Post: #1
Title: دي أول مره أشاهد فيها العاصمة الرياض
Author: Osman Musa
Date: 03-19-2017, 04:17 PM
03:17 PM March, 19 2017 سودانيز اون لاين
Osman Musa-
مكتبتى
رابط مختصر لحظات جميلة وكت كانت الجامبو السعودية تحلق بين اليمامة وهضبة نجد للهبوط ياسلام . قالوا الرياض من أسرع المدن في العالم الشهقت وشبت تناطح السماء و تتمدد . . و ح أحكي ليكم حتت من تفاصيل الرحلة .
|
Post: #2
Title: Re: دي أول مره أشاهد فيها العاصمة الرياض
Author: Osman Musa
Date: 03-19-2017, 05:38 PM
Parent: #1
يومين أصلو ما كانت كفاية أزور فيها أهل وأصحاب وأحباب
مسكتني منهم الغربة 23 سنة .. واليومين راحن بين المسافة البعيدة الفاصلة بين حي العليا وجامعة الخرج في
مدينة الخرج . زايد حفاوة و ونسة أبن عمي الأديب والكاتب الكبير دكتور عبدالفتاح فرح ضو ومسكانو لي لامن قربت
تفوتني طيارة رحلة الصين . يا الله يا الرياض
|
Post: #3
Title: Re: دي أول مره أشاهد فيها العاصمة الرياض
Author: Osman Musa
Date: 03-19-2017, 07:40 PM
Parent: #2
كيف ما ازور أخي دكتور عبدالفتاح و هو الوهب اكتر من نص عمرو للتدريس
في جامعات الخليج والسعودية .
جيت أبارك لو طلوع كتابو التاسع . ماشاء الله كتب دكتور عبدالفتاح في النقد والنحو أصبحت مراجع في
جميع جامعات المملكة العربية السعودية .
والله حاجة تكيف لما الواحد يشوف العقول السودانية المنتشرة في الدول الشقيقة والصديقة .
|
Post: #4
Title: Re: دي أول مره أشاهد فيها العاصمة الرياض
Author: ود الباوقة
Date: 03-19-2017, 08:36 PM
Parent: #3
حبيبنا عثمان
يااااخ كان بس تدينا الو
وختفنا رجلنا وجيناك في الخرج عند اخونا وحبيبنا الاديب
الاريب دكتور عبد الفتاح
التحية له ولك
مع الود
|
Post: #5
Title: Re: دي أول مره أشاهد فيها العاصمة الرياض
Author: Osman Musa
Date: 03-19-2017, 09:16 PM
Parent: #4
عزيزنا الأخ ود الباوقة
سلامات وليك القومة يا مك .
ياريت والله .
لكن اللخمة دايما تحصل مع جوطات السفر . وتمرق من بلد الزيارة دون ما تحقق الناوي عليه .
بس أظن الجايات روابح انشاء الكريم . تحياتي
|
Post: #7
Title: Re: دي أول مره أشاهد فيها العاصمة الرياض
Author: ياسر السر
Date: 03-20-2017, 07:15 AM
Parent: #6
كنا فرشنا السكة ورود ولو كلمتنا كان بالجية ... دي خطوة عطيلة ويوم موعود الخلاك تطرانا شوية ...
انت ما قصرت حاشة إلا اتلومت فينا ...
كان تدينا خبر الحبيب عثمان موسى وكنا قطعنا لك الفيافي ما بين الخرج والرياض .. ولكن قدر الله وما شاء فعل وعلى العموم المرة دي عفيناك لكن المرة الجاية لو ما اديتنا خبر بيكون عليك هدي عديييل واحتمال يكون عليك صيام ثلاثة ايام ههههههههههههه ..
كنا نتمنى لقاك اخي العزيز عثمان .. والجايات اكتر من الرايحات بس المرة الجاية ادينا خبر ...
