طرد طالبات وإلقاء عفشهن في الشارع..

طرد طالبات وإلقاء عفشهن في الشارع..


05-18-2017, 09:02 AM


  » http://sudaneseonline.com/cgi-bin/sdb/2bb.cgi?seq=msg&board=490&msg=1495094564&rn=0


Post: #1
Title: طرد طالبات وإلقاء عفشهن في الشارع..
Author: Elbagir Osman
Date: 05-18-2017, 09:02 AM

09:02 AM May, 18 2017

سودانيز اون لاين
Elbagir Osman-Ottawa, Canada
مكتبتى
رابط مختصر



Post: #2
Title: Re: طرد طالبات وإلقاء عفشهن في الشارع..
Author: Elbagir Osman
Date: 05-18-2017, 09:03 AM
Parent: #1

طالبات داخلية مروة .. الفتيحاب

يا للعار..

Post: #3
Title: Re: طرد طالبات وإلقاء عفشهن في الشارع..
Author: Elbagir Osman
Date: 05-18-2017, 09:04 AM
Parent: #2


Post: #4
Title: Re: طرد طالبات وإلقاء عفشهن في الشارع..
Author: Arif Nashed
Date: 05-18-2017, 03:10 PM
Parent: #3

الاخ الباقر ما هي اسباب الطرد ..

Post: #5
Title: Re: طرد طالبات وإلقاء عفشهن في الشارع..
Author: Elbagir Osman
Date: 05-18-2017, 06:47 PM
Parent: #4

يقولون لعدم تسديد رسوم السكن..

Post: #6
Title: Re: طرد طالبات وإلقاء عفشهن في الشارع..
Author: علي دفع الله
Date: 05-18-2017, 07:15 PM
Parent: #5

تبا للإسلاميون اينما تواجدوا ...
لا نخوة لا عزة ..
ديل بنات..
انا في اللحظة دي متخلف وحاسي انو المراءة اضعف من الرجل .. شفتو اللبرة والعلمنة مرات احسن من الاسلموية .
انعل اي حاجة ..


Post: #7
Title: Re: طرد طالبات وإلقاء عفشهن في الشارع..
Author: جمال ود القوز
Date: 05-18-2017, 07:58 PM
Parent: #6

يا للعار ...

Post: #8
Title: Re: طرد طالبات وإلقاء عفشهن في الشارع..
Author: الزاكى المغيرة
Date: 05-18-2017, 08:11 PM
Parent: #7

لاحولة ولا قوة الا بالله
يا ناس السودان دا عقبونا فية ناس غير
البنعرفن زمان

Post: #9
Title: Re: طرد طالبات وإلقاء عفشهن في الشارع..
Author: Elbagir Osman
Date: 05-18-2017, 08:22 PM
Parent: #8

هذا لا يمت للقيم السودانية بأدنى صلة..

Post: #10
Title: Re: طرد طالبات وإلقاء عفشهن في الشارع..
Author: Hassan Makkawi
Date: 05-18-2017, 08:37 PM
Parent: #9

عيب كبير....
ملعون ابو الفلوس...

Post: #11
Title: Re: طرد طالبات وإلقاء عفشهن في الشارع..
Author: Asim Ali
Date: 05-18-2017, 08:50 PM
Parent: #9

للاسف ان يحدث ويصمت من حولهم ولايهب لنجدتهم من هذه البربريه المعهوده من هولاء.
اين اهل المنطقه من هذا ؟؟؟؟؟؟ ماموقفهم ؟؟؟؟

