اسمعوا التقرير دا ونسمع اراء المؤيدين للعلاقات الخليجية قبل الرافضين .
Post: #2 Title: Re: دول الخليج عشق حكومة الفساد ومعاداة شعبها Author: مني عمسيب Date: 04-24-2017, 06:08 PM Parent: #1
رأيكم شنو في التقرير دا ؟
Post: #3 Title: Re: دول الخليج عشق حكومة الفساد ومعاداة شعبها Author: مني عمسيب Date: 04-24-2017, 06:45 PM Parent: #2
بالمناسبة انا في انتظار المؤيدين للفكرة وهذا التعاون المشبوه !! فهل من مجيب ؟
اين المؤتمرجية ؟؟؟؟
Post: #4 Title: Re: دول الخليج عشق حكومة الفساد ومعاداة شعبها Author: مني عمسيب Date: 04-26-2017, 10:03 AM Parent: #3
تسلم يا وطن ..
من الملاحظ ومتابعة ما يجري من علاقات ماكوكية بين دول الخليج وسوداننا المنكوب يدل علي الازمات المتلاحقة لهذه الدول ! امنية كانت او اقتصادية ! وهذا ما زرعته يداهم واتي وقت حصادهم !
نواصل ...
Post: #5 Title: Re: دول الخليج عشق حكومة الفساد ومعاداة شعبها Author: حماد الطاهر عبدالله Date: 04-26-2017, 04:15 PM Parent: #4
الكنداكة بت عمسيب تحياتي
Quote: اسمعوا التقرير دا ونسمع اراء المؤيدين للعلاقات الخليجية قبل الرافضين .
إستمعت وشاهدت الفيديو وعقلت حديث المتحاورين، المذيع والشخص السعودي وصديقي السفير قريب الله. الكلام عميق ودبلوماسي وعلاقات جيوسياسية في مراحلها الأولى، إذ يلزمها لقاءات وترتيبات وعمل دؤوب للوصول لما ينفع البلاد والعباد بين الشركاء من مجلس دول التعاون الخليجي والسودان وهو أمر أنا شخصيا أرحب به وأدعمه ما إستطعت لذلك سبيلا لخير الناس في الإقتصاد والسياسة والأمن، وبإفتراض أن السودان سيكون الأسد الضعيف في قطيع الأسود،...... فهو خير من أن يكون خروفا ضعيفا في قطيع الخراف......
Post: #6 Title: Re: دول الخليج عشق حكومة الفساد ومعاداة شعبها Author: ناصر حسين محمد Date: 04-26-2017, 04:37 PM Parent: #5
وين العيب في التقرير ده
وبعدين اصلا التحالف العسكري معلن وباين وغير مدسوس ومحاولات التصوير ان الامر ايجار هو فاشل بدلائل واضحة منها مشاركة كافة دول الخليج في الحروبات الدائرة والدليل ضحايهم التي تسقط كل يوم
الفرق شنو بين التحالف ده وحلف الناتو تنظيميا ..!!
