ود المدير: ناس الارصاد الجوي بيهددونا بثلوج شمال كندا..

ود المدير: ناس الارصاد الجوي بيهددونا بثلوج شمال كندا..


14-03-2017, 00:08 AM


  » http://sudaneseonline.com/cgi-bin/sdb/2bb.cgi?seq=msg&board=490&msg=1489450084&rn=0


Post: #1
Title: ود المدير: ناس الارصاد الجوي بيهددونا بثلوج شمال كندا..
Author: Basamat Alsheikh
Date: 14-03-2017, 00:08 AM

00:08 AM March, 14 2017

سودانيز اون لاين
Basamat Alsheikh- نيويورك
مكتبتى
رابط مختصر

ناس الارصاد الجوي في القنوات التلفزيونية من امس بيتكلموا
عن العاصفة الثلجية التي ستضرب مدينة نيويورك غدا الثلاثاء
الموافق ١٤ مارس...وفي واحد فيهم هددنا بان الثلوج التي ستنزل
ابتداءا من الساعة الثالثة صباحا وحتى الليل ستذكر سكان نيويورك
بثلوج ولايات كندا الشمالية...بس تقول ان ولايتكم دي التلج بينزل
فيها يوميا واليوم كله...وبقو يضربوا بيها المثل...وقالوا ليناةما تطلعوا
من البيوت...
ومما الناس سمعت الاخبار دي وجري على الاسواق تخم في المعلبات
والمدارس والجامعات مؤجزة بكره....واتمنينا الثلج ينزل لينا يوميا...
واظن اول مرة الثلوج تنزل في منتصف شهر مارس..
...ودمتم بالف خير وصحة وسط الثلوج...



Post: #2
Title: Re: ود المدير: ناس الارصاد الجوي بيهددونا بثل�
Author: طلعت الطيب
Date: 14-03-2017, 01:20 AM
Parent: #1

شدى حيلك يا بسمات
نحن اكلناها فى حنانا من الصباح لهسع

Post: #3
Title: Re: ود المدير: ناس الارصاد الجوي بيهددونا بثل�
Author: ود الباوقة
Date: 14-03-2017, 04:58 AM
Parent: #2

الله يغتي عليكم يا بسمات

ترامب دا لو استمر سنة تاني

ستنزل حجارة من السماء


الله يستر

بس

وشكرا

Post: #4
Title: Re: ود المدير: ناس الارصاد الجوي بيهددونا بثل�
Author: Basamat Alsheikh
Date: 14-03-2017, 05:23 AM
Parent: #3

اظن المرة دي يا بق بق كلامك ما حيقع الواطة...
البلاوي كترت مما زولنا ده شرف...
ودمت بخير وعافية

Post: #5
Title: Re: ود المدير: ناس الارصاد الجوي بيهددونا بثل�
Author: علي عبدالوهاب عثمان
Date: 14-03-2017, 06:43 AM
Parent: #4

الاميرة بسمات ..
أتمنى كده مرة أعبش الجليد كواقع ..
لم نراه إلا في التلفزيون ..
عندنا في البلد في الشمالية في شهر ( كيهك ) كنا نجد طبقة رقيقة جداً في الازيار في الصباح
وقبل الشمس زمان .. لكن حالياً حتى المناخ إتغير ..
تحياتي للاميرة أميرة السيد .. قولي ليها عمك بقول ليكي بالنوبية
( بالنقيه balangaih ) الترجمة ( خلي بالك )
والتحية لبناتنا الاميرات
في حفظ الله .. ورعايته ..


Post: #6
Title: Re: ود المدير: ناس الارصاد الجوي بيهددونا بثل�
Author: Basamat Alsheikh
Date: 14-03-2017, 10:54 AM
Parent: #5

استاذنا علي ود عبد الوهاب
الله لا وراك الجو السخيف لمن الثلج ينزل بشدة والشوارع تخلو من الناس
...والان وفي هذه الساعة في نيويورك الجليد ينهمر بشدة ونعاين من الشباك
والشوارع فاضية والمدينة الصاخبة نيويورك اصبحت كمدينة مهجورة.....
....الناس هنا تتمنى شمس السودان وسخانة السودان....
تحياتك بلغت .....
ودمت بالف خير وصحة وعافية