ادناه مداخله لى فى بوست الصمت الغريب من شعب عجيب

Quote: سؤال مهم جدا ونبدا من هنا. قارن بين عداد القراءات ناهيك عن المشاركات وتاريخ نزول البوست للبوستات الخاصة بالكوليرا (3) وبوست السرطان في البركل وبوست المذيعة تسابيح تهنئ زوجها . الظاهر بقى في لامبالاة عند اغلب الناس والرفض /المقاومة المسالمة ماداير أقول السلبية ..... مثال تانى نمشى في الشارع مثلا انت راكب في المواصلات بتاع مرور يوقف الحافلة ويتلايق عشان يطلع حاجه من السواق والناس تطنطن تحت تحت من التأخير في حين لو كان في موقف جماعي من الركاب بتاع المرور يا قطع وصل المخالفة اذا في أصلا او يقنع من انو يغمتو ليهو حاجه ويمشى الحافلة ......استغلال بعض أصحاب السيارات اصغيره هايس او امحاد يجى يلقى الموقف فاضى والناس ملمومه و يشحن ب3 اضعاف التعريفه المعمول بيها لما يكون في نمره للخط والناس تسكت خشمها وعندها وتركب في الوكت اللى هم لو كلهم طنشوهو ح يرجع ويشحن بالمعقول ...
رئيسك في العمل فاسد وفساد واضح وبادله مافى زول يقيف في وشو خوف من ...ومن ... الخلاصه انو الناس ماقادره توحد كلمتها وحتى هم مجموعات صغيره ضد شكل من اشكال الاستغلال والفساد كيف الناس توحد كلمتها وتثق في بعض في شان الوطن.
المعذره على المباشره في الحديث والامثله لكن دا الواقع الناس تتلم في كوره على فلب رجل واحد وبانضباط لكن مرات تصورو حتى لما يحصل اميه ضربت او ماسوره مويه في الحى الناس تعاين وتقول مافى زول اتصل بى ناس الكهربه !!!
مافى وحده كلمه.. مافى ثقه لاتخاذ مواقف جماعيه .....مافى روح مبادره ........مافى ..مافى...
في حاجات كتيره زى ماتت في الناس في ال28 سنه دى وحل محلها السلبيه والمشى تحت الحيط . والله في مواقف ترفع ضغطك ....
الناس تعاين بس مافى حتى كلمه استهجان .
دا مامعناه مافى ناس قلبها حار وضكرانين لكن مازى زمان. باتمنى أيام زى ابريل النسوان الكبار يشاركو بالزغاريد من باب البيت لما تمرو قدام البيت وعمك كبير يفع ايدو يهز ...
تحس في اللحظه ديك طوب الارض سندك في بلدك مش البشر بس. نحنا دايرين ثوره في النفوس أولا..... نثور على سلبيتنا عذرا على الاطاله

Post: #12
Title: Re: طرد طالبات وإلقاء عفشهن في الشارع..
Author: Elbagir Osman
Date: 05-18-2017, 11:52 PM
Parent: #11

كانت استضافة طلاب الأقاليم لا يكاد يخلو منها بيت..

اما الطالبات.. والمعلمات صغيرات السن.. فكن بنات واخوات الجميع..
يتسابق الجميع لإيوائهن ومساعدتهن وحمايتهن..

هل تغيرنا إلى هذا الحد..

Post: #13
Title: Re: طرد طالبات وإلقاء عفشهن في الشارع..
Author: أبوبكر عباس
Date: 05-19-2017, 01:33 AM
Parent: #12

حسب قوقل:
المحكمة تطرد طالبات من بيت بالفتيحاب خاص بطالبات من دارفور.
زمان كانت بتدفع الايجار السلطة الإقليمية، ثم بدأ بدفع الائجار تاج الدين نيام
أخيرا اعتذر عن الدفع
المبلغ الشهري ٤٥٠٠ ج س

تعليقي:
ليس للطرد علاقة بالنخوة أو ما شابه ذلك
زول عندو عقار، عايش منو عياله، المستأجر غلبو يدفع ورافض يطلع،
الرجل تصرف بطريقة حضارية ولجأ للمحكمة

أقترح إنّو صاحب البوست يتبنى مبادرة من داخل المنبر لإسكان الطالبات ديل

Post: #14
Title: Re: طرد طالبات وإلقاء عفشهن في الشارع..
Author: Asim Ali
Date: 05-19-2017, 01:45 AM
Parent: #13

الاولى بصاحب البيت ان يفزع ناس الحته لحل القصه بدل الرميه فى الشارع .
المجتمع مفروض يتكافل مادام المسئولين مافيهم خير .
وينو صندوق دعم الطلاب ؟؟؟ يختفى فى مواطن واوقات اولى به ان يكون صاحب المسئوليه .
ادعم فكره مبادره لمساعده هولاء الطالبات خاصه ان هذه الايام ومع دخول رمضان ...بعض الجامعات تجرى امتحاناتها ايضا وفد تمتد حتى فبل العيد

Post: #15
Title: Re: طرد طالبات وإلقاء عفشهن في الشارع..
Author: Arif Nashed
Date: 05-19-2017, 01:55 AM
Parent: #14

فعلا اصبحا شعبا عجيب !!
هؤلاء فتيات مكسورات الجناح وغالبيتهن من الاقاليم وربما ليس لديهم اقارب يلجئون اليهم .
عيب ان يعاملوا بهذا الاسلوب ويلقين واوعيتهن في الشارع ..
اين ذهبت نخوة وشهامة السوداني !
ادعم فكرة مبادرة دعم هؤلاء الطالبات ..
ربنا يحميهم ويحفظهم من كلاب الشوارع ..

