كمال عمر يقول ان الترابي جاءه فى المنام ومعه الرسول (ص) و مسح على رأسه فشفى..

05:51 AM May, 11 2017

سودانيز اون لاين
هشام المجمر-QaTar, Doha
مكتبتى
رابط مختصر

Quote: قال أنا محسود من قبل بعض قادة الشعبي وكشف عن أسوأ ما في الاسلاميين 05-11-2017 04:26 AM الراكوبة - الخرطوم قال كمال عمر الامين السياسي السابق لحزب المؤتمر الشعبي؛ إن الترابي جاءه في المنام ومعه رسول الله صلى الله عليه وسلم؛ وذلك حينما كان مريضا ويستشفي في المدينة المنورة. وأضاف عمر في مقابلة مع صحيفة (التيار) قائلا: عندما تدمرت عندي قدرة مركز الكلام؛ وجئت المدينة المنورة؛ جاني حسن الترابي في المنام ومعه الرسول صلى الله عليه وسلم؛ ومسح على رأسي؛ وقعدوا جنبي في السرير مدة من الزمن؛ وتاني يوم تكلمت في ندوة بالمدينة المنورة لمدة ساعة ونصف كأبرع ما يكون. واكد كمال انه محسود من قبل بعض قادة المؤتمر الشعبي؛ وقال حاسدني في علاقتي مع شيخ حسن؛ ومعظم اعدائي مركزين في جانب واحد؛ وأضاف: أسوأ ما في الاسلاميين انه عندما تختلف معهم ينسوا كل مجاهداتك. وأشار عمر الى ان الرئيس البشير زاره اكثر من مرة؛وقال: "الرئيس زراني اربع مرات وكان يصب الشاي بنفسه من السيرمس.. وهو رئيس اسطورة وراجل".

الراجل قال هو محسود يا جماعة

اكيد....هههههههه
يحيهو الترابي و يجيب ليهو الرسول (ص) و يقعدو معاهو فى سرير واحد
كيف نا يحسدوك الناس ؟
ههههههههههههه
مصيبة و الله

بالمناسبة الراجل المشعوذ الدجال ده مرشح لعضوية البرلمان القادم عن حزب المؤتمر الشعبي بالتعيين

صباح الخير يا هشام

مصيتنا كبيرة والباقي علينا كتير

اوهام وخرافات ودجل وشعوذة...وكل باسم الدين

شخصيا لا اعتقد في اي مستقبل معافى للسودان الا بتجريد السياسة من تجارة الدين

الناس دي ما بتخجل !!!
ليه شايفننا عندنا قنابير؟

Quote: الناس دي ما بتخجل !!! ليه شايفننا عندنا قنابير؟

ما عندها اي خجلة يا عبد المنعم

نفهم من كده معناها { الترابي } قاعد في المدينة المنورة !!!!
كويس ماجاء شايل معاهو سيرمس شااااااااي !!!
غايتو اتوقع الترابي يكون جاء لحاله
لكن عمك عاوز يكبر الكوووووم شوية
زي صاحبنا فكي { تش تش } شاف جده في المنام
بكرة قال شفت الرسول { ص }
وانبهلت عليه القروش على قول عمك ود الباوقة
طبعاً الناس دي ظريفة جداً والله
وشطحاتهم دي بتوفر علينا قروش الاسبرين
والذي نشتريه اسبوعيا لتخفيف الضغط والمعاناة
والمساعدة في سيولة الدم
لكن تقوم الصبح تلقى ليك واحد شايت ضفاري وتضحك
وبالتالي تتحرك كل عضلاتك
وتحريك العضلات بالطبع يساعد على السيولة
كل يوم بسال نفسي ..
كيف يصل مثل هؤلاء المعتوهين الى مناصب حساسة في الدولة ؟؟؟؟؟


هجمة مرتدة
قبل ثلاثة سنوات عندنا واحد فلاتي ساكن معانا
فجأة قعد يكورك وقال شاف البرعي في بيته
والحلة كلها اتكسرت عليه
والغريبة يقنعك ويقول ليك هداااك البرعي في الشبابك
تعاين في الشباك يقول ليك طلع بالباب
ويخلي راسك زي مروحة التربيزة
جاء واحد قريبنا وعرف انو الفلاتي ضارب سيجارة خدراء فاقع لونها
المشكلة الفلاتي وشرب البنقو
لكن الجماعة الصدقوه ياربي يكونوا شاربين شنو ؟؟؟؟

الهم أجر الوطن خير في مصيبته
وأبدله خيرا من هؤلاء الجهله والمواهيم

بالله زوول بي فهمه دا مفروض يكون مربوط في كراع عنقريب تحت شجرة
مش كمان قيادي ومرشح برلمان قومي ويمكن وزير

محن عجيبه

Quote: نفهم من كده معناها { الترابي } قاعد في المدينة المنورة !!!!

