صوت مُترع بالإنسانية، اسأل الله لك الرحمة والمغفرة أيها المبدع مصطفى سيد أحمد . رسائل الوآت سآب وغيرها من رسائل هذا الزمن رغم سرعتها السابقة للمح البصر لكنها تتقاصر أمام رسائل الزمن الجميل، حيث تكمن لِزتها في إنتظارها وهي قطعاً لا تُضارع شكلا .
رافقتك السلآمة في حِلّك وترحالك يا ود الزبير، اريّتك تبقى طيّب إنت انا البي كُلّو هيّن ...
Post: #2 Title: Re: مافي حتي رسالة وآحدة !، إهداء لصديقي معاوي Author: عبدالحفيظ ابوسن Date: 05-15-2017, 10:38 AM Parent: #1
كما مصطفي مسخ الغناء ف معاوية مسخ الاصدقاء من الذين تشعر بالحب نحوهم ويشعرونك بحبهم لك تحس انه محبته لك يمكن تذوقها ولمسها وشمها هو قادر بشكل مذهل علي تحويل معاني لسلوك لا يلتبس عليك فهمه توفيت والدته .. وحضر للسودان واتصل بي لا تحضر سآتيك كان حزينا حد الفيجعة وحضر موفيا وعده في تلك اللحظات المليئة بالشجن والحزن احسست بمكانة خاصة نحوي داخله حضر بكل حزنه وألمه ليبكي امه في بلد يحسن انه ينتمي لها . وسط اناس يحس بالألفة نحوهم لم نفعل غير الحديث او لم اتحدث انا بل تحدث هو المشهور بقلة حديثه وصمته تلك الايام شعرت فعلا بأن صديقي رقيقا جدا من الداخل واكثر حزنا اهدي لي معاهو رائعة مصطفي تقول لي الفراق مكتوب زي اول جمعنا قدر
Post: #3 Title: Re: مافي حتي رسالة وآحدة !، إهداء لصديقي معاوي Author: معاوية المدير Date: 05-15-2017, 10:42 AM Parent: #1
إلي صديقي المُفعم بالحِنيّة ود الزبير الذي يلتمس الحنية ويتحسسها فوق راس الدولآب كلما عاد، للوطن، يتحسسها في ذرات التراب العالقة هناك وفي بعض قصاصات أوراق قديمة وحُبيبات تِر تِر مبعثرة هنا وهناك، ورائحة حبوبة عابقة في جنبات سحارة وفي شماعة مثبتة علي الحائط بمسامير تفوح منها رائحة الأباء، وصندوق هِديمات تفوح منه رائحة الأُمهات .
والله يا ود الزبير قُلت أرفقك في رحلتك من خلال هذا البوست حتي تعود لنا مُعافاً بإذن الله تعالى ...
Post: #4 Title: Re: مافي حتي رسالة وآحدة !، إهداء لصديقي معاوي Author: حيدر حسن ميرغني Date: 05-15-2017, 11:02 AM Parent: #3
ياسلام يامعاوية قلوبنا معه يمشي ويعود لينا بالسلامة متل المرسيدس الجديدة
Post: #5 Title: Re: مافي حتي رسالة وآحدة !، إهداء لصديقي معاوي Author: معاوية المدير Date: 05-15-2017, 11:29 AM Parent: #4
نقاسمك في سفرك ورحلتك بهذا البوست، بالسلآمة يا رجل ...
