
ما جنس دة
يستقوي عليك في حقك بإستعانته بالكبار

كويس انو الواحد اتعلّم من ود البشرى حساسية تلقى الاكشن وين
.. ود البشرى ده كمان ما يكون من الكبار و يلحقّنا امّات طه كمان ..
اها الحساسية دى ساقتنى لى بوستين
تكريم مصر و الكاونتر بوينت
و حرستهم
تصدّق و تآمن يا عبد الحفيظ
الاكشن كان غمتى و فيهو جنس عفّيص
و الضحية كان حاتم
ده الشغل
لازم تكرّب شغلك يا عبد الحفيظ

انا اخو الكراب
من قمت بكرب
لكن رمضان والصيام خلانا الزول ما يفرز الفرار من المسمار
خش العضم
علا لو بدور اعرف نفسي اعمل شنو
في امتحان
ولا شختك بختك
ولا القصة قسمة من الله ساي

بعد ايقاف الاستيكة
ظهرت حكايةالمسح الخاص
حصلت لى مع زميل تعبس كده
اها دى لازم تتم عبر اتصال مع سيد الحوش
فى بوست التكريم تداخل حاتم و مسحت المداخلة
حاتم شكا بى مداخلة من مسح المداخلة
سيد البوست قال ما عندو علم بالمداخلة
المشكلة المداخلة برضو اتمسحت
يبقى المتضرر من وجود حاتم منو
اكيد الموصلى
و عشان المداخلة تتمسح
لابد من اتصال مع بكرى
و عشان حاتم يقيف لابد من شكوى
يبقى الموصلى يتحمّل وزر ايقاف حاتم
و لنا سابقة
الايقاف الاول كان بعد خلاف كبير بينهما
يبقى السؤال
هل الحالة خاصة بالموصلى وحده ام معه اخرين
الاجابة .. نعم معه اخرين

Quote: ولا شختك بختك

شختك بختك شنو يا اللخو
بى فراريك و مساميرك دى
دحين ات ذاتك ما رشوك
لامن قعدتا تتمتم
لوك الصبر بس .. المسألة مسألة وقت ليس الا

انتو مستجدين كرور وهم ولا شنو ؟

الاقدمية دي ما بتعملولا حساب ؟

قال حقارة وكبار

النسى قديمو تاه يا مستجد انت وهو

انضبط

هههههههه

انا حمرو لي ساي
خلعني زاتو
النبل راسي كان كدة
نحن بنكرب كريب شديد
ولو الوزل ختيناهو تحتنا بعرف حاجة
علا شايفنها ما بتستاهل
كلم زولك يرسل لي الاي فون

Quote: يبقى الموصلى يتحمّل وزر ايقاف حاتم

وجب عليه الإعتذار فوراً .

بس ما يجينا فرار علماً بأنه أخيّر من الكرآب ...

يازولى رسّل ليهو الاى فون
و كرّبو ليهو معاك
عشان هناك مابقدر عليهو
مع انو عندو راى فى الورل

حاجة مؤسفة يامان والله
حاتم زول كويس ووجوده فيه فائدة للمنبر

يا هانى حبابك
كمين مرّة قابضك فى مداخلات بتفتتحا بى يا عم عبد الحفيظ
الليلة خبارك عملتو مستجد
خايف على لغاليغك يعنى

يا جلالدونا

انا ما عارف كيلو اللغاليغ بقى بكم ؟

للاسف يا حيدر
حصل و وقفوهو
لمجرد اختلاف مع زميل كبير
و بى كل براءة يقول ليك

Quote: الشخص المذكور اظن بكري شال منو الباص ورد

شخصياً انا ما عندى قنبور

Quote: بعد ايقاف الاستيكة ظهرت حكايةالمسح الخاص حصلت لى مع زميل تعبس كده اها دى لازم تتم عبر اتصال مع سيد الحوش فى بوست التكريم تداخل حاتم و مسحت المداخلة حاتم شكا بى مداخلة من مسح المداخلة سيد البوست قال ما عندو علم بالمداخلة المشكلة المداخلة برضو اتمسحت يبقى المتضرر من وجود حاتم منو اكيد الموصلى و عشان المداخلة تتمسح لابد من اتصال مع بكرى و عشان حاتم يقيف لابد من شكوى يبقى الموصلى يتحمّل وزر ايقاف حاتم و لنا سابقة الايقاف الاول كان بعد خلاف كبير بينهما يبقى السؤال هل الحالة خاصة بالموصلى وحده ام معه اخرين الاجابة .. نعم معه اخرين