شيء مؤلم جدا ما نشاهده يحدث في وطننا ..
الدولة تصرف علي صعاليق وانتهازيين ولا يصرفون علي طلاب العلم وامل المستقبل ..
تفووووووووو علي الكيزان واذنابهم ...

Post: #16
Title: Re: طرد طالبات وإلقاء عفشهن في الشارع..
Author: أبوبكر عباس
Date: 05-19-2017, 02:20 AM
Parent: #15

"عايش منه عياله" في مداخلتي السابقة عاطفية لا تليق بمستنير زيي، أغيرها ل:
زول عندو عقار مستثمرو .... ثم بقية المداخلة

آسف، طريقة التفكيرالأمريكية لم تكتمل عندي بعد، ما زالت تشوبها تشويهات المنشأ لحداثة الهجرة وكدا

Post: #17
Title: Re: طرد طالبات وإلقاء عفشهن في الشارع..
Author: Hafiz Bashir
Date: 05-19-2017, 06:23 AM
Parent: #16



يا مستنير واضح إنو إستنارتك فكت من يوم أنا ضربت ليك تلفون و إنت تجاهلتني داك

ياخي دي إستنارة شنو دي الماقادرة تشوف بيها ضعف المجتمع البيعجز عن إيجاد حل يضمن للطالبات سكن يحترم كرامتهن و يضمن برضو لصاحب العقار حقه في الإستفادة من عقاره دون نقصان
_____

تحياتي لصاحب البوست



Post: #18
Title: Re: طرد طالبات وإلقاء عفشهن في الشارع..
Author: Hasheem Karouri
Date: 05-19-2017, 06:40 AM
Parent: #17

اختلافنا في الاراء حول مايحدث في هذا البوست ، يدل علي ماوصل اليه الحال في بلدنا .
كنا ( ولا زلنا ) اهل الكرم والجود هذا علي الاقل ماعرفنا به كسودانيين
لكن خلال ال 28 سنة الماضية ، حدثت تغيرات جوهرية للمجتمع السوداني هزته هزا ..

.هذا هو العار بعينه .


تبا لهم

Post: #19
Title: Re: طرد طالبات وإلقاء عفشهن في الشارع..
Author: Hamid Elsawi
Date: 05-19-2017, 07:07 AM
Parent: #18

شكراً الباقر لهذا البوست
و دايماً بوستاتك تشِع انسانية

أحزنني انو واحد مستنير يدافع عن
صاحب البيت .... مالك العَقَار
و حقو في انو يوفر لقمة عيش لي اسرته
و يتجاهل بنات أُسر تنكرت دولتهم لحقوقهم
في الحياة و التعليم و الصحة و السكن
حتي في طريق التطور الرأسمالي
نحن ماشين خلف ....
سوف ينتفض الشعب يوماً
ضد هذا الظلم ... و لنكن يداً واحدة
ضد الدكتاتورية و الظلم و التسلط

Post: #20
Title: Re: طرد طالبات وإلقاء عفشهن في الشارع..
Author: Asim Ali
Date: 05-19-2017, 07:40 AM
Parent: #19

الرجل السودانى زمان كان يوصف بانه مقنع الكاشفات
لكن الان اصبح العكس سواءصاحب العقار او الجيران ... وين حق الجار؟؟!!!!!!

Post: #21
Title: Re: طرد طالبات وإلقاء عفشهن في الشارع..
Author: أبوبكر عباس
Date: 05-19-2017, 08:39 AM
Parent: #20

علي الأقل صاحب البيت دا بكون تحمل ليهو خسارة اكتر من تلاتين مليون (بكونوا ستة شهور ما دفعوا ليهن)،
التحية والشكر للسيد نيام على الفترة السابقة.
أجزم يا حامد، لو انت كنت مكان صاحب البيت لفعلت نفس ما فعله،
حافظ لن يفعل
الكورة قدامكم دقوا صدركم وتبرعوا بفتح هذه الداخلية مرّة أخرى، شهر حافظ (بدفع) وشهر حامد (أشك)، وانا مستعد اسافر بكرة الخرطوم ألملم ليكم الطالبات ديل مرّة تانية، وفنجرة مني بتبرع ليهن بتلاجة عشان مويه رمضان الباردة.