Post: #7 Title: Re: مافي حتي رسالة وآحدة !، إهداء لصديقي معاوي Author: ANWAR SAYED IBRAHIM Date: 05-15-2017, 11:52 AM Parent: #5
ود المدير سلام
عبرك و عبر احبابى / ود ابو سن - حيدر حسن وكل من يحب معاوية - اهديكم هذه :
Post: #8 Title: Re: مافي حتي رسالة وآحدة !، إهداء لصديقي معاوي Author: ANWAR SAYED IBRAHIM Date: 05-15-2017, 11:52 AM Parent: #5
معذرة للتكرار
Post: #6 Title: Re: مافي حتي رسالة وآحدة !، إهداء لصديقي معاوي Author: عزالدين عباس الفحل Date: 05-15-2017, 11:51 AM Parent: #4
معاوية المدير
سلام ، يا ود المدير إخوة عجور ، كل يوم برسل ليك ، رسائل صباحية ، و شي فيديوهات نصف ضاحكة ، و شئ ورود و رياحين ، و لا مرة فتحت لي بوست ، في مثل ما عارفو شنو ، بكرة اللواري بتقيف ،
،،،
عزالدين عباس الفحل ابوظبي
Post: #9 Title: Re: مافي حتي رسالة وآحدة !، إهداء لصديقي معاوي Author: معاوية الزبير Date: 05-16-2017, 02:03 AM Parent: #6
هوووي يا ود المدير أنا ما عندي ليك وكِت قاعد ألملم في حاجاتي في الشنطة ومطلوب حضوري لمطار الدوحة بعد ساعة لكن الفيك اتعرفت بقيت تكتب حاجات ناس المدن مفعم بالحنية ؤ شنو كدا ماعارف رِفقتك مرافقانا يا حبيب وأبو السيد أصلو كمان ما فارقنا
ويا عبد الحفيظ يوم شكرك ما يجي بتحرجنا ساكت، لأنو ما عندنا حاجة نقولا تكفّيك
حيدر حسن مرغني صاحب الاسم الرنان أنور سيّد الما نسى عُشرة مدرسة السكة حديد الأولية بكوستي من سنة 70 وربما 69 كم كبرنا ياخ! و كم لبثنا في هذه الدنيا شكرا يا ود الفحل و ابقى زورنا ياخ عامل سفرك الكتير دا
Post: #10 Title: Re: مافي حتي رسالة وآحدة !، إهداء لصديقي معاوي Author: عبدالحفيظ ابوسن Date: 05-16-2017, 06:43 AM Parent: #9
يا معاوية ياخ انا اهتدي بقول الرسول (ص) اذا احب احدكم اخاه فليعلمه اهو انا كلمتك ما تعمل لي عمر احساس ف شنو خليها علي الله افتحوا قلوبكم تجاه الشرق نحو الشمس نحو نافذة الضياء للشمس تغسل بيتنا العالي علو الشمس من مطر البنادق اظنها هكذا كما قالها سند صحوت اليوم ينتابني نزق وفرح ك فكك الكراع لا يفتأ يتاورني ذلك الفرح المبهم الذي لا تدر له سببا كبرق يشلع فيضئ ثم يخبو فتظلم اها اخوك به بقايا من صلاح قلت بشارة خير وكنت في الخاطر ف شنو يا صاحب اطلق وكاي جراب الشوق
Post: #11 Title: Re: مافي حتي رسالة وآحدة !، إهداء لصديقي معاوي Author: معاوية المدير Date: 05-16-2017, 08:12 AM Parent: #10
Quote: هوووي يا ود المدير أنا ما عندي ليك وكِت قاعد ألملم في حاجاتي في الشنطة ومطلوب حضوري لمطار الدوحة بعد ساعة لكن الفيك اتعرفت بقيت تكتب حاجات ناس المدن مفعم بالحنية ؤ شنو كدا ماعارف رِفقتك مرافقانا يا حبيب وأبو السيد أصلو كمان ما فارقنا
