Post: #2
Title: Re: حكاوي ناس زمان البايخة
Author: ابراهيم عبد الوهاب
Date: 05-09-2017, 06:39 AM
Parent: #1
زمان كانو بختو لينا لبن كافوري في الحيطة
|
Post: #3
Title: Re: حكاوي ناس زمان البايخة
Author: ابراهيم عبد الوهاب
Date: 05-09-2017, 06:47 AM
Parent: #1
تتحدث بموضوع او تقم بكتابة موضوع الا وياتي
الجيل السابق والذي يسبقه ويقومون بالنواح
وعمل خيمة كبيرة للعزاء يتم في لطم الخدود
وشق الجيوب واهالت التراب على الوجوه
وهم من قامو بالدراسة على حسابنا نحن (الجيل الحالي والاجيال القادمة)
وتم ابتعاثهم في بريطانيا والدول الاوربية علي حسابنا
ولم يفتح الله عليهم بتاليف كتاب واحد مساهمة منهم للاجيال
ما هي مساهمة هؤلاء الدكاترة وحملة درجة الاستاذية
في شتى العلوم والمعرفة في السودان
انتم سبب نكساتنا انتم من استكنتم للحكام
وكنتم مجرد طبالين لهم ومنظرين لهم
ارحمونا وارحمو انفسكم
قال يغسل الزلط بالصابون
كدي في الاول رجعوا حق الاكل
الاكلتوهو في جامعة الخرطوم وداخليات الثانوي
|
Post: #4
Title: Re: حكاوي ناس زمان البايخة
Author: ياسر منصور عثمان
Date: 05-09-2017, 07:21 AM
Parent: #1
سلام يا ابراهيم اخوي
موضوع جميل وشيق
سنرجع ونتابع معاك...
نسيت : يااخي الواحد كان بعرف حتى الناس الراكب معاهم في البص!!!
خخخخخخخخخخخخخخ
مع ودي
|
Post: #5
Title: Re: حكاوي ناس زمان البايخة
Author: ابراهيم عبد الوهاب
Date: 05-09-2017, 07:24 AM
Parent: #4
دا كان في باصات السجانة الصفرا ديك
ولا باصات ابورجيله
هههههههه
قدتينونا يا ابوالياء
|
Post: #6
Title: Re: حكاوي ناس زمان البايخة
Author: ياسر منصور عثمان
Date: 05-09-2017, 07:34 AM
Parent: #5
باصات السجانة كانت زرقاء
والديوم الغربية حمراء
هههههههههه
ابو رجيلة صفراء
هلا مريخ موردة
شفت كيف يا ابو خليل؟؟
هههههههههههه
|
Post: #7
Title: Re: حكاوي ناس زمان البايخة
Author: عبد العزيز محمد عمر
Date: 05-09-2017, 07:41 AM
Parent: #6
Quote:
زمان كانو بختو لينا لبن كافوري في الحيطة |
يا ود يا ( خطير )..
لبن كافوري ما بعرفو .... لكن عندنا في عطبرة كانوا بيجيبوا لينا اللبن لحدي عندنا ويختوه في رف عند الباب ...
ديل ناس معمل الألبان ....
|
Post: #10
Title: Re: حكاوي ناس زمان البايخة
Author: ابراهيم عبد الوهاب
Date: 05-09-2017, 07:49 AM
Parent: #7
يا باشمهندس
انا ما حضرت الزمن دا
بتاع اللبن
|
Post: #8
Title: Re: حكاوي ناس زمان البايخة
Author: ابراهيم عبد الوهاب
Date: 05-09-2017, 07:43 AM
Parent: #6
ههههههههه
زمن يا تتي
|
Post: #9
Title: Re: حكاوي ناس زمان البايخة
Author: سامر دوشه
Date: 05-09-2017, 07:45 AM
Parent: #1
سلامات أخونا ابراهيم عبدالوهاب و ضيوفه ..
كان عندي بوست في الفترة الماضية عن نفس الموضوع ..
كنت ناشرو في الفيسبوك .. ح أشاركك بيهو هنا ..
عسى ولعل تكون إضافة ..
