توزيع معدات وماكينات شاورما على اسر سورية بالخرطوم - صور

02:06 PM March, 05 2017

سودانيز اون لاين
ناصر حسين محمد-
مكتبتى
رابط مختصر

توزيع معدات وماكينات شاورما على اسر سورية بالخرطوم
الخرطوم: لؤي عبدالرحمن
وزعت منظمة ذي النورين الخيرية ماكينات ومعدات كسب عيش لاكثر من 200 اسرة سورية بالسودان بدعم من مؤسسة الشيخ ثاني بن عبدالله للخدمات الانسانية راف القطرية ، حيث تنوعت المعدات بين ماكينات حياكة وشاورما واسكريم وافران غاز بالاضافة الى بنشر متكامل وورشة حدادة وسراميك
و قال الشيخ عماد الدين ابوحراز رئيس مجلس منظمة ذي النورين الخيرية ان المشروعات الممولة من قبل راف هي 11 مشروعا بتكلفة قدرها 2 مليون و350 الف جنيه سوداني بالجديد ، فيما اشاد ممثل لجنة دعم العائلات السورية مازن البيات بمؤسستي الشيخ ثاني بن عبدالله للخدمات الانسانية وذي النورين الخيرية واهل السودان واضاف هذا البلد حكومته وشعبا ماقصروا معنا والله في اي شي يحتاجه الانسان في اي بلد ينزل فيها ، والسودان اصبح ملاذا للمستضعفين في الارض
من جهته قال عبدالله احمد عبدالله تمساح ممثل مكتب راف بالسودان ان مشاريع كسب العيش المقدمة مجملها 250 مشروعا يستفيد منها 1250 شخص ، ليخاطب وزير الدولة بوزارة الرعاية الاجتماعية ابراهيم ادم ابراهيم السوريين قائلا لهم لستم ضيوفا هنا وانما انتم اخوة كرام والسودان بلدكم وستجدون منا كل الترحيب

الله يقوي راف على فعل الخير


ويقوي السوريين على فعايلهم ()

طيب البلد الفيها السوريين ديل ما فيها مواطنيين محتاجين أكثر منهم ..

يعني بلد فوضى ما في حد سبقنا عليها يعيش فيها اللاجئون بمستوى أفضل من مواطنيها

Quote: طيب البلد الفيها السوريين ديل ما فيها مواطنيين محتاجين أكثر منهم .

نفس هذا الكلام بالحرف يتفوه به النازيون الجدد في ألمانيا تجاه العون الإنساني الذي يقدم للاجئين السوريين


وهذا تهافت يفتقد للمنطق والنظرة الإجمالية للأمور

بخصوص أخوتنا السوريين في السودان هم مرحب بهم كأخوة وضعهم القانوني كمواطنين سودانيين يستثنيهم من الحصول على المساعدات الإنسانية الأممية التي تقدم للاجئين
عليه هم قد تركوا ديارهم وأموالهم وأبسط حاحياتهم واحتموا بالسودان والواحد منهم لايملك قرشاً واحداً ولا يستطيع أن يتقدم لمفوضية اللاجئين للحصول على مساعدات إنسانية مادية وعينية

فإذا هب الأخوة العرب وبخاصة الخيرين القطريين لتقديم يد العون لهم حتى يسترزقوا من جهد يدهم وعرق جبينهم وبذلك لا يكلفون الحكومة السودانية ولا الميزانية أي قرش نحسدهم على ذلك؟

دعم الأخوة السوريين واجب تمليه وثيقة الإسلام وأخلاق إنسان السودان ودعمهم يدعمون الإقتصاد السوداني بما تدره هذه المشاريع
نتمنى أن يهب الغرب لدعم جيراننا الجنوبسسودانين في السودان بالمثل ليكونوا قوة عاملة لا ثلة عاطلة وعالة

وقد قيل لا تطعمني سمكاً ولكن علمني كيف اصطاد!!!!

منظمة ذي النورين الخيرية هي منظمة وطنية خيرية أنشئت في العام 2003م بالخرطوم بجهود مجموعة من الخيرين وأهل الفضل والعلم من أصحاب التخصصات المختلفة لتكون إضافة حقيقية في ساحة العمل الإنساني في السودان. ولقد أصبحت المنظمة خلال سنوات قليلة إحدى المنظمات الفاعلة في مجال العمل الخيري والإنساني، ومنذ إنشاءها أخذت على عاتقها أن تصل بأياديها البيضاء إلى من تستطيع الوصول إليه من المحتاجين، وتهدف المنظمة للمساهمة في تحقيق المبادئ الإسلامية السامية من خلال تقديم المساعدات للمحتاجين، كما تسهم في الدعوة والتعليم و بناء دور العبادة والمدارس والمستشفيات والمساكن وحفر الآبار وغيرها من المرافق، وعمليات الإغاثة في المناطق المتضررة من الكوارث الطبيعية وويلات الحرب ومساعدة الفقراء فيها بشتى أشكال المساعدات الممكنة.

