عبـدو الســــــــــــــــــــــــــــــــــــــــــر أخ كريـــــــــــــم و ضابــــط إيقـــــاع عظيـــــــم
بدعوة كريمة من أسرة المطربين و الموسيقيين، إدارة الجالية السودانية و السودانيين عموماَ بمنطقة فيرجينيا يقام حفل خيري لتكريم المبدع عبدو السر. ظل عبدو السر يضرب علي طبل "البنقز" منذ العام 1979 (حينها طالب بالثانوي العام) و حتي اليوم يشهد له كل من إستمع وشاهد مشاركاته إنه من أمهر "لاعبي" هذه "الآله" الهامه في الموسيقي السودانية. عمل عبدو السر مع عمالقة المطربين منهم الكابلي ، محمد الأمين ، محمد وردي ، زيدان و أخرين... و قد وصل أمريكا قادماً مع المطرب و الفنان المطبوع "الذري" أبراهيم عوض رحمه الله عليه في العام 1992 . يحكي من عاصر عبدو السر منذ ذلك العام و اللاحقون من أمثالي إن عبدو السر إنسان سوداني مثالي.. عبدو السر شخص خيالي... صديق للكل و خالي من "الأعداء" . علي مر السنين لم أسمع كلمة نقد سلبي واحدة في حق هذا الرجل! علي مر السنين و منذ بداية هذا القرن حين تعرفت علي عبدو السر ، لم يتأخر عبدو عن المشاركة في أي عمل فني أو خيري أو الإثنين معاً تمت دعوته لذلك العمل أو علم بها دون أن تصله الدعوة. مشاركاته عفوية وفي غالب الأحوال مجانية وخالية من أي شروط. يتحمل تكاليف ترحيله و "يتعايش" مع أي نوع من أنواع "الإقامة". يأتي باكراً ليبدع و يفرح الجميع. أهيب بكل الأهل و الأحباب بفيرجينيا و ما جاورها ، مشاركة هذا الإنسان النادر بالحضور للحفل الخيري المقام علي شرفه. المشاركة 20 دولار أو أكثر أو ما تيسر. المكان: دار الجالية السودانية بفيرجينيا العنوان: 9004 Crownwood Ct Burke, VA 22015 التاريخ: السبت 20 مايو 2017 من الساعه 9:30 م الي 1:30 ص إنه لحق علينا أن نرد له قليل من دينه علينا جميعاً.
كمـــال طيفـــور
Post: #2 Title: Re: السبت 20 مايو 2017 -فيرجينيا- الحفل الخيرى ال� Author: Red Sea Date: 05-19-2017, 05:18 AM Parent: #1
الأخ عبدو السر حيكون حضور ويشرف الحفل بإذن الله .
Post: #3 Title: Re: السبت 20 مايو 2017 -فيرجينيا- الحفل الخيرى ال� Author: Elmosley Date: 05-19-2017, 11:27 AM Parent: #1
الفنان الجميل ضابط الايقاع البديع عبدو السر فنان بكل ما تحمله الكلمة من معنى خلوق لطيف بار باهله واصدقائه ليتني كنت باميركا لشاركت في هذا التكريم الذي صادف أهله ولا شك ان زملائي بأميريكا يسدون عين الشمس في هذا الخصوص واهيب بكل الاحبة من أهل السودان باميركا أن يهبوا الى ذلك الاحتفال الانساني
شكراً على مرورك الأستاذ الموسيقار الموصلى مشاركاتك فى مثل هذه الإحتفاليات لا تخفى على أحد الأخ عبدو فى أشد الحوجة لأصدقائه و أحبابه فى هذه الظروف العصيبة التى يمر بها و أكيد رفقاء الدرب على الموعد كما زكرت أمنياتنا الصادقة للأخ عبدو بالشفاء العاجل و العودة لمقعده و لجمهوره و محبيه
شكرا استاذ الموصلي علي هذه الكلمات المستحقة في حق الفنان المبدع عبدو السر تجي من ممن هو في مقامك و من خبرتك و درايتك بالوسط الفني اضافة وتاج علي راس المحتفي به الفنان عبدو السر
نحمد للوسط الفني بامريكا اهتماهم و تصدرهم لهذه المبادرة و اقامة الحفل الخيري لتكريم عبدو و المساهمة في علاجه ألأستاذ أسامة الشيخ الاستاذ ماهر و زملاءه في فرقة اوتار النيل الاستاذ مرغني الزين ألستاذ فايز مليجي وألستاذ العريس مجدي العاقب قبل قليل اتصلت علي الفنانة وألستاذة الكبيرة امال طلسم و التي ستكون ضمن المشاركين في الحفل مشجعة ومطالبة بحضور كل من يستطيع الحضور وفاء لهذا الفنان المتفاني
ميكائيل الموسيقى الموهوب المعروف المشارك في معظم الاعمال الغنائة الكبيرة منذ عقد التمانيات في طريقة الي فيرجينيا للمشاركة و الوقوف مع عبدو و موآآزرته رحلته اتجاه واحد خمس ساعات او تزيد ظل ميكائل يطالب باقامة مثل هذا الحفل من زمن مرحب بميكائل في فيرجينيا وهكذا ميكايل هكذا اهل الوفاء
الشكر موصول لاخونا و حبيب الجميع الباشمهندس بكري ابوبكر داىما يفرد مساحة من جهدو وزمنو لدفع الاعمال الانسانية داخل و خارج السودان
