Post: #1
Title: عايز تتمتّع!!
Author: محمد البشرى الخضر
Date: 03-23-2017, 08:13 PM
07:13 PM March, 23 2017 سودانيز اون لاين
محمد البشرى الخضر-العين-الإمارات
مكتبتى
رابط مختصر عندي هواية ممتعة تتعلّق بقراءة و توقّع إتّجاهات الكتابة والتفكير للزملاء
من عنوان الموضوع وكاتبه بقدر اقول ليك من الح يدخل و ح يكتب شنو او اتجاهه هل مع أو ضد فكرة البوست وايضا منو الح يتداخل بعد تداخل اسماء معيّنة
و كثيرا ما تصيب توقّعاتي و استمتع بذلك تخيّل انك تقرا بوست قبل أن يكتب حتى هههه
المهم, اليوم عايز اشرككم معي في هذه المتعة
طبعا شايفين الحملة الحاصلة في موضوع مصر وما مصر و المواقف المتباينة والشكل العام البقول أن انصار الحكومة - عدا غريبة - ضد مصر ومع الحملة و أن بعض المناضلين ليسوا مع الحملة الحكومية على مصر مما يوحي بإنحيازهم لها
يلّا على ضوء الخبر دا :
البشير للسيسي علاقة البلدين لا تتأثّر بالإعلام
ودا :
الرئيس السيسي يلتقي الفريق طه عثمان مدير مكتب رئيس الجمهورية
وقعت ليك الفكرة عزيز بشاشا يا قارئ!
يلّأ توقع الإتجّاهات الجديدة أو التغيير في الإتجاهات الحالية و تمتّع بتحقق توقّعاتك و العكس :)
وكيف فجأة كدا ستستعيد المنتجات المصرية جودتها و سلامتها و صلاحيتها للإستهلاك الآدمي وفوائدها للشعب السوداني في جهة
وكيف ستعود مصر ديكتاتورية تعادي مصالح الشعب السوداني وتساند اسوا نظام عرفه التاريخ في الجهة الأخرى وكيف ينبطح لها
المشكلة عزيز بشاشا يا قارئ أن التصريح المسبق بالتوقّعات ممكن يؤدي لفشلها بالطبع , لذا احتفظ بها لنفسك و تمتّع بالمراقبة من بعيد
|
Post: #2
Title: Re: عايز تتمتّع!!
Author: حمد عبد الغفار عمر
Date: 03-23-2017, 08:19 PM
Parent: #1
غايتو مع الفريق طه دا
اتوقع ود الباوقة يقول أحب الفراولة المصرية
ما اتوقع تغيير في موقف فرانكلي
|
Post: #3
Title: Re: عايز تتمتّع!!
Author: محمد البشرى الخضر
Date: 03-23-2017, 08:19 PM
Parent: #1
أمّ إذا عايز تستمتع جد جد
اقرأ وداوم على قراءة البوست دا :
إغتيال دكتورة أحلام حسب الرسول
ثم حلّي وأحبس بي دا:
تلاقيط
أقرأ و استمتع وخلّي التداخل بعدين
|
Post: #4
Title: Re: عايز تتمتّع!!
Author: جمال ود القوز
Date: 03-23-2017, 08:33 PM
Parent: #1
اتمتع ياعمكـ ولا يهمك .. ههههه ...
اكيد حتصطحب معاك انه المصريين ..
بيتمسخرو على الشعب السوداني ذات نفسه ..
وعليه ستي موزه فوق البيعة ..
يعني ماشغالين بالحكومة الشغلة ..
ففي الحالة دي بعض المناضلين حتقدر تفرز ردود أفعالهم كيف ؟ ..
والقاعدة الحتعتمد عليها شنو .. اللهم الا قراءتك للشخصية ..
على المستوى الشخصي البحت ..
وليس ما يقتضيه الخط التنظيمي الحاد عنه البعض ..
انحيازا ربما لقناعات فردية ..
وتابع بالمرة معاك مجموعة تانية خاشه في الخط هاشمية مضادة ..
زينا وكده .. هههههه ..
المهم ورينا حتصل لشنو ..
الحاجة دي بالمناسبة عندي بتابع كتير الردود المتوقعة للمتداخلين ..
|
Post: #5
Title: Re: عايز تتمتّع!!
Author: محمد عبد الله الحسين
Date: 03-23-2017, 08:49 PM
Parent: #4
الصديق ود البشرى
تحياتي
دي هواية حلوة بس عايزة وقت و صبر...و اكان اتلقى ده ما بيتلقي ده.
زي ما بيقولوا لما الكاتب يكتب بيكون في ذهنه صورة عنن يتجاوبون معه. و هي عملية بتاعة توقعات و قراءة لما بين السطور.. و الواحد من خلال كثرة قراءة الموضوعات
بيعرف الشخص ده بيحب شنو و آراءه شنو و بيكره شنو.
يعني مثلا في موضوعات لما أكتبها بعرف أو بتوقع منو ممكن يكون بيقراها حتى بدون يعلق.
واحدين بمجرد تكتب الموضوع بتعرف منو البجيك ناطي (بزعل).
الموضوع اعتقد ممتع و فيه تقييم للكتابات و للكتاب و للمعلقين و و
شكرا و ادعو لك بالاستمتاع بهذه الهواية الجميلة الذكية.
|
Post: #6
Title: Re: عايز تتمتّع!!
Author: عبدالحفيظ ابوسن
Date: 03-23-2017, 09:44 PM
Parent: #5
وديني ما فهمت حاجة
|
Post: #7
Title: Re: عايز تتمتّع!!
Author: Nasser Amin
Date: 03-23-2017, 09:46 PM
Parent: #5
سلامات يا هندسة
| Quote: اقرأ وداوم على قراءة البوست دا : إغتيال دكتورة أحلام حسب الرسول ثم حلّي وأحبس بي دا: تلاقيط |
الاتنين سمحين مافي شك..
وبرضو مستمتع جدا بربيع مصر و فولها المدمس
و الله حيرونا عدييييل
|
Post: #8
Title: Re: عايز تتمتّع!!
Author: Salah Zubeir
Date: 03-23-2017, 10:11 PM
Parent: #7
| Quote: ﻧﺰﺍﻉ ﺣﻮﻝ ﺍﺳﻢ ﻗﻨﺎﺓ ﺍﻟﻤﻘﺮﻥ ﺍﻟﺴﻮﺩﺍﻧﻴﺔ . |
انا غايتو مستمتع بي المكوت دا ... ههههه دافوري تقيل ...
مشتاقين يا باشمهندس
|
|