نيويورك ترحب بوفد وزارة الداخلية وتعلن بدء اجراءات الوفد بالقنصلية الأربعاء القادم

09:54 PM March, 02 2017

سودانيز اون لاين
حسن حماد محمد-نيويورك
مكتبتى
رابط مختصر

وذلك بمبانى القنصلية بمدينة منهاتن

من يوم الأربعاء 8 مارس

مرحب بالوفد ونشيد بكل من لديه اجراء الحضور لمكاتب القنصلية

على شارع

47th Street - between First and Second Avenues

حسن حماد أختشي.

حسن حماد أختشي.

دينق تعال قدم للقرين كارد ....

أنا بعمل ليك ضمان

الرقم الوطنى مجانا يتطلب للكبار جواز سفر سودانى - جنسية سودانية - شهادة ميلاد سودانية

للتسهيل الرجاء احضار اى مستند سودانى لديك

الرقم الوطنى للأطفال المولودين خارج السودان

1- شهادة ميلاد من بلد الميلاد

2- صورة للرقم الوطنى للأم أو الأب

3- مثول كامل لاكمال الاجراءات لأطفاله

فى حالة عدم حضور الأب يجب ارفاق خطاب عدم ممناعة من السودان أو سفارة السودان فى مجل اقامة الأب

كما يمكن ارسال ذلك الخطاب بأى وسيلة اتصال زز

يتبع ...

شكرا للمعلومات يا حسن حماد بس اذا عندك جواز سفر النوع القديم الما الكتروني ومدته منتهيه ممكن ينفع لاستخراح الرقم الوطني..ِوالجماعة ديل بيطلعوا الجواز الالكتروني..خلاص مدتنا في امريكا حتنتهي بعد شهور قليلة وسمعنا ان استخراج هذه الاوراق في السودان شبه مستحيلهِِ..لا زلنا في اجازه سياحيه في الشلالات وان شا الله نقدر نحصلهم ِِِ
ودمت بخير

( الرقم الوطنى للأطفال المولودين خارج السودان 1- شهادة ميلاد من بلد الميلاد )

سلام يا حسن حماد

نظام الانقاذ امره غريب وعجيب واى زول شغال بمزاجه !
اعتماد شهادة ميلاد الطفل من بلد الميلاد هو الاجراء الطبيعى لانو شهادة ميلاد اى بنى ادم من اختصاص الدولة التى اتولد فيها .. لكن لما قلنا الكلام ده ناس جعفر سومى فى سفارة لندن قالوا لينا اطلعوا من البلد !
هل تصدق سفارة السودان فى لندن بتستخرج لابناء السودانيين المولودين فى بريطانيا شهادات ميلاد سودانية والحجة والمنطق شنو ؟ قالوا عشان بموجب الشهادة يقدروا يتحصلوا على اوراق ثبوتية سودانية مثل الرقم الوطنى والجنسية والجواز مع انو نحن الناس المولودين فى السودان بلدنا ووطنا ووطن ابهاتنا واجدادنا عندما تحصلنا على الاوراق الثبوتية من جنسية وجواز سفر طالبونا بجنسية الاب او العم ( يعنى جنسية زول مطابق لاسمك ) ولم تكن شهادة الميلاد هى المستند الاساسى فى الحصول على الجنسية السودانية لانو شهادة الميلاد عبارة عن تاريخ ميلاد ومكان ميلاد مع توضيح اسم الابوين وضربت ليه امثلة برضو بانو فى ناس من اصول سودانية يحملون جوازات اوربية عندهم اطفال اتولدوا فى السودان وبموجب شهادة الميلاد السودانية للطفل وجواز والده الاوربى الطفل اتحصل على جنسية الدولة الاوربية التى يحملها والده من سفارة الدولة الاوربية المعنية فى الخرطوم ومافى زول طالبوه بان يمتلك شهادة ميلاد الدولة الاوربية المعنية لانهم عارفين الطفل ده مولود فى السودان وهى الدولة المعنية بشهادة ميلاد الطفل !