حبيبنا ناصر .. مودتي ..
أهلاً بهم .. ولكن لاحظت أثناء إجازتي تغيير في بعض العادات الغذائية
مثل كثافة محلات الحلويات والشاورما والبيتزا .. إلخ ، وأهلنا ليس لديهم أي حواجز
لتلافي الدهون .. حتى مع السكري والضغط ..
ولكن هناك ملاحظة كويسة .. ثقافة النظافة في المحل وحول ا لمحل ولبس القفازات
وكذلك ليس البالطو الابيض تماماً مثل الاطباء وأنظف كمان ..
كمان لاحظت حاجة حبيبنا ناصر .. أهلنا بيحبو الأمكان النظيفة .. مهما كانت التكلفة
ممكن يعزم أصدقاءه .. او خطيبته أو عائلته ..

وقد تناولت غداء في أحد محلاتهم في أمدرمان ( ما عارف الشارع) برفقة أبنتي وزميلاتها من الشهادة العربية في الجامعة الاسلامية
كانوا مبسوطين جداً .. ( أحلي من مطاعم السعودية )

نحن بنحب الحاجة الجميلة ( ولكننا لا نجمل القبح )
كنا زمان بنفس الطريقة .. نأتي من ضواحي الدنيا من ريفي دنقلا إلى العاصمة في إجازات المدراس
أيام المدرس ( آخر روقة ) كنا نصرف عشرات الجنيهات ( كازينو النيل الازرق ، جي بي ، صحاري .. إلخ ) لا نرتاد الامكان الشعبية إلا بعد الفلس

حبيبنا عباس محلات السوريين شغالة صح .. والسوداني يحب الأكل الطاعم والنظيف .. ملاحظة مهمة للمستثمر في العاصمة .. محل كارب وسوريين وعمال حبوش

معليش حبيبنا ناصر .. طولت عليك .. بوست جميل .. وكان موضوع ونسة في جمعيتنا يوم الجمعة ..

سلام ناصر وضيوفه الكرام

بس ان شاء الله مانسمع السوريين باعوا الشاورمة من لحم الكلاب والحمير للسودانيين العبيد

بالمناسبة السوريين عاديننا عبيد ولأنهم مضطرين لجأوا لبلاد العبيد المغفلين عشان يسكنوا

فى كافورى ويفتحوا المطاعم ويغنوا ويعملوا قروش وبعد داك يهاجروا لأوربا والبلاد النضيفة

ويسيبوا العبيد فى فقرهم وزبالتهم زى ماقال السورى فى الفيس بوك

تحياتى

تحياتى

سلام وتحية أخي ناصر وتحية لزوارك الاكرام ..

من المعرف بأن أغلبية السوريون أصحاب مهن يحتاج لها المجتمع ، تجدهم في المنطقة الصناعية
يجودون عملهم .. وفي المطاعم أيضا لهم باع طويل ويقدمون خدمة ممتازة ..

من الجيد اعانتهم ليقوموا باعالة انفسهم وآخرون ..

ويجب على ديوان الزكاة والمنظمات الأخرى أيضا التركيز على دعم السر الفقيرة في السودان (وهم الأولى)
ليخرجوا من دائرة الفقر الى الانتاج ونفع المجتمع .. صحيح هي مهمة ليست بالسهلة ولكن خطوة وخطوة يكتمل الحلم

على سياق المثل السعودي " النخله العوجه "

قايمة جوه البيت وثمارها للجيران

دا موضوع يستاهل بوست بحالو.. ولكن..
من دواعي السرور، نرحب بالٱخوه من دولة جنوب السودان وبالإخوه السوريين اللاجئين(كليهما) في بلدهم الثاني السودان وياريت السودان "غابه" وباقي الناسحطابه...

من الناحيه الأخري الواحد لما يقارن وينظر لكيفية تعاملنا مع ،إخوتنا من دولة جنوب السودان اللاجئين بالنيل الأبيض وكيف جادعنهم في معسكرات نائيه بالجبلين ومسكننهم في خيام مرتهله وفي وضع بيئي ، صحي وإقتصادي مزري يجد الفرق بائن وكبير إذا ماقارناهم باللاجئ السوري والذي يسكن لا في خيام للاجئين بل يسكن في قلب عواصم المدن السودانيه وكيفية تقديم الخدمات له تعتبر راقيه.