عزيزي جلالدونا
خت المصحف في رمضان ده قدامك
واحلف انو الموصلي اتصل ببكري
بشان المذكور اعلاه
--------------
عبد الحفيظ ابو سن انا يادوب فهمت كلام اسامة الخواض
ووالله ما كنت عايز افهمز ذاتو
على اية حال شكرا

يا استاذ الموصلي
لا تضف من يحبك في غير خانته
هذا امر علي وجه التنظير العام
ضد ايقاف اي عضو
أكن لك ودا جهرت به ولست متراجع عنه
للاسف الخواض نظر نظرة مستريبة ولم يشفع لي عنده سابق ود
عموما
لا احجر عليك نظرتك
ولن تستطيع نزع اعجابي بك وانك من شكلت ذائقتي الفنية ولا تزال
don't dig too deep

ياخي ما هو ده المجنني ذاتو
انا بعرفك كويس
انا ما معترض على احتجاجاتكم ولكن هناك فرق بين الاتهام المباشر والتنظير
خصوصا ان الاتهام مصحوب بما يشبه الادانة المتهكمة

--------------------
يبدو ان وجود عضو قديم ومشهور او قل معروف احيانا ما يدور حوله
يدعو للشك
عموما كلكم هنا اصدقاء ولا اخفيكم سرا بانني افكر مليا
بالاحتفاظ بعلاقتي بالمنبر كقارئ وعضو اجتماعي فقط
للمساهمة في السراء والضراء فقط
والا اهتم بما يكتب عني سلبا وايجابا
او بالاتهام زورا وبهتانا
احتاج الى عدة اسابيع لالملم اطرافي
لاستريح من هذا العناء
سأتفرغ اكثر للفن
ان كان في العمر بقية
وتقبلوا فائق الاحترام والتقدير

Quote: انا ما عارف كيلو اللغاليغ بقى بكم ؟

انا ذاتى زيّى زيّك ..شوف عمك عبد الحفيظ
بفهم فى البيع و الشرا

Quote: عزيزي جلالدونا خت المصحف في رمضان ده قدامك واحلف انو الموصلي اتصل ببكري بشان المذكور اعلاه -------------- عبد الحفيظ ابو سن انا يادوب فهمت كلام اسامة الخواض ووالله ما كنت عايز افهمز ذاتو على اية حال شكرا

يا أُستاذ الموصلي الحكاية ما محتاجة لمصحف ؤ حلفان وليس بالضرورة أن
تتصل ببكري وعدم إتصالك لا يمنع إنك تسببت في إيقاف حاتم، وأُسلوب
المؤامرة ممكن يكون مباشر ؤ ممكن يكون غير مباشر ؤ ممكن يكون عن
طريق وسيط برضو ...

جلادونا
اولا بتبادى انت لمن جيت هنا كفيلك كان منو
والمرء بكفيله غايتو لو احد من الاتنين ديل طلع كفيلك
ود اب سن اود المدير الرماد كال حماد

ود اب سن
انت الخواض مالو معاك ؟
قدر ما فتشت ما عرفت سبب مداخلته معاك !
كدي أدينا طرف الخيط

Quote: وجب عليه الإعتذار فوراً بس ما يجينا فرار علماً بأنه أخيّر من الكرآب ...