شكرا للمعلومات يا حسن حماد بس اذا عندك جواز سفر النوع القديم الما الكتروني ومدته منتهيه ممكن ينفع لاستخراح الرقم الوطني..ِوالجماعة ديل بيطلعوا الجواز الالكتروني..خلاص مدتنا في امريكا حتنتهي بعد شهور قليلة وسمعنا ان استخراج هذه الاوراق في السودان شبه مستحيلهِِ..لا زلنا في اجازه سياحيه في الشلالات وان شا الله نقدر نحصلهم ِِِ
ودمت بخير


الأخت بسمات سلامات

استخراج الرقم الوطنى فى السودان أسهل من شربة ماء

وما أعلمه أن وفد الداخلية الزائر يحاول بكل طريقة مساعدة الناس فى استخراج الرقم الوطنى وبقية الأوراق الثبوتية

ديدنهم التسهيل كما علمنا من تجاربهم فى الولايات الأخرى

مرحبا بك وياريت اقامتك تطول بالولايات المتحدة

عتماد شهادة ميلاد الطفل من بلد الميلاد هو الاجراء الطبيعى لانو شهادة ميلاد اى بنى ادم من اختصاص الدولة التى اتولد فيها .. لكن لما قلنا الكلام ده ناس جعفر سومى فى سفارة لندن قالوا لينا اطلعوا من البلد !
المصدر

حبابك الف اخى حاكم

اذا فهمت قصدك صحيحا فليس هناك التباس

شهادة الميلاد لاثبات تاريخ الميلاد

والرقم الوطنى لاثبات سودانية الوالدين

ويمكن أن تكون جواز الوالدين

لا ارى اشكال فى ذلك

شكرا للمرور

( اخى حاكم اذا فهمت قصدك صحيحا فليس هناك التباس شهادة الميلاد لاثبات تاريخ الميلاد والرقم الوطنى لاثبات سودانية الوالدين ويمكن أن تكون جواز الوالدين لا ارى اشكال فى ذلك )





الاخ حسن



الاشكال فى شهادة الميلاد يا حسن هل سمعت ليك بشخص عنده شهادة ميلاد فى اكثر من بلد ؟ ما معنى ان تستخرج شهادة ميلاد سودانية لشخص مولود فى بريطانيا وهل هذا الاجراء صحيح ؟ سمعنا باناس عندها جنسيات مزدوجة ولكن لم نسمع باناس عندها شهادات ميلاد مزدوجة !هنالك اوربيين مولودين فى السودان وشهادة ميلادهم سودانية وليس لديهم شهادات ميلاد من بلدانهم الام ولا يحق لهم ذلك مع انهم يحملون جنسياتها وجوازاتها

الاشكال فى شهادة الميلاد يا حسن هل سمعت ليك بشخص عنده شهادة ميلاد فى اكثر من بلد ؟

فعلا فهمت قصدك اوافقك الرأى ربما ليس هناك حوجة

ولكن صدقنى اذا قدمت لأى موظف سودانى شهادة ميلاد اجنبية وخاصة امريكية حايقيق كما يقف حمار الشيخ فى العقبة

أحسن تتحصل على شهادة سودانية ويكون مكتوب فيها محل الميلاد لندن ولا نيويورك

وبرضو ممكن توقف حالك أحسن تقصر وتختصر امورك وتطلع شهادة سودانية وتريح نفسك

فعلا فهمت قصدك اوافقك الرأى ربما ليس هناك حوجة ولكن صدقنى اذا قدمت لأى موظف سودانى شهادة ميلاد اجنبية وخاصة امريكية حايقيق كما يقف حمار الشيخ فى العقبة أحسن تتحصل على شهادة سودانية ويكون مكتوب فيها محل الميلاد لندن ولا نيويورك وبرضو ممكن توقف حالك أحسن تقصر وتختصر امورك وتطلع شهادة سودانية وتريح نفسك


فهم ومنطق غريب كلامك ده يا حسن
لماذا سيقف هذا الموظف كما يقف حمار الشيخ فى العقبة ؟
هل بسبب اللغة ؟ يا اخى لو بسبب اللغة هنالك ترجمة والامريكان والاوربيين ذاتهم بيطالبون بترجمة وتوثيق المستندات السودانية البنقدمها ليهم وبعدين لماذا اصلا موظف مثل حمار الشيخ فى هذا المكان ؟

وبعدين انا بقول ليك انو شهادة الميلاد حق اصيل للدولة المولود فيها الشخص وانت بتوافقنى فى هذا الكلام وتانى تطلب منى فى انى اتحصل على شهادة ميلاد سودانية ؟ !!!
يعنى عشان الموظف حمار نقوم نعمل فعل ما انزل الله به من سلطان.. وحتى مجرد تفكير فى استخراج شهادة ميلاد لشخص مولود فى بلد من بلد اخر زى تفكير حمار الشيخ !