إخوانا لاجئي دولة جنوب السودان هم جزء لايتجزأ منا(مشتركين في المصير بكل تفاصيله) والسودان الشمالي الحالي قام علي موارد الجنوب بل إتبني بأيدي إخوتنا الجنوبين من ضمن غيرهم(المباني الشاهقه بالعمارات، المنشيا، كافوري، الصافيه وغيرها) كل شي فيها من بنيه تحتيه شوارع، مستشفيات، مدارس، القصر الجمهوري، المجلس الوطني وحتي جامعاتنا الإسلاميه ومسجد الشهيد كل هذا قد تم تشيدوا بقوة عضلهم الجسماني ولم يكن بالرافعات والفوركليفتات وقتها..

فمن باب اولي هذه المعدات الإنتاجيه والمساعدات الماليه برضها تقدم للاجيئ دولة الجنوب بنفس الطريقه القدمناها للإخوتنا السوىيين وان نسكنهم بقلب الخرطوم وفي داخل بيوتنا كما يتفاخر ويتباهي البعض منا بان يفتحوا بيوتهم وقلوبهم للإخوه السورين!!

هل اولي بهذا الكرم "الطائي" إخوتنا بدولة الجنوب الشقيقه ام إخوتنا بدولة سوريا!!!!

نضع إخوتنا في العراء وفي خيام وفي وضع معيشي صعب وكانهم جربانين وفي نفس الكفه الأخري نضع الناس البعاد منا في قلب مدننا ونتنافس في خدمتهم وإعلامنا بكل فخر مسخر لهم ويتباهي بتقديم كل مايملك لأجل راحتهم علي حساب المواطن الغلبان وعلي حساب إخوتنا بدولة الجنوب!!

تتسابق وتتنافس منظماتنا الخيريه لتقدم آخر ما عندها من مشاريع إنتاجيه للإخوه السوريين ولأسرهم وتترك اهلنا الجنوبين في أقاصي النيل الابيض للأمرين!!

العدل يقتضي مادام حجزنا إخوتنا الجنوبين في مناطق نائيه وفي معسكرات مخصصه للاجئين كان برضوا يكون نضع معهم السوريين في معسكرات والكل يكون تحت مظلة الامم المتحده (موت الكتيره عيد) ..

لكن، ماحدث والله امر مخزي وماعندو اي تفسير غير أننا ناكرين للدم واللحم(من باب الوطن الواحد الكان) وناكرين فضل الجنوب كموارد علي دولتنا وعملية إستغلالنا لها في بناء السودان الحالي!

كل العساكر والسياسين بدولة السودان ماكان قرأوا ولاكان وجدوا هذه المناصب ولامطخ العيش الهم فيه الآن، لولا موارد جنوب السودان الوفيره التي كاوشناها وسرقناها منهم ولم نقدم لهم اي مقابل يذكر طيلة تلك المده الماضيه ليعتمدوا عليه في بناء دولتهم!!


.