يا ود المدير اعتذار شنو البتقول عليهو
خايك فى كرّاب العنقريب ده
و انتظر لامن يشدّوهو
امّا الفرارير فدعها لى ود اب سن و من هم على شاكلته

Quote: عموما كلكم هنا اصدقاء ولا اخفيكم سرا بانني افكر مليا بالاحتفاظ بعلاقتي بالمنبر كقارئ وعضو اجتماعي فقط للمساهمة في السراء والضراء فقط والا اهتم بما يكتب عني سلبا وايجابا او بالاتهام زورا وبهتانا احتاج الى عدة اسابيع لالملم اطرافي لاستريح من هذا العناء سأتفرغ اكثر للفن ان كان في العمر بقية وتقبلوا فائق الاحترام والتقدير

دة أجمل خبر والله

عزيزنا و استاذنا الموصلى
رمضانك كريم و عساك من عوّادو
مالك طوالى جاينى بالمصحف
و الزور و البهتان
و الكلام قدامك و يكفى انك قربتو و شاركت فيهو
كل الحصل انا ربطت بين حاجات حاصلة قدام كل الاعضاء و القراء
فى موضوع مسح المداخلات قلت الحاجة دى بقت فى يد اخونا بكرى و دى حقيقة
فى بوست التكريم تداخل حاتم فى بدايات البوست و مسحت المداخلة
شكا حاتم فى مداخلة تانية و رد عليه الزميل بهاء نافياًعلمه بسحب المداخلات
ثم قام بكرى بمسح كل ما هو ليهو علاقة بى مداخلات حاتم بما فيها مداخلات سيد البوست
يبقى مين المتضرر من مداخلات حاتم ؟
قرايتى بتقول الموصلى هو المتضرر من ذلك
حكاية بكرى بيقرا كل البوستات دى مستحيلة ما لم يتم تنبيهه
قول لى قرايتك دى ما صحيحة و انقض كلامى بما لديك من قناعات
لكن تجينى شايل مصحف .. دى كتيرة شوية

Quote: دة أجمل خبر والله

خبر مفرح لذوي النفوس اياها فهنيئا لهم

تحياتي موصلي
خليك قاعد . لا تبارح
الامر بسيط . جلال اتهمك دة موضوع منفصل . انا تحدثت عن امر دون شخصنة
واعرف جلال
لا يحتاج منك لقسم بل مجرد قولك كاف له . وانت اهلا للثقة
وان سمح الود بيننا ارجو ان تدعو معانا لعودة حاتم فهو سلوك يليق بك
سلوك من يعلي من شان المشاعر الراقية
يا امير انا زاتو كايس لي وكيل وكفيل . غايتو بكري دة صاحب صحبي عاطف
بنفع كدة
والله انا زاتي انخلعت ايدك معانا

اووووو معلم
علمي علمك يا احمد
اخر علاقة لي معاهو طلب مني تفاصيل زميل ليهو في روسيا
اجتهدت اجتهاد شديد ونجحت فيهو
وجبت ليهو رقمو

مرحباب امير المروج و البوادى و البيادى

Quote: اولا بتبادى انت لمن جيت هنا كفيلك كان منو والمرء بكفيله غايتو لو احد من الاتنين ديل طلع كفيلك ود اب سن اود المدير الرماد كال حماد

هههههها
تصدّق كفيلى الفيس بوك
حتى أسأل ود البشرى
دايماً يقول لى : ارجع الفيس بوك ابركلك

جلادونا
قلت لى كفيلك الفيس بك يعنى انت من البدون
موضوعك مستحمى انصحك انقل كفالتك على
المستنير او بالعدم مستشارو حيدر السيرلانكى

يا بدر،
الموضوع وما فيهو إنّو بكري تعبان ولا يعرف يدير الحوار وما بعرف قدر الناس الحقيقي،
يا أخي، المنتدى دا فيهو كم مستنير؟
كلنا زي ستة كدا،
المفروض يدلعنا ويلولينا ولو كتبنا لايك، المفروض يرفعها فوق في البنر،
يا أخي الزول التعبان الكحيان دا، بس محظوظ إنّو نحنا مكتولين في المنبر دا،
في النهاية نقول لحاتم:
هذا قدر الاستنارة
والمكتوب في شنو كدا، شنو كدا