الأخ حاكم حبابك الف

وبعدين انا بقول ليك انو شهادة الميلاد حق اصيل للدولة المولود فيها الشخص وانت بتوافقنى فى هذا الكلام وتانى تطلب منى فى انى اتحصل على شهادة ميلاد سودانية ؟ !!! يعنى عشان الموظف حمار نقوم نعمل فعل ما انزل الله به من سلطان.. وحتى مجرد تفكير فى استخراج شهادة ميلاد لشخص مولود فى بلد من بلد اخر زى تفكير حمار الشيخ !

يا أخى أنا لا أطلب منك ولكن ذكرت لك الأمر كمثال لتفادى التعقديات الاجرائية التى ربما تواجهك فى السودان وأن تحمل شهادة ميلاد من دولة أجنبية وخاصة الغرب

اوافقك الرأى فى عدم المطالبة بشهادة ميلاد مرتين

ولكنك يا صديقى تتحدث عن دولة من دول العالم الثالث ولا الخامس حتى

على كل ارجو أن تكون اللجنة قد اطلعت على كلامك وليه ممكن برضو رايك يجد اذان صاغية ماهو برضو رأى وفهم جميل

اخوك هنا بصدد الاعلان لكل افراد الجالية بنيويورك والولايات المجاورة بالاستفادة من الفرصة

العائد للسودان وخاصة ان لم يكن من سكان العاصمة يضيع عليه وقت غالى وهو يقف على عتبات مكاتب الاوراق الثبوتية

هذه فرصة نادرة ولا تأتى الا بعد سنوات عديدة

وأشكر لك مداخلاتك القيمة اخوى

الحمدلله وصل وفد وزارة الداخلية مدينة نيويورك

الف مرحب

سوف يبدأ الوفد فى تجهيز مكاتبه طيلة يوم الأربعاء

ويبدأ فى استقبال افراد الجالية يوم الخميس

نرجو من الأخوة والأخوات التوجه الى مكاتب البعثة السودانية ابتداء من الخميس

وسوف يتواجد الوفد لما يزيد عن العشرة ايام لتوفير الفرصة لكل من يرغب فى التقديم لأى من المعاملات

على الاخوة الراغبين فى الحصول على الرقم الوطنى محاولة الوصول لمكاتب البعثة فى وقت مبكر

اجراءات الرقم الوطنى مرتبطة بإرسال البصمة للسودان وعليه نرجو الحضور مبكرا لتكملة هذا الاجراء

الأطفال من والدين سودانيين يتم استخراج الرقم الوطنى بإبراز الرقم الوطنى لأحد الوالدين

فى حالة أن تكون الأم غير سودانية لابد من تقديم قسيمة الزواج وجواز الوالدة من بلد المصدر

معظم الاجراءات تتم بعد الحصول على الرقم الوطنى

بطاقة الاقامة لمدة 5 اعوام تستلزم ابراز الرقم الوطنى وكذلك اجراءات الجواز السودانى

يتبع

up

لمزيد من المشاهدة

مازال الوفد يؤدى اعماله بمبانى البعثة بنيويورك

وسوف تكون ساعات العمل يومى السبت والأحد ما بين العاشرة صباحا حتى الرابعة مساء

على الراغبين الحضور مبكرا حتى يتم تسجيل اسماءهم واجراءاتهم بالسرعة المطلوبة

يتبع

Quote: فهم ومنطق غريب كلامك ده يا حسن لماذا سيقف هذا الموظف كما يقف حمار الشيخ فى العقبة ؟ هل بسبب اللغة ؟ يا اخى لو بسبب اللغة هنالك ترجمة والامريكان والاوربيين ذاتهم بيطالبون بترجمة وتوثيق المستندات السودانية البنقدمها ليهم وبعدين لماذا اصلا موظف مثل حمار الشيخ فى هذا المكان ؟ وبعدين انا بقول ليك انو شهادة الميلاد حق اصيل للدولة المولود فيها الشخص وانت بتوافقنى فى هذا الكلام وتانى تطلب منى فى انى اتحصل على شهادة ميلاد سودانية ؟ !!! يعنى عشان الموظف حمار نقوم نعمل فعل ما انزل الله به من سلطان.. وحتى مجرد تفكير فى استخراج شهادة ميلاد لشخص مولود فى بلد من بلد اخر زى تفكير حمار الشيخ !