Post: #7 Title: Re: دول الخليج عشق حكومة الفساد ومعاداة شعبها Author: adil amin Date: 04-29-2017, 08:05 AM Parent: #6
نظام منبت وفاشل ورخيص ومتقلب..وينفذ المشروع الامبريالي الصهيوني المفضوح في المنطقة..بحثا عن عروبة مزيفة وله خبرة دولية في الابادة مجربة في السودان وهذا ه نوع النظم التي تعجب العرب اصلا هل السودان الان ومن 1989 يحكم وفقا للديمقراطية والارادة الوطنية التي تجعل الشعب مصدر السلطات ويحددو يكون السودان وين الدولة في منتهى انحطاها وعروض الون مان شو لذلك لا توجد اي حكمة او ذكاء او عبقرية في اللهاث خلف عيال زايد .. لا توجد دولة ولا مؤسسات ولا وعي ولا اخلاق حتى في نظام الانقاذ2017 التائه بين الاخوان المسلمين والشعب السوداني وهذه الشريحة الاجتماعية التي تحكم السودان االان هم من حذر منهم السيد علي الميرغني والسيد عبدالرحمن المهدي من 1902 والنتيجة هو الانبطاح من 1955 للعرب ومصر المهيمنة وذج السودان في جامعة الدول العربية 1955 والان دول مجلس التعاون الخليجي التي اخترقها الاخوان المسلمين جميعها بما في ذلك الامارات وستدور عليهم دائرة اسوء هم وحليفهم المشوه السودان ونحن قلنا يا بت عمسيب الرجوع الي الدولة الوطنية يبدا بي استعادة الديمقراطية الفدرالية الاقاليم دولة جنوب السودان =الحريات الاربعة والجنسية المزدوجة عبر اتفاقية نيفاشا ودستور 2005 فقط وبلعطة المعارضة الغبية لا تنفع وهم في الانقاذ واقلية النظام الحاكمة يراهنون على امريكا واسرئيل وعربان الخليج قبل صدرو قانون جستا وقدوم النتار بالله في زول في زمن ذى ده يملا يده من امريكا ؟؟ونظام اصلا مدان ومعذول ومرزول كمان الناس ديل سيذهبو بابشع ما يكون الذهاب ويا حليل ايام الندية للسودان مع دول الخليج والشيخ زايد حكيم العرب الذى خلف ذرية ضعفاء ضيعو الامارات الان ..ودخلوها في مسنقع الحرب في اليمن ومعروف نتائجه سلفا وبدى الشقاق بين الامارات والسعودية في عدن من الان
Post: #8 Title: Re: دول الخليج عشق حكومة الفساد ومعاداة شعبها Author: طارق عبد اللطيف نقد Date: 04-29-2017, 08:46 AM Parent: #7
سلام الغاليه / بت عسيب الكنداكه للاسف النظام يحاول يحسن من وجهة القبيح بتطبيع العلاقات مع الخليج و الخليج بيستخدمونا كدروع بشريه و نحارب عنهم بالانابه مقابل حفنة قليلة من الدولارات
و في نفس الوقت الاتجاه للسودان حيث الاراضي الزراعية و المياه بايجارات زهيده و رخيصة و لفترات طويلة تمتد الى 90 عام ... و بعلاقات مشبوهة من مستثمرين خليجيين و ليس علاقات واضحه و مشتركه بين الدول ليستفيد منها زبانية المؤتمر اللاوطني و ليس الدولة و لا الشعب السوداني الفضل
Post: #9 Title: Re: دول الخليج عشق حكومة الفساد ومعاداة شعبها Author: مني عمسيب Date: 04-30-2017, 09:13 AM Parent: #8
اخي الحبيب .. حماد لك التحية وزارتنا النعمة .
مشكور علي الاقتباس : وبإفتراض أن السودان سيكون الأسد الضعيف في قطيع الأسود،...... فهو خير من أن يكون خروفا ضعيفا في قطيع الخراف لو لاحظت للتقرير حتي مقدم البرنامج الخليجي مندهش ! ومن بعد ما فات الاوان الخليج بتذكر السودان ؟ فعلآ النظام ممكن يكون اسد ضعيف ! لكن اخشي ان نكون نحن الشعب نعاج او بعيير كما الشعوب الخليجية المستضعفة ومحرومة كلمة بغم! الخليج لولا ذروة ظروفه الجبارة العايشها في الوقت دا ! ما ظنيته كان عبرنا ! عمومآ الايام حبلي بالمزيد من الان الاندهاشات .. وما تنسي السياسة .. مناخات متغيرة يعني مافي ضمانات نرتكز عليها !
ولك وافر الشكر علي المرور ,,,
Post: #10 Title: Re: دول الخليج عشق حكومة الفساد ومعاداة شعبها Author: مني عمسيب Date: 05-01-2017, 07:01 PM Parent: #9
لك التحية اخي العزيز .. عادل امين ..
حقيقة ماساة ونري السودان اصبح مجرد ماضي جميل بكل تفاصيله ! ومواقفه لكي نبكي ونتحسر عليه ! ويا حليل ايام الندية للسودان مع دول الخليج والشيخ زايد حكيم العرب الذى خلف ذرية ضعفاء ضيعو الامارات الان ..ودخلوها في مسنقع الحرب في اليمن ومعروف نتائجه سلفا وبدى الشقاق بين الامارات والسعودية في عدن من الان
هذا ما اوصلتنا اليه حكومة الفساد والمفسدين !!! المازالوا كهول الانقاذ يتمسكون بالكرسي وهم نيام عليه !!!