رفع بوست عبدو السر-فوق- اهتمام و تقديرلابداعه و لمثله من المبدعين
Post: #11 Title: Re: السبت 20 مايو 2017 -فيرجينيا- الحفل الخيرى ال� Author: Red Sea Date: 05-20-2017, 07:43 AM Parent: #10
الفنان الكبير عبد الكريم الكابلى برفقة فرقة أوتار النيل رفاق الأخ عبدو السر .... على الموعد مساء اليوم بدار الجالية السودانية بفيرجينيا
Post: #12 Title: Re: السبت 20 مايو 2017 -فيرجينيا- الحفل الخيرى ال� Author: Red Sea Date: 05-20-2017, 08:33 AM Parent: #11
وصلتنا الرسالة التالية من الأخ الفنان الأستاذ على السقيد المتواجد الآن فى السودان ... له التحية ...
عبدو السر انسان جميل وزول حنين جد ومن اوائل الناس الرحبو بى لما وصلت اميركا وديونو على كتيره والله .. وياريت لو كنت معاكم بى هناك كنت حأكون اول المشاركين . ادعو الله ان يشفيهو شفاءاً عاجلاً وتاماً بإذن الله وبالتوفيق ليكم ولوقوفكم معه وان شاء الله كل الناس يتجاوبو معاكم وعبدو يستاهل اكتر من كده ... ( وياسلام لو أى زول يوم تضيق الدنيا بيهو يقدر يلقى وسط همومو زول حنين يسأل عليهو ) بالتوفيق ان شاء الله
على السقيد
Post: #13 Title: Re: السبت 20 مايو 2017 -فيرجينيا- الحفل الخيرى ال� Author: كمال طيفور Date: 05-20-2017, 11:51 AM Parent: #12
نرحب بlلااخ العزيز والاستاذ علي السقيد احد اجمل الاصوات السودانية منذ نهاية السبعينيات وحتي اليوم بشهادة العارفين والمهتمين بامر الفن و التطريب علي انسان مرهف استاذ لالة العود واحد امهر العازفين عليها هذه الككلمات المعبرة في رسالتته صاغها لحنا جميلا معبرا لم نستطع اضافته للبوست بعد سنعيد المحاولة ولو استاذنا وصديقنا علي قدر اضافه بكون هدية قيمة للمحتفي به عبدوو السر ولينا كلنا
من علي البعد لك التحايا والاشواق اخ علي ؤ الي ان نلتقي ان بقي في العمر بقية
يا سلاااام .... كلمات د. ياسر حسن ألحان و أداء الأستاذ على السقيد
ياسلام لو اي زول يوم تضيق الدنيا بيهو يقدر يلقى وسط همومو زول حنين يسأل عليهو زول تفتش ليو روحك لما تحتار تمشي ليهو ولما تمرق من دواخلك او تضيع منك مداخلك تبقى مارق شان تجيهو زول بيشيلك في ودارك يبني بالحنيه دارك ويوم تلهلب فيك نارك يطفي جمرك بي ايديهو ولو حصل ضاق بيك مكانك او زمانك مرة خانك برضو بفتح ليك حته بين رموشو وبين عينيهو وتسوى ايه الدنيا من غير زول يحسك ..... يبقى عايش في كيانك شان يحرك ليك حسك وتبقى مليان انت بيهو وايه تكون السكه من غير زول رفيقك ... يمشي بيناتك ويسرع شان يسهل ليك طريقك ولو كمان السكه صعبت تلقى في دربك مشيهو وياسلام لو اي زول يوم تضيق الدنيا بيهو يقدر يلقى وسط همومو زول حنين يسأل عليهو
بالاضافة للمطربين و االموسقييين الذين جاء ذكرهم سابقا يشارك منالمبدعين الاساتذة عمر بانقا عاطف انيس ادروب و الاستاذة امال النور
عبدو السر اكيد سعيد لهذا الحضورو كذلك سعيد للاتصالات الكثيرة التي وصلته بين الامس و اليوم
Post: #18 Title: Re: السبت 20 مايو 2017 -فيرجينيا- الحفل الخيرى ال� Author: محمد حسن محمد ادم Date: 05-20-2017, 05:28 PM Parent: #1
عبده إنسان جميل ....اخلاق وذوق واحترام....... يكن له الجميع هنا وافر التقدير والحب لمشاركاته في كل المناسبات ومساهماته الفعاله في التواصل .... وديع وخلوق وناس فرجينيا ناس اصيلين واصليين وحلوين حقو السودانيين في أمريكا كلها تقيف وقفة رجل واحد للمساهمة في رفع معاناته وياريت لو ناس فرجينيا كمان يشرفونا في نيوجرسي وَيَا ريت لو اللجنة ألمنظمه لو تتصل بكافة الجاليات في الولايات للمساهمة ونتمني ليكم حفله موفقه وهذه رسالة الفن الاصيله
كما زكرت الأخ عبدو إنسان خلوق و محبوب من الجميع و كل الناس يجب أن تقيف معه حتى يتخطى هذه المرحلة الحرجة بإذن الله يجب أن تتضافر كل الجهود على مستوى الولايات و كذلك أصدقاء الأخ عبده فى جميع أنحاء العالم حفل اليوم سيكون ضربة البداية لحملة عالمية تدعم علاجه و نسأل الله التوفيق .