قال سيد البيت يفزع ناس الحلة قال!

Post: #22
Title: Re: طرد طالبات وإلقاء عفشهن في الشارع..
Author: سيف الدين محجوب
Date: 05-19-2017, 10:22 AM
Parent: #21

اخونا أبو بكر عباس أداكم النجيضة
ولا لوم على مالك العقار
بقية التعليقات عبارة عن جعجعة وتنظير ليس إلاَّ

بدل الكلام الما بجيب همو دا
حاولوا أعملوا ليهن حاجة
وخلونا من الحنك البيش دا


وسلامتكم


Post: #23
Title: Re: طرد طالبات وإلقاء عفشهن في الشارع..
Author: مني عمسيب
Date: 05-19-2017, 10:28 AM
Parent: #22


التحية للجميع ..


الشئ الطبيعي الحكومة تدفع الايجار لانه الطلبة عندهم بند
خاص للتمويل !

حقيقة شئ مؤسف .. لكن لاعجب البرلمان فيها خمسمائة عضو
حا يدوهم مرتبات من وين ؟

اللهم نشكو اليك عمر البشير ومن معه انهم لايعجزونك .

Post: #24
Title: Re: طرد طالبات وإلقاء عفشهن في الشارع..
Author: Hafiz Bashir
Date: 05-19-2017, 12:45 PM
Parent: #23



يا مستنير

"اليد العليا خير من اليد السفلى" ،، لذلك يا مستنير الإستنارة تعنى أن نبحث عن حلول لا تكون فيها يد سلفى

سكن الطالبات و غيرهن يجب أن لا يكون محل لتكسب الحسنات و لا محل لإبراز الشهامة و الكرم و غيرها من الصفات الفردية

دي مسؤلية المجتمع بكامله و ليست مسؤلية الأفراد و يجب على الدولة أن تقوم بدورها في تحقيق قيم المجتمع و الوفاء بإلتزامات المجتمع تجاه مسؤلياته


Post: #25
Title: Re: طرد طالبات وإلقاء عفشهن في الشارع..
Author: أبوبكر عباس
Date: 05-19-2017, 12:50 PM
Parent: #24

موضوع الداخلية دي يا حافظ، غير
الداخلية دي أنشأتها اتفاقية مناوي مع الحكومة،
مناوي اختلف وتمرد
في الفترة السابقة كانت مفتوحة بشهامة فردية
ثم عجز الرجل عن الاستمرار

Post: #26
Title: Re: طرد طالبات وإلقاء عفشهن في الشارع..
Author: Asim Ali
Date: 05-19-2017, 01:14 PM
Parent: #25

اوبكر عباس .
اولا الايام دى ايام امتحانات اوماقبل امتحانات مع دخول رمضان تصور الوضع ..... المسئوليه الانسانيه للمجتمع الصغير تحتم ان يتفاكروا لايجاد حل (دى القدتو بالفزع)
حتى لاينهى الامر بتدول صور بعد الكارثه والشجب والادانه ولعنه النظام ومشكله الطالبات قائمه وقد تكون هناك داخليات به مشاكل مشابهه
يفزع ناس الحله كرجل سودانى ..وهو يعلم ان لاسند ولاظهر لهم وسيطردن الى الشارع .
اذن الفزع معناها يتواصل مع اهل الحله مثلا بعد صلاه المغرب فى المسجد حتى تكون مبادره منهم ...منهم من قد يستطيع بعلاقاته ان يساهم
ولو الشباب فى الحى وصلو صوت صاحب العقار واستنجاد الطالبات للاعلام وعبر الوسائط الاجتماعيه تى يتحرك صندوق دعم الطلاب.
انا قصدت الفزع لعون الطرفين صاحب العقار والطالبات ..قبل البهدله والجدعه فى الشارع .
والا المبادرات ماتكون الارد فعل بعد البهدله .
اظنك فهمت فزع بشكل خاطىء .
البلد بخير لو الناس اتراحمو واتكافلو ........وانا فى انتظار تبلور المبادره هنا ححتى يكون لى دور