Post: #7
Title: Re: ود المدير: ناس الارصاد الجوي بيهددونا بثل�
Author: عمر التاج
Date: 14-03-2017, 11:13 AM
Parent: #6

ازيك يا صديقة ، كيفنك مع البرد والسقط ، وتحياتي عبرك لو المدير
رغم تلجكم البتكسر براه ده اجزم انك محظوظة يا بسمة يانسمة
نحن في السودان البلد كلها تكسر في التلج والسخانة ما فايتانا
بنحلم بي يوم واحد يجنا جلمود جليد نتزحلق ونبرد قلبنا من الحرة دي
امبارح ناس ارصادنا قالو الحرارة حاتصل 44 درجة وحالتو الدنيا شتاء
الجليد ده الا نتخيلو خيال، زي توقعاتي لسنة 2040 في القصة دي
الموت

Post: #8
Title: Re: ود المدير: ناس الارصاد الجوي بيهددونا بثل�
Author: Basamat Alsheikh
Date: 14-03-2017, 12:10 PM
Parent: #7

حاكم ولاية نيويورك يعلن حالة الطوارئ في نيويورك...

Post: #9
Title: Re: ود المدير: ناس الارصاد الجوي بيهددونا بثل�
Author: Basamat Alsheikh
Date: 14-03-2017, 12:17 PM
Parent: #8

خالة امتثال تتصل ببنت اختها من مونتريال في كندا تسال عن احوالها وقالت لينا
يا ناس نيويورك المدلعين سيبو الدلع وانزلوا مدارسكم وشغلكم
زي الجليد بتاعكم ده عندنا عادي في كندا والناس هنا ما بتقيف من الشغل....

Post: #10
Title: Re: ود المدير: ناس الارصاد الجوي بيهددونا بثل�
Author: Basamat Alsheikh
Date: 14-03-2017, 12:40 PM
Parent: #9

استاذنا علي عبد الوهاب
نتمنى تزور نيويورك عشان تشوف عاصمة العواصم وزهرة المدائن القربت تلحق
عطبرة.....ولكن بس الجو فيها جو سخيف جدا وقت الشتاء ....
وبالنسبة ليك قوانين ترامب ما بتنطبق عليك ..وحتى امس اسر سودانية بتصل
من السعودية لزيارة نيويورك ...لان السفارة الامريكية بتمنح السودانيين المقيمين
في السعودية تاشيرات سياحية بدون تاخير لانهم بيعتقدوا انهم ما ممكن يخلوا
السعودية ومكان عملهم المريح واكيد حيرجعوا.....عشان كده قدم للتاشيرة السياحية
وتعال عيش جو نيويورك في الشتاء وتعاين للجليد من الشباك....وحتتمنى ترجع السودان
وتعيش الصيف....والشمس الساطعة....
ودمت بالف خير



Post: #11
Title: Re: ود المدير: ناس الارصاد الجوي بيهددونا بثل�
Author: Basamat Alsheikh
Date: 14-03-2017, 12:42 PM
Parent: #10

طلعت الطيب
اظنك من سكان كندا....ومتعود على اجواء الجليد..
ودمت بخير

Post: #12
Title: Re: ود المدير: ناس الارصاد الجوي بيهددونا بثل�
Author: علي عبدالوهاب عثمان
Date: 14-03-2017, 12:55 PM
Parent: #10

لان السفارة الامريكية بتمنح السودانيين المقيمين في السعودية تاشيرات سياحية بدون تاخير
لانهم بيعتقدوا انهم ما ممكن يخلوا السعودية ومكان عملهم المريح واكيد حيرجعوا.

======================================

التحية للاميرات ..
شكراً أول مرة أعرف المعلومة دي في ناس كثيرين ما عارفين
الحقيقة دي ..
شكراً .. إذا سنحت لنا فرصة لا بد مشاهدة عاصمة العالم
إتفقنا معها أو إختلفنا أمريكا قائدة العالم ..
بالمناسبة أنا واحد من الناس بحب الامريكان شديد جداً لأني إشتغلت معاهم
في الجيش الامريكي في قاعدة حفرالباطن في السعودية ..
أحسن ناس الواحد يشتغل معاهم
كان عام 1982م كان ممنوع إلا للجنسية السودانية ( مترجمين ) من كل الدول العربية
باقي العمالة كانوا آسيويين ..

سبحان مغير الاحوال اليوم تم تصنيفنا إرهابيين

مع تحيات عمكم علي ..