تحياتي
|
Post: #11
Title: Re: حكاوي ناس زمان البايخة
Author: ابراهيم عبد الوهاب
Date: 05-09-2017, 07:52 AM
Parent: #9
السيد سامر دوشه
والله انت مية المية
لا قروا بحقنا وبكلمونا بشذر
شكر يا سامر علي البوست الجميل
|
Post: #12
Title: Re: حكاوي ناس زمان البايخة
Author: ياسر منصور عثمان
Date: 05-09-2017, 08:54 AM
Parent: #1
لبن كافوري كان بجيبوهوا بعربات زي التاكسي التعاوني
تخت الفاضي في الحيطة يجوا الصباح يختوا ليك المليان
نحن في المدرسة كنا بنشرب لبن ناس الملازمين ونخت القزاز في مكانو
خخخخخخخخخخخخخخخخ
|
Post: #13
Title: Re: حكاوي ناس زمان البايخة
Author: طلحة عبدالله
Date: 05-09-2017, 09:20 AM
Parent: #12
Quote: يقومون بالنواح وعمل خيمة كبيرة للعزاء يتم في لطم الخدود وشق الجيوب واهالت التراب على الوجوه
|
السيد ابراهيم خخخخخخخ
اتا بتهظر واللا جادي ؟؟
من وجهة نظري ما أعتقد انو دي طريقة تخاطب بيها أبواتك وأعمامك
نواح شنو ولطم خدود منو يا أخونا ؟؟
أنت محاربم الناس دي واللا شنو ؟؟؟؟؟؟
معقولة ياخ ؟
|
Post: #14
Title: Re: حكاوي ناس زمان البايخة
Author: درديري كباشي
Date: 05-09-2017, 10:18 AM
Parent: #13
سلام يا إبراهيم
نحن الحمد لله نفتخر أننا من آخر الأجيال التي أدركت مجانية التعليم .
تم التغيير في زمننا مع بداية الانقاذ في التسعينات .
لكن أحكي لك موقف لتقيم الفرق بنفسك .
كنا طلابا بجامعة الجزيرة ..
مع النظام الأكاديمي الضاغط والحركة الدؤوبة لدورات الامتحانات الكثيرة .
صادف المولد النبوي موعد امتحانات نهاية السمستر
ميدان المولد بود مدني كان يفصل بينه وبين المدينة الجامعية بالنشيشيبة شارع الأسفلت فقط ..
الطريق السريع الذي يربط العاصمة بشرق السودان .
يعني ميدان المولد فركة كعب من الداخلية والمدينة الجامعية ..
وباعتبار ما للمولد من مكانة في نفس السودانيين صغيرهم وكبيرهم .
رغما عن ذلك لم يتجرأ أي طالب ويعبر الأسفلت لزيارة المولد ..
كل الطلاب شاعرين بالمسؤولية ومنكبين على المكتبات وقاعات الدراسة والجامعة في حالة صمت تام كأنه الجامعة ليس بها أحد .
آخر ليلة المولد حضرنا الى السفرة لتناول وجبة العشاء ..
لنتفاجأ بأن السيد عميد الطلاب واقف قرب الطباخين قربه كراتين مرصوصة ويصرف حلاوة المولد للطلاب فردا فردا كأنه أب في أسرة واحدة .
أنظر لهذه القيمة النادرة من هذا الموقف .
الشعور بالمسؤولية عند الطلاب لم يجعل أي واحد يقول أنسى للدراسة ويذهب للترفيه عن نفسه .
وهذا الدكتور المحترم عميد الطلاب شعر بالمسؤولية الأبوية و قدر هذه التضحية و الشعور بالمسؤولية من قبل طلابه وكافأهم بروح أبوية حتى لا يحسوا بالحرمان من رغبة منعهم عنها علو الهمة ..
ظل هذا الموقف راسخا في أذهاننا نحكيه للأجيال .
وقد رويته مرة في ندوة بالرياض تخص رابطة أبناء ود مدني بالرياض كانت تحس وتجمع تبرعات لطالبات نفس الجامعة بحنتوب لتوفر لهن وجبة يومية لأنهن اصبن بفقر دم وسوء تغذية لعدم توفر الأكل بل بعضهن اصبن بتسمم لتناولنهن أكل غير صحي من مطعم خارجي رخيص .
