Post: #1
Title: قال كايس ( الطهّار ) ... عشان أسلم !!! و برضو كع ؟
Author: يحي قباني
Date: 04-26-2017, 00:16 AM
Parent: #0
11:16 PM April, 26 2017 سودانيز اون لاين
يحي قباني-فى الدنيا العجيبة
مكتبتى
رابط مختصر الجماعة الداخلين جديد في قصة الإنقاذ الما خايلة عليهم أصلا ...
فرحتهم ذكرتني فرحة الخواجة الكايس الطهّار في السوق ...
سألو واحد قال ليو داير الطهار لي شنو يا خواجة ؟
قال ( يطهرني ) عشاني دخلت الإسلام جديد ؟؟
عمك ردّ عليو و قال :
هو الناس مارقين.. و انت داخل ؟
|
Post: #2
Title: Re: قال كايس ( الطهّار ) ... عشان أسلم !!! و برضو ك�
Author: فرح الطاهر ابو روضة
Date: 04-26-2017, 00:27 AM
يا قباني سلام
حكاية الخواجة ذكرتني قصة دارت أحداثها في حلتنا
كان في ابن واحد اسمه ابراهيم لأسرة لم ترزق بعده ياخ
كانت أمه تخاف عليه من أي شي
حتى من الطهور
رفضت كل الوساطات لطهوره
وتدخل سنة وتمر سنة ابراهيم كبر وقرب يبقى صبى
بعد داك الأم اقتنعت يطهوره
في يوم الطهور والزمن داك كان الطهور بتبعه السيرة واللمة والزغرودة
البنات بغنن إبراهيم حننوهو
وقالوا الحنة عادة
كانت في مجموعة بتقول بالدس وتحت تحت
إبراهيم حننوهو وقالوا الحنة عادة
الله لي إبراهيم من قطع العواقة
علما بأن العواقة دي عند أهلنا آلة صغيرة يستخدمها النجار في تسوية الخشب
اها الجماعة ديل محتاجين لعواقات
وعذرا للخروج من النص
|
Post: #3
Title: Re: قال كايس ( الطهّار ) ... عشان أسلم !!! و برضو ك�
Author: sadig mirghani
Date: 04-26-2017, 02:19 PM
الله يستر من البواسير
بما انو انبهلت
قال ليك زول عندو بواسير قصد دكتور مسطول
عاوز يكشف عليهو قال ليهو ملص
عمك فرفر وبرطم بعداك ملص
وقال ياساتر
الدكتور قال ليهو انت السترة دي فارقتها تب بعد دا قول يا لطيف
هههههه
|
|