جلال الشين، رمضان كريم يا فاطر بالدس

يا بكري دخلني الاستنارة دي
داير ابقا مستنير
في طقوس معينة ولا انزغم ساكت وسط الضو

طيب يا ابسن،
أول درس:
لمان زول زي الخواض والموصلي ديل يرشوك، ما تخلي مكنتك خفيفة وتقعد تقول ليهم:
ليش كدا؟ أنا بحبك يا موصلي
الحساسية دي
اكبر نقطة ضعف في عالم الاستنارة

حاتم شقي الحال دا ما يكون ربطووه تاني؟

البورد دا فيه حاجة عجيبة

فيه شليلية وأصحاب أصحاب وتكتلات وهمية مضرة
عشان كدا ما تشتغل بي زوول . أهم شيء ما تدقس
وتبقي مطبلاتي للشليليات دي

سلام جلال تصوم وتفطر علي خير

يا بدر، الفي مداخلتي القبل الفاتت زائدة
كمان بدر شنو البخصص ليهو مداخلة كاملة

صاحبي المستنير
ان شاء الله ما يجي يوم فصلك
-

ما بقدر يا حيدر
بخاف الناس تقول بكري انتقم لنفسو
بياكلن في اللباد

الأربعة البحبهم، الموصلي، الخواض، وضاحة ودينق
ما بهبشم ليهو مباشرة، عشان ما يلقى فيني فرصة،
لكن هو برشو ليك رشّ من لا يخشى الفقر

اووووو حبيبى بكور
اول حاجة نحنا سبعة مستنيرين ما ستة
مالك بقيت زى الرجال ديلاك و نسيت تعد نفسك
تانى حاجة ود اب سن ده استنارتو محلية
و كلاساتك دى ان شاء الله تأهّلو للشارة الدولية
و نبقى تمانية
بس ما تنسى تعد روحك

سلام الاخ جلالدونا و ضيوف البوست الكرام
...
حكاية انو الموصلي يتعدّي علي الاخرين لفظياً بالسخرية و التهكم و تبادل الاساءات معهم
دي مفروغ منها ... و تتم في إطار الاشتباكات المألوفة بين زملاء المنبر ! و لكن :
الغير مبرر للجميع هو انو الموصلي اوّل مت يهبشو راس السوط و يردموه ... يقعد يبطبط
هو و شلّة الخوّاضين من حوله ... و يجأروا بالشكوي ... و هاك يا بكي و نخجي !!
... وبعد داك يجي يستدر عطف الناس و يشبكنا مفروض تحترموني ... و انا زول كبير و قدر ابوكم !!
....
خد أهو دي مداخلته في بوست التكريم ... و استنجاده و اسلوبه الما ظريف !

Quote: ما صديقي بكري فانا مسامحه لله والرسول والبيناتنا ستظل عامرة مهما حدث من تعدي في حضرته

و بعدها مباشرة تم ايقاف الزميل حاتم !!
....
كما يجب ان لا ننسي انو الموصلي حوله جوقة من المطبلاتيه
الذين يتولون في معظم الأحيان مهمة الاتصالات و الكبكبة !!
....
عموماً هي طريقة قذرة جداً لادارة الصراعات مع الاخرين !!
...
تحياتي للجميع

يعني يا جلال هسة شمعة استنارتي دي اغزها وين

Quote: خبر مفرح لذوي النفوس اياها فهنيئا لهم

ياخي حرام عليك يا استاذنا
أنا أفرحني إنك عاوز تضع نفسك في مكانها العلي بعيداً عن العوام
الكتابة في مواقع الحوار بتساوو فيها الأعضاء ونشر أي عمل في منتدى حوار معناهو العمل تحول إلى نقاش وأي عنقالي يملك باسويرد يستطيع تقييمه وحتى الما بملك باسويرد ممكن يتلب عبر شباك الفيسبوك
نحن بنعرفك الموسيقار وعاوزين موسيقاك وغناك ما عاوزين يوسف الموصلي الشاكال البقول لناس الفيسبوك كل قرد يطلع شجرته ولأعضاء البورد أنا شفت الإشلاق البعفص الصعاليك
مع إنه من حقك تكون العضو الشفاتي دة بس ما تطالب الناس باحترامك كموسيقار وانت عايش دور الشفاتي
اتوهطت في الواطة مع ناس قريعتي راحت ديل استحمل غبار واطاتهم
ولو بديت درب تحدي ما تجي تتشكى منه لاحقاً يا إما تواصل شفاتي يا إما ترجع فنان بس مسك العصاية من النص مرهق جداً ليك وبخليك هدف لكل زول عاوز يختبر دقة تنشينه
والتنشين في المشاهير عندو متعة ونشوة خاصة مقارنة بنقاش العنقالة