Post: #27
Title: Re: طرد طالبات وإلقاء عفشهن في الشارع..
Author: جلالدونا
Date: 05-19-2017, 01:22 PM
Parent: #26

Quote: حسب قوقل:

بحسب قوقل برضو يا مستنير!!!!
اسأل نفسك و ين الصناديق الكتيرة ديك
و المفروض هى منشأة من اجل الطلاب
و تكتنز الملايين و ليها استثمارات
من هنا و لى قدّام المفروض تختشى ياخ
ده لو كان عندك دم

Post: #28
Title: Re: طرد طالبات وإلقاء عفشهن في الشارع..
Author: أبوبكر عباس
Date: 05-19-2017, 01:41 PM
Parent: #27

موضوع صندوق دعم الطلاب، دا موضوع تاني
وموضوع حيوي يستحق النقاش
ممكن نناقش سياساتو، تمويلو، المستحقين، فسادو، .....

الداخلية موضوع البوست لا تتبع لصندوق دعم الطلاب ولا نعرف كيفية استحقاق السكن فيها

ما علمته من قوقل انها داخلية خاصة

أرجو ان توضح لي يا جلال، الغلط شنو في مداخلاتي؟
وأختشي على شنو؟

لكن لو زي عادتك داير بس تتونس؛ اتونس

Post: #29
Title: Re: طرد طالبات وإلقاء عفشهن في الشارع..
Author: جلالدونا
Date: 05-19-2017, 01:49 PM
Parent: #28

يا ولد
اى طالب جامعى من حقو السكن قبل القراية
هى البيئة الدراسية دى شنو
ما من اوجب واجباتا السكن لتحقيق الاستقرار النفسى
دى شغلة ما عندها علاقة بالتقلبات السياسية
ده واجب دولة وحق اصيل لى بناة المستقبل
اى جغلفة منّك تبقى وركنة يالحرام
فاهم ولّ اشرح ليك

Post: #30
Title: Re: طرد طالبات وإلقاء عفشهن في الشارع..
Author: أبوبكر عباس
Date: 05-19-2017, 02:00 PM
Parent: #29

غلط
وريني دولة في الدنيا بتوفر لأي طالب جامعي حق السكن

إتّا بس داير تشارك

Post: #31
Title: Re: طرد طالبات وإلقاء عفشهن في الشارع..
Author: Asim Ali
Date: 05-19-2017, 02:00 PM
Parent: #27

التزام جهه شخصيه دستوريه بدفع تكاليف تجاه طلاب منطقته بعد اتفاقيه سلام بين حركه الشخصيه الدستوريهوالنظام.
سواء تكاليف سكن او رسوم دراسيه مشكله ممتده منذ اخواننا الجنوبيين (فتره مشار) ... فهم ايضا كانو يمرو باوضاع مشابهه غالبا فى عدم التزام الشخصيهوبعد ذهابه .
الدستوريه بالدفع وتحدث مشكله الدخول للامتانات ......والان نفس الوضع يمكن يكون حاصل فى جامعات اخرى بالنسبه لابناء دارفور ...رسوم او التزام بمصارف سكن .
طبعا المسئول الرسمى عن رعايه الطلاب اضانو بارده ونايم فى العسل ولايستشعر حجم مسئوليته نحو هولاء .......
وبالمنسبه هذه الظروغ تربه خصبه لاصطياد هذهالحالات واستقطابها سياسيا واستغلال الاله الاقتصاديه بواسطه الجماعه ايهم عبر دفع مصاريفهم عبر قنوات اخرى غير رسميه طالما تم .
احتوائهم واستقطابهم .دا وجه من الوجوه السالبه لمثل هذه المشاكل.