السوريين يستاهلوا اكتر من كده ولو السودان عنده امكانات المفروض يمدهم باكثر من ذلك.. فلسوريا افضال على السودانيين فقد اوت طلابنا وكثر منا خريجو جامعة دمشق .. سوريا كانت حتى وقت قريب مأوى لآلاف السودانيين الذين لجاوا اليها بسبب الحروب والفقرالشوام هم من ادخلوا الأصناف الراقية من البضائع من منسوجات وموادغذائية وذلك منذ السلطنة الزرقاء مرورا بكافة العهود.. اليوم ورغم ظروفهم ومعاناتهم الا انهم يعملون بايديهم وياكلوا من عرق جبينهم.. ياتي توزيع هذه المعدات لانهم اشتهروا بصناعة لذيذ الطعام بل هم من ادخل الكثير من الماكولات والمطبوخات المعروفة اليوم في السودان.. وان يعانوا بالمعدات خير من ان يعانوا بقليل المال.. هذا يساعدهم على الانتاج فيستفيدوا من ريعها ونستفيد من خبراتهم وابداعاتهم.ياخي نحن الان بنعين في الجنوبيين يا ناصر البحاربونا والمتربصين بينا وهم سبب تخلفنا عن ركب الامم تقول لي السوريين الطيبين ديل؟؟السوريين احتلوا هجليج قبل كده وخسرونا ما خسرونا؟؟!!هاك راجع الخبر ده للذكرى يا ناصر:
جنوب السودان تحتل هجليج النفطية/2012/4/10
احتلت قوات عسكرية من دولة جنوب السودان اليوم الثلاثاء مدينة هجليج السودانية الغنية بالنفط الواقعة على الحدود بين البلدين، وذلك بعد ساعات من اتهام دولة الجنوب للخرطوم بجرح أربعة مدنيين في تجدد لقصف أراضيها على طول الحدود المشتركة بين البلدين قرب منطقة أبيي.وقال مراسل الجزيرة المسلمي الكباشي إن الهجوم الذي شنته قوات الحركة الشعبية بقيادة رياك مشار نائب رئيس جنوب السودان كان كبيرا ومن ثلاثة محاور، وإنه أوقع خسائر كبيرة جدا. وأضاف أن سيطرة دولة جنوب السودان على منطقة نفطية مهمة تابعة للسودان تطور كبير من جانبها، وأنه قد يضع في يدها ورقة قوية للمفاوضات، كما أن الخيارات محدودة أمام الحكومة بالخرطوم لأن استخدام سلاح الطيران لاستعادة السيطرة بهذه المنطقة سيشكل خطرا على مصادر النفط. ونقل مراسل الجزيرة نت عن مصادر بالمنطقة قولها إن العاملين بحقول النفط السودانية بالمنطقة قد غادروها بعد اغلاق آبار البترول تحسبا لأي أضرار قد تلحق بها. كما تمكنت قوات سودانية من إجلاء عمال نفط آخرين إلي مواقع أخرى. ولم يصدر تعليق من الخرطوم حول هذه التطورات. وكانت المنطقة قد شهدت هجوما مماثلا بالرابع والعشرين من الشهر الماضي لم يكتب له النجاح رغم إعلان رئيس حكومة جنوب السودان سلفاكير ميارديت عن احتلال قوات جيشه للمنطقة. وأصدرت القوات المسلحة السودانية بيانًا بالـ31 من الشهر الماضي كشفت فيه عن حشود عسكرية لقوات الجيش الشعبي والحركات المتمردة الأخرى المدعومة من دولة جنوب السودان جنوب منطقة هجليج بولاية جنوب كردفان بغرض الهجوم عليها مرة أخرى، بينما تصدت القوات لهجوم على منطقة تلودي بالولاية ذاتها وفق البيان. وأوضح ذلك البيان أن القوات المسلحة "تصدت لفلول المتمردين المدعومين بالدبابات والمدفعيات من دولة جنوب السودان تم صدهم وتكبيدهم خسائر كبيرة في الأرواح والمعدات. وتضم هجليج حقل نفط كبيرا على الجانب السوداني من الحدود ينتج نحو نصف إنتاج السودان من النفط الخام البالغ 115 ألف برميل يوميا، وقد حصل السودان عليه بموجب حكم لمحكمة التحكيم الدائمة في لاهاي عام 2009، غير أن أجزاء من المنطقة الحدودية لا تزال محل نزاع. وتأتي هذه التطورات بعد ساعات من إعلان وزير إعلام جنوب السودان بارنابا ماريال بنجامين أن أربعة مدنيين بينهم طفل أصيبوا بجروح عندما قصفت الطائرات السودانية منطقة أبيمنون على بعد حوالى أربعين كلم من الحدود بين البلدين. وأضاف "الهدف كان جسرا إستراتيجيا في أبيمنون" متهما الجيش السوداني بالتحرك للاستيلاء على حقول النفط بولاية الوحدة بجنوب السودان حيث تقع أبيمنون، دون أن يوضح ما إذا كان الجنود السودانيون قد دخلوا فعلا أراضي الجنوب، لكنه قال إن لواءين من القوات المسلحة السودانية مدعومة بـ16 دبابة "ومليشيات موالية للخرطوم" تتقدم باتجاه الولاية.وكان الرئيس السوداني عمر حسن البشير قد اتهم أمس الاثنين الجار الجنوبي بتسليح وإيواء "حركات دارفورية مسلحة متمردة" معتبرا أن التعديات والخروق من قبل جوبا تمثل روحا عدوانية غير مبررة، لكنه جدد تمسكه بحل المشكلات عبر الحوار والتفاوض.وأكد البشير أن استمرار دعم "الدولة الوليدة" لمجموعات مسلحة من ولايتي جنوب كردفان والنيل الأزرق رغم أنهما لم تعودا تابعتين للجنوب "تصرف غير مقبول نهائيا بالنسبة للخرطوم، وقد ثبت تورطهم في تلك الأفعال بالأدلة والتصريحات".يُذكر أن البلدين خاضا معارك عنيفة يومي 26 و27 مارس/ آذار الماضي، بعد أقل من عام علىتقسيم السودان في تموز/ يوليو 2011. وما زال الطرفان يتبادلان الاتهامات بمواصلة الهجمات.
المصدر : الجزيرة + وكالات