غايتو هذه واحدة من حكاوينا البايخة ليتها تعجبك
|
Post: #18
Title: Re: حكاوي ناس زمان البايخة
Author: ابراهيم عبد الوهاب
Date: 05-09-2017, 10:38 AM
Parent: #14
يا حلينا يا درديري
نحنا حتي القراية قرينها بقروشنا
وانت حتى حلاوة مولد كان بوزعهو ليكم مجانا
برغم كل سبل الراحة الاتوفرت ليكم من جميع النواحي
والمجانية لكن مافي اي انجازات للوطن
مع احترامي ليكم
|
Post: #16
Title: Re: حكاوي ناس زمان البايخة
Author: ابراهيم عبد الوهاب
Date: 05-09-2017, 10:33 AM
Parent: #13
السيد طلحة المحترم
انا جادي جدادة زاظتووووو
وانا محترمهم ومبجلهم
مع العلم انهم ما رحمونا ولا احترمونا
كانو بياكلو في الاول الضلع والطيبات
ونحنا الشفع والنساوين كنا بناكل بواقيهم
ويا ويلك لو قعدت معاهم بالغلت وهبشت ليك لحماية (لحمة)
بطوقك في يدك ويقول ليك عيبببب خلي الكبار اول ياكلو
ايو محاربم
ياااااااا راجل يا طيب
|
Post: #17
Title: Re: حكاوي ناس زمان البايخة
Author: ابراهيم عبد الوهاب
Date: 05-09-2017, 10:34 AM
Parent: #12
وكنتو بتشربوا الوسكي وبتمشو المدرسة
ههههههه
|
Post: #20
Title: Re: حكاوي ناس زمان البايخة
Author: ياسر منصور عثمان
Date: 05-09-2017, 10:45 AM
Parent: #17
السايدر السايدر
او الصايدر
يا ابو خليل
ههههههههههههههه
|
Post: #21
Title: Re: حكاوي ناس زمان البايخة
Author: ابراهيم عبد الوهاب
Date: 05-09-2017, 10:57 AM
Parent: #20
البيرة
اتا يا ابوالياء زي القاعد تدردق فيني
انا ما حضرت زمنكم
هههههه
|
Post: #24
Title: Re: حكاوي ناس زمان البايخة
Author: ياسر منصور عثمان
Date: 05-09-2017, 11:44 AM
Parent: #21
بتدردق في روح برااااااااااااااك
كان ما كدي
شن عرفك انو الصايدر بيرة؟؟؟
هههههههههه
الصايدر
ده داندرمة ساكت
ههههههههههههههههه
|
Post: #15
Title: Re: حكاوي ناس زمان البايخة
Author: sadig mirghani
Date: 05-09-2017, 10:20 AM
Parent: #1
دي حسادة منك سااااااااكت
|
Post: #19
Title: Re: حكاوي ناس زمان البايخة
Author: ابراهيم عبد الوهاب
Date: 05-09-2017, 10:39 AM
Parent: #15
اي حسادة مني
|
Post: #22
Title: Re: حكاوي ناس زمان البايخة
Author: sadig mirghani
Date: 05-09-2017, 11:10 AM
Parent: #1
أصلو ناس زمان كده
مابعترفوا بالجديد
عشان بهمشم
هسي تلاقهو عمك كبير سايق في الشارع زي السكران
ماشي يمين شمال تديهو بوري يكبس ليك دين
ويقول ليك أولاد مامحترمين
ولا مربيين
لكن تسوق انت زيوا
يقول عليك برضو مامحترم
يقول ليك زمان لبن زمان تفاح زمان تمباك زمان وعسل زمان بنات زمان
وهو ميتينو سايح من بنات هسي
خشلعة شديدة
تقول ليهو هاك برنجي يقول ليك زمان الروثمان والبحاري
تقول ليهو هاك اسبرت 89% مركز يقول ليك عرقي زماان
تقول ليهو ارح الديم جبنة يقول ليك جبنة زمان
وحبش زمان
حتي العربات الجديدة يشكر ليك الهنتر والموسكوفيتش والهيلمان