Post: #32
Title: Re: طرد طالبات وإلقاء عفشهن في الشارع..
Author: جلالدونا
Date: 05-19-2017, 02:10 PM
Parent: #31

امريكا دى
مع انها بلد راسمالية
وفرّت لى بتى السكن و الاكل و الدراسة مجاناَ
ما تقول لى اسكولر شب و الذى منّو
عندهم حاجة تانية اسمها الفايناشل ايد
يردموك قروش لامن تقول ما داير
هس انا و بعد ما بلغت ما بلغت من العمر
ممكن يدفعوا لى كل ما احتاجه
لو داير اقرا
هبة ً و ليس دين
فما تمسك فى الحتة دى
الغريبة قوقل ما قال ليك الحتة دى ليه
ثم
يا ريت تختشى

Post: #33
Title: Re: طرد طالبات وإلقاء عفشهن في الشارع..
Author: Elbagir Osman
Date: 05-19-2017, 05:04 PM
Parent: #32

نشر المعلومة حول ما حدث لهاته الطالبات خطوة أولى

الهدف النهائي هو مساعدة الطالبات.. وتثبيت مبدأ الا يعاني اي طالب ما عانينه

كرامة وحقوق الطلاب مسئولية كل المجتمع

على رأس الجهات المسئولة.. الحكومة
بكل مستوياتها
صندوق دعم الطلاب
الجامعة
الجهات الإقليمية وعلى رأسها التي كانت طرفا في إنشاء السكن
سكان الحي
والسودانيون في كل مكان
بما في ذلك نحن أعضاء وقراء سودانيزاونلاين
ويمكن أن تضاف جهات أخرى

أدعو كل أعضاء و قراء وإدارة سودانيزاونلاين لتبنى حملة عاجلة لمساعدة هاته الطالبات

Post: #34
Title: Re: طرد طالبات وإلقاء عفشهن في الشارع..
Author: Asim Ali
Date: 05-20-2017, 11:36 PM
Parent: #1

وجدت نحو 43 طالبة جامعية بداخلية خاصة، أنفسهن يفترشن أمتعتهن المتكدسة في الشارع العام، بمنطقة الفتيحاب مربع 13 بمدينة أم درمان غربي العاصمة السودانية الخرطوم، بعدما نفذت الشرطة أمر إخلاء صباح الأربعاء الماضي لصالح صاحب المنزل الذي كن يستأجرنه.

وتسكن بداخلية المروة الخاصة طالبات يتحدرن من إقليم دارفور غربي البلاد، منذ أكثر من عشر سنوات، وتدفع نفقات السكن مؤسسات تتبع للسلطة الإقليمية السابقة لإقليم دارفور، غير أن المسؤولين لم يسددوا النفقات لعدة أشهر.

وقالت الطالبة إسراء يوسف 20 عاما من مدينة الفاشر وتدرس بجامعة الأحفاد للبنات لـ(الطريق)، “عشنا وضعا سيئا، دون أن يحرك المسؤولون ساكنا، وتلفت “كان وضعنا أشبه بمخيمات النزوح، وهذه ليست المرة الأولى التي يتم طردنا فيها، نحن نريد حلا جذريا لمشكلتنا، حتى نتجنب مثل هذه الإهانة البالغة لنا”.

من جهتها، قالت مشرفة الداخلية وطالبة الدراسات العليا، بجامعة النيلين عاقلة عوض بلال 30 عاما.”لماذا لم تتم مساعدتنا، في إيجاد سكن، بخاصة من أبناء دارفور المنتمين للحكومة”،

وتنتقد بلال في حديث لـ(الطريق) إخلائهن بواسطة الشرطة،” لم نرتكب جريمة.. حتى نجد أنفسنا في الشارع العام،لقد عشنا تجربة مريرة وغير إنسانية.. العديد من الطالبات يجلسن لامتحانات والجزء الآخر لم يستطع حضور المحاضرات”.

الخرطوم- الطريق

Post: #35
Title: Re: طرد طالبات وإلقاء عفشهن في الشارع..
Author: Elbagir Osman
Date: 05-21-2017, 01:52 AM
Parent: #34

غريبة أن ينسى الناس حقوقهم..

قبل حكم الإنقاذ كانت داخليات الجامعات مجانية..

تشمل السكن والطعام

وكان السكن المجاني يمتد ليشمل التعليم العام..

فقد كانت الثانويات والمدارس الوسطى تشمل داخليات مجانية توفر السكن والطعام

ولولا هذه الداخليات لفقد الكثيرون فرصة التعليم.. ومنهم كثيرون من حكام اليوم.. الذين يغلقون باب التعليم والعلاج المجاني خلفهم..

يجب أن لا نقبل إلغاء مجانية التعليم كأمر طبيعي..

بل نطالب بإعادته.. كأحد أهم مطالبنا التي لن نتخلى عنها..

حتى نحققها من أجل اجيالنا القادمة..

ومن أجل مستقبل بلدنا..

الباقر موسى