تشرين 24/10/2012 7800 طن من فستق العبيد إنتاج حماة مختار سلهب يحتل إنتاج محصول فستق العبيد في محافظة حماة المرتبة الثالثة من بين المحاصيل التكثيفية الصيفية التي يرغب الفلاحون في زراعتها كونها تدرّ أرباحاً جيدة عليهم خلال فترة قصيرة تتراوح بين 4-6 أشهر، ويتراوح إنتاج الهكتار الواحد بين 4-5 أطنان من قرون الفستق التي تزرع في منطقة الغاب بعد محصولي القطن والتبغ، كما قال المهندس أوفا وسوف من هيئة تطوير الغاب، مشيراً إلى أن المساحات المزروعة بهذا المحصول في منطقة الغاب تقدّر بنحو 8 آلاف دونم، وتتركز زراعته في مناطق جب رملة والتريمسة والمغير والجبين وتل ملح. وذكر وسوف أن المحصول يتطلب حفظه في مخازن جيدة التهوية مع وضع العبوات على ألواح خشبية لمنع ملامستها لأرضية المخزن سواء أكانت ترابية أم إسمنتية، وترك مسافات بين العبوات للتهوية لمنع تعفن المحصول والحفاظ على جودته لأطول فترة ممكنة لدى المزارعين. وأكد رئيس دائرة الثروة النباتية في زارعة حماة المهندس محمد كنيفيد أن أكثر مناطق زراعة وإنتاجاً للمحصول تتركز في مناطق كفرزيتا ومحردة والبساتين المحيطة بمدينة حماة وذلك لملاءمة أراضيها الزراعية لهذا المحصول وتوافر مياه الري وملاءمة المناخ لكل مراحل النمو. ولفت إلى أن أسعار فستق العبيد تشهد ارتفاعات جيدة في السوق المحلية، وبلغت حدود 250 ليرة للكغ الواحد المقشور والمحمص لبيع المفرق، ويمكن الاستفادة من مخلفاته النباتية التي تستخدم علفاً ذا قيمة غذائية عالية للثروة الحيوانية حيث تباع شجيراته بعد القلع بأسعار جيدة لمربي الثروة الحيوانية الذين يحتفظون به لفترات الشتاء بعد تجفيفه. وذكر كنيفيد أن المساحات المزروعة بمحصول الفستق العبيد (الفول السوداني)، لهذا الموسم تجاوزت 18 ألف دونم في مجال زراعة حماة والغاب، ومن المتوقع أن يصل إنتاجها إلى أكثر من 7800 طن. http://tishreen.news.sy/tishreen/public/read/271179http://tishreen.news.sy/tishreen/public/read/271179
المصدر : http://sudaneseonline.com/board/58/msg/%3f-%d9%81%d8%b3%d8%aa%d9%82-%d8%a7%d9%84%d8%b9%d8%a8%d9%8a%d8%af...-%d9%88%d8%b6%d8%b1%d8%a8%d8%a9-%...1%21-1356382219.html

___--------

شوفوا مقداركم عند السوريين يا

السوريين فتحو بلادهم للسودانيين بدون فيزا وأيضا بدون جواز سفر (بالبطاقة الشخصية) فقط

"من دواعي السرور، نرحب بالٱخوه من دولة جنوب السودان وبالإخوه السوريين اللاجئين(كليهما) في بلدهم الثاني السودان وياريت السودان "غابه" وباقي الناسحطابه... "

نعم ، واكثر من ذلك ماذا فعلت الحكومة والمنظمات السودانية للاجئي دارفور وجبال النوبة ؟ لم نر اي مبادرات بشأنهم
الزاد لو ما كفا ناس البيت يحرم على الجيران

السلام عليكم,,


إذا كان لا بد مما ليس منه بد,,
وليس بالإمكان غير هذا,,
نظرة إيجابية للموضوع قد تكون مفيدة..

فلنتعلم منهم ويتعلم العامل السوداني داخل السودان مهاراتهم في العمل
وإنضباطهم وتجويدهم وإلتزامهم وتفانيهم خاصة في مثل هذه الحرف البسيطة..

عمالتنا لا تزال تفتقر للإنضباط والإلتزام والمهنية المطلوبة في كثير من
الحرف والأشغال,,

إتجاه معظم أصحاب الأعمال ونجاح أغلبهم يرجعه البعض لإستخدامه لعمالة
وافدة تجيد وتجود ومنضبطه في حضورها وإنصرافها وملتزمة تماما لعقد
عمل ملزم مما قد يوفر راتب مجزى,,


تحياتى

عمالتنا لا تزال تفتقر للإنضباط والإلتزام والمهنية المطلوبة في كثير من الحرف والأشغال,,

====================
مع التحية لصاحب البوست ..
حبببنا أيمن الطيب ..
صدقت في هذه العبارة .. صدقني لم نعرف ما هي المهنية والانضباط والالتزام إلا بعد
الاغتراب والاحتكاك بالاجناس الاخرى ..
لاحظت محلات السوريين نموذج للتعلم ..