وخليني أعيد ليك مداخلتي الكتبتها في بوست وردي

Quote: عندي تنظير بيبدأ بسؤال محرج ماذا يستفيد الموصلي من حروب الأسافير ! نحن العنقالة ديل انتصارنا في نقاش منتدى بكفينا وبفرحنا لأنه ربنا ما قسم لينا موهبة ابداعية أو كتابية تميزنا وكل أملاكنا في الكتابة باسويرد بكري دة الموصلي ما كان في زول متشكك في امكانياته الموسيقية بعد الثورة الموسيقية القادها في السودان بداية التسعينات عبر شركة حصاد دفاعه المستميت عن موهبته في التوزيع بديني احساس إنه في تشكيك في الموهبة دي .. وإذا اتوجد التشكيك دة فالسبب هو وجود الموصلي وسط الجمهور لحدي ما حسوا بي إنه عضو عادي زيهم ممكن يتهموهو ويسخروا منه كمان .. الفرقة دي ما ممكن تتلقي في ود الامين مثلاً لأنه ما ممكن يكسر الحواجز بينه وبين جمهوره صبري طه قال المختصر المفيد .. لو طلع الشريط ما كان حصل الجدل دة كلو .. وما دام ما طلع الشريط المفروض الناس مجهوداتها تكون حول ظهور التسجيل للعالم .. ما ممكن مشكلته 20 سنة ما تتحل !!! نرجع تاني للسؤال حول حروب الموصلي .. زمان كانت خلافات لكن البوست الأخير دة ما عندي ليه غير تسمية حرب بعد حظورات الفيسبوك الموصلي جاي يقول تفاصيل موسيقية وسط جمهور غير متخصص في الموسيقى زي حلاتي كدة .. المفروض يتوقع أسئلة جهّال بل وممكن تكون إساءات ذاتو .. شئ طبيعي إني أكون ما فاهم يعني شنو توزيع كورالي وفرقو شنو من الاوركسترالي .. بل وطبيعي إنه الموسيقيين يشرحوا لي الفرق وبرضو ما افهمو هل الموصلي بفتش عن نجومية اسفيرية في وجود امكانياته الممكن يواصل بيها نجوميته الموسيقية بدون حوجة للخلافات ؟ هل نضب معين الموصلي الموسيقي فانشغل بالتوثيق بدلاً عن الإبداع ؟ هل التوثيق يتم بهذا الطريقة الخلافية المصادمة ؟ علماً بأنه نحن بنعرف موصلي ما قبل المنتديات كان لمن يجي يوثق بيألف كتب أهل المغنى والسؤال الأهم : هل العمل موضوع الخلاف هو العمل اليتيم في مسيرة الموصلي لينافح عنه بهذه الطريقة ؟ الموصلي وزع عشرات الأعمال لكبار الفنانين وممكن ينتج ويوزع أكتر .. ونكران فضله في عمل واحد مفروض ما يأثر عليه ويخليه منفعل للدرجة دي ولا شنو !