عبده السر من الفريدين سلوكا واخلاقا وأدباً. والله لا أجامل فهذا الرجل نادر في هذا الزمن الأغبر. بالله بلغه تحياتي ومحبتي ودعائي بالشفاء التام والعاجل إن شاء الله.
حفل عبدوو عبدو يا لهو من انسان عبدو زول و زول جد جد حضر لواشنطن و التي جاءها كثيرا من نفس الاانسان نفس التصرفات البساطة الطيبة البسمة الدفيء و الذوبان والاندماج في الاخرين,,,,,,الزي عبدو دا الناس لازم تقيف معاهو و تدعمو,,,,,,لازم تعالجو و تلحقوا....دانوع من الناس عاش حياتو كدة ....عايش للناس و مع الناس .....وفي الوقت دا لازم يكون بالناس...والا يكون المشروع الانساني الكبير الذي شارك فيه عبدو منذ نعومة اظفاره وساهم فيه كل هذه السنين قد اختل....وددا ما مفروض يحصل......
البوست دا اتفتح لسببين الاول لرفع روح عبدو المعنوية و لفت نظر كل الاحباب و المحسنين الي ان عبدو محتاج للععلاج وزي ما ساهم في ميات الاعمال الخيرية....من حقه علينا ان نقف معه و المساهمة في تكاليف علاجه االسبب التاني التفاكر في كيفية جمع ما يمكن لمقابلة تكاليف نقل الكلية بتغاصيله القاسية المعروفة
كان حفل فيرجيننيا امس ناجح بدرجة معقولة جدا ....حتي مع قصر المساحة الزمنيية المتاحة للاعلان عن الحدث.....شارك افي لحفل مجموعة ضخمة من اهل الفن المعروفين فرقة اوتار النيل مجدي ماهر مرغني و فايز جيتارات محمد سليمان جنكيز و نادر السوداني ابراهيم سوناتا و عاصم علي الاورج و طارق علي الساكس من المطربين و حسب التدرج الزمني للحفل ادروب عاطف انيس امال النور اسامة الشيخ و قد كان ضمن الحضور عمر بانقا و نادر احمودي
الاسرة الفنية متحدة و جاهزة للمشاركات الغنايءية لدعم عبدو كما ذكر لي الاستاذ عبدو الشيخ و اخرين.....و بالتالي هذا الجانب يمكن ان يكون عامل هام للمساهمة في علاج عبدو..........نحتاج لحوالي خمس اضعاف ما تم جمعه بفرجينيالتقريباا و حبيبنا عبدو سيتعافي ان شاءرالله
لاخ الكريم زمراوي شكرا كتير علي كلماتك القيمة و المعبرة في حق عبدو نحتاج لقلمك السلس و كلامك المنطقي الموضوعي للوصول لعلاج عبدوو اكيد انت و الاوفياء من امثالك ما بتتاخروا عن دفعنا جميعا للمضي قدما في هذا الامر شخصيا سعدت لمداخلتك فلك الشكر
لاخ الكريم زمراوي شكرا كتير علي كلماتك القيمة و المعبرة في حق عبدو نحتاج لقلمك السلس و كلامك المنطقي الموضوعي للوصول لعلاج عبدوو اكيد انت و الاوفياء من امثالك ما بتتاخروا عن دفعنا جميعا للمضي قدما في هذا الامر شخصيا سعدت لمداخلتك فلك الشكر