شكراً أيمن ..
وشكراً ناصر

منظمة ذي النورين الخيرية هي منظمة وطنية خيرية أنشئت في العام 2003م بالخرطوم بجهود مجموعة من الخيرين وأهل الفضل والعلم من أصحاب التخصصات المختلفة لتكون إضافة حقيقية في ساحة العمل الإنساني في السودان. ولقد أصبحت المنظمة خلال سنوات قليلة إحدى المنظمات الفاعلة في مجال العمل الخيري والإنساني، ومنذ إنشاءها أخذت على عاتقها أن تصل بأياديها البيضاء إلى من تستطيع الوصول إليه من المحتاجين، وتهدف المنظمة للمساهمة في تحقيق المبادئ الإسلامية السامية من خلال تقديم المساعدات للمحتاجين، كما تسهم في الدعوة والتعليم و بناء دور العبادة والمدارس والمستشفيات والمساكن وحفر الآبار وغيرها من المرافق، وعمليات الإغاثة في المناطق المتضررة من الكوارث الطبيعية وويلات الحرب ومساعدة الفقراء فيها بشتى أشكال المساعدات الممكنة.

مع إتفاقى مع كل وجهات النظر التى وردت فى هذا البوست أود أن أدلى بشهادتى فى حق منظمة ذو النورين الخيريه والقائمين عليهاالمنظمة تستقطب الدعم من المانحين والخيرين حول العالم لمشاريع يحددها المانح ,اغلب المشاريع فى مجال مكافحة العطش وإنشاء المدارس والمساجد والمستشفيات والرابط التالى لموقع المنظمة لمذيد من الإطلاع

http://norain-sd.org/؟cat=11http://norain-sd.org/؟cat=11

التعديل لتصحيح الرابط

Quote: الزاد لو ما كفا ناس البيت يحرم على الجيران

هذا مثل جبان جداً وتافه ولا يمثل السودانيين المشهورين بالكرم والتضحيات والشهامة وغوث المضطر

وهو فوق ذلك مفارق لروح الإسلام والمسلمين والأخلاق النبيلة والحس الجمعي والمشاركة المجتمعية ويدعو للأنانية وحب الذات

أين "ويؤثرون على أنفسهم ولو كان بهم خصاصة"؟ اللهم أني أبرأ إليك من هذا المثل ومن يعمل به


تفسير { ويؤثرون على أنفسهم ولو كان بهم خصاصة } :
في الصحيح عن أبي هريرة وغيره أن رجلا من الأنصار نزل به ضيف فلم يكن عنده إلا قوته وقوت صبيانه ، فقال لامرأته : نومي الصبية ، وأطفئي السراج ، وقربي للضيف ما عندك ، فنزلت هذه الآية : { ويؤثرون على أنفسهم ولو كان بهم خصاصة } .

الاخ كمال
دي اية بتقول
يَسْأَلُونَكَ مَاذَا يُنفِقُونَ ۖ قُلْ مَا أَنفَقْتُم مِّنْ خَيْرٍ فَلِلْوَالِدَيْنِ وَالْأَقْرَبِينَ وَالْيَتَامَىٰ وَالْمَسَاكِينِ وَابْنِ السَّبِيلِ ۗ وَمَا تَفْعَلُوا مِنْ خَيْرٍ فَإِنَّ اللَّهَ بِهِ عَلِيمٌ (215)
(إن الله تعالى يوصيكم بالأقرب فالأقرب)
دا برضو حديث
تحياتي

غض النظر عن صحة الحديث يا يوسف
فالسورييون هم الأقرب للسودانيين
ومعنى الحديث على علته لا يتعارض مع الإيثار بل يدعمه

نفّذ!!

مع انك فطيت الاية ومشيت للحديث طوالي ولمحت لضعفه
باي معيار السوري اقرب ليك من الجنوبي ؟
؟
تحياتي

"هذا مثل جبان جداً وتافه ولا يمثل السودانيين المشهورين بالكرم والتضحيات والشهامة وغوث المضطر "