تحياتي : ياسر العيلفون .....
|
Post: #8
Title: Re: دي أول مره أشاهد فيها العاصمة الرياض
Author: Osman Musa
Date: 03-20-2017, 08:52 AM
Parent: #7
الأخ ياسر سلامات يا أهلنا ناس العيلفون . والله يا أخ ياسر لاحدي الليلة ما نسيت لما نزل الفنان الراحل سيد خليفة في لندن في بيت الأخوان عيال الدبيبة والعيلفون .. سيد خليفة جا كان يعمل فحوصات في مستشفي همراسمس لندن . تخيل أنت مع الهرم سيد خليفة ويجي داخل عليكم لزيارة سيد خليفة الطيب صالح و السفير و الشاعر السعودي غازي القصيبي و الأخ محمد سليمان الفكي وسيد خليفة قاعد في الواطة وهو يحكي ليهم عن العلاج والمرض الودرو كرنفال نوتيغ هيل غيت . عاشت العيلفون وعاشت الدبيبة
|
Post: #9
Title: Re: دي أول مره أشاهد فيها العاصمة الرياض
Author: Osama Mohammed
Date: 03-20-2017, 09:18 AM
Parent: #8
الاخ عثمان
تحية طيبة وارجو انك ما تقعد كتير ف الرياض
ما حصل في حياتي شفت مدينة زي الرياض دي
وما حصل كرهت مدينة زي ما كرهت الرياض دي
قعدت فيها سنتين وسكنت الناصرية ( دي الحاجة الوحيدة الكويسة السنتين دي ) تركت سكن الجامعة
وسكنت ف little Sudan زي م كانو الزملاء المحاضرين الغربيين بسموها لمن كنت بعزمهم
الغريبة كنت ف الوقت الجاء فيهو سلمان الملك الحالي وع الرغم من تراجع سلطة البوليس الديني ( المطاوعة)
لكن البني ادم السعودي وفعايلو بتطغي على جو الرياض وبتحلى اي زول يكون عصبي شوية .
دكتور بتاع علم نفس امريكي زميل كان في ج. الملك سعود عندو نظرية للرياض
بقول فيها انو بعد م الجوطة بتاع البترول دي تنتهي الرياض ح تبفا مدينة اشباح
وكان مستغرب ف المترو الدايرين يعلموهو دة.
المهم اتمنى ليك فامة طيبة على قصر مدتها.
|
Post: #10
Title: Re: دي أول مره أشاهد فيها العاصمة الرياض
Author: Osman Musa
Date: 03-20-2017, 09:40 AM
Parent: #9
سلامات الأخ العزيز أسامة لا ياخ حرام عليك الرياض جميلة والرياض تاريخ .
أنا الأن أبحث عن كتاب ياقوت الحموي الأسمو معجم البلدان عشان أعرف شوية عن
بطن الرياض . 2 days يا أسامة لا كفت نشوف لينا مكتبة
ولا خلتنا نشوف منفوحة .
|
Post: #11
Title: Re: دي أول مره أشاهد فيها العاصمة الرياض
Author: Osman Musa
Date: 03-20-2017, 02:26 PM
Parent: #10
كنت متمني أقابل الأخوان والأخوات بورداب الرياض ركيزة المنبر الضاوية . البشر الطيبين و الأسماء اللامعة . كنت متمني أقابل رب عشيرة السودانيزاب أبو جهينة والأديب الفخيم دكتور بشري الفاضل والأخ صلاح شتات والأخ معتصم والأخ صديق والأخ محمد عبدالجليل . وكنت متمني أزور قلعة جدنا عنتره و وأ دي أبو حنيفة .
|
Post: #12
Title: Re: دي أول مره أشاهد فيها العاصمة الرياض
Author: Osman Musa
Date: 03-20-2017, 07:01 PM
Parent: #11
كنت متمني اقوم بزيارة فنان العرب الأول بلا منازع أبوبكر سالم بالفقيه
بعد تعرض الفنان الكبير لي جلطة كانت السبب في أعتكافو وبعدو من أعتلا عتبات مسارح العالم العربي .
عاجل الشفاء يا أبوبكر
|
Post: #13
Title: Re: دي أول مره أشاهد فيها العاصمة الرياض
Author: طه داوود
Date: 03-21-2017, 09:52 AM
Parent: #12
مرحب بالعزيز عثمان في الرياض.