Post: #13
Title: Re: ود المدير: ناس الارصاد الجوي بيهددونا بثل�
Author: Basamat Alsheikh
Date: 14-03-2017, 01:38 PM
Parent: #12

الاديب القاص عمر التاج..
درجة حرارة ٤٤ دي نحن البنتمناها الان....
وقربنا نعيش تلك الاجواء الصيفية على الدوام ونخرج من حالة
الاجواء البتجيب الاحباط...
اما قصة العشق بعد الموت....فقد بدانا قراءتها ولكن لم نتمها....
وسيكون التعليق في نفس البوست...بعد القراءة والتحليل..
ودمت بالف خير



Post: #14
Title: Re: ود المدير: ناس الارصاد الجوي بيهددونا بثل�
Author: Basamat Alsheikh
Date: 14-03-2017, 03:08 PM
Parent: #13

كان بودنا ننزل ليكم صور الجليد في شوارع نيويورك المهجورة
لكن خبراتنا التكنلوجية في انزال الصور معدومة..
يا ريت الخبراء من بورداب نيويورك وواشنطن ونيوجيرسي ينزلوا
لينا بعض الصور عشان ندي فكرة لناس السعودية كمية الثلوج النازلة
هنا..
ودمتم



Post: #15
Title: Re: ود المدير: ناس الارصاد الجوي بيهددونا بثل�
Author: Saifaldin Fadlala
Date: 14-03-2017, 05:20 PM
Parent: #14


والله يا بسمات حالتكم سعبة
لكن ما بتلحقو النرويج

Post: #16
Title: Re: ود المدير: ناس الارصاد الجوي بيهددونا بثل�
Author: Basamat Alsheikh
Date: 14-03-2017, 06:01 PM
Parent: #15

سيف الدين
شكرا للصورة
بس ما وضحت لينا الصورة دي من النرويج ولا نيويورك...
ودمت بخير

Post: #17
Title: Re: ود المدير: ناس الارصاد الجوي بيهددونا بثل�
Author: Saifaldin Fadlala
Date: 14-03-2017, 07:29 PM
Parent: #16


الصورتين من نيويورك,,الاولي لقطار خارج الخدمة بسبب الثلوج

Post: #18
Title: Re: ود المدير: ناس الارصاد الجوي بيهددونا بثل�
Author: Basamat Alsheikh
Date: 14-03-2017, 08:06 PM
Parent: #17

شكرا مرة ثانية
مافي مواصلات اليوم في نيويورك....
والقنوات التلفزيونية بتتابع حالة الجو...
ونحن بنتابع معاها ونتابع بوستات المنبر العام..
ودمت بخير

Post: #19
Title: Re: ود المدير: ناس الارصاد الجوي بيهددونا بثل�
Author: معاوية المدير
Date: 15-03-2017, 07:47 AM
Parent: #18

Quote: ومما الناس سمعت الاخبار دي وجري على الاسواق تخم في المعلبات
والمدارس والجامعات مؤجزة بكره....واتمنينا الثلج ينزل لينا يوميا...


بسمات يا بِتنا،
سلآم يعِم جميع اللهل .
ناسكم ديّل فضحونا . والله صحي .
نعال البهدلة دي ما عشان التِليجات الفي الصور ديّل ...

Post: #20
Title: Re: ود المدير: ناس الارصاد الجوي بيهددونا بثل�
Author: Basamat Alsheikh
Date: 15-03-2017, 01:11 PM
Parent: #19

لا .. لا...
الصور النزلها سيف الدين دي صور الصباح فقط .. والجليد نازل من الصباح وحتى المساء..
لكن قمنا الصباح اليوم ولقينا الشوارع الرئيسية نظيفة.. لان عمدة نيويورك امس صرح بان
اكثر من 2 ألف من العربات البتنظف الثلج حتعمل طول الليل لنظافة الشوارع...
( ما يجونا مؤيدي ترامب ويقولوا ترامب هو النظف شوارع نيويورك .. لان حاكم الولاية
ديمقراطي وعمدة المدينة نيويورك)..اوعك تقول لي بفتش عن المشاكل...وجه ضاحك...
.. والوجه الضاحك عشان طلعنا من حبسة الشقة والحياة عادت لطبيعتها في نيويورك في يوم واحد..
ودمت بالف خير وصحة وعافية