بالاعتذار للشفيف احمد عمر
نبدأ التدريب على الصيام
ونترككم للاستمتاع بهذه المناحة الرومانتيكية
:rotate:

Quote: [اخي حرام عليك يا استاذنا أنا أفرحني إنك عاوز تضع نفسك في مكانها العلي بعيداً عن العوام ا

احمد ارجو أن تتقبل اعتذاري اليك
فقد اختلط على شخصي الامر
لان ردك جاء في سياق اجدحاف واتهاماتت وتخمينات باطلة
من اناس نحترمهم ولا نأسف على ذلك
انا ذاتي فرحان معاك لاني بدل قاعد اتخابط مع زول
زي المدعو بوب الذي لديه
رأي في انجليزية
Ray Charles
في رائعته
Hit the road Jack and don't you come back no more
يبقى لا داعي لتضييع وقتي وافضل ان اتفرغ
للعمل
فلك العتبى حتى ترضى واسف جدا والله

ابوبكر ياعباس
بدل تعمل مداخلة تانية كان تمش تبقص الاولى
وبعدين انسعلك انت حيدر السيرلانكى دا مالو
بقى حشرى اكتر من ديق شكلو داير يستنير مش

عبدالمنعم الطيب حسن
تعال احسم لينا فوضى الاستنارة الحاصلة في البوست دة

Quote: خبر مفرح لذوي النفوس اياها فهنيئا لهم

يا الموصلي يأخ إنت ما تزعل،
خليّك فرايحي واللآ بنجيب المصحف ...

Quote: لكن رمضان والصيام خلانا الزول ما يفرز الفرار من المسمار

يبدو ان رمضان خشا في العظام وربما في اماكن اخرى عموماً تقبل الله منا ومنكم

ايقاف حاتم ظلم كبير

انا لو في محل الموصلي بفتح بوست اطالب بعودته الى المنبر


على الاقل يزيل التشويش واللقط الحاصل في الموضوع دا


انت يا ود ابسن الخواض مالو معاك؟؟

Quote: ايقاف حاتم ظلم كبير

يا هيثم لو كان إيقاف بحسب اللآئحة كان ممكن يكون مقبوّل ؤ مافي زول بينضُم
لكن دا تأمُر عديل كدا، تأمُر لطرد زميل من البورد . مسألة تحدي حاتم بفتح بوست
كانت تعني إنّك يا حاتم تاني ما بتدقها هنا، لكن بقدرة قادر حاتم رجع وفتح البوست،
بعد داك الموصلي قعد يغني يا خاين، يااااااا خااااااين لحدي ما تمّ طرد حاتم من
الحوش، وأصبح الموضوع الزول اللسمو حاتم دا تاني ما يدقها هنا .
مهما بلغ الزول من الدرجات العُلى يصل مرحلة يتأمر علي عضو من الأعضاء
حتي يتم فصله يستحمل البتجيهو، ؤ ما يقعد يكابس في المصاحف ...

انا الشيء الوحيد بفهمو انو زي حاتم دا اصلا مفروض ما يتوقف بل يتم تدليعو من سيد الحوش ..
حاتم شنو يا اخي البوقفوه

#معا من اجل ارجاع حاتم_

اعتذار شنو يا استاذنا ياخ!
أعمالك الشكلت وجدانا بتشفع ليك تسوي فينا أي حاجة
أنا مقدر تماماً إنك الآن مُقحم في معركة انتصارك فيها ما حيزيد سنتميتر لقيمتك الفنية
أنا من معجبي اسلوب حاتم في الكتابة التثقيفية ومن المؤمنين بقيمته المعرفية داخل البورد
ومع الحريات وضد قمع الأقلام .. وضد أي تدخلات من الإدارة أو تحريضها أو استجابتها لأحد الأطراف فيما يدور
لكن كل ذلك لا يضعني في خانة الاصطفاف الأعمى مع حاتم
إن أراد حاتم اقناعنا بأن الموصلي ما بفهم موسيقى يلزمه أولاً اقناع الكابلي ومصطفى سيد احمد وحمد الريح ووردي وعشرات كبار الفنانين الذين وزع لهم الموصلي أعمالهم كما يلزمه إقناع هاشم صديق والكتيابي وعشرات كبار الشعراء الذين استأمنوا الموصلي على أشعارهم ليغنيها
عشرات السنوات من الانتاج الموسيقي لا يمكن محوها بمداخلات في منبر حوار