للفائدة العامة ومن واقعي الشخصي:-

1- احرص على استخراج شهادة ميلاد من دولة الميلاد
2- استخدم نفس شهادة الميلاد لتسجيل مولودك في سجل المواليد في السودان (مواليد الخارج) وبذلك بكون عنده شهادة ميلاد سودانية مذكور فيها مكان الميلاد اسم دولة الميلاد
3- االسنين تجري وبعض المستندات قد لا تكون لها قيمة اليوم ولكن الاحوال تتبدل وعندها قد تكون الحاجة ملحة والحصول على الشهادة بعد سنين بيكون أصعب

تجربتي الشخصية أني مزدوج الجنسية وأولادي مولودون في بلد ثالث، عندهم شهادات ميلاد رسمية من الثلاث دول، توأمي له نفس الظروف لكنه لم يستخرج شهادات ميلاد سودانية، وقبل سنة صار ابنه الكبير (21 سنة)في حاجة لشهادة ميلاد سودانية لأمر مهم جدا ومؤثر جدا في مستقبله، استغرق تصحيح الاهمال هذا أكثر من سنة

تجربتي الشخصية أني مزدوج الجنسية وأولادي مولودون في بلد ثالث، عندهم شهادات ميلاد رسمية من الثلاث دول، توأمي له نفس الظروف لكنه لم يستخرج شهادات ميلاد سودانية، وقبل سنة صار ابنه الكبير (21 سنة)في حاجة لشهادة ميلاد سودانية لأمر مهم جدا ومؤثر جدا في مستقبله، استغرق تصحيح الاهمال هذا أكثر من سنة .

الاخ حسن فؤاد
تحياتى
هل عندما تحصلت على جنسية البلد الاخر التى تحمل جنسيتها طالبوك بشهادة ميلاد من بلدهم حتى تتحصل على جنسيتهم ؟
يا اخى نحن المولودين فى السودان والسودانيين ابا واما وجدا ما اتحصلنا على الجنسية السودانية الا بعد ابرازنا لجنسية الوالد السودانية .. وشهادة الميلاد عبارة عن مستند مثبت فيه تاريخ ميلادك ومكان ميلادك واسماء والديك وهو مستند لا تثبت به شخصيتك لذلك كل دول العالم بتتعامل مع شهادة الميلاد الاصلية وهنا اقصد بالاصلية شهادة الميلاد الصادرة من بلد الميلاد .. عليه اى طفل مولود خارج السودان المفروض يتحصل على الجنسية السودانية بموجب جنسية والده السودانى او والدته السودانية بصرف النظر عن مكان ميلاده وبلد ميلاده وجنسية الوالد او الوالدة هى الفيصل فى ان يتحصل اى شخص جنسية اى بلد حتى لو كانت البلد دى بلده الام ..
يا عزيزى ما تفعله السلطات السودانية اجراء غير منطقى واجراء خاطئ والكلام ده ما موجود الا فى السودان !
يا اخى انا اطفالى مولودين فى بريطانيا واتحصلوا على الجنسية الهولندية بموجب شهادات الميلاد الصادرة من بريطانيا مع ابراز جنسيتى الهولندية ولم يطلبوا ولن يطلبوا بشهادة ميلاد هولندية طالما الاطفال ديل ما مولودين فى هولندا وده اجراء بيحصل فى كل دول العالم الا السودان !

مازال الوفد يواصل اعماله بمبانى البعثة

وتمت اجراءات اعداد كبيرة من أبناء وبنات الجالية

وسوف يستمر الوفد متواجدا بمبانى البعثة طيلة أيام الاسبوع القادم ان شاء الله

مازال هناك متسع من الوقت لمن لم يتمكن من الحضور للبعثة

ويتبع

UP

مازال الوفد يؤدى عمله فى مدينة نيويورك

وسوف يستمر حتى عطلة الأسبوع

السبت وربما ألأحد

وقد استفادت أعداد كبيرة من خدمات وزارة الداخلية

وكما عودونا أهل نيويورك مثال للكرم والمروءة

مازال الوفد يواصل استقبال افراد جالية نيويورك

غدا الأحد اليوم الأخير للوفد