ومشكور يا اخي عادل علي الاضافة الدسمة .
Post: #11 Title: Re: دول الخليج عشق حكومة الفساد ومعاداة شعبها Author: مني عمسيب Date: 05-01-2017, 07:20 PM Parent: #10
الغالي .. ود نقد لك التحية والتقدير ..
لاهمية المداخلة اقتبستها كلها . للاسف النظام يحاول يحسن من وجهة القبيح بتطبيع العلاقات مع الخليج و الخليج بيستخدمونا.... كدروع بشريه و نحارب عنهم بالانابه مقابل حفنة.. قليلة من الدولارات و في نفس الوقت الاتجاه للسودان حيث الاراضي الزراعية و المياه بايجارات زهيده ... و رخيصة و لفترات طويلة تمتد الى 90 عام ... و بعلاقات مشبوهة من مستثمرين خليجيين و ليس ... علاقات واضحه و مشتركه بين الدول ليستفيد منها زبانية المؤتمر اللاوطني و ليس الدولة و لا الشعب السوداني الفضل الشئ المستغربه ليهو اخي ود نقد الطنبارة والمطبلاتية البعرضوا للدول الجاية تستحوذ علي خيرات بلدنا وهم فراحنين !!!! ولا جاية تبني ليها مستوصف فيه كم غرفة وسهلة ويقولوا ليك دي مستشفي زي العملتها تركية وكلفتها كلها اتنين مليار ودي كلها لاتتعدي الكم الف دولار عشان تمسكنا بيها ذلة واستعباد !!! وبنفس الطريقة قطر والسعودية وغيرها من الدول الاتذكرت السودان بعد اكتر من ربع قرن !!! ناهيك عن دا كله متناسين تمامآ انه السياسة بتتغير حسب المناخات !!!!!!! ولو مسكنا دول الخليج اضعف دول في العالم وبعدها نحن الضمونا ليها في اتحادهم الكرتوني ! ما بهمهم السودان ولا شعبوا وين ما لقوا مصالحهم اتجهوا ليها !! وبذات لما تكون علاقة مكايدات وضرر زي ما بعملوا اسه مع ايران الكانت صديقة لحكامنا الانتهازين عديمي الاخلاق والضمير وزي ما بكيدوا لمصر وبصفوا في حساباتهم داخل وطنا !! ونحن نتفرج فقط لاحولا لنا ولاقوة ! وهذه ما جنته الانقاذ علينا وما .. جنيناه علي احد !
ولك الشكر ,,
Post: #12 Title: Re: دول الخليج عشق حكومة الفساد ومعاداة شعبها Author: مني عمسيب Date: 06-10-2017, 11:35 AM Parent: #11
.
Post: #13 Title: Re: دول الخليج عشق حكومة الفساد ومعاداة شعبها Author: بدر الدين الأمير Date: 06-10-2017, 12:02 PM Parent: #12
بت عمسيب يامنى دى اسمها عوامل التعرية الطبيعية الاردن والمغرب اصبحو مع الدول الضد قطر وقطر اخرجوها من قوات التحالف حتى جنودها المصابين اخرجوا من المستشفيات وعادو على الاسرة وقطر كانت سند نظام البشير وشلته فى معظم زنقاتهم ويجى غندور وبلا ادنى استحياء ويقول نحن على الحياد وقطر تجوع وتحاصر ودل الضد الجديدة دايرة تمسحها من الوجود فعلا انهم الغارمين الجدد وزى ماقالت الكاتبة القطرية الصديقة دكتورة موزة المالكى (الثقة كالإنسان سنوات لتكبر ولحظات لتموت) ويقينى ثقة القطرين في نظام البشير ماتت
Post: #14 Title: Re: دول الخليج عشق حكومة الفساد ومعاداة شعبها Author: مني عمسيب Date: 07-19-2017, 08:29 AM Parent: #13
ترحيل الزملاء من السعودية وتسليمهم لعصابات المافيا السودانية وهم الان في قبضة ك لاب الامن الفاشي يؤكد معاداة الاعراب لنا فيجب علينا الوقوف ضدهم وتعريتهم ... وربنا يجعل كيدهم في نحرهم ويرينا فيهم ما فعلوه بنا ..