كن كما تحب استاذنا .. وفي انتظار جديدك الفني

إيقاف حاتم ظلم كبير و تعدي على حق القراء و متابعي المنبر في قراءة ما يكتبه حاتم.
حاتم لعبو أي نعم خشن و لكنه قانوني و يقع ضمن الحدود المسموح بها في اللائحة

لكين كمان الطعن في ضل الفيل ما حبابو

مداخلات حاتم حذفها بكري و الباسورد بتاعتو صادرها بكري.
بغض النظر عن دور الموصلي او عدم دورو في القصة دي مافي زول مسئوول من إيقاف حاتم غير بكري.
من حق أي عضو في المنبر أن يتقدم بأي شكوى ضد أي عضو آخر و المطلوب من بكري أن يكون عادلاً في الفصل في الشكاوى المقدمة.

المستنيرين السبعة ما يقعدوا يتلولوا و يرمو اللوم على الموصلي.
مطلوب موقف واضح من المستنيرين السبعة ضد بكري و طريقتو في حل نزاعات الأعضاء.. و نحن من خلفهم و نشد من أزرهم

يقول الموصلي

Quote: بدل قاعد اتخابط مع زول زي المدعو بوب الذي لديه رأي في انجليزية Ray Charles في رائعته Hit the road Jack and don't you come back no more

يا موصلي ياخ والله ما عندي رأي في انجليزية Ray Charles
بس عندي رأي في اللفح الساي و محاولة فرد العضلات علي الفاضي
لانو كلمات الاغنية دي ما مكتوبة بلغة انجليزية سليمة و Ray Charles نفسو عارف الكلام دا !
بمعني انو اللغة دي متداولة و شائعة و مقبولة في الغناء لكنها من ناحية تركيب لغوي ما سليمة ...
و دي ما دايرة ليها درس عصر !!
فياخي بالله خلي الاندهاش بالأسماء الرنانة دي و ما تشبكنا Ray Charles و Rey Mysterio !!
و كان داير غلات في الحتة دي بغالتك لي بكرة !
هاك شوف واحد من الناس البعرفو إنجليزي قال شنو :

Quote: Hit the road, Jack, and don't you come back no more. The words of this song are not standard English. In standard English, the words could be "Hit the road, Jack, and don't come back again

او شيء من هذا القبيل !!
و بالمناسبة Hit the Road jack دي عبارة عن idiom و باقي الكلمات عبارة عن إنجليزي راندوك !!
...
انجليزيتك باقي انا شفتها في ايميلك الرسلتو ل جون إدلر !!
خليك في اللغة العربية طالما هي تخصصك !!

والله لي هسه ما قادر اقتنع بي سبب مقنع ..
استحق لاجله أخونا حاتم الايقاف وسحب الباسويرد ..
كلنا متابعين المنبر جيدا وعارفين الحاصل فيهو ..
واي حوار قريناه الزول ده أبدا ما قال كلام ..
يقدر زول يمسكوا عليهو أو يقدر يصنفه ..
من باب سوء الادب أو السفاهة أو الخروج عن النص ..
كلام حاتم موزون رغم نبرة التهكم واللي ابدا ما زول حيقدر ..
يعتبرها قلة ادب لانه ده هو اسلوب حاتم من يوم ما جاء المنبر ..
أنا غايتو مش مقتنع بالايقاف وبشوف الشغلة دي فيها ظلم على حاتم ..
ولو كان غلطان كان نحن من طلبنا ايقافه وطرده زي ما حصل مع غيره ..

أنا غايتو ضد ايقاف حاتم ابراهيم .. لانه زول مفيد جدا جدا ..
فارجو أن يعود للكتابة في المنبر أخ بكري ..
لانه ببساطة لم يفعل مايستحق عليه الايقاف وسحب الباسويرد ..
فلو في تصويت أحسبوا صوتي ده من هسه ..

نعم .. لعودة حاتم ..
رجعوا حاتم وانصفوه يابكري ..

هووي يابدر
ماتدخل بينا
انا معدود ضمن المستنيرين الذكرهم بكور :))
نقبل عليك انا وحاتم يوم كده نخليك تشوف المنبر ده سيسي سيسي
قوم لف