والله مع الشعوذة دي احتمال

Quote: صباح الخير يا هشام مصيتنا كبيرة والباقي علينا كتير اوهام وخرافات ودجل وشعوذة...وكل باسم الدين شخصيا لا اعتقد في اي مستقبل معافى للسودان الا بتجريد السياسة من تجارة الدين

كلامك صح يا حاتم

سلام المجمر
وضيوفه
ثم يسألونك لماذا يلحد الشباب !!
مثل هذا خطر علي الاسلام

سلام يا مجمّر وضيوفه الكرام
كان شافو بختو
وكان اتصلّق فيهو ساي بختو
المحب متمسحا بالجناب، في زيارة الروضة الشريف، إنتهره العسكري الوهابي: إيش!! إيش!! هذا حديد مصنوع جاي من بلاد برة!! أيش!! أيش ها دا
ألتفت اليه المحب، متلببا!! إت ذاتك الحارس الجناب ده النتبرّك بيك!!

تحياتي وسلامات باشمهندس هشام

Quote: قال كمال عمر الامين السياسي السابق لحزب المؤتمر الشعبي؛ إن الترابي جاءه في المنام ومعه رسول الله صلى الله عليه وسلم؛ وذلك حينما كان مريضا ويستشفي في المدينة المنورة.

Quote: وأضاف عمر في مقابلة مع صحيفة (التيار) قائلا: عندما تدمرت عندي قدرة مركز الكلام؛ وجئت المدينة المنورة؛ جاني حسن الترابي في المنام ومعه الرسول صلى الله عليه وسلم؛

وحتى في إطار نسج الروايات كان الأدب مع الرسول عليه أفضل الصلوات وأتم التسليم كان الأدب يقتضيه بأن يقول

" جاءني سيدي رسول الله صلى الله عليه وسلم ومعه الترابي ........................................ "

فيكون الأصل في الزيارة هو سيدنا رسول الله عليه أفضل الصلوات وأتم التسليم ويكون الترابي ( تابعاً ) له في الزيارة
لا كما وردت في الرواية بأن الأصل في الزيارة هو الترابي وجاء سيدنا الرسول تابعاً للترابي ، حاشا لسيدنا رسول الله وسما قدرا بما الله تعالى عليم به أن يأتي تابعا للترابي أو لأى فرد من الإنس والجن أجمعين

ومن الذي مسح على رأس كمال أثناء مرضه فشفى
إن كان يقصد أن الماسح هو الترابي ( وفي حضرة سيدنا رسول الله ) فذاك لعمري إمعان في سوء الأدب
فكيف يتصرف الترابي ( دون إذن ) من صاحب الإذن الموجود حضوراً ؟؟؟


أو
ربما أجرى الله تعالى - حكمة وفضلاً منه - سوء الأدب هذا ليكشف بطلان وزيف روايته

انتو يا ولاد المدارس بتقرو في شنو؟

ما قروكم الانتخابات دي عندها دعايات

يا منكرين

التحية لك ود المجمر ولضيوفك الكرام ..

يا المسافر تعود بالسلامة هههههههههههه
انتو يا ولاد المدارس بتقرو في شنو؟
ما قروكم الانتخابات دي عندها دعايات
يا المسافر دعاية تلاقي رسول الله (ص) مع الابالسة
دي ما ادونها ليها زمان دا المنهج الجديد حق الابالسة
الانقاذين !!! ههههههههههههه .

ولكم الشكر ...

مرحبتين حباب منى بت اخوي عمسيب

من زمان نحن شفنا ناس الحكومة ديل كلامهم كله دعاية
وخاصة فقراء الله ديل من اول فاكين الباكم وماشين بلا تابلت
والنضم الكتر كتر بنفوته ليهم
زي حكاية اندروس اندروس منعش فوار يريح المعدة ليل ونهار يخلي المعدة مافي حموضة دايما منعش منعش فوار
الله لا وراك نوع الحموضة القادة هناك دي

( استعيني بود المدير باقي الكلام دا جاي من جيهتهم )

تسلم يا مسافر اخول انا .. وبالمناسبة انا اختك ما بت اخوك .

قلت لي :
من زمان نحن شفنا ناس الحكومة ديل كلامهم كله دعاية
وخاصة فقراء الله ديل من اول فاكين الباكم وماشين بلا تابلت
والنضم الكتر كتر بنفوته ليهم
هههههههههههه تخيل انا حسباهم هم ذات نفسهم دعاية .
الله يخلصنا منهم ومن دعاياتهم الوصلت لابعيد هههههه .

مشكور ابن عمي المسافر ربنا يرد غربتك وغربتنا .

سلام استاذ هشام وضيوفه الاكارم

في الاول انا كنت قايل الموضوع مجرد اشاعة او مزحة او ما شابه
لكني شفت وسمعت كمال عمر في التلفزيون يؤكد الرواية
قال لما كان في المدينة وبينما هو نائم شاف الرسول صلى الله عليه وسلم والترابي
ومسحوا على رأسه
فقام من النوم لصلاة الفجر بروح معنوية عالية
وانطلق لسانه الذي كان يعني من بعض المشاكل الصحية فيه..

(-) الناس دي بتجيب الصنف المميز دا من وين ؟؟
(-) الترابي والرسول صلى الله عليه وسلم لا يجتمعان فقد يكون التبس عليه الامر في المنام
(-) ورأى الترابي مع احد من زملاءه في السربون او الكركون