بالفعل الزائر لهذه المدينة يحتاج لوقت أطول لمشاهدة معالمها التاريخية خاصة.
المرة القادمة زود فترة إقامتك بالرياض لرؤية الدرعية التاريخية...منطقة الديرة بوسط الرياض .....قصر المصمك ووادي حنيفة،،الخ
هناك الكثير مما يستحق الزيارة هنا...
تحياتي..
|
Post: #15
Title: Re: دي أول مره أشاهد فيها العاصمة الرياض
Author: Osman Musa
Date: 03-21-2017, 01:10 PM
Parent: #13
الأخ العزيز طه
سلام
نعم . الرياض مدينة جديدة نبتت في الصحراء زي ما نبتت لاس فيجاس في صحراء نيفادا
ياريت نلاقي فرصة تانية نتفرج فيها في بطن الرياض الجميلة يا أخ طه
|
Post: #14
Title: Re: دي أول مره أشاهد فيها العاصمة الرياض
Author: Khalid Elsayed
Date: 03-21-2017, 10:16 AM
Parent: #9
اغتربت في السعودية عشر سنوات في المنطقة الشرقية زرت فيها الرياض مرتين اول ما جيت والمرة التانية مشيت عيدت مع اولاد الحلة
الرياض لا تملك مقومات مدينة تحس انها مصنوعة ( بالضبط ذي لعبة المكعبات ) وشالوها في طائرة وفي نص الخلا رموها من فوق
|
Post: #16
Title: Re: دي أول مره أشاهد فيها العاصمة الرياض
Author: Osman Musa
Date: 03-22-2017, 10:15 AM
Parent: #14
الأخ خالد سلامات
لا لا يا أخ خالد الرياض تملك مقومات مدينة ونص
و بتخيل الرياض فيها أحسن الخبرات و العقول السودانية في جميع المجالات .
وفي ناس مستمتعين جدا بوجودهم في الرياض من زمن ولما بعض من أهلنا يجونا في أمريكا يكونوا مستعجلين جدا
للعودة للرياض . وده معناهو البلد طيبة . حياك الله يا رياض الخير
|
Post: #17
Title: Re: دي أول مره أشاهد فيها العاصمة الرياض
Author: Osama Mohammed
Date: 03-22-2017, 12:37 PM
Parent: #16
عثمان صباحك خير
بقيت غالاط ياخ ودة حالتو يومين بس ف الرياض ههههه
م كنت عاوز ارجع هنا تاني عشان م احبطك
لكن تتميز الرياض بشئ واحد انها لها القدرة على امتصاص كل الطاقات المتفائلة الموجودة عندك
هناك شئ واحد يتشارك فيه سكان الرياض كلهم بلا استثناء وهو انهم يسكنون بكامل قواهم العقلية في (فقاعات ) يصنعونها هم ويحبونها
المدينة لا يمكن ان تحبها الا اذا كانت تجاربك الانسانية فيها مميزة اما سكان ( فقاعات الرياض ) فلا يابهون كثيرا لتلك التجارب
لاحظت ان السكان لا يحبون التعرف على بعضهم البعض
( جاري ف الناصرية قال ليهو خمستاشر سنة ما اتعرف على زول جديد )
المشكلة ان السودانين بدأوا يعلمو زيهم ويعيشو ف فقاعاتهت المصنوعة لمواجهة صعوبة الحياة الاجتماعية ف الرياض .
ياخ مدينة سبل الترفيه الوحيدة فيها الاكل والعمل الاضافي
الرياض مدينة لا ترحب بالجديد ولا تحتفي به كما قلت بل تمتص كل ما هو جديد وتحوله لساكن رياضي فقاعي
دكتور علم اجتماع بجامعة الملك سعود قال لي مرة
( كل سكان الرياض نسخة مكررة يتشابهون في معظم الاشياء ويفعلون نفس الاشياء مرارا وتكرارا بشكل رتيب وممل ومخيف)
وبعدين يا عمك الماري زائر ما زي الساكن و(مفقع)
لك التحايا
|
|