يا معاوية يأخي هي مؤانسة تحسسك بوجودنا جنبك ؤ تنقُلك لزمن جميل، والجمعة في شمبات، ثم يأخي ما ادرآك ما الجمعة في ذلك الزمن السمِح بالحيل ؟. صباحها غير الصباحات، والذي يطرق سمعنا بعد العصافير صوت البلبلة الغريّدة ليلي المغربي رحمها الله وهي تتلو ما أعدت من برنامج الصباح، ثم نسعد مع ابناءنا ببرنامج الأطفال والجد شعبان وجحا، والناس يتزاورون ويتونسون حول شاي الصباح ؤ طربيزة الفطور بالفول المصلّح ؤ صحن الصلطة بالجرجير . عادةً بيكون في زول ضابح في الحِلة التِحِت ممكن يكون بعنيب أو الجيلي أو ود الشيخ والشارع لا يخلو من الحركة والمطايبة ؤ صِنج الميزان تتبادل في الكفتين والكُل يتبادلون أطراف الحديث والونسة، ؤ دافوري الصباح عجاجو عاكِل في الميدان . ثم برنامج ما يطلبه المستمعين والرادي في ذلك الزمن دايرلو حرفنة عشان تسمع الجابري ؤ محمد كرم الله وزيدان وغيرهم وإنت راخي أضانك عسى زول عزيز يهديك لحن طروّب، ثم تنقلك موجات الأسير إلي حقيبة الفن فتسمع بف نفسك يا القطار والسمحة ام عجن وغزال الروض واللمين برهان ؤ سرور ؤ كرومة عمالقة الزمن الجميل في ذلك الزمن الجميل، ثم المساجد والصلآة وبعدها لا تدري إن كنت سوف تتغدي في بيتكم أو بيت من بيوت الحِلة ؤ عادي ممكن تكون متغدي في بيت صاحبك ؤ صاحبك متغدي في بيتكُم والغدا كأنه مُتفق عليه إذ انّ الحلة كلها في يوم الجمعة تكون وجبة الغداء فيها مُلآح أُم رِقيّقة بي كِسرة رُهااااافة، ثم العصريات والتمرين ثم الأُمسيات والونسات تِحت العمود وفي القهاوي في السوق والأندية، ثم هآك يأخ،
ترجع بالسلآمة يا زولاً سمح بالحيل ...
Post: #12 Title: Re: مافي حتي رسالة وآحدة !، إهداء لصديقي معاوي Author: ANWAR SAYED IBRAHIM Date: 05-17-2017, 08:59 AM Parent: #11
أنور سيّد الما نسى عُشرة مدرسة السكة حديد الأولية بكوستي من سنة 70 وربما 69 كم كبرنا ياخ! و كم لبثنا في هذه الدنيا
اخى العزيز جدا / معاوية الزبير
معقول ننسى العشرة يا معاوية ؟
نحن شاربين ( موية واحدة ) ومن كل ( زير ) بـ ( كوز موية واحد )
ياليتنا عدنا او عادت الايام ...
لكن اخى لا تحزن ... انها امتحانات .. هكذا هى الدنيا وهذا هو الدين
كنت مرّة اجلس فى احد المساجد ... وبعد صلاة المغرب وقف احد الدعاة وبدأ يحدّث الناس
ومن ضمن ذلك الدرس موضوع الحديث .. ان يصبر المرء على كل ما يكتبه الله له
وحكى انّ فى زمن الصحابة . .. حكى انّ رجلا كان متزوجا من امرأة لعشرين عاما لم يمرض ولم
يشكو حتى من صداع ... ؟؟!!!
وفى يوم من الايام اراد السفر ... فقالت له زوجته اريدك بعد عودتك ان تطلّقنى !!!
تعجّب الزوج من طلبها ... حاول ان يعرف السبب الاّ انها رفضت تخبره
المهم عندما همّ الرجل ركوب بعيره .. وقع على الارض وكسرت ساقه !!
اخذه الجيران داخل منزله وما ان رأته زوجته الاّ ان بدأت تقول ( الحمد لله - الحمد لله - الحمد لله )
قال لها زوجها انا وعدتك عند عودتى ان اطلّقك ؟؟
قالت لا اريد الطلاق !!!
تعجّب الرجل !!
قال لها ايضا لماذا تطلبين وترفضين ... ما قــصــتــك ؟
قالت : سمعت ان رسول الله صلى الله عليه وسلم يقول : ( ((مثل المؤمن كمثل السنبلة تخر مرة وتستقيم مرة)) [ أحمد عن جابر]
وانت طيلة حياتك لم تصاب باذى ... وعند سفرك سالت الله بانك ان كنت مؤمنا حقّا ان يببيّن الله لى ذلك ( فالمؤمن مصاب )
