بورتسودان -6-3-2017(سونا) - وصلت إلى ميناء بورتسودان الدفعة الأولى من أبقار المشروع القومي للإنتاج الحيواني والنباتي التي تم استيرادها من الولايات المتحدة الأمريكية لتطوير صناعة الألبان بالسودان، حيث التقى والي البحر الأحمر بمكتبة مدير المشروع د. جمال أحمد الذي وصل الولاية لاستقبال الدفعة الأولى من الابقار والتي بلغت عدد 1500 رأس . وتناول اللقاء قضايا الإنتاج الحيواني بالسودان والجهود المبذولة لتطوير هذا القطاع بإدخال سلالات عالية الانتاج لتحقيق الاكتفاء الذاتي والأمن الغذائي بالسودان، واستعرض د. جمال مراحل المشروع التي تشمل عدد 25 ألف رأس من الأبقار وإنشاء خمسة مزارع للألبان في عدد من ولايات السودان، مشيراً إلى أن هذه الدفعة من الابقار تعد فاتحة خير للانفراج بعد رفع العقوبات الاقتصادية عن السودان.. ا
Post: #2 Title: Re: انبهلت ( بقر ) فقط لاغير .... Author: ود الباوقة Date: 03-07-2017, 09:32 AM Parent: #1
نتوقع وصول الزميل دينق
بعد وصول الدفعة الاخيرة من الابقار
وشكرا
Post: #3 Title: Re: انبهلت ( بقر ) فقط لاغير .... Author: معاوية عبيد الصائم Date: 03-07-2017, 09:36 AM Parent: #1
سمعت تحت تحت والعهدة على السمعنى انك اليومين ديل غاتس مع مطوع (سلفى ) مرتاااااح وطارح ليهو كم نصبة نواحى الباوقة ي سرريق.ي مستهبل حمد سلامة البيرونى ..صح مرتو الحور العين جات معاهو ي خلبوووص.. نصيحة لو عايز تنصب عليو سمح قول ليهو عايزين نعمل دار تحفيظ وعيادة خيرية .وكم بئر ...فهمت
Post: #4 Title: Re: انبهلت ( بقر ) فقط لاغير .... Author: ود الباوقة Date: 03-07-2017, 09:40 AM Parent: #3
بربار
يمكن الابقار دي جات لي هداية ليك
وتترك البلموني وتشرب حليب ومشتقاته
وتكون ارتحت من ام فت فت وتوابعها
عشان كدا بكلم الجماعة يلحقوكم بي 50 بقرة
في ام الطيور
وشكرا
Post: #5 Title: Re: انبهلت ( بقر ) فقط لاغير .... Author: Deng Date: 03-08-2017, 03:03 AM Parent: #4
ود الباوقة.
ردد معي وقول:
God bless America
فليبارك الرب أمريكا.