القراية يقول ليك جامعة الخرطوم كانت زمان
ياخ طيب امشي محل زمان دا واختانا
حتى الفحولة يقول ليك زمااااااااااان كنا
الاكل يقول ليك كنا بناكل الخروف نفرين برانا
طيب انتو ما الجبتو خبرنا
|
Post: #23
Title: Re: حكاوي ناس زمان البايخة
Author: ابراهيم عبد الوهاب
Date: 05-09-2017, 11:27 AM
Parent: #22
كلام في التنك يا الصادق
خلاص هم عاشوا زمان
يخلونا نحنا نعيش هسه
نحنا ذنبنا شنو ندفع فواتيرهم
ليه نحنا ندفع ليهم حق قرياتهم وبعثاتهم الخارجية
وليه ندفع ليهم حق اكلهم ، كلو الدنيا وكل الطلاب في اغلب انحاء
العالم الطالب بدفع كاش حق قرايتو في الجامعة يا لمن يتخرج بسدد حق قرياتو
ياخي التلفزيون دا عشان يحضروهو بدفعوا حقو ، وهم شاهدين واولادهم بقروا
هسه في امريكا وباقي الدول بقروشم
يقرش حلقومنا نحنا ياخي
هسه يجوا يقول علينا اولاد قليلن ادب
|
Post: #25
Title: Re: حكاوي ناس زمان البايخة
Author: Nasser Amin
Date: 05-09-2017, 03:58 PM
Parent: #23
هههههههههههههههههه
براحة علي اعمامك...حاسي في ضيق من الموضوع ده
يا ربي تكون حسادة منكم مثلاً؟!
انت زاتك يا ابراهيم ح تكره اولادك و احفادك بحكاويك عن عهدك الذهبي
مقارنة بالعهد الاغبر الجاي
|
Post: #26
Title: Re: حكاوي ناس زمان البايخة
Author: عثمان الأمام
Date: 05-09-2017, 04:15 PM
Parent: #25
هههههههه
أديهم بالحته الفيها الحديدة كرهونا البلي زاتو
عمك كبير كان بحكي لاولادو يا حليل زمن زمان وحليل السباحة
والله الواحد بغطس تحت الموية 10 دقايق !! الأولاد شبكوهو الأوكسجين
كيف ياحاج ؟
قال ليهم والله الزمن داك مافي اوكسجين ولا بنعرفوا زاتو :)
شكلها كده النكته :)
|
Post: #30
Title: Re: حكاوي ناس زمان البايخة
Author: ابراهيم عبد الوهاب
Date: 10-10-2017, 05:08 PM
Parent: #26
ههههههههههههههههه
ما بتكون نكته بتكون جد
|
Post: #27
Title: Re: حكاوي ناس زمان البايخة
Author: عثمان الأمام
Date: 05-09-2017, 04:16 PM
Parent: #25
هههههههه
أديهم بالحته الفيها الحديدة كرهونا البلي زاتو
عمك كبير كان بحكي لاولادو يا حليل زمن زمان وحليل السباحة
والله الواحد بغطس تحت الموية 10 دقايق !! الأولاد شبكوهو الأوكسجين
كيف ياحاج ؟
قال ليهم والله الزمن داك مافي اوكسجين ولا بنعرفوا زاتو :)
شكلها كده النكته :)
|
Post: #28
Title: Re: حكاوي ناس زمان البايخة
Author: Asim Ali
Date: 05-09-2017, 04:38 PM
Parent: #27
انت شكلك زينا مابعيد من الحيل ... لحقت حاجات وفاتتك حاجات ...
قايم عليهم مالك ؟ الظاهر عليك ضارباك زهجه داير تفشها فى الناس ديل ....
هسع العيان فيهم تعبان من حق الدواء والمستشفيات ...
خليهم يحكو .. يطلعو الهوا الحار من صدرهم ...
مساء الخير
|
Post: #29
Title: Re: حكاوي ناس زمان البايخة
Author: ابراهيم عبد الوهاب
Date: 10-10-2017, 05:07 PM
Parent: #25
اي حسادة يا ناصر
ههههههه
|
|