لا اعتقد بأنه أتفه من وصفك له ، وعلى اقل تقدير هذه ليست التعابير المناسبة لوصف او تقييم اي ملمح من ملامح الثقافة الشعبية
السودانيين لو كرام وشهمين بالجد يلموا نازحي جبال النوبة ودافور ويبعدو من الشغل الرخيص بتاع الشو الاعلامي ، قل لي ما هو المثل الذي يمثلك في مثل هذه المواقف ؟
قال غوث المضطر ! في مضطر اكتر من اهلنا وناسنا ؟ في مضطر اكتر من ال140 الف طالب ابتدائي البمشو المدرسة بدون فطور ؟
في مضطر اكتر من ارباب المعاشات البستلفو حق المواصلات لاسبوع كامل لكي يحصلو على 500 جنيه ؟
في مضطر اكتر من اطفال الدرداقات السابو مدارسهم وشايلين الشمس فوق راسهم اليوم كلو عشان الواحد يطلع بي 30 جنيه ؟
البلد نصها بقا ستات شاي وستات كسرة البلدية تساكك فيهم من ضل لي ضل حياتهم ما فيها غير الذل والفاقة ، هل يمكن لسيدة عمرها 50 سنة ان تحتمل قسوة المجتمع وكشات الشرطة والنظام العام لولا انها مضطرة ؟
انت زول حلقوم ساي تبكي وماك عارف الميت ..

سلام يا فرانكللى,,

Quote: فالسورييون هم الأقرب للسودانيين

بياتو منطق وياتو فهم عندك السوريين اقرب للسودانيين
من الجنوبيين أو من الأثيوبيين أو غيرهم من جيرانا وأهلنا البالحيطة ديل!!!!!
فسر لو ممكن,,

تحياتى,,,

فالسورييون هم الأقرب للسودانيين

فرانكلي
============================================

ممكن تحدد لينا اوجه القرب؟

ما وزعوا مع الماكينات دي كناضم

ليس بالضرورة أن تشارك في كل بوست!!
وليس مهما أنك تقول رايك في اي موضوع!!
قالو القحة ولا صمة الخشم وبرضو قالو لو كان الكلام من فضة فمرات السكوت من دهب ياخ..

الملافظ سعد فعلا والله,,

لزومو شنو هسه التعليق الغريب دا؟؟؟

ماهذا التناقض...شخ يحتج علي اليمين العنصري في المانيا لانه ضد السوريين بينما هو ضد الجنوبيين في بلدهم ويطلب من الغرب المسيحي بمساعدتهم...هل نسيت عيش ريغن وسودان كول...صورة بروفايلك توضح نفسيتك وعنصريتك البغيضة...السوريين ديل لا بشبهونا ولا قريبين مننا ولا الله قال..

الشوام عموما عشنا معاهم وجاورناهم فى المغترب

وهم يعتبرون السودانيين عبييييييييد

المبسوط بالوصف دة يسكنهم فى بيته

ويمسح كنادرهم يعنى جزمهم بالسورى

فعلا بعض السودانيين ملازماهم عقدة نقص اللون الأبيض

تحياتى

السودان في حوجة لمليون سوري ومليون جزائري ومليون مغربي ونصف مليون فلسطيني ومليون تركي كأخوة لنا في الوطن لا لاجئين لدعم الإقتصاد السوداني

المهم هو توزيعهم في أرجاء السودان ومدنه وعلى الدول العربية خاصة الخليجية دعمهم بمعينات الانتاج لرفد السوق السوداني بخدمات جيدة ومنتجات شغلت بأيدي ماهرة

بخصوص الجنوبيين ومعاملتهم كلاجئين هو الوضع الأفضل لهم ويتيح لهم تلقي المساعدات الإنسانية من المفوضية السامية لشؤون الاجئين
وهو من جهة أخرى معاملة بالمثل للسودانيين الموجودين في دويلة جنوب السودان إذ تعاملهم دويلة جنوب السودان كلاجئين.

وكما قلت سابقاً الملايين الفوق دي أقرب لنا من جيراننا الجنوبسودانيين ونطلب من الدول الغربية أن تعين الجنوبسودانيين من أجل الإنسانية وأن تدفع لحكومة السودان الملايين من اليورهات لشراء الإغاثة من السوق السوداني.


بالنسبة لموضوع البوست

المساعدة جاءت من قطر ومن غير اللائق أن نقول لقطر لا تعطي زيد أو عبيد من الناس

وبالمناسبة قطر أفضالها على السودان لا ينكرها إلا مكابر

وأخرها العشر مجمعات سكنية خدمية بدارفور بمبلغ أكثر من 60 مليون دولار

ستات الشاى .. ستات الشاى عوووووووووووووووووووك ماتجيبوا ليهم عدة ( براريد ملاعق ترابيز بنابر) ويامحلبية أرحميهم من الرسوم عشان يعولوا أسرهم بلقمة عيش كريمة فى البلد العجيبة دى .