Post: #6 Title: Re: انبهلت ( بقر ) فقط لاغير .... Author: عباس الدسيس Date: 03-08-2017, 05:08 AM Parent: #5
انتو يحظروكم يا احباب وتدو بقر امريكا اللوتري بالسودان يا زول هي ناقصة البلد ملانة جمال
Post: #8 Title: Re: انبهلت ( بقر ) فقط لاغير .... Author: عباس محمد عبد العزيز Date: 03-08-2017, 05:46 AM Parent: #6
التحية والسلام
الاستاذ/ ودالباوقة والمتداخلين
السؤال
نرجو تسمية الولايات التى من نصيبها البقر او المزارع وهل التمويل قومى او ولائى كيف تم اختيارالاستيراد من امريكا او هو عبارة عن منحة امريكية عندنا فى السودان الابحاث البيطرية سوبا هى صاحبة الامتياز فى هذا المجال هل شاركت هى فى جلب الابقار هل الابحاث البيطرية ليس لديها ابقار محسنه من انتاجها كم سعر البقرة من امريكا طيب التقديم للحصول على البقر الكترونى او الاولوية حسب شنو هل الابقار خارج الحظر الاقتصادى على السودان مجهود مقدر من الجهة التى قامت باستيراد الابقارلهم الشكر نحن ناس مواطنيين عاديين ممكن تستوردو لينا ماعز امريكى كمان شكرا
Post: #7 Title: Re: انبهلت ( بقر ) فقط لاغير .... Author: الطيب عباس Date: 03-08-2017, 05:39 AM Parent: #1
بقبق يا صديقي والله البوست ماقريتو بس عاوز اعلق موز وسمك وبقر .. هههههههههههههههههه متابع لو في اي ابديت افيدني ههه
تحياتي
Post: #9 Title: Re: انبهلت ( بقر ) فقط لاغير .... Author: Saifaldin Fadlala Date: 03-08-2017, 06:10 AM Parent: #7
هل هذا البقر محور وراثيا؟ سؤالي هذا موجه للمختصين في وزارة الثروة الحيوانية! اتمني ان يطرحوا هذا الموضوع بشئ من الشفافية حتي لا نفاجأ بزوبعة شتلات نخيل جديدة
Post: #10 Title: Re: انبهلت ( بقر ) فقط لاغير .... Author: حسن محمد عمر Date: 03-08-2017, 06:21 AM Parent: #7
السلام عليكم ياأحباب / أول الغيث بقر والله عشنا وشفنا ونحن من الدول الغنية بالثروة الحيوانية والمراعى الطبيعية ياناس دا كلام ؟ أبقارنا فى شرق السودان بس تكفى السودان ونصدر منها كمان لكن نقول شنو الله غالب لا زلت بحاجة إلى إجابة عن سؤال يدور فى ذهنى من سنوات ( السودان دا ماشى وين ؟ ولغاية ما تنبهل دولارات أتمنى أن أجد إجابة لسؤالى
Post: #11 Title: Re: انبهلت ( بقر ) فقط لاغير .... Author: Saifaldin Fadlala Date: 03-08-2017, 06:29 AM Parent: #10
أبقارنا فى شرق السودان بس تكفى السودان ونصدر منها
صدقت والله,ولكننا امة تعاني من سياسة البرطعة والفنجطة
Post: #12 Title: Re: انبهلت ( بقر ) فقط لاغير .... Author: بدرالدين بابكر مصطفى Date: 03-08-2017, 07:10 AM Parent: #11
نعم أبقارنا في البطانة والجزيرة تكفي وتزيد والله لو اهتمينا بأبقارنا نفس الاهتمام البنديهو لي الأبقار المستوردة ما بتقصر وقد وصل البقر الكناني في مراكز الأبحاث الى مستويات عالية من الإنتاج لا تقل كثيراً عن المستورد كان الأجدى يستوردوا ثيران ذكور ويختوها في مناطق الأبقار زي كردفان والبطانة ويتحسن نسل القطيع شوية شوية الآن ناس فابي ممكن يبيعوا ليك بقر (يسموه سكراب) لكن البقرة راسمالا قرادة في رأيي أي سعية تحتاج لي ظروف خاصة عشان تعيش وتنتج .. دي ما مجدية ولكم التحية مثنى وثلاث ورباع
Post: #13 Title: Re: انبهلت ( بقر ) فقط لاغير .... Author: Saifaldin Fadlala Date: 03-08-2017, 07:53 AM Parent: #12
لماذا تحظر بعض دول الاتحاد الأوربي استيراد لحوم البقر الامريكي؟..لانها مغذية بحبوب معدلة وراثيا الأغنام الأميركية(الماعز) والتي استوردت للسودان في الخمسينات للتهجين,انتجت سلالات جيدة ومرغوبة لانتاجها العالي من الالبان كان تسمي الاميركانية,ولكن ذلك تم قبل ثورة الهندسة الوراثية علينا الان ان نكون اكثر حذرا حتي لا تفقد ماشيتنا افضليتها كلحوم والبان طبيعية