فرانكلي انت واحد عنصري بغيض وكريه

والله جزمة الجنوبسوداني تسوى مليون سوري عنصري معفن حقير

فاهم وللا لأ

اي مساعدات ما تشمل اهلنا النازحين من دارفور وحبال النوبة

وجنوب السودان وجنوب النيل الازرق وتعطى للسوريين فقط

دي تعتبر اعانات مقصودبها عنصرية بغيضة والسوريين

لا يشبهونا في اي شيء والحمدلله

امشي انت امسح جزمهم براك عشان تشبع عقدتك

الجنوبيين اخواننا عدييييل بالدغري كدا دم ولحم

مافي مشكله السودان، بقيادة الإخوان المسلمين، يقدم مساعدات لللاجئين بأراضيه(اي كانوا) لكن المشكله تكمن في إسلوب معاملته لللاجئين بتاع "الخيار والفقوس".

كدا ممكن يخلينا نشك في اللاجئين السورين ويحق لنا القول بانهم إخوان مسلمين بتاعين سوريا الفروا من دولتهم بعد ان خربوها، وينتمون لتنظيم الإخوان العالمي.
أتو او أوتي بهم للسودان selectively لانه يكاد يكون الدوله الوحيده بالإقليم الفاتح أبوابه لأعضاء تنظيم الأستاذ حسن البنا!

طبعٱ:
مصر مقفوله في وشهم!
السعوديه كذلك
الأردن برضو
الأمارات نهي
المغرب العربي دا انساهو خالص!
العراق ، اليمن، لبنان ديل ناس الحسن والحسين!
مافي وجهه اخري مفتوحه في وجوههم غير دولة نظام الترابي بقيادة البشير!

لذا تجد السودان ، سخر لهم كل مايملك "ليكرم مثواهم" وعليه قدم لهم مساعدات "هبطرش" ثم وظف مجموعه هايله من كوادره(جهات حكوميه، منظمات وافراد) لخدمتهم وتدريبهم وتمليكهم معدات للإنتاج، لكي يكونوا منتجين ، ليصب ريعهم في بنوك الحركه الإسلاميه العالميه!

ولانستبعد لو سمعنا قرار من وزارة التربيه و التعليم لتقدم لهم منح دراسيه وعلي كل المستويات!

في نظام حسن البنا العالمي لاحدود جغرافيه تاطر اعضائه عن بعضهم البعض !

بذلك المفهوم نجد اي سوري من طرف هو مواطن سوداني درجه اولي وبإمتياز.

دا ناهيك من اللاجئين بتاعين دولة الجنوب المسيحيه الكافره ديل موضوعهم بقي مامحل نقاش وما اظن يتغالطوا فيه إتنين من الجبهجيه!

لكن، تعال شوف اللاجئين السودانين بتاعين دارفور، جنوب كردفان، والنيل الازرق تجدهم درجه ثالثه بالنسبه للاخ المسلم الجاي من جزر الواغ واغ!

السوري مواطن درجه اولي!
السوداني الجبهجي الأسمر بمافيه الرئيس البشير هو درجه ثانيه!
السوداني من دارفور، النيل الأزرق، جنوب كردفان هو درجه ثالثه!
السوداني الجنوبي دا انساه خالص!

..

الشوام عموما عشنا معاهم وجاورناهم فى المغترب وهم يعتبرون السودانيين عبييييييييد المبسوط بالوصف دة يسكنهم فى بيته ويمسح كنادرهم يعنى جزمهم بالسورى فعلا بعض السودانيين ملازماهم عقدة نقص اللون الأبيض تحياتى
المصدر : http://sudaneseonline.com/board/490/msg/%d8%aa%d9%88%d8%b2%d9%8a%d8%b9-%d9%85%d8%b9%d8%af%d


..


..
ديل هربوا من خطر الموت فى شرق سوريا .. ماكان هدفهم دولة معينة أو معاملة خاصة ولا شىء .. فترة ويرجعو لبلدهم

والغالبية من الذين إستقرو فى السودان أكراد .. والبقية سوريين هدف الكثير منهم العبور فقط ..

الأكراد ناجحين جدا لكن بعضهم يجد صعوبة فى التحدث باللغة العربية ..

الجنوبيين أيضا عادو من يوغندا وإستقرو فى الخرطوم وشغالين وما عندهم مشكلة ..

المشاكل عند المغتربين السودانيين ..


..

فرانكلي
شخص موغل في العنصرية
شوف التعبير
دويلة جنوب السودان

شخصيا اعتقد أنه السوريين ممكن يكونوا محتاجين مساعدات
و فعلا مرحب بيها لمن تكون جاية ليهم من مصدر اجنبي

المهم التعامل مع كل اللاجئين عبر المساعدات
الوطنية يكون متساوي، يعني معاملة
لاجئين الجنوب و اثيوبيا و اريتريا على قدم سواء مع السوريين
و خلونا من عقدة النقص اللونية دي

لا زلت اعتقد أن لاجئيي دولة الجنوب يستحقون معاملة اكثر تفضيلا
كونهم جزء من السودان و الكثير منهم تعلموا و تربوا فيه